Tag: Hadapsar

Shirur Loksabha Constituency – Dr Amol Kolhe | “हडपसर मधून डॉ. अमोल कोल्हे यांनी निवडणुकीचे रणशिंग फुकले

Categories
Breaking News Political पुणे

Shirur Loksabha Constituency – Dr Amol Kolhe | “हडपसर मधून डॉ. अमोल कोल्हे यांनी निवडणुकीचे रणशिंग फुकले

| महाविकास आघाडी एकमुखाने डॉ. कोल्हे यांच्या पाठीशी – बैठकीत निर्धार

 

Shirur Loksabha Constituency – Dr Amol Kolhe –
(The Karbhari News Service) – आगामी शिरूर लोकसभा निवडणूक पार्श्वभूमीवर हडपसर विधानसभा मतदारसंघातील महाविकासआघाडीच्या पदाधिकाऱ्यांची बैठक येथील कन्यादान मंगल कार्यालयात आयोजित करण्यात आली होती. महाविकास आघाडीतील सर्व घटकपक्ष एकमुखाने डॉ.अमोल कोल्हे यांच्या पाठीशी उभा राहणार असून चांगल्या मताधिक्याने त्यांना निवडून आणणार असा विश्वास या बैठकीत सर्वपक्षीयांनी व्यक्त केला.

यावेळी खा.डॉ. अमोल कोल्हे, माजी राज्यमंत्री बाळासाहेब शिवरकर, माजी आमदार महादेव बाबर, काँग्रेस निरीक्षक गोपाळ तिवारी, राष्ट्रवादी काँग्रेस शरदचंद्र पवार पक्षाचे शहराध्यक्ष प्रशांत जगताप, काँग्रेस शहराध्यक्ष अरविंद शिंदे, शिवसेना शहरप्रमुख संजय मोरे, माजी उपमहापौर निलेश मगर,माजी नगरसेविका रत्नप्रभा जगताप, संगीता ठोसर, शिवसेना जिल्हाप्रमुख विजय देशमुख, काँग्रेस ओबीसी शहराध्यक्ष प्रशांत सुरसे, राष्ट्रवादी हडपसर अध्यक्ष प्रविण तुपे, काँग्रेस अध्यक्ष दिलीप शंकर तुपे, सीमा सावंत, विद्या होडे, रुपाली शिंदे, महिला अध्यक्ष वंदना मोडक, कार्याध्यक्ष सविता मोरे, पल्लवी सुरसे, शितल शिंदे, सुशीला गुंजाळ, नितीन आरु आदींसह सर्व पक्षाचे पदाधिकारी व कार्यकर्ते मोठ्या संख्येने सहभागी झाले होते.

The Karbhari - Hadapsar mahavikas aghadi

गद्दारांची गद्दारी लोकसभा निवडणुकीत गाढली पाहिजे, महादेव बाबर व शिवसेनेने काम केले म्हणून मागच्या विधानसभा निवडणुकीत राष्ट्रवादी काँग्रेसचे आमदार निवडून आले नंतर ते शिवसेना कार्यकर्त्यांना विसरले, यांना पाडण्यासाठी आता हडपसर मध्ये सर्वांनी काम करावे अशा शब्दात शिवसेना शहर प्रमुख संजय मोरे यांनी चेतन तुपे यांचे नाव न घेता टीका केली.

हेवेदावे बाजूला ठेऊन भाजपला पराभूत करा, बजेट व महाविकास आघाडी समन्वय समिती जबाबदारी आमदारांची होती त्यांनी भूमिका बदलली, कार्यकर्ते नाराज झाले, हडपसर मध्ये समन्वय समिती स्थापन करून नियोजन केले जाईल. असे राष्ट्रवादी काँग्रेस शरदचंद्र पवार पक्षाचे शहराध्यक्ष प्रशांत जगताप यांनी सांगितले. भाजपला सांगा रामाचे झाले आता कामाचे सांगा मोदी परिवार म्हणजे घोटाळे केलेले अन भाजप मध्ये गेले आहेत, मीडियावर दबाव आणला जात आहे, 400 खासदार आणून संविधान बदलण्याचा डाव आहे, हा डाव हणून पाडला पाहिजे असे काँग्रेस शहराध्यक्ष अरविंद शिंदे यांनी सांगितले.

तुतारी घराघरात पोहोचली पाहिजे आढळराव पाटील यांना 55 हजाराची आघाडी 2019 ला होती ते गद्दार झाले तेच समोर असतील डॉ.कोल्हे यांना तीच आघाडी देणार, हडपसर मध्ये सर्वात आधी महाविकास आघाडी करून हडपसला राष्ट्रवादी काँग्रेसचा आमदार निवडून आणला, हडपसर ची वाट लावली, कामे झाली नाहीत, अपमानस्पद वागणूक दिली, त्यांना त्यांची जागा दाखविणार या शब्दात माजी आमदार महादेव बाबर यांनी विद्यमान आमदारांवर टीका केली.

माजी राज्यमंत्री बाळासाहेब शिवरकर यांनी आपले मनोगत मांडले.
शिवसैनिक निखारा आहे, ही निवडणूक देशाच्या भविष्याची निवडणूक आहे, अबकी बार 400 पार हे केवळ कार्यकर्त्यांच मनोबल वाढविण्यासाठी आहे, राहुल गांधी यांच्या यात्रेने पायाखालची जागा सरकली, दक्षिण भारतात भाजप नाही, इंडिया आघाडी देशात येत आहे, शिरूर मध्ये तुतारी चिन्ह घराघरात पोहोचविले पाहिजे, या मतदारसंघात महायुतीला उमेदवार नाही, कार्यकर्त्यांमंध्ये अस्वस्थता आहे, देणारा दिल्लीत मागणारा झाला या शब्दात अजित दादांवर टीका केली, लोकशाही टिकविण्यासाठी भाजपला पराभूत करा असे आवाहन खासदार डॉ. अमोल कोल्हे यांनी केले.
सूत्रसंचालन संजय शिंदे यांनी केले.

