Tag: MLA Chetan tupe

Katraj-Kondhwa Road Pune |  कात्रज-कोंढवा रस्त्याच्या कामांसाठी अजित पवार २०० कोटी मिळवून देणार का? | अजित पवारांनी पाहणीच्या वेळी दिले आश्वासन 

Categories
Breaking News PMC Political social पुणे

Katraj-Kondhwa Road Pune |  कात्रज-कोंढवा रस्त्याच्या कामांसाठी अजित पवार २०० कोटी मिळवून देणार का? | अजित पवारांनी पाहणीच्या वेळी दिले आश्वासन

 

Katraj-Kondhwa Road Pune | पुणे | उपमुख्यमंत्री अजित पवार (Ajit Pawar) यांनी अचानकपणे कात्रज-कोंढवा रस्त्याच्या (Katraj – Kondhwa Road) कामांची पाहणी केली. त्यांनी रस्त्याच्या कामाबद्दल समाधान व्यक्त केले. या कामासाठी राज्य शासनातर्फे २०० कोटींचा निधी उपलब्ध करून देण्याबाबत लवकरच मंत्रिमंडळ बैठकीत (Maharashtra Cabinet Meeting) विषय मांडण्यात येईल, असे त्यांनी सांगितले. दरम्यान गेले वर्षभर २०० कोटी देण्याबाबत राज्य सरकार महापालिकेला नुसते आश्वासन देत आहे. किमान अजित पवार तरी याबाबत मनावर घेणार का, असा प्रश्न उपस्थित केला जात आहे. (Katraj-Kondhwa Road Pune | PMC)

पुणे शहराच्या दृष्टीने वाहतूक कोंडी कमी करण्यासाठी कात्रज-कोंढवा रस्त्याचे रुंदीकरण (Katraj- Kondhwa Road Widening) होणे महत्वाचे आहे. मात्र भूसंपादन (Land Acquisition) अभावी हे काम रखडले होते. भूसंपादन करण्यासाठी 200 कोटींचा निधी देण्याबाबत उपमुख्यमंत्री देवेंद्र फडणवीस (DCM Devendra Fadnavis) यांनी पुणे महापालिकेला (Pune Municipal Corporation) आश्वस्त केले होते. मात्र प्रत्यक्षात निधी मिळालेला नाही. त्यामुळे अतिरिक्त आयुक्त विकास ढाकणे (Additional Commissioner Vikas Dhakane) यांनी नगर विकास विभागाला एका महिन्यात दोनदा पत्रव्यवहार करत 200 कोटी देण्याची मागणी केली होती.  पहिले पत्र 6 जुलै ला पाठवण्यात आले होते. तर  19 जुलै ला अजून एक पत्र पाठवण्यात आले होते. तरीहि निधी अजून मिळालेला नाही. (Katraj-Kondhwa Road)

The karbhari - Katraj kondhwa Road Fund

दरम्यान या पाहणीच्या वेळी अजित पवार म्हणाले, कात्रज चौक उड्डाणपूल ६५०-७०० मीटर पुढे वाढवावा. खडी मशीन चौकापासून पुढे सार्वजनिक बांधकाम विभागाचा रस्ता रुंदीकरण करण्यात यावे. खडी मशीन चौकापासून कान्हा हॅाटेलकडे येणारा एकतर्फी मार्ग तात्काळ चालू करायचे निर्देश त्यांनी दिले. रस्त्यासाठी जमीन ताबा देणाऱ्यांना त्यांनी व्यक्तीश: धन्यवाद दिले.

पुणे महानगरपालिकेचे आयुक्त विक्रम कुमार यांनी रस्त्याच्या कामाविषयी माहिती दिली. उपमुख्यमंत्री महोदयांच्या सूचनेनुसार केंद्र सरकारच्या रस्ते वाहतूक आणि महामार्ग मंत्रालयाला या कामाबाबतचा सविस्तर प्रकल्प अहवाल सादर करण्यात आल्याचे त्यांनी सांगितले.

