PMC Encroachment Department | पुणे मनपा अतिक्रमण विभागाकडून 22 गणेश मंडळावर कारवाई

Categories
Breaking News PMC social पुणे

PMC Encroachment Department | पुणे मनपा अतिक्रमण विभागाकडून 22 गणेश मंडळावर कारवाई

| मांडव न काढणाऱ्या मंडळांना नोटिसा बजावण्याचे काम सुरु

PMC Encroachment Department | पुणे : महापालिका अतिक्रमण विभागाच्या नियमानुसार गणेशोत्सव (Pune Ganeshotsav) संपल्यानंतर दोन दिवसात मंडळांनी मांडव काढून घेऊन रस्ता रिकामा करणे आवश्‍यक आहे. मात्र, अद्याप अनेक मंडळांचे मांडव रस्त्यावर उभे आहेत. अशा मंडळांना क्षेत्रीय कार्यालयांकडून (PMC Ward Offices) नोटिसा बजावण्याचे काम सुरु झाले आहे. तसेच 22 मंडळावर कारवाई करण्यात आली आहे. अशी माहिती उपायुक्त माधव जगताप (PMC Deputy Commissioner Madhav Jagtap) यांनी दिली. (Pune Municipal Corporation)!
पुणे शहरात गणेश मंडळांतर्फे गणेशोत्सवात देखाव्यांसाठी मोठे मांडव उभारले जातात. तसेच विसर्जन मिरवणुकीतील रथ रस्त्यात उभे केले जातात. गणेशोत्सव संपल्यानंतर त्यांनी दोन दिवसात हे मांडव, देखावा, रथावरील सजावट काढून घेऊन रस्ता रिकामा करणे आवश्‍यक आहे. पण अद्यापही मांडव काढला गेला नसल्याने वाहतुकीस अडथळा निर्माण होत आहे. काही मंडळांनी मांडव काढण्याचे काम सुरु केले आहे, पण त्यासाठी मंडळासमोराचा संपूर्ण रस्ता बंद ठेवून काम केले जात असल्याने वाहतूक कोंडीत आणखी भर पडत आहे. (PMC Pune Encroachment Department)
याबाबत जगताप यांनी सांगितले कि, पुणे शहरामध्ये नुकत्याच पार पडलेल्या गणेशोत्सव नंतर विहित मुदतीत म्हणजे दोन दिवसाच्या आत मध्ये मांडव कमानी रनिंग मंडप न काढल्यामुळे शहरातील 22 गणेशोत्सव मंडळाचे मंडप  काढण्यात आलेले आहेत. त्याचबरोबर शहरातील अनधिकृत फ्लेक्स बोर्ड बॅनर्स काढणे बाबतची कार्यवाही सुरू करण्यात आलेली असून पुढील काही दिवस सदाची कारवाई तीव्र करून संपूर्ण शहर अतिक्रमण मुक्त करण्याबाबतची मोहीम हाती घेण्यात आलेली आहे. या मंडळांनी मुदतीत मंडप कमानी काढलेल्या नाहीत त्यांना नोटीस देण्याबाबतची कार्यवाही देखील सुरू करण्यात आलेली आहे.  असेही माधव जगताप म्हणाले. (PMC Pune)
—–
News Title | PMC Encroachment Department | Pune Municipal Encroachment Department action on 22 Ganesh Mandals

Jayant Patil | Kothrud | राष्ट्रवादीचे प्रदेश अध्यक्ष जयंत पाटील यांचे कोथरूड मध्ये जल्लोषात स्वागत 

Categories
Breaking News cultural Political पुणे महाराष्ट्र

Jayant Patil | Kothrud | राष्ट्रवादीचे प्रदेश अध्यक्ष जयंत पाटील यांचे कोथरूड मध्ये जल्लोषात स्वागत

 

Jayant Patil | Kothrud | राष्ट्रवादी काँग्रेस पार्टीचे प्रदेश अध्यक्ष जयंत पाटील  (Jayant Patil) यांनी कोथरूड मधील प्रमुख गणेश मंडळांना भेट दिली. रात्री ९ वाजता एरंडवने मित्र मंडळाची गणपतीची आरती करून त्यांनी कोथरूड मध्ये प्रवेश केला. राष्ट्रवादी कोथरूड मतदारसंघच्यावतीने (NCP Kothrud)  भव्य रॅली चे आयोजन करण्यात आले होते.

पौड फाटा ,छत्रपती शिवाजी महाराज पुतळा चौक,आझाद नगर,गुजरात कॉलनी, वनाज कॉर्नर,जय भवानी नगर,या भागातील अनेक मंडळांना प्रदेश अध्यक्ष जयंत पाटील साहेब यांनी भेट दिल्या .राष्ट्रवादी काँग्रेस चे कोथरूड विधानसभा अध्यक्ष स्वप्नील दुधाने व युवक अध्यक्ष गिरीश गुरनानी (Girish Gurnani) यांनी रॅली चे व कोथरूड मंडळ भेटीचे नियोजन केले होते.

कोथरूड मध्ये सर्व भागात प्रदेश अध्यक्ष जयंत पाटील साहेब यांचे जल्लोषात स्वागत करण्यात आले.अनेख नागरिकांनी फोटो काढले.लहान मुलां-मुलींनी सेल्फी घेतल्या.

या वेळी सिध्दार्थ मित्र मंडळाच्या वतीने जयंत पाटील साहेब यांच्या हस्ते शिव सन्मान पुरस्कार डॉ मेजर विपुल पाटील यांना देण्यात आला.

या वेळी शहर अध्यक्ष प्रशांत दादा जगताप ,सचिन भाऊ तावरे,किशोर भाऊ कांबळे,ज्योती ताई सूर्यवंशी,नंदिनी पाणेकर,स्वप्नील खवले,ऋषिकेश शिंदे,अमोल गायकवाड,प्रमित गोरे आदी पदाधिकारी आणि कार्यकर्ते उपस्थित होते….