Pramod Nana Bhangire | महंमदवाडी परिसरातील सोसायट्यांचा पाणी प्रश्न सुटणार! | आढावा बैठकीत प्रमोद नाना भानगिरे यांनी पाणीपुरवठा अधिकाऱ्यांना केल्या सूचना

Categories
Breaking News PMC Political पुणे

Pramod Nana Bhangire | महंमदवाडी परिसरातील सोसायट्यांचा पाणी प्रश्न सुटणार!

| आढावा बैठकीत प्रमोद नाना भानगिरे यांनी पाणीपुरवठा अधिकाऱ्यांना केल्या सूचना

Pune – (The Karbhari News Service) – महंमदवाडी परिसर आणि परिसरातील सोसायट्यामध्ये पाणी प्रश्न गंभीर झाला आहे. मात्र ही समस्या आता कायमस्वरूपी सुटणार आहे. याबाबत शिवसेना शहर प्रमुख प्रमोद नाना भानगिरे यांनी महापालिकेच्या पाणीपुरवठा अधिकाऱ्या सोबत आढावा बैठक घेऊन समस्या सोडवण्याबाबत सूचना केल्या आहेत. (Pramod Nana Bhangire Shivsena Pune)

याबाबत भानगिरे यांनी सांगितले कि, परिसरात महापालिकेकडून 9 टाक्या बांधण्यात आल्या आहेत. मात्र त्या चालू करण्यात आल्या नाहीत. मात्र आता Sangriya Society बूस्टर येथून नाविन पाइप लाइन टाकून raheja vista Society परिसरात पाणीपरवठा करणेसाठी कामे करण्यात येत आहेत. त्या अनुषंगाने पाणीपरवठा विभाग अधिकारी यांचे समवेत बैठक घेण्यात आली.  तसेच दोराबजी येथील बांधून पूर्ण असलेल्या तीन टाक्याचे अनुषंगाने पाणीपरवठा करण्याबाबत देखील या बैठकीत चर्चा झाली. लवकरच ही कामे मार्गी लागणार असून परिसरातील पाणी समस्या कायमस्वरूपी सुटणार आहे. असे भानगिरे यांनी सांगितले मी.

आढावा बैठकीला नंदकिशोर जगताप ,मुख्य अभियंता पाणीपुरवठा, रणदिवे, अधिक्षक अभियंता लष्कर, वायदंडे, अधिक्षक अभियंता समान पाणीपुरवठा, पावरा, कार्यकारी अभियंता लष्कर,  बोरसे उपअभियंता लष्कर, वासकर कनिष्ठ अभियंता लष्कर असे अधिकारी उपस्थित होते.

Hadapsar Traffic Congestion | लवकरच होणार हडपसर परिसराचा कायापालट.! | शिवसेना शहर प्रमुख प्रमोद नाना भानगिरे यांचा पुढाकार 

Categories
Breaking News PMC Political social पुणे

Hadapsar Traffic Congestion | लवकरच होणार हडपसर परिसराचा कायापालट.! | शिवसेना शहर प्रमुख प्रमोद नाना भानगिरे यांचा पुढाकार

 

Hadapsar Traffic Congestion | हडपसर, मुंढवा, केशवनगर व मांजरी या भागात प्रचंड मोठ्या प्रमाणात वाहतूक कोंडी होत आहे. येथील नागरिकांना दैनंदिन जीवनात प्रवास करत असताना, वाहतूक कोंडी सारख्या समस्येला दररोज सामोरे जावे लागत आहे. मात्र आता हडपसर परिसराचा कायापालट लवकरच होणार आहे. हडपसरला वाहतूक कोंडी मुक्त करण्यासाठी महापालिका प्रशासनाकडून उपाययोजना केल्या जाणार आहेत. शिवसेना शहर प्रमुख प्रमोद नाना भानगिरे (Pramod Nana Bhangire) यांनी यामध्ये पुढाकार घेतला आहे.  (Hadapsar Pune)

हडपसर च्या समस्याबाबत प्रशासनाला वारंवार सूचना देऊनही प्रशासन कोणताही ठोस असा निर्णय घेत नसल्यामुळे, काही दिवसांपूर्वी मुंढव्यातील महात्मा फुले चौकात रस्ता रोको आंदोलन करण्यात आले होते. त्यावेळी आंदोलन मागे घेण्यासाठी, पुणे महानगरपालिकेचे अतिरिक्त आयुक्त विकास ढाकणे यांनी मध्यस्थी करत हडपसरला वाहतूक कोंडी मुक्त करण्यासाठी लवकरच सविस्तर बैठक घेऊ असा शब्द दिला होता.

याच पार्श्वभूमीवर आज पुणे महानगरपालिका येथे अतिरिक्त आयुक्त विकास ढाकणे यांच्या सोबत बैठक आयोजित करण्यात आली होती. यावेळी त्यांना हडपसर, मुंढवा, केशवनगर व मांजरी भागात वारंवार होत असलेल्या वाहतूक कोंडी बाबत निवेदन दिले. तसेच, निवेदनाच्या माध्यमातून घोरपडी व कोरेगाव पार्क मार्गे मुंढव्यापर्यंत भुयारी मार्ग करण्यात यावा. केशवनगर, मांजरी रस्त्यावरील अतिक्रमण हटवून रस्ता अरुंद करावा. रस्त्यात येत असलेल्या झाडांच्या फांद्या व महावितरण चे पोल व डी. पी बॉक्स यांचे व्यवस्थापन करावे. अशा प्रकारची मागणी केली. व इतर विविध विषयांवर चर्चा केली.

यावेळी बैठकीला पुणे महानगरपालिकेचे अतिरिक्त आयुक्त विकास ढाकणे , पथ विभागाचे प्रमुख अनिरुद्ध पावसकर, प्रसाद काटकर व ढवळे  तसेच, इतर विविध विभागातील सर्व प्रमुख अधिकारी उपस्थित होते.

