Pune Municipal Corporation (PMC) Commissioner will present the PMC budget on March 7!

Categories
PMC पुणे

 Pune Municipal Corporation (PMC) Commissioner will present the PMC budget on March 7!

 – Proposals before the Standing Committee

 Pune| (The karbhari online) –  Municipal Commissioner Vikram Kumar (Vikram Kumar IAS) will present the budget of Pune Municipal Corporation for the year 2024-25 (PMC Budget 2024-25) on March 7 at 11:30 am.  According to the resolution of the general body meeting, the commissioner is required to submit the budget to the standing committee by January 15.  However, due to unavoidable reasons, the Municipal Commissioner was not able to submit the budget within a reasonable time.  Now the proposal to present the budget on March 7 has been placed before the standing committee by the administration.  (Pune Municipal Corporation Budget)
 |  The budget must be submitted to the Standing Committee by January 15
 According to section 95 of the Maharashtra Municipal Corporation Act, the revenue, capital etc. of the Municipal Corporation.  Draft Income and Expenditure Budget (“A” and “C”) Budget to be submitted to the Standing Committee on or before 15th January.
 is necessary.  After that the Standing Committee Chairman amends it and submits the budget to the main body.  The budget must be discussed in the main assembly and approved before March 31.  Then it can be implemented.  Meanwhile, the municipal commissioner had started preparing to present the budget.  The Commissioner had sought information about this from all the departments.  However, due to unavoidable reasons, the Municipal Commissioner was not able to submit the budget within a reasonable time.  Now the proposal to present the budget on March 7 has been placed before the main assembly by the administration through the standing committee.
 – Attention should be given to the development of included villages
 Meanwhile, there are high expectations from the municipal commissioner through the budget of the included villages.  Because even though the years have passed after the inclusion of the villages, there has been no systematic development of the villages.  So citizens have to contend with basic problems.  Despite this, citizens are not exempted from taxes.  So citizens have high expectations from the budget.  The administration has given good attention to the roads in the city and widened the roads.  Now attention is going to be paid to whether some new roads will be suggested in the new budget.  Also, attention will also be paid to what new things the commissioner is going to bring through the budget for the people of Pune.

PMC Budget 2024-25 | पुणे महापालिका आयुक्त 7 मार्च ला सादर करणार अंदाजपत्रक!  

Categories
Breaking News Commerce PMC social पुणे

PMC Budget 2024-25 | पुणे महापालिका आयुक्त 7 मार्च ला सादर करणार अंदाजपत्रक!

– स्थायी समिती समोर प्रस्ताव

पुणे : (The Karbhari Online) –  पुणे महापालिकेचे वर्ष 2024-25 चे अंदाजपत्रक (PMC Budget 2024-25) महापालिका आयुक्त विक्रम कुमार (Vikram Kumar IAS) 7 मार्च ला सकाळी 11:30 वाजता सादर करणार आहेत. मुख्य सभा ठरावानुसार आयुक्तांनी 15 जानेवारी पर्यंत अंदाजपत्रक स्थायी समितीला सादर करणे आवश्यक असते. मात्र महापालिका आयुक्तांना अपरिहार्य कारणास्तव उचित कालावधीत बजेट सादर करणे शक्य झाले नाही.  आता 7 मार्च ला बजेट सादर करण्याबाबतचा प्रस्ताव प्रशासनाकडून स्थायी समितीच्या समोर ठेवला आहे. (Pune Municipal Corporation Budget)
| 15 जानेवारी पर्यंत अंदाजपत्रक स्थायी समितीला सादर करणे आवश्यक
महाराष्ट्र महानगरपालिका अधिनियम कलम ९५ नुसार महानगरपालिकेचे महसूली, भांडवली इ. उत्पन्न व खर्चाचे अंदाजपत्रक आराखडा (“अ” व “क’) अंदाजपत्रक १५ जानेवारी अगर तत्पूर्वी स्थायी समितीस सादर करणे
आवश्यक आहे. त्यांनतर स्थायी समिती अध्यक्ष त्यात बदल करून बजेट मुख्य सभेला सादर करतात. मुख्य सभेत चर्चा होऊन हे बजेट 31 मार्च पूर्वी मंजूर होणे आवश्यक असते. त्यांनतर त्यावर अंमल करता येतो. दरम्यान महापालिका आयुक्तांनी बजेट सादर करण्याची तयारी सुरु केली होती. सर्व विभागाकडून आयुक्तांनी याबाबतची माहिती मागवली होती. मात्र महापालिका आयुक्तांना अपरिहार्य कारणास्तव उचित कालावधीत बजेट सादर करणे शक्य झाले नाही.  आता 7 मार्च ला बजेट सादर करण्याबाबत प्रस्ताव प्रशासनाकडून स्थायी समिती मार्फत मुख्य सभेसमोर ठेवण्यात आला आहे.
समाविष्ट गावांच्या विकासावर द्यावे लागणार लक्ष 
दरम्यान महापालिका आयुक्त यांच्याकडून अंदाजपत्रकाच्या माध्यमातून समाविष्ट गावांच्या खूप अपेक्षा आहेत. कारण गावे समाविष्ट होऊन वर्षे सरत आली तरी गावांचा रचनाबद्ध विकास झालेला नाही. त्यामुळे नागरिकांना मूलभूत समस्यांशी झगडावे लागते. इतके असूनही नागरिकांची करातून सुटका नाही. त्यामुळे नागरिकांना बजेट मधून खूप अपेक्षा आहेत. प्रशासनाने शहरातील रस्त्यांवर चांगले लक्ष देऊन रस्ते मोठे केले आहेत. आता नवीन बजेट मध्ये नवीन काही रस्ते सुचवले जाणार का, याकडे लक्ष असणार आहे. तसेच पुणेकरांसाठी बजेट च्या माध्यमातून आयुक्त नवीन काय घेऊन येणार आहेत, याकडे देखील लक्ष असणार आहे. 

