Tag: promotion

PMC Pune Employees Promotion | पुणे महापालिका कर्मचाऱ्यांची पदोन्नतीसाठी आता राष्ट्रीय मागासवर्गीय आयोगाकडे धाव

Categories
Breaking News PMC social देश/विदेश पुणे

PMC Pune Employees Promotion | पुणे महापालिका कर्मचाऱ्यांची पदोन्नतीसाठी आता राष्ट्रीय मागासवर्गीय आयोगाकडे धाव

 
PMC Pune Employees Promotion | (Author | Ganesh Mule) | पुणे महापालिकेतील (Pune Municipal Corporation) लेखनिकी संवर्गातील (Clerical Cadre) अधिक्षक, उप अधिक्षक, प्रशासन अधिकारी आणि तसेच अन्य पदांच्या पदोन्नती (Promotion) रखडली आहे. तसेच अभियंता संवर्गातील पदोन्नती (Engineering cadre promotion) प्रलंबित आहे. यामुळे महापालिका कर्मचाऱ्यांमध्ये असंतोष आहे. महापालिका प्रशासनाच्या या कामकाजाला कंटाळून नुकतीच काही कर्मचाऱ्यांनी महापालिकेची तक्रार भारत सरकारच्या राष्ट्रीय अनुसूचित जाती आयोगाकडे (National Commission for scheduled castes) केली होती. त्यानंतर आता काही कर्मचाऱ्यांनी राष्ट्रीय मागासवर्गीय आयोगाकडे (National Commission for Backward Classes) धाव घेतली आहे. (PMC Pune Employees promotion) 
 
पुणे महापालिकेत (Pune Municipal Corporation) लेखनिकी आणि विविध  संवर्गात काम करणाऱ्या कर्मचाऱ्यांकडून काही हक्काच्या संधी हिरावून घेतल्या जात आहेत. महापालिका प्रशासनाकडून (Pune civic body) परस्पर सेवा नियमावलीत (service rules) बदल  केले जात आहेत. तसेच बऱ्याच दिवसांपासून पदोन्नत्या प्रलंबित आहेत. यामुळे या संवर्गातील कर्मचारी हवालदिल झाले असून आमच्यावर अन्याय होत असल्याची खंत कर्मचारी व्यक्त करत आहेत. (PMC Pune Employees) 
 
महापालिकेच्या या कामकाजाची तक्रार करण्यासाठी महापालिका कर्मचारी वेगवगेळ्या राष्ट्रीय आयोगाकडे धाव घेत आहेत. काही कर्मचाऱ्यांनी नुकतीच राष्ट्रीय अनुसूचित जाती आयोगाकडे तक्रार केली होती. याची आयोगाने गंभीर दखल घेतली आहे. तसेच महापालिका आयुक्तांना (PMC commissioner) चांगलेच सुनावले आहे. आगामी 30 दिवसांत यावर योग्य कार्यवाही करण्याचे आदेश आयोगाने महापालिका आयुक्तांना दिले आहेत. तसे नाही झाले तर आम्हांला याचा तपास करावा लागेल, असा इशारा देखील आयोगाने महापालिका आयुक्तांना दिला आहे. (Pune Municipal Corporation News)
 
त्यानंतर आता काही कर्मचाऱ्यांनी राष्ट्रीय मागासवर्गीय आयोगाकडे महापालिका प्रशासनाची पदोन्नती बाबत तक्रार केली आहे. महापालिका प्रशासनानेच पदोन्नती बाबत आदेश काढले होते. तरीही पात्र कर्मचाऱ्यांना पदोन्नती दिली जात नाही. ती प्रलंबित ठेवली जाते. असा आरोप या तक्रारीत करण्यात आला आहे. महापालिका कर्मचाऱ्यांच्या या रोषानंतर आतातरी महापालिका प्रशासन कर्मचाऱ्यांना न्याय देणार आहे का, असा प्रश्न विचारला जात आहे. (PMC Pune Marathi News) 
—-
News Title | PMC Pune Employees Promotion |  Now run to the National Commission for Backward Classes for the promotion of Pune Municipal Corporation employees

PMC Pune Water Supply Department | पाणीपुरवठा विभागाच्या मुख्य अभियंता पदी कुणाची वर्णी लागणार?

Categories
Breaking News PMC पुणे

PMC Pune Water Supply Department | पाणीपुरवठा विभागाच्या मुख्य अभियंता पदी कुणाची वर्णी लागणार?

: प्रशासनाकडून मुख्य अभियंता पदासाठीची पदोन्नतीची प्रक्रिया सुरु

PMC Pune Water Supply Department | (Author: Ganesh Mule) | पाणीपुरवठा विभागाचे मुख्य अभियंता (Water Supply department Chief Engineer) पद हे गेल्या काही महिन्यापासून रिक्त आहे. सद्यस्थितीत प्रभारी म्हणून अधिक्षक अभियंता अनिरुद्ध पावसकर (Superintendent Engineer Anirudh Pawaskar) हे काम पाहत आहेत. दरम्यान महापालिका प्रशासनाने (Pune civic body) हे पद भरण्याची प्रक्रिया सुरु केली आहे. सेवाज्येष्ठतेने (seniority) पदोन्नतीच्या (Promotion) माध्यामातून हे पद भरले जाणार आहे. यासाठी महापालिकेतील तीन अधिक्षक अभियंता पात्र होत आहेत. सामान्य प्रशासन विभागाने याबाबतचे प्रकरण तयार केले असून लवकरच ते महापालिका आयुक्तांच्या अध्यक्षतेखालील पदोन्नती समितीच्या बैठकी (Promotion Committee) समोर ठेवले जाणार आहे. अशी माहिती सामान्य प्रशासन विभागाकडून देण्यात आली. (PMC Pune Water supply department)

