Protest against Kirit Somaiya | पुण्यात कॉंग्रेस आणि शिवसेना महिला आघाडी कडून किरीट सोमय्या यांच्या विरोधात आंदोलन 

Categories
Breaking News Political पुणे महाराष्ट्र

Protest against Kirit Somaiya | पुण्यात कॉंग्रेस आणि शिवसेना महिला आघाडी कडून किरीट सोमय्या यांच्या विरोधात आंदोलन

Protest against Kirit Somaiya |पुणे शहर जिल्हा काँग्रेस कमिटीच्या (Pune Congress) वतीने भाजप नेते किरीट सोमय्या (BJP Leader Kirit Somaiya) यांच्या प्रसार माध्यमात प्रसिध्द झालेल्या आक्षेपार्ह व्हिडिओ विरोधात टिळक रोड, ग्राहक पेठ समोर आंदोलन करण्यात आले. तर दुसरीकडे  किरीट सोमय्या यांच्या अश्लील कृत्याचा निषेध शिवसेना ( उध्दव बाळासाहेब ठाकरे ) पक्षाच्या पुणे महिला आघाडीच्या (Shivsena Women wing) वतीने करण्यात आला. (Protest against Kirit Somaiya)

     यावेळी कॉंग्रेस शहाराध्यक्ष अरविंद शिंदे (Arvind Shinde) म्हणाले की, ‘‘सातत्याने आपल्या विरोधकांवर बेछूट आरोप करणारे भाजप नेते किरीट सोमय्या यांचा खरा चेहरा आक्षेपार्ह व्हिडीओच्या माध्यमातून सर्वांसमोर आला आहे. स्वत:ला चारित्र्यवान समजणारे किरीट सोमय्या यांचे चारित्र्यहीन दर्शन जनतेला झाले असून स्वच्छ प्रतिमेचे दाखले देणाऱ्या भाजपाच्या नेत्यांनी या प्रकरणी सोयीस्कर मौन बाळगले आहे. महिला वर्गावर सातत्याने अत्याचार व अपमान करणाऱ्या भाजप सरकारचा या आंदोलनाद्वारे आम्ही तीव्र निषेध व्यक्त करीत असून या प्रकरणाची सखोल चौकशी व्हावी व सोमय्या यांच्या या गलीच्छ कृतीबद्दल त्यांच्यावर उचित कायदेशीर कारवाई व्हावी.’’ (Pune News)

     यावेळी प्रदेश सरचिटणीस ॲड. अभय छाजेड, कमल व्यवहारे, नीता रजपूत, संगीता तिवारी, बाळासाहेब दाभेकर, अजित दरेकर, रफिक शेख, मेहबुब नदाफ, सुजित यादव, रमेश सकट, रविंद माझीरे, अक्षय माने, रजनी त्रिभुवन, सुंदरा ओव्हाळ, सीमा महाडिक, छाया जाधव, प्रकाश पवार, अश्विनी गवारे, सतिश पवार, सुनिल घाडगे, रमेश सोनकांबळे, अजित जाधव, रवि ननावरे, समीर गांधी, हेमंत राजभोज, आसिफ शेख, संतोष पाटोळे, विकी खन्ना, विशाल जाधव, बळीराम डोळे, संजय मोरे, लतेंद्र भिंगारे, संतोष डोके, शिवराज भोकरे, राहुल वंजारी, विल्सन चंदवेल, आशितोष शिंदे, नैनाताई सोनार, वंदना पोळ, मुक्ता शिंदे, संगीता कंधारे, नंदीनी कवडे, लीला भायगुडे, शोभा भगत, अनिता भायगुडे, सुविधा त्रिभुवन आदी उपस्थित होते.

शिवसेना महिला आघाडी शहर संघटीका सविताताई मते (Savita Mate)  म्हणाल्या की, त्या व्हिडिओ संदर्भात भाजपा किरीट सोमय्या यांची पक्षातून हकालपट्टी करावी तसेच गृहमंत्री या प्रकरणाची चौकशी करून काय कारवाई करणार आहेत ते स्पष्ट करावे.

नगरसेविका पल्लवीताई जावळे म्हणाल्या, भाजप महिला नेत्या चित्रा वाघ आता का शांत बसल्या आहेत?, या व्हिडिओच्या माध्यमातून स्पष्ट होते की किरीट हा विक्षिप्त माणूस आहे त्यावर कारवाई व्हावी .

