Tag: Dr Ashish Bharti

Dr. Ashish Bharti | महापालिका आरोग्य अधिकारी डॉ आशिष भारती यांची अखेर बदली | राज्य सरकारकडून आदेश जारी

Categories
Breaking News PMC आरोग्य पुणे

महापालिका आरोग्य अधिकारी डॉ आशिष भारती यांची अखेर बदली

| राज्य सरकारकडून आदेश जारी

पुणे | महापालिकेत प्रतिनियुक्ती वर आलेले आरोग्य अधिकारी तथा आरोग्य विभाग प्रमुख डॉ आशिष भारती यांची अखेर बदली करण्यात आली आहे. राज्य सरकार कडून याबाबतचे आदेश जारी करण्यात आले आहेत. डॉ भारती यांची सरकारच्या उपसंचालक, आरोग्य सेवा या पदावर नियुक्ती करण्यात आली आहे. दरम्यान महापालिकेचे आरोग्य प्रमुख पद पुन्हा रिक्त झाले आहे. त्यामुळे ही जबाबदारी आता उप आरोग्य अधिकारी डॉ कल्पना बळिवंत यांना दिली जाईल, अशी चर्चा केली जात आहे.

सरकारच्या आदेशानुसार जिल्हा आरोग्य अधिकारी या संवर्गातील डॉ. आशिष हिरालाल भारती यांची दि.३०.०९.२०२० च्या शासन आदेशान्वये पुणे महानगरपालिकेच्या “आरोग्य वैद्यकीय अधिकारी” या पदावर एक वर्षाच्या कालावधीसाठी प्रतिनियुक्तीने नियुक्ती करण्यात आली. तदनंतर, दि.०८.०२.२०२२ च्या आदेशान्वये डॉ. आशिष भारती यांच्या प्रतिनियुक्तीस दि.०५.१०.२०२१ पासून पुढे एक वर्ष म्हणजेच दि.०४.१०.२०२२ पर्यंत मुदतवाढ देण्यात आलेली होती.

आदेशात पुढे म्हटले आहे कि, आता, सक्षम प्राधिकारी यांनी दिलेल्या मान्यतेनुसार डॉ. आशिष हिरालाल भारती यांची पुणे महानगरपालिकेच्या “आरोग्य वैद्यकीय अधिकारी” या पदावरील प्रतिनियुक्ती दि.०१.०३.२०२३ (म.नं.) पासून संपुष्टात आणण्यात येत आहे. त्यानुसार डॉ. आशिष हिरालाल भारती यांनी पुढील आदेश होईपर्यंत त्यांच्याकडील पुणे महानगरपालिकेच्या “आरोग्य वैद्यकीय अधिकारी” या पदाचा कार्यभार महानगरपालिकेतील सक्षम प्राधिकारी यांच्याकडे तात्काळ सुपूर्द करून उप संचालक, आरोग्य सेवा, पुणे मंडळ, पुणे यांच्या कार्यालयात हजर व्हावे.

 

World AIDS Day | जागतिक एड्स दिनानिमित्त महापालिकेकडून पोस्टर व रांगोळी प्रदर्शन 

Categories
Breaking News PMC social आरोग्य पुणे

जागतिक एड्स दिनानिमित्त महापालिकेकडून पोस्टर व रांगोळी प्रदर्शन

पुणे | जागतिक एड्स दिन (International AIDS Day) १ डिसेंबर  रोजी पुणे महानगरपालिका (PMC Pune) येथे  रविंद्र बिनवडे, अति. महापालिका आयुक्त (जनरल), पुणे महानगरपालिका व डॉ. आशिष भारती, आरोग्य अधिकारी,  डॉ. सुर्यकांत देवकर, सहा. आरोग्य अधिकारी तथा एड्स नोडल अधिकारी, पुणे महानगरपालिका यांच्या उपस्थितीत रांगोळी प्रदर्शन व पोस्टर प्रदर्शनाचे उद्घाटन करण्यात आले. (Pune Municipal corporation)

जागतिक एड्स दिन 1 डिसेंबर 2022 व जनजागृती सप्ताह निमित्ताने पुणे महानगरपालिकेच्या आरोग्य विभागाअंतर्गत पुणे शहर एड्स नियंत्रण संस्थेमार्फत रांगोळी व पोस्टर प्रदर्शन, जनजागृती रॅली, पुणे शहरातून डिस्प्ले व्हॅनद्वारे जनजागृती, पथनाट्याद्वारे जनजागृती, सर्व मनपा दवाखाने, रुग्णालये, प्रसुतीगृहे यातून जनजागृती, सर्व खाजगी, सरकारी, मनपा माध्यमिक शाळांतून जनजागृती महाविद्यालयातून एन.एस.एस. विभागामार्फत जनजागृती, रेड लाईट एरियातील महिलांसाठी महिला मेळावा कार्यक्रमातून जनजागृती, पुणे आंतरराष्ट्रीय मॅरेथॉन स्पर्धेतून जनजागृती, युवक व युवतींसाठी जनजागृती कार्यक्रम तसेच व सर्व कार्यक्रमातून आय.ई. सी. वितरण, इ. चे आयोजन करणेत येत आहे.