: गोपनीय अहवालामुळे अडकली होती पदोन्नती

पाणी पुरवठा विभागाचे मुख्य अभियंता म्हणून वी जी कुलकर्णी (chief engineer V G Kulkarni) काम पाहत होते. मात्र त्यांची बदली पथ विभागाचे मुख्य अभियंता पदी झाली. तेव्हापासून हे पद रिक्त आहे. या पदावर सद्यस्थितीत अधिक्षक अभियंता अनिरुद्ध पावसकर हे काम पाहत आहेत. मुख्य अभियंता हे पद पदोन्नतीने भरण्यात येणार आहे. त्यासाठी सेवाज्येष्ठता हा निकष लागू होणार आहे. सामान्य प्रशासन विभागाने मागील वर्षी जून महिन्यात पदोन्नतीची प्रक्रिया सुरु केली होती.  नंतर काही तांत्रिक कारणाने ऑगस्ट महिन्यापर्यंत  वेळ वाढवून देण्यात आला. पुन्हा ही मुदत 31 मार्च पर्यंत वाढवून देण्यात आली. कारण काही अधिकाऱ्यांचे गोपनीय अहवाल (Confidential Report) मिळाले नाहीत. गोपनीय अहवालामुळे याला उशीर झाला. त्यानंतर आता प्रशासनाने प्रक्रिया सुरु केली आहे. (PMC Pune Chief engineer)
सामान्य प्रशासन विभागाच्या माहितीनुसार पदोन्नतीच्या माध्यमातून यासाठी तीन अधिकारी पात्र होत आहेत. त्यात अधिक्षक अभियंता अनिरुद्ध पावसकर (Anirudh Pawaskar) , अधिक्षक अभियंता युवराज देशमुख (Yuvraj Deshmukh) आणि अधिक्षक अभियंता नंदकिशोर जगताप (Nandkishor Jagtap) यांचा समावेश आहे. प्रशासनाने हे प्रकरण तयार केले असून लवकरच आयुक्तांच्या अध्यक्षतेखालील पदोन्नती समिती बैठकीत हे प्रकरण ठेवले जाणार आहे. त्यानुसार हे पद भरले जाणार आहे. (PMC Pune water supply department chief engineer) 
—-
News Title | PMC Pune Water Supply Department |  Who will be appointed as Chief Engineer of Water Supply Department? :  The promotion process for the post of Chief Engineer has been started by the administration

PMC Pune Employees Promotion | ‘अनुभव’ आणि ‘सेवा’ या शब्दाच्या गल्लतीमुळे पुणे महापालिकेचे बहुसंख्य कर्मचारी पदोन्नतीपासून वंचित!

Categories
Breaking News PMC पुणे

 PMC Pune Employees Promotion | ‘अनुभव’ आणि ‘सेवा’ या शब्दाच्या गल्लतीमुळे पुणे महापालिकेचे बहुसंख्य कर्मचारी पदोन्नतीपासून वंचित!

| महापालिकेने दुरुस्तीचा प्रस्ताव सरकारकडे पाठवण्याची कर्मचाऱ्यांची मागणी

PMC Pune Employees Promotion | (Author : Ganesh Mule) महानगरपालिकेतील (Pune Municipal Corporation) प्रशासकीय सेवा या संवर्गातील “अधिक्षक” (वर्ग-३) व “प्रशासन अधिकारी” (वर्ग-२) या पदावर तात्पुरती पदोन्नती देण्याबाबतचा प्रस्ताव गेल्या कित्येक महिन्यापासून प्रलंबित आहे. याबाबत महापालिकेने (PMC Pune) सरकारकडून मार्गदर्शन देखील मागवले होते. सरकारने यात दुरुस्ती सुचवली आहे. हा सगळा गोंधळ अनुभव आणि सेवा या शब्दांमुळे झाला आहे. त्यामुळे हा गोंधळ टाळण्यासाठी महापालिकेने सरकारकडे दुरुस्ती प्रस्ताव पाठवणे आवश्यक आहे. मात्र तेच होत नसल्याने या कर्मचाऱ्यांना  पदोन्नती पासून वंचित राहावे लागत आहे. (PMC Pune News)
| मानीव दिनांक काय आहे 
महापालिकेचा कर्मचारी त्याच्या पदोन्नतीस पात्र असताना देखील काही तांत्रिक कारणामुळे किंवा प्रशासनाच्या चुकीमुळे पदोन्नतीपासून वंचित राहत असतील तर पदोन्नती देण्याबाबत मानीव दिनांक ही संकल्पना सरकारने तयार केली आहे. त्यानुसार महापालिकेने काही लोकांना पदोन्नती देखील दिली आहे. त्यानुसार महापालिकेचे अधिक्षक आणि प्रशासन अधिकारी यांची पदोन्नती देण्याबाबत पदोन्नती समितीच्या बैठकीत चर्चा झाली होती. मात्र यात मानीव दिनांकाचा तांत्रिक मुद्दा उपस्थित झाल्याने ही पदोन्नती लटकली आहे. कारण सरकारकडून देखील यात एक गोंधळ झाला आहे.   पुणे महानगरपालिकेच्या सेवा प्रवेश नियमात पदोन्नती देताना “निम्न पदावरील ३ वर्षाचा कामाचा अनुभव आवश्यक” अशी तरतुद आहे. मात्र इतर महापालिकांमध्ये ‘3 वर्षाची नियमित सेवा’ अशी तरतूद आहे.
| महापालिकेने मागवले होते मार्गदर्शन 
पुणे महानगरपालिका प्रशासनाकडील प्रशासकीय सेवा या संवर्गातील ज्या अधिकारी / कर्मचारी यांना निम्न संवर्गातील पदावर मानीव दिनांक मंजुर केल्याने ते सध्या त्यांच्या उच्च पदाच्या पदोन्नतीच्या विचाराधीन कक्षेत आले आहेत. त्यांना निम्न संवर्गातील ३ वर्षाचा कामाचा प्रत्यक्ष अनुभव नसताना पदोन्नती द्यावी अगर कसे याबाबत महापालिका प्रशासनाकडून राज्य सरकारकडे मार्गदर्शन मागितले होते.
या अनुषंगाने सरकारने कळवले होते की, पुणे महानगरपालिकेच्या सेवा प्रवेश नियमात पदोन्नती देताना “निम्न पदावरील ३ वर्षाचा कामाचा अनुभव आवश्यक” अशी तरतुद आहे. निम्न संवर्गातील पदावर मानीव दिनांक मंजुर केल्याने उच्च पदाच्या पदोन्नती कक्षेत आलेल्या अधिकारी / कर्मचारी यांना कामाचा प्रत्यक्ष अनुभव नसताना पदोन्नती देण्यासाठी सेवाप्रवेश नियमात सदर अर्हतेमध्ये “निम्न पदावरील ३ वर्षांची
नियमित सेवा” असा बदल करणे आवश्यक आहे.
| महापालिकेने प्रस्ताव पाठवणे आवश्यक 
सरकारच्या या मार्गदर्शनानंतर महापालिकेने दुरुस्तीचा प्रस्ताव सरकारकडे पाठवणे आवश्यक होते. मात्र गेल्या दोन तीन महिन्यापासून याबाबत कुठलीही हालचाल करण्यात आलेली नाही. त्यामुळे प्रशासन अधिकारी आणि अधीक्षक यांची पदोन्नती रखडली आहे. त्यासाठी दुरुस्तीचा प्रस्ताव पाठवण्याची मागणी कर्मचाऱ्याकडून होत आहे.

