Tag: Pune Shivsena

Pramod Nana Bhangire | महंमदवाडी परिसरात होणार 122 कोटींचे डीपी रस्ते | नागरिकांची वाहतूक कोंडीतून होणार सुटका 

Categories
Breaking News PMC Political social पुणे

Pramod Nana Bhangire | महंमदवाडी परिसरात होणार 122 कोटींचे डीपी रस्ते | नागरिकांची वाहतूक कोंडीतून होणार सुटका

पुणे – (The Karbhari Online) : महंमदवाडी परिसरातील (Mohammadwadi Pune) नागरिकांची आता वाहतूक कोंडीतून लवकरच सुटका होणार आहे. कारण परिसरात 122 कोटींचे डीपी रस्ते (DP Road Pune) निर्माण केले जाणार आहेत. शिवसेना शहर प्रमुख प्रमोद नाना भानगिरे (Pramod Nana Bhangire Pune Shivsena) यांनी सातत्याने केलेल्या पाठपुराव्यामुळे हे प्रकल्प तडीस जाणार आहेत. (Pune News)
प्रशासनाने या कामांसाठी निधी उपलब्ध करून दिला आहे. या रस्त्यांच्या कामाचा शुभारंभ नुकताच म्हाडाचे अध्यक्ष शिवाजीराव आढळराव पाटील आणि आमदार भरत शेठ गोगावले यांच्या हस्ते करण्यात आले. अशी माहिती प्रमोद नाना भानगिरे यांनी दिली. भानगिरे यांनी पुढे सांगितले कि, या कामात मुख्यमंत्री एकनाथ शिंदे यांनी जातीने लक्ष दिल्याने निधी मिळण्यात गती मिळाली. मुख्यमंत्र्यांनी महापालिका प्रशासनासोबत सातत्याने संवाद साधून निधीची तरतूद करून दिली. यामुळे हा प्रकल्प आता लवकरच आकाराला येईल.

– महंमदवाडी परिसरात अशा पद्धतीनं होणार आहेत रस्ते

1. महंमदवाडी स नं 1, 2, 3, 4, 96, 59, 58 मधून जाणारा 24 मीटर डीपी रस्ता विकसित करणे – निधी 40 कोटी
2. स नं 40 ते स नं 76 मधून जाणारा 30 मीटर डीपी रस्ता लगत असलेला 18 मीटर डीपी रस्ता विकसित करणे – निधी : 18 कोटी
3. महंमदवाडी ते रामटेकडी इंडस्ट्रियल इस्टेट पर्यंत रस्ता विकसित करणे – निधी : 64 कोटी
—
परिसरातील शेतकऱ्यांची तसेच नागरिकांची मागणी होती कि वाहतूक कोंडी सोडवण्यासाठी डीपी रस्ते तयार केले जावेत. मात्र यासाठी निधीची तरतूद होत नव्हती. त्यामुळे आम्ही प्रशासनासोबत सातत्याने पाठपुरावा करून रस्ते तयार करण्यासाठी निधीची तरतूद करून घेतली. त्यानुसार आता कामाचा शुभारंभ झाला आहे. महंमदवाडी परिसरातील रस्ते चकाचक होऊन नागरिकांची  वाहतूक कोंडीतून सुटका होणार आहे.
– प्रमोद नाना भानगिरे, शिवसेना शहर प्रमुख. 
—

