पुणे :  पुणे शहरातील जे खेळांडू राज्य, राष्ट्रीय,आंतरराष्ट्रीय क्रीडा स्पर्धांमध्ये चांगली कामगिरी करून प्राविण्य मिळवितात अशा खेळांडूना पुणे महानगरपालिकेकडून सुधारित क्रीडा धोरण 2018 नुसार प्रतिवर्षी क्रीडा शिष्यवृत्ती देण्यात येते. त्यानुसार 246 खेळाडूंना शिष्यवृत्ती दिली जाणार आहे. वेगवेगळ्या 13 गटांसाठी ही शिष्यवृत्ती दिली जाते. यासाठी महापालिकेला 57 लाख 50 हजाराचा खर्च येणार आहे. नुकतीच याबाबतच्या प्रस्तावाला स्थायी समितीने मान्यता दिली आहे.

 सन २०२१-२२ या आर्थिक वर्षी क्रीडा शिष्यवृत्ती देणेसाठी (कोरोना कालावधी सोडून) मागील दोन वर्षाची खेळाडूंची कामगिरी लक्षात घेऊन क्रीडा शिष्यवृत्ती देण्याची कार्यवाही क्रीडा विभागामार्फत करण्यात येणार आहे. याकरीता जाहिरात देऊन खेळाडूंकडून अर्ज मागवून विहित अटी व शर्ती नुसार पात्र ठरलेल्या खेळाडूंना सन २०२१-२२ करीता क्रीडा शिष्यवृत्ती देण्यात येणार आहे. सन २०२१ – २२ या वर्षाकरिता विहित अटी शर्तीनुसार क्रीडा शिष्यवृत्ती देणेसाठी महापालिका आयुक्त यांची मान्यता प्राप्त झाली आहे. त्यानुसार प्रथम दि. १/०२/२०२२ रोजी जाहिरात देण्यात आली. तद्नंतर
क्रीडा समिती, अध्यक्ष यांच्या तोंडी आदेशानुसार ११ दिवसांची मुदतवाढ देऊन दि. १०/०२/२०२२ रोजी मुदतवाढ जाहिरात देण्यात आली. त्यानुसार अर्ज करण्याची मुदत दि.२१/०२/२०२२ पर्यंत वाढविण्यात आली. विहित मुदतीत शिष्यवृत्तीसाठी एकूण ४५८ अर्ज प्राप्त झाले आहेत. क्रीडा विभागाकडून प्राप्त अर्जाची छाननी केल्यानंतर क्रीडा शिष्यवृत्तीसाठी २४६ खेळाडू अर्जदार पात्र ठरले आहेत. क्रीडा विभागाकडून पात्र व अपात्र अर्जदारांची यादी तयार करण्यात आली असून खेळाडूंना शिष्यवृत्ती देण्यात येणार आहेत. वेगवेगळ्या 13 गटांसाठी ही शिष्यवृत्ती दिली जाते. ही रक्कम 10 हजार पासून 50 हजार पर्यंत आहे. यासाठी महापालिकेला 57 लाख 50 हजाराचा खर्च येणार आहे. नुकतीच याबाबतच्या प्रस्तावाला स्थायी समितीने मान्यता दिली आहे.