Tag: G 20 summit

G 20 | Palkhi Sohala | PMC Pune | एक जेवण, दोन वेळचा नाश्‍ता तब्बल 25 लाख रुपयांना | काय आहे प्रकार जाणून घ्या

Categories
Breaking News PMC social पुणे

G 20 | Palkhi Sohala | PMC Pune | एक जेवण, दोन वेळचा नाश्‍ता तब्बल 25 लाख रुपयांना | काय आहे प्रकार जाणून घ्या

G 20 | Palkhi Sohala | PMC Pune |

शहरात मे महिन्यात झालेल्या जी-20 परिषदेत (G 20 Summit) सहभागी परदेशी पाहुण्यांसाठी डिनर आणि एका दिवसाच्या नाष्ट्यासाठी तब्बल 25 लाख रुपयांचा खर्च झाला आहे. या खर्चात फक्‍त एक वेळचे जेवण, दोन वेळचा नाष्टा तसेच एका पंचतारांकित हॉटेलमध्ये पुणे महापालिकेने (Pune Municipal Corporation) आरक्षित केलेल्या दोन खोल्यांच्या भाड्याचा समावेश आहे. याबाबतचा प्रस्ताव स्थायी समिती (PMC Standing Committee) समोर ठेवण्यात आला आहे. यावर पुढील बैठकीत चर्चा होईल.

(G 20 | Palkhi Sohala | PMC Pune)

12 जून रोजी फर्गसन महाविद्यालयात पालखी सोहळा (Palkhi Sohala) पाहण्यासाठी आलेल्या जी 20 च्या सदस्यांना “हाय-टी’ आयोजित करण्यात आला होता. तर, 13 जून रोजी एका पंचताराकित हॉटेलमध्ये गाला डिनरचे आयोजन केले होते. तर, 20 जून रोजी आगाखान पॅलेस येथे “हेरिटेज वॉक’चे आयोजन करण्यात आले होते. तेथेही नाश्‍त्याची सोय करण्यात आली होती. ज्या हॉटेलमध्ये ही परिषद झाली, तेथे महापालिकेने नियोजनासाठी दोन खोल्या भाडेतत्वावर घेतल्या होत्या. या खर्चासाठी संबंधित हॉटेलने महापालिकेस सुमारे 25 लाख 35 हजारांचे बिल दिले आहे. त्यावर 18 टक्के जीएसटीसह 29 लाख 91 हजार 300 रुपयांची मागणी केली आहे. त्यानुसार, स्थायी समितीत हा प्रस्ताव ठेवण्यात आला आहे. (PMC Pune News)

दरम्यान, राज्यशासनाने महापालिकेस जी-20 परिषदेसाठी 200 कोटी रुपयांचा निधी मंजूर केला आहे. मात्र, हा निधी अद्याप महापालिकेस मिळालेला नाही. त्यातच 2023-24 मध्ये शहरात जी-20 परिषदेसाठी महापालिकेने आधीच अंदाजपत्रकात सुमारे 6 कोटी रुपयांची तरतूद केली होती. त्यामुळे शासनाचे पैसे आलेले नसल्याने महापालिकेने तूर्तास आपल्या निधीतून हे बिल देण्याची तयारी करून प्रस्ताव स्थायी समितीत ठेवण्यात आला आहे. (Pune Municipal Corporation News)
——

News Title | G 20 | Palkhi Sohala | PMC Pune | One meal, two breakfasts for Rs 25 lakh Learn what types are

‘Basic Literacy and Numeracy’ exhibition | सावित्रीबाई फुले पुणे विद्यापीठात ‘जी-२०’ निमित्ताने ‘पायाभूत साक्षरता आणि संख्याशास्त्र’ या प्रदर्शनाचे उद्घाटन

Categories
Breaking News cultural Education पुणे महाराष्ट्र

‘Basic Literacy and Numeracy’ exhibition| सावित्रीबाई फुले पुणे विद्यापीठात ‘जी-२०’ निमित्ताने ‘पायाभूत साक्षरता आणि संख्याशास्त्र’ या प्रदर्शनाचे उद्घाटन

 

‘Basic Literacy and Numeracy’ exhibition |  शिक्षण, मूलभूत साक्षरता आणि संख्याशास्त्र, डिजिटल उपक्रम, संशोधन आणि कौशल्य विकासातील सर्वोत्तम पद्धती आदींचे सादरीकरण असलेल्या मल्टीमीडिया प्रदर्शनाचे सावित्रीबाई फुले पुणे विद्यापीठ येथे केंद्रीय शिक्षण राज्यमंत्री अन्नपूर्णा देवी यांच्या हस्ते उद्घाटन करण्यात आले. (‘Basic Literacy and Numeracy’ exhibition)

जी- २० अंतर्गत (G 20 Summit in pune) शिक्षण कार्यगटाच्या चौथ्या बैठकीच्या पार्श्वभूमीवर या प्रदर्शनाचे आयोजन करण्यात आले आहे. या उद्घाटन प्रसंगी राज्याचे उच्च व तंत्र शिक्षण मंत्री चंद्रकांतदादा पाटील, शालेय शिक्षण मंत्री दीपक केसरकर, भारत सरकारच्या शालेय शिक्षण विभागाचे सचिव संजय कुमार, सावित्रीबाई फुले पुणे विद्यापीठाचे कुलगुरू डॉ. सुरेश गोसावी, विद्यापीठ व्यवस्थापन परिषद सदस्य रविंद्र शिंगणापूरकर, समन्वयक राजेश पांडे आदी उपस्थित होते.

राष्ट्रीय शैक्षणिक धोरणाला अनुसरून कृती आधारित शिक्षण पद्धतीद्वारे मुलांना आनंददायी आणि गुणवत्तापूर्ण शिक्षण मिळावे या उद्देशाने भरविण्यात आलेल्या या प्रदर्शनात विविध शैक्षणिक साधने आणि शिक्षकांच्या गुणवत्ता वाढीसाठी उपक्रमांचा समावेश आहे. आदर्श बालवाडी, ५५ भाषांतील पुस्तके, आयुकाद्वारे निर्मित ४० विज्ञान प्रयोगांची माहिती देणारी ‘द वेलो ग्यानेश्वरी’ सायकल, खेळ आणि अभ्यासाचे महत्त्व, कौशल्य अभ्यासक्रम, भारतीय पारंपरिक खेळ, पूर्व प्राथमिकसाठी डिजिटल अभ्यासक्रम, वाचन, गणन व लेखन कौशल्य विकसित करण्यासाठी खेळणी, प्रात्यक्षिके, कोडी, सामान्यज्ञान, प्रश्नमंजूषा, गोष्टी, कविता, डिजिटल साहित्य आदीची रेलचेल प्रदर्शनात आहे.