यावेळी आमदार चेतन तुपे, अतिरिक्त आयुक्त विकास ढाकणे, सार्वजनिक बांधकाम विभागाचे अधीक्षक अभियंता बप्पा बहिर, कार्यकारी अभियंता अमोल पवार, राष्ट्रीय महामार्ग प्राधिकरणाचे महेश पाटील आदी उपस्थित होते.

परिसरातील नागरिकांच्यावतीने उपमुख्यमंत्री श्री.पवार यांचा यावेळी सत्कार करण्यात आला. उपमुख्यमंत्र्यांच्या निर्देशानुसार रस्त्याच्या एक बाजूची वाहतूक सुरू करण्यात आली आहे.

Manjari Water Project | मांजरी पाणी पुरवठा योजना पुणे महापालिकेकडे होणार हस्तांतरित

Categories
Breaking News PMC social पुणे

Manjari Water Project | मांजरी पाणी पुरवठा योजना पुणे महापालिकेकडे होणार हस्तांतरित

| त्यापोटी 2 कोटी 62 लाख महापालिकेला द्यावे लागणार

Manjari Water Project | मांजरी नळपाणी पुरवठा योजना (Manjari Water Project) महाराष्ट्र जीवन प्राधिकरणाकडून (MJP) करण्यात येत आहे.  मुख्यमंत्री ग्रामीण पेयजल कार्यक्रमांतर्गत यासाठी प्रशासकीय मंजुरी प्राप्त झाली आहे. मांजरी नळ पाणी पुरवठा योजनेचे काम अंतिम टप्यात असून आत्तापर्यंत सदर योजनेचे 85% काम पूर्ण झालेले आहे. मांजरी (Manjari) हे गाव  30 जून 2021 च्या नोटिफिकेशन प्रमाणे पुणे महानगरपालिकेमध्ये (Pune Municipal Corporation) समाविष्ट झाले आहे. त्यानुसार आता ही योजना महापालिकेकडे हस्तांतरित होणार आहे. मात्र त्यासाठी महापालिकेला 2 कोटी 62 लाख इतका खर्च  करावा लागणार आहे.  (Manjari Water Project)
खासदार, डॉ. अमोल कोल्हे (MP Dr Amol Kolhe), आमदार चेतन तुपे (MLA Chetan Tupe)
व पुणे महानगरपालिकेकडून मुख्य अभियंता अनिरुद्ध पावसकर (Chief Engineer Aniruddha Pawaskar), अधीक्षक अभियंता इंद्रभान रणदिवे, कार्यकारी अभियंता पी. सी. भांडेकर, कार्यकारी अभियंता सुभाष  पावरा यांचे समवेत 8 जून  रोजी मांजरी कार्यक्षेत्रावर प्रत्यक्ष पहाणी करण्यात आली. यावेळी प्राधिकरण कडून सांगण्यात आले कि  मूळ मंजूर मांजरी योजनेमध्ये विद्युत देयकासाठी कोणतीही तरतूद नसल्याने प्राधिकरण कडून  विद्युत देयके भरता येणार नाहीत. तसेच राष्ट्रीय महामार्ग क्र. 65 (पुणे सोलापूर हायवे) क्रॉसिंग व लगतसाठी 2,62,07,935 इतक्या रकमेची मागणी संबंधित विभागाने (NHAI) केलेली आहे. तथापि योजनेच्या मूळ मंजूर किंमतीमध्ये तरतूद नसल्याने सदरची रक्कम राष्ट्रीय महामार्ग विभागाकडे भरणा करणे शक्य झाले नाही. यावर खासदार डॉ. अमोल कोल्हे व आमदार चेतन तुपे  यांनी महापालिकेसोबत  चर्चा करुन निर्णय घेऊ, असे सांगितले होते. त्यानुसार महापालिका 2 कोटी 62 लाख nhai ला देणार आहे. त्यानंतर प्राधिकरण उर्वरित कामे पूर्ण करून ही योजना पुणे महापालिकेकडे हस्तांतरित करणार आहे. (Pune Municipal Corporation)
—
News Title | Manjari Water Project |  Cat water supply scheme will be transferred to Pune Municipal Corporation