या कार्यक्रमास पुणे शहर एड्स नियंत्रण संस्थेकडील स्टाफ व आरोग्य विभागातील सेवक, इ. उपस्थित होते.
तसेच पुणे महानगरपालिका व मुक्ती उधारण सेवा ट्रस्ट यांच्या संयुक्त विद्यमाने व वंचित विकास, सहेली, मंथन, अलका फौंडेशन, व इतर स्वयंसेवी संस्थांच्या सहभागाने सावित्रीबाई फुले बचत गट भवन, लोहीया नगर पासून ते मीठगंज पोलीस चौकी चौक, कस्तूरी चौक, रवीवार पेठ, फुलवाला चौक, जम्न मंदिर, नेहरू चौक ते सार्वजनिक सभागृह, रामेश्वर मार्केट, बुधवार पेठ येथे सांगता करण्यात आली. तसेच रॅली मार्गावर पथनाटय व एच. आय. व्ही. एड्स बाबत जनजागृती करण्यात आली.

Prithviraj Sutar | क्ष-किरण तपासण्या ज्येष्ठ नागरिकांसाठी त्वरीत मोफत सुरू कराव्यात | अन्यथा आंदोलन करण्याचा पृथ्वीराज सुतार यांचा इशारा 

Categories
Breaking News PMC आरोग्य पुणे

क्ष-किरण तपासण्या ज्येष्ठ नागरिकांसाठी त्वरीत मोफत सुरू कराव्यात

| अन्यथा आंदोलन करण्याचा पृथ्वीराज सुतार यांचा इशारा

पुणे | पुणे शहरातील ज्येष्ठ नागरिकांच्या क्ष-किरण तपासण्या मोफत आरोग्य तपासणी योजनेअंतर्गत करण्यात येत होत्या. मात्र आरोग्य अधिकाऱ्यांच्या आदेशाने या तपासण्या मोफत करणे बंद करण्यात आले आहे. यामुळे जेष्ठ नागरिकांची गैरसोय होत आहे. त्यामुळे क्ष-किरण तपासण्या ज्येष्ठ नागरिकांसाठी त्वरीत मोफत सुरू कराव्यात, अशी मागणी शिवसेना माजी गटनेते पृथ्वीराज सुतार यांनी आरोग्य अधिकारी डॉ आशिष भारती यांच्याकडे केली आहे. तसे नाही झाल्यास आंदोलन करण्याचा इशारा देखील सुतार यांनी दिला आहे.

सुतार यांच्या पत्रानुसार पुणे मनपाच्या मार्फत क्रस्ना डायग्नोस्टीक्स कडून कमला नेहरू रूग्णालय व कै. जयाबाई सुतार दवाखाना कोथरूड येथे पुणे शहरातील ज्येष्ठ नागरिकांच्या क्ष-किरण तपासण्या मोफत आरोग्य तपासणी
योजनेअंतर्गत करण्यात येत होत्या, त्याचा फार मोठा फायदा पुणे शहरातील ज्येष्ठ नागरिकाना होत होता. परंतु आरोग्य विभागा मार्फत  २० जून २०२२ रोजी लेखी पत्राद्वारे क्रस्ना डायग्नोस्टीक्स सेटरला कळविण्यात आले की आपण फक्त पॅथालॉजीच्या तपासण्या उदा. हिमोग्राम, युरीन, रक्त, इ या मोफत कराव्यात व क्ष-किरण तपासण्या मोफत करू नयेत. यामुळे ज्येष्ठ नागरिकांची मोठी अडचण व गैरसोय झाली असून, याबाबत ज्येष्ठ नागरिक मोठया प्रमाणावर तक्रार करीत आहेत. हा निर्णय म्हणजे ज्येष्ठ नागरिकावरती अन्याय करणारा निर्णय आहे. आम्ही या पत्राद्वारे आपल्याकडे पूर्वीप्रमाणेच क्ष-किरण तपासण्या ज्येष्ठ नागरिकांसाठी त्वरीत मोफत सुरू कराव्यात अशी मागणी करीत असून, आपण त्वरीत मोफत तपासण्या सुरू केल्या नाहीत तर आमच्या शिवसेना पक्षाच्या माध्यमातून ज्येष्ठ नागरिकाच्या सहकार्याने तीव्र आंदोलन आपल्या दालनात करण्यात येईल व त्याची संपूर्ण जबाबदारी आपली राहील, असे ही सुतार यांनी म्हटले आहे.