 Nikhil Wagle should not cross the border  | Pune city Shiv Sena warning

Categories
Breaking News Political पुणे महाराष्ट्र

 Nikhil Wagle should not cross the border  | Pune city Shiv Sena warning

 Nikhil Wagle Latest News |  Pune Shivsena has clarified its position regarding the objectionable statement made by Nikhil Wagle regarding Bharat Ratna.  City Shiv Sena Chief Pramod Nana Bhangire, Joint Communications Chief Ajay Bhosale and Yuva Sena State Secretary Kiran Sali have taken the stand that Nikhil Wagle should not cross the line and should apologize for his statement.
 According to a statement released by City Shiv Sena, the so-called journalist Nikhil Wagle, who spreads hatred through his statements and criticizes every Hindu leader, is the last understanding of Pune City Shiv Sena.  Learn to make statements in a democratic manner, withdraw the objectionable statement made about Bharat Ratna LK Advani immediately.  Otherwise Shiv Sena will not allow you to move around Pune city.  Shiv Sena has given this warning.  In the statement, it is further said that the experience of humiliation after the statement made about Balasaheb Thackeray is close to his heart.  Therefore, Shiv Sena is fully supporting the position taken by Bharatiya Janata Party Pune City and Nikhil Wagle immediately said about this. Apologize  Such a role has been presented by Shiv Sena.

Nikhil Wagle Latest News | निखिल वागळे यांनी चौकट ओलांडू नये | पुणे शहर शिवसेनेचा इशारा 

Categories
Breaking News Political social पुणे महाराष्ट्र

Nikhil Wagle Latest News | निखिल वागळे यांनी चौकट ओलांडू नये | पुणे शहर शिवसेनेचा इशारा

Nikhil Wagle Latest News | निखिल वागळे (Nikhil Wagle) यांनी भारतरत्न बाबत केलेल्या आक्षेपार्ह विधाना संबंधी पुणे शहर शिवसेनेने (Pune Shivsena) आपली भूमिका विशद केली आहे. निखिल वागळे यांनी चौकट ओलांडू नये आणि आपल्या विधानाबाबत वागळेंनी माफी मागावी, अशी भूमिका शहर शिवसेना प्रमुख प्रमोद नाना भानगिरे (Pramod Nana Bhangire), सहसंपर्क प्रमुख अजय भोसले (Ajay Bhosale Shivsena Pune) आणि युवासेना राज्यसचिव किरण साळी (Kiran Sali Yuvasena) यांनी घेतली आहे. (Nikhil Wagle News)
शहर शिवसेनेने प्रसिद्धीस दिलेल्या निवेदनानुसार आपल्या विधानातून विद्वेष पसरवणाऱ्या तसेच प्रत्येक हिंदू नेत्यावर गरळ ओकणाऱ्या तथाकथित पत्रकार निखिल वागळे यांना पुणे शहर शिवसेनेची शेवटची समज आहे. लोकशाहीची आब राखून विधाने करायला शिका, भारतरत्न लालकृष्ण अडवाणी यांच्या बाबत केलेले आक्षेपार्ह विधान तात्काळ मागे घ्या. अन्यथा शिवसेना तुम्हाला पुणे शहरात फिरू देणार नाही. असा इशारा शिवसेनेने दिला आहे. निवेदनांत पुढे म्हटले आहे कि बाळासाहेब ठाकरेंबाबत केलेल्या विधाना नंतर ओढवलेल्या नामुष्कीचा अनुभव त्यांच्या गाठीशी आहेच. त्यामुळे भारतीय जनता पार्टी पुणे शहराने घेतलेल्या भूमिकेचे पुणे शहर शिवसेना पूर्णपणे समर्थन करीत असून निखिल वागळे याने तात्काळ या संबंधी माफी मागावी. अशी भूमिका शहर शिवसेनेनं मांडली आहे.

State Level Sena Kesari Wrestling Pune | पुण्यात रंगणार राज्यस्तरीय सेना केसरी कुस्त्यांचा फड : 5 लाखांपर्यंतची बक्षिसे!

Categories
Breaking News Political social Sport पुणे

State Level Sena Kesari Wrestling Pune  | पुण्यात रंगणार राज्यस्तरीय सेना केसरी कुस्त्यांचा फड : 5 लाखांपर्यंतची बक्षिसे!

| पुणे शिवसेना शहर प्रमुख प्रमोद नाना भानगिरे यांची संकल्पना

 