 

पायाभूत साक्षरता आणि संख्या ज्ञानाबरोबर मुलांचा गणिती व वैज्ञानिक दृष्टिकोन, कौशल्य शिक्षण, आकलन, निरीक्षण, उपयोजन, विश्लेषण, संश्लेषण, निर्णय प्रक्रिया या मूलभूत प्रक्रिया विकसित व्हाव्यात यासाठी शैक्षणिक साहित्य येथे उपलब्ध आहे. भारतीय ज्ञान परंपरेबरोबर आधुनिक तंत्रज्ञानावर आधारित नाविन्यपूर्ण शैक्षणिक साधनांचा प्रदर्शनात समावेश आहे. प्रदर्शनात शिक्षणसंस्था, उत्पादक, स्टार्टअप आदींची सुमारे १०८ दालने असून २२ जूनपर्यंत सकाळी १० ते सायंकाळी ६ यावेळेत पुणे विद्यापीठातील खाशाबा जाधव क्रीडा संकुलात प्रदर्शन सर्वांसाठी विनामूल्य खुले राहणार आहे. यापैकी ३६ राज्यांची दालनेदेखील आहेत.

प्रदर्शनात सहभागी प्रमुख संस्था

युनिसेफ, राष्ट्रीय कौशल्य विकास महामंडळ (एनएसडीसी), एनसीईआरटी, नॅशनल बुक ट्रस्ट, भारतीय नॉलेज सिस्टम्स्‌‍ डिव्हिजन (आयकेएस), मायक्रोसॉफ्ट, गुगल, आयुका, आयसर, विविध स्टार्ट अप यांच्यासह विविध राज्य शासनांचे शिक्षण विभाग अशा एकूण १०८ प्रदर्शन दालनांचा प्रदर्शनात सहभाग आहे.

प्रदर्शनाचे महत्व:

पायाभूत क्षेत्रातील गुणवत्तापूर्ण आनंददायी शिक्षणासाठी हे प्रदर्शन उपयुक्त आहे. मुलांचा शारीरिक, मानसिक, भावनिक, आत्मिक विकास, बौद्धिक व कौशल्य वृद्धी यासह लेखन, वाचन व गणन या प्रक्रिया सोप्या पद्धतीने शिकण्यासाठीची कौशल्ये येथे प्रदर्शित करण्यात आली आहेत. आकलन, निरीक्षण, उपयोजन, विश्लेषण, संश्लेषण, निर्णय प्रक्रिया या मूलभूत प्रक्रिया विकसित होण्यासाठी या प्रदर्शनातील बाबी सहाय्यभूत ठरणार आहेत.

News Title |Inauguration of ‘Basic Literacy and Numeracy’ exhibition at Savitribai Phule Pune University on the occasion of ‘G-20’

G 20 Summit in Pune | जी-२० बैठकीनिमित्त आयोजित प्रदर्शनासाठी चोख बंदोबस्त ठेवा | पालकमंत्री  

Categories
Breaking News Education Political पुणे

G 20 Summit in Pune | पालकमंत्री चंद्रकांतदादा पाटील यांच्या उपस्थितीत पोलीस आयुक्तालय येथे आढावा बैठक

| जी-२० बैठकीनिमित्त आयोजित प्रदर्शनासाठी चोख बंदोबस्त ठेवा | पालकमंत्री

G 20 Summit in Pune | जी-२० शिक्षण कार्यगटाच्या चौथ्या बैठकीच्या पार्श्वभूमीवर सावित्रीबाई फुले पुणे विद्यापीठ येथे आयोजित शैक्षणिक प्रदर्शनास (Educational Exhibition) मोठ्या संख्येने शालेय विद्यार्थी भेट देणार असल्याने सुरक्षेच्यादृष्टीने चोख बंदोबस्त ठेवावा, असे निर्देश राज्याचे उच्च व तंत्रशिक्षण मंत्री तथा जिल्ह्याचे पालकमंत्री चंद्रकांतदादा पाटील (Guardian Minister Chandrakant Patil) यांनी केले. (G 20 Summit in Pune)

जी-२० बैठकीनिमित्त आयोजित प्रदर्शनाच्या पार्श्वभूमीवर वाहतूक नियोजन करण्यासाठी पोलीस आयुक्तालय पुणे येथे घेण्यात आलेल्या आढावा बैठकीत ते बोलत होते. बैठकीस पोलीस आयुक्त रितेश कुमार, अपर पोलीस आयुक्त प्रवीण पाटील , विद्यापीठाच्या व्यवस्थापन परिषदेचे सदस्य रवी शिंगणापूरकर आणि शहर पोलीस दलातील वरिष्ठ अधिकारी उपस्थित होते. (Pune Police)

पालकमंत्री श्री.पाटील म्हणाले, बैठकीसाठी येणाऱ्या परदेशी प्रतिनिधींच्या सुरक्षेबाबत अत्यंत गांभीर्याने लक्ष द्यावे. शैक्षणिक प्रदर्शन विद्यार्थ्यांसाठी उपयुक्त असल्याने सुमारे ४ ते ५ लाख विद्यार्थी भेट देण्याची शक्यता आहे. विद्यार्थी शाळेच्या बसेसने येणार असल्याने वाहतुकीचे योग्य नियोजन करण्यात यावे. नागरिकांना वाहतूककोंडीचा त्रास होणार नाही याची दक्षता घ्यावी. विद्यापीठ प्रशासनाने विद्यार्थ्यांसाठी पुरेशा प्रमाणात पिण्याच्या पाण्याची आणि तात्पुरत्या स्वच्छतागृहाची सोय करावी, त्यासाठी महानगरपालिकेचे सहकार्य घ्यावे, असे त्यांनी सांगितले.

सुरक्षाविषयक समन्वयासाठी कमांड सेंटरची स्थापना करण्यात आली असून वाहतूक नियोजनासाठी आराखडा तयार करण्यात आला आहे. ऑनलाईन सुविधेद्वारे विद्यार्थ्यांना भेटीची पूर्वनियोजित वेळ देण्यात येत असून एकाच वेळी गर्दी होऊ नये याची दक्षता घेण्यात आली आहे, अशी माहिती यावेळी देण्यात आली.