Pune Ganesh Utsav | गणेश मंडळांसाठी पुणे महानगरपालिकेची नियमावली

Categories
Breaking News cultural PMC social पुणे

Pune Ganesh Utsav | गणेश मंडळांसाठी पुणे महानगरपालिकेची नियमावली

Pune Ganesh Utsav | पुणे शहरातील या वर्षीचा गणेशोत्सव १९ ते २८ सप्टेंबर चे कालावधीत साजरा होणार आहे. त्याअनुषंगाने गणेशमंडळांनी व नागरिकांनी यावर्षीचे गणेशोत्सव व नवरात्रोत्सव साजरा कसा करावा, याबाबत पुणे महापालिकेकडून (Pune Municipal Corporation) नियमावली जाहीर करण्यात आली आहे.   या सूचनांचे व अटी शर्तीचे पालन करणेबाबत सर्व संबंधितांना पुणे महानगरपालिकेतर्फे जाहीर आवाहन” करण्यात आले आहे. (Pune Ganesh Utsav)
 मागील वर्षांपासून पुढील ५ वर्षाच्या कालावधीकरिता सन २०१९ चे सालामध्ये देण्यात आलेल्या उत्सव मंडप, स्वागत कमानी व रनिंग मंडप इत्यादींच्या परवानग्या ग्राह्य धरण्यात येणार आहे. अशा परवानाधारकांना नव्याने परवानगी घेण्याची आवश्यकता राहणार नाही.
पुणे शहरात ज्या मंडळांना नव्याने गणेशोत्सव साजरा करावयाचा असेल अथवा पूर्वीच्या सन २०१९ मधील परवानगीची जागा प्रकल्प बाधित झाल्याने किंवा इतर कारणास्तव बदल करणे आवश्यक असल्यास नवीन जागेवरील सर्व परवानग्या सन २०१९ सालच्या प्रचलित कार्यपद्धतीचा अवलंब करून संबंधित क्षेत्रिय कार्यालय व पोलीस स्टेशन या कार्यालयामार्फत नव्याने आवश्यक ते सर्व परवाने घेणे बंधनकारक राहील. या परवानग्यांना पुणे मनपामार्फत कोणतेही परवाना शुल्क आकारले जाणार नाही.
सर्व गणेश मंडळांनी सन २०१९ सालच्या अथवा नव्याने घेतलेल्या सर्व परवान्यांच्या प्रती मंडप/कमानीच्या दर्शनी भागात प्लास्टिक कोटिंगमध्ये सहजपणे दिसतील अशा ठिकाणी लावाव्यात.
उत्सव मंडपाची उंची ४० फुटापेक्षा नसावी. ४० फुटापेक्षा जास्तीचा उत्सव मंडप उभारायाचा असल्यास त्याकामी मंडळांनी सुरक्षेच्या दृष्टीकोनातून अधिकृत स्थापत्य अभियंता यांचे स्टॅबेलिटी सर्टिफिकेट जोडणे आवश्यक राहील.
 मंडप व स्वागत कमानी उभारताना आपत्कालीन गाड्या उदा. अग्निशमन, रुग्णवाहिका तसेच प्रवासी बसेस इ. रहदारीकरिता लगतचे रस्ते मोकळे ठेवणे तसेच कमानीची उंची रस्त्याच्या पृष्ठभागापासून १८ फुटापेक्षा जास्त राहील याची दक्षता घ्यावी. आवश्यकते नुसार स्वयंसेवक / सुरक्षारक्षक नेमावेत.
स्थापना करण्यात येणाच्या गणेशमूर्ती ह्या प्राधान्याने पर्यावरणपूरक शाडू मातीच्याच वापराव्यात. संस्था/संघटना / मंडळे अथवा वैयक्तिक नागरिक यांनी पर्यावरणपूरक उपक्रमांना योगदान देऊन यावर्षीचा गणेशोत्सव साजरा करावा.
• शहरातील गणेशोत्सव साजरा करताना स्थानिक प्रशासन व पोलीस विभाग, पुणे शहर तसेच राज्य शासनाकडून वेळोवेळी कळविण्यात आलेल्या सूचना/नियम अथवा आदेश यांचे सर्व गणेश मंडळांना पालन करणे बंधनकारक राहील.
उत्सव संपल्यानंतर सर्व गणेश मंडळांनी ३ दिवसांचे आत स्वखचनि सदरचे मंडप/स्टेज कमान / रनिंग मंडप/तसेच रस्त्यावरील देखावे, विटांमधील बांधकामे, देखाव्यातील मुर्ती व अन्य साहित्य रस्त्यांवरून ताबडतोब हटवून घेणे तसेच रस्त्यावरील घेतलेले खड्डे स्वखर्चाने सिमेंट कॉन्क्रेटमध्ये बुजवून मनपाची जागा सुस्थितीत करणे बंधनकारक राहील.
परवाना दिलेल्या जागेची पुणे महानगरपालिकेस जरूरी भासल्यास अथवा त्या जागेबाबतचा वाद /विवाद निर्माण झाल्यास देण्यात आलेला अधिकृत मंडप कमान / परवाना, उत्सव सुरु होण्याच्यापूर्वी रद्द करण्याचा मनपास हक्क राहील.
उच्च न्यायालयाने जनहित याचिका क्र. १७३/२०१० मध्ये दिलेल्या सर्व आदेशांचे व त्या अनुषंगाने शासनाने परिपत्रकाद्वारे कळविलेल्या सर्वं सूचनांचे सर्व मंडळांनी पालन करणे बंधनकारक राहील.
स्थानिक रहिवाश्यांना / पदपथांवरील पादचाऱ्यांना/ वाहनांना अडथळा होणार नाही, ध्वनीप्रदुषणाचा त्रास होणार नाही याची मंडळानी दक्षता घ्यावी.
उत्सव कालावधीत नागरिकांना तक्रारी करणेकरिता खालील माध्यमाद्वारे तक्रार नोंदविण्याची सुविधा पुणे महानगरपालिकेतर्फे उपलब्ध केली आहे.
संकेतस्थळ :- http://complaint.punecorporation.org टोल फ्री नंबर 1800 103 0222 सर्व महा. सहा. आयुक्त कार्यालयांचे दूरध्वनी क्रमांकावर मोबाईल अँप PUNE Connect (PMC Care), Whatsapp NO – 9689900002, मुख्य अतिक्रमण कार्यालय संपर्क क्र.: ०२०-२५५०१३९८ ई-मेल-feedback@punecorporation.org, encroachment1@punecorporation.org • वरील माध्यमाद्वारे येणाऱ्या तक्रारींचे निराकरण सर्व क्षेत्रिय कार्यालय स्तरावर तसेच सर्व स्थानिक पोलीस स्टेशनवर करण्यात येईल.
सण / उत्सवांचे कालावधीत कोणत्याही अडचणींबाबत गणेश मंडळ/ नागरीकांनी संबंधित मनपा क्षेत्रिय कार्यालयांशी संपर्क साधावा. यावर्षी देखील गणेशमूर्ती विक्री स्टॉलला मागील वर्षाप्रमाणेच सर्व क्षेत्रिय कार्यालय हद्दीतील मनपा शाळांची पटांगणे, मनपा मोकळ्या जागा उपलब्ध करून त्या ठिकाणी परवानगी देणेची कार्यवाही मनपाच्या मालमत्ता व व्यवस्थापन विभागाकडून करण्यात येणार आहे. तसेच अतिक्रमण/अनधिकृत बांधकाम निर्मुलन विभागामार्फत देखील पूर्वीपासून व्यवसाय करणाऱ्या हंगामी व्यवसाय धारकांना सोडत पद्धतीने काही अटी/शर्तीवर ठराविक ठिकाणच्या जागा गाळे आधून व्यवसायासाठी उपलब्ध करून देण्यात येतील.