Hadapsar | Market | हडपसर मधील भाजी मंडई पूर्ववत होणार! | नागरिक आणि गाळेधारकांना दिलासा

Categories
Breaking News PMC social पुणे

हडपसर मधील भाजी मंडई पूर्ववत होणार!

| नागरिक आणि गाळेधारकांना दिलासा

पुणे | हडपसर मधील चिंतामणी नगरच्या (Cihintanani Nagar, Hadapsar) भाजी मंडई ला (vegetable market) शॉर्ट सर्किट मुळे आग लागली होती. त्यामुळे इथल्या  गाळेधारकांचे खूप नुकसान झाले होते. तेव्हापासून भाजी मंडई बंद आहे. मात्र आता लवकरच मंडई पूर्ववत होणार आहे. त्यासाठीची टेंडर प्रक्रिया (tender process) लवकरच सुरु करण्यात येणार आहे. अशी माहिती उपायुक्त माधव जगताप (Deputy commissioner Madhav jagtap) यांनी दिली.

– 84 लाखाचा खर्च

हडपसर येथील ओटा मार्केटला दि.२१/२/२०२३ रोजी शॉर्टसर्किटमुळे आग लागून मार्केटचे व व्यवसायिकांचे मोठ्या प्रमाणात नुकसान झाले आहे. 90 दुकाने यामध्ये जळाली होती. सद्यस्थितीमध्ये मार्कट बंद आहे. त्याभागातील नागरिकांचे गैरसोय होत असल्याने तेथील स्थानिक आमदार चेतन तुपे व माजी सभासद  नाना भानगिरे यांनी उपरोक्त ठिकाणी भेट देऊन ओटा मार्केटचे कामकाज प्रशासनामार्फत त्वरित करणेबाबत सुचविले होते. त्यानुसार अतिक्रमण विभागाकडून याबाबतचा प्रस्ताव तयार करण्यात आला होता. (PMC Pune)
या कामासाठी 84 लाख 30 हजाराचा खर्च अपेक्षित आहे. सुरुवातीला हे काम महानगरपालिका अधिनियमातील कलम ६७ (३)(क)नुसार करून घेण्याबाबत वित्तीय समिती समोर प्रस्ताव ठेवण्यात आला होता. मात्र आयुक्त आणि अतिरिक्त आयुक्तांनी हे काम शॉर्ट टेंडर प्रक्रिया करून घेण्याचे आदेश खात्याला दिले. दरम्यान मार्च एन्ड ला हे काम खात्याकडून होऊ शकले नाही. तसेच नवीन बजेट मध्ये यासाठी खात्याला निधीची तरतूद करण्यात आलेली नाही. त्यामुळे भवन रचना विभागाकडील निधीचे लॉकिंग करून लवकरच टेंडर प्रक्रिया सुरु करणार असल्याचे माधव जगताप यांनी सांगितले. यामुळे येथील गाळेधारक आणि नागरिकाना दिलासा मिळणार आहे. (Pune Municipal Corporation)

MLA Chetan Tupe | पुणे मनपा तील भ्रष्टाचाऱ्यांवर कडक कारवाई कधी? | आमदार चेतन तुपे यांनी सरकारला धरले धारेवर

Categories
Breaking News PMC Political पुणे

पुणे मनपा तील भ्रष्टाचाऱ्यांवर कडक कारवाई कधी?