Vikram Kumar PMC Commissioner | मुख्य सभेचे ठराव धाब्यावर बसवणाऱ्या महापालिका आयुक्तांची बदली करण्याची मुख्यमंत्र्यांकडे मागणी 

Categories
PMC social पुणे हिंदी खबरे

Vikram Kumar PMC Commissioner | मुख्य सभेचे ठराव धाब्यावर बसवणाऱ्या महापालिका आयुक्तांची बदली करण्याची मुख्यमंत्र्यांकडे मागणी

| विवेक वेलणकर यांनी केली मागणी

Vikram Kumar PMC Commissioner | लोकप्रतिनिधींच्या सर्वसाधारण सभेने (PMC Général Body) केलेल्या ठरावाला धाब्यावर बसवून सलग दुसऱ्या वर्षी पुणे महापालिकेचा अर्थसंकल्प (Pune Municipal Corporation Budget) वेळेवर सादर न करणाऱ्या  पुणे महापालिका आयुक्त तथा प्रशासक विक्रम कुमार (Vikram Kumar IAS) यांची तातडीने बदली करावी. अशी मागणी सजग नागरिक मंचाचे अध्यक्ष विवेक वेलणकर (Vivek Velankar Sajag Nagrik Manch) यांनी मुख्यमंत्री एकनाथ शिंदे (CM Eknath Shinde) यांच्याकडे केली आहे. (Pune Municipal Corporation (PMC)
१५  जानेवारीपूर्वी आयुक्तांनी अर्थसंकल्प सादर करणे आवश्यक
वेलणकर यांच्या निवेदनानानुसार  वार्षिक अर्थसंकल्प हा कोणत्याही महापालिकेच्या कारभाराचा कणा असतो. तो वेळेवर तयार करणे हे महापालिका आयुक्तांचे प्रमुख कर्तव्य असते. यासंदर्भात पुणे महापालिकेच्या लोकप्रतिनिधींच्या सर्वसाधारण सभेने  ठराव करून यासंदर्भातील वेळापत्रक निश्चित करून दिले आहे ज्याचे पालन करणे आयुक्तांना बंधनकारक आहे. या ठरावाप्रमाणे दरवर्षी १५  जानेवारीपूर्वी आयुक्तांनी अर्थसंकल्प सादर करणे आवश्यक आहे. (Pune PMC News)
 वेलणकर म्हणाले कि, मात्र गेली दोन वर्षे लोकप्रतिनिधी आणि त्यांची सर्वसाधारण सभाच अस्तित्वात नसल्याने आयुक्त तथा प्रशासक यांनी मनमानी पद्धतीने कामकाज करत अर्थसंकल्पाचे वेळापत्रक बिघडवले आहे. यंदाही अजून हा अर्थसंकल्प तयार झालेला नाही. खरं तर लोकप्रतिनिधी आणि त्यांची सर्वसाधारण सभा अस्तित्वात नसल्याने आयुक्तांनी अधिक जबाबदारीने वागणे आवश्यक आहे. ते सनदी नोकर असूनही शहराचे मालक असल्यासारखा मनमानी कारभार करत आहेत.
  मुख्यमंत्र्यांना विनंती आहे कि,  सर्वसाधारण सभेने केलेल्या ठरावाला धाब्यावर बसवून अर्थसंकल्पासारख्या महत्वाच्या विषयाचं गांभीर्य घालवणाऱ्या पुणे महापालिका आयुक्त तथा प्रशासक यांची तातडीने बदली करावी.
 – विवेक वेलणकर, अध्यक्ष,  सजग नागरिक मंच, पुणे

 PMC Officers Promotion | General Body Meeting | मुख्य अभियंता पदावर बढती देण्यात मुख्य सभेची मंजूरी

Categories
Breaking News PMC पुणे

 PMC Officers Promotion | General Body Meeting | मुख्य अभियंता पदावर बढती देण्यास मुख्य सभेची मंजूरी |

PMC Officers Promotion | General body Meeting | मुख्य अभियंता पदावर पात्र अधिकाऱ्याला बढती देण्यास मुख्य सभेने नुकतीच मंजूरी दिली. मात्र मुख्य कामगार अधिकारी पदावर बढती देण्याचा प्रस्ताव विधी समितीत होऊ शकला नाही. समिती तहकूब करण्यात आली. आता पुढील सभेत या प्रस्तावाबाबत चर्चा होईल.
पुणे महापालिकेतील (Pune Municipal Corporation) पथ विभागाचे मुख्य अभियंता व्ही जी कुलकर्णी (Chief Engineer V G Kulkarni) आणि मुख्य कामगार अधिकारी अरुण खिलारी (Chief Labour Officer Arun Khilari) हे सेवानिवृत्त होत आहेत. तसेच याआधी पीएमआरडीए (PMRDA)!कडे प्रतिनियुक्ती वर गेलेले विवेक खरवडकर हे देखील निवृत्त झाले आहेत. त्यामुळे या जागा रिक्त होणार आहेत. सेवाज्येष्ठतेनुसार अधिकाऱ्यांना या पदावर संधी मिळणार आहे. त्यानुसार या पदासाठी बढती समितीची बैठक (DPC) आयोजित करण्यात आली होती. समितीने शिफारस करून याबाबतचे प्रस्ताव शहर सुधारणा समिती आणि विधी समितीच्या माध्यमातून मंजुरीसाठी मुख्य सभेसमोर ठेवले होते.(PMC Pune)
 मुख्य अभियंता पदासाठी दोन अधिकारी पात्र ठरत होते. यामध्ये अधिक्षक अभियंता अनिरुद्ध पावसकर (Anirudh Pawaskar) आणि युवराज देशमुख (Yuvraj Deshmukh) यांचा समावेश होता. सेवाज्येष्ठतेनुसार पावसकर यांना संधी देण्यात आली आहे. तर देशमुख हे वेटिंग लिस्ट वर असतील. मुख्य कामगार अधिकारी पदासाठी कामगार अधिकारी नितीन केंजळे पात्र ठरत होते. त्यानुसार त्यांना संधी देण्यात आली आहे. (Pune Municipal Corporation News)
बढती समितीची शिफारस आल्यानंतर प्रशासनाकडून तात्काळ हे प्रस्ताव शहर सुधारणा समिती व विधी समितीच्या माध्यमातून मुख्य सभेसमोर ठेवण्यात आले होते. मात्र मुख्य अभियंता आणि कार्यकारी अभियंता (विद्युत) याच पदावर बढती देण्यास सभेने मंजूरी दिली. इतर विधी समिती तहकूब झाल्याने मुख्य कामगार अधिकारी पदाचा प्रस्ताव मान्य होऊ शकाल नाही. यावर आता पुढील बैठकीत चर्चा होणार आहे. (Pune Municipal Corporation General Body)
——-