Pune Ganesh Utsav | गणेश मूर्तीच्या उंचीवर बंधन नाही | गणेश उत्सवात वाहतुकीला अडथळा आणू नका | उपमुख्यमंत्री अजित पवार

Categories
Breaking News cultural Political social पुणे

Pune Ganesh Utsav | गणेश मूर्तीच्या उंचीवर बंधन नाही | गणेश उत्सवात वाहतुकीला अडथळा आणू नका | उपमुख्यमंत्री अजित पवार

| उपमुख्यमंत्री अजित पवार यांच्या उपस्थितीत गणेशोत्सव नियोजन बैठक

Pune Ganesh Utsav | राज्याच्या सांस्कृतिक कार्य विभागाकडून उत्कृष्ट गणेशोत्सव मंडळांना पुरस्कार देऊन गौरविण्यात येणार आहे. अधिकाधिक मंडळांनी या स्पर्धेत सहभाग घ्यावा, असे आवाहन राज्याचे उपमुख्यमंत्री अजित पवार (Deputy Chief Minister Ajit Pawar) यांनी केले. उपमुख्यमंत्री श्री.पवार म्हणाले, गणेशोत्सव साजरा करताना वाहतुकीला अडथळा येणार नाही याची गणेश मंडळांनी (Ganesh Mandal)  दक्षता घ्यावी. मेट्रो प्रशासनाने उत्सव काळात मेट्रो सेवा (Pune Metro Service) रात्री उशिरापर्यंत सुरू ठेवण्याबाबत विचार करावा. गणेश मूर्तीच्या उंचीवर (Ganesh idol Height) शासनाने कोणतीही मर्यादा घातलेली नाही, मात्र गणेश मूर्ती विसर्जन करताना प्रदूषण होणार नाही आणि उत्सवाचे पावित्र्य जपले जाईल याची दक्षता घ्यावी. गणेश मूर्ती संकलनात जनतेच्या भावनांना धक्का लागणार नाही याकडेही लक्ष द्यावे. (Pune Ganesh Utsav)
उपमुख्यमंत्री श्री.पवार आणि उच्च व तंत्रशिक्षण मंत्री तथा पुणे जिल्ह्याचे पालकमंत्री चंद्रकांतदादा पाटील यांच्या उपस्थितीत शिवाजीनगर येथील पोलीस मुख्यालयात गणेशोत्सव नियोजन बैठकीचे आयोजन करण्यात आले. यावेळी ते बोलत होते. बैठकीस आमदार माधुरी मिसाळ, विभागीय आयुक्त सौरभ राव, पोलीस आयुक्त रितेश कुमार, पिंपरी चिंचवड पोलीस आयुक्त विनयकुमार चौबे, पुणे महानगरपालिका आयुक्त विक्रम कुमार, महामेट्रोचे व्यवस्थापकीय संचालक श्रावण हर्डीकर, जिल्हाधिकारी डॉ. राजेश देशमुख, पिंपरी चिंचवड महानगरपालिका आयुक्त शेखर सिंह आदी उपस्थित होते. (Pune News)
धनकवडी भागातील मंडळांनी एकत्रितरित्या विसर्जन मिरवणूक काढण्याचा सुरू केलेला उपक्रम अनुकरणीय असून इतरही मंडळांनी तसा प्रयत्न करावा. पुणे आणि पिंपरी चिंचवड महानगरपालिकेने रस्त्यावरील उघडे चेंबर्स बंद करण्याची कारवाई त्वरित करावी. मिरवणूक मार्गावरील रस्त्यातील खड्डे बुजविण्याचे कामही उत्सवापूर्वी करण्यात यावे. वाहतूक कोंडी टाळण्यासाठी काही भागातील मार्गावर असलेली एकतर्फी वाहतूक शक्य असल्यास दुतर्फा सुरू करण्यात यावी. मानाच्या गणपतींसोबत इतरही मंडळांसोबतही खेळीमेळीचे वातावरण ठेवत त्यांच्या समस्या प्रशासनाने दूर कराव्यात. पुण्यातील गणेशोत्सव हा राज्याचा उत्सव समजून सर्वांनी यात सहकार्य करावे, असे आवाहन उपमुख्यमंत्र्यांनी केले. (Ganesh Utsav Meeting)
पालकमंत्री श्री. पाटील म्हणाले, गणेश मंडळांकडून महानगरपालिकेने कमानीसाठी कोणताही कर आकारू नये. महापालिका प्रशासनाने गणेश मंडळांशी समन्वय साधून त्यांच्या समस्या दूर कराव्यात.  प्रशासनाने नियंत्रण मनोरे स्थापित करून त्या माध्यमातून नियोजनावर लक्ष ठेवावे. पोलीस मित्रांना प्रशिक्षित करून त्यांची मदत घेण्याचा प्रयत्न करावा.गणेश मंडळाने स्वतः नियमावली तयार करून प्रशासनाला सहकार्य करावे. तसेच सर्वांनी मिळून उत्सव शांततेत पार पाडण्यासाठी सहकार्य करावे, असे आवाहन त्यांनी केले.
पोलीस आयुक्त रितेश कुमार म्हणाले,  गणेशोत्सवासाठी वाहतूक नियमन, पार्किंग व्यवस्था, सीसीटीव्ही कॅमेरे याबाबत योग्य ते नियोजन करण्यात येत आहे. गणेशोत्सवासाठी व्हाट्सअँप ग्रुप तयार करण्यात येणार आहे. गणेशोत्सवासाठी चोख बंदोबस्त ठेवण्यात येणार असून कुठलाही अनुचित प्रकार होणार नाही यासाठी काळजी  घेण्यात येईल, असेही त्यांनी सांगितले.
श्री.चौबे यांनी पिंपरी चिंचवड शहरात करण्यात आलेल्या नियोजनाची माहिती दिली.
आयुक्त विक्रमकुमार यांनी गणेश मंडळांना ५ वर्षासाठी परवानगी देण्यात आल्याचे सांगितले. उत्सवादरम्यान वाहनतळासाठी अतिरिक्त व्यवस्था करण्यात येईल, असेही ते म्हणाले.
यावर्षीच्या गणेशोत्सवासाठी जिल्हा प्रशासनाने २३, २४, २६, २७ आणि २८ सप्टेंबर रोजी ध्वनिक्षेपक, वापरासाठी रात्री १२ वाजेपर्यंत शिथिलता देण्यात आली आहे, अशी माहिती जिल्हाधिकाऱ्यांनी दिली.
सहपोलिस आयुक्त रामनाथ पोकळे यांनी बैठकीचे प्रास्ताविक केले. मागील वर्षी ३ हजार ५६६ गणेश मंडळांची नोंदणी झाली होती. यावर्षीही तेवढ्याच प्रमाणात गणेश मंडळाद्वारे गणेशोत्सव साजरा केला जाणार आहे, अशी माहिती त्यांनी दिली.
बैठकीला विविध गणेश मंडळांचे प्रतिनिधी, विविध विभागांचे अधिकारी उपस्थित होते.

