Shivsena | पुणे शहर शिवसेना सदैव नागरिकांच्या सेवेत |शहर संपर्क प्रमुख अजय बापू भोसले आणि शहर अध्यक्ष नाना भानगिरे यांनी दिला विश्वास

Categories
Breaking News Political social पुणे

पुणे शहर शिवसेना सदैव नागरिकांच्या सेवेत

|शहर संपर्क प्रमुख अजय बापू भोसले आणि शहर अध्यक्ष नाना भानगिरे यांनी दिला विश्वास

 पुणे | पुणे शहर शिवसेना पदाधिकाऱ्यांनी पुणे शहराचे पोलीस आयुक्त रितेश कुमार यांची भेट घेऊन शहरातील नागरिकांच्या  समस्या बाबत भेट घेतली. तसेच  त्याच्यावर तात्काळ कारवाई करण्यात यावी अशी मागणी आयुक्तांकडे केली. आयुक्तांनी देखील यावर कारवाई करण्याचे आश्वासन दिले. अशी माहिती शहर संपर्क प्रमुख अजय बापू भोसले आणि शहर अध्यक्ष नाना भानगिरे यांनी दिली.
भानगिरे म्हणाले, नागरिकांच्या समस्यांमध्ये प्रामुख्याने पुणे शहरात मोठ्या प्रमाणात होत असलेली जड वाहनांची वाहतूक, महाविद्यालय परिसरामध्ये विद्यार्थिनींच्या सुरक्षिततेसाठी दामिनी सक्रिय करण्यात यावे. तसेच दहानंतर चालणारे आउटडोर हॉटेल्स वर कारवाई करण्यात यावी. आदी समस्यांच्या संदर्भात पोलीस आयुक्त यांना निवेदन देत त्यावर सकारात्मक चर्चा केली. यावर पुण्याचे पोलीस आयुक्त रितेश कुमार यांनी तुमच्या तक्रारींवर लवकरात लवकर कारवाई करू असे आश्वासन दिले.
यावेळी पुणे शहराचे संपर्कप्रमुख अजय बापू भोसले, पुणे शहर प्रमुख प्रमोद नाना भानगिरे, महिला आघाडी शहर प्रमुख लीनाताई पानसरे, माजी नगरसेवक श्रीकांत पुजारी, युवासेना राष्ट्रीय कार्यकारणी सदस्य कु. शर्मिला येवले, पुणे उपशहर प्रमुख राजाभाऊ भिलारे व सुधीर कुरुमकर, प्रसिद्धी प्रमुख संजय अग्रवाल आदी पदाधिकारी उपस्थित होते.

PFI Vs BJP | पॉप्युलर फ्रंट ऑफ इंडिया’ (पीएफआय) या संस्थेवर बंदी घाला | पाकिस्तान जिंदाबादच्या घोषणा देणार्‍या देशद्रोहींवर कठोर कारवाई करा | पोलिस आयुक्त अमिताभ गुप्ता यांना पुणे शहर भाजप ने दिले निवेदन

Categories
Breaking News Political social पुणे महाराष्ट्र

पॉप्युलर फ्रंट ऑफ इंडिया’ (पीएफआय) या संस्थेवर बंदी घाला

| पाकिस्तान जिंदाबादच्या घोषणा देणार्‍या देशद्रोहींवर कठोर कारवाई करा

| पोलिस आयुक्त अमिताभ गुप्ता यांना पुणे शहर भाजप ने दिले निवेदन

पुणे |  रा. स्व. संघ परिवारातील संस्था, भाजप आणि शहरातील सामाजिक संस्था यांनी पोलिस आयुक्त अमिताभ गुप्ता यांची पोलिस आयुक्त कार्यालयात भेट घेतली. पाकिस्तान जिंदाबाद घोषणा देणाऱ्या समाजकंटकांवर देशद्रोहाचा गुन्हा दाखल करून कठोर कारवाई करावी या मागणीसाठी ही भेट घेतली.

भाजपने दिलेल्या निवेदनानुसार ‘पॉप्युलर फ्रंट ऑफ इंडिया’ (पीएफआय) या संस्थेवर राष्ट्रीय तपास यंत्रणेने (एनआयए) केलेल्या कारवाईविरोधात शुक्रवारी, २३ सप्टेंबर २०२२ रोजी सायंकाळी सहा वाजता पुणे शहर जिल्हाधिकारी कार्यालयाबाहेर आंदोलन करण्यात आले. या आंदोलनादरम्यान काही समाजकंटकांनी पाकिस्तान जिंदाबादच्या घोषणा दिल्या. तसेच राष्ट्रीय स्वयंसेवक संघाविरोधात घोषणाबाजी करण्यात आली. या वेळी ६० ते ७० जणांचा बेकायदेशीर जमाव जिल्हाधिकारी कार्यालयासमोर अनधिकृतपणे जमा झाला होता.

कायदा आणि सुव्यवस्थेला बाधा आणणे आणि देशाच्या विविध भागांत अंतर्गत जातीय आणि धार्मिक तेढ निर्माण करून दंगली घडविण्याच्या पॉप्युलर फ्रंट ऑफ इंडिया’ (पीएफआय) या संस्थेचा उद्देश स्पष्ट होतो.

पॉप्युलर फ्रंट ऑफ इंडिया’ (पीएफआय) या संस्थेवर तातडीने बंदी घालण्यात यावी आणि
पाकिस्तान जिंदाबादच्या घोषणा देणार्‍या सर्व कार्यकर्त्यांवर तातडीने देशद्रोहाचा गुन्हा दाखल करून कठोर कारवाई करावी, अशी मागणी आम्ही या निवेदनाद्वारे करीत आहोत. असे भाजपने म्हटले आहे.

शहराध्यक्ष जगदीश मुळीक, आमदार माधुरी मिसाळ, भिमराव तापकीर, सिद्धार्थ शिरोळे, सुनिल कांबळे, योगेश टिळेकर, मुरलीधर मोहोळ, सरचिटणीस गणेश घोष, राजेश येंपुरें, दिपक नागपुरे, दिपक पोटे, संदिप लोणकर, दत्ताभाऊ खाडे, गणेश बिडकर, धीरज घाटे, सुशिल मेंगडे, संघाचे महेश पोहणेरकर, धनंजय काळे, बजरंग दलाचे पदाधिकारी, विश्व हिंदू परिषद पदाधिकारी यांच्यासह नगरसेवक व पदाधिकारी उपस्थित होते.