| हे होते प्रमुख मुद्दे

१) महात्मा फुले चौक मुंडवा या ठिकाणी मोठ्या प्रमाणात वाहतूक कोंडी होत असून ती कायमस्वरूपी सोडवण्यासाठी घोरपडी व कोरेगाव पार्क मार्गे मुंडव्यातून केशवनगर ला जाताना भुयारी मार्ग करण्यात यावा.
२) तसेच महात्मा फुले चौकातून केशवनगर ला जाताना मध्ये वस्तीपर्यंत मुख्य डीपी रस्ता झाला आहे. परंतु बधे वस्ती पासून ते केशवनगर वड्याच्या पुलापर्यंत डाव्या बाजूने रस्ता रुंदीकरण झालेले नाही सदर रस्त्यात येत असलेले झाडे स्थलांतर करून माननीय विकास आराखड्यानुसार पूर्ण रस्ता वड्याच्या पुलापर्यंत करण्यात यावा.
३) छत्रपती शिवाजी महाराज चौक केशवनगर मांजरी रोड जात असताना मोठ्या प्रमाणात अरुंद रस्ता सुरुवातीला आहे सदरच्या परिसरातील अतिक्रमणे मोबदला देऊन त्वरित स्थलांतर करावेत त्या ठिकाणी रस्ता रुंदीकरण माननीय विकास आराखड्यानुसार त्वरित करण्यात यावे.
४) केशवनगर मांजरी रोड के आर बी वर्कशॉप आनंद नगर पासून ते लोणकर नगर चौक मार्गे झेड कॉर्नर पर्यंत सध्याच्या परिस्थितीला ४० फुटी रस्ता मोकळा आहे परंतु वीस फुटावरनच डांबरीकरण असल्यामुळे वाहतूक कोंडी होत आहे रोडच्या दोन्ही बाजूने दहा दहा फुटाचे साईट पट्ट्याचे काम त्वरित सुरू करून वाहतूक कोंडी सुरळीत करण्यासाठी वरील काम
त्वरित मार्गी लावावे. केशवनगर मांजरी रोड लोणकर नगर चौकात मोठ्या प्रमाणात सकाळी व संध्याकाळी गर्दीच्या वेळात मोठ्या प्रमाणात वाहतूक कोंडी होत आहे लोणकर नगर चौकातून साडे सतरा नळीला उजव्या बाजूला वळताना अतिशय अरुंद रस्ते असल्यामुळे वाहतूक कोंडी सातत्याने होत आहे लोणकर नगर चौकात त्वरित रस्ता रुंदीकरण करून वाहतूक नियंत्रण करण्यासाठी सिग्नल बसवण्यात यावेत व होणाऱ्या वाहतूक कोंडीतून नागरिकांना मुक्त करावे.
५) केशवनगर छत्रपती शिवाजी महाराज चौक मांजरी रोड सदर वाहतूक कोंडीला अडथळा ठरणारे व नियोजित विकास आराखड्यानुसार रस्त्याच्या मध्ये अडथळा ठरणारे झाडे महावितरण चे पोल महावितरण चे बॉक्स प्रत्यक्ष पाहणी करून त्वरित स्थलांतर करावेत. त्यामुळे मोठ्या प्रमाणात वाहतूक कोंडी सुटण्यास मदत होईल.
६) केशवनगर छत्रपती शिवाजी महाराज चौक ते रेणुका माता मंदिर रोड ह्या रोडचे रुंदीकरण करणे अतिशय आवश्यक आहे विकास आराखड्यानुसार अतिक्रमणात असणारे पाणी करून स्थलांतर करावेत त्यांनाही मोबदला देण्यात यावा.

Lord Shri Rama Statue | हडपसरमध्ये साकारणार 9 फूट उंचीचा प्रभू श्रीरामाचा पूर्णाकृती पुतळा 

Categories
Breaking News PMC Political social पुणे

Lord Shri Rama Statue | हडपसरमध्ये साकारणार 9 फूट उंचीचा प्रभू श्रीरामाचा पूर्णाकृती पुतळा

Lord Shri Rama Statue |  पुणे : हडपसर (Hadapsar) परिसरातील हांडेवाडी येथे प्रभू श्रीराम यांचा 9 फूट उंचीचा पूर्णाकृती पुतळा उभारण्यात येणार आहे. त्याबाबतच्या प्रस्तावाला महापालिकेच्या मुख्य सभेने (PMC General Body) मंजुरी दिल्यानंतर तो अभिप्रायासाठी राज्याच्या नगरविकास विभागाकडे पाठविण्यात आला होता. त्यास सकारात्मक प्रतिसाद देण्यात आल्यानंतर महापालिकेने या प्रस्तावाला अंतिम मंजुरी दिली आहे. दरम्यान ही मूर्ती आणि त्याचा चौथरा बनवण्याचे काम महापालिकेचे ठेकेदार विश्वास मणेरे (Vishwas Manere) यांनी केले आहे. (Pune Municipal Corporation)
हांडेवाडी येथील श्रीराम चौकामध्ये रामाचा पूर्णाकृती पुतळा उभारण्याचा प्रस्ताव शिवसेनेचे तत्कालीन नगरसेवक प्रमोद उर्फ नाना भानगिरे (Pramod Nana Bhangire) यांनी महापालिकेला २०१८ मध्ये दिला होता. या खर्चाला महापालिकेने मान्यता द्यावी, असे या प्रस्तावात भानगिरे यांनी नमूद केले होते. महंमदवाडी- कौसरबागमधील हांडेवाडी येथे हा पुतळा उभारण्याचे नियोजित होते. या प्रस्तावाला स्थायी समितीने आणि त्यानंतर महापालिकेच्या मुख्य सभेने मान्यता दिली होती. मात्र, सार्वजनिक ठिकाणी पुतळा उभारावयाचा झाल्यास त्यासाठी राज्य शासनाच्या नगरविकास विभागाची मान्यता घेणे आवश्यक आहे. त्यामुळे महापालिकेकडून हा प्रस्ताव राज्य शासनाच्या नगरविकास विभागाला पाठविण्यात आला होता.

प्रमोद नाना भानगिरे यांचा पाठपुरावा

प्रमोद नाना भानगिरे हे शिवसेना शहरप्रमुख असून, मुख्यमंत्री एकनाथ शिंदे यांचे विश्वासू म्हणून ओळखले जातात. या प्रस्तावाला नगरविकास विभागाकडून मान्यता मिळावी, यासाठी त्यांनी सातत्याने पाठपुरावा केला. त्यामुळे नगरविकास विभाग, गृह विभाग आणि पोलीस महासंचालक कार्यालयाकडूनही या प्रस्तावाला मान्यता देण्यात आली. त्याबाबत महापालिकेला कळविण्यात आल्यानंतर महापालिकेनेही या प्रस्तावाला मंजुरी दिली आहे.

| विश्वास मणेरे यांनी बनवली मूर्ती

दरम्यान ही मूर्ती आणि चौकाचे सुशोभीकरण करण्याचे काम ठेकेदार विश्वास मणेरे यांनी केले आहे. ही मूर्ती 9 फूट उंच असून यासाठी फायबर मटेरियल एस एस चे स्टील वापरण्यात आले आहे. मूर्तीच्या पाटाची साईज 5 फूट *3 फूट आहे. तर मूर्तीचे वजन अंदाजे 650 कि. असणार आहे. अशी माहिती विश्वास मणेरे यांनी दिली.