| आमदार चेतन  तुपे यांनी  सरकारला धरले धारेवर

हडपसर विधानसभा मतदारसंघाचे (Hadapsar constituency) आमदार चेतन विठ्ठल तुपे पाटील (MLA Chetan Tupe) यांनी विधानसभेत (Vidhansabha) बोलताना पुणे मनपा(PMC Pune) मधील मागील पाच वर्षातील भ्रष्टाचाराचा (corruption) मुद्दा ऐरणीवर आणला. यात एकेकाळी पुण्यातील सत्ताधारी भाजपच्या भ्रष्टाचारावर कडाडून टीका करणारे मंत्री उदय सामंत यांना आता या भ्रष्टाचाऱ्यांना शासन करणार का अशी थेट विचारणा केली.
सभागृहात मुंबई मनपा बाबत बरीच चर्चा आहे. २५ वर्षांपासून एकदिलाने सत्ता करणारे आज एकमेकांच्या विरोधात उभे ठाकले आहे. मुंबईतला भ्रष्टाचार सगळ्यांना दिसतो आहे पण पुणे मनपा मधल्या भ्रष्टाचाराच्या विरुद्ध कारवाई करण्याची, त्याविरुद्ध बोलण्याची हिंमत हे शिंदे फडणवीस सरकार करणार का? अशी स्पष्ट भूमिका त्यांनी घेतली.
२०१७ ते २०२२ पर्यंत पुणे मनपा मध्ये जो भ्रष्टाचार झाला त्यावर कारवाई हे सरकार करणार का? आत्ताच्या सरकारमध्ये मंत्री असलेले  मा.उदय सामंत साहेब यांनी पुणे मनपा मध्ये मी विरोधी पक्षनेता असताना शिवसेना संपर्कप्रमुख म्हणून पुणे मनपा मध्ये येऊन सत्ताधारी भाजपच्या विरोधात पत्रकार परिषद घेतली होती. याचा मी साक्षीदार आहे असे आ.तुपे यांनी सांगितले.
ज्या तडफेने मंत्री महोदयांनी पुणे मनपा मधल्या भ्रष्टाचारावर कडाडून टीका केली, ताशेरे ओढले तेच लक्षात ठेवून आज ते भ्रष्टाचारी व्यक्तींविरोधात कारवाई करणार का, चौकशी करणार का असा प्रश्न आपल्याला पडत असल्याचे सांगून ज्यांनी जनतेचा पैसा लुटला, पुणे मनपाची तिजोरी लुटली त्यांच्यावर राज्य सरकार कारवाई करणार का? भ्रष्टाचाऱ्यांची गय केली जाणार नाही असे शिंदे फडणवीस सरकारने सांगितले आहे तोच न्याय पुणे मनपाला लावणार का? हा थेट सवाल केला.

MLA Chetan Tupe | रिक्षा चालकांवरील गुन्हे तातडीने मागे घ्या | आमदार चेतन विठ्ठल तुपे यांची विधानसभेत आग्रही भूमिका

Categories
Breaking News social महाराष्ट्र

रिक्षा चालकांवरील गुन्हे तातडीने मागे घ्या

| आमदार चेतन विठ्ठल तुपे यांची विधानसभेत आग्रही भूमिका

हडपसर चे दमदार आमदार चेतन विठ्ठल तुपे पाटील यांनी रिक्षा चालकांवर आंदोलनामुळे दाखल असलेले गुन्हे तातडीने मागे घेण्यात यावेत अशी आग्रही भूमिका घेतली आहे.

रिक्षा चालकांसाठी कल्याणकारी मंडळ स्थापन करणार अशी घोषणा सरकारने केली. ही चांगली बाब आहे पण काही दिवसांपूर्वी पुण्यातील रिक्षाचालकांनी बाईक टॅक्सी विरोधात आंदोलन केले होते. ते गुन्हे आधी मागे घ्यावेत अशी मागणी त्यांनी विधानसभेत केली. कल्याणकारी मंडळ स्थापन करतांना आत्ता रिक्षा चालकांची त्यांच्या कुटुंबीयांची जी स्थिती आहे ती सुधारण्यासाठी प्रयत्न करण्याची गरज असल्याचे तुपे यांनी म्हटले आहे.