News Title | G20 Summit in Pune | Review meeting at Police Commissionerate in the presence of Guardian Minister Chandrakant Patil | Make proper arrangements for the exhibition organized on the occasion of the G-20 meeting Guardian Minister

G 20 Summit in Pune | पायाभूत साक्षरता आणि संख्याशास्त्र प्रदर्शनाला पाच लाख पुणेकर भेट देणार

Categories
Breaking News Political social पुणे

G 20 Summit in Pune | पायाभूत साक्षरता आणि संख्याशास्त्र प्रदर्शनाला पाच लाख पुणेकर भेट देणार | राजेश पांडे

G 20 Summit in Pune | जी 20 परिषदेच्या (G 20 Summit 2023)  निमित्ताने पुणे विद्यापीठाच्या खाशाबा जाधव स्टेडियम (Khashaba Jadhav stedium) मध्ये दिनांक 17 ते 22 जून या कालावधीत ‘पायाभूत साक्षरता आणि संख्याशास्त्र’ या विषयावरील प्रदर्शनाचे आयोजन करण्यात आले आहे. या प्रदर्शनाला पाच लाख पुणेकर भेट देतील असे नियोजन केले असल्याची माहिती जी २० परिषद संयोजन समितीचे समन्वयक राजेश पांडे (Rajesh Pande)  यांनी दिली. (G 20 Summit in Pune)

पांडे म्हणाले, ‘तीन ते नऊ वयोगटातील मुलांच्या शिक्षणाचा पाया मजबूत होण्यासाठी पायाभूत साक्षरता आणि संख्याशास्त्र शिक्षण पद्धती व त्यासाठी आधुनिक तंत्रज्ञानावर आधारित नवीन शैक्षणिक साधनांचा या प्रदर्शनात समावेश असणार आहे. विद्यार्थी, पालक, शिक्षक आणि सर्वसामान्य नागरिकांचे कुतूहल जागृत करणारी साधने प्रदर्शनात पाहायला मिळतील. या साधनांमुळे विद्यार्थ्यांना हसत खेळत आनंददायी कृतियुक्त शिक्षण देता येईल. ज्याचा विद्यार्थ्यांच्या शैक्षणिक प्रगतीसाठी मोठा हातभार लागेल. त्यामुळे पुणेकरांनी ही संधी दवडू नये. (G 20 Summit News)

पुणेकरांनी प्रदर्शनाला मोठ्या संख्येने भेट द्यावी याचे नियोजन करण्यात आले आहे. पुण्यातील सर्व शैक्षणिक संस्थांची पालकमंत्री चंद्रकांतदादा पाटील यांच्या प्रमुख उपस्थितीत बैठक आयोजित करण्यात आली होती. या बैठकीला कुलगुरू डॉ. सुरेश गोसावी, व्यवस्थापन समिती सदस्य रवींद्र शिंगणापूरकर, डॉ. आदित्य अभ्यंकर यांची प्रमुख उपस्थिती होती. प्रदर्शनाला अधिकाधिक पुणेकरांनी भेट द्यावी असे आवाहन पाटील यांनी या बैठकीत केले होते. त्याला सर्व शिक्षण संस्थांनी सकारात्मक प्रतिसाद दिला. पुणे महानगरपालिका आणि पिंपरी चिंचवड महानगरपालिका शिक्षण विभागाच्या शाळांतील सुमारे दीड लाख विद्यार्थी आणि शिक्षक प्रदर्शनाला भेट देणार आहेत. पीएमपीएमएलने त्यासाठी विनामूल्य वाहन व्यवस्था केली आहे.’ (G 20 Summit in Pune news)

प्रदर्शनात शंभरहून अधिक शिक्षण संस्था आणि उत्पादकांची दालने असणार आहेत. सकाळी १० ते सायंकाळी ६ ही प्रदर्शनाची वेळ आहे. हे प्रदर्शन सर्वांसाठी विनामूल्य खुले राहील. पुणेकरांनी या प्रदर्शनाला मोठ्या संख्येने भेट द्यावी, असे आवाहन करण्यात आले आहे.

News Title | G20 Summit in Pune | Five lakh Punekar to visit Basic Literacy and Numeracy Exhibition | Rajesh Pandey

G 20 Summit in Pune | जी-२० डिजिटल अर्थव्यवस्था कार्यगट बैठक | पुणे महापालिकेच्या विविध प्रकल्पांची दिली गेली माहिती 

Categories
Breaking News cultural PMC social पुणे

G 20 Summit in Pune | जी-२० डिजिटल अर्थव्यवस्था कार्यगट बैठक | पुणे महापालिकेच्या विविध प्रकल्पांची दिली गेली माहिती

 भारताच्या डिजिटल सामर्थ्याचे दर्शन घडविणाऱ्या प्रदर्शनाचे उद्घाटन

G 20 Summit in Pune | पुणे महानगरपालिका (Pune Municipal Corporation) व पुणे स्मार्ट सिटी (Pune Smart City) , पिंपरी- चिंचवड महानगरपालिका (Pimpari Chincwad Municipal Corporation) आणि महाराष्ट्र औद्योगिक विकास महामंडळानेही (MIDC) आपल्या प्रकल्पांचे आणि त्यातील अत्याधुनिक तंत्रज्ञानाच्या वापराविषयी डिजिटल सादरीकरण स्क्रीनद्वारे तसेच चित्रफीतीद्वारे केले आहे. पुणे महानगरपालिका (PMC Pune) व स्मार्ट सिटीच्या (Smart City Pune) दालनातून पुणे शहरात राबविण्यात येत असलेल्या प्रकल्पांची माहिती दर्शविण्यात आली आहे. अत्याधुनिक स्काडा यंत्रणेचा (Skada System)उपयोग केलेल्या एकात्मिक घनकचरा व्यवस्थापन प्रणाली (Integrated Solid Waste Management System), एंटरप्राईज जीआयएस प्रणाली, पुणे मनपाचे संकेतस्थळ (PMC Website) व नागरिक सहभागाचे विविध डिजिटल उपक्रम, बहुविध उपयोगाचे चॅटबोट यांचे सादरीकरण यातून करण्यात आले असून मुळा-मुठा नदी सुधार प्रकल्पाविषयी (Mula Mutha Riverfront Devlopment Project) चित्रफीतीद्वारे माहिती देण्यात येत आहे. (G 20 Summit in Pune)

