PMC Shahari Garib Yojana | पुणे महापालिकेच्या शहरी गरीब योजनेचे कुठल्याही परिस्थितीत खाजगीकरण नाही!

Categories
Breaking News PMC social पुणे

PMC Shahari Garib Yojana | पुणे महापालिकेच्या शहरी गरीब योजनेचे कुठल्याही परिस्थितीत खाजगीकरण नाही!

| महापालिका अतिरिक्त आयुक्त रवींद्र बिनवडे यांनी केले स्पष्ट

PMC shahari Garib Yojana | पुणे महापालिकेच्या (Pune Municipal Corporation) वतीने शहरातील गरीब लोकांना (Poor People) आरोग्य सुविधा (Health service) मिळावी यासाठी शहरी गरीब योजना सुरु केली आहे. मात्र यातून गरिबांपेक्षा धनदांडग्याचाच लाभ होताना दिसत होता. त्यामुळे महापालिका प्रशासनाने या योजनेचे संगणकीकरण (Online) केले आहे. या माध्यमातून महापालिकेला खरा गरीब कोण हे शोधता येणे सोपे झाले आहे. दरम्यान या योजनेचे खाजगीकरण केले जाणार, अशा चर्चा केल्या जात होत्या. मात्र महापालिका प्रशासनाकडून याबाबत स्पष्टीकरण देण्यात आले आहे. कुठल्याही परिस्थितीत या योजनेचे खाजगीकरण (Privatization) केले जाणार नाही. असे महापालिका अतिरिक्त आयुक्त रवींद्र बिनवडे (PMC Additional Commissioner Ravindra Binwade) यांनी सांगितले आहे. (PMC Shahari Garib Yojana)
शहरी गरीब वैद्यकीय सहाय्य योजना (Urban Poor Medical Assistant Scheme) ही पुणे मनपा (PMC Pune) कार्यक्षेत्रातील झोपडपट्ट्यांमध्ये राहात असलेल्या दारिद्रय रेषेखालील पिवळे रेशनिंगकार्ड व ज्या कुटुंबाचे वार्षिक उत्पन्न (Yearly income) १ लाख पर्यंत असणाऱ्या कुटूंबीयांना लागू करण्यात आलेली आहे. शहरी गरीब वैद्यकीय सहाय्य योजने अंतर्गत नागरिकांना सभासदत्व देण्यासाठी नव्याने संगणक प्रणाली विकसित करुन पूर्णपणे कार्यान्वीत करणेत येत आहे. त्यानुसार नागरिकांचे सभासदत्व रजिस्ट्रेशन, व्हेरिफिकेशन प्रोसेस, प्री-अॅथोरायझेशन, बिलींग प्रोसेस याबाबत कार्यवाही करणेत येत आहे. चालू आर्थिक वर्षांपासून याची सुरवात करण्यात आली आहे. सुरुवातीला नागरिकांना याबाबतच्या गोंधळाला सामोरं जावे लागले. मात्र आता यात सुसूत्रितपणा आला आहे. तसेच पूर्वी जी महापालिकेची फसवणूक केली जायची ती देखील कमी झाली आहे. (PMC Pune Health Department)
दरम्यान महापालिकेच्या CHS योजनेप्रमाणे शहरी गरीब योजनेचे देखील खाजगीकरण केले जाणार, योजना विमा कंपनीला चालवण्यासाठी दिल्या जाणार, अशा चर्चा केल्या जात होत्या. मात्र अशा कुठल्याही चर्चामध्ये तथ्य नसल्याचे महापालिका अतिरिक्त आयुक्त रवींद्र बिनवडे यांनी स्पष्ट केले आहे. अतिरिक्त आयुक्तांनी सांगितले कि, या योजनेचा गरीब लोकांना चांगला फायदा होत आहे. त्यामुळे हि योजना महापालिकाच चालवणार आहे. याचा online पद्धतीने लोकांना जास्तीत जास्त कसा फायदा मिळेल, याबाबत आम्ही प्रयत्नशील आहोत. तसेच ही योजना संगणकीय दृष्ट्या अजून मजबूत केली जाणार आहे. त्यामुळे लोकांनी खाजगीकरणाच्या वावड्या वर विश्वास ठेऊ नये, असे अतिरिक्त आयुक्तांनी स्पष्ट केले. (Pune Municipal Corporation)
—–
News Title | PMC Shahari Garib Yojana | There is no privatization of Urban Poor Scheme of Pune Municipal Corporation under any circumstances!| Municipal Additional Commissioner Ravindra Binwade clarified

