Biometric Attendance | बायोमेट्रिक हजेरीसाठी नोडल ऑफिसरची नियुक्ती बंधनकारक | नोडल ऑफिसरसाठी मंगळवारी कार्यशाळा | उपस्थित राहणे अनिवार्य

Categories
Breaking News PMC पुणे

बायोमेट्रिक हजेरीसाठी नोडल ऑफिसरची नियुक्ती बंधनकारक

| नोडल ऑफिसरसाठी मंगळवारी कार्यशाळा | उपस्थित राहणे अनिवार्य

पुणे | “Aadhar Enable Bio-Metric Attendance System” ची प्रणाली पुणे

महानगरपालिकेमध्ये कार्यान्वित करण्यात आली आहे. मात्र यात बऱ्याच अडचणी येत आहेत. त्यामुळे महापालिका प्रशासनाची आलोचना होत आहे. त्यामुळे आता हे सुरळीत करण्यासाठी प्रत्येक विभागात नोडल ऑफिसर नियुक्त करण्याचे आदेश देण्यात आले आहेत. शिवाय ते प्रत्येक विभागावर बंधनकारक राहणार आहे. तसेच नियुक्त केलेल्या नोडल ऑफिसरची मंगळवारी कार्यशाळा ठेवण्यात आली आहे. याबाबतचे आदेश सामान्य प्रशासन विभागाचे उपायुक्त सचिन इथापे यांनी जारी केले आहेत.

| असे आहेत आदेश
“Aadhar Enable Bio-Metric Attendance System” दैनंदिन हजेरी प्रणाली सुरू करण्यात आली आहे. विद्युत विभागाकडून `महानगरपालिकेच्या विविध ठिकाणी Bio- Metric Attendance Machine बसविण्यात आलेल्या आहेत. तसेच संदर्भ क्र. २ च्या आदेशान्वये “Aadhar Enable Bio-Metric Attendance System” दैनंदिन हजेरी प्रणाली सुरळीतपणे कार्यान्वित होण्यासाठी सर्व संबंधित विभागप्रमुख / खातेप्रमुख यांनी आपल्या विभाग / कार्यालयामध्ये नोडल ऑफिसरची नियुक्ती तत्काळ करावयास आदेशित करण्यात आले होते. त्या अनुषंगाने सर्व संबंधित विभागप्रमुख यांनी सदर कामी नोडल ऑफिसर नियुक्ती करणे बंधनकारक आहे. सदर नोडल ऑफिसरचे नाव, पदनाम व मोबाईल नंबरची माहिती उप आयुक्त, सामान्य प्रशासन विभाग व मुख्य अभियंता, विद्युत विभाग, पुणे मनपा यांना देणे आवश्यक आहे. सर्व संबंधित विभाग / कार्यालयामध्ये नियुक्त केलेल्या नोडल ऑफिसर यांची कार्यशाळा
अतिरिक्त महापालिका आयुक्त (ज) यांचे मार्गदर्शनाखाली २८/०२/२०२३ रोजी दुपारी १२ : ०० वा. आयोजित केली आहे. सदर कार्यशाळेसाठी सर्व संबंधित नोडल ऑफिसर यांनी श्री छत्रपती शिवाजी
महाराज सभागृह (जुना जी. बी. हॉल), तिसरा मजला, मुख्य इमारत, पुणे मनपा येथे उपस्थित राहावे. सदर कार्यशाळेस सर्व संबंधित कार्यालयाकडील नोडल ऑफिसर यांनी उपस्थित राहणे अनिवार्य आहे, याची नोंद घ्यावयाची आहे. याबाबतची समज सर्व संबंधित खातेप्रमुख / विभागप्रमुख यांनी नोडल ऑफिसर यांना देण्यात यावी.