*अशी आहे गणेशोत्सव स्पर्धा*

सहभागी होणाऱ्या सार्वजनिक गणेशोत्सव मंडळांची पुरस्कारासाठी निवड दहा निकषांच्या आधारे करण्यात येईल. १० निकषांसाठी एकूण १५० गुणांक आहेत. पर्यावरणपूरक मूर्ती, पर्यावरणपूकर सजावट, ध्वनीप्रदुषणविरहीत वातावरण, समाजप्रबोधनात्मक सजावट/देखावा, स्वातंत्र्याच्या चळवळीसंदर्भात, छत्रपती शिवाजी महाराजांच्या ३५० व्या राज्याभिषेक वर्षानिमित्त सजावट/देखावा, मंडळामार्फत करण्यात येणारे सामाजिक कार्य,  शैक्षणिक, आरोग्य आदीसंबंधी कार्य, पारंपरिक सांस्कृतिक कार्यक्रम, स्पर्धांचे आयोजन, पारंपरिक, देशी खेळांच्या स्पर्धा, गणेश भक्तांना पुरविण्यात येणाऱ्या प्राथमिक सुविधा आदी निकषानुसार गुण देण्यात येणार आहेत.
 अर्जाचा नमुना पु. ल. देशपांडे महाराष्ट्र कला अकादमी, मुंबई यांच्या mahotsav.plda@gmail.com या ईमेलवर ५ सप्टेंबरपर्यंत अर्ज ऑनलाईन सादर करणे अपेक्षित आहे. ८  सप्टेंबरपूर्वी अकादमीमार्फत जिल्हानिहाय अर्ज जिल्हाधिकारी कार्यालयास उपलब्ध करून देण्यात येणार आहेत.
पुणे जिल्ह्यातून ३ गणेशोत्सव मंडळाची निवड व शिफारस समितीमार्फत राज्य शासनाकडे करण्यात येईल. राज्यस्तरावर प्रथम, द्वितीय व तृतीय क्रमांकाची निवड करण्यात येणार आहे. राज्यस्तरीय पहिल्या क्रमांकास ५ लाख रुपये, द्वितीय क्रमांकास २ लाख ५० हजार रुपये आणि तृतीय क्रमांकास १ लाख रुपयांचे पारितोषिक व प्रमाणपत्र देण्यात येणार आहे. राज्यस्तरीय पुरस्कार जाहीर झालेल्या तीन मंडळांशिवाय अन्य गणेशोत्सव मंडळांना प्रत्येकी २५  हजार रुपयांचे पारितोषिक व प्रमाणपत्र देण्यात येईल.
0000

Ganesh Utsav Meeting | PMC Pune | पुणे महापालिकेची गणेश मंडळासोबत संयुक्त बैठक 28 ऑगस्ट ऐवजी 8 सप्टेंबरला

Categories
Breaking News social पुणे

Ganesh Utsav Meeting | PMC Pune | पुणे महापालिकेची गणेश मंडळासोबत संयुक्त बैठक 28 ऑगस्ट ऐवजी 8 सप्टेंबरला

Ganesh Utsav Meeting | PMC Pune |  यावर्षीचा पुणे शहरातील गणेशोत्सव (Pune Ganesh Utsav) 19 सप्टेंबर पासून सुरु होणार आहे. त्यानुषंगाने नियोजनाकरिता शहरातील गणेशोत्सव मंडळे (Ganesh Mandal), पोलीस विभाग (Pune Police) यांची संयुक्त बैठक 28 ऑगस्ट  रोजी पुणे महानगरपालिकेने (Pune Municipal Corporation) आयोजित केली होती. मात्र काही कारणाने ही बैठक पुढे ढकलण्यात आली असून ही बैठक आता 8 सप्टेंबर ला होणार आहे. अशी माहिती महापालिका प्रशासनाच्या वतीने देण्यात आली. (Ganesh Utsav Meeting | PMC Pune)

पुणे शहरात मागील वर्षी अंदाजे २३०० गणेशोत्सव मंडळानी पुणे महानगरपालिकेकडून मंडप उभारणीकरिता परवानग्या घेतल्या होत्या. मागील वर्षापासून पुढील ५ वर्षाच्या कालावधीकरिता सन २०१९ चे सालामध्ये देण्यात आलेल्या उत्सव मंडप, स्वागत कमानी व रनिंग मंडप इत्यादी परवानग्या ग्राह्य धरण्यात येणार आहे. शहरातील गणेशोत्सव मंडळांना मंडप उभारणीच्या परवानग्या व उत्सव कमान व रनिंग मंडप (पोलीस विभागाचे परवानगीनुसार) या पुणे मनपाकडून मोफत दिल्याजात आहेत. असे महापालिकेकडून सांगण्यात आले. (Pune Municipal Corporation News)
महापालिका प्रशासनानुसार शहरातील या पूर्वीच्या गणेशोत्सव मंडळांच्या परवानग्या पुढील ५ वर्षाकरिता ग्राह्य धरण्यात येणार असल्याने परवानगी करिता एक खिडकी योजना राबविण्याची आवश्यकता नाही. परंतु त्याबाबत गणेशोत्सव मंडळांच्या संयुक्त बैठकीमध्ये निर्णय घेण्यात येणार आहे. पुणे शहराच्या नवीन हद्दीत अथवा जुन्या शहरात नव्याने परवानगी घेणाऱ्या मंडळांना संबंधित क्षेत्रीय कार्यालयाकडून आवश्यक परवानग्या दिल्या जातील. (Pune News)