—

Due to the mistake of the words ‘experience’ and ‘service’, most of the employees of Pune Municipal Corporation are deprived of promotion!

PMC Pune Assistant Commissioner | महापालिका सहायक आयुक्त पदाच्या नेमणुकीच्या पद्धतीत वारंवार केला जातोय बदल

Categories
Breaking News PMC पुणे

PMC Pune Assistant Commissioner | महापालिका  सहायक आयुक्त पदाच्या नेमणुकीच्या पद्धतीत वारंवार केला जातोय बदल

 

| वर्ग 3 मधील पदविका (Diploma) मिळवलेला कर्मचारी देखील परीक्षेद्वारे होणार सहायक महापालिका आयुक्त

| विधी समिती समोर प्रस्ताव

PMC Pune Assistant Commisioner | महापालिकेच्या सहायक महापालिका आयुक्त पदाच्या अर्हता आणि नेमणुकीच्या पद्धतीत वारंवार बदल केला जात आहे. या पदाच्या 50% पदोन्नतीच्या (Promotion) पद्धतीत बदल केला गेला होता. प्रचलित पद्धतीनुसार सेवाज्येष्ठतेनुसार (Seniority) 50% पदोन्नती दिली जात होती. मात्र यात बदल करण्यात आला. त्यानुसार पदवी धारण करणारे अंतर्गत परीक्षेद्वारे वर्ग 1, 2 आणि 3 मधील कर्मचारी देखील सहायक आयुक्त होऊ शकतात. याबाबतच्या प्रस्तावाला नुकतीच महापालिकेच्या मुख्य सभेने (pmc pune General body) मान्यता दिली होती व हा प्रस्ताव सरकारकडे पाठवला होता. मात्र यात अजून एक बदल केला जाणार आहे. आता फक्त पदवीच (Degree) नाही तर पदविका (Diploma) धारण करणारा कर्मचारी देखील परीक्षा देऊन सहायक आयुक्त होऊ शकणार आहे. याबाबतचा प्रस्ताव विधी समिती समोर ठेवण्यात आला आहे. मात्र या माध्यमातून लेखनिकी संवर्गातून (clerical cadre) सहायक आयुक्त (Assistant Municipal commissioner, होण्याची मनीषा बाळगणाऱ्या कर्मचाऱ्यांना बेदखल केले असल्याचे दिसून येत आहे. (PMC pune Assistant commissioner)
महापालिका सेवा नियमावली (PMC pune Service rules) नुसार सहायकमहापालिका आयुक्त पदासाठी अर्हता आणि नेमणुकीची पद्धत कशी करावी हे ठरवून दिले आहे. त्यानुसार त्याची साखळी देखील बनवण्यात आली होती. त्यामध्ये लेखनिकी संवर्गासाठी अधीक्षक, प्रशासन अधिकारी, सहायक आयुक्त, उपायुक्त आणि अतिरिक्त महापालिका आयुक्त अशी आहे. तर तांत्रिक पदासाठी शाखा अभियंता, उप अभियंता, कार्यकारी अभियंता, अधीक्षक अभियंता आणि शहर अभियंता अशी आहे. (PMC pune news)

त्यानुसार प्रशासकीय सेवाश्रेणी – १ मधील  सहाय्यक आयुक्त (क्रिडा, अतिक्रमण, घनकचरा व्यवस्थापन, स्थानिक संस्थाकर अधिक्षक, मालमत्ता व व्यवस्थापन, कर आकारणी व कर संकलन) या पदाची नेमणुकीची प्रचलित  पद्धत ही 25% नामनिर्देशन, पदोन्नती-५०% आणि प्रतिनियुक्ती 25% अशी होती. 50% पदोन्नती ही महापालिका कर्मचाऱ्यांमधून सेवाज्येष्ठेतेनुसार केली जात होती. (Pune Municipal Corporation)

पुणे महानगरपालिका सेवा (सेवा प्रवेश व सेवांचे वर्गीकरण) नियमावली २०१४ मध्ये “लिपिक टंकलेखक”, वर्ग ३ ते “उप आयुक्त”, वर्ग १ अशी पदोन्नतीची लॅडर आहे. सदर साखळीमधील “सहाय्यक महापालिका आयुक्त”, वर्ग १ हे पद २५% नामनिर्देशन, ५०% पदोन्नती ( नामनिर्देशनासाठी विहित केलेली शैक्षणिक अर्हता धारण करणा-या पुणे महानगरपालिकेच्या आस्थापनेवरील सेवाज्येष्ठता व गुणवत्ता या आधारे प्रशासन अधिकारी (विभाग प्रमुख) संवर्गातील कर्मचाऱ्यांमधून किमान ०३ वर्षांचा अनुभव)  व २५% प्रतिनियुक्ती मधून भरण्यात येते. (Pmc Pune Marathi News)
मात्र  पुणे महानगरपालिका सेवा (सेवा प्रवेश व सेवांचे वर्गीकरण) नियम २०१४ मध्ये परिशिष्ट-१ मधील अट
क्रमांक ९ पुढील प्रमाणे आहे.
तांत्रिक पदांना अतांत्रिक संवार्गामध्ये पदोन्नती देता येणार नाही.
 पुणे महानगरपालिका सेवा (सेवा प्रवेश व सेवांचे वर्गीकरण) नियम २०१४ मध्ये “सहाय्यक महापालिका आयुक्त, वर्ग-१” या पदांच्या विहित करण्यात आलेली नेमणुकीची पद्धत, टक्केवारी व शैक्षणिक अर्हतेबाबत खालीलप्रमाणे दुरुस्तीचा प्रस्ताव सादर करण्यात आला होता.
त्यानुसार आता नवीन पद्धत अशी केली होती
1. नामनिर्देशन – २५%
अ) मान्यताप्राप्त विद्यापीठाची कोणत्याही शाखेची पदवी.
2. निवड पद्धतीने पदोन्नती – ५०%
अ) मान्यताप्राप्त विद्यापीठाची कोणत्याही शाखेची पदवी धारण करणाऱ्या पुणे महानगरपालिकेच्या आस्थापनेवरील वर्ग-१, २ व ३ मधील किमान ५ वर्षाचा अनुभव धारण करणारे कर्मचारी यांच्या मधून परीक्षेद्वारे गुणवत्तेनुसार निवड पद्धती नियुक्तीने.
3. प्रतिनियुक्ती- २५%
महानगरपालिका शासकीय  सेवेतील / स्थानिक स्वराज्य संस्था सेवेतील वर्ग-१ या पदावरील किमान ०५ वर्षांचा अनुभव धारण करणारे अधिकाऱ्यांमधून. (Pmc Pune news)
हा प्रस्ताव देखील राज्य सरकारकडे पाठवण्यात आला होता. मात्र यात अजून एक बदल करण्यात आला आहे. याबाबतचा प्रस्ताव विधी समिती समोर ठेवण्यात आला आहे. प्रस्तावानुसार नवीन पद्धत खालीलप्रमाणे असेल.
1. नामनिर्देशन – २५%
अ) मान्यताप्राप्त विद्यापीठाची कोणत्याही शाखेची पूर्ण वेळ पदवी/पदविका
2. निवड पद्धतीने पदोन्नती – ५०%
अ) मान्यताप्राप्त विद्यापीठाची कोणत्याही शाखेची पूर्ण वेळ पदवी/पदविका धारण करणाऱ्या पुणे महानगरपालिकेच्या आस्थापनेवरील वर्ग-१, २ व ३ मधील किमान ५ वर्षाचा अनुभव धारण करणारे कर्मचारी यांच्या मधून परीक्षेद्वारे गुणवत्तेनुसार निवड पद्धती नियुक्तीने.
3. प्रतिनियुक्ती- २५%
महानगरपालिका शासकीय  सेवेतील / स्थानिक स्वराज्य संस्था सेवेतील वर्ग-१ या पदावरील किमान ०५ वर्षांचा अनुभव धारण करणारे अधिकाऱ्यांमधून. (Pmc Pune assistant commissioner News)

