Tag: BRTS

Nagar Road BRTS | Removal of Nagar Road BRT route started | The road was closed for three years

Categories
Breaking News PMC Political social पुणे

Nagar Road BRTS |  Removal of Nagar Road BRT route started  | The road was closed for three years

 Nagar Road BRTS |  The work of removing Nagar Road BRTS from Yerwada (Gunjan Chowk) to Vimannagar Phoenix Mall started on Saturday morning.  Due to Pune Metro Work, BRT routes were closed.  Therefore, it was decided to delete this route on a pilot basis (Pilot Project).  PMC Additional Commissioner Vikas Dhakane informed that this decision was taken after discussion between Divisional Commissioner, Municipal Commissioner and Traffic Police.
 Additional Commissioner Dhakne said that this road was closed for the last three years.  Therefore, in terms of transportation convenience, the people of all the parties, social organisations demanded that the  remove this road.  Accordingly, this decision has been taken after discussion between Divisional Commissioner, Municipal Commissioner and Traffic Police, PMP.  Additional Commissioner also said that the work will be completed in the coming week.  (Pune News)
 —-
 I have been constantly demanding that the BRT route be constructed to solve the traffic congestion on the city roads.  This question was also raised in the legislative petition.  Finally, the Municipal Corporation and the Traffic Police decided to take the closed BRT route from Gunjan Chowk to Hyatt Hotel on an experimental basis.  Therefore, the city has definitely taken a step forward to solve the traffic congestion on the road.  On behalf of the citizens of Vadgaon Sheri Constituency, I express my gratitude for this decision taken by the administration.
   – Sunil Tingre, MLA, Vadgaon Sheri.
 —

Nagar Road BRTS | पुणे महापालिकेकडून नगर रोड बीआरटी मार्ग हटवण्याचे काम सुरू | पावणे तीन वर्षांपासून मार्ग होता बंद

Categories
Breaking News PMC Political social पुणे

Nagar Road BRTS | नगर रोड बीआरटी मार्ग हटवण्याचे काम सुरू | पावणे तीन  वर्षांपासून मार्ग होता बंद

Nagar Road BRTS | नगर रस्त्यावरील येरवडा (गुंजन चौक) ते विमाननगर फिनिक्स मॉल पर्यतच्या बीआरटी मार्ग (Nagar Road BRTS) काढण्याच्या कामास शनिवारी सकाळपासून सुरवात झाली. मेट्रोच्या कामामुळे (Pune Metro Work) बीआरटीचा सर्व मार्ग बंद अवस्थेत होता. त्यामुळे प्रायोगिक तत्त्वावर (Pilot Project) हा मार्ग हटविण्याचा निर्णय घेण्यात आला. विभागीय आयुक्त, महापालिका आयुक्त आणि वाहतूक पोलिस यांच्यात चर्चा करुन हा निर्णय घेण्यात आल्याची माहिती महापालिका अतिरिक्त आयुक्त विकास ढाकणे (PMC Additional Commissioner Vikas Dhakane) यांनी दिली.
अतिरिक्त आयुक्त ढाकणे यांनी सांगितले कि मागील जवळपास पावणे तीन वर्षांपासून हा मार्ग बंदच होता. त्यामुळे वाहतुकीच्या सोयीच्या दृष्टीने सर्वच पक्षाच्या लोकांनी सामाजिक संस्थांनी हा मार्ग हटवण्याची मागणी केली होती.  त्यानुसार विभागीय आयुक्त, महापालिका आयुक्त आणि वाहतूक पोलिस, पीएमपी यांच्यात चर्चा करुन हा निर्णय घेण्यात आला आहे. आगामी आठवडाभरात याचे काम पूर्ण होईल, असेही अतिरिक्त आयुक्तांनी सांगितले. (Pune News)
—-
नगर रस्त्यावरील वाहतूक कोंडी सोडविण्यासाठी बीआरटी मार्गिका काढावी अशी मागणी मी सातत्याने करत होतो. विधीमंडळ अधिवेधनातही हा प्रश्न उपस्थित केला होता. अखेर महापालिका आणि वाहतूक पोलिस यांनी एकत्र येऊन बंद अवस्थेत असलेला गुंजन चौक ते हयात हॉटेलपर्यतचा बीआरटीमार्ग प्रायोगिक तत्त्वावर काढण्याचा निर्णय घेतला. त्यामुळे निश्चितच नगर रस्त्यावरील वाहतूक कोंडी सोडविण्यासाठी एक पाऊल पुढे पडले आहे. प्रशासनाने घेतलेल्या या निर्णयाबद्दल मी वडगाव शेरी मतदारसंघातील नागरिकांच्यावतीने आभार व्यक्त करतो.
  – सुनिल टिंगरे, आमदार, वडगाव शेरी.
—
News Title | Nagar Road BRTS | Removal of Nagar Road BRT route started The road was closed for fifty three years