यावेळी शिवसेना महिला आघाडीच्यावतीने आंदोलनास शहर संघटीका सविता मते, माजी नगरसेविका व संघटीका पल्लवी जावळे, विद्या होडे,करूणा घाडगे, प्रज्ञा लोणकर, स्नेहल पाटोळे, गौरी चव्हाण,पद्मा सोरटे, रोहिणी कोल्हाल, भारती भोपळे, दिपाली राऊत, संगीता भिलारे, मीनाक्षी हरिशंद्रे, नमिता चव्हाण, अमृत पठारे, सुलभा तळेकर, स्वाती ठकार, शितल जाधव, अनुपमा मांगडे ,विजया मोहिते, शिल्पा पवार ,वत्सला घुले ,अनिता जांभूळकर ,स्नेहल आल्हट, वासंती शिरसाट, आशुताई शिरसाट, भारती दामजी, पल्लवी नागपुरे, वैशाली दिघे, विमल परदेसी, लता गुंजाळ, प्रियांका जव्हेरी, स्मिता पवार, दिपा भंडारी, नीलू गड्डम, बेबी म्हेत्रे इतर महिला पदाधिकारी उपस्थित होत्या .


News Title |Protest against Kirit Somaiya from Congress and Shiv Sena Women’s Aghadi in Pune

Jagdish Mulik : कितीही गुन्हे दाखल केले तरी भाजप कार्यकर्ते मागे हटणार नाहीत : जगदीश मुळीक 

Categories
Breaking News PMC Political पुणे

कितीही गुन्हे दाखल केले तरी भाजप कार्यकर्ते मागे हटणार नाहीत

: जगदीश मुळीक

पुणे : भाजप नेतर किरीट सोमय्या यांच्या सत्कारावेळी बरेच भाजप कार्यकर्ते जमा झाले होते. कोविड प्रोटोकॉल चे पालन नाही झाले तर आम्ही गुन्हा दाखल करणार, असा इशारा देऊनही न ऐकल्यामुळे आता भाजप कार्यकर्त्यांवर गुन्हे दाखल करण्यात आले आहेत. त्यावर भाजप शहर अध्यक्ष जगदीश मुळीक यांनी प्रतिक्रिया दिली आहे. कितीही गुन्हे दाखल केले तरी भाजप कार्यकर्ते मागे हटणार नाहीत, असे मुळीक म्हणाले.

मुळीक पुढे म्हणाले, महाविकास आघाडी सरकारने भाजप कार्यकर्त्यांवर सुडाच्या भावनेतून कारवाई केली आहे. शहरात गेल्या काही दिवसांत काँग्रेस, राष्ट्रवादी काँग्रेस आणि शिवसेनेने विविध आंदोलने आणि मोठा जमाव जमवून जाहीर कार्यक्रम केले. परंतु त्यांचावर कारवाई करण्यात आली नाही. भाजप नेते किरीट सोमय्या यांच्यावर महापालिकेत प्राणघातक हल्ला करण्यात आला. परंतु गुन्हेगारांवर सौम्य कलमे लावून त्यांना सोडून देण्याचा प्रयत्न केला. राज्य सरकार सर्वच क्षेत्रांत अपयशी ठरल्याने सुडाच्या भावनेतून कारवाई करीत आहे. पुणे पोलिस सरकारच्या दबावाखाली आहे. या सरकारचा आम्ही जाहीर निषेध करतो. असे कितीही गुन्हे दाखल केले तरी भाजप कार्यकर्ते मागे हटणार नाहीत. सरकारचा गैरव्यवहार आणि भ्रष्टाचार सातत्याने जनतेसमोर आणू. पुणेकर जनता या सरकारला नक्की धडा शिकवेल.

Chandrakant Patil : Congress : काँग्रेसचा गोमुत्र आणि गाईवरील विश्वास वाढलेला पाहून खूप आनंद झाला

Categories
Breaking News Political पुणे महाराष्ट्र

काँग्रेसचा गोमुत्र आणि गाईवरील विश्वास वाढलेला पाहून खूप आनंद झाला

: चंद्रकांत पाटलांचा कॉंग्रेसला खोचक टोला

 

पुणे : पुण्यात भाजपा नेते किरीट सोमय्या यांचा कार्यकर्त्यांनी सत्कार केल्यानंतर काँग्रेस आणि आम आदमी पार्टीने गोमुत्र आणि गुलाबजल टाकून त्या पायऱ्या स्वच्छ केल्या. त्याविषयी प्रतिक्रिया विचारली असता भारतीय जनता पार्टीचे प्रदेशाध्यक्ष चंद्रकांत पाटील म्हणाले की, काँग्रेसचा गोमुत्र आणि गाईवरील विश्वास वाढलेला पाहून आपल्याला खूप आनंद झाला.