शहरात गणेश मूर्ती विक्री करणेकरिता मनपा मोकळ्या जागा, तसेच वाहतुकीला अडथळा न ठरणाऱ्या रस्ते पदपथावरील काही जागा व्यावसायिकांना उपलब्ध करून दिल्या जाणार आहेत. ध्वनी प्रदुषणाबाबत शासनाने ठरवून दिलेल्या सूचना/बंधने यांचे पालन करणे सर्व गणेशोत्सव मंडळांना बंधनकारक राहणार असून त्यावर पोलीस विभागाचे नियंत्रण राहील.  महाराष्ट्र शासनातर्फे राज्यातील उत्कृष्ट सार्वजनिक गणेशोत्सव मंडळांना पुरस्कार देणेची कार्यवाही शासनाने ठरवून दिलेल्या कार्यपद्धतीनुसार जिल्हाधिकारी यांचे
स्तरावर पुणे शहरात केली जाईल. (Ganesh Utsav Meeting) 
गणेशोत्सव कालावधीत शहरातील स्थानिक रहिवाशी/नागरिकांना विविध इलेक्ट्रॉनिक माध्यमाद्वारे तक्रारी करणेकरिता सुविधा उपलब्ध करून दिली जाणार असून पुणे मनपातर्फे प्रत्येक क्षेत्रीय कार्यालय स्तरावर अशा तक्रारींचे निवारण करणेची यंत्रणा उभारण्यात येणार आहे. गणेशोत्सव कालावधीत ध्वनीप्रदूषण, पर्यावरण नियंत्रण तसेच इतर बाबींविषयी शासनाकडून यापूर्वी आलेले आदेश/सूचना व यानंतर वेळोवेळी येणाऱ्या आदेशांचे गणेश मंडळांना पालन करणेबाबत सूचना दिल्या जातील. असे ही महापालिका प्रशासनाकडून सांगण्यात आले. (Pune Municipal Corporation News) 
——-
News Title | Ganesh Utsav Meeting | PMC Pune | Joint meeting of Pune Municipal Corporation with Ganesh Mandal on September 8 instead of August 28

Ganesh Utsav Meeting | PMC Pune | पुणे महापालिकेची गणेश मंडळासोबत 28 ऑगस्ट ला संयुक्त बैठक

Categories
Breaking News PMC social पुणे

Ganesh Utsav Meeting | PMC Pune | पुणे महापालिकेची गणेश मंडळासोबत 28 ऑगस्ट ला संयुक्त बैठक

Ganesh Utsav Meeting | PMC Pune |  यावर्षीचा पुणे शहरातील गणेशोत्सव (Pune Ganesh Utsav) 19 सप्टेंबर पासून सुरु होणार आहे. त्यानुषंगाने नियोजनाकरिता शहरातील गणेशोत्सव मंडळे (Ganesh Mandal), पोलीस विभाग (Pune Police) यांची संयुक्त बैठक 28 ऑगस्ट  रोजी पुणे महानगरपालिकेने (Pune Municipal Corporation) आयोजित केली आहे. (Ganesh Utsav Meeting | PMC Pune)

पुणे शहरात मागील वर्षी अंदाजे २३०० गणेशोत्सव मंडळानी पुणे महानगरपालिकेकडून मंडप उभारणीकरिता परवानग्या घेतल्या होत्या. मागील वर्षापासून पुढील ५ वर्षाच्या कालावधीकरिता सन २०१९ चे सालामध्ये देण्यात आलेल्या उत्सव मंडप, स्वागत कमानी व रनिंग मंडप इत्यादी परवानग्या ग्राह्य धरण्यात येणार आहे. शहरातील गणेशोत्सव मंडळांना मंडप उभारणीच्या परवानग्या व उत्सव कमान व रनिंग मंडप (पोलीस विभागाचे परवानगीनुसार) या पुणे मनपाकडून मोफत दिल्याजात आहेत. असे महापालिकेकडून सांगण्यात आले. (Pune Municipal Corporation News)
महापालिका प्रशासनानुसार शहरातील या पूर्वीच्या गणेशोत्सव मंडळांच्या परवानग्या पुढील ५ वर्षाकरिता ग्राह्य धरण्यात येणार असल्याने परवानगी करिता एक खिडकी योजना राबविण्याची आवश्यकता नाही. परंतु त्याबाबत गणेशोत्सव मंडळांच्या संयुक्त बैठकीमध्ये निर्णय घेण्यात येणार आहे. पुणे शहराच्या नवीन हद्दीत अथवा जुन्या शहरात नव्याने परवानगी घेणाऱ्या मंडळांना संबंधित क्षेत्रीय कार्यालयाकडून आवश्यक परवानग्या दिल्या जातील. (Pune News)

