Tag: Arvind Shinde

PMC Employees Transfer | एका खात्यात ३ वर्षापेक्षा जास्त कालावधी झालेल्या 40% अधिकारी व कर्मचाऱ्यांच्या बदल्या त्वरित करा

Categories
Breaking News PMC पुणे

PMC Employees Transfer | एका खात्यात ३ वर्षापेक्षा जास्त कालावधी झालेल्या  40% अधिकारी व कर्मचाऱ्यांच्या बदल्या त्वरित करा

| अरविंद शिंदे यांची मागणी

PMC Employees Transfer | पुणे महापालिका कर्मचाऱ्यांच्या (Pune Municipal Corporation Employees) आणि विविध राजकीय नेत्यांच्या मागणीनुसार महापालिका प्रशासनाकडून विविध खात्यातील 20% कर्मचाऱ्यांच्या बदल्या करण्यात आल्या होत्या. इतर कर्मचाऱ्यांच्या बदल्या वेगवेगळ्या टप्प्यात केल्या जातील, असे आश्वासन महापालिका प्रशासनाकडून देण्यात आले होते. मात्र बराच कालावधी उलटून गेल्या तरी त्यावर अंमल झालेला नाही. त्यामुळे एका खात्यात 3 वर्षापेक्षा जास्त कालावधी झालेल्या  40% अधिकारी व कर्मचाऱ्यांच्या बदल्या त्वरित करा. अशी मागणी काँग्रेस शहर अध्यक्ष अरविंद शिंदे (Arvind Shinde) यांनी महापालिका अतिरिक्त आयुक्त रविंद्र बिनवडे (IAS Ravindra Binwade) यांच्याकडे केली आहे. (Pune Municipal Corporation)
अरविंद शिंदे यांनी दिलेल्या पत्रानुसार पुणे महानगरपालिकेतील (Pune Municipal Corporation) प्रशासन अधिकारी, उप अधिक्षक, वरिष्ठ लिपिक, लिपिक टंकलेखक व पदस्थापना बदली यांच्या 17 एप्रिल  रोजी एका खात्यामधून दुसऱ्या खात्यात २०% नियतकालिक बदल्या करण्यात आलेल्या आहेत. या पदाच्या बदल्यांमधील त्रुटी कळविलेनंतर अधिक्षक पदावरील पात्र बदली केलेल्या आहेत.  परंतु त्यामध्ये सन २०१५ मध्ये ज्या सेवकांची कर आकारणी कर संकलन कार्यालयाकडे लिपिक टंकलेखक, वरिष्ठ लिपिक, उप अधिक्षक यांची नेमणूक झाली आहे असे सेवक आजही कर आकारणी कडे कार्यरत आहेत व सन २०१६ अथवा त्यानंतर नेमणूक झालेल्या मोजक्या सेवकांच्या बदल्या झालेल्या दिसून येत आहेत असे त्यावेळी निदर्शनास आणून दिले होते.  17 एप्रिल व त्यादरम्यान केलेल्या २०% बदल्या करण्यात आलेल्या असून पुढील २०% बदल्या आजपर्यंत झालेल्या नाहीत. सदर बदल्या का करण्यात आलेल्या नाहीत ? याची आम्ही पूर्वी माहिती मागीवली असून त्याबाबत अद्याप माहिती दिलेली नाही. (Pune Municipal Corporation Employees) 
शिंदे यांनी पुढे म्हटले आहे कि, आम्ही आपणास सन २०१६ पासून वेतनास स्थानिक संस्था कर (एल.बी.टी.) विभागाकडे व प्रत्यक्ष कामास कर आकारणी कर संकलन या खात्यात काम करीत असल्याचे लेखी कळविले असून त्या बदल्या अद्याप झालेल्या नाहीत.  तसेच आरोग्य विभाग, बांधकाम विभाग, पथ विभाग, मालमत्ता व्यवस्थापन विभाग, विद्युत विभाग ई. विभागातील सर्व पदांच्या बदलीबाबत आम्ही मागणी केलेली होती. या बदल्या देखील अद्याप झालेल्या नाहीत. तरी वरील सर्व बाबी पुणे मनपाचे प्रशासकीय व आर्थिक हिताच्या दृष्टीने योग्य नाहीत.  त्यामुळे  ज्या मनपा अधिकारी व कर्मचारी यांना एका खात्यात ३ वर्षापेक्षा जास्त कालावधी झाला आहे अशा किमान ४० % अधिकारी व कर्मचारी यांच्या बदल्या त्वरित करण्यात याव्यात. अशी मागणी शिंदे यांनी केली आहे. (PMC Pune News)
—–
News Title |PMC Employees Transfer | Promptly transfer 40% officers and employees who have been in one account for more than 3 years

Arvind Shinde | MLA Madhuri Misal | MLA Sunil Kamble | आमदार मिसाळ, कांबळे यांचे आंदोलन म्हणजे नौटंकी | अरविंद शिंदे यांचा आरोप

Categories
Breaking News Political पुणे

Arvind Shinde | MLA Madhuri Misal | MLA Sunil Kamble | आमदार मिसाळ, कांबळे यांचे आंदोलन म्हणजे नौटंकी | अरविंद शिंदे यांचा आरोप

 

Arvind Shinde | MLA Madhuri Misal | MLA Sunil Kamble |  पुणे कृषी उत्पन्न बाजार समितीत (APMC Pune) भारतीय जनता पक्षाचे (BJP) बहुमत आहे. या भाजपच्या संचालकांनी नुकताच मार्केटयार्डमध्ये मासे, चिकन, मटण विक्रीसाठी जागा देण्याचा निर्णय घेतला, आता या निर्णयाच्या विरोधात भारतीय जनता पक्षाच्या आमदार माधुरी मिसाळ (MLA Madhuri Misal), आ. सुनिल कांबळे (MLA Sunil Kamble) आंदोलन करण्याची नौटंकी करत आहेत. भाजपच्या या दुटप्पीवागण्याचा, ढोंगीपणाचा करावा तेवढा निषेध कमी असल्याची भूमिका पुणे शहर काँग्रेस अध्यक्ष अरविंद शिंदे (Arvind Shinde) यांनी प्रसिद्धी पत्रकाद्वारे मांडली.