PM Awas Yojana | PMC Pune | पंतप्रधान आवास योजने अंतर्गत पुणे महानगरपालिकेकडून वडगाव, हडपसर आणि खराडी येथे उभारल्या 2650 सदनिका  | पंतप्रधान यांच्या हस्ते देण्यात येणार घराच्या चाव्या 

Categories
Breaking News PMC social पुणे

PM Awas Yojana | PMC Pune | पंतप्रधान आवास योजने अंतर्गत पुणे महानगरपालिकेकडून वडगाव, हडपसर आणि खराडी येथे उभारल्या 2650 सदनिका

| पंतप्रधान यांच्या हस्ते देण्यात येणार घराच्या चाव्या

PM Awas Yojana | PMC Pune |केंद्रसरकारचा महत्वाकांक्षी प्रकल्प म्हणजे, प्रधानमंत्री आवास योजना (Pradhanmantri Awas Yojana). ही योजना केंद्र सरकार, राज्य शासन व पुणे महानगरपालिका (Pune Municipal Corportion) यांनी समन्वयाने राबवली असून या योजनेच्या अंतर्गत वडगाव (खुर्द) व खराडी या ठिकाणी प्रत्येकी एक तर हडपसर येथे ३ गृहप्रकल्पांची निर्मिती करण्यात आली आहे. या योजनेमुळे आर्थिकदृष्ट्या दुर्बल घटकातील नागरिकांना आपल्या हक्काचे घर केंद्र शासन, राज्य शासन व पुणे महानगरपालिकेच्या (PMC Pune) वतीने उपलब्ध होणार आहे. पंतप्रधान आवास योजने अंतर्गत पुणे महानगरपालिकेकडून वडगाव, हडपसर आणि खराडी येथे 2650 सदनिका उभारल्या आहेत. यातील काही लोकांना पंतप्रधान यांच्या हस्ते  घराच्या चाव्या देण्यात येणार आहेत.. अशी माहिती महापालिका प्रशासनाच्या वतीने देण्यात आली. (PM Awas Yojana | PMC Pune)

प्रत्येक नागरिकाकडे स्वत:चे हक्काचे घर असावे यासाठी केंद्र सरकारने प्रधानमंत्री आवास योजनेची घोषणा केली होती. त्यामुळे आर्थिकदृष्ट्या दुर्बल घटकातील नागरिकांसाठी आशेचा किरण निर्माण झाला आहे. या योजनेत सहभागी होण्यासाठी केवळ दोन महत्वाच्या पात्रता केंद्र सरकारने ठरवून दिल्या आहेत. यामध्ये लाभार्थ्याच्या कुटुंबाच्या नावे भारतात कोठेही घर नसावे व त्याचे उत्पन्न हे तीन लाख रुपयांच्या आत असावे. यामुळे हातावर पोट असणारे, कमी उत्पन्न असणारे व्यक्तींकरिता आपले घराचे स्वप्न पूर्ण करण्याच्या दृष्टीने एक महत्वाचे पाउल ठरले आहे. (Pune Municipal Corporation News)

प्रधानमंत्री आवास योजने अंतर्गत पुणे महापालिका हद्दीत तीन ठिकाणी गृहप्रकल्पांची निर्मिती करण्यात आली आहे. या प्रकल्पासाठी नियोजित जागा उपलब्ध होण्यासाठी पालिकेच्या वतीने ईडब्ल्यूएस (EWS), एचडीएच (HDH) आरक्षण असलेल्या जागामालकांशी संवाद साधला. यानुसार जागा मालकांना टीडीआर व एफएसआय देवून जागा ताब्यात घेण्यात आल्या आहेत. हे सर्व प्रकल्प मुख्य रस्त्याच्या आसपास, नांदेड सिटी, खराडी आयटी पार्क सारख्या परिसराच्या जवळपास असल्याने लाभार्थ्यांना उपजीविकेच्या संधी देखील उपलब्ध होणार आहेत.

या पाच गृहप्रकल्पांपैकी सर्व्हे नंबर १०६ अ व १७ अ, सर्व्हे नंबर ८९ (पै)+ ९२ (पै) व सर्व्हे नंबर १०६ अ १२ या हडपसर मधील तीन ठिकाणी प्रकल्प उभारण्यात आले आहेत. तसेच सर्व्हे नंबर ५७-५ पार्ट प्लॉट नंबर १, खराडी व सर्व्हे नंबर ३९ (पै) + ४० (पै) वडगाव खुर्द या ठिकाणी प्रत्येकी एका गृह प्रकल्पाची बांधणी करण्यात आली आहे. हडपसर येथील तीन प्रकल्पात मिळून ७६४, वडगाव खुर्द येथे ११०८ तर खराडी येथे ७८६ सदनिकांची निर्मिती करून सज्ज करण्यात आली आहेत. (PMC Pune News)

या गृहप्रकल्पातील सदनिकांचे क्षेत्रफळ सुमारे ३०० चौरस फुट ते ३३० चौरस फुट असून सदनिकेमध्ये हॉल, किचन, बेडरूम, स्वतंत्र स्वच्छतागृह व बाथरूम व बाल्कनीची सोय करण्यात आली आहे. सुमारे १० ते सव्वा १२ लाख रुपयामध्ये या सदनिका लाभार्थ्याना उपलब्ध झाल्या आहेत. यातील सुमारे साडे आठ ते साडे नऊ लाखांची रक्कम लाभार्थी भरणार आहेत. या लाभार्थ्याला साहाय्य म्हणून राज्य शासन १ लाख तर केंद्र शासन दीड लाखांचा निधी दिला आहे. या गृहप्रकल्पासाठी २४ ऑक्टोबर २०२१ रोजी पहिली तर राहिलेल्या लाभार्थ्यांसाठी ३० मार्च २०२२ रोजी दुसरी लॉटरी काढण्यात आली होती.

कोरोना काळानंतरच्या कालावधीनंतर पुणे महानगरपालिकेने या प्रकल्पांचा गतीने विकास व्हावा, यासाठी भरीव निधीची तरतूद केली होती होती.  यामध्ये २०२१-२२ साली ६२ कोटी, २०२२-२३ साली १२० कोटी तर २०२३-२४ साली ९५ कोटी रुपयांची तरतूद पुणे महानगरपालिकेने केली होती.