Deputy Commissioner | PMC Pune | आशिष महाडदळकर यांची उपायुक्त पदी पदोन्नती 

Categories
Breaking News PMC पुणे

आशिष महाडदळकर यांची उपायुक्त पदी पदोन्नती

पुणे | महापालिकेचे सहायक आयुक्त आशिष महाडदळकर यांना ज्येष्ठतेने पदोन्नती देण्यात आली आहे. त्यांची वर्णी आता महापालिका उपायुक्त वर्ग 1 पदी लागली आहे.
महाडदळकर यांच्याकडे उपायुक्त विशेष हे पद देण्यात आले आहे. तर मुद्रणालय आणि जनरल रेकॉर्ड या विभागाची जबाबदारी त्यांच्याकडे देण्यात आली आहे. महापालिका आयुक्त विक्रम कुमार यांनी हे आदेश जारी केले आहेत. महापालिकेचा एखादा कर्मचारी उपायुक्त होतो, याबाबत त्यांचे कौतुक केले जात आहे.

शिक्षण विभागातील शिक्षकेतर कर्मचाऱ्यांच्या बदल्या आणि पदोन्नतीचा मार्ग मोकळा | समयोजन प्रस्तावाला महापालिका आयुक्तांची मंजूरी

Categories
Breaking News Education PMC पुणे

शिक्षण विभागातील शिक्षकेतर कर्मचाऱ्यांच्या बदल्या आणि पदोन्नतीचा मार्ग मोकळा

| समयोजन प्रस्तावाला महापालिका आयुक्तांची मंजूरी

| जवळपास 450 शिक्षकेतर कर्मचाऱ्यांचे होणार समायोजन

पुणे | राज्य सरकारने शिक्षण मंडळ बरखास्त केले. सरकारच्या आदेशानुसार मंडळ हा एक महापालिकेचा विभाग करण्याचे ठरले. असे असले तरी महापालिकेत या कर्मचाऱ्यांचे समायोजन करण्यात बऱ्याच अडचणी येत आहेत. वेतन श्रेणी पासून पदोन्नती पर्यंतच्या या अडचणी आहेत. दरम्यान महापालिका सामान्य प्रशासन विभागाने शिक्षण विभागाच्या जवळपास 450 शिक्षकेतर कर्मचाऱ्यांचे समायोजन करण्याचा प्रस्ताव आयुक्त यांच्या समोर ठेवला होता. आयुक्तांनी या प्रस्तावाला मंजूरी दिली आहे. त्यानुसार आता शिक्षण विभागातील कर्मचाऱ्यांच्या बदल्या महापालिकेतील कुठल्याही विभागात होतील. शिवाय त्यांना पदोन्नती देखील मिळणार आहेत. त्यानुसार सामान्य प्रशासन विभागाकडून लवकरच प्रारूप सेवाज्येष्ठता यादी प्रसिद्ध करण्यात येईल. अशी माहिती महापालिका प्रशासनाकडून देण्यात आली. (PMC Education Department)
पुणे महानगरपालिकासेवा प्रवेश नियमावली २०१४ नुसार प्राथमिक शिक्षण विभागाकडील शिक्षकेतर कर्मचाऱ्यांना पदोन्नतीचे शिडी प्रमाणे त्यांना संधी मिळणार आहे. आज मितीस माध्यमिक व तांत्रिक शिक्षण विभागाकडील ळांतील शिक्षकेतर सेवकांच्या बदल्या/बढत्या या पुणे महानगरपालिका आस्थापनेवर करण्यात येत नाही. तसेच त्या शिक्षकेतर सेवकांची सेवाज्येष्ठता ही स्वतंत्र ठेवण्यात आलेली आहे. पुणे मनपाकडील अन्य विभाग जसे मुख्यलेखापरीक्षण विभाग ,नगरसचिव कार्यालय,मुद्रणालय विभाग या कार्यालयाकडील सर्व संवर्गाच्या सेवकांच्या देखील सेवाजेष्ठता याद्या व रोस्टर स्वतंत्र ठेवण्यात आलेले आहे. प्राथमिक शिक्षण विभागाकडील (तत्कालीन शिक्षण मंडळाकडील) सेवकांच्या सेवाज्येष्ठता यादी एकत्रित केल्यास पुणे महानगरपालिकेच्या मुळ संवर्गातील सेवकांच्या सेवाज्येष्ठतेवर परिणाम होऊन त्यास मूळ संवर्गातील सेवकांकडून विरोध होण्याची शक्यता आहे. तसेच सदर शिक्षकेतर सेवकांच्या सेवाजेष्ठता पुणे महानगरपालिका आस्थापनेत विलिन करावयाच्या झाल्यास मनपा आस्थापनेवरील मंजूर पद संख्येत बदल करावे लागतील . मनपा आस्थापनेवरील मंजूर पदांवर प्राथमिक शिक्षण विभागातील शिपाई, रखवालदार पदावरील रोजंदारी कर्मचारी सामावून घेण्याची मागणी देखील करण्याची शक्यता होती. या सर्व गोष्टी विचारात घेऊन सामान्य प्रशासन विभागाने समायोजनाचा प्रस्ताव अतिरिक्त आयुक्त यांच्या माध्यमातून महापालिका आयुक्त यांच्यासमोर ठेवला होता. या प्रस्तावाला महापालिका आयुक्तांनी नुकतीच मंजूरी दिली आहे. (Pune Municipal Corporation)
– वर्ग 4 मधील जास्त कर्मचारी 
प्रस्तावानुसार प्राथमिक शिक्षण विभागाकडील (तत्कालीन शिक्षण मंडळाकडील) स्वीय सहा. लघुलेखक (वर्ग-३), कनिष्ठ अभियंता (वर्ग-३), प्रशासन अधिकारी (वर्ग-२), अधिक्षक (वर्ग-३), उपअधिक्षक (वर्ग-३), वरिष्ठ लिपिक (वर्ग-३), लिपिक टंकलेखक (वर्ग- ३), शिपाई (वर्ग-४), रखवालदार (वर्ग-४), बिगारी (वर्ग-४) व माळी (वर्ग-४) या पदावरील शिक्षकेतर पदावरील सेवकांच्या सेवाजेष्ठ्ता पुणे मनपाव्या आस्थापनेवरील सेवकांमध्ये सेवाज्येष्ठता यादीमध्ये समाविष्ट करणे, पुणे मनपाकडील मंजूर पदे आणि प्राथमिक शिक्षण विभागाकडील मंजूर पदे, कार्यरत पदे एकत्रित करून एकच रोस्टर तयार करणे आणि सदर सेवकांच्या बदल्या मनपाच्या इतर खात्यामध्ये करणेबाबत समितीने एकमताने निर्णय घेतलेला आहे.  प्राथमिक शिक्षण विभागाकडील समावेशन करावयाचे पदावरील कर्मचारी पद निहाय संख्या जवळपास 450 आहे. यामध्ये वर्ग 4 मधील कर्मचाऱ्यांची संख्या 200 हून अधिक आहे.
आयुक्तांनी प्रस्तावाला मंजूरी दिल्याने आता शिक्षण विभागातील कर्मचाऱ्यांच्या बदल्या महापालिकेतील कुठल्याही विभागात होतील. शिवाय त्यांना पदोन्नती देखील मिळणार आहेत. त्यानुसार सामान्य प्रशासन विभागाकडून लवकरच प्रारूप सेवाज्येष्ठता यादी प्रसिद्ध करण्यात येईल. त्यावर येणाऱ्या हरकतींचा निपटारा करून बदल्या केल्या जातील.  अशी माहिती महापालिका प्रशासनाकडून देण्यात आली. यामुळे मात्र शिक्षण विभागातील कर्मचाऱ्यांचा गेल्या बऱ्याच वर्षांचा प्रश्न मार्गी लागणार आहे.