    शिंदे पुढे म्हणाले,  १८ पैकी १३ सदस्य बाजार समितीत भाजपाचे आहेत. या संचालकांनी घेतलेल्या निर्णयाला भाजपाचेच आमदार विरोध करतात यामध्ये कांहीतरी काळंबेरं नक्की आहे. या परिसरात मोठ्या प्रमाणावर जैन बांधव राहतात. त्यांच्या श्रद्धा, भावनांशी खेळून त्यांना ब्लॅकमेल करण्याचा प्रयत्न भारतीय जनता पक्ष करत असल्याची शंका यामुळे येत आहे. बहुमताच्या बळावर हुकूमशाही पद्धतीने निर्णय लादायचा आणि त्या निर्णयाविरोधात भूमिका घेवून जैन आणि वारकरी समुदायाची सहानुभूती मिळवायचा केविलवाणा प्रयत्न भाजपाकडून होतोय. याचा तिव्र निषेध पुणे शहर जिल्हा काँग्रेस कडून करण्यात येतं आहे.

      लोकनेते अण्णासाहेब मगर यांनी दूरदृष्टी ठेवून मोठया कष्टाने कृषी उत्पन्न बाजार समितीची स्थापन करून मार्केटयार्ड इथे शेतकऱ्यांनी कष्टाने पिकवलेला भाजीपाला, फळं आणि इतर कृषी मालाच्या खरेदी विक्रीला प्रोत्साहन दिले. यामध्ये जैन व्यापारी बांधवांचे योगदान ही मोठे आहे.

      आज मासे चिकन मटण विक्रीला परवानगी देतं आहेत उद्या दारू विक्रीला सुद्धा परवानगी मिळेल अशी शंका  आमच्या मनात निर्माण होतं आहे. यां सगळ्या गोष्टीला आत्ताच रोखले गेले पाहिजे, ही आमची भूमिका आहे. 

      मार्केटयार्डात चिकन, मटण, मासे विक्रीस आमचा विरोध आहे. यां निर्णया विरोधात पुणे शहर काँग्रेसच्या वतीने तिव्र आंदोलन करण्यात येणारं आहे. 

      मार्केटयार्डात शेतकऱ्यांनी पिकवलेला भाजीपाला, फळं आणि इतर कृषी उत्पादनं खरेदी विक्री झाली पाहिजे ही आमची भूमिका आहे. असे शिंदे म्हणाले. 

—-

News Title | Arvind Shinde | MLA Madhuri Misal | MLA Sunil Kamble MLA Misal, Kamble’s movement is a gimmick Arvind Shinde’s allegation

Pune Congress Jansanvad | पुणे काँग्रेसच्या ‘जनसंवाद’ पदयात्रेचा शुभारंभ पर्वती विधानसभा मतदारसंघातून

Categories
Breaking News Political पुणे

Pune Congress Jansanvad | पुणे काँग्रेसच्या  ‘जनसंवाद’ पदयात्रेचा शुभारंभ पर्वती विधानसभा मतदारसंघातून 

  Pune Congress Jansanvad    महाराष्ट्र प्रदेश काँग्रेस कमिटीच्या (Maharashtra congress) आदेशानुसार संपूर्ण राज्यभर ‘जनसंवाद’ पदयात्रा (Jansanvad Padyatra) काढण्यात येणार आहे. पुणे शहर जिल्हा काँग्रेस कमिटीच्या (Pune congress) वतीने या पदयात्रेचा शुभारंभ पर्वती विधानसभा मतदार संघातून करण्यात येणार असून उद्या रविवार ३ सप्टेंबर २०२३ रोजी सकाळी ९.०० वा., देशभक्त केशवराव जेध चौक, स्वारगेट ते गंगाधाम चौक पर्यंत जनसंवाद पदयात्रा काढण्यात येणार आहे. अशी माहिती शहर काँग्रेसच्या वतीने देण्यात आली. (Pune Congress Jansanvad)

     

याबाबत शहर अध्यक्ष अरविंद शिंदे यांनी पत्रकाद्वारे कळविले आहे कि, केंद्रातील मोदी सरकार जनतेची लुट करत आहे, शेतकरी, विद्यार्थी, व्यापारी उद्धवस्थ झाला आहे. कृत्रिम टंचाईमुळे जनतेचे जगणे कठीण झाले आहे. भाजपा लोकशाही नाही तर सत्तेच्या स्वार्थासाठी काम करत आहे. आम्ही या जनसंवाद यात्रेच्या माध्यमातून मोदी सरकारचा पर्दाफाश करणार आहोत.

भाजपा सत्तेच्या जोरावर सर्व सरकारी यंत्रणामध्ये हस्तक्षेप करत आहे. संविधान संपुष्टात आणले जात आहे, विरोधकांचा आवाज दडपण्यासाठी ईडी, सीबीआय या यंत्रणांचा गैरवापर करत आहे. जनतेच्या समस्यांकडे भाजपा सरकार लक्ष देत नाही म्हणून जनतेच्या व्यथा, समस्या, वेदना या यात्रेच्या माध्यमातून समजून घेतल्या जाणार आहेत.