PMC Pune Employees | BLO म्हणून कामकाज करण्यास महापालिका कर्मचाऱ्यांची टाळाटाळ | जिल्हा प्रशासनाकडून तक्रार 

Categories
Breaking News PMC पुणे

BLO म्हणून कामकाज करण्यास महापालिका कर्मचाऱ्यांची टाळाटाळ

| जिल्हा प्रशासनाकडून तक्रार

पुणे | पुणे शहरातील विधानसभा मतदार संघांमध्ये (Pune Constituency) मतदान केंद्रस्तरीय अधिकारी (BLO) म्हणून कामकाज करण्यासाठी पुणे महानगरपालिकेकडील कर्मचाऱ्यांना (PMC Pune Employees) जबाबदारी देण्यात आली आहे. मात्र या कामात जाणीवपूर्वक टाळाटाळ केली जात असल्याची तक्रार जिल्हा प्रशासनाकडून (District Administration Authority)  करण्यात आली आहे. त्यामुळे आगामी काळात कामात टाळाटाळ केल्याचे सिद्ध झाले तर कारवाई करण्याचा इशारा अतिरिक्त आयुक्त रविंद्र बिनवडे (PMC Additional Commissioner Ravindra Binwade) यांनी दिला आहे.

अतिरिक्त आयुक्तांच्या निर्देशानुसार पुणे शहरातील विधानसभा मतदार संघांमध्ये मतदान केंद्रस्तरीय अधिकारी (BLO) म्हणून कामकाज करण्यासाठी पुणे महानगरपालिकेकडील सेवकांच्या उप जिल्हा निवडणूक अधिकारी, पुणे व मतदार नोंदणी अधिकारी / सहा. मतदार नोंदणी अधिकारी संबंधित विधानसभा मतदार संघ यांचेकडून आदेश निर्गमित करण्यात आलेले आहेत. त्यापैकी काही सेवक निवडणूकविषयक मतदान केंद्रस्तरीय अधिकारी (BLO) चे कामामध्ये जाणीवपूर्वक टाळाटाळ करीत असल्याचे  पत्रान्वये  महापालिका आयुक्त यांना कळविण्यात आले आहे. (pune municipal corporation Employees)

त्यानुसार बरेच कर्मचारी  मतदान केंद्रस्तरीय अधिकारी (BLO) चे कामकाज करत नसल्याचे दिसून आले आहे. सदर सेवकांनी मतदान केंद्रस्तरीय अधिकारी (BLO) कामकाज हे आपल्या पदाचे कामकाजास सांभाळून करावयाचे आहे. तसेच सोबत जोडलेल्या यादीतील
मतदान केंद्रस्तरीय अधिकारी (BLO) यांनी कामकाजामध्ये जाणीवपूर्वक टाळाटाळा केल्याचे सिद्ध झाल्यास “लोक प्रतिनिधित्व अधिनियम, १९५० मधील परि. २९ व लोकप्रतिनिधित्व अधिनियम, १९५१ मधील परि. १३४” अन्वये कायदेशीर कारवाईस पात्र राहतील याची नोंद घ्यावी. असे अतिरिक्त आयुक्तांनी आपल्या आदेशात म्हटले आहे.  (PMC Additional Commissioner Ravindra Binwade)

| कामकाज टाळणाऱ्या सेवकांची यादी

Transfer | PMC Pune employees | बदली झाली तरी मूळ खाते सोडू वाटेना! | अशा कर्मचाऱ्यांचे वेतन अदा न करण्याचे आदेश

Categories
Breaking News PMC पुणे

बदली झाली तरी मूळ खाते सोडू वाटेना!

| अशा कर्मचाऱ्यांचे वेतन अदा न करण्याचे आदेश

पुणे | महापालिका प्रशासनाकडून विविध खात्यातील कर्मचाऱ्यांच्या नुकत्याच बदल्या करण्यात आल्या आहेत. मात्र अजूनही बरेच कर्मचारी आपल्या मूळ खात्यातच काम करत आहेत. याबाबत आता अतिरिक्त आयुक्त रविंद्र बिनवडे यांनी कडक धोरण अवलंबले आहे. बदलीच्या जागी रुजू न होणाऱ्या कर्मचाऱ्यांचे वेतन अदा न करण्याचे आदेश अतिरिक्त आयुक्तांनी दिले आहेत. तसेच हे करण्यास कुचराई झाली तर खाते प्रमुखांवर शिस्तभंगाची कारवाई करण्याचा इशारा देखील देण्यात आला आहे.