महाविकास आघाडीला दहा मार्चनंतर सत्ता सोडण्याची वेळ येईल

राज्यातील सत्ताधारी महाविकास आघाडीतील अंतर्गत मतभेद उफाळले आहेत आणि आघाडीचे मंत्री एकापाठोपाठ तुरुंगाच्या दिशेने जात आहेत. पाच राज्यांच्या विधानसभा निवडणुकीचा निकाल १० मार्च रोजी लागल्यानंतर अशी स्थिती निर्माण होईल की, महाविकास आघाडीला सत्तेवरून जावे लागेल, असे भारतीय जनता पार्टीचे प्रदेशाध्यक्ष  चंद्रकांतदादा पाटील यांनी शनिवारी सांगितले.

भाजपा कार्यकर्त्यांच्या विरोधात पोलिसांकडून होत असलेल्या पक्षपाती कारवाईच्या विरोधात पिंपरी चिंचवड पोलीस आयुक्तांना निवेदन सादर केल्यानंतर ते पत्रकारांशी बोलत होते.

मा. चंद्रकांतदादा पाटील म्हणाले की, महाविकास आघाडी सरकारची सध्याची स्थिती पाहिली तर कोणीही विश्लेषण करणारा सांगू शकेल की, हे सरकार आता फार दिवस टिकणार नाही. आघाडीतील मतभेद उफाळले आहेत. दोन मंत्र्यांचा राजीनामा झाला. तसे बाकीच्यांचेही होतील. पोलिसांच्या बदल्यांबाबत माजी मुख्य सचिव सीताराम कुंटे यांनी त्यांना अनिल देशमुख यांच्याकडून यादी मिळत होती असे सांगितले तर देशमुख म्हणतात की, त्यांना शिवसेनेचे मंत्री अनिल परब यांच्याकडून मिळत होती व ते ती पुढे पाठवत होते. दुसरीकडे आयपीएस अधिकारी परमवीरसिंग यांनी सांगितले की, सचिन वाझे याला पुन्हा नोकरीत घेण्यासाठी त्यांच्यावर मुख्यमंत्री उद्धव ठाकरे आणि पर्यावरणमंत्री आदित्य ठाकरे यांनी दबाव आणला होता. या गंभीर आरोपांनंतर आघाडीच्या नेत्यांनी काहीही संवेदनशीलता दाखवली नसली तर ही प्रकरणे गुन्ह्याची आहेत. अनिल देशमुख यांच्या प्रकरणात उच्च न्यायालयाने सीबीआय चौकशीचा आदेश दिला तसा या गंभीर प्रकरणांबाबत न्यायालय न्याय देईल. अशी स्थिती निर्माण होईल की, आघाडीच्या नेत्यांना सत्ता सोडून घरी जावे लागेल.

त्यांनी सांगितले की, पिंपरी चिंचवड व एकूण संपूर्ण महाराष्ट्रात ज्या प्रकारे सत्तेचा दुरुपयोग चालू आहे तो आम्ही सहन करणार नाही. किरीट सोमय्या यांचा सत्कार करून काल पुण्यात भाजपा कार्यकर्त्यांनी दाखवून दिले की, आम्हीही काही कमी नाही. पिंपरी चिंचवडमध्ये खोट्या केसेस करून पोलिसांमार्फत आम्हाला हे सरकार किती दाबणार असा आपला सवाल आहे. भाजपाच्या कार्यकर्त्यांना न्याय मिळाल्याशिवाय आपण स्वस्थ बसणार नाही. पोलिसांनी निःपक्षपातीपणे चौकशी केली नाही तर आपण न्यायालयात जाऊ.