Health Schemes : PMC : आधुनिक उपचार हवाय तर मग खिशातले पैसे भरा; महापालिकेवर अवलंबून राहू नका 

Categories
Breaking News PMC पुणे

आधुनिक उपचार हवाय तर मग खिशातले पैसे भरा; महापालिकेवर अवलंबून राहू नका

: महापालिका कर्मचारी आणि नगरसेवकांच्या खिशाला बसणार चाट

पुणे : महापालिकेच्या वतीने राबविण्यात येणाऱ्या अंशदायी वैद्यकीय सहाय योजना व शहरी गरीब  योजनेअंतर्गत वैद्यकीय सेवा सुविधा पुरविण्यात येत आहेत. या अंतर्गत महापालिका कर्मचारी आणि आजी माजी सभासद अर्थात आजी माजी नगरसेवकांना उपचारासाठी 90% रक्कम महापालिकेकडून उपलब्ध करून दिली जाते. मात्र नुकतेच आरोग्य प्रमुखांनी जारी केलेल्या सर्क्युलर मुळे कर्मचारी आणि आजी माजी सभासदांना 40 ते 60% रक्कम खिशातूनच भरावी लागणार आहे.  कारण सी. एच. एस. दरपत्रकात अंर्तभूत नसलेल्या बिलांचे पैसे मनपा देणार नाही, असे आदेश आरोग्य प्रमुखांनी रुग्णालयाला दिले आहेत. यामुळे महापालिका कर्मचारी हवालदिल झाले आहेत.

:  पुणे मनपा अजूनही 2002 च CGHS शेड्युल वापरते

आरोग्य योजनांचा लाभ देण्यासाठी केंद्र सरकारने CGHS शेड्युलबनवले आहे. त्यानुसार विभिन्न आजार आणि उपचार नमूद करण्यात आले आहेत. यात वेळोवेळी बदल होणे अपेक्षित आहे. मात्र तसे होताना दिसत नाही. कारण 2018 मध्ये फक्त दर वाढवले, परंतु नवीन तपासण्या आणि उपचार यांचा समावेश शेड्युल मध्ये केला नाही. 2002 नंतर उपलब्ध झालेल्या कोणत्याही तपासण्या आणि उपचारांचे लाभ दिले जात नाहीयेत. याचा परिणाम कर्मचाऱ्यांच्या आरोग्यावर होतोय. असे असले तरी आणि नियमात बदल केलेला नसला तरीमहापालिका आधुनिक उपचाराची बिले देत होती. कर्मचारी आणि नगरसेवकांच्या सोयीसाठी हे करण्यात येत होते. मात्र आरोग्य प्रमुखांच्या एका आदेशामुळे कर्मचाऱ्यांच्या खिशाला चाट बसणार आहे.

: पॅनेलवरील रूग्णालयांना काय आहेत आदेश?

आपले रुग्णालय पुणे मनपाचे पॅनलेवर असून आपले रुग्णलयामार्फत पुणे मनपामार्फत राबविण्यात येणाऱ्या अंशदायी वैद्यकीय सहाय योजना व शहरी गरीब योजनेअंतर्गत वैद्यकीय सेवा सुविधा पुरविण्यात येत आहेत. आपले रुग्णालयामार्फत पुरविलेल्या वैद्यकीय सेवा सुविधांचे बिलांची प्रतिपूर्ती पुणे मनपामार्फत करण्यात येते. सद्यस्थितीत पुणे मनपाचे सी. एच. एस. दरपत्रकात अंर्तभूत नसलेल्या (Not In Schedule) सर्व प्रोसिजर्स व तपासण्यांबाबतची देयके अदा करणेत येणार नाहीत, अशा प्रकारची देयके प्रतिपूर्तीसाठी सादर केल्यास, पुणे मनपामार्फत अदा करणेत येणार नाही याची पुणे मनपाचे पॅनेलवरील सर्व रुग्णालयांनी नोंद घ्यावी.
या आदेशामुळे जिथे कर्मचाऱ्यांना उपचारासाठी 10% भरावे लागत होते, ते आता 40% भरावे लागणार आहेत. तर कॅन्सर चा पेशंट असेल तर त्याला 60% रक्कम पदरमोड करून भरावी लागेल.
—
आगामी सी. एच. एस. च्या बैठकीत अतिरिक्त आयुक्तांसोबत चर्चा केली जाईल. याबाबत नियमानुसार पुढील कार्यवाही केली जाईल.
डॉ आशिष भारती, आरोग्य प्रमुख, पुणे महापालिका

