Integrated Tribal Development Project Kalvan | कळवण प्रकल्प स्तरीय क्रीडा स्पर्धांचे कविता राऊत यांच्या उपस्थितीत उद्घाटन

Categories
Breaking News social Sport महाराष्ट्र

Integrated Tribal Development Project Kalvan | कळवण प्रकल्प स्तरीय क्रीडा स्पर्धांचे कविता राऊत यांच्या उपस्थितीत उद्घाटन

Integrated Tribal Development Project Kalvan | एकात्मिक आदिवासी विकास प्रकल्प कळवण जिल्हा (Integrated Tribal Development Project Kalvan) वार्षिक आदिवासी उपयोजना अंतर्गत प्रकल्प स्तरीय आश्रमीय क्रीडा स्पर्धांचे आयोजन शासकीय माध्यमिक आश्रमशाळा हरणबारी ता. बागलाण येथे करण्यात आले आहे. या तीन दिवसीय प्रकल्प स्तरीय क्रीडा स्पर्धांचा उद्घाटन सोहळा आज हरणबारी येथे पार पडला. उद्घाटन समारंभात अर्जुन पुरस्कार प्राप्तऑलिंपियन धावपटू कविता राऊत (Kavita Raut) यांना प्रमुख पाहुणे म्हणून निमंत्रित करण्यात आले होते तर कार्यक्रमाच्या अध्यक्षस्थानी मा. विशाल नरवाडे (भा.प्र.से) सहाय्यक जिल्हाधिकारी तथा प्रकल्प अधिकारी कळवण हे होते. (Integrated Tribal Development Project Kalvan)

कार्यक्रमाच्या सुरुवातीला उपस्थित मान्यवरांचे ढोल ताशांच्या गजरात तसेच पारंपरिक आदिवासी नृत्याने स्वागत करण्यात आले. यावेळी प्रमुख पाहुण्यांची बैलगाडीतून मिरवणूकही काढण्यात त्यांच्या शुभ हस्ते भगवानवीर बिरसा मुंडा क्रीडा नगरी नाम फलकाचे अनावरण करण्यात आले. उद्घाटन कार्यक्रमात समाविष्ट संघ आणि तालुका निहाय ध्वजासह संचलन केले यानंतर क्रीडा स्पर्धांची मशाल प्रज्वलित करून कार्यक्रमाचे अध्यक्ष आणि प्रमुख पाहुणे यांच्या हस्ते ती स्थापित करण्यात आली. उद्घाटन समारंभाचे प्रास्ताविक सहाय्यक प्रकल्प अधिकारी डॉ. बन्सीलाल पाटील कळवण यांनी केले. सहाय्यक प्रकल्प अधिकारी मच्छिंद्र जाधव यांनी प्रमुख अतिथी कविता राऊत यांच्या आंतरराष्ट्रीय कारकिर्दीची माहिती दिली.

या स्पर्धेमध्ये चार तालुक्यांचा समावेश केलेला असून यात कळवण सुरगाणा सटाणा देवळा अशा एकूण 79 शाळांचे विद्यार्थी सहभागी झालेले आहेत या स्पर्धेमध्ये 1286 खेळाडूंनी सहभाग नोंदवलेला आहे. या स्पर्धांमध्ये कबड्डी, खो-खो, हॉलीबॉल, हँडबॉल, 4 x 100, 4 x 400  या संगीत खेळाचा तर शंभर मीटर, दोनशे मीटर, चारशे मीटर, सहाशे मीटर, आठशे मीटर, पंधराशे मीटर,  तीन हजार मीटर, पाच हजार मीटर धावणे तसेच उंच उडी, लांब उडी, गोळा फेक, भाला फेक या खेळाचा सहभाग यात घेतला आहे. या स्पर्धेसाठी सर्व खेळाडू विद्यार्थ्यांना खेळाचे संपूर्ण किट वाटप करण्यात आले. प्रकल्प स्तरीय क्रीडा स्पर्धेत सहभागी खेळाडूंना प्रोत्साहन देण्यासाठी  केंद्रीय आरोग्य व कुटुंब कल्याण राज्यमंत्री मा. डॉ.भारती प्रविण पवार, कळवण सुरगाणा विधानसभा सदस्य मा. नितीन अर्जुन (ए.टी)पवार व बागलाण विधानसभा सदस्य मा..दिलीप मंगळू बोरसे यांचा शुभेच्छा संदेश देण्यात आला.