Education Dept | PMC | शिक्षण विभागाचे समायोजन करण्यात बऱ्याच तांत्रिक अडचणी | 450 शिक्षकेतर कर्मचाऱ्यांचे समायोजन करण्याचा प्रस्ताव अतिरिक्त आयुक्तांसमोर

Categories
Breaking News Education PMC पुणे

शिक्षण विभागाचे समायोजन करण्यात बऱ्याच तांत्रिक अडचणी

| 450 शिक्षकेतर कर्मचाऱ्यांचे होणार समायोजन

पुणे | राज्य सरकारने शिक्षण मंडळ बरखास्त केले. सरकारच्या आदेशानुसार मंडळ हा एक महापालिकेचा विभाग करण्याचे ठरले. असे असले तरी महापालिकेत या कर्मचाऱ्यांचे समायोजन करण्यात बऱ्याच अडचणी येत आहेत. वेतन श्रेणी पासून पदोन्नती पर्यंतच्या या अडचणी आहेत. दरम्यान महापालिका सामान्य प्रशासन विभागाने शिक्षण विभागाच्या 450 शिक्षकेतर कर्मचाऱ्यांचे समायोजन करण्याचा प्रस्ताव अतिरिक्त आयुक्त यांच्या समोर ठेवला आहे.
प्रशासनाच्या प्रस्तावानुसार  शासन निर्णय दि.१९/०३/२००२ अन्वये पुणे महानगरपालिकेसाठी शासनाने विविक्षितपणे निर्गमित केलेली वेतनश्रेणी सुधारणा नियमावली मधिल परिशिष्ट ड प्रमाणे माध्यमिक, उच्य माध्यमिक व तांत्रिक शाळांमधिल सेवकांच्या बदल्या महानगरपालिकेच्या अन्य खात्यामध्ये करता येणार नाही, येणेप्रमाणे नियमांची बंधने आहेत. शासनाकडून नियमित अनुदान प्राप्त होणेसाठी या शिक्षकेतर सेवकांची नेमणूक पुर्णपणे शिक्षण विभागासाठीच केलेली आहेत. शिक्षकेतर कर्मचाऱ्यांनी शिक्षण विभागाकडील नेमणूका स्वेच्छेने व निर्विवादपणे स्विकारलेल्या असून त्यामधिल सेवाजेष्ठता, बढती, वेतन यांसारखे आर्थिक फायदे सुध्दा स्विकारून अंगिकारलेले आहेत व त्याचा उपभोग घेत आहेत, त्यामुळे प्राथमिक शिक्षण विभागाकडील शिक्षकेतर कर्मचाऱ्यांना कोणत्याही प्रकारच्या हक्कांपासून वंचित ठेवण्यात आलेले नाहीत. तसेच तत्कालिन शिक्षण मंडळाच्या कार्यकाळात झालेल्या कर्मचाऱ्यांच्या नेमणूका विहित पध्दतीने झालेल्या आहेत अगर कसे ? याबाबत खातर जमा करणे आवश्यक असून लेखनिकी संवर्गातील सेवकांच्या पदोन्नती व सेवा विषयक बाबीमध्ये अनियमितता झालेली दिसून येत आहे. त्याबाबतची एकूण १२ लिपिक पदावरील कर्मचाऱ्यांची चौकशी चालू असून अंतिम निर्णय झालेला नाही.
पुणे महानगरपालिकासेवा प्रवेश नियमावली २०१४ नुसार प्राथमिक शिक्षण विभागाकडील शिक्षकेतर कर्मचाऱ्यांना पदोन्नतीचे शिडी प्रमाणे त्यांना संधी मिळणार आहे. आज मितीस माध्यमिक व तांत्रिक शिक्षण विभागाकडील ळांतील शिक्षकेतर सेवकांच्या बदल्या/बढत्या या पुणे महानगरपालिका आस्थापनेवर करण्यात येत नाही तसेच त्या शिक्षकेतर सेवकांची सेवाज्येष्ठता ही स्वतंत्र ठेवण्यात आलेली आहे. पुणे मनपाकडील अन्य विभाग जसे मुख्यलेखापरीक्षण विभाग ,नगरसचिव कार्यालय,मुद्रणालय विभाग या कार्यालयाकडील सर्व संवर्गाच्या सेवकांच्या देखील सेवाजेष्ठता याद्या व रोस्टर स्वतंत्र ठेवण्यात आलेले आहे. प्राथमिक शिक्षण विभागाकडील (तत्कालीन शिक्षण मंडळाकडील) सेवकांच्या सेवाज्येष्ठता यादी एकत्रित केल्यास पुणे महानगरपालिकेच्या मुळ संवर्गातील सेवकांच्या सेवाज्येष्ठतेवर परिणाम होऊन त्यास मूळ संवर्गातील सेवकांकडून विरोध होण्याची शक्यता आहे. तसेच सदर शिक्षकेतर सेवकांच्या सेवाजेष्ठता पुणे महानगरपालिका आस्थापनेत विलिन करावयाच्या झाल्यास मनपा आस्थापनेवरील मंजूर पद संख्येत बदल करावे लागतील . मनपा आस्थापनेवरील मंजूर पदांवर प्राथमिक शिक्षण विभागातील शिपाई, रखवालदार पदावरील रोजंदारी कर्मचारी सामावून घेण्याची मागणी देखील करण्याची शक्यता वाटते.
प्राथमिक शिक्षण विभागाकडे (तत्कालीन शिक्षण मंडळाकडील) आरक्षणाचा लाभ घेवून उपअधीक्षक, वरिष्ठ लिपिक या पदावर पदोन्नती कार्यरत असलेले सेवक हे दि. २५/०५/२००४ चे तरतुदीचा लाभ घेवून वरच्या स्थानावर आलेले आहेत त्यांची जेष्ठता ही मे. न्यायालयाच्या निर्णयाचे अधीन राहून घेणे आवश्यक आहे. पुणे महानगरपालिका सेवा (सेवाप्रवेश व सेवांचे वर्गीकरण) नियम २०१४ मध्ये भाषा परीक्षा