 

AJit Pawar : कुणाच्या आरोपावर प्रतिक्रिया द्यायला मला वेळ नाही 

Categories
Breaking News PMC Political पुणे महाराष्ट्र

कुणाच्या आरोपावर प्रतिक्रिया द्यायला मला वेळ नाही

: किरीट सोमय्यांच्या आरोपावर अजित पवारांची प्रतिक्रिया

पुणे : काल किरीट सोमय्या (Kirit Somaiya )यांनी जम्बो कोविड सेंटरमध्ये (Jumbo Covid Centar) घोटाळा झाल्याचा आरोप केला होता. त्यावर बोलताना या सेंटरमध्ये राज्य सरकार, मनपाच्या संयुक्त विद्यमाने काम केलं जात असतं. त्यामध्ये सीओईपी (COEP) आणि आणखी एक अशी कोविड सेंटर (Covid) तयार करण्यात आली. त्यामध्ये कोणत्याही राजकारण्याला न सहभागी करून घेता सर्व प्रशासकीय अधिकाऱ्यांच्या माध्यमातून चालवण्यात आलं. त्यावेळी सर्व कारभार पारदर्शक ठेवण्याचा कारभार व्हावा अशा सुचना देण्यात आल्या होत्या. आजच्या बैठकीत त्याबद्दलचे सर्व अपडेट्स आज अधिकाऱ्यांनी दिले असून, त्यामध्ये काहीच गैरकारभार झाला नाही असं अजित पवार यांनी सांगितलं. तसंच कोणी काय आरोप केलेत? कोण काय बोललं? यावर प्रतिक्रीया द्यायला आपल्याला वेळ नाही असं अजित पवार (Ajit Pawar) पुढे म्हणाले.

पुणे जिल्ह्यातील ग्रामीण भागात 15 ते 18 वयोगटातील 90 टक्के मुलांचं लसीकरण झालंय. जिल्ह्यात काही प्रमाणात कोव्हॅक्सीनचा तुटवडा आहे, त्याबद्दल केंद्र सरकारकडून मागणी केली असून, तयारी सूरू आहे. थिएटर मध्ये 50 टक्के उपस्थितीची परवानगी आहे, त्यात शिथिलता आणण्याचा प्रयत्न मुख्यमंत्र्यांशी बोलून करता येईलथेट तसंच नियमांमध्ये शिथीलता आणण्याचा प्रयत्न सुरू असल्याचं त्यांनी सांगितलं. वीज खंडीत का झाली होती, त्याची चौकशी केली. त्यामध्ये तांत्रिक वाहिन्यांमध्ये बिघाड झाला, त्यानंतर चाकण, लोणीकंद येथील प्रवाह खंडीत झाला, त्यानंतर जवळपास सर्व ठिकाणी वीज खंडीत झाल्याचं ते म्हणाले.

Attack on Kirit somaiya in PMC : 33 सुरक्षा कर्मचाऱ्यांच्या बदल्या: 1 निलंबित; तर एकास सक्तीच्या रजेवर पाठवले! 

Categories
Breaking News PMC Political पुणे महाराष्ट्र

33 सुरक्षा कर्मचाऱ्यांच्या बदल्या: 1 निलंबित तर एकास सक्तीच्या रजेवर पाठवले

पुणे : भाजप नेते किरीट सोमय्या यांना शिवसेनेकडून(Shivsena) झालेली धक्काबुकी पाहता भाजपने हा विषय खूप गंभीरपणे घेतला होता. याबाबत केंद्रीय पथकाकडून चौकशी झाली. शिवाय महापौर मुरलीधर मोहोळ(Mayor Mulridhar Mohol) यांनी देखील सुरक्षेवर(PMC security)  प्रश्नचिन्ह उभे करत प्रशासनाकडून खुलासा मागितला होता. त्यानुसार प्रशासनाने सुरक्षा कर्मचाऱ्यांना दोषी धरले आहे. त्यानुसार सुरक्षा विभागाने 33 सुरक्षा कर्मचाऱ्यांच्या(Security personnel) बदल्या केल्या आहेत. एकास निलंबित(suspend) केले असून एकास सक्तीच्या रजेवर(compulsory leave) पाठवण्यात आले आहे. अशी माहिती उपायुक्त माधव जगताप यांनी दिली. 

: महापौरांनी मागितला होता खुलासा!