Biometric Attendance | PMC Pune | कर्मचाऱ्यांना शिस्त पाळायचीय ; मात्र प्रशासनालाच सुधरायचं नाही 

Categories
Breaking News PMC पुणे

कर्मचाऱ्यांना शिस्त पाळायचीय ; मात्र प्रशासनालाच सुधरायचं नाही

| बायोमेट्रिक मशीन बाबत मनपा प्रशासनाची निष्काळजी

पुणे | महापालिका कर्मचारी आणि अधिकाऱ्यांना (PMC employees and officers) कार्यालयीन शिस्त लावण्यासाठी महापालिका प्रशासनाकडून बायोमेट्रिक हजेरी (Biometric attendance) अनिवार्य करण्यात आली आहे. याची गंभीर दखल घेत महापालिका कर्मचारी बायोमेट्रिक हजेरी करण्यासाठी धावाधाव करताहेत. मात्र ऑफिस ला आल्यांनतर मात्र मशीन काम करताना दिसत नाहीत (Internal server error). त्यामुळे कर्मचारी लवकर येऊनही त्यांची हजेरी लागताना दिसत नाही. हा प्रकार मनपा भवन आणि सर्व क्षेत्रीय कार्यालयामध्ये (ward offices) घडताना दिसत आहे. यामुळे कर्मचारी परेशान झाले आहेत. याबाबत प्रशासनाकडून गंभीर दखल घेतली जावी, अशी मागणी कर्मचारी करत आहेत. (Pune Municipal corporation)
महापालिका प्रशासनाकडून कार्यालयीन शिस्ती बाबत कडक धोरण अवलंबले आहे. त्याचाच भाग म्हणून कर्मचाऱ्यांना बायोमेट्रिक हजेरी अनिवार्य करण्यात आली आहे. हजेरी झाली नाही तर वेतन कापण्याचे आदेश देखील देण्यात आले आहेत. त्यामुळे कर्मचारी आणि अधिकाऱ्यांनी ही बाब गंभीरपणे घेतली आहे. त्यानुसार महापालिका कर्मचारी वेळेत येऊन बायोमेट्रिक हजेरी नोंदवण्याचा प्रयत्न करताहेत. कर्मचाऱ्यांना यासाठी स्मार्ट ओळखपत्र देखील देण्यात आले आहे. मात्र कर्मचारी ऑफिसला आल्यानंतर मात्र थम्ब करताना या मशीन काम करताना दिसत नाहीत. एक तर खूप वेळ वाट पाहावी लागते. वाट पाहूनही मशीन काम करत नाहीत. मशीनवरील Network error किंवा internal server error असे मेसेज पाहून कर्मचारी वैतागले आहेत. मनपा भवन आणि सर्व क्षेत्रीय कार्यालयामध्ये हीच स्थिती आहे. (PMC pune)
एकीकडे प्रशासनाच्या आदेशानुसार कर्मचारी शिस्त पाळण्याबाबत गंभीर आहेत तर महापालिका प्रशासन मात्र निष्काळजी असल्याचे दिसून येत आहे. याबाबत कर्मचाऱ्यांनी वारंवार तक्रारी करून देखील मशीन बाबत काहीच करण्यात आले नाही. महापालिका भवनात फक्त नवीन मशीन बसवलेल्या दिसून येताहेत. मात्र त्या कामाच्या असल्याचे दिसून येत नाही. क्षेत्रीय कार्यालयामध्ये हीच अवस्था आहे. त्यामुळे कर्मचाऱ्यांना शिस्त पाळायचीय मात्र प्रशासनालाच सुधरायचं नाही. असे म्हटले जात आहे. (Biometric machine)
दरम्यान याबाबत विद्युत विभागाचे मुख्य अभियंता श्रीनिवास कंदूल यांच्याशी संपर्क केला असता त्यांच्याशी बातचीत होऊ शकली नाही.

Biometric attendance | बायोमेट्रिक हजेरीबाबत महापालिका प्रशासन पुन्हा गंभीर  | 20 डिसेंबर ची डेडलाईन 