यावेळी प्रकल्प स्तरीय क्रीडा स्पर्धेचे मुख्य आकर्षण केंद्रबिंदू असलेल्या अर्जुन पुरस्कार प्राप्त ओलंपियान धावपटू सावरपाडा एक्स्प्रेस कविता राऊत यांनी उपस्थित खेळाडूंना मार्गदर्शन केले, विद्यार्थ्यांना खेळामध्ये खूप संधी उपलब्ध असून या संधीचा विद्यार्थ्यांनी फायदा घेण्याचे आवाहन त्यांनी केले.अध्यक्षीय भाषणात विशाल नरवाडे भा.प्र.से  यांनी प्रकल्पातील खेळाडूंसाठी 400 मीटर ट्रॅक,कबड्डी व खोखो खेळांसाठी स्वतंत्र क्रीडा प्रबोधिनी स्थापन करण्यासाठी शासन स्तरावर तसेच प्रशासकीय दृष्ट्या गती देऊन प्रयत्न करणार असल्याचे सांगितले. आश्रमशाळेत शिक्षण घेणाऱ्या विद्यार्थ्यांनी क्रीडा क्षेत्रात उत्तुंग भरारी घ्यावी, क्रीडाक्षेत्रात विद्यार्थ्यांना कोणतीही अडचण आल्यास प्रत्येक अडचण सोडवण्यासाठी मी उपलब्ध असेल असे आश्वासन दिले.

उदघाटन समारंभासाठी कार्यालयाचे सहाय्यक प्रकल्प अधिकारी  डॉ.बी. एम. पाटील,नवनाथ जानकर, लेखा अधिकारी एस बी चौधरी ,भगवान निकम,मच्छिंद्र जाधव सहाय्यक लेखा अधिकारी ए एम भडांगे तसेच शिक्षण विस्ताराधिकारी आर.आर. तोरणे,एस.सी. पवार, आर.एस.साबळे, एस व्ही पाटील, एस एस चौधरी तसेच प्रकल्प क्रीडा कमिटीचे अध्यक्ष बाळासाहेब देवरे, उपाध्यक्ष कैलास वाकचौरे, मुख्याध्यापिका वैशाली चव्हाण, विषय मित्र विजय नेटके व रामसिंग राजपूत,इतर सर्व शाळांचे मुख्याध्यापक व क्रीडा शिक्षक उपस्थित होते. कार्यक्रमाचे सूत्रसंचालन प्रशांत कोकरे व  प्रीती पगार यांनी केले तर आभार प्रदर्शन शाळेचे मुख्याध्यापक  विकास देवरे यांनी केले..

—-

खेळ आणि आदिवासीं विद्यार्थ्यांचे अतूट नाते आहे. राष्ट्रीयच नाही तर आंतरराष्ट्रीय पातळीवरही आदिवासी विकास विभागाच्या आश्रम शाळेतील कविता, दिलीप गावित ,दिलीप खांडवी, हेमलता गायकवाड,चंदू चावरे यासारखे खेळाडूंची नावे चमकत आहेत. आश्रम शाळेतील विद्यार्थ्यांचा क्रीडा कौशल्यांना प्रोत्साहन देण्यासाठी कळवण प्रकल्पातखो खो खेळासाठी स्वतंत्र क्रीडा प्रबोधिनी सुरू करण्याचा प्रस्ताव तसेच धावण्याच्या सरावासाठी सिंथेटिक ट्रॅक निर्माण करणार आहे.