PMC Shahari Garib Yojana | शहरी गरीब योजनेची मर्यादा 1 लाख 60 हजार करण्यास स्थायी समितीची मान्यता | मुख्य सभेसमोर प्रस्ताव

Categories
Breaking News PMC social आरोग्य पुणे

PMC Shahari Garib Yojana | शहरी गरीब योजनेची मर्यादा 1 लाख 60 हजार करण्यास स्थायी समितीची मान्यता | मुख्य सभेसमोर प्रस्ताव

PMC Shahari Garib Yojana | पुणे महापालिकेच्या (PMC Pune )शहरी गरीब वैद्यकीय सहायता योजनेत (Urban poor medical support scheme) आता महापालिका प्रशासनाने मोठा बदल करण्याचा निर्णय घेतला आहे. याआधी प्रशासनाने ऑनलाईन (Online) सुविधा तयार करत बोगस लाभार्थ्यांना लगाम घातला होता.  या योजनेत आता पर्यंत 1 लाखांपर्यंत उत्पन्न मर्यादा (Income Limit) असलेल्या कुटूंबानाच सभासद होता येत होते. मात्र, ही उत्पन्न मर्यादा आता 1 लाख 60 हजार रूपये केली जाणार आहे. राज्यशासनाच्या महात्मा ज्योतिबा फुले आरोग्य योजनेच्या (Mahatma Jyotiba Phule Health scheme) धर्तीवर ही उत्पन्नाची मर्यादा वाढविण्यात येणार आहे. दरम्यान आता आधी महात्मा फुले योजनेचा लाभ घ्यावा लागणार आहे. तो नाही मिळाला तरच शहरी गरिबचा लाभ दिला जाईल. तसेच शहरात परिमंडळ स्तरावर नवीन 5 सेंटर तयार केले जाणार आहेत. याबाबतचा प्रस्ताव स्थायी समिती (Standing Committee) समोर ठेवण्यात आला होता. या प्रस्तावाला समितीने नुकतीच मंजूरी दिली आहे. हा प्रस्ताव आता मुख्य सभेसमोर ठेवण्यात आला आहे. यावर पुढील बैठकीत चर्चा केली जाईल. (PMC Shahari Garib Yojana)

| पुणे महापालिकेची  शहरी गरीब योजना काय आहे? (what is PMC Punes Urban poor medical support scheme)

महापालिकेने 2008-09 पासून ही योजना सुरू केली आहे. शहरातील नागरिकांना आरोग्य सेवा देणे महापालिकेचे प्राथमिक कर्तव्य असले तरी, महापालिकेकडून केवळ वैद्यकीय केंद्र चालविले जातात. तर काही ठराविक दवाखाने वग़ळता महापालिकेच्या दवाखान्यांमध्ये शस्त्रक्रिया, उपचार, तपासण्या होत नाहीत. त्यामुळे आर्थिकदृष्ट्या दुर्बल असलेल्या नागरिकांना खासगी दवाखान्यांमद्ये भरमसाठ पैसे मोजून उपचार घ्यावे लागतात. त्यामुळे नागरिकांसाठी पालिकेने 2008-09 पासून ही वैद्यकीय सेवा योजना सुरू केली आहे. त्यात, प्रमुख निकष संबधित कुटूंब महापालिका हद्दीतील असावे तसेच त्यांचे उत्पन्न 1 लाखांच्या आत असावे हे आहे. तर या योजनेसाठी महापालिकेने शहरातील खासगी रूग्णालयांचे पॅनेल तयार केले असून या रूग्णालयात या योजनेत 1 लाखांपर्यंतचे तर इतर काही आजारांसाठी 2 लाखांपर्यंत उपचार दिले जातात. मात्र, 1 लाखांच्यावर 1 रूपया अधिक उत्पन्न असले तरी अनेकांना आर्थिक दुर्बल असूनही उपचार मिळत नाहीत. त्यामुळे, पालिकेने आता उत्पन्न मर्यादा 1 लाख 60 हजार रूपये करण्याचा निर्णय घेतला आहे. (Pune Municipal Corporation)

नवीन 5 सेंटर तयार केले जाणार

शहरी गरीब योजनेचा लाभ देण्यासाठी महापालिकेकडून महापालिका भवनात सुविधा उपलब्ध करून दिली आहे. मात्र काही लोकांना महापालिका भवनात येण्यासाठी कसरत करावी लागते. याबाबत काही लोकप्रतिनिधींनी महापालिकेकेला शहरात सर्व ठिकाणी सेंटर करण्याची मागणी केली होती. त्यानुसार 5 परिमंडळ स्तरावर 5 सेंटर तयार केले जाणार आहेत. यासाठी प्रति वर्ष 24 लाखाचा खर्च केला जाणार आहे. (PMC Pune News)