Categories
Breaking News PMC पुणे

बायोमेट्रिक हजेरीबाबत महापालिका प्रशासन पुन्हा गंभीर

| 20 डिसेंबर ची डेडलाईन

पुणे | महापालिकेत अधिकारी (PMC Pune) आणि कर्मचाऱ्यांना बायोमेट्रिक हजेरी अनिवार्य करण्यात आली आहे. मात्र अद्यापही काही अधिकारी / सेवकांचे बायोमेट्रिक हजेरी (Biometric Attendance) प्रणालीमध्ये रजिस्ट्रेशन झाले नसल्याचे दिसून येत आहे. तसेच याबाबतचे  प्रमाणपत्र सादर करण्याबाबत सूचित केले होते. त्यानुषंगाने संबंधित खातेप्रमुख / विभागप्रमुख यांनी सदर प्रमाण पत्र सादर केल्याचे दिसून येत नाही. त्यामुळे ही बाब प्रशासनाने पुन्हा गंभीरपणे घेतली आहे. आता प्रशासनाकडून यासाठी 20 डिसेंबर ची डेडलाईन (deadline) देण्यात आली आहे.  (Pune Municipal corporation)
| असे आहेत आदेश
Aadhar Enable Bio-Metric Attendance System” ची प्रणाली पुणे महानगरपालिकेमध्ये सूरू करण्यात आलेली आहे.  आदेशान्वये संबंधित खातेप्रमुख यांनी आपल्या विभागातील सर्व अधिकारी / सेवक यांचे “Aadhar Enable Bio-Metric Attendance System” च्या बायोमेट्रिक हजेरी प्रणालीमध्ये रजिस्ट्रेशन झाले आहे किंवा नाही याबाबतची खातरजमा करून यासोबत जोडलेल्या प्रमाणपत्रा प्रमाणे प्रमाणित करून खातेप्रमुख यांचे स्वाक्षरीने प्रमाणपत्र देण्याबाबत संदर्भ  निर्देश देण्यात आले होते. अद्यापही काही अधिकारी / सेवकांचे बायोमेट्रिक हजेरी प्रणालीमध्ये रजिस्ट्रेशन झाले नसल्याचे दिसून येत आहे. तसेच  प्रमाणपत्र सादर करण्याबाबत सूचित केले होते. त्यानुषंगाने संबंधित खातेप्रमुख / विभागप्रमुख यांनी सदर प्रमाण पत्र सादर केल्याचे दिसून येत नाही.

त्यानुषंगाने सादर खातेप्रमुख / विभागप्रमुख यांना आदेशित करण्यात येते की आपले विभागातील / क्षेत्रिय कार्यालयातील सर्व अधिकारी / सेवकांचे बायोमेट्रिक हजेरी प्रणालीमध्ये रजिस्ट्रेशन पूर्ण करून २०/१२/२०२२ पर्यंत बायोमेट्रिक हजेरी प्रणालीत पूर्ण क्षमतेने चालू करावयाचे आहे. ज्या अधिकारी/सेवकांची बायोमेट्रिक हजेरी प्रणालीमध्ये हजेरी लावली जाणार नाही त्या अधिकारी/सेवक यांचेमहिने महाचे वेतन अदा करण्यात येणार नाही. याची सर्व अधिकारी/सेवक यांनी नोंद घ्यावयाची आहे. संबंधित विभाग / क्षेत्रिय कार्यालय यांना बायोमेट्रिक हजेरी प्रणालीबाबत काही तक्रारी / अडचणी येत असल्यास श्री. श्रीनिवास कंदूल, मुख्य अभियंता, विद्युत विभाग मोबाईल नं. ९६८९९३१३७४ यांचेशी संपर्क साधावा. असे आदेशात म्हटले आहे.

Biometric machine | बायोमेट्रिक मशीन दुरुस्त करण्याबाबत मनपा प्रशासनाकडून लगबग! | येत्या दोन दिवसांत स्मार्ट ओळखपत्र दिले जाणार | मुख्य अभियंता श्रीनिवास कंदूल यांची माहिती

Categories
Breaking News PMC पुणे

बायोमेट्रिक मशीन दुरुस्त करण्याबाबत मनपा प्रशासनाकडून लगबग!

| येत्या दोन दिवसांत स्मार्ट ओळखपत्र दिले जाणार | मुख्य अभियंता श्रीनिवास कंदूल यांची माहिती