स्थानिक स्वराज संस्थांच्या निवडणुका मागील दिड-दोन वर्षांपासून घेतल्या जात नाहीत. राज्यातील वातावरण सत्ताधारी पक्षाच्या विरोधात असून पराभवाच्या भितीने निवडणुका घेतल्या जात नाहीत. विविध कारणे देऊन सरकार निवडणुका टाळत आहे. सरकारकडे ओबीसी, मराठा आरक्षणासंदर्भात कोणतेही धोरण नाही. नोकर भरती सुरु असतानाही मराठा समाजातील विद्यार्थ्यांना त्याचा लाभ मिळत नाही. सरकार केवळ बैठकांचे गाजर दाखवत आहे. या सर्व मुद्द्यांवर लोकांसोबत आम्ही संवाद साधणार आहोत. महत्वाचे म्हणजे या जनसंवाद पदयात्रेचा उद्देश लोकभावना जाणून घेणे हा आहे. अशी माहिती या पत्रकाद्वारे शहराध्यक्ष अरविंद शिंदे यांनी दिली आहे.

Ghanshyam Nimhan | Pune congress | पुणे काँग्रेसच्या चिटणीसपदी घनश्याम निम्हण

Categories
Breaking News Political पुणे

Ghanshyam Nimhan | Pune congress | पुणे काँग्रेसच्या चिटणीसपदी घनश्याम निम्हण

Ghanshyam Nimhan | Pune congress  | घनश्याम निम्हण यांची पुणे शहर जिल्हा काँग्रेस कमिटीच्या चिटणीसपदी नियुक्ती करण्यात आली आहे. पुणे शहर जिल्हा काँग्रेस कमिटीचे अध्यक्ष अरविंद शिंदे (Arvind Shinde) यांच्या हस्ते त्यांना नियुक्तिपत्र देण्यात आले.

 निम्हण म्हणाले, मी नागरिकांसोबत फिरणारा काँग्रेस कार्यकर्ता आहे. पक्षाची ध्येयधोरणे समाजातील तळागाळातील जनतेपर्यंत पोहोचवून काँग्रेस पक्ष बळकट करण्यास प्राधान्य देणार आहे.

Protest against Kirit Somaiya | पुण्यात कॉंग्रेस आणि शिवसेना महिला आघाडी कडून किरीट सोमय्या यांच्या विरोधात आंदोलन 

Categories
Breaking News Political पुणे महाराष्ट्र

Protest against Kirit Somaiya | पुण्यात कॉंग्रेस आणि शिवसेना महिला आघाडी कडून किरीट सोमय्या यांच्या विरोधात आंदोलन

Protest against Kirit Somaiya |पुणे शहर जिल्हा काँग्रेस कमिटीच्या (Pune Congress) वतीने भाजप नेते किरीट सोमय्या (BJP Leader Kirit Somaiya) यांच्या प्रसार माध्यमात प्रसिध्द झालेल्या आक्षेपार्ह व्हिडिओ विरोधात टिळक रोड, ग्राहक पेठ समोर आंदोलन करण्यात आले. तर दुसरीकडे  किरीट सोमय्या यांच्या अश्लील कृत्याचा निषेध शिवसेना ( उध्दव बाळासाहेब ठाकरे ) पक्षाच्या पुणे महिला आघाडीच्या (Shivsena Women wing) वतीने करण्यात आला. (Protest against Kirit Somaiya)

     यावेळी कॉंग्रेस शहाराध्यक्ष अरविंद शिंदे (Arvind Shinde) म्हणाले की, ‘‘सातत्याने आपल्या विरोधकांवर बेछूट आरोप करणारे भाजप नेते किरीट सोमय्या यांचा खरा चेहरा आक्षेपार्ह व्हिडीओच्या माध्यमातून सर्वांसमोर आला आहे. स्वत:ला चारित्र्यवान समजणारे किरीट सोमय्या यांचे चारित्र्यहीन दर्शन जनतेला झाले असून स्वच्छ प्रतिमेचे दाखले देणाऱ्या भाजपाच्या नेत्यांनी या प्रकरणी सोयीस्कर मौन बाळगले आहे. महिला वर्गावर सातत्याने अत्याचार व अपमान करणाऱ्या भाजप सरकारचा या आंदोलनाद्वारे आम्ही तीव्र निषेध व्यक्त करीत असून या प्रकरणाची सखोल चौकशी व्हावी व सोमय्या यांच्या या गलीच्छ कृतीबद्दल त्यांच्यावर उचित कायदेशीर कारवाई व्हावी.’’ (Pune News)

     यावेळी प्रदेश सरचिटणीस ॲड. अभय छाजेड, कमल व्यवहारे, नीता रजपूत, संगीता तिवारी, बाळासाहेब दाभेकर, अजित दरेकर, रफिक शेख, मेहबुब नदाफ, सुजित यादव, रमेश सकट, रविंद माझीरे, अक्षय माने, रजनी त्रिभुवन, सुंदरा ओव्हाळ, सीमा महाडिक, छाया जाधव, प्रकाश पवार, अश्विनी गवारे, सतिश पवार, सुनिल घाडगे, रमेश सोनकांबळे, अजित जाधव, रवि ननावरे, समीर गांधी, हेमंत राजभोज, आसिफ शेख, संतोष पाटोळे, विकी खन्ना, विशाल जाधव, बळीराम डोळे, संजय मोरे, लतेंद्र भिंगारे, संतोष डोके, शिवराज भोकरे, राहुल वंजारी, विल्सन चंदवेल, आशितोष शिंदे, नैनाताई सोनार, वंदना पोळ, मुक्ता शिंदे, संगीता कंधारे, नंदीनी कवडे, लीला भायगुडे, शोभा भगत, अनिता भायगुडे, सुविधा त्रिभुवन आदी उपस्थित होते.