NCP Vs BJP | मुरलीधर मोहोळ यांचा आरोप म्हणजे स्वत:च्या पक्षाचे अपयश झाकण्याचा केविलवाणा प्रयत्न | आमदार सुनिल टिंगरे आणि चेतन तुपे

Categories
Breaking News PMC Political पुणे महाराष्ट्र

मुरलीधर मोहोळ यांचा आरोप म्हणजे स्वत:च्या पक्षाचे अपयश झाकण्याचा केविलवाणा प्रयत्न | आमदार सुनिल टिंगरे आणि चेतन तुपे

| भाजपच्या टिकेला राष्ट्रवादीकडून प्रत्युत्तर

पुणे | मिळकतकरातील 40 टक्के सवलत पुन्हा लागू करावी यासाठी महाविकास आघाडीच्या आमदारांनी एकत्र येऊन विधी मंडळाचे काम सुरू होतानाच आंदोलन केले. मात्र याला भाजप नेते मुरलीधर मोहोळ यांनी नौटंकी असे संबोधले होते. या टीकेला राष्ट्रवादी आमदार सुनिल टिंगरे आणि चेतन तुपे यांनी प्रत्युत्तर दिले आहे.
आमदार सुनिल टिंगरे आणि चेतन तुपे म्हणाले, मिळकतकरातील 40 टक्के सवलत पुन्हा लागू करावी यासाठी महाविकास आघाडीच्या आमदारांनी एकत्र येऊन विधी मंडळाचे काम सुरू होतानाच आंदोलन केले. मात्र, कसबा निवडणूकीतील पराभवाच्या कारणांचा अहवाल देण्यासाठी आलेल्या माजी महापौर मुरलीधर मोहोळ यांना या राष्ट्रवादीच्या आमदारांनी केलेल्या आंदोलनाची माहिती समजल्यानंतर लगेचच मुख्यमंत्री आणि उपमुख्यमंत्रीच्या भेटीचा देखावा करून सवलतीची मागणी केली. मुळातच आमचे आंदोलन नियोजित होते, म्हणूनच या आंदोलनाचे फलकही आधीच तयार केले होते. त्यामुळे त्यांच्या भेटीनंतर आघाडीच्या आमदारांना जाग आली हा मोहोळ यांचा आरोप हास्यास्पद तर आहेच पण स्वत:च्या पक्षाचे अपयश झाकण्याचा केविलवाणा प्रयत्नही आहे. पुणेकरांना ही सवलत पुन्हा लागू व्हावी हीच आमची प्रामाणिक भुमिका असून त्यासाठी आम्ही आवाज उठविणारच.

| काय म्हणाले होते मुरलीधर मोहोळ?

आम्ही मुख्यमंत्री आणि उपमुख्यमंत्र्यांची भेट घेतल्यावर पुण्यातील महाविकास आघाडीच्या आमदारांना जाग आली आणि त्यांनी घाईघाईने विधिमंडळाच्या पायऱ्यांवर आंदोलनाची नौटंकी केली. स्वतःची निष्क्रियता छाकण्यासाठी केलेल्या आंदोलनाच्या नौटंकीला पुणेकर भुलणार नाहीत, अशा शब्दात मोहोळ यांनी टीका केली होती.

Contract Employees | PMC pune | पुणे मनपातील कंत्राटी कामगारांचा मुद्दा विधानसभेत

Categories
Breaking News PMC Political पुणे महाराष्ट्र

पुणे मनपातील कंत्राटी कामगारांचा मुद्दा विधानसभेत

| कामगारांच्या भवितव्यावरून आ. चेतन विठ्ठल तुपे यांनी मुख्यमंत्र्यांना थेट केला सवाल