शहरी गरीब योजनेअंतर्गत संगणक प्रणाली राबविताना या असतील  नवीन अटी शर्ती
१. शहरी गरीब योजनेच्या काळात पॅनेलवरील हॉस्पिटलमध्ये अंतर्ररुग्ण उपचार व पुणे मनपा दवाखान्यांमध्ये घेण्यात येणारी जेनेरिक औषधे व कंज्युमेबल्स अशी दोन्ही मिळून मर्यादा ही एक लाखापर्यंत असेल व किडनी, डायलिसीस, हृदयविकार उपचाराची मर्यादा दोन लाखापर्यंत असेल.
२. रेशनिंग कार्डमध्ये समावेश असलेले कुटुंब (पती, पत्नी, २५ वर्षा आतील पहिले २ अपत्य व आई-वडील) या सगळ्यांचे पुणे मनपा हद्दीत रहिवाशी असल्याचा पुरावा व सर्वांचे आधारकार्ड आवश्यक राहील.
३. पॅनेलवरील हॉस्पिटलमध्ये दाखल झालेल्या रुग्णास प्रथम जर हॉस्पिटलमध्ये महात्मा ज्योतिबा फुले जन आरोग्य योजना असेल तर त्या रुग्णास त्या योजनेचा लाभ देण्यात यावा. सदर रुग्णास काही कारणास्तव या योजनेचा लाभ अमान्य झाल्यास महात्मा ज्योतिबा फुले जन आरोग्य योजना अमान्य झालेला फॉर्म पुणे मनपा मध्ये जमा करून तदनंतरच त्या रुग्णास शहरी गरीब योजनेचा लाभ देण्यात येईल.
४. रुग्ण दाखल झाल्यानंतर सर्व हॉस्पिटल्सनी कार्ड ऑनलाईन खातरजमा करून ऑनलाईन पूर्व मान्यता घेणे बंधनकारक राहील.
५. शहरी गरीब योजनेच्या अंतर्गत खोटी कागदपत्रे सादर करून बोगस लाभार्थ्यांनी लाभ घेतल्याचे निदर्शनास आल्यास फौजदारी गुन्हा दाखल करणे व त्याचे सभासदत्व कायमस्वरूपी रद्द करण्यात येईल.
—-
News Title | PMC Shahari Garib Yojana | Approval of the Standing Committee to limit the urban poor scheme to 1 lakh 60 thousand Proposal before the general body meeting

PMPML Deficit | PMC General Body | संचलन तुटी पोटी पीएमपीला 217 कोटी देण्यास मुख्य सभेची मान्यता

Categories
Breaking News PMC social पुणे

PMPML Deficit | PMC General Body | संचलन तुटी पोटी पीएमपीला 217 कोटी देण्यास मुख्य सभेची मान्यता

| 8 समान हफ्त्यात दिली जाणार रक्कम

PMPML Deficit | PMC General Body | पीएमपीएमएल (PMPML) ला 2022-23 या आर्थिक वर्षात 696 कोटींची संचलन तूट (Operating Déficit) आली आहे. यात पुणे महापालिकेचा (PMC Pune) हिस्सा 417 कोटीचा आहे. त्यापैकी 200 कोटी पुणे महापालिकेने (Pune Municipal Corporation) पीएमपीला (PMP Pune? उचल स्वरूपात दिले आहेत. उर्वरित 217 कोटी रुपये 8 समान हफ्त्यात दिले जाणार आहेत. मात्र 8 वा हफ्ता हा लेखापरीक्षण (Audit) करून दिला जाणार आहे. याबाबतच्या प्रस्तावाला नुकतीच महापालिका मुख्य सभेने (PMC General Body) मान्यता दिली आहे. (PMPML Deficit | PMC General Body)

शासन निर्णयानुसार सन २०१३-१४ या वर्षापासून PMPML संस्थेस येणारी तुट संबंधित महानगरपालिकेने आपल्या स्वामित्व हिश्श्यानुसार PMPML संस्थेस आदा करणेबाबत आदेशित करण्यात आले आहे. त्यानुसार PMPML संस्थेला प्रतिवर्षी संचलन तुटीपोटी पुणे महानगरपालिकेस देय होणारी रक्कम कळविण्यात येते व त्यानुसार पुणे महानगरपालिकेकडून सदरची रक्कम प्रतिमहा PMPML संस्थेस आदा करण्यात येते. (Pune Municipal Corporation News)

पुणे महानगर परिवहन महामंडळास सन २०२२-२०२३ या आर्थिक वर्षातील संचलन तुट  अंदाजित एकूण ६९६.५० कोटी ग्राह्य धरली असता पुणे महानगरपालिकेचा (६०%) स्वामित्व हिश्श्यानुसार ४१७.९० कोटी  असल्याचे PMPML संस्थेकडून पत्राने कळविण्यात आलेले आहे. (PMPML Pune News) 
त्यापैकी मुख्य सभेची मान्यतेने सन २०२२-२०२३ मध्ये रक्कम ३६ कोटी PMPML संस्थेस उचल स्वरुपात आदा करण्यात आलेले आहेत. महापालिका आयुक्त यांचे मान्यतेने अनुक्रमे रक्कम रु.५४ कोटी व रक्कम रु ११० कोटी PMPML संस्थेस सन २०२२ २३ मध्ये अपवादात्मक बाब म्हणून उचल स्वरुपात आदा करण्यात आलेले आहेत. अशा प्रकारे पुणे महानगरपालिकेकडून PMPML संस्थेस सन २०२३-२४ मध्ये संचलन तुटीपोटी आदा करण्यात येणाऱ्या रक्कमेपैकी  एकूण रक्कम २०० कोटी  २०२२-२३ मध्येच PMPML संस्थेस उचल स्वरुपात आदा करण्यात आलेले आहेत. (Pune Municipal Corporation Marathi News)
उर्वरित 217 कोटी रुपये 8 समान हफ्त्यात दिले जाणार आहेत. मात्र 8 वा हफ्ता हा लेखापरीक्षण करून दिला जाणार आहे. याबाबतच्या प्रस्तावाला नुकतीच महापालिका मुख्य सभेने मान्यता दिली आहे. (PMC Pune News)
——
News Title | 217 Crores to PMP against operating deficit approved by the main body|  Amount to be paid in 8 equal installments