किरीट सोमय्या पुणे महानगरपालिकेस भेट देणेकामी आले असता त्यांना पुणे महानगरपालिकेच्या आवारात शिवसैनिकांमार्फत धक्काबुक्की करण्यात आली. सदर बाब ही अत्यंत गंभीर असल्याने या प्रसंगामुळे पुणे महानगरपालिकेच्या सुरक्षा व्यवस्थेवर प्रश्नचिन्ह उभे राहिले आहे.  किरीट सोमय्या, खासदार यांच्या दौऱ्याबाबत पुणे महानगरपालिकेस अवगत करण्यात आले असतानादेखील योग्य ती सुरक्षा व्यवस्था का करण्यात आली नाही? तसेच शनिवार, दि. ५/२/२०२२ या दिवशी साप्ताहिक सुट्टीचा दिवस असतानादेखील त्या वेळेत उपस्थित शिवसैनिकांस पुणे महानगरपालिकेच्या आवारत प्रवेश कसा मिळाला अथवा कोणी दिला? आपल्या सुरक्षा व्यवस्थेमधील त्रुटीबाबत आपणामार्फत माननीयांस का अवगत करण्यात आले नाही? याबाबत सर्व प्रश्नांचा खुलासा आम्हांस लेखी स्वरुपात तात्काळ कळविण्यात यावा. असा खुलासा महापौरांनी मागितला होता.

: वरिष्ठ अधिकारी दोषी नाहीत का?

महापौरांचा हा आक्रमक बाणा पाहून अतिरिक्त आयुक्तांनी याची गंभीरपणे दखल घेतली होती. त्यानुसार उपायुक्त माधव जगताप यांच्याकडून खुलासा मागितला होता. जगताप यांनी तो खुलासा दिला आहे. दरम्यान या प्रकाराबाबत प्रशासनाने सुरक्षा कर्मचाऱ्यांना दोषी धरले आहे. त्यानुसार सुरक्षा विभागाने 33 सुरक्षा कर्मचाऱ्यांच्या बदल्या केल्या आहेत. एकास निलंबित केले असून एकास सक्तीच्या रजेवर पाठवण्यात आले आहे.
मात्र ही कारवाई अधुरी आहे, असा आरोप करण्यात येत आहे. या कर्मचाऱ्यांसोबत वरिष्ठ अधिकारी दोषी नाहीत का? असा प्रश्न उपस्थित करण्यात येत आहे. 

Kirit somaiya security : PMC : किरीट सोमय्यांच्या बंदोबस्ताचा फटका सामान्य पुणेकरांना

Categories
Breaking News PMC पुणे

किरीट सोमय्यांच्या बंदोबस्ताचा फटका सामान्य पुणेकरांना

 

: सोमय्यांच्या महापालिका प्रवेशामुळे नागरिकांची चांगलीच तारांबळ

: कामे रखडली; पोलीस आणि सुरक्षा रक्षकांनी भवन मध्ये येण्यापासून रोखले

पुणे : भाजप नेते किरीट सोमय्या यांचा पुणे महापालिका दौरा चांगलाच गाजला. भाजपने हा प्रतिष्ठेचा मुद्दा बनवला होता. त्यामुळे सोमय्याच्या सुरक्षेसाठी चोख बंदोबस्त ठेवण्यात आला होता. त्यासाठी पोलीस आणि महापालिका सुरक्षा रक्षकांची कुमकच ठेवण्यात आली होती. मात्र या बंदोबस्ताचा फटका सामान्य पुणेकरांना बसला. सकाळपासूनच नागरिकांना महापालिकेत येण्यास मज्जाव करण्यात आला. त्यामुळे महत्वाची कामे असून देखील नागरिक ही कामे करू शकले नाहीत. याची जबाबदारी कोण स्वीकारणार, असा प्रश्न आता उपस्थित होत आहे.

: जबाबदारी कोण स्वीकारणार?

गेल्या शनिवारी सोमय्या महापालिकेत आले होते. तेंव्हा त्यांना शिवसेने कडून धक्काबुकी सहन करावी लागली होती. त्यामुळे महापालिकेच्या सुरक्षा व्यवस्थेवर प्रश्न उपस्थित केले गेले होते. त्यातच भाजपने हा प्रतिष्ठेचा  मुद्दा बनवत सोमय्या यांना पालिकेत आणण्याचे ठरवले होते. त्यानुसार त्यांच्या प्रवेशासाठी चोख बंदोबस्त ठेवण्यात आला होता. मात्र या बंदोबस्ताचा फटका सामान्य पुणेकरांना बसला. सकाळपासूनच नागरिकांना महापालिकेत येण्यास मज्जाव करण्यात आला. त्यामुळे महत्वाची कामे असून देखील नागरिक ही कामे करू शकले नाहीत. याची जबाबदारी कोण स्वीकारणार, असा प्रश्न आता उपस्थित होत आहे.