Three-storey flyover | नगर रस्त्यावरील तीन मजली उड्डाणपूल थेट विमाननगरपर्यंत करणार | अजित पवार यांनी केली पाहणी ; बीआरटी काढण्याची सुचना

Categories
Breaking News PMC Political पुणे

नगर रस्त्यावरील तीन मजली उड्डाणपूल थेट विमाननगरपर्यंत करणार

| अजित पवार यांनी केली पाहणी ; बीआरटी काढण्याची सुचना

नगर रस्त्यावरील वाहतूक कोंडी सोडविण्यासाठी थेट विमाननगर मधील हयात हॉटेल पर्यंत तीन मजली उड्डाणपूलाचा आराखडा तयार करण्यात येईल. अशी माहिती भारतीय राष्ट्रीय राजमार्ग प्राधिकरणाच्या (एनएचएआय) अधिकाऱ्यांनी विरोधी पक्षनेते अजित पवार यांना शुक्रवारी दिली. तर वाहतूक सुरळीत करण्यासाठी या मार्गावरील बीआरटी काढून टाकून अतिक्रमनांवर कारवाई करावी अशा सूचना पवार यांनी महापालिका अधिकाऱ्यांना केल्या.

नगर रस्त्यावरील वाहतूक कोंडी सोडविण्यासदर्भात उपाययोजना करण्यासाठी वडगाव शेरीचे आमदार सुनिल टिंगरे यांनी नुकतेच महापालिका भवनासमोर उपोषण केले होते. या पार्श्वभूमीवर विरोधी पक्षनेते अजित पवार यांनी नगर रस्त्यावर जाऊन प्रत्यक्ष पाहणी करून वाहतूक कोंडीचा आढावा घेतला. यावेळी आमदार टिंगरे यांच्यासह एनएचएआयचे संजय कदम, महापालिका अतिरिक आयुक्त विकास ढाकणे, अधिक्षक अभियंता श्रीनिवास बोनाला, पथ विभाग प्रमुख व्ही. जी. कुलकर्णी तसेच पीडब्लूडी, पोलिस वाहतूक विभागाचे उपायुक्त विजय मगर
आणि महामेट्रोचे अधिकारी उपस्थित होते.

यावेळी पवार यांनी वाहतूक कोंडीच्या कारणांची माहिती घेऊन त्या सोडविण्यासाठी संबंधित अधिकाऱ्यांना सूचना दिल्या. केंद्र शासनाच्या माध्यमातून पुणे ते औरंगाबाद या महामार्गाचे जे काम हाती घेण्यात आले आहे. त्यात शिक्रापूर ते वाघोली पर्यत जे तीन मजली  उड्डाणपूल करण्यात येणार आहे तो थेट विमाननगर मधील हयात हॉटेल पर्यत करण्यासंबंधीचा आराखडा तयार करावा. त्यासाठी आपण केंद्रीय मंत्री नितीन गडकरी यांची भेट घेऊन त्यास मंजुरी मिळवून देऊ असे पवार यांनी सांगितले. तसेच महामेट्रोचे प्रमुख ब्रिजेश दीक्षित यांच्याशी पवार यांनी फोनवरून संपर्क साधून उड्डाणपूलाच्या कामानुसार मेट्रोचा सुधारित डीपीआर करण्याच्या सुचना दिल्या. एनएचआयच्या अधिकऱयांनी त्यास सहमती दिली. तसेच केंद्र शासनाच्या जे एनएनयुआरएम योजनेंतर्गत रस्त्यासाठी निधी आणताना त्यावर बीआरटी योजना बंधनकारक होती. त्यानुसार त्यावेळेस बीआरटी योजना राबविली होती. आता मात्र या रस्त्यावर मोठ्या प्रमाणात वाहतूक वाढली असल्याने बीआरटी मार्ग काढून टाकावा अशा सूचना पवार यांनी पालिका अधिकाऱ्यांना केल्या. तसेच वाघोली, लोहगावकडून पिंपरी चिंचवड कडे जाणाऱ्या रिंगरोडचे कामही तात्काळ सुरू करण्यास पवार यांनी सांगितले. दरम्यान नगर रस्त्यावरील वाहतूक उपाय योजनांसाठी समिती नेमण्यात येणार असल्याचे प्रशासनाकडून सागण्यात आले.