विभागीय परीक्षा व प्रशिक्षण मधील मुद्दा ३ मध्ये वेळोवेळी ठरवून देण्यात येईल असे सेवा प्रवेश आणि /किंवा सेवाप्रवेशोत्तर प्रशिक्षण घेणे सुध्दा आवश्यक असेल . त्यामुळे विभागीय परीक्षा पास होणे लेखनिकी संवर्गातील सेवकास बंधनकारक आहे. सद्यस्थितीत प्राथमिक शिक्षण विभागाकडील लेखनिकी संवर्गातील

कर्मचारी विभागीय परीक्षा पास नसल्याचे निदर्शनास येत आहे. अवर सचिव महाराष्ट्र शासन मंत्रालय यांचे दि.०४/०६/१९७५ ने शिक्षण संचालक पुणे यांना मनपा
प्राथमिक शिक्षण मंडळ पुणे स्कूल बोर्ड अकाउंट या परीक्षा सन १९६२ पासून झालेल्या नसल्यामुळे लिपिक
. यांना त्यांची सेवाज्येष्ठता आणि वरिष्ठ जागी काम करण्याची पात्रता विचारात घेवून पदोन्नती देण्यात यावी.  असे शिक्षण संचालक पुणे यांना कळविलेले दिसून येत आहे. आज अखेर प्राथमिक शिक्षण विभागाकडील लेखनिकी संवर्गातील सेवकांच्या विभागीय परीक्षा घेतलेल्या नाहीत. ही वस्तुस्थिती दिसून येत आहे.

समितीचे दि.३०/०१/२०२३ रोजीचे झालेल्या बैठकीमध्ये प्राथमिक शिक्षण विभागाकडील (तत्कालीन शिक्षण मंडळाकडील) स्वीय सहा. लघुलेखक (वर्ग-३), कनिष्ठ अभियंता (वर्ग-३), प्रशासन अधिकारी (वर्ग-२), अधिक्षक (वर्ग-३), उपअधिक्षक (वर्ग-३), वरिष्ठ लिपिक (वर्ग-३), लिपिक टंकलेखक (वर्ग- ३), शिपाई (वर्ग-४), रखवालदार (वर्ग-४), बिगारी (वर्ग-४) व माळी (वर्ग-४) या पदावरील शिक्षकेतर पदावरील सेवकांच्या सेवाजेष्ठ्ता पुणे मनपाव्या आस्थापनेवरील सेवकांमध्ये सेवाज्येष्ठता यादीमध्ये समाविष्ट करणे, पुणे मनपाकडील मंजूर पदे आणि प्राथमिक शिक्षण विभागाकडील मंजूर पदे, कार्यरत पदे एकत्रित करून एकच रोस्टर तयार करणे आणि सदर सेवकांच्या बदल्या मनपाच्या इतर खात्यामध्ये करणेबाबत समितीने एकमताने निर्णय घेतलेला आहे.
प्राथमिक शिक्षण विभागाकडील समावेशन करावयाचे पदावरील कर्मचारी पद निहाय संख्या 450 आहे.
शासनाने दि.०८/०७/२०२१ रोजी प्राथमिक शिक्षण विभागाचा स्वतंत्र आकृतिबंध मंजूर केलेला असून सद्यस्थितीत शिक्षकेतर ९८९ पदे मंजूर केलेली असून त्यापैकी ५०७ कायम पदे आणि रोजंदारीवर ३६३ सेवक कार्यरत आहेत.  परंतू आणखी असे की, कायम स्वरूपी समावेशनासंदर्भात केलेल्या तरतुदीनुसार एखाद्या मूळ नियुक्ती प्राधिकाऱ्याच्या अधिपत्याखालील कोणत्याही पदावरून, संवर्गातून किंवा सेवेतून शासकीय कर्मचाऱ्याचे त्याच्या स्वत:च्या विनंतीवरून शासनातील दुसऱ्या नियुक्ती प्राधिकाऱ्याच्या अधिपत्याखालील अन्य पदावर, संवर्गात किंवा सेवेत, कायमस्वरूपी समावेशन झाल्यास, जेष्ठ्तेच्या प्रयोजनार्थ शासकीय कर्मचाऱ्याची आधीची सेवा ही अखंडीत सेवा म्हणून समावेशन झालेल्या पदासाठी ग्राह्य धरली जाणार नाही. सबब प्राथमिक शिक्षण विभागाकडील (तत्कालीन शिक्षण मंडळाकडील) कर्मचाऱ्यांची सेवाज्येष्ठता त्यांचे प्रथम नियुक्ती दिनांकास पुणे महानगरपालिका आस्थापनेत समाविष्ट केल्यास सेवाज्येष्ठता यादीमध्ये मोठ्या प्रमाणात बदल होवून त्यांना मानीव दिनांक देवून दोन ते तीन पदोन्नत्या द्याव्या लागतील तसेच रोस्टर मध्ये ही बदल होतील अशा इतर प्रशासकीय तदनुषंगिक अडचणी निर्माण होण्याची शक्यात नाकारता येत नाही. त्यामुळे तत्कालीन शिक्षण मंडळातर्गत नियमानुसार विहित पद्धतीने नियुक्त कार्यरत व कायम कार्यालयीन कर्मचारी,अधिकारी शाळेतील शिक्षक व शिक्षकेतर कर्मचारी यांची सेवा महापालिका आयुक्त पुणे मनपा यांचे कार्यालयीन आदेश जा.क्रं.मआ/३२० दिनांक १४/०८/२०१७ पासून पुणे मनपात संवर्गनिहाय वर्ग करण्यात आलेली आहे, त्या दिनांकापासून मा.समितीचे दि.३०/०१/२०२३ रोजीचे बैठकीचे इतीवृतांत मधील नमूद पदावरील कर्मचारी यांची सेवा पुणे मनपात संवर्गनिहाय सेवाज्येष्ठता यादीमध्ये समाविष्ट करणे व समावेशन केलेल्या पदाची अर्हता धारण केल्यास ज्येष्ठता यादीत त्यांना स्थान देणे योग्य होईल. असे प्रस्तावात म्हटले आहे.