PMC Pune Employees Promotion | अधिक्षक, उपअधिक्षक, प्रशासन अधिकारी पदोन्नती | दुरुस्तीच्या प्रस्तावाला मुख्य सभेची मान्यता

Categories
Breaking News PMC पुणे

PMC Pune Employees Promotion |  अधिक्षक, उपअधिक्षक, प्रशासन अधिकारी पदोन्नती |  दुरुस्तीच्या प्रस्तावाला मुख्य सभेची मान्यता

| महापालिका आता प्रस्ताव सरकारकडे पाठवणार

PMC Pune Employees Promotion | (Author: Ganesh Mule) | पुणे महानगरपालिकेतील (Pune Municipal Corporation) प्रशासकीय सेवा या संवर्गातील “अधिक्षक” (Superintendent) (वर्ग-३) व “प्रशासन अधिकारी” (Administration Officer) (वर्ग-२), उपअधीक्षक (Deputy Superintendent) , वरिष्ठ लिपिक (Senior Clerk) या पदावर तात्पुरती पदोन्नतीदेण्याबाबतचा दुरुस्तीच्या प्रस्तावाला नुकतीच मुख्य सभेने (PMC General Body) मान्यता दिली आहे.  हा प्रस्ताव आता राज्य सरकारकडे पाठवला जाणार आहे. यामुळे मात्र अधिक्षक, उप अधिक्षक, प्रशासन अधिकारी, वरिष्ठ लिपिक यांच्या पदोन्नतीचा (promotion)  मार्ग मोकळा होणार आहे. (PMC Pune Employees Promotion) 

| महापालिकेने मागवले होते मार्गदर्शन 

 पुणे महानगरपालिका प्रशासनाकडील प्रशासकीय सेवा या संवर्गातील ज्या अधिकारी / कर्मचारी यांना निम्न संवर्गातील पदावर मानीव दिनांक मंजुर केल्याने ते सध्या त्यांच्या उच्च पदाच्या पदोन्नतीच्या विचाराधीन कक्षेत आले आहेत. त्यांना निम्न संवर्गातील ३ वर्षाचा कामाचा प्रत्यक्ष अनुभव नसताना पदोन्नती द्यावी अगर कसे याबाबत महापालिका प्रशासनाकडून राज्य सरकारकडे मार्गदर्शन मागितले होते. (PMC Pune Marathi News) 
या अनुषंगाने सरकारने कळवले होते की, पुणे महानगरपालिकेच्या सेवा प्रवेश नियमात पदोन्नतीदेताना “निम्न पदावरील ३ वर्षाचा कामाचा अनुभव आवश्यक” अशी तरतुद आहे. निम्न संवर्गातील पदावर मानीव दिनांक मंजुर केल्याने उच्च पदाच्या पदोन्नतीकक्षेत आलेल्या अधिकारी / कर्मचारी यांना कामाचा प्रत्यक्ष अनुभव नसताना पदोन्नती देण्यासाठी सेवाप्रवेश नियमात सदर अर्हतेमध्ये “निम्न पदावरील ३ वर्षांची नियमित सेवा” असा बदल करणे आवश्यक आहे. (Pune Municipal Corporation Employees promotion) 
सरकारच्या या मार्गदर्शनानंतर महापालिकेने दुरुस्तीचा प्रस्ताव तयार करून तो विधी समितीच्या माध्यमातून मान्यतेसाठी मुख्य सभेसमोर ठेवला होता. या प्रस्तावाला मुख्य सभेची मान्यता मिळाली आहे. आता हा प्रस्ताव राज्य सरकारकडे पाठवला जाणार आहे. यामुळे आता प्रशासन अधिकारी, अधीक्षक, उपअधीक्षक, वरिष्ठ लिपिक  यांची पदोन्नती लवकरच होणार हे सिद्ध झाले आहे. (Pune Municipal Corporation News) 
—-
News title | PMC Pune Employees Promotion |  Superintendent, Deputy Superintendent, Administration Officer Promotion |  Approval of the amendment proposal by the main body

PMC Pune Assistant Health Officer | राजेश दिघे यांना सहायक आरोग्य अधिकारी पदी  पदोन्नती

Categories
Breaking News PMC आरोग्य पुणे

PMC Pune Assistant Health Officer | राजेश दिघे यांना सहायक आरोग्य अधिकारी पदी  पदोन्नती

| महापालिका आयुक्तांनी जारी केले आदेश

PMC Pune Assistant Health Officer | (Author: Ganesh Mule) महापालिकेचे सहायक आरोग्य अधिकाऱ्याचे एक पद रिक्त आहे. त्यानुसार पदोन्नतीने (Promotion) हे पद भरले जाणार होते. वैद्यकीय अधिकारी राजेश दिघे (Rajesh Dighe) यांना सहायक आरोग्य अधिकारी पदावर पदोन्नती देण्याबाबत बढती समितीच्या बैठकीत (pmc promotion committee) निर्णय घेण्यात आला. त्यानुसार याबाबतचा प्रस्ताव महिला बाल कल्याण समितीच्या  (Women and children welfare committee) माध्यमातून  मुख्य सभेसमोर (PMC General Body) ठेवण्यात आला होता. याला मंजुरी मिळाल्यानंतर आता महापालिका आयुक्तांनी दिघे यांना सहायक आरोग्य अधिकारी पदी रुजू होण्याचे आदेश (PMC commissioner order) दिले आहेत. (PMC pune assistant health officer)