Admission Process of PMC medical college : महापालिका मेडिकल कॉलेज : ७० विद्यार्थ्यांची प्रवेश प्रक्रिया जवळपास पूर्ण! : प्रवेश प्रक्रियेचा आज अंतिम दिवस

Categories
Breaking News Education PMC आरोग्य पुणे

महापालिका मेडिकल कॉलेज : ७० विद्यार्थ्यांची प्रवेश प्रक्रिया जवळपास पूर्ण!

: प्रवेश प्रक्रियेचा आज अंतिम दिवस

पुणे – पुणे महापालिकेच्या (Pune Municipal corporation) भारतरत्न अटल बिहारी वाजपेयी वैद्यकीय महाविद्यालयाला (Medical College) अखेर नाशिकच्या आरोग्य विज्ञान विद्यापीठाने (MUHS) मान्यता दिली आहे. विद्यापीठाने महापालिकेला affiliation दिले आहे.  मेडिकल कॉलेज आरोग्य विज्ञान विद्यापीठाशी संलग्न झाले आहे. त्यामुळे मेडिकल कॉलेज सुरु करण्याची सगळी प्रशासकीय प्रक्रिया पूर्ण झाली आहे.  दरम्यान महापालिकेने सोमवारपासून प्रवेश प्रक्रिया सुरु केली आहे. दोन दिवसात जवळपास ७० विद्यार्थ्यांची प्रवेश प्रक्रिया (Admission Process) पूर्ण झाली आहे. प्रवेश प्रक्रियेचा आज अंतिम दिवस आहे. १०० विध्यार्थ्याचे प्रवेश महापालिकेला करायचे आहेत. अशी माहिती महापालिकेचे आरोग्य प्रमुख डॉ आशिष भारती आणि सहायक आरोग्य अधिकारी डॉ अंजली साबणे यांनी दिली.

: पुढील आठवड्यात सुरु होऊ शकते कॉलेज

प्रवेश प्रक्रिया पूर्ण करण्यासाठी विद्यापीठाने ३० मार्च ही मुदत दिली होती. त्यानुसार महापालिकेने वेग वाढवत ही प्रक्रिया पूर्ण करत आणली आहे. यामध्ये १५ जागा या institutional quota साठी असतील. ज्याची फी ही २१ लाख ८० हजार अशी आहे. open category साठी फी ७ लाख ४३ हजार ६०० एवढी आहे. VJ\NT category साठी फी १ लाख १ हजार २३६ आहे. EWS category साठी फी ३ लाख ९३ हजार ६०० अशी आहे. तर SC\ST category साठी फी ३७ हजार ६०० एवढी आहे. त्यानुसार विद्यार्थ्यांचे प्रवेश पूर्ण होत आहेत. दरम्यान प्रवेश प्रक्रिया झाल्यानंतर लगेच कॉलेज सुरु करण्याचा मानस कॉलेज प्रशासनाचा आहे. त्यानुसार पुढील आठवड्यात देखील कॉलेज सुरु होऊ शकते, असे महापालिकेच्या वतीने सांगण्यात आले.

केंद्र शासनाच्या राष्ट्रीय आयुर्विज्ञान आयोगाने (नॅशनल मेडिकल कमिशन- एनएमसी) मान्यता दिल्यानंतर  राज्य शासनाने (State Government) देखील जीआर (GR) काढून २०२१-२२ म्हणजेच यंदापासूनच एमबीबीएसच्या (MBBS) प्रथम वर्षाचे प्रवेश प्रक्रिया (Admission Process) राबविण्यास मान्यता दिली आहे. त्यानंतर  नाशिकच्या MUHS (Medical University Of Helath Science) ने कॉलेजच्या Head count ची तपासणी करत क्लास, प्रयोगशाळा, होस्टेल ची पाहणी केली होती.  त्यानंतर दोनच दिवसात आरोग्य विज्ञान विद्यापीठाने महापालिकेच्या मेडिकल कॉलेजला अंतिम मान्यता दिली आहे.