आदेशानुसार पुणे महानगरपालिका प्रशासनाकडील व प्राथमिक शिक्षण विभागाकडील विविध हुद्यावरील
अधिकारी / कर्मचारी यांची  पदस्थापनेने नियुक्ती व नियतकालिक बदली करण्यात आलेली आहे. त्यानुसार संबंधितांनी पदस्थापनेच्या व बदलीच्या खात्यामध्ये तात्काळ हजर होणेबाबत आज्ञापत्रांमध्ये नमूद करण्यात आलेले आहे. तथापि, असे निदर्शनास आले आहे की संबंधित अधिकारी / कर्मचारी सदर आज्ञापत्रांनुसार
पदस्थापनेच्या व बदलीच्या खात्यामध्ये हजर न होता अजूनही त्यांच्या मूळ खात्यात कामकाज करीत आहेत. ही  बाब गंभीर असून वरिष्ठांच्या आदेशाचा अवमान करणारी आहे.

त्यामुळे  पदस्थापनेच्या व बदलीच्या खात्यामध्ये हजर होण्याकरिता आजच्या आज कार्यमुक्त करून त्याबाबतचा खात्याचा नावासह पदनिहाय अहवाल आस्थापना विभागाकडे सादर करावयाचा आहे. तसेच संबंधित अधिकारी / कर्मचारी यांनी त्यांच्या पदस्थापनेच्या / बदलीच्या खात्यामध्ये हजर व्हावयाचे असून, सदर सेवक हजर न झाल्यास त्यांचे महिने महाचे वेतन संबंधित खातेप्रमुखांनी अदा करू नये. या प्रमाणे अंमलबजावणी न झाल्यास संबंधित अधिकारी / कर्मचारी व खातेप्रमुख यांचे कोणतेही म्हणणे न ऐकता त्यांचे विरुद्ध शिस्तभंगाची कारवाई प्रस्तावित करण्यात येईल. असे आदेशात म्हटले आहे.

Mohalla Committee | PMC Pune | मोहल्ला कमिटीच्या कामकाजाबाबत अधिकारी उदासीन  | प्रशासकीय कारवाई करण्याचा महापालिका अतिरिक्त आयुक्तांचा इशारा 

Categories
Breaking News PMC social पुणे

मोहल्ला कमिटीच्या कामकाजाबाबत अधिकारी उदासीन

| प्रशासकीय कारवाई करण्याचा महापालिका अतिरिक्त आयुक्तांचा इशारा

पुणे | नागरिक, लोकप्रतिनिधी आणि सामाजिक संस्थांना समस्या सांगण्यासाठी व्यासपीठ असावे, म्हणून मोहल्ला कमिटीच्या बैठकीची व्यवस्था करण्यात आली आहे. मात्र या कमिटीच्या कामकाजाबाबत मुख्य खात्याचे अधिकारी आणि कर्मचारी उदासीन असल्याचे दिसून आले आहे. त्यामुळे आगामी काळात हलगर्जीपणा झाल्यास कारवाई करण्याचा इशारा महापालिका अतिरिक्त आयुक्त रवींद्र बिनवडे यांनी दिला आहे. (PMC Pune)

अतिरिक्त आयुक्तांच्या आदेशानुसार पुणे महानगरपालिकेच्या १५ क्षेत्रिय कार्यालयाकडे दरमहा प्रभाग समिती/मोहल्ला कमिटीचे आयोजन
केले जाते. तसेच  मोहल्ला कमिटीमध्ये कामकाज करणेबाबत कार्यालयीन आदेश पारित करण्यात आले आहेत. सदर बैठकीत समितीच्या सदस्यांकडून व इतर उपस्थित केलेल्या तक्रारी, सदर तक्रारीचे निवारण हे मुख्य खात्याकडील अधिकारी/ कर्मचारी उपस्थित राहत नसल्याने करता येत नाही. त्यामुळे अशा तक्रारींचा निपटारा करण्यासाठी विलंब होत आहे. असे निदर्शनास आले आहे. त्यानुसार. कार्यालयीन आदेशान्वये मोहल्ला कमिटीचे कामकाज वेळेवर करण्यात यावे याबाबत क्षेत्रीय कार्यालयाकडील
व सर्व संबंधित अधिकारी / सेवक यांनी दक्षता घ्यावी. तसेच सदर कामकाजाबाबत संबंधित खातेप्रमुख / सेवक यांनी हलगर्जीपणा केल्यास संबंधितावर प्रशासकीय करवाई करण्यात येईल, याची नोंद घ्यावी. असे ही आदेशात म्हटले आहे. (pune Municipal corporation)