शिवसेना महिला आघाडी शहर संघटीका सविताताई मते (Savita Mate)  म्हणाल्या की, त्या व्हिडिओ संदर्भात भाजपा किरीट सोमय्या यांची पक्षातून हकालपट्टी करावी तसेच गृहमंत्री या प्रकरणाची चौकशी करून काय कारवाई करणार आहेत ते स्पष्ट करावे.

नगरसेविका पल्लवीताई जावळे म्हणाल्या, भाजप महिला नेत्या चित्रा वाघ आता का शांत बसल्या आहेत?, या व्हिडिओच्या माध्यमातून स्पष्ट होते की किरीट हा विक्षिप्त माणूस आहे त्यावर कारवाई व्हावी .

यावेळी शिवसेना महिला आघाडीच्यावतीने आंदोलनास शहर संघटीका सविता मते, माजी नगरसेविका व संघटीका पल्लवी जावळे, विद्या होडे,करूणा घाडगे, प्रज्ञा लोणकर, स्नेहल पाटोळे, गौरी चव्हाण,पद्मा सोरटे, रोहिणी कोल्हाल, भारती भोपळे, दिपाली राऊत, संगीता भिलारे, मीनाक्षी हरिशंद्रे, नमिता चव्हाण, अमृत पठारे, सुलभा तळेकर, स्वाती ठकार, शितल जाधव, अनुपमा मांगडे ,विजया मोहिते, शिल्पा पवार ,वत्सला घुले ,अनिता जांभूळकर ,स्नेहल आल्हट, वासंती शिरसाट, आशुताई शिरसाट, भारती दामजी, पल्लवी नागपुरे, वैशाली दिघे, विमल परदेसी, लता गुंजाळ, प्रियांका जव्हेरी, स्मिता पवार, दिपा भंडारी, नीलू गड्डम, बेबी म्हेत्रे इतर महिला पदाधिकारी उपस्थित होत्या .

News Title |Protest against Kirit Somaiya from Congress and Shiv Sena Women’s Aghadi in Pune

PMC Chief Engineer | मुख्य अभियंता पदासाठी पदोन्नती समितीने नंदकिशोर जगताप यांची केलेली शिफारस आक्षेपार्ह असल्याचा आरोप

Categories
Breaking News PMC पुणे

PMC  Chief Engineer | मुख्य अभियंता पदासाठी पदोन्नती समितीने नंदकिशोर जगताप यांची केलेली शिफारस आक्षेपार्ह असल्याचा आरोप

| पुणे काँग्रेस शहर अध्यक्ष अरविंद शिंदे यांचे महापालिका आयुक्तांना पत्र

PMC Chief Engineer | पुणे महानगरपालिकेच्या (Pune Municipal Corporation) पदोन्नती समितीने (Promotion Committee) नुकतीच अधिक्षक अभियंता नंदकिशोर जगताप (Nandkishor Jagtgp) यांची मुख्य अभियंता पदासाठी पदोन्नती करण्यासाठी शिफारस केलेली आहे. मात्र ही शिफारस आक्षेपार्ह असल्याचा आरोप पुणे काँग्रेसचे शहर अध्यक्ष अरविंद शिंदे (INC Pune City President Arvind Shinde) यांनी केला आहे. तसेच ही शिफारस मान्य करू नये, असे पत्र देखील त्यांनी महापालिका आयुक्तांना (PMC Commissioner) दिले आहे. (PMC Chief Engineer)

शिंदे यांच्या पत्रानुसार पदोन्नत्तीसाठी केवळ सेवा ज्येष्ठता हा निकष लागू केलेला असल्याचे निदर्शनास आलेले आहे. वास्तविक मुख्य अभियंता हे पद अतिशय
जबाबदारीचे असून त्या पदाअंर्तगत पूर्ण पुणे शहराचा तांत्रिक कार्यभार येत आहे. नंदकिशोर जगताप हे अकार्यक्षम बेजबाबदार, बिनकामाचे अधिकारी असून अधिक्षक अभियंता पदी त्यांची कामगिरी कागदोपत्री व शिक्क्याने समाधानकारक दाखवली गेली असली तरी वास्तवात अतिशय सुमार आहे. २४ x ७ पाणीयोजना हा प्रकल्प रखडण्यामागे जगताप यांची सुमार दर्जाचा प्रशासकिय अमंल ठेकेदार धार्जिणा व्यवहार, लोक प्रतिनिधींसमोर सपशेल शरणागती पत्करून नियमबाह्य
काम करण्याची उपजत प्रवृत्ती ह्या गोष्टी आहेत. २४ x ७ पाणी योजना कार्यान्वित करण्यासाठी टेंडर काम सुरू असताना देखील अनेक खाजगी सोसायट्यांमध्ये नियम बाह्य पाणी कनेक्शन देण्यामागे जगताप यांचा हात असल्याचे वारंवार मी प्रभारी मुख्य अभियंता यांच्या निदर्शनास आणून दिलेले आहे. (Pune Municipal Corporation News)
पत्रात शिंदे यांनी पुढे म्हटले आहे कि, जगताप यांना पाणी पुरवठा सारख्या सवेंदनशिल विभागाचे पुणे शहराचा कार्यभार सुपूर्त करणे ही पुणेकरांसाठी निश्चितच त्रासदायक बाब आहे. पदोन्नती समितीने राजकीय तसेच आर्थिक दबावापोटी केलेली आक्षेपार्ह शिफारस ही पुणे शहरासाठी अडचणीची ठरू शकते.  जगताप यांच्या कामगिरीचा वस्तुनिष्ठ अहवाल, त्रयस्त निमशासकीय समितीवर अवलोकित यावा. याशिवाय श्री. जगताप यांचे पदोन्नतीची शिफारस मुख्य सभेने मान्य करू नये. अन्यथा कायदेशिर दाद मागितली जाईल याची गांभीर्याने नोंद घ्यावी. असा इशारा देखील शिंदे यांनी दिला आहे. (PMC Pune Promotion)
—-
News Title | PMC Chief Engineer | Allegation that the recommendation of Nandkishore Jagtap by the Promotion Committee for the post of Chief Engineer was objectionable