जी-२० डिजिटल अर्थव्यवस्था कार्यगट बैठकीच्या पार्श्वभूमीवर हॉटेल जे डब्ल्यू मेरिएट येथे केंद्र शासनाच्या इलेक्ट्रॉनिक्स व माहिती तंत्रज्ञान मंत्रालयामार्फत आयोजित प्रदर्शनाने उद्घाटन केंद्रीय इलेक्ट्रॉनिक्स व माहिती तंत्रज्ञान राज्यमंत्री राजीव चंद्रशेखर यांच्या हस्ते आणि परदेशी प्रतिनिधींच्या उपस्थितीत झाले. (G 20 Economy working Group)

पिंपरी चिंचवड महानरगपालिकेने आपल्या दालनातून शहरातमध्ये १२३ शाळांत राबविलेल्या ई-क्लासरुम प्रकल्प, जीआयएस आधारित मालमत्ता मॅपींग प्रकल्प, शहरातील सीसीटीव्ही यंत्रणा, स्मार्ट घनकचरा व्यवस्थापन प्रकल्प, स्मार्ट पाणी व्यवस्थापन, नागरिकांना सूचना देण्यासाठी डिजिटल बोर्ड उभारणीचा प्रकल्प आदी प्रकल्पांची माहिती सादर केली आहे. महाराष्ट्र औद्योगिक विकास महामंडळाने उद्योगांसाठी देण्यात येणाऱ्या सुविधांचे सादरीकरण केले. (G 20 Summit india)

यावेळी केंद्रीय इलेक्ट्रॉनिक्स व माहिती तंत्रज्ञान विभागाचे सचिव अल्केश कुमार शर्मा, पुण्याचे विभागीय आयुक्त सौरभ राव, मनपा आयुक्त विक्रम कुमार, जिल्हाधिकारी डॉ. राजेश देशमुख आदी उपस्थित होते.

राज्यमंत्री राजीव चंद्रशेखर आणि उपस्थित प्रतिनिधींनी प्रदर्शनाला भेट देऊन विविध दालनांची माहिती घेतली. भारतातील डिजीटल प्रगतीसंदर्भात सदस्यांनी माहिती घेतली आणि विविध नाविन्यपूर्ण उपक्रमात विशेष रुची दाखवली.

प्रदर्शनातून भारताच्या डिजिटल सामर्थ्याचे दर्शन

भारताच्या डिजिटल सामर्थ्याचे दर्शन घडविणारे हे प्रदर्शन पाहून बैठकीसाठी उपस्थित परदेशी प्रतिनिधी प्रभावित झाले. या प्रदर्शनात आधार, युपीआय प्रणाली, डिजीलॉकर, उमंग उपयोजक, शैक्षणिक उपयोगी दीक्षा उपयोजक व संकेतस्थळ, भाषिनी उपयोजक व संकेतस्थळ, ई-संजीवनी राष्ट्रीय टेलीमेडीसीन प्रणाली, सहकारी कृषी पणन बाजारपेठ जोडणीचा ई-नाम प्रकल्प आणि सॉईल हेल्थ कार्ड, ओपन नेटवर्क फॉर डिजिटल कॉमर्स (ओएनडीसी), डीजीट प्लॅटफॉर्म बाबत माहितीपूर्ण दालनांतून या प्रकल्पांची माहिती प्रतिनिधींनी उत्सुकतेने घेतली. यामध्ये डिजिटल इंडिया जर्नी हा सिम्युलेटरद्वारे भारतातील माहिती तंत्रज्ञानाच्या वापराविषयी अनुभव दर्शविणारे साधनही आकर्षण ठरले आहे.

‘आधार’बाबत जाणून घेतले

भारत सरकारने राबविलेल्या आधार (Aadhaar) ओळख प्रणालीच्या उपक्रमाची माहिती सर्वांनी बारकाईने जाणून घेतली. जगातील हा एक मोठा आणि यशस्वी उपक्रम असल्याचे सांगण्यात आले. आधार ओळख प्रणालीच्या सहाय्याने जगातील सर्वाधिक बँक खाती भारतात काढण्यात आल्याची माहिती यावेळी देण्यात आली. आधार क्रमांकाचा, ई- केवायसी चा उपयोग करुन थेट लाभ हस्तांतरण, अर्थसहाय्याचे थेट बॅंक खात्यात हस्तांतरण तसेच अनेक ई सुविधांशी आधारची जोडणी याबाबत यावेळी सादरीकरणाद्वारे माहिती सांगण्यात आली.

0000

News Title |G20 Summit in Pune | G-20 Digital Economy Working Group Meeting | Information about various projects of Pune Municipal Corporation was given

Pandharpur Aashadhi wari | G 20 summit pune | जी-२० चे प्रतिनिधी मंडळ अनुभवणार आषाढी वारी 

Categories
Breaking News cultural Political social पुणे महाराष्ट्र

Pandharpur Aashadhi wari | G 20 summit pune | जी-२० चे प्रतिनिधी मंडळ अनुभवणार आषाढी वारी

Pandharpur Aashadhi wari | G 20 summit pune | जी-२० चे प्रतिनिधी (G 20 conference representative)  मंडळ आषाढी वारीच्या (Aashadhi wari) काळात पुण्यात येणार आहे. त्यांना पंढरपुरची वारी (Pandharpur wari) आणि त्या अनुषंगाने या संस्कृतीची ओळख करून देण्यासाठी स्वतंत्र नियोजन करण्यात आले आहे. या प्रतिनिधींना आपल्या संस्कृतीतील या वैशिष्ट्यपूर्ण अशा वारीचे दर्शन घडवा, त्यासाठी उत्तम नियोजन करा, असे मुख्यमंत्र्यांनी (CM Eknath Shinde) सांगितले. (Pandharpur Aashadhi wari | G 20 summit pune)

वारीच्या नियोजनासाठी पालखी मार्ग आणि पंढरपूरसह, वारी मार्गावरील विविध ठिकाणी प्रत्यक्ष भेटी देऊन नियोजनाची पाहणी करणार असल्याचेही त्यांनी सांगितले. (G 20 summit pune)