शहरात गणेश मूर्ती विक्री करणेकरिता मनपा मोकळ्या जागा, तसेच वाहतुकीला अडथळा न ठरणाऱ्या रस्ते पदपथावरील काही जागा व्यावसायिकांना उपलब्ध करून दिल्या जाणार आहेत. ध्वनी प्रदुषणाबाबत शासनाने ठरवून दिलेल्या सूचना/बंधने यांचे पालन करणे सर्व गणेशोत्सव मंडळांना बंधनकारक राहणार असून त्यावर पोलीस विभागाचे नियंत्रण राहील.  महाराष्ट्र शासनातर्फे राज्यातील उत्कृष्ट सार्वजनिक गणेशोत्सव मंडळांना पुरस्कार देणेची कार्यवाही शासनाने ठरवून दिलेल्या कार्यपद्धतीनुसार जिल्हाधिकारी यांचे
स्तरावर पुणे शहरात केली जाईल. (Ganesh Utsav Meeting)
गणेशोत्सव कालावधीत शहरातील स्थानिक रहिवाशी/नागरिकांना विविध इलेक्ट्रॉनिक माध्यमाद्वारे तक्रारी करणेकरिता सुविधा उपलब्ध करून दिली जाणार असून पुणे मनपातर्फे प्रत्येक क्षेत्रीय कार्यालय स्तरावर अशा तक्रारींचे निवारण करणेची यंत्रणा उभारण्यात येणार आहे. गणेशोत्सव कालावधीत ध्वनीप्रदूषण, पर्यावरण नियंत्रण तसेच इतर बाबींविषयी शासनाकडून यापूर्वी आलेले आदेश/सूचना व यानंतर वेळोवेळी येणाऱ्या आदेशांचे गणेश मंडळांना पालन करणेबाबत सूचना दिल्या जातील. असे ही महापालिका प्रशासनाकडून सांगण्यात आले.
——-
News Title | Ganesh Utsav Meeting | PMC Pune | Joint meeting of Pune Municipal Corporation with Ganesh Mandal on 28th August

Ganesh Utsav Contest | गणेशोत्सव स्पर्धेत सहभागी व्हा आणि 5 लाख जिंका

Categories
Breaking News cultural social पुणे महाराष्ट्र

Ganesh Utsav Contest | गणेशोत्सव स्पर्धेत सहभागी व्हा आणि 5 लाख जिंका

| उत्कृष्ट सार्वजनिक गणेशोत्सव मंडळाना शासनाकडून पुरस्कार

Ganesh Utsav Contest | आगामी गणेशोत्सवाच्या (Ganesh Utsav) पार्श्वभूमीवर राज्यातील उत्कृष्ट सार्वजनिक गणेशोत्सव मंडळांना (Ganesh Mandal) पुरस्कार देण्याचा निर्णय राज्य शासनाने घेतला आहे. पुणे जिल्ह्यातील उत्कृष्ट सार्वजनिक गणेशोत्सव मंडळांची निवड करण्यासाठी स्पर्धेचे आयोजन करण्यात येणार असून या उपक्रमामध्ये सार्वजनिक गणेशोत्सव मंडळांनी सहभागी व्हावे, असे आवाहन जिल्हाधिकारी डॉ. राजेश देशमुख (Collector Dr. Rajesh Deshmukh) यांनी केले आहे. (Ganesh Utsav Contest)
राज्यातील उत्कृष्ट सार्वजनिक गणेशोत्सव मंडळांना राज्य शासनाकडून पुरस्कार देण्याचा निर्णय पर्यटन व सांस्कृतिक कार्य विभागाच्या ४ जुलै रोजीच्या शासन निर्णयान्वये घेण्यात आला आहे. पुणे मनपा हद्दीत ३ हजार ५६५, पिंपरी चिंचवड मनपा हद्दीत १  हजार ८१२ आणि पुणे ग्रामीण हद्दीत ३ हजार ३६० अशी जिल्ह्यात एकूण ८ हजार ७३६ सार्वजनिक गणेश मंडळे व ग्रामीण हद्दीत ३९६ एक गाव एक गणपती मंडळे आहेत. धर्मादाय आयुक्तांकडे नोंदणी केलेल्या, स्थानिक पोलिसांकडे परवानगी घेतलेल्या किंवा स्थानिक स्वराज्य संस्था यांची परवानगी घेतलेल्या सार्वजनिक गणेशोत्सव मंडळांना स्पर्धेत सहभाग घेता येईल.
सहभागी होणाऱ्या सार्वजनिक गणेशोत्सव मंडळांची पुरस्कारासाठी निवड दहा निकषांच्या आधारे करण्यात येईल. १० निकषांसाठी एकूण १५० गुणांक आहेत. पर्यावरणपूरक मूर्ती, पर्यावरणपूकर सजावट, ध्वनीप्रदुषणविरहीत वातावरण, समाजप्रबोधनात्मक सजावट/देखावा, स्वातंत्र्याच्या चळवळीसंदर्भात, छत्रपती शिवाजी महाराजांच्या ३५० व्या राज्याभिषेक वर्षानिमित्त सजावट/देखावा, मंडळामार्फत करण्यात येणारे सामाजिक कार्य,  शैक्षणिक, आरोग्य आदीसंबंधी कार्य, पारंपरिक सांस्कृतिक कार्यक्रम, स्पर्धांचे आयोजन, पारंपरिक, देशी खेळांच्या स्पर्धा, गणेश भक्तांना पुरविण्यात येणाऱ्या प्राथमिक सुविधा आदी निकषानुसार गुण देण्यात येणार आहेत.
शासन निर्णयातील परिशिष्टानुसार अर्जाचा नमुना पु. ल. देशपांडे महाराष्ट्र कला अकादमी, मुंबई यांच्या mahotsav.plda@gmail.com या ईमेलवर ५ सप्टेंबरपर्यंत अर्ज ऑनलाईन सादर करणे अपेक्षित आहे. ८  सप्टेंबरपूर्वी अकादमीमार्फत जिल्हानिहाय अर्ज जिल्हाधिकारी कार्यालयास उपलब्ध करून देण्यात येणार आहेत.
जिल्हास्तरीय विजेत्यांची निवड करण्यासाठी जिल्हास्तरीय समिती गठीत करण्यात येणार असून उपजिल्हाधिकारी दर्जाचा अधिकारी अध्यक्ष, जिल्हा नियोजन अधिकारी सदस्य सचिव तर महाराष्ट्र प्रदूषण नियंत्रण मंडळाचे  अधिकारी, शासकीय कला महाविद्यालयातील कला प्राध्यापक, जिल्हा आरोग्य अधिकारी व जिल्ह्यातील पोलीस अधिकारी हे सदस्य असतील. अर्ज केलेल्या मंडळांच्या ठिकाणी प्रत्यक्ष भेट देवून मंडळाकडून छायाचित्रीकरण करुन तसेच कागदपत्रे जमा करून गुणांक देण्यात येतील.
पुणे जिल्ह्यातून ३ गणेशोत्सव मंडळाची निवड व शिफारस समितीमार्फत राज्य शासनाकडे करण्यात येईल. राज्यस्तरावर प्रथम, द्वितीय व तृतीय क्रमांकाची निवड करण्यात येणार आहे. राज्यस्तरीय पहिल्या क्रमांकास ५ लाख रुपये, द्वितीय क्रमांकास २ लाख ५० हजार रुपये आणि तृतीय क्रमांकास १ लाख रुपयांचे पारितोषिक व प्रमाणपत्र देण्यात येणार आहे. राज्यस्तरीय पुरस्कार जाहीर झालेल्या तीन मंडळांशिवाय अन्य गणेशोत्सव मंडळांना प्रत्येकी २५  हजार रुपयांचे पारितोषिक व प्रमाणपत्र देण्यात येईल.
जिल्ह्यातील जास्तीत जास्त सार्वजनिक गणेशोत्सव मंडळांनी या स्पर्धेत सहभाग नोंदवावा, असे आवाहनही करण्यात आले आहे.
0000
News Title | Ganesh Utsav Competition | Participate in Ganeshotsav contest and win 5 lakhs