Deputy Commissioners | PMC | महापालिकेचे तीन ‘सहायक आयुक्त’ होणार ‘उपायुक्त’

Categories
Breaking News PMC पुणे

महापालिकेचे तीन ‘सहायक आयुक्त’ होणार ‘उपायुक्त’

| विधी समिती समोर प्रस्ताव

पुणे | पुणे महापालिकेच्या (PMC Pune) तीन सहायक आयुक्त (Assistant commissioner) तथा क्षेत्रीय अधिकाऱ्यांना (ward officers) पदोन्नतीच्या (promotion) माध्यमातून उपायुक्त (Deputy commissioner) या पदावर बढती देण्यात येणार आहे.  यामध्ये युनूस पठाण, किशोरी शिंदे आणि आशिष महाडदळकर यांचा समावेश आहे. याबाबतचा प्रस्ताव विधी समिती समोर ठेवण्यात आला आहे. यावर समितीच्या पुढील बैठकीत चर्चा होईल. (PMC pune)

समितीच्या प्रस्तावानुसार पुणे महानगरपालिका प्रशासनाकडील ‘उप आयुक्त’ वर्ग-१ (पे मेट्रिक्स S-२३ ६७७००-२०८७००) या पदावर ‘सहाय्यक आयुक्त’ वर्ग-१ या पदावरून पदोन्नतीने नेमणूक करणेसाठी तयार करावयाचे निवड यादी व प्रतिक्षा यादीसाठी दिनांक २७/१२/२०२२ रोजी पदोन्नती समितीची बैठक घेण्यात आली.  मान्य आकृतीबंधानुसार उप आयुक्त’ वर्ग-१ या संवर्गातील एकूण १८ पदे मंजूर असून, ५०% प्रमाणे पदोन्नतीची एकूण ९ मंजूर पदे आहेत. शासनाचे नगर विकास विभाग यांचेमार्फत सामान्य प्रशासन विभाग, मंत्रालय, मुंबई कार्यालय यांचेकडून ‘उप आयुक्त’ वर्ग-१ या पदाचे पदोन्नतीच्या रोस्टरची तपासणी दि. २५/११/२०१६ रोजी झालेली आहे. त्यानुसार 3 पदे रिक्त राहत होती. या  स्थितीनुसार सद्यस्थितीत उप आयुक्त पदाच्या २ रिक्त जागा उपलब्ध होत असून,  संजय गावडे, उप आयुक्त यांच्या सेवानिवृत्तीनंतर दि.३१/०३/२०२३ पश्चात १ जागा रिक्त होणार आहे.  सदर रिक्त जागांकरिता निवड यादी व प्रतिक्षा यादी तयार करणेस  पदोन्नती समितीने एकमताने शिफारस केली आहे. (Pune Municipal corporation)

 पदोन्नतीसाठी कमीत कमी ७ पदे उपलब्ध असल्यास १ पद दिव्यांगांसाठी आरक्षित करण्यात यावे. तसेच, ७ पेक्षा जास्त पदे पदोन्नतीसाठी उपलब्ध होत असल्यास ४% विहित आरक्षणानुसार पदाची गणना करून दिव्यांगांसाठी पदे निश्चित करण्यात यावीत. अशी तरतूद आहे. सद्यस्थितीत फक्त २ पदे रिक्त आहेत. “उप आयुक्त” या पदाच्या एकूण ९ जागांपैकी नितीन  उदास हे दिव्यांग अधिकारी सध्या उप आयुक्त या पदावर कार्यरत आहेत.
त्यानुसार उक्त तीन अधिकारी उपायुक्त या पदासाठी पात्र होत आहेत. विधी समितीच्या माध्यमातून हा प्रस्ताव मुख्य सभेसमोर ठेवला जाईल. त्यानंतर त्यावर अंमल केला जाईल. (Law committee)

Appointment and promotion of Junior Engineers | आता महापालिका कनिष्ठ अभियंत्यांच्या नेमणुकीच्या व पदोन्नतीच्या पद्धतीत बदल

Categories
Breaking News PMC पुणे

आता महापालिका कनिष्ठ अभियंत्यांच्या नेमणुकीच्या व पदोन्नतीच्या पद्धतीत बदल

| नामनिर्देशन ८५% तर पदोन्नती १५%

|महापालिका प्रशासनाचा विधी समिती समोर प्रस्ताव

पुणे | पुणे महापालिका कनिष्ठ अभियंत्यांच्या नेमणुकीच्या व पदोन्नतीच्या पद्धतीत बदल करण्यात येणार आहे. कनिष्ठ अभियंता (स्थापत्य/वाहतुक नियोजन/विद्युत/यांत्रिक) यांबाबत नामनिर्देशन- ८५% व पदोन्नती- १५% अशी दुरुस्ती महापालिका आयुक्त यांनी सुचविली आहे. त्यानुसार याबाबतचा प्रस्ताव महापालिका प्रशासनाकडून विधी समिती समोर ठेवण्यात आला आहे. यामुळे नवीन उमेदवारांना महापालिकेत काम करण्याची संधी मिळणार आहे.