| नदी काठच्या रस्त्याच्या सात दिवसात निविदा

नगर रस्त्याला पर्यायी ठरणाऱ्या खराडी- शिवणे रस्त्याच्या कामाचा आढावा पवार यांनी घेतला. यावेळी अति. आयुक्त ढाकणे यांनी या रस्त्यावरील राहिलेल्या दोन जागा ताब्यात घेण्याची प्रक्रिया सुरू असून ती आता झाली असून आठवडा भरात रस्त्याच्या कामासाठी निविदा प्रक्रिया सुरू होईल असे सांगितले.

|माझ्या पक्षाच्या लोकांची असेल तरी अतिक्रमणे काढा

नगर रस्त्यावर वाघोली पर्यत मोठ्या प्रमाणात अतिक्रमणे झाली आहेत. त्यावर तात्काळ कारवाई करा. त्यात माझ्या पक्षाच्या लोकांची जरी अतिक्रमणे असली तरी त्यावर कारवाई करून ती काढून टाका अशा स्पष्ट सूचना पवार यांनी दिल्या.

PMPML | Om Prakash Bakoria | शहराच्या विकासासाठी व वाहूतक सुधारण्यासाठी जलद बस वाहतूक आवश्यक | ओम प्रकाश बकोरिया

Categories
Breaking News social पुणे

शहराच्या विकासासाठी व वाहूतक सुधारण्यासाठी जलद बस वाहतूक आवश्यक | ओम प्रकाश बकोरिया

शहराच्या विकासासाठी आणि सार्वजनिक वाहूतक सुधारण्यासाठी बस रॅपिड ट्रान्झिट (जलद बस वाहतूक) आवश्यक आहे आणि ह्याच बी.आर.टी सक्षमीकरणासाठी आम्ही भर देणार आहोत. असे पुणे महानगर परिवहन महामंडळाचे अध्यक्ष व व्यवस्थापकीय संचालक ओम प्रकाश बकोरिया यांनी सांगितले. (PMPML CMD Om Prakash Bakoria)

पीएमपीएमएलकडून बी.आर.टी बाबत २ दिवसीय कार्यशाळा आयोजित करण्यात आली होती. या कार्यशाळेच्या समारोपाप्रसंगी ते बोलत होते. पुणे आणि पिंपरी-चिंचवड शहरामधील मधील बीआरटीचे नेटवर्क सुधारून त्यावर विविध उपाय योजना होण्यासाठी विद्यमान बी.आर.टी.एस नेटवर्क सुधारण्यासाठी आणि भविष्यातील विस्ताराची योजना ओळखण्यासाठी पीएमपीएमएलकडून ९ व १० फेब्रुवारी रोजी २ दिवसीय कार्यशाळा आयोजित करण्यात आली होती.

शहरातील एनजीओ परिसर, सेव्ह पुणे ट्रॅफिक मूव्हमेंट, सेंटर फॉर एन्व्हायर्नमेंट एज्युकेशन (सीईई), शहरी वाहतूक तज्ज्ञ प्रांजली देशपांडे आणि सर्ग डिझाइन स्टुडिओचे योगेश दांडेकर यांच्या तांत्रिक सहाय्याने घोले रोड येथील पंडित जवाहरलाल नेहरू सांस्कृतिक हॉलमध्ये कार्यशाळा आयोजित करण्यात आली होती. यावेळी परिसर संस्थेचे पदाधिकारी, पीएमपी प्रवासी मंचचे पदाधिकारी, वाहतूक तज्ञ,पीएमपीएमएल, पुणे व पिंपरी-चिंचवड मनपा, पुणे व पिंपरी चिंचवड वाहतूक विभागाचे अधिकारी/कर्मचारी उपस्थित
होते.