Hemant Rasane | गणपती मंडळाच्या कार्यकर्त्याप्रती हेमंत रासने यांची कृतज्ञता | संघाच्या मोतीबाग कार्यालयाला भेट

Categories
Breaking News Political पुणे

गणपती मंडळाच्या कार्यकर्त्याप्रती हेमंत रासने यांची कृतज्ञता

| गणपती मंडळाना वंदन करणार

कसबा विधानसभा मतदार संघामध्ये भाजप शिवसेना बाळासाहेबांची महायुतीच्या वतीने मला मिळालेली उमेदवारी हा गणपती मंडळाच्या सर्वसामान्य कार्यकर्त्याचा सन्मान आहे असे मी मानतो म्हणून पुढील दोन दिवसात मतदारसंघातील सर्व गणपती मंडळांना भेट देणार असून कार्यकर्त्यांप्रती कृतज्ञता व्यक्त करणार असल्याची भावना महायुतीचे उमेदवार हेमंत रासने यांनी व्यक्त केली. (Hemant Rasane)

भाजपच्या वतीने रासने यांना उमेदवारी मिळाल्या नंतर ते पत्रकारांशी बोलत होते. रासने यांनी श्रीमंत दगडूशेठ हलवाई गणपती आणि ग्रामदैवत कसबा गणपतीचे आरती करून या मोहिमेला आज प्रारंभ केला. पुढील दोन दिवसात ते मतदार संघातील सर्व गणेश मंडळांना भेटी देणार आहेत. रासने यांच्या सामाजिक राजकीय कारकीर्दीची सुरुवात श्रीमंत दगडूशेठ हलवाई मंडळाचे कार्यकर्ता म्हणून झाली होती.

•गेली ३० वर्षे प्रामाणिकपणे काम केलं त्याचं फळ मला पक्षानी उमेदवारी देऊन दिलं. पक्षाने दिलेल्या संधीचं मी नक्की सोनं करेन. कसबा हा भाजपाचा अनेक वर्षांपासूनचा असलेला गढ आहे.
पक्षातील सर्व नेत्यांच्या आशीर्वादाने हि निवडणूक विक्रमी मतांनी जिंकू असा विश्वास आहे. सर्वांना मान्य, सर्व सामान्य, गणेश मंडळाचा कार्यकर्ता, ही आमची टॅगलाईन आहे. नागरिकांचा आशीर्वाद हिच आमची संपत्ती आहे.कोरोनाकाळात पुणे महापालिकेचं उत्पन्न मी वाढवून दाखवलं होतं. पुणे शहरात विविध उपक्रम राबवून शहराचा विकास करण्याचा मी प्रयत्न केला होता. राजकीय क्षेत्रात काम करणाऱ्याला प्रमोशन व्हावं हि अपेक्षा असते, नगरसेवक म्हणून काम करत असतांना राज्याच्या विकासात आपला हातभार असावा हि स्वाभाविक इच्छा असते.

उमेदवारी जाहीर झाल्यानंतर रासने यांनी राष्ट्रीय स्वयंसेवक संघाच्या मोतीबाग कार्यालयाला भेट दिली त्यानंतर मामलेदार कचेरी येथे जाऊन उमाजी नाईक यांना अभिवादन केले रासने यांनी खासदार गिरीश बापट यांची भेट घेऊन आशीर्वाद घेतले स्वर्गीय आमदार मुक्ताताई टिळक यांच्या कुटुंबीयांची टिळक वाड्यात जाऊन भेट घेतली. मुक्ताताईंच्या प्रतिमेला अभिवादन केले.

Social Security | Ganesh Mandal pune| सामाजिक सुरक्षेतेच्यादृष्टीने नवीन कल्पना सुचविण्याचे पालकमंत्री चंद्रकांत पाटील यांचे गणेश मंडळांना आवाहन

Categories
Breaking News cultural Political social पुणे

सामाजिक सुरक्षेतेच्यादृष्टीने नवीन कल्पना सुचविण्याचे पालकमंत्री चंद्रकांत पाटील यांचे गणेश मंडळांना आवाहन

सार्वजनिक गणेश मंडळांनी समाजातील गरजू व्यक्तींना मदत करावी आणि सामाजिक सुरक्षेतेच्यादृष्टीने नवीन कल्पना सूचवाव्यात असे आवाहन पालकमंत्री चंद्रकांत दादा पाटील यांनी केले.

पुणे शहर पोलीस आयुक्तालयाच्यावतीने आयोजित आदर्श गणेशोत्सव स्पर्धा-२०२२ बक्षीस वितरण कार्यक्रमात ते बोलत होते. यावेळी पुणे शहर पोलीस आयुक्त अमिताभ गुप्ता, सह पोलीस आयुक्त संदीप कर्णीक, अपर आयुक्त डॉ. जालिंदर सुपेकर, रामनाथ पोकळे, नामदेव चव्हाण, राजेंद्र डहाळे घाडगे आदी उपस्थित होते

पुरस्कारप्राप्त गणेश मंडळाचे अभिनंदन करुन  पाटील म्हणाले, कोरोना संकटानंतर सार्वजनिक उत्सव निर्बंधमुक्त साजरा करण्याचा निर्णय शासनाने घेतला. गणेशोत्सव उत्साहाने आणि शांततेत साजरा करण्यात पोलीसांसोबत मंडळांची भूमिका महत्वाची आहे. गणेशोत्सवाप्रमाणे दिपावलीच्या काळात सर्वांनी पोलिसांना सहकार्य करण्याचे आवाहनही त्यांनी नागरिकांना केले.