पुणे महानगरपालिकेच्या आस्थापनेवरील कार्यकारी अभियंता (वाहतूक नियोजन)/(स्थापत्य) /
(विद्युत)/(यांत्रिकी), वर्ग-१, उप अभियंता (वाहतूक नियोजन) / (स्थापत्य)/(विद्युत)/(यांत्रिकी), वर्ग-२ व कनिष्ठ अभियंता (वाहतूक नियोजन)/(स्थापत्य)/(विद्युत)/(यांत्रिकी), वर्ग-३ या पदाच्या नेमणुकीची पद्धत व टक्केवारी मध्ये बदल करण्याबाबत दि.०३/११/२०२२ रोजीच्या मा. विभागीय पदोन्नती समितीच्या बैठकीमध्ये कार्यकारी अभियंता (वाहतूक नियोजन)/(स्थापत्य)/(विद्युत)/(यांत्रिकी), वर्ग-१, उप अभियंता ( वाहतूक नियोजन) / (स्थापत्य) / (विद्युत) / (यांत्रिकी), वर्ग-२ व कनिष्ठ अभियंता (वाहतूक नियोजन)/(स्थापत्य)/(विद्युत)/(यांत्रिकी), वर्ग-३ या पदाच्या नेमणुकीची पद्धत व टक्केवारी नामनिर्देशन-२५% व पदोन्नती- ७५% रद्द करून पदोन्नती – १००% व कनिष्ठ अभियंता
(स्थापत्य/विद्युत्) या पदाच्या नेमणूकीची पद्धत व टक्केवारी नामनिर्देशन- ७५% व पदोन्नती-२५% रद्द करून पदोन्नती- १००% करण्याबाबत एकमताने निर्णय घेण्यात आला आहे. तसेच शहर अभियंता यांनी कार्यकारी अभियंता (स्थापत्य) -२५% सरळसेवेने, उप अभियंता (स्थापत्य), पदोन्नती- १००% व कनिष्ठ अभियंता (स्थापत्य), नामनिर्देशन- १००% करण्याबाबत कळविले आहे. त्यानुषंगाने निवेदन सादर केले होते. त्यानुसार कनिष्ठ अभियंता (स्थापत्य/वाहतुक नियोजन/विद्युत/यांत्रिक) यांबाबत नामनिर्देशन- ८५% व पदोन्नती- १५% अशी दुरुस्ती महापालिका आयुक्त यांनी सुचविली आहे. त्यानुसार याबाबतचा प्रस्ताव महापालिका प्रशासनाकडून विधी समिती समोर ठेवण्यात आला आहे. यामुळे नवीन उमेदवारांना महापालिकेत काम करण्याची संधी मिळणार आहे. विधी समितीत हा प्रस्ताव मान्य झाल्यानतर तो मुख्य सभेसमोर ठवला जाईल.

Promotion committee | PMC pune | पदोन्नतीने टॅक्स विभागात येण्यासाठी समितीची बैठक होण्याआधीच जोरदार लॉबिंग!  | प्रशासन अधिकारी व अधीक्षक होण्यासाठी बरेच इच्छुक 

Categories
Breaking News PMC पुणे

पदोन्नतीने टॅक्स विभागात येण्यासाठी समितीची बैठक होण्याआधीच जोरदार लॉबिंग!

| प्रशासन अधिकारी व अधीक्षक होण्यासाठी बरेच इच्छुक

पुणे | महापालिकेतील कर आकारणी तसेच बांधकाम विभागात जाण्यासाठी बरेच महापालिका कर्मचारी फिल्डिंग लावून असतात. यासाठी पदोन्नती समिती बैठकीकडे कर्मचारी डोळे लावून बसलेले असतात. महापालिका प्रशासनाकडून शुक्रवारी पदोन्नती समिती बैठक आयोजित केली आहे. यामध्ये प्रशासन अधिकारी आणि अधीक्षक पदासाठी देखील बढती दिली जाणार आहे. खास करून टॅक्स विभागात प्रशासन अधिकारी आणि अधीक्षक पदावर येण्यासाठी जोरदार लॉबिंग सुरु आहे. पदोन्नती समिती बैठक होण्याआधीच ही फिल्डिंग सुरु असल्याने महापालिकेत याबाबत जोरदार  चर्चा सुरु आहे.
अतिरिक्त आयुक्त यांच्या आदेशानुसार सामान्य प्रशासन विभागाने पदोन्नती समितीची बैठक शुक्रवारी आयोजित केली आहे. 11 वाजलेपासून 6 वाजेपर्यंत हे काम चालणार आहेz  यामध्ये विविध विभागातील कर्मचाऱ्यांना पदोन्नती दिली जाणार आहे. मात्र यातील प्रशासन अधिकारी आणि अधीक्षक पदासाठी होणारी पदोन्नती विशेष चर्चेत आहे. कारण कर आकारणी आणि कर संकलन विभागात अधीक्षक आणि प्रशासन अधिकाऱ्याच्या जागा रिक्त आहेत. त्यामुळे इथे येण्यासाठी कर्मचाऱ्यांनी जोरदार लॉबिंग सुरु केली आहे. काही लोकांची नावे देखील अंतिम झाल्याची चर्चा आहे.
नुकतीच अतिरिक्त आयुक्तांनी टॅक्स विभागातील 3 अधीक्षकांच्या बदल्या केल्या आहेत. त्यामुळे तेथील जागा रिक्त झाल्या आहेत. त्यामुळे काही कर्मचाऱ्यांनी इथे येण्यासाठी जोरदार फिल्डिंग लावली आहे. अशा परिस्थितीत आता प्रशासन नेमकी कुणाला संधी देणार? लॉबिंग करून ज्यांची नावे अंतिम झाली त्यांना कि इतर विभागातील कर्मचाऱ्यांना, हे पाहणे महत्वाचे ठरणार आहे.