: वसंत मोरे यांना देखील उडी मारून आत यावे लागले

बंदोबस्ताचा फटका फक्त सामान्य नागरिकांनाच नाही तर नगरसेवकांना देखील बसला. मनसे शहर अध्यक्ष आणि नगरसेवक वसंत मोरे यांना देखील उडी मारुन आत यावे लागले. मोरे म्हणाले, मी १५ वर्ष झाले पुणे महानगरपालिकेत नगरसेवक आहे,
पण आज पहिल्यांदाच इतकी अघोषित संचारबंदी पाहिली सर्व दरवाजे बंद केलेत…
नागरिक महानगरपालिकेच्या दरवाज्यात आक्रोश करत होते आणि भाजपा चे सर्व नगरसेवक नेते सत्काराच्या कार्यक्रमात अडकले होते.
माझी पार्टी मीटिंग होती बाहेर जायचे तर खूप गरजेचे होते,
मग काय भिंतीवरून उडी मारून बाहेर आलोय आणि चौकशी केली तर समजले काय तर म्हणे
माजी खासदार किरीट सोमय्या यांचा भाजपा ने ते पडलेल्या पायरीवर सत्कार ठेवलाय…
पण सत्ताधारी लोकांनी एक गोष्ट लक्षात ठेवावी ते महापालिकेच्या दारात पडले होते बरं का बाकी समजून जा…

Kirit somaiya In PMC : किरीट  सोमय्यांचा  महापालिकेत  कसा  झाला  प्रवास;  काय  म्हणाले  सोमय्या ? 

Categories
Breaking News PMC Political पुणे

किरीट  सोमय्यांचा  महापालिकेत  कसा  झाला  प्रवास;  काय  म्हणाले  सोमय्या ? 

 
पुणे: भाजप नेते किरीट सोमय्या पुणे मनपात येणार म्हणून चोख बंदोबस्त ठेवण्यात आला होता. त्यानुसार मग 4:30 च्या दरम्यान सोमय्या जुन्या इमारतीच्या आउट गेटने पालिकेत आले. मनपा भवन च्या इमारतीजवळ आल्यावर ते तडक शेजारील भाजप कार्यालयात गेले. तेथून युवा मोर्चाचे कार्यकर्ते त्यांना घेऊन आणि आरडाओरडा करत महापालिकेत आले. मग त्याच पायऱ्यांजवळ धक्काबुकी करत सोमय्या यांचा सत्कार करण्यात आला. मग तेथून सोमय्या महापालिका आयुक्तांना भेटले. पुन्हा खाली आल्यानंतर त्यांनी धक्काबुक्की सहन करत पत्रकारांशी संवाद साधला.
 सोमय्यांनी महाविकास आघाडीवर जोरदार टीका केली. आर्थर रोड मधील अनिल देशमुख ज्या कोठडीत आहेत त्याच्या बाजूची कोठडी सॅनिटाइज आणि स्वच्छ करायला सांगा तेथे अनिल परब (Anil Parab) आणि संजय राऊत (Sanjay Raut)यांना पाठवायचं आहे असा टोला पत्रकार परिषदेत सोमयांनी( Kirit Somaiya)मारला.ते म्हणाले, राऊत यांचा एक पार्टनर प्रवीण राऊत जेलमध्ये आहेत. जर सुजित पाटकर जेलमध्ये गेले तर राऊत यांचं काय होणार? असा सवालही सोमय्या यांनी केला. संजय राऊत यांना प्रवीण राऊत ईडीला माहिती देतील याची भीती वाटत आहे असेही सोमय्या म्हणाले.
किरीट सोमय्या म्हणाले, उद्धव ठाकरेंच्या गुंडांनी याच पायऱ्यांवर माझा जीव घ्यायचा प्रयत्न केला. महाविकास आघाडीनं ब्लॅकलिस्ट केलेल्या कंपनीला कोविड सेंटरचं कंत्राट दिले होते असा आरोप त्यांनी केला. उद्धव ठाकरें यांच्यामध्ये हिंमत असेल तर त्यांचे नाव सांगावे. त्यांचा मालक केएम हॉस्पिटलचा मालक आहे. उद्धव ठाकरेंनी पुण्यातल्याच लोकांच्या जीवाशी खेळले आहे. उद्धव ठाकरे आणि संजय राऊत यांची बेनामी संपत्तीवर कारवाई केल्याशिवाय हा सोमय्या गप्प बसणार नाही.
 पुण्यात जंम्बो रूग्णालयासाठी कंत्राट देण्यात आलेली कंपनी बोगस असल्याचे आयुक्तांनी मान्य केले आहे, असा दावा भाजपचे नेते किरीट सोमय्या यांनी केले आहे. आयुक्तांच्या भेटीनंतर ते पत्रकारांशी बोलत होते. त्यावेळी त्यांनी वरील दावा केला आहे. (Kirit Somaiya News)गेल्या शनिवारी सोमय्या यांच्यावर पुणे महापालिकेच्या आवारात हल्ला करण्यात आला होता. त्यानंतर आज सोमय्या पुन्हा आयुक्तांची भेट घेण्यासाठी आले होते. यावेळी ज्या पायरीवर हल्ला करण्यात आला होता, त्याच पायरीवर किरीट सोमय्यांचा शाल, श्रीफळ आणि चाबूक देऊन सत्कार करण्यात आला आहे. दरम्यान, अशा प्रकारे सत्कार करण्यास पोलिसांकडून परवानगी नव्हती, मात्र तरीही हा सत्कार करण्यात आला आहे.तत्पूर्वी बोलताना सोमय्या म्हणाले की, उद्धव ठाकरेंच्या गुंडांनी याच पायऱ्यांवर माझा जीव घ्यायचा प्रयत्न केला होता. महाविकास आघाडीनं ब्लॅकलिस्ट केलेल्या कंपनीला कोविड सेंटरचं कंत्राट दिल्याचे आरोपही त्यांनी केला. उद्धव ठाकरेंनी पुण्यातल्याच लोकांच्या जीवाशी खेळलं आहे. उद्धव ठाकरे आणि संजय राऊत यांची बेनामी संपत्तीवर कारवाई केल्याशिवाय हा सोमय्या गप्प बसणार नाही असा इशाराही त्यांनी यावेळी दिला.