Grievance Management System | काम न करताच होत आहे तक्रारींचे निराकरण | आता प्रशासन अधिकाऱ्यांना धरले जाणार जबाबदार 

Categories
Breaking News PMC पुणे

काम न करताच होत आहे तक्रारींचे निराकरण | आता प्रशासन अधिकाऱ्यांना धरले जाणार जबाबदार

पुणे | नागरिकांच्या तक्रारींचे निराकरण करण्यासाठी महापालिका प्रशासनाच्या वतीने तक्रार व्यवस्थापन प्रणाली (Grievance Management System) तयार करण्यात आली आहे. मात्र तक्रार निरस्त करताना व्यवस्थित शेरा नमूद केला जात नाही, नागरिकाशी संपर्क केला जात नाही, तक्रार काम न करताच निराकरण केल्याचे निदर्शनास येत आहे. त्यामुळे आता याबाबत जबाबदारी निश्चित केली जाणार आहे. यासाठी प्रशासन अधिकाऱ्यांना जबाबदार धरले जाणार आहे. याबाबतचे आदेश अतिरिक्त आयुक्त रवींद्र बिनवडे (PMC additional commissioner Ravindra Binwade) यांनी नुकतेच जारी केले आहेत. (PMC pune)
| असे आहेत आदेश 

तक्रार व्यवस्थापन प्रणालीमध्ये रिसेप्शन युजरची जबाबदारी प्रशासन अधिकारी यांना देणेबाबत.
नागरिकांच्या तक्रारींचे निवारण करण्यासाठी पुणे महानगरपालिकेमार्फत तक्रार व्यवस्थापन प्रणालीची
अंमलबजावणी करण्यात आलेली आहे. या तक्रार प्रणालीमध्ये विविध सोशल मीडिया चॅनेल्सद्वारे प्राप्त होणाऱ्या तक्रारी मुख्य खाते व क्षेत्रीय कार्यालयाकडील रिसेप्शन युजर यांच्या लॉगिनला प्राप्त होतात. सदर तक्रारीवर पुढील कार्यवाही करणेसाठी प्रत्येक मुख्य खाते व क्षेत्रीय कार्यालय यांजकडे रिसेप्शन युजर यांची नेमणूक करणेत आलेली आहे. तक्रार व्यवस्थापन प्रणालीमध्ये रिसेप्शन युजरची अतिशय महत्वपूर्ण भूमिका आहे. विभागाकडे प्राप्त होणाऱ्या ऑनलाईन तक्रारी रोजच्या रोज संबंधित सेवकांना Assign करणे तसेच तक्रार प्रणालीमध्ये मुख्य खाते / क्षेत्रीय कार्यालयाकडील कामाच्या व्यवस्थेनुसार Ladder मध्ये प्रभागनिहाय, क्षेत्रीय कार्यालय निहाय अधिकारी अद्यावत करणे इत्यादी महत्वाची कामे रिसेप्शन युजर मार्फत करण्यात येतात.

तक्रार प्रणालीमध्ये सध्याच्या रिसेप्शन युजर मार्फत त्यांचे लॉगीन मधील तक्रारी वेळेवर L1 अधिकारी यांना पाठविल्या जात नसल्यामुळे तक्रारी निरस्त करण्यासाठी बराच कालावधी लागत आहे. तसेच संबंधित L1 अधिकारी यांचेकडून तक्रार निरस्त करताना व्यवस्थित शेरा नमूद केला जात नाही, नागरिकाशी संपर्क केला जात नाही, तक्रार काम नm करताच निराकरण केल्याचे निदर्शनास येत आहे. आता तक्रार व्यवस्थापन प्रणालीच्या रिसेप्शन युजरची जबादारी प्रशासन अधिकारी यांचेकडे सोपविण्यात येत आहे. त्यानुसार सर्व विभागांच्या प्रशासन अधिकारी यांनी रिसेप्शन युजरची सर्व जबाबदारी पार पाडावी व त्यांच्या अखत्यारीत उपलब्ध कर्मचाऱ्यांमार्फत सदर कामकाज करून घ्यावे. सदर बाबी नमूद कामकाजाची शहानिशा सर्व प्रशासन अधिकारी यांनी करणे आवश्यक आहे. संबंधीत अधिकारी यांनी दैनंदिनरित्या सकाळी 11 वाजता व संध्याकाळी 5 वाजता रिसेप्शन युजर यांचे लॉगिन मधील सर्व तक्रारी संबंधीत L1 अधिकारी यांना Assign केल्याची खातरजमा करावी. सदर तक्रारी रिसेप्शन युजर यांचे लॉगिनला प्रलंबित राहिल्यास त्याची जबाबदारी विभागाकडील प्रशासन अधिकारी अथवा अधीक्षक यांची राहील.