Rahul Gandhi | INC Pune | राहुल गांधी यांच्या समर्थनार्थ  पुणे शहर जिल्हा काँग्रेस कमिटीच्या वतीने आंदोलन

Categories
Breaking News Political देश/विदेश पुणे

Rahul Gandhi | INC Pune | राहुल गांधी यांच्या समर्थनार्थ  पुणे शहर जिल्हा काँग्रेस कमिटीच्या वतीने आंदोलन

 

  Rahul Gandhi | INC Pune |  काँग्रेस नेते राहुल गांधी (Congress Leader Rahul Gandhi) यांच्या वक्तव्‍याबाबत गुजरातच्या एका भाजप नेत्याने  गुजरात न्यायालयात बदनामीचा खोटा आरोप करत खटला दाखला केला होता. या प्रकरणात दिवाणी व फौजदारी न्यायालयाने  राहुल गांधी (Rahul Gandhi) यांना दोन वर्षाची शिक्षा सुनावली होती. या निकालाला  राहुल गांधी यांनी गुजरात जिल्हा सत्र न्यायालयात (Gujrat Session Court) आव्‍हान दिले होते.  जिल्हा व सत्र न्यायालयाने खालच्या कोर्टाचा निकाल कायम ठेवल्याने या विरूध्द  गुजरात उच्च न्यायालयात आव्‍हान दिले होते. या प्रकरणी  गुजरात उच्च न्यायालयाने (Gujrat High Court) निकाल दिला असून गांधी यांच्या शिक्षेला स्थगिती देण्यास नकार दिला आहे. अशा या खोट्या मानहानी खटल्यात राहुलजी गांधी यांना अडकवल्याच्या विरोधात पुणे शहर जिल्हा काँग्रेस कमिटीच्या (INC Pune) वतीने आज बालगंधर्व रंगमंदिर, पुणे येथे आंदोलन करण्यात आले. (Rahul Gandhi | INC Pune)

यावेळी शहराध्यक्ष अरविंद शिंदे (INC Pune President Arvind Shinde) म्हणाले की, ‘‘भाजपा विरोधात बोलणाऱ्यांवर खोट्या केसेस करून त्यांची तोंड बंद करण्याची गुजराती स्टाईल देशातील जनता गेल्या अनेक वर्षांपासून पहात आहे. मा. राहुलजी गांधी यांनी मोदी आणि अदानीच्या भ्रष्ट युतीचा पर्दाफाश केल्याने त्यांचे तोंड बंद करण्यासाठी त्यांच्यावर खोटे आरोप करत खटला दाखल करून त्यांची खासदारकी रद्द केली. हा आवाज दाबण्याचा प्रयत्न असून लोकशाहीचा गळा घोटण्याचा प्रकार आहे. राहुल गांधी यांच्याविरोधात खोटी तक्रार करुन राजकीय द्वेषातून ही जाणीवपूर्वक कारवाई केलेली आहे. मा. राहुल गांधी यांनी कोणत्याही समाजाचा अपमान केलेला नाही परंतु मा. राहुल गांधी यांना घाबरवण्याचा प्रयत्न भाजपा गलिच्छ राजकारणातून करत आहे. देशातील कायदे सर्वांना समान आहेत व काँग्रेसचा न्यायव्यवस्थेवर विश्वास आहे. कोर्टाच्या निकालावर प्रतिक्रिया देता येत नाही परंतु राजकीय द्वेषातून राहुलजींचा आवाज दाबण्याचा प्रयत्न केला जात आहे. मोदी सरकारने विरोधी पक्ष संपविण्याचे षडयंत्र चालू केले आहे. लोकतंत्राची हत्या व पायमल्ली करण्याचे काम भाजप सरकार सध्या करीत आहे.’’

यावेळी महाराष्ट्र प्रदेश काँग्रेस कमिटीचे सरचिटणीस ॲड. अभय छाजेड, प्रा. विकास देशपांडे यांनी ही निषेधाचे भाषण केले.

यावेळी माजी महापौर कमल व्यवहारे, संगीता तिवारी, अजित दरेकर, वीरेंद्र किराड, गोपाळ तिवारी, बाळासाहेब दाभेकर, हाजी उस्मान तांबोळी, नीता रजपूत, लता राजुगरू, सुजाता शेट्टी, वैशाली मराठे, रजनी त्रिभुवन, मुख्तार शेख, मेहबुब नदाफ, ब्लॉक अध्यक्ष प्रदिप परदेशी, सतिश पवार, रमेश सोनकांबळे, राजेंद्र भुतडा, सुनिल घाडगे, सचिन आडेकर, अशोक जैन, युवक अध्यक्ष राहुल शिरसाट, NSUI अध्यक्ष अभिजीत गोरे, महिला अध्यक्षा पुजा आनंद, सुनिल शिंदे, द. स. पोळेकर, वाल्मिक जगताप, भरत सुराणा, गुलाम खान, विनय ढेरे, अक्षय जैन, आशुतोष शिंदे, वाहिद निलगर, अविनाश अडसूळ, राज घलोत, रेखा घलोत, वैष्णवी किराड, परवेज तांबोळी, राजेंद्र पेशने, सुंदरा ओव्‍हाळ, ज्योती परदेशी, सीमा सावंत, घनश्याम निम्हण, श्रीकृष्ण बराटे, दिपक ओव्हाळ, राहुल तायडे, विनोद चौरे, सचिन भोसले, सईदभाई सय्यद, बाबा सय्यद, मुन्ना खंडेलवाल, लतेंद्र भिंगारे, पपिता ओव्‍हाळ, शारदा वीर, वैशाली रेड्डी, ॲड. राहुल ढाले, ॲड. फैय्याज शेख, ॲड. राजेंद्र काळेबेरे,  आदींसह असंख्य कार्यकर्ते आंदोलनात सहभागी झाले होते.