शहरात महापालिकेचे वैद्यकीय महाविद्यालय असावे यासाठी केंद्र सरकारकडे प्रस्ताव पाठवला होता. एनएमसीच्या पथकाने पुण्यात येऊन महाविद्यालयातील वर्गखोल्या, प्रयोगशाळा, ग्रंथालय, वसतीगृह यासह इतर सुविधांची पाहणी केली होती. त्यातील त्रूटी दूर केल्यानंतर मार्च महिन्याच्या पहिल्या आठवड्यात व्हिडिओ कॉन्फरन्सिंगद्वारे झालेल्या बैठकीत वैद्यकीय महाविद्यालय सुरू करण्याच्या तयारी आढावा घेतला. त्यानंतर महाविद्यालय सुरू करण्यासाठी मौखिक मान्यता दिली होती. ७ मार्च रोजी लेटर आॅफ इनटेंट देऊन १०० जागांवर प्रवेश करण्यास केंद्र शासनाकडून मान्यता मिळाली. त्यानंतर दोन दिवसांनी लेटर आॅफ परमिशन ९ मार्च रोजी देण्यात आले आहे. हे दोन्ही पत्र महाविद्यालय सुरू करण्यासाठी महत्त्वाचे होते. त्याआधारे राज्य शासनाकडे महापालिकेने प्रस्ताव पाठवला होता. त्यानुसार  याबाबतचा आदेश काढून २०२१-२२ च्या वर्षासाठी प्रवेश प्रक्रिया राबविण्यास मान्यता दिली आहे. त्यामुळे सीईटी सेलमार्फत एमबीबीएसच्या फेरीमध्ये या १०० जागा उपलब्ध होणार आहेत.

Grant of PMC Medical college : अखेर महापालिकेचे मेडिकल कॉलेज आरोग्य विज्ञान विद्यापीठाशी संलग्न! : विद्यापीठाने मेडिकल कॉलेजला दिली मंजुरी 

Categories
Breaking News PMC आरोग्य पुणे महाराष्ट्र

अखेर महापालिकेचे मेडिकल कॉलेज आरोग्य विज्ञान विद्यापीठाशी संलग्न!

: विद्यापीठाने मेडिकल कॉलेजला दिली मंजुरी

पुणे – पुणे महापालिकेच्या (Pune Municipal corporation) भारतरत्न अटल बिहारी वाजपेयी वैद्यकीय महाविद्यालयाला (Medical College) अखेर नाशिकच्या आरोग्य विज्ञान विद्यापीठाने (MUHS) मान्यता दिली आहे. विद्यापीठाने महापालिकेला affiliation दिले आहे.  मेडिकल कॉलेज आरोग्य विज्ञान विद्यापीठाशी संलग्न झाले आहे. त्यामुळे मेडिकल कॉलेज सुरु करण्याची सगळी प्रशासकीय प्रक्रिया पूर्ण झाली आहे. आता आगामी काही दिवसातच विद्यार्थी प्रवेश प्रक्रिया सुरु होईल. अशी माहिती महापालिकेचे आरोग्य प्रमुख डॉ आशिष भारती आणि सहायक आरोग्य अधिकारी डॉ अंजली साबणे यांनी दिली. दरम्यान पाहणी करायला आलेल्या कमिटीने कॉलेज मधील काही त्रुटी काढल्या आहेत. त्या पूर्ण करण्यास देखील सांगण्यात आले आहे.

केंद्र शासनाच्या राष्ट्रीय आयुर्विज्ञान आयोगाने (नॅशनल मेडिकल कमिशन- एनएमसी) मान्यता दिल्यानंतर  राज्य शासनाने (State Government) देखील जीआर (GR) काढून २०२१-२२ म्हणजेच यंदापासूनच एमबीबीएसच्या (MBBS) प्रथम वर्षाचे प्रवेश प्रक्रिया (Admission Process) राबविण्यास मान्यता दिली आहे. त्यानंतर  नाशिकच्या MUHS (Medical University Of Helath Science) ने कॉलेजच्या Head count ची तपासणी करत क्लास, प्रयोगशाळा, होस्टेल ची पाहणी केली होती.  त्यानंतर दोनच दिवसात आरोग्य विज्ञान विद्यापीठाने महापालिकेच्या मेडिकल कॉलेजला अंतिम मान्यता दिली आहे.