बैठकीत पुणे विभागीय आयुक्त श्री. राव यांनी पालखी मार्ग तसेच वारीच्या दृष्टीने करण्यात आलेल्या तयारीची सादरीकरणाद्वारे माहिती दिली. यावर्षी वारीकरिता ६० टक्क्यांनी अधिकचे मनुष्यबळ तसेच पाण्याकरिता टँकर्सची संख्याही दुप्पट करण्यात येत असल्याची माहिती श्री. राव यांनी दिली. महापालिका, नगरपालिका आणि जिल्हा परिषदांच्या सहकार्याने नियोजन करण्यात येत असल्याची माहिती दिली. बैठकीस नियोजन विभागाचे अतिरिक्त मुख्य सचिव राजगोपाल देवरा, ग्रामविकास विभागाचे अतिरिक्त मुख्य सचिव राजेश कुमार, नगर विकास विभागाच्या सचिव सोनिया सेठी, परिवहन विभागाचे प्रधान सचिव पराग जैन- नैनुटिया आदी उपस्थित होते. (Pandharpur Aashadhi wari palkhi sohla)

 

पंढरीच्या आषाढी वारीसाठी चोख नियोजन करा – मुख्यमंत्री एकनाथ शिंदे

पंढरपूरच्या आषाढी वारीसाठी चोख नियोजन करण्यात यावे. यंदा वारीसाठी अधिक गर्दी होऊ शकते. त्यामुळे वारकरी बांधवांना कोणतीही अडचण येऊ नये, याची काळजी घ्या, असे निर्देश मुख्यमंत्री एकनाथ शिंदे यांनी आज येथे दिले. वारीसाठी येणाऱ्या वाहनांना परतीच्या प्रवासासह टोल माफ करण्यात येईल, अशी घोषणाही मुख्यमंत्री श्री. शिंदे यांनी केली. पंढरीत दर्शनासाठी येणाऱ्या ज्येष्ठ नागरिकांना वेळेत दर्शन व्हावे यासाठी विशेष सुविधा करण्यात यावी, असेही मुख्यमंत्र्यांनी सांगितले. (Pandharpur Aashadhi wari news)

पंढरपूर आषाढी वारीसाठी निधीची कोणतीही कमतरता नाही. अर्थसंकल्पात जाहीर केल्याप्रमाणे नगरपालिकेसाठीच्या निधीत पाच वरून दहा कोटींची आणि ग्रामपंचायतींकरिता पंचवीस वरून पन्नास लाख रुपयांची अशी दुप्पट तरतूद केली आहे. याशिवाय रस्त्यांसाठीही वेगळा निधी दिला आहे. त्यामुळे रस्त्यांची परिस्थिती सुधारण्याबाबत काळजी घेण्याचे निर्देश मुख्यमंत्री श्री. शिंदे व उपमुख्यमंत्री देवेंद्र फडणवीस या दोहोंनीही दिले.

वारी मार्गावरील पुणे, सातारा आणि सोलापूर जिल्ह्यातील ग्रामपंचायतीना देण्यात येणारा निधी दुप्पट केला आहे, तत्काळ वितरीत करण्याच्या सूचनाही मुख्यमंत्र्यांनी केली. पंढरपूर आणि परिसरातील रस्ते वारीसाठी सुस्थितीत व्हावेत यासाठी १० कोटी रुपयांचा निधी दिला आहे. या निधीतून होणारी कामे वेळेत आणि दर्जेदार व्हावीत यासाठी मंत्रालयीन स्तरावरील नगर विकास विभागाच्या उपसचिवांनी प्रत्यक्ष पंढरपूर आणि क्षेत्रीयस्तरावर पोहचून देखरेख व संनियत्रण करण्याचे निर्देशही मुख्यमंत्र्यांनी दिले.

पंढरीच्या आषाढीच्या वारीच्या अनुषंगाने तयारीचा आढावा घेण्यासाठी मुख्यमंत्री श्री. शिंदे यांच्या अध्यक्षतेखाली, उपमुख्यमंत्री देवेंद्र फडणवीस यांच्या उपस्थितीत सह्याद्री राज्य अतिथीगृह येथे बैठक झाली. बैठकीस महसूल मंत्री तथा सोलापूर जिल्ह्याचे पालकमंत्री राधाकृष्ण विखे-पाटील, उच्च व तंत्रशिक्षण मंत्री तथा पुणे जिल्ह्याचे पालकमंत्री चंद्रकांतदादा पाटील, सार्वजनिक बांधकाम मंत्री रवींद्र चव्हाण यांच्यासह पुणे विभागीय आय़ुक्त सौरभ राव, अक्षय महाराज भोसले तसेच संबंधित जिल्ह्याचे जिल्हाधिकारी, पोलीस अधीक्षक आदी वरिष्ठ अधिकारी दृकश्राव्य प्रणालीच्या माध्यमातून उपस्थित होते.

मुख्यमंत्री श्री. शिंदे म्हणाले की, पालख्यांच्या प्रस्थानापूर्वीच वारीसाठीची सर्व सज्जता ठेवा. यंदा वारीसाठी गर्दी होण्याची शक्यता आहे. वारी मार्गावर पाण्याच्या उपलब्धतेबाबत विशेष नियोजन करावे लागेल. कोणत्याही परिस्थितीत मनुष्यबळ, यंत्रसामुग्रीची कमतरता भासणार नाही, असे चोख नियोजन करा. विभागातील आजुबाजुच्या महापालिका, जिल्हा परिषदा यांच्या यंत्रणाचीही मदत घ्या. वारी मार्गावर ठिकठिकाणी वारकऱ्यांसाठी चांगल्या पद्धतीचे तंबू-निवारे उभे राहतील, पंखे आणि सावली याकरिता काळजी घ्या. वैद्यकीय पथके त्यातील तज्ज्ञ आणि रुग्णवाहिका यांचीही सज्जता ठेवा. औषधे, पिण्याचे पाणी, अन्य आरोग्य सुविधा याबाबत वेळीच नियोजन करा. पंढरपूरमधील रस्त्यांसाठी निधी दिला आहे. त्यातून पंढरपूर नगरपालिका आणि आजुबाजुच्या रस्त्यांचे डांबरीकरण करा. त्यामध्ये नगरपालिकेचा रस्ता, ग्रामपंचायतीचा रस्ता असे हद्दीच्या विषयातून रस्त्यांची कामे मागे ठेवू नका. कोणत्याही परिस्थितीत रस्त्यांवर चिखल किंवा राडा-रोडी दिसता कामा नये याची दक्षता घ्या, असेही मुख्यमंत्र्यांनी सांगितले.