पुणे महानगरपालिका सेवा (सेवा प्रवेश व सेवांचे वर्गीकरण) नियम २०१४ नुसार सहाय्यक आरोग्य अधिकारी या पदाच्या मंजूर पदांपैकी ३ पदे नामनिर्देशनाने/सरळसेवेने व ४ पदे वैद्यकिय अधिकारी / निवासी वैद्यकिय अधिकारी या संवर्गातून पदोन्नतीने भरणेची तरतुद करण्यात आलेली आहे.
पुणे महानगरपालिकेच्या (Pune Municipal Corporation) सुधारित आकृतीबंधानुसार सहाय्यक आरोग्य अधिकारी या संवर्गाची एकूण ७ पदे मंजूर करण्यात आलेली असून ५ पदे आरोग्य विभागाकरिता व २ पदे घनकचरा व्यवस्थापन विभागाकरिता मंजूर करण्यात आलेली आहेत. नामनिर्देशनाने / सरळसेवेने मंजूर करण्यात आलेल्या ३ पदांपैकी २ पदे यापुर्वी भरलेली असून सद्यस्थितीत १ पद रिक्त आहे. तसेच पदोन्नतीसाठी मंजूर करण्यात आलेल्या ४ पदांपैकी ३ पदे (तात्पुरत्या/ तदर्थ पदोन्नतीने) भरलेली असून सद्यस्थितीत १ पद रिक्त होते. (Pmc Pune news)

यासाठी वैद्यकीय अधिकारी राजेश दिघे हे पात्र ठरत होते. त्यानुसार बढती समितीने दिघे यांना सहायक आरोग्य अधिकारी करण्याबाबत निर्णय घेतला आहे. त्याला महिला बाल कल्याण समितीच्या माध्यमातून मुख्य सभेची मान्यता मिळणे आवश्यक आहे. त्यानुसार हा प्रस्ताव मान्यतेसाठी  ठेवण्यात आला होता. मंजुरी मिळाल्यानंतर आता महापालिका आयुक्तांनी दिघे यांना सहायक आरोग्य अधिकारी पदी रुजू होण्याचे आदेश दिले आहेत. (Pune Municipal Corporation News)
—-
News Title | PMC Pune Assistant Health Officer | To Rajesh Dighe Promotion to the post of Assistant Health Officer | The order was issued by the Municipal Commissioner

PMC Pune Social Devlopment Department | पुणे महापालिकेच्या समाज विकास विभागात आता  187 नवीन पदे |  पदनिर्मितीस राज्य सरकारची मंजूरी | 160 कर्मचाऱ्यांना कायम केले जाणार 

Categories
Breaking News PMC social पुणे

PMC Pune Social Devlopment Department | पुणे महापालिकेच्या समाज विकास विभागात आता  187 नवीन पदे |  पदनिर्मितीस राज्य सरकारची मंजूरी

| 160 कर्मचाऱ्यांना कायम केले जाणार

PMC Pune Social Devlopment Department | (Author – Ganes Mule) | पुणे महापालिकेच्या (Pune Municipal Corporation) समाज विकास विभागाच्या (Social Devlopment Department) वतीने केंद्र आणि राज्य सरकारच्या विविध कल्याणकारी योजना राबवल्या जातात. मात्र हे काम करण्यासाठी महापालिकेकडे पर्याप्त कर्मचारी उपलब्ध नाहीत. त्यामुळे महापालिकेकडून मानधन तत्वावर काही कर्मचारी घेतले होते. मात्र या कर्मचाऱ्यांची निकड महापालिकेला सातत्याने भासू लागली आहे. त्यामुळे महापालिका प्रशासनाच्या (Pune Civic Body) वतीने ही कामे करण्यासाठी 187 नवीन पदे (New Post) निर्माण करण्यासाठी राज्य सरकारकडे (State Government) प्रस्ताव पाठवला होता. तसेच या पदांवर मानधन तत्वांवर काम करणाऱ्या 160 कर्मचाऱ्यांना महापालिका सेवेत कायम करण्याची मागणी या प्रस्तावात केली होती. या दोन्ही गोष्टीना राज्य सरकारच्या वतीने मंजूरी देण्यात आली आहे. याबाबतचा अध्यादेश (GR) देखील सरकारकडून जारी करण्यात आला आहे. (PMC Pune Social Devlopment Department)

पुणे महानगरपालिका (PMC Pune) क्षेत्रात केंद्र शासन, राज्य शासन यांच्या विविध कल्याणकारी योजना (Social Welfare Schemes) तसेच, महानगरपालिकेच्या मागासवर्गीय कल्याणकारी, महिला व बाल कल्याण, युवक कल्याणकारी, दिव्यांग कल्याणकारी या योजनेअंतर्गत विविध कल्याणकारी योजना राबविण्याचे महत्वाचे कामकाज समाज. विकास विभागामार्फत केले जाते. यासाठी पुणे महानगरपालिकेतील (Pune Municipal Corporation) समाज विकास विभागात व्यवसाय गट ” मुख्य मार्गदर्शक, रिसोर्स पर्सन, समुपदेशक, समूहसंघटिका, कार्यालयीन सहाय्यक, विरंगुळा केंद्र समन्वयक, सेवा केंद्र मुख्य समन्वयक, सेवा केंद्र समन्वयक, संगणक रिसोर्स पर्सन, स्वच्छता स्वयंसेवक या पदांवर मासिक एकवट मानधन तत्वावर कर्मचारी काम करीत आहेत. मात्र या  पदांची पुणे महानगरपालिकेच्या समाज विकास विभागास (PMC Social Devlopment Department) आवश्यकता असल्याने, पुणे महानगरपालिका च्या वतीने  या पदांची पदनिर्मिती करणे व त्या पदांवर या सेवकांना सामावून घेण्याबाबत मुख्य सभेने (PMC Général Body) मान्यता दिली होती. त्यानुसार महापालिका आयुक्तांनी समाज विकास विभागात  १८७ पदांची पदनिर्मितीस मंजूरी मिळणे व त्या पदांवर १६० कर्मचाऱ्यांना पुणे महानगरपालिकेच्या सेवेत सामावून घेणेबाबतचा प्रस्ताव राज्य सरकारकडे सादर केलेला होता. कारण   पुणे महानगरपालिकेच्या सर्व पदांच्या आकृतीबंध मध्ये या पदांचा समावेश नव्हता. त्यामुळे सदर पदांची निर्मिती करणे आवश्यक होते. त्यानुसार राज्य सरकारने या प्रस्तावास मंजुरी दिली आहे. (Pune Municipal Corporation News)