शहरात महापालिकेचे वैद्यकीय महाविद्यालय असावे यासाठी केंद्र सरकारकडे प्रस्ताव पाठवला होता. एनएमसीच्या पथकाने पुण्यात येऊन महाविद्यालयातील वर्गखोल्या, प्रयोगशाळा, ग्रंथालय, वसतीगृह यासह इतर सुविधांची पाहणी केली होती. त्यातील त्रूटी दूर केल्यानंतर मार्च महिन्याच्या पहिल्या आठवड्यात व्हिडिओ कॉन्फरन्सिंगद्वारे झालेल्या बैठकीत वैद्यकीय महाविद्यालय सुरू करण्याच्या तयारी आढावा घेतला. त्यानंतर महाविद्यालय सुरू करण्यासाठी मौखिक मान्यता दिली होती. ७ मार्च रोजी लेटर आॅफ इनटेंट देऊन १०० जागांवर प्रवेश करण्यास केंद्र शासनाकडून मान्यता मिळाली. त्यानंतर दोन दिवसांनी लेटर आॅफ परमिशन ९ मार्च रोजी देण्यात आले आहे. हे दोन्ही पत्र महाविद्यालय सुरू करण्यासाठी महत्त्वाचे होते. त्याआधारे राज्य शासनाकडे महापालिकेने प्रस्ताव पाठवला होता. त्यानुसार  याबाबतचा आदेश काढून २०२१-२२ च्या वर्षासाठी प्रवेश प्रक्रिया राबविण्यास मान्यता दिली आहे. त्यामुळे सीईटी सेलमार्फत एमबीबीएसच्या फेरीमध्ये या १०० जागा उपलब्ध होणार आहेत.
दरम्यान कॉलेज प्रवेशासाठीचा अंतिम टप्पा अजून बाकी होता. तो म्हणजे नाशिकच्या MUHS (Medical University Of Helath Science) ची कॉलेजला भेट. नाशिकच्या ३ लोकांची टीम पाहणी करण्यासाठी आली होती.  याबाबत डॉ आशिष भारती यांनी सांगितले कि, MUHS ने मान्यता दिल्यामुळे आता कॉलेज मध्ये प्रवेश प्रक्रियेच मार्ग मोकळा झाला आहे. आता विद्यार्थ्यांना हे कॉलेज लिस्ट वर दिसायला लागेल. त्यानुसार  लवकरच महापलिकेच्या मेडिकल कॉलेज मध्ये त्यांचा प्रवेश होईल. दरम्यान कमिटीने काढलेल्या त्रुटीबाबत डॉ भारती यांना विचारले असता, डॉ भारती म्हणाले, मी अजून कमिटीचा रिपोर्ट वाचलेला नाही.
तर महापालिकेच्या सहायक आरोग्य अधिकारी डॉ अंजली साबणे यांनी सांगितले कि, नाशिकच्या MUHS कडून महापालिकेला Affiliation प्राप्त झाले आहे.  म्हणजेच  महापालिकेचे मेडिकल कॉलेज विद्यापीठाशी जोडले गेले आहे.  आता कॉलेज सुरु करण्याची सगळी प्रशासकीय प्रक्रिया पूर्ण झाली आहे. लवकरच विद्यार्थ्याचे प्रवेश सुरु होतील.
: विद्यापीठाने नियुक्त केलेल्या स्थानिक चौकशी समितीद्वारे खालील कमतरता आढळून आल्या आहेत
 A) प्राध्यापकांची कमतरता 10.5% आहे,
 B) ऑडिओमेट्री सुविधा उपलब्ध करून द्यावी.
 C) लायब्ररीत विद्यार्थ्यांची आसनव्यवस्था वाढवावी.
 D) परीक्षेसाठी स्ट्राँग रूम आवश्यक आहे.
 e) छायाचित्र विभाग आणि कार्यशाळा स्थापन करावी.
 f) संस्थात्मक नैतिक समिती स्थापन करणे आवश्यक आहे.
 g) बॉम्बे ऍनाटॉमी ऍक्ट अंतर्गत परवानगी मिळणे बाकी आहे.
 h) संस्थात्मक संकेतस्थळ पूर्णपणे कार्यक्षम केले पाहिजे.
 i) औषध वितरण खिडक्या वाढवल्या पाहिजेत.
 j) वॉर्डातील क्लिनिक/डेमो रूम्स अपग्रेड करणे आवश्यक आहे.
 k) कॅन्टीन सुविधा सुधारित करावी.

Medical College Of PMC : महापालिकेच्या मेडिकल कॉलेजचा अंतिम टप्पा देखील पार! : लवकरच प्रत्यक्षात प्रवेश प्रक्रिया 

Categories
Breaking News PMC आरोग्य पुणे महाराष्ट्र

 

 महापालिकेच्या मेडिकल कॉलेजचा अंतिम टप्पा देखील पार!