पालखी मार्गासह वारीत येणाऱ्या वाहनांना टोल माफ करण्याबाबत मुख्यमंत्री श्री. शिंदे यांनी विशेष व्यवस्था करण्याचे निर्देशही संबंधित जिल्हाधिकारी व पोलीस अधीक्षकांना दिले. ते म्हणाले की, वारीत सहभागी होणाऱ्या वाहनांना टोल द्यावा लागू नये यासाठी पोलीस विभागाने स्टीकर्स किंवा पासेसच्या माध्यमतून कार्यवाही करावी. टोल नाक्यांवर विशेष व्यवस्था करून, वारकऱ्यांना टोल द्यावा लागू नये असे नियोजन करावे. पालखी मार्गावरील टोल नाके सुरु होणार नाहीत. त्याबाबत केंद्रीय रस्ते वाहतूक आणि महामार्ग मंत्री नितीन गडकरी यांच्याशी संपर्क साधून त्यांना याबाबत कल्पना दिल्याची माहितीही मुख्यमंत्र्यांनी दिली.

०००००

News Title | Pandharpur Aashadhi wari | G 20 summit pune | The delegation of G-20 will experience Ashadhi Vari

G20 Summit in Pune |  Sinhagad Fort |  Foreign guests of the G 20 conference will visit Sinhagad Fort!

Categories
Breaking News cultural PMC social पुणे महाराष्ट्र

G20 Summit in Pune |  Sinhagad Fort |  Foreign guests of the G 20 conference will visit Sinhagad Fort!

 |  Divisional Commissioner’s order to beautify Sinhagad road

 G20 Summit in Pune |  Sinhagad Fort |  (Author: Ganesh Mule) |  The G-20 Summit in Pune will be held in the month of June.  The foreign guests invited for this conference want to know about the culture of Maharashtra.  Accordingly, a trip to Sinhagad Fort, which is near from Pune, will be arranged for the guests.  Accordingly, the Divisional Commissioner has issued an order to Pune Municipal Corporation(PMC), Pune Zilla Parishad and Public Works Department to repair, repair and beautify Sinhagad Road from Pune to Sinhagad for this tourist visit.  PWD) are given.  (G 20 summit in Pune | Sinhgadh Fort)
 The G-20 conference has been organized in India, Italy and Indonesia in 3 countries from 1/12/2022 to next 1 year.  Accordingly, the third meeting of the Department of Information and Technology will be held in Pune (G 20 Summit In Pune) from 12 to 14 June 2023 in Maharashtra.  The responsibility of successfully planning and organizing this ambitious program rests with the central government as well as the state government.  (Sinhagad Fort News)!
  3rd DEW Group’s D.  12 June to 14 June
 Meanwhile, the instructions regarding the pre-planning of the meeting to be held in Pune have been received from the Deputy Secretary of the State.  (Sinhagad Road Maintenance and beautification)
 Accordingly, Maharashtra Government’s letter dt.  As per 15/05/2023 dt.  DEWG Conference is being held from 12th to 14th June.  It is planned to take the invitees to Sinhagad fort as part of local tourism and sightseeing.  However, due to the palanquins of Shri Sant Dnyaneshwar Maharaj and Shri Sant Tukaram Maharaj staying in Pune during this period, it is planned to take the guests to Sinhagad via NDA Khadakawas.  Therefore, the repair, repair and beautification of the road under your jurisdiction should be started immediately.  Such orders have been given by the Divisional Commissioner to Pune Municipal Corporation, Pune Zilla Parishad and Public Works Department.
 ——

G 20 summit in pune | Sinhagad Fort | G 20 परिषदेतील परदेशी पाहुणे करणार सिंहगडाची सफर!

Categories
Breaking News cultural PMC social पुणे महाराष्ट्र

G 20 summit in pune | Sinhagad Fort | G 20 परिषदेतील परदेशी पाहुणे करणार सिंहगडाची सफर!

| सिंहगड रस्त्याचे सुशोभीकरण करण्याचे विभागीय आयुक्तांचे आदेश

G 20 summit in pune | Sinhagad Fort | (Author: Ganesh Mule) | पुण्यात जून महिन्यात G- २० परिषद (G 20 Summit in Pune) होणार आहे. या परिषदेसाठी निमंत्रित परदेशी पाहुण्याना महाराष्ट्राच्या संस्कृतीविषयी (Maharashtrian Culture) अवगत करायचे आहे. त्यानुसार पुण्यापासून जवळच असलेल्या सिंहगड किल्ल्याची (Sinhagad Fort) सफर या पाहुण्यांना घडवून आणली जाणार आहे. त्यानुसार या पर्यटन भेटीकरिता पुणे ते सिंहगड रस्त्याची डागडुजी, दुरुस्ती, व सुशोभिकरण (Sinhagad Road Maintenance and beautification) करुन घेण्याचे आदेश विभागीय आयुक्तांनी (Divisional Commissioner) पुणे महापालिका (Pune Municipal Corporation) , जिल्हा परिषद (Pune Zilla parishad) आणि सार्वजनिक बांधकाम विभागाला(PWD)  दिले आहेत. (G 20 summit in pune | Sinhgadh Fort)