विशाल नरवाडे भा.प्र.से., सहाय्यक जिल्हाधिकारी तथा प्रकल्प अधिकारी कळवण

———

 

 

Pune-Nashik Railway | पुणे-नाशिक रेल्वेमार्ग हा मेट्रो कायद्यानुसार करण्याबाबतचा प्रस्ताव मंत्रिमंडळासमोर आणावा | उपमुख्यमंत्री अजित पवार

Categories
Breaking News Political social महाराष्ट्र

Pune-Nashik Railway |  पुणे-नाशिक रेल्वेमार्ग हा मेट्रो कायद्यानुसार करण्याबाबतचा प्रस्ताव मंत्रिमंडळासमोर आणावा | उपमुख्यमंत्री अजित पवार

 Pune-Nashik Railway | पुणे, नाशिक आणि अहमदनगर जिल्ह्यांच्या विकासासाठी महत्त्वाचा असणारा पुणे-नाशिक रेल्वेमार्ग पूर्ण करण्याची अनेक वर्षांपासूनची मागणी आहे. हा प्रकल्प प्राधान्याने पूर्ण करण्यासाठी त्यातील अडचणी दूर कराव्यात. या अनुषंगाने पुणे-नाशिक रेल्वेमार्ग हा मेट्रो कायद्यानुसार पूर्ण करण्याबाबतचा प्रस्ताव परिवहन विभागाने मंत्रिमंडळासमोर आणावा, असे निर्देश उपमुख्यमंत्री अजित पवार (DCM Ajit Pawar) यांनी यासंदर्भातील बैठकीत दिले. (Pune-Nashik Railway)
            उपमुख्यमंत्री श्री. पवार यांनी पुणे-नाशिक ग्रीनफिल्ड ब्रॉडगेज हायस्पीड रेल्वेमार्गासंदर्भात आज मंत्रालयात बैठक घेतली. या बैठकीस आमदार अतुल बेनके, मुख्य सचिव मनोज सौनिक, वित्त विभागाचे अपर मुख्य सचिव नितीन करीर, परिवहन विभागाचे प्रधान सचिव पराग जैन, नियोजन विभागाचे प्रधान सचिव सौरभ विजय, व्यवस्थापकीय संचालक (महारेल) राजेशकुमार जैसवाल तसेच इतर वरिष्ठ अधिकारी उपस्थित होते.
            उपमुख्यमंत्री श्री. पवार म्हणाले की, पुणे-नाशिक रेल्वेमार्ग करण्याबाबत गेल्या २५ वर्षांपासूनची मागणी आहे. मात्र, विविध कारणांमुळे हा मार्ग तयार करण्याचे काम रेल्वेला शक्य झाले नाही. त्यामुळे हा मार्ग मेट्रो कायद्यानुसार ‘महारेल’च्या माध्यमातून पूर्ण करण्याबाबतचा प्रस्ताव मंत्रिमंडळासमोर ठेवण्याचे त्यांनी निर्देश दिले.
००००

Integrated Tribal Development Project, Kalawan | विद्यार्थ्यांनी आत्मविश्वासाने परीक्षेला सामोरे जावे | विशाल नरवाडे 

Categories
Breaking News Education महाराष्ट्र

विद्यार्थ्यांनी आत्मविश्वासाने परीक्षेला सामोरे जावे | विशाल नरवाडे

| मिशन नवोदय सराव शिबिराचा विशाल नरवाडे यांचे हस्ते समारोप

एकात्मिक आदिवासी विकास प्रकल्प, कळवण (Integrated Tribal Development Project, Kalawan) अंतर्गत कनाशी व चणकापूर येथे जवाहर नवोदय प्रवेश परीक्षा 2023( Jawahar Navodaya Entrance Exam) करिता निवासी सराव शिबिराचे आयोजन करण्यात आले होते. सराव शिबिराच्या समारोप प्रसंगी विद्यार्थ्यांना मार्गदर्शन करताना विद्यार्थ्यांनी आत्मविश्वासाने परीक्षेला सामोरे जावे असे मत  सहाय्यक जिल्हाधिकारी तथा प्रकल्प अधिकारी विशाल नरवाडे (Assistant Collector and Project Officer Vishal Narwade IAS) यांनी व्यक्त केले.