या प्रकल्पासाठी पात्र ठरणारे लाभार्थी हे आर्थिकदृष्ट्या दुर्बल असल्याने यातील अनेकांना कर्ज मिळण्यास देखील मोठ्या प्रमाणात अडचणी निर्माण झाल्या होत्या. कोरोनामुळे गेलेली नोकरी, बंद असणारे व्यवसाय, खराब झालेले सिबिल यामुळे अनेक लाभार्थी हतबल झाले होते. यावेळी पुणे महानगरपालिकेकडून मा. शहर अभियंता यांनी पुढाकार घेताना राष्ट्रीयकृत बँक व एनबीएफसी यांना व लाभार्थ्यांना ‘कर्ज मेळाव्यांचे’ व्यासपीठ दोन वेळा उपलब्ध करून दिले. सदर प्रकरणी मा.महापालिका आयुक्त व मा. अति. महापालिका आयुक्त यांनी वेळोवेळी मार्गदर्शन केले यामुळे राष्ट्रीयकृत बँक व एनबीएफसी यांनी या लाभार्थ्यांना कमी कागदपत्रे, कमी व्याजदर असलेले कर्ज लवकरात लवकर उपलब्ध करून देताना त्याचे वितरण देखील करण्यात आले. रेरा मुदतीच्या सुमारे प्रकल्पाचे सहा महिने आधीच प्रकल्प पूर्ण झाल्याने या लाभार्थ्यांची हफ्ते व घरभाडे यांच्या दुहेरी कात्रीतून सुटकाझालेली आहे.

या गृहप्रकल्पामध्ये भूकंप अवरोधक सांगाडा, विटा व प्लास्टर यांचा वापर करून केलेले मजबूत बांधकाम, प्रत्येक घराच्या किचनमध्ये कडप्पा व स्टेनलेस स्टीलचे सिंक व इलेक्ट्रिक साहित्य वापरण्यासाठी मुबलक पॉईंट, सर्व इमारतीमध्ये कॉपर वायरचे विस्तृत जाळे, तसेच मोड्युलर स्विचेस, इमारतीला संपूर्ण सिमेंट पेंट तर अंतर्गत भागासाठी  ऑईल पेंट ज्यामुळे घर आणखीनच आकर्षक झाली आहेत. तसेच स्वतंत्र स्वच्छतागृह व बाथरूमसाठी कन्सील्ड प्लंबिंग, तसेच गिझर पॉईंट उपलब्ध करून देण्यात आला आहे. तसेच प्रत्येक घरामध्ये ६०० बाय ६००चे व्हेंट्रीफाईड फ्लोरिंग, ऍल्युमिनियम पावडर कोटेड खिडक्या व दरवाजे अशा सर्व सुविधांनी ही घरे लाभार्थ्याना मिळणार आहेत. गृहप्रकल्पाचे भव्य गेट, सोलार, दुचाकीसाठी मुबलक पार्किंग, मोठे अंतर्गत रस्ते, बॅक अप सह लिफ्ट, एसटीपी प्लांट, वरिष्ठ नागरिकांसाठी वेगळी जागा, फायर फायटिंग सिस्टीम, गार्डन, रेनवॉटर हार्वेस्टिंग, घनकचरा व्यवस्थापन यंत्रणा, जनरेटर या सुविधांमुळे हा प्रकल्प देखील व्यावसायिक प्रकाल्पांसारखे दिसत आहेत.

प्रकल्पाचे डिझाईन हे आयआयटी मुंबई / व्हीजेआयटी या नामांकित संस्थेकडून प्रमाणित करण्यात आले आहे. त्यांनी प्रमाणित केलेल्या व सुचविलेल्या सुचनानुसारच या प्रकाल्पाचे काम पूर्ण करण्यात आले आहे. हा प्रकल्प पुणे महानगरपालिकेसाठी महत्वपूर्ण असल्याने पालिकेच्या अधिकाऱ्यांनी नानाविध यंत्रणा अमलात आणल्या होत्या. यामध्ये असणारी ‘थ्री टियर सिस्टीम’. ठेकेदाराच्या क्वालिटी लॅबच्या (lab) माध्यमातून कामाचे टेस्टिंग केले जात होते. कामासाठी आलेल्या साहित्यापैकी सुमारे १० टक्के साहित्याची ‘अनपेक्षित तपासणी’ (randam test) एनएबीएल अक्रीडेटेड लॅब (lab)च्या माध्यमातून तपासणी करण्यात येत होती. तज्ज्ञ प्रकल्प सल्लागार देखील झालेल्या कामाची गुणवत्ता तपासणी सातत्याने करत होते. त्यानंतर महानगरपालिकेचे अभियंते, अधिकारी देखील कामाची पडताळणी करत असल्याने गृहप्रकल्पाचे पूर्ण काम दर्जेदार झाले आहे.

या पूर्ण ग्रहप्रकल्पाची निर्मिती करणाऱ्या घटकांमध्ये कामगार हा महत्वपूर्ण घटक आहे. यामुळे पुणे महानगरपालिकेच्या वतीने कामगारांना सर्व प्रकारच्या सुरक्षा सुविधा पुरविण्यात आल्या होत्या. ही सर्व उपकरणे वापरणे कामगारांना बंधनकारक असल्याने या प्रकल्पाच्या ठिकाणी कोणताही अपघात घडला नाही. याबरोबरीने कामगारांच्या आरोग्य देखील चांगले राहावे यासाठी पुणे महापालिकेच्या वतीने दर महिन्यामध्ये तपासणी शिबिराचे देखील आयोजन करण्यात येत होते. कोरोना कालावधीमध्ये या सर्व कामगारांना धान्य, औषधे, जीविकेसाठी आवश्यक असणाऱ्या सर्व या कामगारांना पुरविण्यात आल्या होत्या. पालिकेच्या वतीने अशा प्रकारे कामगारांच्या आरोग्याची व जीविताची सुरक्षा केल्याने क्रेडाईच्या वतीने वडगाव येथील प्रकल्पाला पुरस्कार देखील मिळाला.

केंद्र सरकारचा हा महत्वाकांक्षी प्रकल्प पूर्ण झाला असून याचे लवकरच लोकार्पण करण्यात येणार आहे. सन २०१७-१८ साली या कामाची निविदा पीडब्ल्यूडीच्या दर पत्रकानुसार प्रसिद्ध करण्यात आली होती. गेल्या काही वर्षात विशेषत: कोरोना नंतरच्या काळात बांधकाम साहित्याच्या किमतीमध्ये सातत्याने वाढ झाली होती. मात्र, पालिकेच्या अधिकाऱ्यांनी कंत्राटदाराकडून त्याच किमतीमध्ये, उत्तम दर्जाचे काम करून घेतले आहे. लाभार्थ्यांनी आपल्या सदनिका पाहिल्यानंतर पालिकेच्या वतीने करण्यात आलेया दर्जेदार कामावर समाधान व्यक्त केले.