पुण्यातील बी.आर.टी कॉरिडॉर दररोज ४ लाखांहून अधिक प्रवाशांना सेवा देतो. बी.आर.टी नेटवर्कचा विस्तार केल्यास त्यात वाढ होऊ शकते असे मत सर्व उपस्थित तज्ञांकडून व्यक्त करण्यात आले. विद्यमान पिंपरी-चिंचवड कॉरिडॉरशी कनेक्टिव्हिटी सुनिश्चित करण्यासाठी काही कॉरिडॉर पूर्ण करणे आवश्यक आहे असे मत वाहतूक तज्ञांनी यावेळी व्यक्त केले. पुणे व पिंपरी –चिंचवड महानगरपालिकांकडून अपेक्षा याबाबत सहभागी तज्ञांनी सूचना केल्या.

Rotating washing’ centre | पीएमपीएमएलच्या फिटरने बनविले ‘फिरते वॉशिंग’ सेंटर

Categories
Breaking News social पुणे

पीएमपीएमएलच्या फिटरने बनविले ‘फिरते वॉशिंग’ सेंटर

|  बी.आर.टी. मार्गावरील अस्वच्छ बसथांबे स्वच्छ करण्यासाठी होणार वापर

| फिटर  बाबासाहेब मुलाणी यांच्या कडून ३ दिवसात निर्मिती.

| कमी वेळेत व कमी मनुष्यबळात बसथांबे होणार स्वच्छ.

बी.आर.टी. मार्गावरील अस्वच्छ बसथांबे पाण्याने धुवून स्वच्छ करणेसाठी पुणे महानगर परिवहन महामंडळाच्या पिंपरी आगारात कार्यरत असलेले बेंच फिटर बाबासाहेब मुलाणी यांनी कल्पना लढवून ‘फिरते वॉशिंग’ सेंटर तयार करून बी.आर.टी. बसथांबे स्वच्छ करणे सोपे केले असून त्यांचे सर्वत्र कौतुक होत आहे.

अनेक यांत्रिकी बाबींशी संलग्न काम करणारे कर्मचारी हे कल्पकता लढवून आपल्या परीने कामात सोपेपणा
आणण्यासाठी नावीन्यपूर्ण गोष्टी करत असतात. बी.आर.टी. मार्गावरील अस्वच्छ बसथांबे स्वच्छ करण्याच्या अडचणी दूर करण्यासाठी पिंपरी आगाराचे आगार व्यवस्थापक भास्कर दहातोंडे व पिंपरी आगार अभियंता राजकुमार माने यांच्या मार्गदर्शनाखाली बाबासाहेब मुलाणी यांनी १ एच.पी.ची मोटर, २ हजार लिटर पाण्याची टाकी व अन्य टाकाऊ साहित्या पासून सर्व्हिस व्हॅन मध्ये ‘फिरते वॉशिंग’ सेंटर तयार केले आहे.

एका बी.आर.टी. बसथांब्यावरून दुसऱ्या बसथांब्यावर जाऊन कमी वेळेत व कमी मनुष्यबळात बसथांबे पाण्याने धुवून स्वच्छ करणे शक्‍य होणार असल्याने ‘फिरते वॉशिंग’ सेंटर तयार करण्याबाबत आगार व्यवस्थापक  भास्कर दहातोंडे व आगार अभियंता  राजकुमार माने व  बाबासाहेब मुलाणी यांनी विचार केला, यासाठी पार्ट कोणतेवापरायचे ? त्याची रचना कशी करायची ? याचा अभ्यास करून त्यांनी एक डिझाईन तयार करून पार्ट्स बनवून घेतले व ते सर्व्हिस व्हॅन मध्ये जोडले. सिंगल फेज विजेवर चालणारी मोटार जोडून ३ दिवसांच्या प्रयत्नानंतर हे ‘फिरते वॉशिंग’ सेंटर तयार झाले आहे. एका बी.आर.टी. बसथांब्यावरून दुसऱ्या बसथांब्यावर जाऊन कमी वेळेत व कमी मनुष्यबळात बसथांबे पाण्याने धुवून स्वच्छ करणे सोयीस्कर झाले आहे. ‘फिरते वॉशिंग’ सेंटर तयार केल्याबद्दल आगार व्यवस्थापक  भास्कर दहातोंडे, आगार अभियंता राजकुमार माने व फिटर श्री. बाबासाहेब मुलाणी यांचे महामंडळाचे अध्यक्ष व
व्यवस्थापकीय संचालक ओम प्रकाश बकोरिया व सहव्यवस्थापकीय संचालक प्रज्ञा पोतदार – पवार यांनी कौतुक केले.