आंदोलनाचे सूत्रसंचालन सुजित यादव यांनी केले तर आभार रवि आरडे यांनी मानले.

—

News Title |Rahul Gandhi | INC Pune | Agitation on behalf of Pune City District Congress Committee in support of Rahul Gandhi

Pune Congress | पुणे काँग्रेसची दर सोमवारी साप्ताहिक बैठक होणार | निवडणुकी बाबत होणार चर्चा  | शहर अध्यक्ष अरविंद शिंदे यांची माहिती

Categories
Breaking News Political पुणे

Pune Congress | पुणे काँग्रेसची दर सोमवारी साप्ताहिक बैठक होणार | निवडणुकी बाबत होणार चर्चा

| शहर अध्यक्ष अरविंद शिंदे यांची माहिती

 

    Pune Congress |  पुणे शहर जिल्हा काँग्रेस कमिटीचे अध्यक्ष अरविंद शिंदे (City President Arvind Shinde) यांनी आज काँग्रेस भवन येथे जाहिर केले की, पुणे शहर जिल्हा काँग्रेस कमिटीच्या वतीने आठवड्याच्या प्रत्येक सोमवारी सायं. ४.०० वा., काँग्रेस भवन, शिवाजीनगर, पुणे येथे साप्ताहिक बैठकीचे (Weekly Meeting) आयोजन केले जाणार आहे. (Pune Congress)

     या बैठकीस काँग्रेसचे आजी माजी आमदार, प्रदेश पदाधिकारी व प्रतिनिधी, आजी माजी नगरसेवक, ब्लॉक अध्यक्ष, विविध विभाग व सेलचे अध्यक्ष, महिला, युवक , विद्यार्थी संघटना आदी या बैठकीस उपस्थित राहणार आहेत. त्यानुसार पहिली बैठक सोमवार १० जुलै रोजी सायं. ४.०० वा., काँग्रेस भवन येथे आयोजित करण्यात आली आहे. (Pune Congress Weekly Meeting)

या  बैठकीत आगामी लोकसभा, विधानसभा व पुणे महानगरपालिका निवडणुकी संदर्भात चर्चा विनिमय होणार आहे. अशी माहिती पुणे शहर जिल्हा काँग्रेस कमिटी अध्यक्ष अरविंद शिंदे यांनी या पत्रकाद्वारे दिली आहे. (Pune Congress News)

News Title |Pune Congress | Pune Congress will hold a weekly meeting every Monday There will be a discussion about the election | City President Arvind Shinde’s information

Pune Lok Sabha By-election | पुणे लोकसभा पोटनिवडणूक | आघाडीत बिघाडी होण्याची शक्यता तरीही अजित पवारांना का हवीय पुण्याची जागा? 

Categories
Breaking News Political पुणे

Pune Lok Sabha By-election | पुणे लोकसभा पोटनिवडणूक | आघाडीत बिघाडी होण्याची शक्यता तरीही अजित पवारांना का हवीय पुण्याची जागा?