पुणे शहरामध्ये कायदा व सुव्यवस्थेचे वातावरण असल्यामुळे नागरिकांना निर्भयपणे संचार करता येतो, बेरोजगारांना रोजगार मिळतो. त्यामुळेच हे शहर कायमस्वरुपी स्थायिक होण्यासाठीचे उत्तम शहर म्हणून ओळखले जाते.

पुणे जिल्हा नियोजन समितीअंतर्गत पोलिस आस्थापना पायाभूत सुविधा योजनेतून पोलीसांसाठी वाहने खरेदीसाठी २ कोटी रुपयांचा निधी तात्काळ उपलब्ध करून देण्यात येईल असे पालकमंत्र्यांनी सांगितले. सण-उत्सव साजरे करताना नागरिकांनी नियमांचे पालन करावे असे आवाहनही त्यांनी केले.

पोलीस आयुक्त श्री. गुप्ता म्हणाले, कोरोनाच्या संकटामुळे मागील दोन वर्षे सार्वजनिक गणेशोत्सव साजरा करण्याचे निर्बंध होते. यावर्षीचा गणेशोत्सव गणेश मंडळांच्या सहकार्यामुळे उत्साहात साजरा केला. पुण्यात शांतता व सुव्यवस्था राखण्यासाठी यापुढेही असेच सहकार्य करण्याचे आवाहन त्यांनी केले.

पालकमंत्री श्री. पाटील यांच्या हस्ते आदर्श गणेशोत्सव स्पर्धा-२०२२ अंतर्गत पाच पोलीस परिमंडळातील विविध गणेशमंडळांना सजावट व मिरवणूकीचे मार्ग या गटात बक्षीस वितरित करण्यात आले.

पुणे पोलिसाचा कामगिरीवर आधारित मांडणारा ‘@ पुणे’ या कॉफी टेबल पुस्तकाचे अनावरणही पालकमंत्र्यांच्या हस्ते करण्यात आले.

Pune | Traffic Congestion | गणेश मंडळाच्या मांडवाने वाहतूक कोंडी | कारवाई करण्याबाबत अतिक्रमण विभाग उदासीन  | मंडळांना 14 सप्टेंबर ची दिली होती मुदत 

Categories
Breaking News PMC social पुणे

गणेश मंडळाच्या मांडवाने वाहतूक कोंडी | कारवाई करण्याबाबत अतिक्रमण विभाग उदासीन

| मंडळांना 14 सप्टेंबर ची दिली होती मुदत

पुणे – गणेशोत्सव संपल्यानंतरही रस्त्यावर मंडळांचे मांडव, कमानी, रनिंग मांडव काढले न गेल्याने नागरिकांना व वाहतुकीला अडथळा होत आहे. १४ सप्टेंबर पर्यंत सर्व मांडव काढून घ्यावेत, मांडवामुळे पडलेले खड्डे मंडळांनी बुजविले आहेत की नाहीत ते पाहून त्याचा अहवाल क्षेत्रीय कार्यालयाच्या सहाय्यक आयुक्तांनी १५ सप्टेंबर रोजी अतिक्रमण कार्यालयाकडे सादर करावा. जर मंडळांनी रस्ता, पादचारी मार्ग मोकळा केला नसल्यास त्यास पुढील वर्षी गणेशोत्सवासाठी परवागनी देऊ नये असे स्पष्ट प्रस्ताव सादर करा असे आदेश अतिक्रमण विभागाचे उपायुक्त माधव जगताप यांनी दिले होते. मात्र या आदेशाला गणेश मंडळ आणि क्षेत्रीय कार्यालयांनी देखील हरताळ फासला आहे. गणेश मंडळांनी मांडव काढले नाहीत. तसेच क्षेत्रीय कार्यालयाकडून कारवाई नसल्याने त्याचा अहवाल देखील दिलेला नाही.

यंदाच्या वर्षी निर्बंधमुक्त गणेशोत्सव उत्साहात साजरा करण्यात आला. महापालिकेने परवाना शुल्क माफ केल्याने व पुढील पाच वर्षांसाठी एकच परवाना ग्राह्य धरला जाणार असल्याने मंडळांना दिलासा मिळाला. गणेशोत्सवानंतर मंडळांनी, खासगी कंपन्यांनी रस्ते व पादचारी मार्गावरील देखावे साहित्य, मिरवणूक साहित्य, बोर्ड, बॅनर, जाहिराती तीन दिवसात काढून घेणे बंधनकारक आहे. पण मंडळांनी व खासगी व्यक्तींनी मुदतीत साहित्य व बोर्ड काढलेले नाहीत. त्याच प्रमाणे मांडव काढल्यानंतर खड्डेही बुजविले नाहीत. त्यामुळे पादचारी व वाहतुकीला अडथळा होत असल्याच्या तक्रारी नागरिकांकडून येत आहेत.

प्रत्येक क्षेत्रीय कार्यालयाच्या सहाय्यक आयुक्तांनी त्यांच्या हद्दीतील मंडळांनी मांडव काढला की नाही, रस्ते स्वखर्चातून दुरुस्त केले की नाही याची प्रत्यक्ष जागेवर जाऊन पाहणी करावी. त्याचा अहवाल आयुक्तांकडे सादर केला जाणार आहे, त्यामुळे सर्व क्षेत्रीय कार्यालयांनी त्यांचा अहवाल १५ सप्टेंबर रोजी अतिक्रमण विभागाकडे सादर करावा. ज्या मंडळांनी रस्ता, पादचारी मार्ग मोकळा केला नाही, त्यांना पुढील वर्षी परवानगी देऊ नये असा प्रस्तावही सादर करावा असे आदेशात नमूद केले होते.

मात्र या आदेशाला गणेश मंडळ आणि क्षेत्रीय कार्यालयांनी देखील हरताळ फासला आहे. गणेश मंडळांनी मांडव काढले नाहीत. तसेच क्षेत्रीय कार्यालयाकडून कारवाई नसल्याने त्याचा अहवाल देखील दिलेला नाही. याबाबत अतिक्रमण उपायुक्त माधव जगताप यांना विचारले असता, ते म्हणाले, याबाबत आधीच आदेश देण्यात आले आहेत. आमच्याकडे अहवाल नाही आले तर आम्ही कर्मचाऱ्यांवर कारवाई करू. तसेच मांडव देखील काढून घेतले जातील.