Amendment in service Rules | PMC Pune | पुणे महापालिका सेवा प्रवेश  नियमावलीत करणार सुधारणा  | 20 डिसेंबर पर्यंत माहिती सादर करण्याचे सर्व विभागांना अतिरिक्त आयुक्तांचे आदेश 

Categories
Breaking News PMC पुणे

पुणे महापालिका सेवा प्रवेश  नियमावलीत करणार सुधारणा

| 20 डिसेंबर पर्यंत माहिती सादर करण्याचे सर्व विभागांना अतिरिक्त आयुक्तांचे आदेश

पुणे | महापालिकेकडून (PMC Pune) सेवा प्रवेश नियमावली (Service Rule) 2014 नुसार अंमलबजावणी करण्यात येत आहे. मात्र यास आता 5 वर्षाहून अधिक कालावधी झाला आहे. शिवाय यामध्ये सुधारणा (Amendment) करण्याच्या मागण्या येत आहेत. त्यानुसार या नियमावलीत महापालिका सुधारणा (Amendment) करणार आहे. त्यासाठी प्रत्येक खात्याकडून माहिती मागवण्यात आली आहे. 20 डिसेंबर पर्यंत माहिती सादर करण्याचे आदेश महापालिका अतिरिक्त आयुक्त रविंद्र बिनवडे (Additional Commissioner Ravindra Binwade) यांनी दिले आहेत. (Pune Municipal Corporation)
| असे आहेत आदेश 

पुणे महानगरपालिका सेवा (सेवा प्रवेश व सेवांचे वर्गीकरण) नियम-२०१४ व पुणे महानगरपालिकेच्या आस्थापनेवरील पदांच्या सुधारित आकृतीबंधास शासनाची मान्यता प्राप्त झाली आहे. सदर सेवाप्रवेश नियमाची व आकृतीबंधाची पुणे महानगरपालिकेमध्ये अंमलबजावणी करण्यात आली आहे.
तथापि, सेवाप्रवेश नियमावली/आकृतीबंधास ५ (पाच) वर्षांचा कालावधी पूर्ण झाला आहे. तसेच
पुणे मनपाच्या विभागांकडून सेवाप्रवेश नियमावली / आकृतीबंधास दुरुस्ती करण्यासाठी सामान्य प्रशासन
कार्यालयाकडे पुणे मनपाच्या विविध विभाग/ आमदार / सभासद / मान्यता प्राप्त कामगार संघटना / पुणे
मनपाचे अधिकारी/कर्मचारी यांचेकडून अर्ज/ निवेदन / प्रस्ताव प्राप्त होत आहेत.  (PMC Pune)

तसेच  मुख्य लेखा व वित्त अधिकारी यांचे कार्यालयाकडून सादर करण्यात आलेल्या निवेदनावर सेवाभरती नियमांचे पुनर्नियोजन व सुधारणा या बाबींकरिता समिती गठीत करणेसाठी  महापालिका आयुक्त यांची मान्यता प्राप्त झाली आहे. त्यानुषंगाने  अतिरिक्त महापालिका आयुक्त (ज.) यांचे अध्यक्षतेखाली समिती गठीत करण्यात आली आहे. (PMC Additional Commissioner)
तरी, सर्व खातेप्रमुख / विभागप्रमुख यांना या कार्यालयीन परिपत्रकान्वये आदेशित करण्यात येत आहे की, शासनमान्य आकृतीबंध व पुणे महानगरपालिका सेवा (सेवा प्रवेश व सेवांचे वर्गीकरण) नियम २०१४
मधील पदनिहाय सुधारणा व त्यासाठीचे समर्थन असा स्वयंस्पष्ट प्रस्ताव दि. २०/१२/२०२२ पर्यंत उप आयुक्त (सामान्य प्रशासन) यांचेकडे त्वरित सादर करावा. असे आदेशात म्हटले आहे.  (Service Rules)