: लवकरच प्रत्यक्षात प्रवेश प्रक्रिया

पुणे – पुणे महापालिकेच्या (Pune Municipal corporation) भारतरत्न अटल बिहारी वाजपेयी वैद्यकीय महाविद्यालयाला (Medical College) अखेर केंद्र शासनाच्या राष्ट्रीय आयुर्विज्ञान आयोगाने (नॅशनल मेडिकल कमिशन- एनएमसी) मान्यता दिल्यानंतर  राज्य शासनाने (State Government) देखील जीआर (GR) काढून २०२१-२२ म्हणजेच यंदापासूनच एमबीबीएसच्या (MBBS) प्रथम वर्षाचे प्रवेश प्रक्रिया (Admission Process) राबविण्यास मान्यता दिली आहे. त्यानंतर आता नाशिकच्या MUHS (Medical University Of Helath Science) ने कॉलेजच्या Head count ची तपासणी करत क्लास, प्रयोगशाळा, होस्टेल ची पाहणी केली आहे. त्यांचा रिपोर्ट सरकारला सादर झाल्यानंतर लवकरच प्रत्यक्षात विध्यार्थ्यांचे प्रवेश सुरु होतील. अशी माहिती महापालिकेचे आरोग्य प्रमुख डॉ आशिष भारती यांनी दिली.

शहरात महापालिकेचे वैद्यकीय महाविद्यालय असावे यासाठी केंद्र सरकारकडे प्रस्ताव पाठवला होता. एनएमसीच्या पथकाने पुण्यात येऊन महाविद्यालयातील वर्गखोल्या, प्रयोगशाळा, ग्रंथालय, वसतीगृह यासह इतर सुविधांची पाहणी केली होती. त्यातील त्रूटी दूर केल्यानंतर मार्च महिन्याच्या पहिल्या आठवड्यात व्हिडिओ कॉन्फरन्सिंगद्वारे झालेल्या बैठकीत वैद्यकीय महाविद्यालय सुरू करण्याच्या तयारी आढावा घेतला. त्यानंतर महाविद्यालय सुरू करण्यासाठी मौखिक मान्यता दिली होती. ७ मार्च रोजी लेटर आॅफ इनटेंट देऊन १०० जागांवर प्रवेश करण्यास केंद्र शासनाकडून मान्यता मिळाली. त्यानंतर दोन दिवसांनी लेटर आॅफ परमिशन ९ मार्च रोजी देण्यात आले आहे. हे दोन्ही पत्र महाविद्यालय सुरू करण्यासाठी महत्त्वाचे होते. त्याआधारे राज्य शासनाकडे महापालिकेने प्रस्ताव पाठवला होता. त्यानुसार  याबाबतचा आदेश काढून २०२१-२२ च्या वर्षासाठी प्रवेश प्रक्रिया राबविण्यास मान्यता दिली आहे. त्यामुळे सीईटी सेलमार्फत एमबीबीएसच्या फेरीमध्ये या १०० जागा उपलब्ध होणार आहेत.
दरम्यान कॉलेज प्रवेशासाठीचा अंतिम टप्पा अजून बाकी होता. तो म्हणजे नाशिकच्या MUHS (Medical University Of Helath Science) ची कॉलेजला भेट. नाशिकच्या ३ लोकांची टीम पाहणी करण्यासाठी आली होती. याबाबत डॉ आशिष भारती यांनी सांगितले कि, या टीमने आज कॉलेजच्या स्टाफचे physical verification केले. त्यांनतर कॉलेज ची पाहणी केली. यामध्ये, क्लासेस, प्रयोगशाळा, होस्टेल, यांची पाहणी केली. ही टीम आता राज्य  सरकारला रिपोर्ट करेल. त्यानंतर प्रवेश देणे सुरु होतील. डॉ भारती यांच्या माहितीनुसार काही विद्यार्थ्यांनी कॉलेजची पाहणी देखील केली आहे. लवकरच महापलिकेच्या मेडिकल कॉलेज मध्ये त्यांचा प्रवेश होईल.
तर महापालिकेच्या सहायक आरोग्य अधिकारी डॉ अंजली साबणे यांनी सांगितले कि, नाशिकच्या MUHS कडून महापालिकेला Affiliation प्राप्त होईल. ते झाल्यानंतर महापालिकेचे मेडिकल कॉलेज त्यांच्याशी जोडले जाईल. लवकरच नाशिकच्या टीमचा रिपोर्ट येणे अपेक्षित आहे.