मी जवाहर नवोदय विद्यालयाचा विद्यार्थी असून जवाहर नवोदय विद्यालयात प्रवेश मिळाल्यास विद्यार्थ्याच्या आयुष्याचे सोने होईल. मागील एक महिन्यापासून विद्यार्थ्यांची उत्कृष्ट तयारी सुरू असून मार्गदर्शक शिक्षकांनी अतिशय मेहनत घेऊन विद्यार्थ्यांना मार्गदर्शन केले आहे, याबद्दल विशाल नरवाडे यांनी समाधान व्यक्त केले. तसेच जवाहर नवोदय परीक्षेकरिता सर्व विद्यार्थ्यांना शुभेच्छा दिल्या. कळवण प्रकल्पातील जवाहर नवोदय प्रवेश परीक्षेसाठी राबविलेला हा पहिलाच उपक्रम असून जवाहर नवोदय पात्रता परीक्षा 2023 करिता जास्तीत जास्त विद्यार्थ्यांची निवड होईल अशी अपेक्षा श्री. विशाल नरवाडे (IAS) यांनी व्यक्त केली.

कळवण प्रकल्पांतर्गत चाळणी परीक्षेतून निवड झालेल्या मुलींचे निवासी सराव शिबिर कनाशी ता. कळवण येथे व मुलांचे निवासी शिबिर चणकापूर ता. कळवण येथे दिनांक 27 मार्च 2023 ते 27 एप्रिल २०२३ या कालावधीत आयोजित करण्यात आले होते. सदर शिबिराचे वेळापत्रक प्रकल्प कार्यालयाकडून निश्चित करण्यात आले होते. सकाळी योगा, जादा तास, सराव प्रश्नपत्रिका सोडविणे, मार्गदर्शन, शंका निरसन, खेळ, सुट्टीच्या दिवशी जादा तास असा दिनक्रम होता. निवासी शिबिर कालावधीमध्ये विद्यार्थ्यांकडून मार्गदर्शनाबरोबर 15 सराव प्रश्नपत्रिका सोडवून घेण्यात आल्या आहेत. सर्व विद्यार्थ्यांना सराव पुस्तिका, प्रश्नपत्रिका संच, इतर स्टेशनरी प्रकल्प कार्यालयाकडून पुरविण्यात आली होती. या सराव शिबिरादरम्यान विद्यार्थ्यांच्या आहाराची विशेष काळजी घेण्यात आली होती.

सराव शिबिर समारोप कार्यक्रमात कु. किरण गायकवाड, कु. भूषण गायकवाड, कु. हितेश पाडवी, कु. सिमा महाले, कु. दुर्गा मुरे, कु. मयुरी चौरे आदि विद्यार्थ्यांनी मनोगत व्यक्त केले. विद्यार्थ्यांना मिळालेल्या सुविधा व मार्गदर्शन यामुळे विद्यार्थी भारावून गेले होते. मनोगत व्यक्त करताना विद्यार्थ्यांना अश्रू अनावर झाले होते. आमच्यासाठी जवाहर नवोदय उपक्रम राबविला याबद्दल प्रकल्पाधिकारी श्री. विशाल नरवाडे यांना विद्यार्थ्यांनी धन्यवाद दिले. या प्रसंगी विद्यार्थ्यांनी जवाहर नवोदय विद्यालय पाहण्याची इच्छा प्रकल्प अधिकारी यांच्याकडे व्यक्त केली, त्याच वेळी प्रकल्प अधिकारी यांनी विद्यार्थ्यांची मागणी तत्काळ मान्य करून जुलै महिन्यात सर्व विद्यार्थ्यांना जवाहर नवोदय विद्यालय दाखवण्यात येईल, असे आश्वासित केले.