State Level Sena Kesari Wrestling Pune महाराष्ट्र राज्याचे मुख्यमंत्री एकनाथ शिंदे (Maharashtra CM Eknath Shinde)!यांच्या वाढदिवसानिमित्त येत्या १५ फेब्रुवारी ते १८ फेब्रुवारी २०२४ या कालावधीत पुण्यात भव्य सेना केसरी राज्यस्तरीय कुस्तीचे (State Level Sena Kesari Wrestling Pune) सामने आयोजित करण्यात आले आहेत. यासाठी 1 लाखांपासून ते 5 लाखापर्यंत बक्षिस असणार आहेत. चार दिवसीय असलेल्या या सामन्यात, राज्यभरातून अनेक मल्ल सहभागी होणार असून, मल्लांचा यथोचित सन्मान करण्यासाठी व रांगड्या मातीतील खेळाला चालना देण्यासाठी हे सामने आयोजित करण्यात आले आहेत. राज्यभरातून कुस्तीप्रेमी व अनेक मातब्बर मल्ल या स्पर्धेला उपस्थित राहणार आहेत. अशी माहिती पुणे शिवसेना शहर प्रमुख प्रमोद नाना भानगिरे (Pramod Nana Bhangire Shivsena Pune) यांनी दिली. (State Level Sena Kesari Wrestling 2024 Pune)

शिवसेना शहरप्रमुख प्रमोद नाना भानगिरे यांच्या संकल्पनेतून, आयोजित करण्यात आलेल्या चार दिवसीय भव्य सेना केसरी राज्यस्तरीय कुस्ती स्पर्धा २०२४ ही हिंदुहृदयसम्राट स्व. बाळासाहेब ठाकरे फुटबॉल मैदान, जे. एस. पी. एम. कॉलेज शेजारी, हांडेवाडी येथे पार पडणार आहे.

भानगिरे यांनी सांगितले कि, विशेष म्हणजे विजयी मल्लांसाठी रोख रकमेसह ठेवण्यात आलेली बक्षीसे हे आकर्षणाचा विषय ठरत आहेत. यामध्ये प्रथम क्रमांक आलेल्या मल्लास रोख रक्कम ५ लक्ष रुपये व चांदीची गदा मिळणार आहे. तर द्वितीय क्रमांकास ३ लक्ष व सन्मान चिन्ह, तृतीय क्रमांकास २ लक्ष व सन्मान चिन्ह व चतुर्थ क्रमांकास १ लक्ष व सन्मान चिन्ह अशा स्वरूपाची भव्य बक्षिसे प्रधान केली जाणार आहेत. याचसोबत विविध वजनी गटातील मल्लांसाठी नानाविध बक्षिसांची लयलूट केली जाणार आहे.

दरम्यान, भव्य सेना केसरी राज्यस्तरीय कुस्ती स्पर्धा २०२४ ही स्पर्धा महाराष्ट्र राज्य कुस्तीगीर परिषद यांच्या मान्यतेने व परिषदेच्या नियमानुसार होणार असून, या स्पर्धेस महाराष्ट्र राज्य कुस्तीगीर परिषदेचे मोठे मार्गदर्शन लाभणार आहे. राज्यभरातील कुस्ती प्रेमींसाठी ही स्पर्धा म्हणजे मोठी पर्वणी असणार आहे. असे ही भानगिरे म्हणाले.

PMPML Employees | Pramod Nana Bhangire | पीएमपी प्रशासनाकडून दिशाभूल करणारा दिला बैठकीचा वृत्तांत | प्रमोद नाना भानगिरे यांचा आरोप

Categories
Breaking News Political social पुणे

PMPML Employees | Pramod Nana Bhangire | पीएमपी प्रशासनाकडून दिशाभूल करणारा दिला बैठकीचा वृत्तांत | प्रमोद नाना भानगिरे यांचा आरोप