विधिमंडळात पुरवणी मागणी चर्चेत सहभाग घेतांना हडपसरचे दमदार आमदार चेतन विठ्ठल तुपे पाटील (MLA chetan tupe) यांनी पुणे महानगरपालिकेतील (PMC pune) कंत्राटी कामगारांचा (contract employees) मुद्दा उपस्थित केला. पुणे मनपाने मागील १५ वर्षांपासून सेवेत असणाऱ्या २०० सुरक्षारक्षकांना (security guards) अचानक कामावरून कमी केले आहे. यासाठी दिलेले कारणही न पटण्याजोगे आहे. ५८ किंवा ६० वर्षे निवृत्तीचे वय असताना ४५ वर्षे वयाची अट दाखवत या कामगारांना कामावरून कमी केले आहे. यावर त्यांनी विधानसभेत सवाल उपस्थित केला. (Vidhansabha)
अत्यंत तुटपुंज्या पगारावर हे कंत्राटी कामगार काम करत असून यात अनेक महिला भगिनींचा समावेश आहे. यातील अनेकजणी विधवा, परितक्त्या असून नोकरी गेल्याने त्यांच्यासमोर उपजीविकेचा प्रश्न निर्माण झाला आहे. पुणे महानरपालिकेत हे घडते आहे हे अत्यंत दुर्दैवी आहे. महिलांचा सन्मान करण्याची, त्यांना हक्क मिळवून देण्याची वक्तव्ये सत्ताधाऱ्यांकडून फक्त तोंडदेखली केली जातात का अशी खोचक टीकाही त्यांनी केली.  याबाबत काय कार्यवाही करण्यात येईल हे मा.मुख्यमंत्री महोदयांनी अवगत करावे अशी मागणी आमदार चेतन विठ्ठल तुपे यांनी केली आहे.

Hadapsar | Animal Hospital | हडपसर मधील नियोजित प्राणी हॉस्पिटलच्या विरोधात राष्ट्रवादीचे आंदोलन | हॉस्पिटल हलवण्याची मागणी

Categories
Breaking News PMC Political पुणे

हडपसर मधील नियोजित प्राणी हॉस्पिटलच्या विरोधात राष्ट्रवादीचे आंदोलन

| हॉस्पिटल हलवण्याची मागणी

हडपसर मतदारसंघातील रामटेकडी येथे कचरा डेपो शेजारीच पुणे महानगरपालिका मोकाट कुत्र्यांच्या उपचारासाठी हॉस्पिटल बांधत आहे. अगदी कचरा डेपो शेजारी होत असलेल्या या हॉस्पिटलमुळे प्राणीमित्रांच्या आरोग्याचा प्रश्न सुटण्याऐवजी वाढणार आहे. या विरोधात राष्ट्रवादी काँग्रेस पार्टीच्या वतीने पुणे महानगरपालिकेच्या प्रवेशद्वारावर आंदोलन करण्यात आले. तसेच सदर हॉस्पिटल योग्य ठिकाणी हलविण्याची मागणी करण्यात आली.

याबाबत शहर अध्यक्ष प्रशांत जगताप यांनी सांगितले कि, पुणे शहरात पाळीव प्राण्यांची संख्या मोठी आहे. त्यात प्रामुख्याने कुत्र्यांची संख्या सर्वाधिक आहे. या कुत्र्यांची गणना व्हावी. त्यांना आरोग्य व व्हॅक्सिनेशनच्या सर्व सुविधा मिळाव्यात, अशी मागणी या आंदोलनादरम्यान करण्यात आली. हडपसर रामटेकडी येथे होणारे हॉस्पिटल कचरा डेपो शेजारीच असल्याने येथे उपचारासाठी येणाऱ्या प्राण्यांना विविध प्रकारच्या विषाणूंची लागण होण्याची शक्यता आहे. ही शक्यता पाहता सदर जागेत प्राण्यांचे हॉस्पिटल होणे हे अतिशय धोकादायक ठरू शकते. हडपसर परिसरात सातत्याने अश्या प्रकारचे प्रकल्प येत असल्याने पुढील काळात हडपसर परिसरातील नागरिकांना त्यांच्या विकास कामांसाठी जागाच शिल्लक राहणार नसल्याचा धोका आहे.