याप्रसंगी मार्गदर्शक शिक्षक प्रशांत कोकरे,  सागर वानखेडे,  मनोहर भोये,  रविंद्र शिरसाठ,  बालाजी सूर्यवंशी आणि  सुवर्णा धाबळे यांनी मनोगत व्यक्त करून आम्हाला विद्यार्थ्यांना मार्गदर्शनाची संधी उपलब्ध करून दिल्याबद्दल आनंद व्यक्त केला. यापुढेही असेच उपक्रम राबवून नाविन्यपूर्ण काम करण्याची संधी मिळावी अशी अपेक्षा शिक्षकांनी व्यक्त केली. जवाहर नवोदय उपक्रम यशस्वी होण्याकरिता सहाय्यक जिल्हाधिकारी तथा प्रकल्प अधिकारी श्री. विशाल नरवाडे(IAS) यांच्या मार्गदर्शनाखाली सहा. प्रकल्प अधिकारी श्री. दिपक कालेकर, मुख्याध्यापक श्री. बालाजी भुजबळ श्री. केशव रौंदळ, विषय मित्र  विजय नेटके,  रामसिंग राजपूत यांनी उत्कृष्ट नियोजन केले.

तसेच मार्गदर्शक शिक्षक खुशाल गायकवाड, कविता बागुल, पुष्पा पाटील, रामदास चाटे, भारती आहेर, वर्षा खरात,  प्रकाश पवार,  उत्तम भोये,  विठ्ठल देशमुख, किशोर भिसे,  त्रिवेणी देवकाते,  सुनील ठाकरे,  प्रशांत देशमुख, श्री. नामदेव हाके, धनंजय खरे, भाऊसाहेब उघडे, नामदेव वाजे, बापू गर्जे,  जितेंद्र हाटकर, श्री.अशपाक पठाण आणि श्री. निलेश कासार यांनी विद्यार्थ्यांना नियमित मार्गदर्शन केले. समारोप कार्यक्रमाचे सूत्रसंचालन  रामेश्वरी रघुवंशी व  मनोहर भोये यांनी केले.

Development Of Students | विद्यार्थ्यांच्या सर्वांगीण विकासासाठी प्रयत्न करणार | सहाय्यक जिल्हाधिकारी तथा प्रकल्प अधिकारी विशाल नरवाडे यांचे प्रतिपादन