BRTS | MLA Sunil Tingre | नगर रस्त्यावरील बीआरटी काढा अन वाहतुक कोंडी सोडवा | आमदार सुनिल टिंगरे यांची लक्षवेधीतून विधानसभेत मागणी

Categories
Breaking News PMC Political पुणे महाराष्ट्र

नगर रस्त्यावरील बीआरटी काढा अन वाहतुक कोंडी सोडवा

| आमदार सुनिल टिंगरे यांची लक्षवेधीतून विधानसभेत मागणी

पुणे : नगर रस्ता आणि विश्रांतवाडी  रस्त्यावरील बीआरटी (BRTS) मार्गामुळे वाहतुक कोंडीची समस्या(Traffic issue) गंभीर बनली आहे. त्यामुळे हा मार्ग काढून वाहतुक कोंडीची समस्या सोडवा अशी आग्रही मागणी राष्ट्रवादीचे आमदार सुनिल टिंगरे (NCP MLA Sunil Tingre) यांनी विधानसभेत केली. त्यावर याबाबत तज्ञांची समिती नेमून निर्णय घेतला जाईल असे आश्वासन मंत्री उदय सामंत (Minister Uday Samant) यांनी सभागृहात दिले.

वडगाव शेरीचे राष्ट्रवादीचे आमदार सुनिल टिंगरे यांनी लक्षवेधीच्या माध्यमातून नगर रस्त्यावरील बीआरटी मार्गामुळे होणारी वाहतुक कोंडी आणि अपघातकडे विधानसभेत लक्ष वेधले. यावेळी आमदार टिंगरे म्हणाले, 2006 साली सार्वजनिक वाहतुक सुधारणासाठी बीआरटी योजना राबविण्यात आली. मात्र, नगर रस्ता परिसरात गेल्या काही वर्षांत मोठ्या प्रमाणात नागरिकरण झाले आहे, अनेक आंतरराष्ट्रीय कंपन्या, मॉल, आयटी, विमानतळ यामुळे नगर राष्ट्रीय महामार्ग वाहतुकीला अपुरा पडत आहे. त्यामुळे आता बीआरटी मार्ग काढून टाकावा अशी नागरिकांची मागणी आहे. पोलिसांनीही हा मार्ग काढण्याची सुचना महापालिकेला केली असून महापालिकाही सकारात्मक आहे. ज्या प्रमाणे मुख्यमंत्र्यांनी चांदणी चौकातील वाहतुक कोंडीचा प्रश्न मार्गी लावला त्याप्रमाणे नगर रस्त्यावरील बीआरटी बंद वाहतुक कोंडी सोडवावी अशी मागणी आमदार टिंगरे यांनी केली.

दरम्यान आमदार टिंगरे यांच्या प्रश्नांना उत्तर देताना मंत्री उदय सामंत म्हणाले, नगर रस्त्यांवर मेट्रो प्रकल्पाच्या कामांमुळे वाहतुक कोंडी होत आहे. हे काम सहा महिन्यात पुर्ण होईल. बीआरटी योजनेबाबत तज्ञांची समिती नेमून त्यावर निर्णय घेतला जाईल असे त्यांनी स्पष्ट केले.

शिवणे-खराडी रस्त्याचा प्रश्न सोडवा (Shivne-Kharadi Road)

नगर रस्त्यावरील वाहतुक कोंडी सोडविण्यासाठी शिवणे-खराडी रस्त्यांसाठी भूसंपादन करून हा प्रश्न सोडवा. तसेच खराडी बायपास, शास्त्रीनगर चौक आणि विश्रांतवाडी येथील उड्डाणपुलांसाठी महापालिकेच्या अंदाजपत्रकात निधीची तरतुद असूनही या कामांसाठी निविदा प्रक्रिया निघालेली नाही असे सांगत त्यावर मुख्यमंत्र्यांनी तातडीने कार्यवाही करण्याचे आदेश द्यावेत अशी मागणी आमदार टिंगरे यांनी केली.