Pune Lok Sabha By-election | राष्ट्रवादीचे नेते अजित पवार (Ajit Pawar) यांनी पुणे लोकसभा मतदारसंघातील (Pune Lok Sabha  constituency) राष्ट्रवादी काँग्रेसच्या (NCP) ताकदीचा हवाला देत दावा केला आहे कि पुणे लोकसभेची जागा आम्ही लढवणार.  पुण्याची लोकसभेची जागा परंपरेनुसार काँग्रेसनेच (INC)  लढवली आहे. त्यामुळे अजित पवारांचे हे वक्तव्य राष्ट्रवादीच्या महाविकास आघाडीतील (Mahavikas Aaghadi) साथीदाराला फारसे पटण्याची शक्यता नाही. त्यामुळे आघाडीत बिघाडी होण्याची शक्यता मानली जात आहे. (Pune Lok Sabha By-election)
 पुणे लोकसभा मतदारसंघात भाजपचे खासदार  गिरीश बापट (MP Girish Bapat) यांच्या निधनाने ही जागा रिक्त झालेली आहे. मात्र राष्ट्रवादीने यावर दावा केला आहे. याआधी देखील पुणे राष्ट्रवादी शहर अध्यक्ष प्रशांत जगताप (NCP pune City President Prashant Jagtap) यांनी पुण्याच्या जागेवर दावा केला होता.   महाविकास आघाडीत  – राष्ट्रवादी काँग्रेस, काँग्रेस आणि शिवसेना (UBT) हे पक्ष आहेत.  काँग्रेस परंपरेने पुणे लोकसभेची जागा लढवत आहे आणि पवारांच्या विधानामुळे युतीमध्ये मतभेद होण्याची शक्यता आहे. (Pune Lok Sabha bypoll)
अजित पवार म्हणाले कि, “माझे मत आहे की, निवडणुका जाहीर झाल्या की ज्या पक्षाची मतदारसंघात ताकद जास्त असेल त्याला तिकीट मिळाले पाहिजे.  आता कोणत्या पक्षाची ताकद जास्त आहे हे कसे ठरवायचे?  तुम्ही महापालिका निवडणुका, विधानसभा निवडणुकांमधील निवडणूक निकाल पहा आणि विश्लेषण केल्यास पक्षांची तुलनात्मक ताकद दिसून येईल.  पुणे लोकसभा मतदारसंघात आमचे अनेक आमदार आहेत आणि रवींद्र धंगेकर यांना तुम्ही खाजगीत विचाराल तर ते सांगतील की कसबा जिंकण्यासाठी राष्ट्रवादीने त्यांना खूप मदत केली,” (Pune Lok Sabha by-election)
 पुणे महानगरपालिकेत (Pune Municipal Corporation) मागील निवडणुकीत भाजपनंतर राष्ट्रवादी हा दुसऱ्या क्रमांकाचा पक्ष होता, तर काँग्रेसची फारशी कामगिरी झाली नाही.  पुणे शहरातून काँग्रेसकडे फक्त एकच आमदार आहे, तर राष्ट्रवादीने मागील निवडणुकीत दोन विधानसभा जागा जिंकल्या होत्या.
 पवार म्हणाले की, सार्वत्रिक निवडणुकीला कमी अवधी असल्याने पोटनिवडणूक होऊ शकत नाही, असे आयोगाने यापूर्वी सांगितले होते, परंतु अलीकडच्या घडामोडींमुळे त्यांचे मत बदलले आहे.  “माझ्या मते सार्वत्रिक निवडणुकांना फक्त एक वर्ष उरले आहे, त्यामुळे पुणे लोकसभा जागेसाठी पोटनिवडणूक होणार नाही.  पण आता मला अंतर्गत वर्तुळातून असे कळले आहे की निवडणुका जाहीर होण्याची तयारी सुरू आहे,” (NCP Leader Ajit Pawar)
 पुणे राष्ट्रवादी काँग्रेसचे अध्यक्ष प्रशांत जगताप यांनी पुणे लोकसभा मतदारसंघातून निवडणूक लढवण्याची इच्छा व्यक्त केली होती. तर पक्षाचे ज्येष्ठ नेते दीपक मानकरही नशीब आजमावण्यास इच्छुक आहेत.  दुसरीकडे काँग्रेसने ही जागा लढवावी, असा आग्रह धरला आहे.  या जागेसाठी काँग्रेस नेते अरविंद शिंदे (Arvind Shinde) , मोहन जोशी (Mohan Joshi) आणि रवींद्र धंगेकर (MLA Ravindra Dhangekar) हे मोजकेच दावेदार आहेत.
 “निवडणुकीबाबत कोणताही निर्णय उच्च पातळीवर घेतला जातो.  आम्ही राज्यातील नेत्यांना आधीच कळवले आहे की काँग्रेस पुणे लोकसभेची जागा लढवणार आहे. कारण पुणे जिल्ह्यातील उर्वरित लोकसभेच्या सर्व जागा राष्ट्रवादी काँग्रेस लढवत आहे,” असे एका काँग्रेस नेत्याने सांगितले. (Ajit Pawar)
 पुणे लोकसभा पोटनिवडणूक लवकरच जाहीर होऊ शकते, या संकेतावर जिल्हा निवडणूक कार्यालयाने नुकतेच मॉक पोलिंग केले.  पुणे महानगरपालिकेने निवडणूक ड्युटीवर असलेल्या 120 नागरी अधिकार्‍यांना देखील मॉक पोलमध्ये उपस्थित राहण्याचे निर्देश दिले होते.  गैरहजर असलेल्यांना शिस्तभंगाच्या कारवाईला सामोरे जावे लागेल. असाही इशारा महापालिकेने दिला होता. (Pune Lok Sabha bypoll mock polling)
 बापट यांचा पाच वर्षांचा कार्यकाळ संपायला एक वर्ष बाकी असताना या वर्षी २९ मार्च रोजी निधन झाले.  काँग्रेसचे मोहन जोशी यांचा पराभव करून मे 2019 मध्ये ते लोकसभेवर निवडून आले होते.  कायद्यानुसार लोकसभेची जागा सहा महिन्यांपेक्षा जास्त रिक्त राहू शकत नाही. (MP Girish Bapat)
 संभाव्य पुणे लोकसभा पोटनिवडणुकीची बरीच उत्सुकता आहे. कारण सार्वत्रिक निवडणुकांना फक्त एक वर्ष बाकी आहे आणि पोटनिवडणुकीचा निकाल 2024 च्या सार्वत्रिक निवडणुकीचा कल निश्चित करेल.  नुकत्याच झालेल्या कसबा विधानसभेच्या पोटनिवडणुकीत काँग्रेसच्या धंगेकरांनी भाजपच्या बालेकिल्ल्यात भाजपचे हेमंत रासने  यांचा पराभव केला होता.  भाजपने मागील सहा निवडणुकांमध्ये जागा जिंकून पुण्याच्या राजकारणावर आपली पकड सिद्ध करण्यासाठी पोटनिवडणूक प्रतिष्ठेची बनवली होती.  भाजपच्या विद्यमान आमदार मुक्ता टिळक यांच्या निधनानंतर कसबा पोटनिवडणूक झाली होती. (Pune Lok Sabha constituency)
—-
News Title | Pune Lok Sabha By-election | Pune Lok Sabha By-Election | Why does Ajit Pawar want the seat of Pune despite the possibility of failure in the alliance?