Additional Commissioner Ravindra Binawade | अतिरिक्त आयुक्त रविंद्र बिनवडे जाणार मसुरी येथे प्रशिक्षणाला!  | अतिरिक्त आयुक्तांच्या बदलीची पुन्हा चर्चा सुरु 

Categories
Breaking News PMC पुणे

अतिरिक्त आयुक्त रविंद्र बिनवडे जाणार मसुरी येथे प्रशिक्षणाला!

| अतिरिक्त आयुक्तांच्या बदलीची पुन्हा चर्चा सुरु

पुणे | महापालिका अतिरिक्त आयुक्त रविन्द्र बिनवडे (Additional Commissioner Ravindra Binawade) हे 19 डिसेंबर ते 13 जानेवारी या कालावधीत मसुरी (Mussoorie) येथे प्रशिक्षणासाठी (Training pragram) जाणार आहेत. यामुळे त्यांच्या बदलीची (Transfer) पुन्हा एकदा चर्चा सुरु झाली आहे. याआधी देखील अतिरिक्त आयुक्तांनी स्वतः बदली मागितली होती. मात्र सरकारने कुठला निर्णय घेतला नव्हता. मात्र आता प्रशिक्षण कार्यक्रमाला त्यांचे नाव निश्चित झाले आहे. प्रशिक्षणाला जाणारे अधिकारी नंतर त्याच ठिकाणी माघारी येत नाहीत. असे म्हटले जाते. याचाच आधार घेऊन बिनवडे यांची देखील बदली होईल. अशी चर्चा आता केली जात आहे. (Pune Municipal corporation)
लाल बहादूर शास्त्री राष्ट्रीय प्रशासन अकादमी, मसुरी येथे 19 डिसेंबर ते 13 जानेवारी या कालावधीत Mid-Career training program (phase 3 हा सक्तीचा प्रशिक्षण कार्यक्रम आयोजित करण्यात आला आहे. यासाठी राज्यातील 29 IAS अधिकाऱ्यांचा समावेश आहे. यामध्ये अतिरिक्त आयुक्त रविंद्र बिनवडे यांचे देखील नाव समाविष्ट आहे. या अधिकाऱ्यांना 16 डिसेंबर लाच कार्यमुक्त करावे, असे आदेश राज्य सरकारच्या वतीने देण्यात आले आहेत. (Masoorie Training program)
या प्रशिक्षण कार्यक्रमा वरून मात्र अतिरिक्त आयुक्त रविंद्र बिनवडे यांच्या बदलीची चर्चा रंगली आहे. प्रशासकीय सूत्रानुसार मसुरी येथे प्रशिक्षणाला गेलेले बरेचसे अधिकारी नंतर त्याच ठिकाणी येत नाहीत. एकतर त्यांना बदली हवी असते किंवा राज्य सरकार कडून त्यांची बदली केली जाते. बऱ्याच वेळेला हे अनुभवण्यास मिळाले आहे. त्यामुळे अतिरिक्त आयुक्त यांची बदली होईल, असे मानले जात आहे. शिवाय अतिरिक्त आयुक्तांनी याआधी सरकारकडे बदलीसाठी मागणी केली होती. मात्र सरकरकडून कुठलेही पाऊल उचलले नव्हते. मात्र आता प्रशिक्षण कार्यक्रम झाल्यानंतर अतिरिक्त आयुक्तांची बदली होईल, असे मानले जात आहे. (Additional Commissioner Ravindra Binawade)

Dr. Siddharth Dhende | नागपूर चाळ, फुलेनगरमधील झोपडपट्टीधारकांचे पुनर्वसन करा | माजी उपमहापौर डॉ. सिद्धार्थ धेंडे यांची मागणी

Categories
Breaking News PMC Political social पुणे

नागपूर चाळ, फुलेनगरमधील झोपडपट्टीधारकांचे पुनर्वसन करा

| माजी उपमहापौर डॉ. सिद्धार्थ धेंडे यांची मागणी

पुणे महापालिका (Pune municipal corporation) प्रभाग क्रमांक 2 मधील नागपूर चाळ, फुलेनगर येथील 70 झोपडपट्टीधारकांचे (slum dwellers) आहे त्या जागी किंवा इतर ठिकाणी पुनर्वसन करावे. पुनर्वसनाचा प्रश्‍न सुटेपर्यंत त्यांच्यावर कोणतीही कारवाई करू नये, अशी मागणी पुणे महापालिकेचे माजी उपमहापौर डॉ. सिद्धार्थ धेंडे (Former Deputy Mayor) यांनी केली आहे. पुणे जिल्हाधिकारी डॉ. राजेश देशमुख, (Pune collector Dr Rajesh Deshmukh) पुणे महापालिका अतिरिक्‍त आयुक्‍त रविंद्र बिनवडे ( PMC additional commissioner Ravindra Binwade) यांना दिलेल्या निवेदनात ही मागणी केली आहे.