शहरातील इतर भागात स्वच्छ ठिकाणी सदर हॉस्पिटल हलवण्यासाठी राष्ट्रवादी काँग्रेस पार्टी प्रयत्नशील आहे. तश्या आशयाचे निवेदन आयुक्तना देण्यात आले असून याबाबत तातडीने पुनर्विचार करणार असल्याचे आयुक्तांनी यावेळी सांगितले.

या आंदोलनासाठी शहराध्यक्ष प्रशांत जगताप, आमदार श्री.चेतन तुपे ,माजी महापौर वैशालीताई बनकर , माजी नगरसेवक योगेश ससाणे,अशोक कांबळे,गफुर पठाण,प्रदीप देशमुख,मृणालिनी वाणी,रुपाली पाटील,डॉ. शंतनु जगदाळे,दिपक कामठे, आदींसह मोठ्या संख्येने पदाधिकारी उपस्थित होते.

Property Tax | पुणे महानगरपालिकेत समाविष्ट करण्यात आलेल्या ११ गावांना चुकीच्या पद्धतीने कर आकारणी 

Categories
Breaking News PMC Political पुणे महाराष्ट्र

पुणे महानगरपालिकेत समाविष्ट करण्यात आलेल्या ११ गावांना चुकीच्या पद्धतीने कर आकारणी

| मा. नगरविकास राज्यमंत्री प्राजक्त तनपुरे

मुंबई | २०१७ साली पुणे महानगरपालिकेमध्ये ११ गावांचा नव्याने समावेश करण्यात आला. त्यांना मिळकत कर हा चुकीच्या पद्धतीने लावण्याची बाब निदर्शनास आली.

“महाराष्ट्र महानगरपालिका अधिनियम १९४९ कलम १२९ अ” अन्वये ग्रामपंचायतीमधून महानगरपालिकेत समाविष्ट झालेल्या गावांना कशा पद्धतीने कर आकारणी केली पाहिजे याबाबत अत्यंत सुस्पष्टता आहे.

ज्या आर्थिक वर्षात ही गावे महानगरपालिकेत समाविष्ट झालेली असतील ते वर्ष सोडून पुढच्या आर्थिक वर्षाच्या ३१ मार्च पर्यंत ग्रामपंचायतीच्या नियमाप्रमाणे (जुन्या दराने) मिळकत कर वसूल व्हायला पाहिजे होता. परंतू पुणे महानगरपालिकेने ते आर्थिक वर्ष संपल्यावर पुढच्या आर्थिक वर्षाची वाट न पाहता बदललेल्या दराने मिळकत कराची वसूली चालू केली. बदलेल्या दराची वसूली करतांना पहिल्या वर्षी महानगपालिकेच्या दराच्या २० टक्के, दुसऱ्या वर्षी ४० टक्के असे करत करत शेवटी पुर्ण महानगरपालिकेच्या दराने वसूली करणे अभिप्रेत असते.

परंतू पुणे महानगरपालिकेने अधिनियमांच्या तरतूदीशी विसंगत प्रक्रीया करुन दुसऱ्या वर्षीच महापालिकेच्या दरात २० टक्क कर आकारणी केल्याचे दिसून आले. ही बाब राष्ट्रवादी कॉंग्रेसचे आमदार श्री. चेतन तुपे, श्री. सुनिल टिंगरे यांनी निदर्शनास आणून दिले असे मा. नगरविकास राज्यमंत्री प्राजक्त तनपुरे यांनी नमूद केले.

मा. नगरविकास राज्यमंत्री यांच्या दालनात पुणे महानगरपालिकेचे अधिकारी व नगरविकास विभागाचे अधिकारी यांच्या उपस्थितीत बैठक घेण्यात आली होती. या बैठकीत सर्व मुद्यांवर सारासार विचार करुन मा. राज्यमंत्री श्री. तनपुरे यांनी पुणे महानगरपालिकेस संबंधित कराची पुनर्रचना करण्यासंदर्भात उचित कार्यवाही करण्याच्या सूचना दिल्या. त्यानुसार बैठकीचे इतिवृत्त देखील तयार करण्यात आले आहे.