160  कर्मचाऱ्यांचे पुणे महानगरपालिकेच्या आस्थापनेवर नियमित समायोजन करण्याबाबत खालील अटी असतील 
१) सदर कर्मचाऱ्यांची सेवा शासन निर्णयाच्या दिनांकापासून महानगरपालिकेच्या सेवेत कायम समजण्यात यावी.
२) या कर्मचाऱ्यांना सेवेत कायम केल्याच्या दिनांकापासून पुढे सेवेचे तद्नुषंगिक लाभ (वेतन, सेवा जेष्ठता, निवृत्तीवेतन इ.) अनुज्ञेय राहतील.
३) सदर कर्मचाऱ्यांना यापूर्वी केलेल्या सेवेचे कोणतेही लाभ अथवा थकबाकी अनुज्ञेय नाही.
४) सदर कर्मचाऱ्यांच्या वेतनाकरीता कोणताही निधी शासनाकडून उपलब्ध करून दिला जाणार नाही.
५) सेवेत कायम करण्यापूर्वी संबंधित कर्मचाऱ्यांकडून बंधपत्र घेऊन मागील कोणताही लाभ मिळणार नाही याचा स्पष्ट उल्लेख करण्यात यावा.
६) उपरोक्त समायोजन करण्यात येणारे समाज विकास विभागातील सेवक यांना स्थायी नेमणूक देतांना हजेरी
डिफॉल्ट रेकॉर्ड, चौकशी, सेवाजेष्ठता, जात वैधता पडताळणी प्रमाणपत्र, वैद्यकीय प्रमाणपत्र इत्यादी निकष तपासून नियमानुसार स्थायी नेमणूक देण्यात येईल. संबंधित कर्मचाऱ्यांना स्थायी करण्याच्या आदेशाच्या दिनांकापासून ०६ महिन्याच्या कालावधीत चारित्र्य पडताळणी अहवाल सादर करणे बंधनकारक राहील.
७) प्रस्तावित मानधन तत्वावरील कर्मचारी यांचे वय सेवा भरती नियमांमध्ये नमूद केलेल्या वयोमर्यादे पेक्षा जास्त असल्यास वयाची व शैक्षणिक अर्हतेची अट शिथील करण्यास मंजूरी देण्यात येत आहे.
८) पुणे महानगरपालिकेने प्रस्तावासोबत पाठविलेल्या यादीतील कर्मचाऱ्यांव्यतिरिक्त अन्य कोणाचेही समायोजन या मंजूर पदांवर करता येणार नाही.
९) आस्थापना खर्च ३५ टक्के मर्यादीत राहील याची दक्षता महानगरपालिकेने घ्यावी.
१०) सदर समायोजन पूर्वउदाहरण म्हणून इतर समायोजनाच्या प्रस्तावाबाबत वापरता येणार नाही.
——
News Title-: PMC Pune Social Development Department | Now 187 new posts in Social Development Department of Pune Municipal Corporation Approval of the State Government for the creation of posts

PMC Pune Assistant Commissioner | महापालिका सहायक आयुक्त पदाच्या नेमणुकीच्या पद्धतीत वारंवार केला जातोय बदल

Categories
Breaking News PMC पुणे

PMC Pune Assistant Commissioner | महापालिका  सहायक आयुक्त पदाच्या नेमणुकीच्या पद्धतीत वारंवार केला जातोय बदल

 

| वर्ग 3 मधील पदविका (Diploma) मिळवलेला कर्मचारी देखील परीक्षेद्वारे होणार सहायक महापालिका आयुक्त

| विधी समिती समोर प्रस्ताव

PMC Pune Assistant Commisioner | महापालिकेच्या सहायक महापालिका आयुक्त पदाच्या अर्हता आणि नेमणुकीच्या पद्धतीत वारंवार बदल केला जात आहे. या पदाच्या 50% पदोन्नतीच्या (Promotion) पद्धतीत बदल केला गेला होता. प्रचलित पद्धतीनुसार सेवाज्येष्ठतेनुसार (Seniority) 50% पदोन्नती दिली जात होती. मात्र यात बदल करण्यात आला. त्यानुसार पदवी धारण करणारे अंतर्गत परीक्षेद्वारे वर्ग 1, 2 आणि 3 मधील कर्मचारी देखील सहायक आयुक्त होऊ शकतात. याबाबतच्या प्रस्तावाला नुकतीच महापालिकेच्या मुख्य सभेने (pmc pune General body) मान्यता दिली होती व हा प्रस्ताव सरकारकडे पाठवला होता. मात्र यात अजून एक बदल केला जाणार आहे. आता फक्त पदवीच (Degree) नाही तर पदविका (Diploma) धारण करणारा कर्मचारी देखील परीक्षा देऊन सहायक आयुक्त होऊ शकणार आहे. याबाबतचा प्रस्ताव विधी समिती समोर ठेवण्यात आला आहे. मात्र या माध्यमातून लेखनिकी संवर्गातून (clerical cadre) सहायक आयुक्त (Assistant Municipal commissioner, होण्याची मनीषा बाळगणाऱ्या कर्मचाऱ्यांना बेदखल केले असल्याचे दिसून येत आहे. (PMC pune Assistant commissioner)
महापालिका सेवा नियमावली (PMC pune Service rules) नुसार सहायकमहापालिका आयुक्त पदासाठी अर्हता आणि नेमणुकीची पद्धत कशी करावी हे ठरवून दिले आहे. त्यानुसार त्याची साखळी देखील बनवण्यात आली होती. त्यामध्ये लेखनिकी संवर्गासाठी अधीक्षक, प्रशासन अधिकारी, सहायक आयुक्त, उपायुक्त आणि अतिरिक्त महापालिका आयुक्त अशी आहे. तर तांत्रिक पदासाठी शाखा अभियंता, उप अभियंता, कार्यकारी अभियंता, अधीक्षक अभियंता आणि शहर अभियंता अशी आहे. (PMC pune news)