सर्व प्रकल्पांस आवश्यक त्या परवानग्या पुणे महानगरपालिकेकडून घेण्यात आलेल्या आहेत.

या प्रकल्पातील लाभार्थ्यांची मानवी हस्तक्षेपाशिवाय निवड करणेसाठी ऑनलाईन सोडत यंत्रणेची (सॉफ्टवेअर) निर्मिती पुणे महानगरपालिकेच्या वतीने करण्यात आली होती. इच्छुक लाभार्थ्यांचे लॉटरीमध्ये सहभागी होण्यासाठी ऑनलाईन पद्धतीने अर्ज मागविण्यात आले होते. त्यानंतर ऑनलाईन पद्धतीनेच सर्व कागदपत्रे मागविण्यात आली, ती तपासण्यात आली व एकदा माहिती पूर्ण झाली, कि याची पोच लाभार्थ्यांना एसएमएसद्वारे मिळत असे. यानंतर पुढील सर्व सुचना / अपडेट्स देखील याच ‘सिस्टीम’द्वारे येत असल्याने या यंत्रणेचा लाभार्थ्यांना मोठ्या प्रमाणात लाभ झाला.

पंतप्रधान आवास योजने अंतर्गत वडगाव, हडपसर आणि खराडी येथे 2650 सदनिका उभारण्यात आल्या आहेत. सर्वसामान्य नागरिकांचे अल्पदरातील हक्काचे घर उपलब्ध करून घ्यायचे माननीय पंतप्रधानांचे स्वप्न प्रत्यक्षात साकारताना आनंद होत आहे. यापुढील काळात बाणेर , हडपसर परिसरातही या योजने अंतर्गत प्रकल्प उभारण्याचे आमचे प्रयत्न सुरू आहेत. कोरोना सारख्या संसर्ग रोगाच्या साथीतही महारेरा च्या मुदती अगोदर सहा महिने प्रकल्प पूर्ण करण्यात आला आहे. लवकरच सर्व तांत्रिक प्रक्रिया पूर्ण करून लाभार्थी नागरिक त्यांच्या स्वप्नातील घरात राहायला जातील यासाठी प्रयत्न केले जातील.

– विक्रम कुमार, महापालिका आयुक्त

————-\

News Title |PM Awas Yojana | PMC Pune | 2650 flats constructed at Vadgaon, Hadapsar and Kharadi by Pune Municipal Corporation under Pradhan Mantri Awas Yojana

Hadapsar Devlopment Works | हडपसर आणि महंमदवाडी परिसरात विविध विकास कामांचे उदघाटन | शिवसेना शहर अध्यक्ष नाना भानगिरे यांचे विशेष प्रयत्न

Categories
Uncategorized

Hadapsar Devlopment Works | हडपसर आणि महंमदवाडी परिसरात विविध विकास कामांचे उदघाटन

| शिवसेना शहर अध्यक्ष नाना भानगिरे यांचे विशेष प्रयत्न

Hadapsar Devlopment Works  | पुणे शहरातील हडपसर आणि महंमदवाडी परिसरात (Hadapsar and Mohammedwadi₹ मुख्यमंत्री विशेष निधीतून (CM Special Fund)  आणि शिवसेना शहर अध्यक्ष नाना भानगिरे (Shivsena City President Nana Bhangire m) आणि शिवसेना जिल्हा प्रमुख उल्हास तुपे यांच्या विशेष प्रयत्नातून कोट्यवधी रुपये निधीच्या विविध विकास कामांचे भव्य उदघाट्न आज होणार आहे. पालकमंत्री चंद्रकांत पाटील (Guardian Minister Chandrakant Patil) आणि शिवसेना उपनेते शिवाजीराव आढळराव यांच्या उपस्थितीत हा सोहळा होणार आहे.  शहर अध्यक्ष नाना भानगिरे (Nana Bhangire) यांनी ही माहिती दिली. (Hadapsar Devlopment Works)

ही होणार कामे

1. महंमदवाडी सर्वे नं. २५ व २६ मधून सर्वे नं, ५६ पर्यत जाणारा ३०व २४ मीटर चा .डि. पी रस्ता विकसित करण्यासाठी – २६ कोटी निधी

2. महंमदवाडी डि. पी. स्कुल ते हांडेवाडी कडे जाणाऱ्या
रस्त्यासाठी – १ कोटी ८० लक्ष निधी
3. हडपसर येथील सर्वे नं.७१/७२ मधील डि.पी रस्ता
विकसित करण्यासाठी – १ कोटी ५० लक्ष निधी
4.  महंमदवाडी तरवडेवस्ती येथील कै. दतोबा उर्फ आप्पा शंकर तरवडे पाझर तलाव येथे संत सृष्टी उभारण्यासाठी – २ कोटी निधी
5. वाडकर नळा येथील महात्मा ज्योतीराव फुले जलतरण तलाव विकसित करण्यासाठी -५० लक्ष निधी
6. महंमदवाडी व हडपसर विभागातील विविध सोसायटी मधील ड्रेनेज व रस्ते विकसित करण्यासाठी -४ कोटी निधी

महंमदवाडी व हडपसर येथील खालील ठिकाणी रस्त्याचे  व ड्रेनेज कामाचे  उद्घाटन
एसीपी वास्तु सोसायटी, सिद्धीविनायक बिहार सोसायटी, नमो बिहार सोसायटी गंगा व्हिलेज सोसायटी, सेलेना पार्क, चिंतामणीनगर, बडदे मळा, कृष्णानगर, कृष्णानगर, काळेपडळ, साठेनगर, साठेनगर, महंमदवाडी (पिरवाडी), महंमदवाडी (घुले बस्ती) संकेत पार्क, शुभारंभ सोसायटी, रुणवाल सोसायटी, सुबाश पार्क, रवी पार्क, जेन टाऊनशिप साडेसरानळी, ससाणे नगर, हिंगणे मळा, गाडीतळ हडपसर, शिवशंभो कॉलणी, फुरसुंगी, तारोडी, भेकराई, गजानन महाराज मंदिर, हडपसर, टक्कर बिहार, जय तुळजाभवानी, श्रमिक सहकार, गोधळेनगर, शनी मंदिर
—-
News Title | Hadapsar Development Works |  Inauguration of various development works in Hadapsar and Mahamadwadi area |  Special efforts of Shiv Sena city president Nana Bhangire