हा निर्णय लागू झाल्यास या ११ गावातील सुमारे १ लाख ५० हजार मिळकत धारकांना मोठा दिलासा मिळण्याची शक्यता आहे असे मत श्री. तनपुरे यांनी व्यक्त केले.

PMC Garbage Project : पुणे शहरातील कचऱ्याची विल्हेवाट लावण्यासाठी पर्यावरणमंत्री-नगरविकासमंत्री बैठक घेणार

Categories
Breaking News PMC Political पुणे महाराष्ट्र

पुणे शहरातील कचऱ्याची विल्हेवाट लावण्यासाठी पर्यावरणमंत्री-नगरविकासमंत्री बैठक घेणार

– राज्यमंत्री संजय बनसोडे यांची माहिती

मुंबई :  पुणे शहरातील कचऱ्याची शास्त्रोक्त पद्धतीने विल्हेवाट लावून पर्यावरणाची हानी रोखण्यासाठी कायमस्वरुपी प्रभावी उपाययोजना राबविण्यासाठी पर्यावरणमंत्री आणि नगरविकासमंत्र्यांच्या उपस्थितीत बैठक घेऊन निर्णय घेण्यात येईल, असे पर्यावरण व वातावरणीय बदल राज्यमंत्री संजय बनसोडे यांनी विधानसभेत सांगितले.

विधानसभा सदस्य चेतन तुपे यांनी विचारलेल्या लक्षवेधी सूचनेला उत्तर देताना राज्यमंत्री  बनसोडे म्हणाले की, पुण्याची लोकसंख्या ४५ ते ५० लाख असून महापालिका हद्दीतून दररोज सुमारे २१०० ते २२०० मेट्रिक टन घनकचऱ्याची निर्मिती होते यातील ११०० ते १२०० मेट्रिक टन हा सुका कचरा असून ९०० मेट्रिक टन ओला कचरा आहे. यातील १२०० मेट्रिक टन सुक्या कचऱ्यावर आणि ५९६ मेट्रिक टन ओल्या कचऱ्यावर प्रक्रिया करण्यासाठी एकूण १४७५ मे.टन प्रतिदिन क्षमतेचे प्रक्रिया प्रकल्प कार्यरत असून सद्यस्थितीत ३०० मेट्रिक टन ओल्या कचऱ्यावर कोणतीही प्रक्रिया केली जात नाही याबद्दल महाराष्ट्र प्रदूषण नियंत्रण मंडळातर्फे एप्रिल ते नोव्हेंबर २०२० या कालावधीत पर्यावरण दंड म्हणून ८० लक्ष रुपये आणि दरमहा १० लक्ष रुपये जमा करण्याचे निर्देश महापालिकेला दिले असल्याचेही राज्यमंत्री  बनसोडे यांनी सांगितले.

“माझ्या हडपसरवासियांनी त्यांचे प्रश्न सोडवण्यासाठी मला इथे पाठवले आहे, हक्काचा आमदार म्हणून पाठवले आहे, न बोलणारे बुजगावणे म्हणून नाही.माझ्या मतदार नागरिकांचे अनेक वर्ष प्रलंबित असलेले प्रश्न कधी सोडवणार ? असा खणखणीत प्रश्न विधानसभेमध्ये *कचरा प्रश्नाच्या लक्षवेधी सूचनेवरील चर्चेच्या वेळी मी उपस्थित केला. कचरा प्रकल्पातील गोलमाल, भ्रष्टाचार यांची पोलखोल मी विधानसभेत केली. “ठेकेदार हिताय”हे पुणे महानगरपालिकेचे ब्रीदवाक्य झाले आहे काय ? पुणे मनपा ही ठेकेदारांचे हीत जपणारी संस्था झाली आहे काय? असा थेट प्रश्न मी आज विधानसभेत उपस्थित केला. माझ्या हडपसर मतदार संघातील नागरिकांची कचरा कोंडीतून सुटका कधी करणार ?

चेतन तुपे, आमदार