PMC Pune Property Tax Department |कर आकारणी विभागात पुन्हा येण्यासाठी कर निरीक्षक यांची लॉबिंग 

Categories
Breaking News PMC Political पुणे

PMC Pune Property Tax Department |कर आकारणी विभागात पुन्हा येण्यासाठी कर निरीक्षक यांची लॉबिंग

| कॉंग्रेस शहर अध्यक्ष अरविंद शिंदे यांचा आरोप

PMC Pune Property Tax Department | कॉंग्रेस शहर अध्यक्ष अरविंद शिंदे (Congress city president Arvind Shinde) यांनी आरोप केला आहे कि, सामान्य प्रशासन विभागाच्या वरिष्ठांना हाताशी धरून येनकेन मार्गाने पुन्हा कर संकलन विभागात घुसखोरी करण्याच्या हालचाली  कर निरीक्षक (Tax inspector) लॉबिंग द्वारे करत आहेत . त्यामुळे  कर आकारणी व कर संकलन कार्यालयाकडील बदली झालेल्या सेवकांची तसेच ३ वर्षांहून अधिक काळ काम केलेल्या कर्मचारी यांची पुन्हा कोणत्याही कारणास्तव कर आकारणी व कर संकलन कार्यालयाकडे तात्पुरती बदली अथवा प्रशासकीय कामकाजासाठी बदली अथवा प्रत्यक्ष कामास घेण्यात येऊ नये. अशी मागणी अरविंद शिंदे यांनी महापालिका आयुक्त विक्रम कुमार (PMC Commissioner Vikram Kumar) यांच्याकडे केली आहे.

शिंदे यांच्या पत्रानुसार महानगरपालिका (Pune Municipal Corporation) प्रशासानाकडील कार्यकारी अभियंता, उप अभियंता, शाखा अभियंता, कनिष्ठ अभियंता, अनुरेखक, अधिक्षक, उप अधिक्षक, वरिष्ठ लिपिक, कनिष्ठ लिपिक अशा हुद्द्यावरील अधिकारी व कर्मचारी हे अनेक वर्ष एकाच खात्यात एकाच क्षेत्रासाठी काम करीत असून (उदा.बांधकाम विभागाकडील अभियंते, विभागीय निरीक्षक, पेठ निरीक्षक) पर्यायाने त्यांची मक्तेदारी तयार होत असल्याने अनेक लोकप्रतिनिधींनी मनपा अधिकारी व कर्मचारी यांची बदली करणेची मागणी सातत्याने करण्यात येत होती. त्यानुसार पुणे महानगरपालिका प्रशासानाकडील अधिकारी व कर्मचारी यांच्या शासन धोरणानुसार २०% नियतकालिक बदल्या झालेल्या आहेत. यामध्ये प्रामुख्याने महसुलाच्या दृष्टीने अत्यंत महत्वाचे खाते कर आकारणी व कर संकलन विभागाकडील गेली १० ते १२ वर्षे सेवकांची बदली न झाल्याने मक्तेदारी झाली होती. सबब संदर्भ क्र.१ ते ६ अन्वये कर आकारणी व कर संकलन कार्यालयाकडील सेवकांच्या बदल्या करण्यात आलेल्या आहेत. (PMC pune)

शिंदे यांनी पुढे म्हटले आहे कि, कर आकारणी व कर संकलन विभाग हा मनपाच्या महसुलाच्या दृष्टीने महत्वाचा विभाग आहे. या विभागात अनुभवी सेवक यांची अत्यंत गरज दाखवण्यासाठी कर संकलन विभागाच्या कामकाजात जाणीवपूर्वक विस्कळीतपणा आल्याचे भासविला जात आहे. वास्तविक संगणक युगात अवघ्या चार दिवसाच्या प्रशिक्षणाने कोणीही नवीन सेवक कर आकारणी विभागाचे कामकाज आत्मसात करू शकतो. यापूर्वी प्रस्थपित सेवकवर्ग बदलून नवीन सेवक वर्ग आणल्यावर मनपाचे महसुली उत्पन्न वाढल्याचा प्रशासनाला अनुभव आहे. सामान्य प्रशासन विभागाच्या वरिष्ठांना हाताशी धरून येनकेन मार्गाने पुन्हा कर संकलन विभागात घुसखोरी करण्याच्या हालचाली आर्थिक हितसंबंध दुरावलेले कर निरीक्षक लॉबिंग द्वारे करीत असल्याची खात्रीलायक माहिती मिळत आहे. उपनगरामध्ये कर निरीक्षक पदी तात्पुरता अधिभार घेण्यास आर्थिक गैरव्यवहार सुरु आहेत अशी चर्चा आहे. (PMC pune news)

आमची या पत्राद्वारे मागणी आहे कि कर आकारणी व कर संकलन कार्यालयाकडील बदली झालेल्या सेवकांची तसेच ३ वर्षांहून अधिक काळ काम केलेल्या कर्मचारी यांची पुन्हा कोणत्याही कारणास्तव कर आकारणी व कर संकलन कार्यालयाकडे तात्पुरती बदली अथवा प्रशासकीय कामकाजासाठी बदली अथवा प्रत्यक्ष कामास घेण्यात येऊ नये. यापूर्वी कर आकारणी व कर संकलन विभागाकडील गैरव्यवस्थापन आपल्या निदर्शनास आणून दिले असून त्यावर कोणतीही ठोस कार्यवाही झाल्याचे दिसून आले नाही. अनेक लोकप्रतिनिधी यांनी केलेल्या मागणीतील तथ्य न तपासण्याचा आलेला दुर्दैवी पायंडा आपण बदलावा, कर निरीक्षकाच्या लॉबिंग पुढे प्रशासनाने न झुकता खंबीरतेने शहराच्या महसूल वाढीसाठी कार्यरत राहावे. असे शिंदे यांनी म्हटले आहे. (Pune Property Tax)

News Title | PMC Pune Property Tax Department |Lobbying of tax inspectors to rejoin taxation department| Allegation of Congress City President Arvind Shinde