त्यानुसार प्रशासकीय सेवाश्रेणी – १ मधील  सहाय्यक आयुक्त (क्रिडा, अतिक्रमण, घनकचरा व्यवस्थापन, स्थानिक संस्थाकर अधिक्षक, मालमत्ता व व्यवस्थापन, कर आकारणी व कर संकलन) या पदाची नेमणुकीची प्रचलित  पद्धत ही 25% नामनिर्देशन, पदोन्नती-५०% आणि प्रतिनियुक्ती 25% अशी होती. 50% पदोन्नती ही महापालिका कर्मचाऱ्यांमधून सेवाज्येष्ठेतेनुसार केली जात होती. (Pune Municipal Corporation)

पुणे महानगरपालिका सेवा (सेवा प्रवेश व सेवांचे वर्गीकरण) नियमावली २०१४ मध्ये “लिपिक टंकलेखक”, वर्ग ३ ते “उप आयुक्त”, वर्ग १ अशी पदोन्नतीची लॅडर आहे. सदर साखळीमधील “सहाय्यक महापालिका आयुक्त”, वर्ग १ हे पद २५% नामनिर्देशन, ५०% पदोन्नती ( नामनिर्देशनासाठी विहित केलेली शैक्षणिक अर्हता धारण करणा-या पुणे महानगरपालिकेच्या आस्थापनेवरील सेवाज्येष्ठता व गुणवत्ता या आधारे प्रशासन अधिकारी (विभाग प्रमुख) संवर्गातील कर्मचाऱ्यांमधून किमान ०३ वर्षांचा अनुभव)  व २५% प्रतिनियुक्ती मधून भरण्यात येते. (Pmc Pune Marathi News)
मात्र  पुणे महानगरपालिका सेवा (सेवा प्रवेश व सेवांचे वर्गीकरण) नियम २०१४ मध्ये परिशिष्ट-१ मधील अट
क्रमांक ९ पुढील प्रमाणे आहे.
तांत्रिक पदांना अतांत्रिक संवार्गामध्ये पदोन्नती देता येणार नाही.
 पुणे महानगरपालिका सेवा (सेवा प्रवेश व सेवांचे वर्गीकरण) नियम २०१४ मध्ये “सहाय्यक महापालिका आयुक्त, वर्ग-१” या पदांच्या विहित करण्यात आलेली नेमणुकीची पद्धत, टक्केवारी व शैक्षणिक अर्हतेबाबत खालीलप्रमाणे दुरुस्तीचा प्रस्ताव सादर करण्यात आला होता.
त्यानुसार आता नवीन पद्धत अशी केली होती
1. नामनिर्देशन – २५%
अ) मान्यताप्राप्त विद्यापीठाची कोणत्याही शाखेची पदवी.
2. निवड पद्धतीने पदोन्नती – ५०%
अ) मान्यताप्राप्त विद्यापीठाची कोणत्याही शाखेची पदवी धारण करणाऱ्या पुणे महानगरपालिकेच्या आस्थापनेवरील वर्ग-१, २ व ३ मधील किमान ५ वर्षाचा अनुभव धारण करणारे कर्मचारी यांच्या मधून परीक्षेद्वारे गुणवत्तेनुसार निवड पद्धती नियुक्तीने.
3. प्रतिनियुक्ती- २५%
महानगरपालिका शासकीय  सेवेतील / स्थानिक स्वराज्य संस्था सेवेतील वर्ग-१ या पदावरील किमान ०५ वर्षांचा अनुभव धारण करणारे अधिकाऱ्यांमधून. (Pmc Pune news)
हा प्रस्ताव देखील राज्य सरकारकडे पाठवण्यात आला होता. मात्र यात अजून एक बदल करण्यात आला आहे. याबाबतचा प्रस्ताव विधी समिती समोर ठेवण्यात आला आहे. प्रस्तावानुसार नवीन पद्धत खालीलप्रमाणे असेल.
1. नामनिर्देशन – २५%
अ) मान्यताप्राप्त विद्यापीठाची कोणत्याही शाखेची पूर्ण वेळ पदवी/पदविका
2. निवड पद्धतीने पदोन्नती – ५०%
अ) मान्यताप्राप्त विद्यापीठाची कोणत्याही शाखेची पूर्ण वेळ पदवी/पदविका धारण करणाऱ्या पुणे महानगरपालिकेच्या आस्थापनेवरील वर्ग-१, २ व ३ मधील किमान ५ वर्षाचा अनुभव धारण करणारे कर्मचारी यांच्या मधून परीक्षेद्वारे गुणवत्तेनुसार निवड पद्धती नियुक्तीने.
3. प्रतिनियुक्ती- २५%
महानगरपालिका शासकीय  सेवेतील / स्थानिक स्वराज्य संस्था सेवेतील वर्ग-१ या पदावरील किमान ०५ वर्षांचा अनुभव धारण करणारे अधिकाऱ्यांमधून. (Pmc Pune assistant commissioner News)