Kitit Somaiya: PMC: ‘त्याच’ पायऱ्यांवरून किरीट सोमय्या यांचा ठाकरे सरकारवर निशाणा

Categories
Breaking News PMC Political पुणे

‘त्याच’ पायऱ्यांवरून किरीट सोमय्या यांचा ठाकरे सरकारवर निशाणा

: भाजप कार्यकर्त्यांनी धक्काबुक्कीनेच केले स्वागत
पुणे : भाजप नेते किरीट सोमय्या यांना महापालिकेत मागील आठवड्यात धक्काबुक्की झाल्यानंतर भाजपने सोमय्या यांना पालिकेत आणून त्यांचे जंगी स्वागत करण्याचा चंग बांधला होता. त्यानुसार सोमय्या शुक्रवारी 4:30 च्या दरम्यान पालिकेत आले. मात्र त्यांचे जंगी स्वागत भाजप कार्यकर्त्यांच्या धक्काबुकीनेच झाले. तशाच गोंधळात सोमय्या यांनी ज्या पायरीवरून त्यांना ढकलले होते, तिथूनच भाषण करत ठाकरे सरकारवर निशाणा साधला.
https://www.facebook.com/106520611746067/videos/1094572171338878/

Jumbo Covid Center : Mahavikas Aghadi : Thackrey Govt : पुण्याच्या जम्बो सेंटर वरून देखील ठाकरे सरकार ‘टार्गेट’! 

Categories
Political देश/विदेश पुणे महाराष्ट्र संपादकीय

पुण्याच्या जम्बो सेंटर वरून देखील ठाकरे सरकार ‘टार्गेट’!

: येनकेन प्रकारेण कोंडीत पकडण्याचा प्रयत्न

पुणे : केंद्र सरकार आणि राज्यातील भाजप अर्थात विरोधी पक्ष ठाकरे सरकार अर्थात महाविकास आघाडी सरकारला टार्गेट करण्याची एकही संधी सोडताना दिसत नाही. महाविकास आघाडीतील महत्वाचे मोहरे या त्रासाला कंटाळले आहेत. नुकतीच भाजप नेते किरीट सोमय्या यांनी महापालिकेत भेट दिली. त्यांच्या भेटीवरून देखील ठाकरे सरकारला टार्गेट करण्याचे काम केंद्र सरकार करते आहे, हे आता उघड होत आहे.