जी-२० परिषदेचे आयोजन भारत, इटली व इंडोनेशिया या ३ देशात दि.१/१२/२०२२ ते पुढील १ वर्ष या कालावधीमध्ये करण्यात आलेले आहे. त्यानुसार महाराष्ट्रामध्ये १२ ते १४ जून २०२३ या कालावधीत माहिती व तंत्रज्ञान या विभागाची तिसरी बैठक पुणे (G 20 Summit In Pune) येथे होणार आहे. या महत्वकांक्षी कार्यक्रमाचे यशस्वीरित्या नियोजन व आयोजन करण्याची जबाबदारी केंद्रशासनाच्या बरोबरच राज्य शासनावरही असून या कालावधीमध्ये जगातील जवळपास ४० देशांमधून सुमारे १०० मान्यवर सदर परिषदेमध्ये सहभागी होणार आहेत. (Sinhagad Fort News)!
 तिस-या DEW Group च्या दि. १२ जून ते १४ जून दरम्यान पुणे येथे होणा-या बैठकीच्या पूर्व नियोजनबाबतच्या सूचना राज्याचे उपसचिव यांचेकडून प्राप्त झालेल्या आहेत. (Sinhagad Road Maintenance and beautification) 
त्याअनुषंगाने महाराष्ट्र शासनाचे पत्र दि. १५/०५/२०२३ नुसार दि. १२ ते १४ जून DEWG परिषद आयोजित करणेत आली आहे. यासाठी येणाऱ्या निमंत्रितांना स्थानिक पर्यटन व स्थळ दर्शनांतर्गत किल्ले सिंहगड येथे घेऊन जाणे नियोजित आहे. मात्र या कालावधीमधे पुणे येथे श्री संत ज्ञानेश्वर महाराज व श्री संत तुकाराम महाराज पालख्या मुक्कामी असले कारणाने निमंत्रीत पाहुण्यांना NDA खडकावासला मार्गे सिंहगडावर नेणे नियोजित आहे. त्यास्तव उपरोक्त मार्गाचा आपल्या अखत्यारित असणाऱ्या रस्त्याची डागडुजी, दुरुस्ती व सुशोभिकरण यास तात्काळ सुरुवात करावी. असे आदेश विभागीय आयुक्त यांनी पुणे महापालिका, पुणे जिल्हा परिषद आणि सार्वजनिक बांधकाम विभागाला दिले आहेत.
——
News Title | G20 Summit in Pune |  Sinhagad Fort |  Foreign guests of the G 20 conference will visit Sinhagad! |  Divisional Commissioner’s order to beautify Sinhagad road

Marathi culture | G 20 | परदेशी पाहुण्यांनी धरला ढोल-लेझीमवर ठेका

Categories
Breaking News Commerce cultural social देश/विदेश पुणे महाराष्ट्र

परदेशी पाहुण्यांनी धरला ढोल-लेझीमवर ठेका

‘जी-२०’ बैठकीच्या निमित्ताने सावित्रीबाई फुले पुणे विद्यापीठ येथे सर्व जी-२० प्रतिनिधींसाठीं सांस्कृतिक कार्यक्रमाचे आयोजन करण्यात आले. यावेळी सांस्कृतिक कार्यक्रमांच्या सादरीकरणाच्या अंतिम टप्प्यावर ढोल-लेझीमच्या तालावर परदेशी पाहुण्यांनी ठेका धरला. ढोल, लेझीम, टाळ हाती घेत महाराष्ट्राच्या संस्कृतीला दाद दिली.

यावेळी पालकमंत्री चंद्रकांतदादा पाटील, केंद्रीय वित्त मंत्रालयाच्या आर्थिक घडामोडी या विभागाचे संयुक्त सचिव सॉलोमन अरोकिराज, विभागीय आयुक्त सौरभ राव, कुलगुरू डॉ. कारभारी काळे, पुणे महानरपालिका आयुक्त विक्रम कुमार, पोलीस आयुक्त रितेश कुमार, जिल्हाधिकारी डॉ. राजेश देशमुख आदी उपस्थित होते.

यावेळी भैरी भवानी परफॉर्मिंग आर्ट्सच्या कलाकारांनी ‘सागा ऑफ मराठा एम्पायर’ या संकल्पनेवर आधारित महाराष्ट्राच्या सांस्कृतिक वैभवाचे विविधांगी दर्शन घडविणाऱ्या कलांचे सादरीकरण केले. प्रारंभी शिववंदना, मर्दानी खेळ, पोतराज, वाघ्या-मुरळी, गोंधळ, छक्कड, संकेतभाषा कला असलेली करपल्लवी यासोबतच तान्हाजी मालुसरे यांना समर्पित सादरीकरण करण्यात आले. शिवराज्याभिषेक गीताने कार्यक्रमात परमोच्च बिंदू गाठला. त्यानंतर अखेरीस ढोल, लेझीम ताशाचे जोरदार सादरीकरण झाले आणि परदेशी पाहुण्यांना यात सामील होण्याचा मोह अवरला नाही. त्यांनीदेखील सर्व कलाकारांना दाद देत ढोल ताशाच्या गजरावर ठेका धरला. तर काहींनी टाळ वाजवून आनंद व्यक्त केला.

पालकमंत्र्यांनी केले प्रतिनिधींचे स्वागत
जी-२० बैठकीसाठी आलेल्या प्रतिनिधींचे पालकमंत्री चंद्रकांतदादा पाटील यांनी स्वागत केले. पालकमंत्र्यांनी काही प्रतिनिधींशी संवाददेखील साधला. पुणे शहराने पाहुण्यांच्या स्वागतासाठी चांगली तयारी केली आहे. पाहुण्यांनी सांस्कृतिक कार्यक्रमाच्यावेळी व्यक्त केलेला आनंद लक्षात घेता पुणेकरांचे प्रयत्न सफल झाले असल्याची भावना त्यांनी व्यक्त केली. महाराष्ट्राची सांस्कृतिक लोकधारा सर्वांनाच आपलेसे करणारी असल्याचेही ते म्हणाले.

 

G 20 in pune | G20 च्या निमित्ताने मागील ५ वर्षातील भाजपचे अपयश उघडे पडले |ओव्हर नाईट विकासाला आक्षेप | प्रशांत जगताप

Categories
Breaking News PMC Political पुणे

G20 च्या निमित्ताने मागील ५ वर्षातील भाजपचे अपयश उघडे पडले |ओव्हर नाईट विकासाला आक्षेप | प्रशांत जगताप

G20 परिषदेच्या निमित्ताने सुरू असलेल्या कामांबाबत पत्रकार परिषद घेत राष्ट्रवादी काँग्रेस पार्टीचे शहराध्यक्ष प्रशांत जगताप यांनी काही प्रश्न उपस्थित करत या संपूर्ण सुशोभीकरणावर आक्षेप नोंदविला आहे.