महापालिका प्रशासनाकडून महापालिका कर्मचाऱ्यांना बायोमेट्रिक हजेरी अनिवार्य करण्यात आली आहे. बायोमेट्रिक हजेरी नसेल तर १५ तारखेपासून वेतन अदा न करण्याचे आदेश अतिरिक्त आयुक्तांनी जारी केले आहेत. यामुळे महापालिका कर्मचाऱ्यांचे धाबे दणाणले आहेत. त्यामुळे कर्मचारी सकाळी कार्यालयात आल्यावर आणि सायंकाळी बाहेर पडताना बायोमेट्रिक मशीन वर थंब करूनच बाहेर पडत आहेत. मात्र सकाळी आणि सायंकाळी देखील थंब करताना मशीन अचानक बंद पडत होत्या. यामुळे प्रशासनाची आलोचना केली जात होती. याची गंभीर दखल घेत महापालिका प्रशासनाकडून मशीन दुरुस्त करण्यात आल्या. शिवाय नवीन मशीन बसवण्यात आल्या. तसेच आगामी दोन दिवसात पहिल्या टप्प्यातील स्मार्ट ओळखपत्र वितरित केले जातील. अशी माहिती विद्युत विभागाचे मुख्य अभियंता श्रीनिवास कंदूल यांनी दिली.

Aadhar Enabled Bio-Metric Attendance System” ची प्रणाली पुणे महानगरपालिकेमध्ये सूरू करण्यात आलेली आहे. त्यानुसार सर्व संबंधित खातेप्रमुख यांनी आपल्या विभागातील सर्व अधिकारी/सेवकांचे बायोमेट्रिक्स होते याबाबतची खात्री करणे आवश्यक आहे. तथापि, अनेक विभागामध्ये अद्याप अधिकारी/सेवक बायोमेट्रिक्स हजेरी प्रणालीमध्ये हजेरी लावत नाही असे निदर्शनास आले आहे. ज्या कर्मचाऱ्यांची बायोमेट्रिक हजेरी नसेल, त्यांचे 15 नोव्हेंबर पासून वेतन अदा करू नये. असे आदेश महापालिका अतिरिक्त आयुक्त रविंद्र बिनवडे यांनी जारी केले आहेत. यामुळे कर्मचारी हवालदिल झाले आहेत. कर्मचारी सकाळी कार्यालयात आल्यावर आणि सायंकाळी बाहेर पडताना बायोमेट्रिक मशीन वर थंब करूनच बाहेर पडत आहेत. मात्र सकाळी आणि सायंकाळी देखील थंब करताना मशीन अचानक बंद पडत होत्या. यामुळे प्रशासनाची आलोचना केली जात होती. याची गंभीर दखल घेत महापालिका प्रशासनाकडून मशीन दुरुस्त करण्यात आल्या. शिवाय नवीन मशीन बसवण्यात आल्या. त्यामुळे कालच्या पेक्षा आज कर्मचाऱ्यांना कमी वेळ लागला.


मनपा भवन मध्ये एकूण ९ बायोमेट्रिक मशीन बसवण्यात आल्या होत्या. नेटवर्क अभावी मशीन बंद पडत होत्या. मात्र आज त्यांची दुरुस्ती करण्यात आल्या. शिवाय ७ ते ८ नवीन मशीन बसवण्यात आल्या आहेत. शिवाय आगामी दोन दिवसात कर्मचाऱ्यांना पहिल्या टप्प्यातील ५०० स्मार्ट ओळखपत्र वितरित केले जाणार आहेत. त्यानंतर जसे उपलब्ध होतील तसे ओळखपत्र वितरित केले जातील. या ओळखपत्रामुळे कर्मचाऱ्यांचा वेळ वाचणार आहे. यानुसार आधार नंबर टाकण्याची आवश्यकता भासणार नाही. फक्त थंब करावे लागणार आहे.

| श्रीनिवास कंदूल, मुख्य अभियंता, विद्युत विभाग, पुणे मनपा

Biometric Machine | PMC Pune | बायोमेट्रिक हजेरीसाठी महापालिका कर्मचाऱ्यांना लावाव्या लागताहेत रांगा |मशीन अचानक बंद पडत असल्याने कर्मचारी त्रस्त

Categories
Breaking News PMC पुणे

बायोमेट्रिक हजेरीसाठी महापालिका कर्मचाऱ्यांना लावाव्या लागताहेत रांगा |मशीन अचानक बंद पडत असल्याने कर्मचारी त्रस्त