| कामगारांच्या प्रश्नावरून आंदोलन करण्याचा दिला इशारा

PMPML Employees | Pramod Nana Bhangire | पुणे | पीएमपीएमएल कामगारांच्या (PMP Pune Employees) प्रश्नावरून शहर शिवसेना (Pune Shivsena) आक्रमक झाली आहे. प्रशासन कामगारांच्या प्रश्नांबाबत गंभीर नसल्याचा आरोप शहर शिवसेना प्रमुख प्रमोद नाना भानगिरे (Pramod Nana Bhangire) यांनी केला आहे. तसेच 15 जानेवारीला याबाबत आंदोलन करण्याचा इशारा पीएमपीच्या सीएमडीना देण्यात आला आहे. याबाबत सीएमडी संजय कोलते (PMPML CMD Sanjay Kolte) या पत्र देण्यात आले आहे. (Pune PMPML News)
याबाबत भानगिरे यांनी सांगितले कि, पीएमपी कामगारांच्या विविध प्रश्नाबाबत 11 डिसेंबर ला सीएमडीच्या दालनात बैठक झाली होती. मात्र बैठकीमध्ये मान्य केलेल्या बाबींची पूर्तता आजतागायत झालेली नाही. बैठकीमध्ये झालेल्या निर्णयानुसार बैठक वृतांत न देता, प्रशासनाने दिशाभूल करणारा बैठकवृत्तांत दिलेला आहे. ही आपली कृती शासकीय नियमास अनुसरून नाही. असे भानगिरे यांनी म्हटले आहे. त्यासाठी सोमवार 15 जानेवारी रोजी सकाळी ११ वाजता स्वारगेट pmpml ची मुख्य बिल्डिंग येथे शिवसेना स्टाइलणे आंदोलन करण्यात येणार आहे. या आंदोलनामुळे शहराची औद्योगिक शांतता भंग पावल्यास तसेच काही नुकसान झाल्यास अध्यक्ष व व्यस्थापकीय संचालक यांची जबाबदारी राहील. असा इशारा भानगिरे यांनी दिला आहे.

Shivsena MLA Disqualification | शिवसैनिकांनी निकालाचे आतषबाजी करीत पुण्यात केले जल्लोषात स्वागत

Categories
Breaking News Political social पुणे महाराष्ट्र

Shivsena MLA Disqualification | शिवसैनिकांनी निकालाचे आतषबाजी करीत पुण्यात केले जल्लोषात स्वागत

 

Shivsena MLA Disqualification | अवघ्या महाराष्ट्राचे लक्ष लागलेला शिवसेनेतील (Shivsena Eknath Shinde)  आमदार अपात्रतेचा निकाल आज लागला. याच पार्श्वभूमीवर शिवसेनेसोबत आलेल्या तमाम शिवसेना पदाधिकारी व शिवसैनिकांनी पुण्यातील शिवसेना मध्यवर्ती कार्यालय (Pune Shivsena office)  येथे फटाक्यांची आतशबाजी करीत व महालक्ष्मी मंदिरात महाआरती करून मोठ्या जल्लोषात आनंद साजरा केला. (Maharashtra Politics)

पुणे शिवसेना शहरप्रमुख प्रमोद नाना भानगिरे (Pramod Nana Bhangire Pune Shivsena) म्हणाले की, “हा ऐतिहासिक निकाल असून मुख्यमंत्री एकनाथ शिंदे साहेबांनी स्थापित केलेले सरकार हे कायद्याद्वारे व संविधानिक तत्वाने स्थापन झालेले सरकार आहे. न्यायदेवतेने दिलेला निकाल आम्हाला मान्य असून, इथून पुढे सरकार अजून नव्या ऊर्जेने काम करेल.”

बहुचर्चित व बहुप्रतिक्षित असलेल्या शिवसेना आमदार अपात्रतेचा निकाल विधानसभा अध्यक्ष राहुल नार्वेकर यांनी अधिकृतपणे काल संध्याकाळी 6 वाजता वाजता जाहीर केला. यामध्ये शिवसेनेतील सर्व आमदार पात्र असून मुख्यमंत्री एकनाथ शिंदे यांनी तयार केलेलं सरकार हे पूर्णपणे संविधानिक व कायद्याने बनलेले सरकार आहे असे जाहीर झाले आहे.