जगताप म्हणाले, “G20 परिषदेच्या निमित्ताने जगभरातील सुमारे वीस देशांचे प्रतिनिधी व मंत्री गट देशात येत आहेत. देशभरात घेण्यात येणाऱ्या विविध शहरातील बैठकांमध्ये पुणे शहराचा देखील नंबर लागतो. राष्ट्रवादी काँग्रेस पार्टी या २० देशांच्या प्रतिनिधींचे स्वागत करते.या परदेशी पाहुण्यांच्या स्वागतासाठी पुणे शहराचे १५ दिवसात रूप बदलण्याचा प्रयत्न पुणे महापालिका प्रशासनाकडून केला जात आहे. परंतु ज्या २० देशातील प्रतिनिधी भारतात येणार आहेत त्यांना दाखवण्यासाठी पुणे महानगरपालिका प्रशासनाकडून जो काही ओवर नाईट विकास सुरू आहे त्याला राष्ट्रवादी काँग्रेस पार्टीचा आक्षेप आहे. केवळ आणि केवळ भारतीय जनता पार्टीचे गेल्या पाच वर्षातील अपयश झाकण्यासाठी पुणे महानगरपालिका आयुक्तांनी अक्षरश: पडदे लावत लपवाछपवी सुरू केली आहे.

आज G20 परिसराच्या निमित्ताने शहराची अवस्था सुधारण्याच्या नादात पुणे महानगरपालिका प्रशासनाची जी दमछाक होत आहे, त्याचे कारण केवळ गेल्या पाच वर्षातील भारतीय जनता पार्टीने पुणेकरांच्या पायाभूत सुविधांकडे केलेले दुर्लक्ष आहे. शहरातील रस्ते, फुटपाथ, उड्डाणपूल यांची घाईगडबडीमध्ये रंगरंगोटी करण्यात आली. कित्येक ठिकाणी गेल्या पाच वर्षात पहिल्यांदाच राडा- रोडा उचलला गेला आहे. कित्येक ठिकाणी राडा- रोडा उचलता न आल्याने पडदा टाकून तो कचरा झाकण्यात आलेला आहे. एकूणच काय तर पाहुण्यांचे स्वागत करण्यासाठी पाहुण्यांच्या डोळ्यातच धूळफेक केली जात आहेत.
पुणे महानगरपालिकेचे वार्षिक बजेट दहा हजार कोटींचे असले तरी या पुणे महानगरपालिका क्षेत्रात गेल्या पाच वर्षात विकास कामांचा राहिलेला बॅकलॉग म्हणून भरून काढण्यासाठी काही हजार कोटींची आवश्यकता असताना राज्य सरकारने अवघे 50 कोटी रुपये पाठवून पुणे शहराच्या तोंडाला पाने पुसलेली आहेत. आशिया खंडातील सर्वाधिक वेगाने विकसित होणारे शहर, राज्यातील सर्वाधिक जीएसटी देणाऱ्या टॉप फाईव्ह शहरांपैकी एक शहर, आयटी हब, राज्याची सांस्कृतिक राजधानी असणाऱ्या पुणे शहरात नियमितपणे टॅक्स भरणाऱ्या पुणेकरांच्या सोयीसाठी ज्या गोष्टी गेल्या ५ वर्षात केल्या गेल्या नाहीत, त्या गोष्टी या पाहुण्यांसाठी केल्या जात आहेत. ठराविक पक्षाचा लोगो, पक्षाच्या नेत्यांचे फोटो डोळ्यासमोर ठेवत करण्यात आलेली रंगरंगोटी ही अक्षरशः हास्यस्पद आहे. पुणे विमानतळाच्या समोरचा रस्ता देखील कापड टाकून झाकण्यात आलेला आहे. ज्या ठिकाणी या पाहुण्यांची राहण्याची सोय आहे, त्या सेनापती बापट रस्त्यावरील काही ठिकाणे देखील शेडनेटचा कपडा टाकून झाकण्यात आलेली आहेत. गेल्या पाच वर्षात पुणेकरांच्या टॅक्सरुपी पैश्याची केवळ मर्जीतील ठेकेदारावर टेंडरद्वारे उधळपट्टी करत आपले खिसे भरणाऱ्या भारतीय जनता पार्टीच्या लोकप्रतिनिधींचे अपयश झाकण्यासाठी पुणे महानगरपालिका आयुक्तांनी हा सगळा खटाटोप केलेला आहे.

यातील निकृष्ट दर्जाच्या कामांचा पडदा फाश करण्यासाठी उद्यापासून राष्ट्रवादी काँग्रेस पार्टी दररोज एका ठिकाणी लाईव्ह करणार आहे. या लाईव्हच्या माध्यमातून आपल्या टॅक्सरुपी पैश्यांची करण्यात आलेली उधळपट्टी, पाच वर्षात पुणेकरांना ज्या सोयी सुविधांपासून वंचित ठेवण्यात आले आहे, अशी सर्वच ठिकाणे राष्ट्रवादी काँग्रेस पार्टी पुणेकरांना लाईव्ह दाखवणार आहे”.

खासदार वंदना चव्हाण म्हणाल्या, “जी-२० ही आंतरराष्ट्रीय परिषद आहे.सरकारी कार्यक्रम आहे.भारताला त्याचे अध्यक्षपद मिळणे ही गौरवाचीच बाब आहे.मात्र केंद्र सरकारच्या माध्यमातून भारतीय जनता पक्ष या परिषदेचे राजकीयीकरण करत आहे.प्रशासनही त्यांचेच सर्व ऐकत आहे.परिषदेच्या पुण्यात बैठका होत असून त्यासाठी पुण्याचे खासदार, आमदार यांनाही साधे निमंत्रणसुद्धा दिलेले नाही.लोकप्रतिनिधी असलेल्यांचे त्यांच्या स्वत:च्या शहराबद्दल काय म्हणणे आहे हे संयोजक म्हणून केंद्र सरकारने ऐकून तरी घ्यायला हवे होते, मात्र प्रशासनावर त्यांचा दबाव असल्याचे दिसते आहे. महापालिका आयुक्तांना आपण खासदार म्हणून स्वत: सहभाग तसेच शहरात सुरू असलेल्या दिशाहिन सुशोभीकरणाबाबत विचारणा केली होती, मात्र त्यांचा ‘सगळे चांगले आहे’ असा आश्चर्यकारक प्रतिसाद आला.हा सरकारी कार्यक्रम आहे तर भाजपने त्यासाठी समन्वय समिती कशी स्थापन केली? राजकीय व्यक्ती नको असे असेल तर मग या तथाकथित समन्वय समितीच्या प्रमुखाला थेट परिषदेत सहभाग कशासाठी?त्यांना तिथे स्थान कसे काय दिले जाते?”