PMPML | BRTS | पीएमपीने  बीआरटी बसस्थानकामधील सुरक्षारक्षकांची नियुक्ती थांबवली  | आर्थिक कारणास्तव पीएमपीचा धोरणात्मक निर्णय 

Categories
Breaking News PMC पुणे

पीएमपीने  बीआरटी बसस्थानकामधील सुरक्षारक्षकांची नियुक्ती थांबवली

| आर्थिक कारणास्तव पीएमपीचा धोरणात्मक निर्णय

पुणे |. पुणे महानगरपालिका (PMC Pune) हद्दीमध्ये संगमवाडी ते विश्रांतवाडी, येरवडा ते आपले घर आणि स्वारगेट ते कात्रज या बीआरटी मार्गामध्ये (BRTS Route) परिवहन महामंडळामार्फत (PMPML) बीआरटी बसेसचे संचलन सुरू आहे. या मार्गावर सुरक्षारक्षक (Security Guard) नेमण्यात आले होते. मात्र आर्थिक बोजा सहन होत नसल्याने पीएमपी कडून सुरक्षा रक्षक नियुक्त करण्यात येणार नाहीत. याबाबतचा धोरणात्मक निर्णय (Policy) पीएमपी कडून घेण्यात आला आहे.
 बीआरटी मार्गामधील बसस्थानकामधील विद्युत उपकरणे, स्वयंचलित दरवाजे, यूपीएस आणि बॅटरी संच यांच्या तसेच प्रवाशांच्या सुरक्षिततेकरिता परिवहन महामंडळामार्फत तीन शिफ्टमध्ये खाजगी सुरक्षारक्षकांची नियुक्ती करण्यात आलेली होती. तथापि सद्यथितिमध्ये  अध्यक्ष व व्यवस्थापकीय संचालक यांचे आदेशानुसार १ डिसेंबर पासून  सर्व बीआरटी बसस्थानकामधील खाजगी सुरक्षारक्षकांची नियुक्ती थांबविण्याचा धोरणात्मक
निर्णय घेण्यात आलेला आहे.

BRTS | PMPML | PMC Pune | बीआरटी मार्गातील बसस्थानकाजवळील पादचारी मार्गामध्ये स्पीड टेबल बसवण्याची पीएमपीची मागणी 

Categories
Breaking News PMC social पुणे

बीआरटी मार्गातील बसस्थानकाजवळील पादचारी मार्गामध्ये स्पीड टेबल बसवण्याची पीएमपीची मागणी

| महापालिकेकला पीएमपीचे पत्र

पुणे |. पुणे मनपा हद्दीमधील बीआरटी मार्गातील बसस्थानकाजवळील पादचारी मार्गामध्ये स्पीड टेबल बसवण्याची व स्पीड टेबलच्या दोन्ही बाजूस ५० फुट अंतरावर थर्मोप्लास्टिक मार्किंग करण्याची मागणी पीएमपी प्रशासनाने महापालिका प्रशासनाकडे केली आहे. याबाबत पीएमपी कडून महापालिकेला पत्र देण्यात आले आहे.

पीएमपीच्या पत्रानुसार पुणे महानगरपालिका हद्दीमधील संगमवाडी ते विश्रांतवाडी, येरवडा ते आपले घर आणि स्वारगेट ते कात्रज या बीआरटी मार्गामध्ये परिवहन महामंडळामार्फत बीआरटी बसेसचे संचलन सुरू आहे. पुणे मनपा हद्दीमधील सर्व बीआरटी बसस्थानके हि रस्त्याच्या मध्यभागी असल्यामुळे रस्ता ओलांडताना प्रवाशांना धोकादायकरित्या रस्ता ओलांडावा लागत आहे. दैनदिन तपासणी करताना असे निदर्शनास आले आहे की पादचारी मार्गामध्ये स्पीड टेबल नसल्यामुळे तसेच अपुऱ्या सुरक्षाविषयक उपाययोजनांमुळे बीआरटी मार्गामध्ये वारंवार अपघात होत आहेत.  प्रवाशांच्या सुरक्षिततेकरिता सर्व बीआरटी बसस्थानकाजवळ स्पीड टेबल व स्पीड टेबलच्या दोन्ही बाजूस ५० फुट अंतरावर थर्मोप्लास्टिक मार्किंग करणे अत्यंत आवश्यक आहे. तसेच सदर ठिकाणी ब्लिंकर सिग्नल आणि सुरक्षाविषयक माहितीफलक बसविणे देखील गरजेचे आहे.

त्यामुळे  प्रवाशांच्या सुरक्षिततेसाठी पिंपरी चिंचवड मनपा हद्दीमधील बीआरटी धर्तीवर पुणे मनपा हद्दीमधील सर्व बीआरटी बसस्थानकाजवळ स्पीड टेबल आणि वरील नमूद सुरक्षाविषयक उपाययोजना करण्यात यावेत. अशी मागणी करण्यात आली आहे.

—