Categories
Breaking News cultural Education social महाराष्ट्र

विद्यार्थ्यांच्या सर्वांगीण विकासासाठी प्रयत्न करणार

| सहाय्यक जिल्हाधिकारी  तथा प्रकल्प अधिकारी विशाल नरवाडे यांचे प्रतिपादन

| दळवट येथे प्रकल्पस्तरीय विद्यार्थी गुणगौरव व पारितोषिक वितरण समारंभ संपन्न

नाशिक | विद्यार्थ्यांच्या सर्वांगीण विकासासाठी सर्वतोपरी प्रयत्न करणार असून प्रकल्पस्तरावर एकत्रीत वार्षिक नियोजन व घटक नियोजन करून सर्व आश्रमशाळांमध्ये सुनियोजीतपणे अध्यापनाचे कामकाज केले जाईल.  दर महिन्याला विद्यार्थ्यांची परीक्षा घेतली जाईल, त्यानुसार शिक्षकांचे मूल्यमापन करण्यात येईल. असे प्रतिपादन सहाय्यक जिल्हाधिकारी  तथा प्रकल्प अधिकारी विशाल नरवाडे यांनी केले.
एकात्मिक आदिवासी विकास प्रकल्प, कळवण ता. कळवण, जि. नाशिक अंतर्गत 40 शासकीय व 39 अनुदानित आश्रमशाळांतील शैक्षणिक वर्ष 2022-23 मध्ये वर्षभरात घेण्यात आलेल्या विविध उपक्रमांतर्गत प्रकल्पस्तरीय चित्रकला, भाषण, सामान्य ज्ञान व हस्ताक्षर स्पर्धेत यश मिळवलेल्या यशस्वी विद्यार्थी गुणगौरव व पारितोषिक वितरण समारंभ शासकीय माध्यमिक व उच्च माध्यमिक आश्रमशाळा, दळवट, ता. कळवण, जि. नाशिक येथे आयोजित करण्यात आला होता. सहाय्यक जिल्हाधिकारी तथा प्रकल्प अधिकारी श्री. विशाल नरवाडे (IAS) यांच्या शुभहस्ते चित्रकला, भाषण, सामान्य ज्ञान व हस्ताक्षर स्पर्धा अंतर्गत प्रकल्पस्तरावर विजयी झालेल्या विविध गटातील एकूण 74 विद्यार्थ्यांना सन्मानचिन्ह व प्रमाणपत्र देऊन गौरविण्यात आले.
या प्रसंगी सहाय्यक जिल्हाधिकारी तथा प्रकल्प अधिकारी  विशाल नरवाडे (IAS) यांनी विद्यार्थ्यांच्या सर्वांगीण विकासासाठी सर्वतोपरी प्रयत्न करणार असल्याचे मत व्यक्त केले. प्रकल्पस्तरावर एकत्रीत वार्षिक नियोजन व घटक नियोजन करून सर्व आश्रमशाळांमध्ये सुनियोजीतपणे अध्यापनाचे कामकाज केले जाईल, दर महिन्याला विद्यार्थ्यांची परीक्षा घेतली जाईल, त्यानुसार शिक्षकांचे मूल्यमापन करण्यात येईल. तसेच पुढील शैक्षणिक वर्षाच्या पहिल्या दिवसापासून शैक्षणिक कामकाजाचे नियोजन केले असून विविध उपक्रम राबवून विद्यार्थ्यांची गुणवत्ता वाढविण्यासाठी प्रयत्न केले जातील, असे मत व्यक्त केले.
गुणगौरव सोहळ्यास पालकांची उपस्थिती उल्लेखनिय होती. गुणगौरव व पारितोषिक मिळाल्यामुळे विद्यार्थी खूप आनंदी होते.  शासकीय व अनुदानित आश्रमशाळेतील उत्कृष्ट काम करणाऱ्या 5 शिक्षकांना सन्मानपत्र देऊन सन्मानित करण्यात आले. तसेच शैक्षणिक गुणवत्ता कक्ष(ERC) अंतर्गत राबविण्यात आलेल्या भूगोल दिन, मराठी भाषा गौरव दिन आणि राष्ट्रिय विज्ञान दिन उत्कृष्ट रितीने साजरा करणाऱ्या प्रकल्पातील 15 शाळांचा सन्मानपत्र देऊन गौरव करण्यात आला.
या कार्यक्रमानंतर प्रकल्पातील शासकीय व अनुदानित आश्रमशाळांच्या मुख्याध्यापकांची आढावा बैठक घेण्यात आली. या बैठकीत वार्षिक निकाल, वसतीगृह सोयीसुविधा , आरोग्य तपासणी, विद्यार्थी पटसंख्या, भविष्यवेधी शिक्षण, मिशन नवोदय, JEE, NEET, CET अभ्यासक्रम, बायोमेट्रिक कर्मचारी हजेरी, शैक्षणिक साहित्य निर्मीती, घटक नियोजन, उन्हाळी सुटीतील नियोजन, Tribal Sport School, जवाहर नवोदय प्रवेश परीक्षा, एकलव्य मॉडेल निवासी शाळा प्रवेश परीक्षा, शिष्यवृत्ती (इ. 5 व 8 वी), विद्यार्थी आधार नोंदणी, परसबाग, शाळा प्रवेशोत्सव आणि वृक्षारोपण या मुद्द्यांवर महत्वपुर्ण बैठक घेऊन पुढील शैक्षणिक वर्षाचे नियोजन करण्यात आले.
कार्यक्रमानिमित्त दळवट गावच्या सरपंच  राधाबाई पवार, सहाय्यक प्रकल्प अधिकारी सर्व  बी. एम. पाटील,    आर. आर. पाटील,   दिपक कालेकर, शाळा व्यवस्थापन समितीचे अध्यक्ष    यशवंत पवार, गावचे पोलिस पाटील   धनराज पवार, सर्व शिक्षणविस्तार अधिकारी, विषय मित्र, सर्व शासकीय व अनुदानित आश्रमशाळांचे मुख्याध्यापक उपस्थित होते. कार्यक्रमाचे प्रास्ताविक सहाय्यक प्रकल्प अधिकारी  दिपक कालेकर यांनी केले.   रमेश बोरसे व    अजित कांबळे यांनी कार्यक्रमाचे सुत्रसंचलन केले. कार्यक्रम यशस्वी होण्यासाठी प्राचार्य  योगेश जोशी, अधिक्षक अजित आपसिंगेकर , सर्व शिक्षक व शिक्षकेतर कर्मचारी यांनी यशस्वी नियोजन केले.