Manjri Flyover | मांजरी येथील नवीन रेल्वे उड्डाणपुल वाहतुकीसाठी लवकर खुला करा | सार्वजनिक बांधकाम मंत्री रविंद्र चव्हाण

Categories
Breaking News Political social पुणे महाराष्ट्र

मांजरी येथील नवीन रेल्वे उड्डाणपुल वाहतुकीसाठी लवकर खुला करा  | सार्वजनिक बांधकाम मंत्री रविंद्र चव्हाण

पुणे |  भूसंपादनाची (Land Acquisition) उर्वरित प्रक्रिया वेगाने पूर्ण करुन मांजरी येथील नवीन रेल्वे उड्डाणपुलाचे (Manjri new railway Flyover) राहिलेले काम पूर्ण करावे. हा पूल लवकर वाहतुकीसाठी खुला करण्यासाठी नियोजन करा, असे निर्देश सार्वजनिक बांधकाम (सार्वजनिक उपक्रम वगळून) मंत्री रविंद्र चव्हाण (PWD Minister Ravindra Chavan) यांनी दिले.

सार्वजनिक बांधकाम विभागातर्फे (PWD) बांधण्यात आलेल्या मांजरी येथील नवीन रेल्वे उड्डाणपुलाच्या कामाची मंत्री रविंद्र चव्हाण यांनी पाहणी केली. त्यावेळी ते बोलत होते. यावेळी माजी आमदार योगेश टिळेकर, सा. बां. पुणे प्रादेशिक विभागाचे मुख्य अभियंता अतुल चव्हाण, पुणे मंडळाचे अधीक्षक अभियंता बप्पा बहिर, सार्वजनिक बांधकाम (दक्षिण) विभागाचे कार्यकारी अभियंता अमोल पवार, मांजरी गावचे सरपंच शिवराज घुले आदी उपस्थित होते.

उड्डाणपुल कामाच्या पाहणीनंतर कार्यक्रमात मंत्री श्री. चव्हाणे म्हणाले, नवीन रेल्वे पुलाचे काम ९० टक्के पूर्ण झाले आहे. राहिलेल्या कामासाठी भूसंपादनाची प्रक्रिया संबंधितांनी त्वरित पूर्ण करावी. या कामाबरोबरच सेवा रस्ते आणि इतर अडचणी लवकरच सोडविण्यात येतील. नवीन रेल्वे उड्डाणपुलामुळे वाहतूक कोंडी कमी होण्यास मदत होईल. हा उड्डाणपूल परिसरातील दळणवळणासाठी अत्यंत महत्त्वाचा आहे. त्यामुळे काम दर्जेदार आणि गतीने पूर्ण करण्यासाठी अधिकाऱ्यांनी नियोजन करावे, अशाही सूचना सार्वजनिक बांधकाम मंत्री श्री. चव्हाण यांनी दिल्या.

प्रकल्पामध्ये २५ मीटर लांबीचे १४ गाळे असा एकूण ३५० मीटर लांबीचा मुख्य पूल असून हडपसर बाजूला १४९.५.मीटर आणि मांजरी बाजूला १७४.९५५ मीटर असा एकूण ३२४.५ मीटर लांबीचा रॅम्प आहे.

यावेळी माजी आमदार योगेश टिळेकर यांनी मनोगत व्यक्त केले. यावेळी नागरिक मोठ्या संख्येने नागरिक उपस्थित होते.
0000

Fire in Handewadi | हांडेवाडीतील भाजी मंडईला आग; 90 स्टॉल जळाले

Categories
Breaking News PMC social पुणे

हांडेवाडीतील भाजी मंडईला आग; 90 स्टॉल जळाले

पुणे : हडपसरमधील हांडेवाडी भागात असलेल्या भाजी मंडईत मध्यरात्री आग लागली. आगीत भाजीपाल्याचे ९० स्टाॅल जळाले. सुदैवाने या घटनेत कोणी जखमी झाले नाही. आगीत भाजीपाल्याचे नुकसान झाले. अग्निशमन दलाच्या जवानांनी आग आटोक्यात आणली. आगीमागचे कारण समजू शकले नाही.

हांडेवाडी रस्त्यावर चिंतामणीनगर परिसरात भाजी मंडईत मध्यरात्री दोनच्या सुमारास आग लागली. आग लागल्यानंतर लाकडी स्टाॅलने पेट घेतला. स्टाॅलमध्ये भाजीपाला आणि साहित्य होते. आग लागल्याची माहिती मिळाल्यानंतर अग्निशमन दलाच्या जवानांनी घटनास्थळी धाव घेतली. पाण्याचा मारा करुन आग आटोक्यात आणली. आगीत भाजीपाल्याचे ९० स्टाॅल भस्मसात झाले. आगीमागचे निश्चित कारण समजू शकले नाही. शाॅर्टसर्किटमुळे आग लागल्याची शक्यता अग्निशमन दलाने व्यक्त केली.

या कामगिरीत अग्निशमन अधिकारी प्रमोद सोनावणे तसेच तांडेल विलास दडस व जवान अनिमिष कोंडगेकर, चंद्रकांत नवले, बाबा चव्हाण, दशरथ माळवदकर, विशाल यादव, प्रकाश शेलार यांनी सहभाग घेतला.

Water Closure | सिंहगड रोड, हडपसर परिसरात गुरुवारी पाणी बंद! 

Categories
Breaking News PMC social पुणे

सिंहगड रोड, हडपसर परिसरात गुरुवारी पाणी बंद!

पुणे | गुरूवारी  लष्कर जलकेंद्र, वडगाव जलकेंद्र, वडगाव रॉ वॉटर व राजीवगांधी पंपिंग येथील विद्युत/पंपींग विषयक व वितरण विभागाकडील स्थापत्य विषयक तातडीचे देखभाल दुरुस्तीचे काम असल्या कारणामुळे अत्यावश्यक देखभाल दुरूस्तींचे कामांसाठी उपरोक्त पंपींगचे अखत्यारीतील पूर्ण दिवसाचा सदर दिवशीचा पाणीपुरवठा बंद राहणार आहे.
तसेच शुक्रवार रोजी सकाळी उशीरा व कमी दाबाने पाणीपुरवठा होण्याची शक्यता आहे. अशी माहिती महापालिका पाणीपुरवठा विभागाच्या वतीने देण्यात आली.