या वेळी गणेश अंकुशी, आप्पा चाबुकस्वार, सोमेश उपाध्यक्ष, प्रताप काळे, धनलाल कांबळे, मंदाकिनी कांबळे, सीमा उपाध्ये, पूजा भोसले, चंद्रभागा सकट आदीसह नागरिक उपस्थित होते.

डॉ. सिद्धार्थ धेंडे यांनी दिलेल्या निवेदनात नमूद केले आहे की, प्रभाग क्रमांक 2 मधील नागपूर चाळ, फुलेनगर या प्रभागातील राज्य शासनाच्या मनोरूग्णालयांच्या जागेवर माता रमाई झोपडपट्टीमधील 70 घरे गेल्या 40 वर्षापासून वास्तव्यास आहे. या झोपडपट्टीमधील झोपडपट्टीधारकांकडे 40 वर्षांपासून पुरावे आहेत. तसेच राज्य शासनाच्या झोपडपट्टी पुनर्वसन योजनेच्या परिपत्रकामधील पात्र झोपडपट्टीधारक हा 1 जानेवारी 2010 पूर्वीचा असावा असा स्पष्ट उल्लेख केलेला आहे. त्यानुसार येथील 70 घरे पात्र ठरत आहेत. या झोपडपट्टीधारकांकडे राज्य शासनाच्या नियमानूसार मतदान ओळखपत्र, मतदान यादीतील नाव, आधारकार्ड, रेशनकार्ड व इतर पुरावे देखील उपलब्ध आहेत. (Pune Municipal corporation)

त्यामुळे मानवी हक्क आयोगामधील एका याचिकेबाबत उच्च न्यायालयात जी सुनावणी चालू आहे. त्यामध्ये पुणे महापालिकेच्या घनकचरा विभागाने मनोरूग्णालयाच्या जागेवरील झोपडपट्टीधारकांना बेकायदेशीर ठरविण्यात आल्याचे येत आहे. परंतू येरवडा क्षेत्रीय कार्यालयाने या ठिकाणी पिण्याच्या पाण्याची सोय, शौचालय, पथ दिवे, कचरा निर्मुलन तसेच महावितरणने घरोघरी विजेचे मीटर दिलेले आहेत. त्यामुळे हे सर्व झोपडपट्टीधारक झोपडपट्टी पुनर्वसन योजनेच्या नियमाप्रमाणे त्यांचे पुनर्वसन राज्य शासनाने केल्याशिवाय त्यांना बेघर करू नये. संबंधित क्षेत्रीय कार्यालय, महा सहाय्यक आयुक्त, विभागीय आयुक्त यांच्यामार्फत माता रमाई झोपडपट्टी फुलेनगर येथील वास्तूनिष्ठ अहवाल मागवून घ्यावा. त्यानंतर योग्य तो निर्णय घ्यावा. कायद्याप्रमाणे पात्र असणाऱ्यांचे पुनर्वसन करावे अशी मागणी डॉ. धेंडे यांनी केली.

तसेच चंद्रमानगर येथील 2008 मध्ये केंद्र व राज्य सरकार, पुणे मनपा यांच्या संयुक्त प्रकल्पांतर्गत 178 घरांचा सर्व्हे मंजूर केला आहे. या सर्व्हे प्रमाणे पुणे महानगरपालिकेने 178 घरांच्या कामाला मंजूरी दिलेली आहे. या पैकी 97 घरांचे काम चालू केले असून 77 घरांचे काम पूर्ण झाले आहे. उर्वरीत घरे अर्धवट असून त्यांचा देखील विचार व्हावा, हे निर्दशनास आणून दिले. (slum dwellers)

या वेळी संबंधीत झोपडपट्टीधारकांना शासनाच्या नियमानूसार योग्य न्याय दिला जाईल. तसेच नियमानूसार पुनर्वसन करण्याची कार्यवाही करू, असे सकारात्मक आश्‍वासन अतिरिक्‍त आयुक्‍त रविंद्र बिनवडे यांनी दिले असल्याचे डॉ. धेंडे यांनी सांगितले.