याच पार्श्वभूमीवर शिवसेनेच्या या ऐतिहासिक क्षणाचा आनंदोत्सव साजरा करण्यासाठी पुण्यातील शिवसेना मध्यवर्ती कार्यालय येथे, पक्षातील विविध पदाधिकारी व शिवसैनिकांच्या उपस्थितीत विजयाचा भव्य जल्लोष करीत एकमेकांना पेढे भरविले गेले. तसेच, शिवसेनेच्यावतीने मोठ्या उत्साहात आतिषबाजी करत, मध्यवर्ती कार्यालय ते बाळासाहेब ठाकरे व्यंगचित्रकार कलादालन इथपर्यंत भव्य मिरवणूक काढत, आनंदोत्सव साजरा करण्यात आला. महिला पदाधिकाऱ्यांनी फुगडी खेळत आनंदोत्सवात सहभागी झाल्या

यावेळी संपर्क प्रमुख संजय मशिलकर, शिरूर लोकसभा निरीक्षक विकास रेपाळे, सहसंपर्क प्रमुख अजय बाप्पू भोसले, शहरप्रमुख प्रमोद नाना भानगिरे, जिल्हाप्रमुख रमेश बाप्पू कोंडे, बाळासाहेब पोखरकर,सुरेंद्र जेवरे, युवासेना शहरप्रमुख निलेश गिरमे, युवासेना सहसंपर्क प्रमुख अविनाश खेडेकर,शर्मिला येवले, महिला आघाडी शहर प्रमुख पुजाताई रावेतकर, माथाडी कामगार सेना जिल्हाप्रमुख निलेश माझीरे, शहर संघटक श्रीकांत पुजारी, नवनाथ निवंगुणे, धनंजय जाधव, प्रमोद प्रभुणे, उपशहर प्रमुख सूरज परदेशी, गौरव साईनकर,सचिन थोरात, सुहास कांबळे, श्रुती नाझीरकर,श्रद्धाताई शिंदे, कांचन दोडे,मयूर पानसरे, आकाश शिंदे व शिवसेना, युवासेना सर्व पदाधिकारी, महिला आघाडी, अंगिकृत संघटना व शिवसैनिक उपस्थित होते

Loksabha Election | Shivsena Pune | शिवसेनेचे मिशन 48 ..!  लोकसभा निवडणुकीची तयारी सुरु 

Categories
Breaking News Political पुणे महाराष्ट्र

Loksabha Election | Shivsena Pune | शिवसेनेचे मिशन 48 ..!  लोकसभा निवडणुकीची तयारी सुरु

| शिवसंकल्प अभियानाच्या झंझावाती दौऱ्याला होणार सुरूवात !

 

 LokSabha Election | Shivsena Pune | राज्यातील महायुती सरकारने (Mahayuti)  केलेल्या कामांच्या बळावर आपल्याला मतं मागायची असून मिशन ४८ ची सुरूवात करण्यासाठी शिवसंकल्प अभियान (Shivsena Shivsankalp Abhiyan) हाती घेतले असल्याचे मुख्यमंत्री एकनाथ शिंदे (CM Eknath Shinde) यांनी जाहीर केले. लोकसभा निवडणुकीच्या (Loksabha Election 2024) प्रचाराचा शुभारंभ करण्यासाठी मुख्यमंत्री एकनाथ शिंदे स्वतः शिवसंकल्प अभियानाद्वारे राज्यभर प्रचार मेळावे घेऊन लोकसभा निवडणुकीचे रणशिंग फुंकणार आहेत. या शिवसंकल्प अभियान दौऱ्याची सुरुवात शिरूर व मावळ लोकसभेपासून करण्यात येणार असून, येत्या ०६ जानेवारी २०२४ रोजी मुख्यमंत्री एकनाथ शिंदे  यांच्या नेतृत्वाखाली हा दौरा संपन्न होणार आहे. (Pune Shivsena News – Lok Sabha Election )

याच पार्श्वभूमीवर आज पुण्यातील शिवसेना (Pune Shivsena) मध्यवर्ती कार्यालयात शहरातील पदाधिकाऱ्यांची नियोजन बैठक पार पडली. या बैठकीत पुण्यातील शिवसेनेचे प्रमुखपदाधिकारी, युवासेना, महिला आघाडी व अंगिकृत संघटनांचे सर्व पदाधिकारी उपस्थित होते. (Pune Shivsena News – Lok Sabha Election )