Health Officer : PMC : आरोग्य प्रमुख डॉ भारती यांना मुदतवाढ 

Categories
Breaking News PMC Political पुणे

आरोग्य प्रमुख डॉ भारती यांना मुदतवाढ

:राज्य सरकारकडून 4 ऑक्टोबर पर्यंत मुदतवाढीचा आदेश

पुणे : महापालिकेचे आरोग्य प्रमुख डॉ आशिष भारती यांचा महापालिकेतील प्रति नियुक्ती वरील कालावधी 4 ऑक्टोबर 2021 लाच संपला होता. त्यावर डॉ भारती यांनी सरकारकडे कालावधी वाढवून मागितला होता. त्यावर बरेच दिवस निर्णय झाला नव्हता. अखेर सरकारने डॉ भारती यांना 4 ऑक्टोबर पर्यंत मुदतवाढ दिली आहे. त्याबाबतचे आदेश नुकतेच जारी करण्यात आले आहेत. दरम्यान डॉ भारती यांच्या मुदतवाढी ला जोरदार विरोध होत होता. सरकारचे आदेश डावलत आपल्याच विभागात आपल्या पत्नीला नोकरी दिल्याचा त्यांच्यावर आरोप केला जात होता. शिवाय त्यांच्या कालावधीत आरोग्य विभागात भ्रष्टाचार झाल्याचा आरोप देखील आप पार्टीने केला आहे.

: काय आहे शासन आदेश :-

डॉ. आशिष हिरालाल भारती, सहायक संचालक, आरोग्य सेवा (कु.क.) पुणे यांच्या सेवा संदर्भाधी दि.३०.०९.२०२० च्या शासन आदेशान्वये पुणे महानगरपालिकेच्या अधिपत्याखालील आरोग्य वैद्यकीय अधिकारी पदावर प्रतिनियुक्तीने एक वर्षाच्या कालावधीसाठी उपलब्ध करून देण्यात आल्या आहेत. डॉ.आशिष भारती यांचा प्रतिनियुक्तीचा कालावधी दि.०४.१०.२०२१ रोजी संपुष्टात आला आहे.
२. आता, या शासन आदेशान्वये डॉ. आशिष भारती यांना पुणे महानगरपालिकेच्या अधिपत्याखालील आरोग्य वैद्यकीय अधिकारी या पदावरील प्रतिनियुक्तीस दि.०५.१०.२०२१ पासून पुढे एक वर्ष म्हणजेच दि.०४.१०.२०- पर्यंत मुदतवाढ देण्यात येत आहे.
: आरोग्य विभागातील भरती प्रक्रियेत होणारी वशिलेबाजी, विलंब याची चौकशी व्हावी :  आम आदमी पक्ष
डॉ अभिजीत मोरे, आप प्रवक्ते याच्या म्हणण्यानुसार आरोग्य विभाग प्रमुख डॉ आशिष भारती यांच्या पत्नी डॉ योगिता रामचंद्र गोसावी या मानसोपचार तज्ञ आहेत. त्यांच्या संवर्गाची प्रारुप यादी दिनांक १७/१२/२०२० रोजी जावक क्रमांक अतिमआ/साप्रवि/आस्था/६४८३ अन्वये प्रसिद्ध करण्यात आली. या संवर्गाची अंतिम यादी दिनांक २०/०४/२०२१ रोजी जावक क्रमांक अतिमआ/ आस्था/साप्रवि/४८८ अन्वये प्रसिद्ध करण्यात आली आणि नेमणूक पत्र देण्यात आले. आरोग्य प्रमुखांच्या पत्नी असलेल्या संवर्गाच्या नेमणुका करण्यासाठी आरोग्य प्रमुखांनी दाखवलेली तत्परता इतर संवर्गासाठी का दाखवली गेली नाही?

कोविड संकटकाळात असून देखील आणि योग्य पात्रता असलेले डॉक्टर पुणे मनपात सेवा देण्यासाठी तयार असताना, छाननीमध्ये ते पात्र होऊन प्रारुप यादी प्रसिद्ध होऊन वर्ष ते दीड वर्षे होऊन देखील अंतिम यादी का जाहीर केली जात नाही? भ्रष्टाचार, आर्थिक देवाणघेवाण करण्यासाठी आणि राजकीय लागेबांधे असणाऱ्या उमेदवारांना घेण्यासाठीच ही प्रक्रिया मुद्दाम रखडवली गेली आहे. पुणे शहरातील सार्वजनिक रुग्णालये, दवाखाने यांच्या दुर्दशेसाठी महानगरपालिकेतील सत्ताधारी भाजपा कारणीभूत आहे. त्यांचा अधिकाऱ्यांवर वचक नाही. त्यांचे सर्व लक्ष ठेकेदारी, कमिशनबाजी, भ्रष्टाचार याकडेच लागले असून त्यामुळे सामान्य जनतेचे मात्र मरण आहे.

आम आदमी पक्ष मागणी करत आहे की- आरोग्य विभागातील भरती प्रक्रियेत होणारी वशिलेबाजी, विलंब याची चौकशी व्हावी आणि पात्र डॉक्टरांना विनाविलंब नेमणूक पत्र देण्यात यावे.