पुणे | महापालिका प्रशासनाकडून महापालिका कर्मचाऱ्यांना बायोमेट्रिक हजेरी अनिवार्य करण्यात आली आहे. बायोमेट्रिक हजेरी नसेल तर १५ तारखेपासून वेतन अदा न करण्याचे आदेश अतिरिक्त आयुक्तांनी जारी केले आहेत. यामुळे महापालिका कर्मचाऱ्यांचे धाबे दणाणले आहेत. त्यामुळे कर्मचारी सकाळी कार्यालयात आल्यावर आणि सायंकाळी बाहेर पडताना बायोमेट्रिक मशीन वर थंब करूनच बाहेर पडत आहेत. मात्र सकाळी आणि सायंकाळी देखील थंब करताना मशीन अचानक बंद पडत आहेत. यात कर्मचाऱ्यांचा वेळ वाया जात आहे. तर सायंकाळी कार्यालयातून बाहेर पडताना देखील खूप उशीर होत आहे. यामुळे कर्मचारी त्रस्त झाले आहेत. शिस्त लावत असताना सुविधा देखील देण्याची मागणी कर्मचारी वर्गातून होत आहे.

Aadhar Enabled Bio-Metric Attendance System” ची प्रणाली पुणे महानगरपालिकेमध्ये सूरू करण्यात आलेली आहे. त्यानुसार सर्व संबंधित खातेप्रमुख यांनी आपल्या विभागातील सर्व अधिकारी/सेवकांचे बायोमेट्रिक्स होते याबाबतची खात्री करणे आवश्यक आहे. तथापि, अनेक विभागामध्ये अद्याप अधिकारी/सेवक बायोमेट्रिक्स हजेरी प्रणालीमध्ये हजेरी लावत नाही असे निदर्शनास आले आहे. ज्या कर्मचाऱ्यांची बायोमेट्रिक हजेरी नसेल, त्यांचे 15 नोव्हेंबर पासून वेतन अदा करू नये. असे आदेश महापालिका अतिरिक्त आयुक्त रविंद्र बिनवडे यांनी जारी केले आहेत. यामुळे कर्मचारी हवालदिल झाले आहेत.

या आदेशामुळे महापालिका कर्मचारी बायोमेट्रिक हजेरी लावण्याबाबत गंभीर झाले आहेत. त्यानुसार कर्मचारी सकाळी कार्यालयात आल्यावर आणि सायंकाळी बाहेर पडताना बायोमेट्रिक मशीन वर थंब करूनच बाहेर पडत आहेत. मात्र सकाळी आणि सायंकाळी देखील थंब करताना मशीन अचानक बंद पडत आहेत. गेल्या दोन दिवसापासून हीच स्थिती आहे. जुन्या इमरती मधील मशीन बंद होत आहेत. त्यामुळे सर्व कर्मचारी नवीन इमारतीकडे धाव घेत आहेत. यामुळे कर्मचाऱ्यांना लांबच लांब रांगा लावाव्या लागत आहेत. सायंकाळी कार्यालयातून बाहेर पडताना देखील खूप उशीर होत आहे. यामुळे कर्मचारी त्रस्त झाले आहेत. याबाबत प्रशासनाला विचारले असता सांगण्यात आले कि लवकरच मशीन दुरुस्त करण्यात येतील.

Biometric Attendene | Smart Identity Card | आगामी ८ दिवसांत कर्मचाऱ्यांना स्मार्ट ओळखपत्र उपलब्ध करून दिले जाणार | महापालिका प्रशासनाचा दावा | महापालिकेत बऱ्याच विभागात Biometric मशीन बंद अवस्थेत