MLC Election | महाराष्ट्र विधान परिषदेच्या पदवीधर,शिक्षक मतदार संघ द्वैवार्षिक निवडणूकीचा कार्यक्रम जाहीर

Categories
Breaking News Political महाराष्ट्र

महाराष्ट्र विधान परिषदेच्या पदवीधर,शिक्षक मतदार संघ द्वैवार्षिक निवडणूकीचा कार्यक्रम जाहीर

भारत निवडणूक आयोगाने  महाराष्ट्र विधान परिषदेच्या दोन पदवीधर मतदारसंघ आणि तीन शिक्षक मतदारसंघ अशा एकूण पाच मतदार संघांसाठी द्वैवार्षिक निवडणूकीचा कार्यक्रम जाहीर केला आहे. नाशिक व अमरावती विभाग पदवीधर तसेच कोकण, औरंगाबाद आणि नागपूर विभाग शिक्षक मतदार संघासाठी 30 जानेवारी 2023 रोजी निवडणुक होणार आहे. आजपासून या निवडणूकीची आचारसंहिता संबंधित पदवीधर आणि शिक्षक मतदार संघात लागू करण्यात आली आहे.

निवडणूक कार्यक्रम पुढीलप्रमाणे :

गुरुवार दि. 5 जानेवारी 2023 रोजी या निवडणूकीची अधिसूचना जारी करण्यात येईल. गुरुवार दि. 12 जानेवारी 2023 ही नामनिर्देशन पत्र दाखल करण्याची शेवटची तारीख असेल. शुक्रवार दि. 13 जानेवारी 2023 रोजी नामनिर्देशन पत्रांची छाननी होईल्, सोमवार दि. 16 जानेवारी 2023 ही नामनिर्देशन पत्र मागे घेण्याची अतिम तारीख असेल. सोमवार दि. 30 जानेवारी 2023 रोजी सकाळी 08:00 ते दुपारी 04:00 वाजेपर्यंत मतदान होणार असून गुरुवार दि. 2 फेब्रुवारी 2023 रोजी मतमोजणी होईल.

सर्वश्री डॉ. सुधीर तांबे (नाशिक विभाग पदवीधर मतदार संघ), डॉ. रणजित पाटील (अमरावती विभाग पदवीधर मतदार संघ), श्री.विक्रम काळे (औरंगाबाद विभाग शिक्षक मतदार संघ), श्री.नागोराव गाणार (नागपूर विभाग शिक्षक मतदार संघ), श्री. बाळाराम पाटील (कोकण विभाग शिक्षक मतदार संघ) हे विधानपरिषद सदस्य 7 फेब्रुवारी 2023 रोजी निवृत्त होत आहेत. त्यामुळे रिक्त होणाऱ्या या पाच जागांसाठी ही निवडणूक होणार आहे.