यावेळी, शिवसेनेचे शहरप्रमुख प्रमोद नाना भानगिरे (Pramod Nana Bhangire) म्हणाले की, शिंदे साहेबांच्या नेतृत्वात शिवसैनिकांना मोठी ताकद मिळाली असून, भविष्यात या ताकदीचा वापर करून, एकनाथ शिंदे साहेबांचे व शिवसेनेचे काम तळागाळापर्यंत पोहचवा असे सांगितले. याचसोबत येत्या ६ जानेवारीला शिरूर व मावळ लोकसभेमध्ये होणाऱ्या शिवसंकल्प अभियानाला प्रचंड संख्येने उपस्थित राहण्याचे आवाहन देखील त्यांनी यावेळी केले.

तसेच, शिवसेना पुणे जिल्ह्याचे लोकसभा निरीक्षक किशोर भोसले यांनी पक्षातील शिवदूत, बुथप्रमुख इथपासून ते शहरप्रमुखांपर्यंत नव्या जोमाने कामाला लागून, पक्षाला नव्याने उभारी देण्यासाठी आणि नव्या उमेदीने पक्ष बांधणी करून, पक्ष वाढीस हातभार लावूयात असे सांगितले आहे.

दरम्यान, शिवसंकल्प अभियानाचे प्रचार मेळावे दोन टप्प्यात पार पडणार असून त्यातील पहिला टप्पा  ६ जानेवारी रोजी शिरूर येथुन सुरू होणार असून ११ जानेवारी रोजी छत्रपती संभाजीनगर
येथील सभेने पहिल्या टप्प्यातील प्रचारदौरा पूर्ण होणार आहे.

दुसऱ्या टप्प्यात २५ जानेवारीपासून पुन्हा प्रचार मेळाव्याना पुन्हा सुरूवात होणार असून २५ जानेवारी रोजी शिर्डी येथे दुसरा प्रचार मेळावा पार पडेल, तर या प्रचार मेळाव्यांचा समारोप ३० जानेवारी रोजी हातकणंगले येथे होईल.

या प्रचार मेळाव्यांच्या समारोपासह पक्षाच्या वतीने कोल्हापूर येथे दोन दिवसीय विशेष महाशिबिराचे आयोजन करण्यात येणार असून त्यानंतर या शिवसंकल्प अभियानाची सांगता होणार आहे.

या शिवसंकल्प अभियान पूर्व नियोजित आढावा बैठकीत, राज्यातील लोकसभेच्या ४८ जागा पूर्ण ताकदीनिशी लढवण्याचा निर्धार शिवसैनिक, तथा सर्व पदाधिकऱ्यांच्या वतीने व्यक्त करण्यात आला आहे.

दरम्यान, या बैठकीला शिवसेना शहरप्रमुख प्रमोद नाना भानगिरे, पुणे लोकसभा निरीक्षक किशोर भोसले, जिल्हाप्रमुख रमेश बाप्पू कोंडे, उल्हासभाऊ तुपे, युवासेना सचिव किरण साळी, युवासेना जिल्हाप्रमुख निलेश घारे, निलेश गिरमे, युवासेना सहसंपर्क प्रमुख अविनाश खेडेकर,  महिला आघाडी शहर प्रमुख पुजाताई रावेतकर, माथाडी कामगार सेना जिल्हाप्रमुख निलेश माझीरे, शहर संघटक श्रीकांत पुजारी, शहर समन्वयक शंकर संगम, नवनाथ निवंगुणे, राजाभाऊ भिलारे,  धनंजय जाधव, प्रमोद प्रभुणे, शिवसेना पुणे प्रवक्ते अभिजित बोराटे, लक्ष्मण आरडे, उपशहर प्रमुख सुधीर कुरुमकर, सुनील जाधव, गौरव साईनकर, संजय डोंगरे, सचिन थोरात, महिला उपशहर प्रमुख श्रद्धा शिंदे, श्रुती नाझिरकर, चैत्राली गुरव, ओबीसी शहर अध्यक्ष मकरंद केदारी  व शिवसेना, युवासेना सर्व पदाधिकारी, महिला आघाडी, अंगिकृत संघटना व असंख्य शिवसैनिक उपस्थित होते.