: महाराष्ट्र बाबत आकस वाढला

किरीट सोमय्या हे जम्बो कोविड सेंटर ची तक्रार करण्यासाठी महापालिकेत आले होते. ते ही सुट्टीच्या दिवशी. गम्मत म्हणजे हे सेंटर चालवले जाते PMRDA कडून. महापालिकेचा त्याचा फक्त डॅशबोर्ड शी संबंध आहे. सगळी प्रक्रिया PMRDA कडून राबवली जाते. तरीही सोमय्या महापालिकेत तक्रार देण्यासाठी आले. शिवसैनिकांशी धक्काबुक्की झाल्यानंतर सोमय्या हॉस्पिटल मध्ये गेले. हॉस्पिटल मधून नंतर महापालिकेत व्हीलचेअर वर आले. सुरक्षा रक्षकांना निवेदन देताना मात्र उभा राहून फोटो काढला. संजय राऊत यांना टार्गेट करण्यासाठी सोमय्या या प्रकरणाच्या मागे लागले आहेत. त्यात कहर म्हणजे या प्रकारची चौकशी करण्यासाठी केंद्राने एक पथक देखील पुण्यात पाठवले आहे.  यातून सिद्ध एकच होते कि यामागे जनतेची काळजी नसून ठाकरे सरकारला कोंडीत पकडण्याचा डाव आहे.
आतापर्यंत फक्त राज्यातील विरोधी नेतेच महाविकास आघाडी सरकारविषयी आकस दाखवण्याचे काम करत होते. मात्र परवाच्या संसदेतील पंतप्रधान मोदींच्या भाषणावरून देखील हेच दिसून आले. शिवाय केंद्र सरकारने राज्यातील मंत्री आणि मोठ्या नेत्यांच्या मागे केंद्रीय एजेंसीचा ससेमिरा मागे लावून ठेवला आहेच.
महापालिका निवडणूका तोंडावर आहेत. अशा परिस्थितीत ठाकरे सरकार आणि त्यांचे मंत्री याचा सामना कसा करणार, हे पाहणे महत्वाचे ठरणार आहे.

Pune Congress Vs Kirit somaiya : सोमय्यांच्या जंगी स्वागताला काँग्रेसचा विरोध  : महापालिका आयुक्तांना पत्राद्वारे दिला इशारा 

Categories
Breaking News PMC Political पुणे महाराष्ट्र

सोमय्यांच्या जंगी स्वागताला काँग्रेसचा विरोध

: महापालिका आयुक्तांना पत्राद्वारे दिला इशारा

पुणे : भाजपचे माजी खासदार किरीट सोमय्या(Kirit somaiya)  यांना मागील आठवडयात महापालिकेत (pune municipal corporation) शिवसैनिकांकडून धक्काबुक्की झाली होती. या घटनेच्या पार्श्‍वभूमीवर महापालिकेतील सत्ताधारी भाजपने(BJP)  शुक्रवारी म्हणजेच उद्या महापालिकेत सोमय्या यांचा ज्या ठिकाणी ही घटना झाली त्याच ठिकाणी दुपारी ३:३० वाजता जंगी स्वागत करणार असल्याची घोषणा केली आहे. या कार्यक्रमास शहर कॉंग्रेसने(pune congress)  विरोध केला असून या कार्यक्रमास महापालिकेने परवानगी दिल्यास त्या ठिकाणी तीव्र आंदोलन करण्याचा इशारा शहराध्यक्ष रमेश बागवे आणि माजी आमदार मोहन जोशी यांनी पत्राद्वारे महापालिका आयुक्तांना दिला आहे.

 

या पत्रानुसार, शहराच्या परंपरेनुसार पुणे महानगरपालिकेमध्ये कोणत्याही राजकीय पक्षांच्या कार्यक्रमांना परवानगी दिली जात नाही. पुणे महानगरपालिकेमध्ये फक्त जनतेच्या हिताचे उपक्रम आणि महानगरपालिकेच्या कार्यक्रमांनाच परवानगी दिली जाते. जर पालिका प्रशासनाने भारतीय जनता पक्षाला माजी खासदार किरीट सोमय्या यांच्या सत्काराच्या कार्यक्रमाला परवानगी दिली तर त्या ठिकाणी पुणे शहर जिल्हा कॉंग्रेस कमिटीतर्फे आंदोलन करण्यात येईल असा इशारा देण्यात आला.