Categories
Breaking News PMC पुणे

आगामी ८ दिवसांत कर्मचाऱ्यांना स्मार्ट ओळखपत्र उपलब्ध करून दिले जाणार

| महापालिका प्रशासनाचा दावा

| महापालिकेत बऱ्याच विभागात Biometric मशीन बंद अवस्थेत

पुणे  | महापालिका प्रशासनाकडून महापालिका कर्मचाऱ्यांना बायोमेट्रिक हजेरी अनिवार्य करण्यात आली आहे. बायोमेट्रिक हजेरी नसेल तर १५ तारखेपासून वेतन अदा न करण्याचे आदेश अतिरिक्त आयुक्तांनी जारी केले आहेत. यामुळे महापालिका कर्मचाऱ्यांचे धाबे दणाणले आहेत. मात्र दुसरीकडे काही विभागात बायोमेट्रिक मशीन बंद आहेत. त्यामुळे आहे त्या मशीनवर रांगा लागत आहेत. यात कर्मचाऱ्यांचा वेळ जात आहे. याकडे मात्र प्रशासनाचे लक्ष नाही. याबाबत प्रशासनाला विचारले असता खुलासा करण्यात आला कि सगळीकडे मशीन उपलब्ध करून दिल्या जातील. तसेच आगामी ८ दिवसांत स्मार्ट ओळखपत्र देखील उपलब्ध करून दिले जातील. त्यामुळे कर्मचाऱ्यांचा वेळ देखील वाचेल.

Aadhar Enabled Bio-Metric Attendance System” ची प्रणाली पुणे महानगरपालिकेमध्ये  सूरू करण्यात आलेली आहे. त्यानुसार सर्व संबंधित खातेप्रमुख यांनी आपल्या विभागातील सर्व अधिकारी/सेवकांचे बायोमेट्रिक्स होते याबाबतची खात्री करणे आवश्यक आहे. तथापि, अनेक विभागामध्ये अद्याप अधिकारी/सेवक बायोमेट्रिक्स हजेरी प्रणालीमध्ये हजेरी लावत नाही असे निदर्शनास आले आहे. ज्या कर्मचाऱ्यांची बायोमेट्रिक हजेरी नसेल, त्यांचे 15 नोव्हेंबर पासून वेतन अदा करू नये. असे आदेश महापालिका अतिरिक्त आयुक्त रविंद्र बिनवडे यांनी जारी केले आहेत. यामुळे कर्मचारी हवालदिल झाले आहेत. मात्र दुसरीकडे काही विभागात बायोमेट्रिक मशीन बंद आहेत. त्यामुळे आहे त्या मशीनवर रांगा लागत आहेत. यात कर्मचाऱ्यांचा वेळ जात आहे.

दरम्यान विद्युत विभागाकडून पुणे महानगरपालिकेच्या विविध ठिकाणी Bio- Metric Attendance Machine बसविण्यात आलेल्या आहेत. तसेच पुणे महानगरपालिकेच्या अधिकारी / कर्मचारी यांच्या ओळखपत्रांमध्ये एकसूत्रता आणण्यासाठी पुणे मनपाच्या विविध कार्यालयांसाठी  नव्याने स्मार्ट ओळखपत्र खरेदी करून देण्यासाठी महापालिका आयुक्त यांची मान्यता प्राप्त झाली आहे. हे ओळखपत्र अनिवार्य असणार आहे. त्यानुसार महापालिका  कर्मचाऱ्यांसाठी स्मार्ट ओळखपत्र खरेदी करणार आहे. एका ओळखपत्राची किंमत 136 रुपये आहे.
महापालिका प्रशासनाच्या माहितीनुसार हे ओळखपत्र बायोमेट्रिक हजेरी साठी तसेच अंशदायी आरोग्य सहायता योजनेसाठी साठी देखील वापरले जाईल. त्याचप्रमाणे या ओळखपत्राच्या माध्यमातून कर्मचारी आणि अधिकाऱ्यांची सर्व माहिती एकत्रित ठेवली जाईल. त्यासाठी हे ओळखपत्र खरेदी केले जाणार आहे. हे ओळखपत्र आता आगामी ८ दिवसात महापालिका कर्मचाऱ्यांना उपलब्ध करून दिले जाणार आहे.
बंद असलेल्या बायोमेट्रिक मशीन तत्काळ सुरु केल्या जातील. शिवाय आगामी ८ दिवसात आम्ही कर्मचाऱ्यांना स्मार्ट ओळखपत्र उपलब्ध करून देणार आहोत. यामुळे बायोमेट्रिक हजेरी जलद गतीने होण्यास मदत होईल.
| श्रीनिवास कंदूल, मुख्य अभियंता, विद्युत विभाग