पाणी पुरवठा बंद असणारा भाग-

लष्कर जलकेंद्र भाग :-
संपूर्ण हडपसर परिसर, सातववाडी, गोंधळेनगर, ससाणे नगर, काळे पडळ, बी.टी-कवडे रोड, भीमनगर, कोरेगाव पार्क, रामटेकडी इंडस्ट्रीयल एरिया, वानवडी, जगताप चौक परिसर, जांभूळकर मळा, काळेपडळ, हंडेवाडी रोड, महमदवाडी गाव, कोंढवा खुर्द, कोंढवा गावठाण, मिठानगर, भाग्योदय नगर, लुल्लानगर, संपूर्ण पुणे कँन्टोनमेंट बोर्ड, केशवनगर, साडेसतरा नळी, फुरसुंगी, उरुळी देवाची, मांजरी बु, शेवाळवाडी, खराडी, वडगाव शेरी (पार्ट), संपूर्ण ताडीवाला रोड, मंगळवार पेठ, मालधक्का रोड, येरवडा गाव, एनआयबीएम रोड, रेसकोर्स, इत्यादी लष्कर जलकेंद्राच्या अखत्यारीत येणारे संपूर्ण परिसर
वडगाव जलकेंद्र परीसर :-
हिंगणे, आनंदनगर, वडगाव, धायरी, आंबेगावपठार, दत्तनगर,
धनकवडी, कात्रज, भारती विद्यापीठ परीसर, कोंढवा बुद्रुक, आंबेगाव खुर्द, आंबेगाव बुद्रुक, येवलेवाडी, सहकारनगर भाग २ वरील भाग, आंबेडकरनगर, टिळकनगर परिसर, दाते बस स्टॉप परिसर, इत्यादी.

Hadapsar Animal Hospital | विरोध होऊनही हडपसर प्राणी  हॉस्पिटलचा  प्रस्ताव मुख्य सभेत मंजूर | महापालिका आयुक्त तथा प्रशासक यांचा निर्णय

Categories
Breaking News PMC पुणे

विरोध होऊनही हडपसर प्राणी  हॉस्पिटलचा  प्रस्ताव मुख्य सभेत मंजूर

| महापालिका आयुक्त तथा प्रशासक यांचा निर्णय

पुणे | महापालिका हद्दीतील भटक्या आणि मोकाट कुत्र्यांना जखमी झाल्यास उपचार करण्यासाठी कुठलेही हॉस्पिटल नाही. तसेच महापालिकेला भटक्या कुत्र्यांचा बंदोबस्त करण्यात अडचणी येत आहेत. यासाठी महापालिका आता हडपसर ला प्राण्यांचे हॉस्पिटल बांधणार आहे. मिशन पॉसिबल संस्थेला हे सर्व काम देण्यात येणार आहे तसेच संस्थेसोबत 30 वर्षाचा करार केला जाणार आहे. याबाबतचा प्रस्ताव स्थायी समिती ने मंजूर केल्यानंतर  या प्रकल्पांला विरोध वाढला होता. राष्ट्रवादी कॉंग्रेस कडून आंदोलन देखील करण्यात आले होते. शहर अध्यक्ष प्रशांत जगताप आणि आमदार चेतन तुपे यामध्ये सहभागी झाले होते. असे असतानाही पुन्हा मुख्य सभेत प्रशासक विक्रम कुमार यांनी हा प्रस्ताव मंजूर केला आहे. आता याबाबत राष्ट्रवादी कोणते पाऊल उचलणार, हे महत्वाचे ठरणार आहे.
पुणे महानगरपालिका हद्दीतील तसेच नव्याने समाविष्ट झालेल्या गावांमधील भटक्या व मोकाट कुत्र्यांची/ प्राणी अपघाताने जखमी किवां इतर कारणाने जखमी/आजारी झालेली असतात. अशा जखमी आजारी प्राण्याविषयी नागरिक व  सभासद आरोग्य खात्याकडे तक्रारी करत असतात. तसेच शहरातील भटक्या व मोकाट कुत्र्यांची/प्राण्याची अपघाताची संख्या वाढत असल्यामुळे मनपाच्या कुत्रा बंदोबस्त गाड्यामधून कोणत्याही वेळी मोफत उपचारासाठी आणलेली कुत्री हडपसर नगररचना क्र. २ रामटेकडी इंडस्ट्रीयल इस्टेट मधील फायनल प्लॉट नं.५६ येथे मिशन पॉसिबल या संस्थेद्वारे निर्माण होणाऱ्या हॉस्पिटल /दवाखान्यामध्ये घेणे बंधनकारक राहील. तसेच सदर कुत्र्यांच्या मोफत उपचारासाठी २० केनेल्स राखीव ठेवणे, उपचारासाठी दाखल असलेल्या कुत्र्यांवर/प्राण्यांची खाण्यापिण्याची व्यवस्था करणे मिशन पॉसिबल या संस्थेला बंधनकारक राहणार आहे. स्थायी समितीने या प्रस्तावाला मंजुरी दिल्यानंतर याचा विरोध सुरु झाला होता.
राष्ट्रवादी कॉंग्रेस शहर अध्यक्ष प्रशांत जगताप, आमदार चेतन तुपे, माजी नगरसेवक योगेश ससाणे यांनी या प्रकल्पांला विरोध केला होता. याबाबत त्यांनी महापालिका आयुक्तांना पत्र दिले होते. त्यानुसार
मागणी केली होती कि त्या प्रकल्पाला आमचा विरोध आहे. सदर प्रकल्प महानगरपालिकेने हडपसर विधानसभा मतदान क्षेत्राच्या कार्यक्षेत्राच्या बाहेर स्थलांतरीत करावा. असे म्हटले होते.
२०१७ ते २०२२ या कालावधी मध्ये हडपसर विधानसभा मतदार संघामध्ये केशवनगर, रामटेकडी, उरूळी देवाची इ. ठिकाणी सुमारे २२०० मेट्रिकटनाचे नविन कचरा प्रकल्प महानगरपालिकेमध्ये सत्ताधारी भारतीय जनता पार्टी पक्षाने बहुमताने मंजुर करून घेतला आहे. त्यात
प्राण्यांच्या हॉस्पीटलची भर नको. अन्यथा या प्रकल्पा विरोधात कोर्टात दाद मागावी लागेल. असा इशारा ही त्यांनी दिला होता.
असे असतानाही पुन्हा मुख्य सभेत प्रशासक तथा आयुक्त विक्रम कुमार यांनी हा प्रस्ताव मंजूर केला आहे. आता याबाबत राष्ट्रवादी कोणते पाऊल उचलणार, हे महत्वाचे ठरणार आहे.