Pune Shivsena UBT | पुणे विधानसभेची जबाबदारी चार निष्ठावंत माजी नगरसेवकांकडे

Categories
Breaking News Political पुणे

Pune Shivsena UBT | पुणे विधानसभेची जबाबदारी चार निष्ठावंत माजी नगरसेवकांकडे

 

Pune Shivsena UBT | आगामी लोकसभा आणि विधानसभा निवडणुकीसाठी (Loksabha and Vidhansabha Elections) सर्वच पक्षांच्या हालचाली सुरू झाल्या आहेत. शिवसेनेतील फुटीनंतर ठाकरे गटाने (Shivsena UBT) इतर काही महत्वाच्या जिल्ह्यांसह पुण्यावर जास्त लक्ष केंद्रित केल्याचे दिसून आले आहे. आता ठाकरे गटाने पुण्यातील विधानसभा निवडणुकीसाठी (Pune Vidhansabha Election) हालचाली सुरू केल्या आहेत. यासाठी विविध मतदारसंघाची जबाबदारी चार निष्ठावंत माजी नगरसेवकांकडे दिली आहे. यामध्ये माजी नगरसेवक पृथ्वीराज सुतार (Prithviraj Sutar), विशाल धनवडे (Vishal Dhanvade), बाळा ओसवाल (Bala Oswal) आणि संजय भोसले (Sanjay Bhosale) यांचा समावेश आहे.

आगामी विधानसभा आणि महापालिका निवडणुकीत ठाकरे गटाचे जास्तीत जास्त आमदार आणि नगरसेवक निवडून आणण्याचा ठाकरे गटाचा प्रयत्न आहे. यासाठी चार माजी नगरसेवकांकडे प्रत्येकी दोन दोन विधानसभा मतदारसंघ देण्यात आले आहेत. हे चारही माजी नगरसेवक या मतदारसंघात निवडणूक समन्वयक म्हणून काम पाहणार आहेत. (Maharashtra Vidhansabha Elections)

 

  • पृथ्वीराज सुतार – कोथरूड आणि शिवाजीनगर विधानसभा मतदारसंघ
  • बाळा ओसवाल – पर्वती आणि खडकवासला विधानसभा मतदारसंघ
  • विशाल धनवडे – कसबा आणि पुणे कॅन्टोन्मेंट विधानसभा मतदारसंघ
  • संजय भोसले – वडगाव शेरी आणि हडपसर विधानसभा मतदारसंघ

 

पुणे शहर शिवसेना कात टाकणार. यंदाच्या विधानसभा आणि महापालिकेत शिवसेनेचे जास्तीत जास्त सदस्य निवडून आणणार याकरिता शिवसेनेचे 4 नगरसेवक पुणे शहर पिंजून काढणार. संघटना बळकट करणार आणि याकरिता पक्षप्रमुख उद्धवसाहेब ठाकरे यांनी शिवसेनेच्या शहरातील प्रमुख नगरसेवकांना जबाबदारी दिली आहे व दिलेली जबाबदारी आम्ही समर्थपणे स्वीकारू आणि शिवसेना वाढवू. असे या माजी नगरसेवकांनी यावेळी सांगितले.