World AIDS Day | जागतिक एड्स दिनानिमित्त महापालिकेकडून पोस्टर व रांगोळी प्रदर्शन 

Categories
Breaking News PMC social आरोग्य पुणे

जागतिक एड्स दिनानिमित्त महापालिकेकडून पोस्टर व रांगोळी प्रदर्शन

पुणे | जागतिक एड्स दिन (International AIDS Day) १ डिसेंबर  रोजी पुणे महानगरपालिका (PMC Pune) येथे  रविंद्र बिनवडे, अति. महापालिका आयुक्त (जनरल), पुणे महानगरपालिका व डॉ. आशिष भारती, आरोग्य अधिकारी,  डॉ. सुर्यकांत देवकर, सहा. आरोग्य अधिकारी तथा एड्स नोडल अधिकारी, पुणे महानगरपालिका यांच्या उपस्थितीत रांगोळी प्रदर्शन व पोस्टर प्रदर्शनाचे उद्घाटन करण्यात आले. (Pune Municipal corporation)

जागतिक एड्स दिन 1 डिसेंबर 2022 व जनजागृती सप्ताह निमित्ताने पुणे महानगरपालिकेच्या आरोग्य विभागाअंतर्गत पुणे शहर एड्स नियंत्रण संस्थेमार्फत रांगोळी व पोस्टर प्रदर्शन, जनजागृती रॅली, पुणे शहरातून डिस्प्ले व्हॅनद्वारे जनजागृती, पथनाट्याद्वारे जनजागृती, सर्व मनपा दवाखाने, रुग्णालये, प्रसुतीगृहे यातून जनजागृती, सर्व खाजगी, सरकारी, मनपा माध्यमिक शाळांतून जनजागृती महाविद्यालयातून एन.एस.एस. विभागामार्फत जनजागृती, रेड लाईट एरियातील महिलांसाठी महिला मेळावा कार्यक्रमातून जनजागृती, पुणे आंतरराष्ट्रीय मॅरेथॉन स्पर्धेतून जनजागृती, युवक व युवतींसाठी जनजागृती कार्यक्रम तसेच व सर्व कार्यक्रमातून आय.ई. सी. वितरण, इ. चे आयोजन करणेत येत आहे.

या कार्यक्रमास पुणे शहर एड्स नियंत्रण संस्थेकडील स्टाफ व आरोग्य विभागातील सेवक, इ. उपस्थित होते.
तसेच पुणे महानगरपालिका व मुक्ती उधारण सेवा ट्रस्ट यांच्या संयुक्त विद्यमाने व वंचित विकास, सहेली, मंथन, अलका फौंडेशन, व इतर स्वयंसेवी संस्थांच्या सहभागाने सावित्रीबाई फुले बचत गट भवन, लोहीया नगर पासून ते मीठगंज पोलीस चौकी चौक, कस्तूरी चौक, रवीवार पेठ, फुलवाला चौक, जम्न मंदिर, नेहरू चौक ते सार्वजनिक सभागृह, रामेश्वर मार्केट, बुधवार पेठ येथे सांगता करण्यात आली. तसेच रॅली मार्गावर पथनाटय व एच. आय. व्ही. एड्स बाबत जनजागृती करण्यात आली.

PMC Pune | महापालिका कर्मचारी आणि अधिकाऱ्यांना उद्या (शनिवारी) मनपा भवनात हजर राहणे आवश्यक  | महापालिका अतिरिक्त आयुक्तांचे आदेश 

Categories
Breaking News PMC पुणे

महापालिका कर्मचारी आणि अधिकाऱ्यांना उद्या (शनिवारी) मनपा भवनात हजर राहणे आवश्यक

| महापालिका अतिरिक्त आयुक्तांचे आदेश

राष्ट्रीय एकात्मता दिनानिमित्त शपथ घेण्याचा कार्यक्रम शनिवार, १९/११/२०२२ रोजी सकाळी ११.१५ (अकरा वाजून पंधरा मिनिटे) वाजता मनपा भवन, हिरवळ (Pune Municipal Corporation) येथे आयोजित करणेत आलेले आहे. त्यामुळे या दिवशी शासकीय सुट्टी असली तरी सदर शपथ घेण्याच्या कार्यक्रमास पुणे महानगरपालिकेच्या सर्व अधिकारी व कर्मचारी यांनी नेमून दिलेल्या ठिकाणी व वेळी न चुकता हजर रहावे. असे आदेश महापालिका अतिरिक्त आयुक्त रवींद्र बिनवडे यांनी जारी केले आहेत. (PMC Additional Commissioner Ravindra Binwade)