News Title | Pune Shivsena UBT | Four loyal former corporators are in charge of the Pune Vidhan Sabha

Professor Ashok Dhole | Shivsena Pune | प्राध्यापक अशोक ढोले यांना तातडीने निलंबित करा | शहर शिवसेनेची मागणी

Categories
Breaking News cultural Education Political social पुणे महाराष्ट्र

Professor Ashok Dhole | Shivsena Pune | प्राध्यापक अशोक ढोले यांना तातडीने निलंबित करा | शहर शिवसेनेची मागणी

Professor Ashok Dhole | Shivsena Pune |  हिंदू देव-देवतांबद्दल वादग्रस्त विधान करणाऱ्या प्राध्यापक अशोक ढोले (Professor Ashok Dhole)यांना तातडीने निलंबित करण्याची मागणी शहर शिवसेनेकडून ऋषिकेश सोमण (प्राचार्य), सिम्बॉयसिस महाविद्यालय (Symbiosis College) यांच्याकडे करण्यात आली आहे. अशी माहिती शहर शिवसेना प्रमुख प्रमोद नाना भानगिरे (Pramod Nana Bhangire) यांनी दिली. (Professor Ashok Dhole | Shivsena Pune)
शहर शिवसेनेच्या निवेदनानुसार आपल्या प्रतिथयश महाविद्यालयातील प्राध्यापक अशोक ढोले यांनी विद्यार्थ्यांना अध्यापन करीत असतांना हिंदू देवी-देवतांबद्दल वादग्रस्त विधान करून चुकीची माहिती देवून त्यांचीदिशाभूल करण्याचा प्रयत्न केला आहे. या पद्धतीच्या शिकवणीमुळे दोन धर्मामध्ये विद्वेष व तेढ निर्माण होवून कायदा व सुव्यवस्थेचा प्रश्न निर्माण होऊ शकतो.  विद्यार्थ्यांची माथीभडकवणाऱ्या प्राध्यापक अशोक ढोले यांच्यावर महाविद्यालय प्रशासनाने तातडीने कारवाई करून त्यांना निलंबित करावे. अन्यथा पुणे शहर शिवसेनेच्या वतीने त्यांना शिवसेना स्टाईलने उत्तर देण्यात येईल आणि त्याची संपूर्ण जबाबदारी महाविद्यालय प्रशासनाची असेल. असा इशारा शहर शिवसेनेकडून देण्यात आला आहे. (Pune Shivsena)
—-
News Title |Professor Ashok Dhole | Shivsena Pune | Suspend Professor Ashok Dhole immediately City Shiv Sena demand

Shivsena Pune | Pune Water Cut | पुणे शहराची पाणीकपात रद्द करा | शहर शिवसेनेची महापालिकेकडे मागणी

Categories
Breaking News PMC Political social पुणे

Shivsena Pune | Pune Water Cut | पुणे शहराची पाणीकपात रद्द करा | शहर शिवसेनेची महापालिकेकडे मागणी

Shivsena Pune | Pune Water Cut | खडकवासला धरण (Khadakwasla Dam) जवळपास भरल्याने धरणातून मुठा उजवा कालवा मध्ये तसेच नदीतून  पाणी सोडायला सुरुवात (Water Discharge) झाली आहे. त्यामुळे शहरात आठवड्यातून एक दिवस सुरु असलेली पाणीकपात (Water cut) रद्द करण्यात यावी. अशी मागणी शहर शिवसेनेकडून महापालिका आयुक्त (PMC Commissioner) यांच्याकडे करण्यात आली आहे. (Pune Water Cut)

याबाबत शिवसेना पुणे चे अध्यक्ष प्रमोद भानगिरे यांनी सांगितले कि आजही पाणी कपाती मुळे पुणेकरांना हाल सोसावे लागत आहे. खडकवासला धरण साखळीत काल रात्री पर्यंत ६०% पाणी साठा जमा झाला आहे. तर एकटे खडकवासला धरण ८२% भरले आहे.  पाणलोट क्षेत्रात मोठ्या प्रमाणात पाऊस झाला असल्याने खडकवासला धरण साखळी  पूर्ण क्षमतेने भरणार आहे. पाटबंधारे खाते नदीपात्रातून विसर्ग करण्याच्या दृष्टीने काम करीत असून  नदीपात्रातून पाणी सोडले जात आहे. त्यामुळे शहरातील पाणीकपात रद्द करावी. असे भानगिरे यांनी म्हटले आहे. (Pune Municipal Corporation)

—-
News Title | Shivsena Pune | Pune Water Cut | Cancel Pune city water cut City Shiv Sena’s demand to the Municipal Corporation