Karthikeyan S. (I.A.S) | कार्तिकेयन एस यांनी स्वीकारला स्मार्ट सिटीच्या मुख्य कार्यकारी अधिकारी पदाचा पदभार 

Categories
Breaking News PMC social पुणे

Karthikeyan S. (I.A.S) | कार्तिकेयन एस यांनी स्वीकारला स्मार्ट सिटीच्या मुख्य कार्यकारी अधिकारी पदाचा पदभार

Karthikeyan S. (I.A.S) | कार्तिकेयन एस (भाप्रसे) यांनी डॉ. संजय कोलते (Sanjay Kolte, (I.A.S)) यांच्याकडून शनिवारी पुणे स्मार्ट सिटीचे मुख्य कार्यकारी अधिकारी (सीईओ) म्हणून पदभार स्विकारला.
महाराष्ट्र शासनाने कार्तिकेयन एस (भाप्रसे) यांची डॉ. संजय कोलते यांच्या जागी पुणे स्मार्ट सिटीच्या मुख्य कार्यकारी अधिकारी (सीईओ) म्हणून नियुक्ती केली आहे.
कार्तिकेयन हे २०२० बॅचचे भाप्रसे आधिकारी आहेत. याआधी त्यांनी प्रकल्प अधिकारी, एकात्मिक आदिवासी विकास प्रकल्प, किनवट, नांदेड येथे सेवा बजावली आहे.
कार्तिकेयन हे सनदी लेखापाल (Chartered accountant) आहेत.
देशात पुणे स्मार्ट सिटीला एक रोल मॉडेल म्हणून पुढे नेऊ असे मत त्यांनी पदभार स्विकारल्या नंतर व्यक्त केला. यावेळी  उल्का कळसकर, मुख्य वित्त आधिकारी, पुणे स्मार्ट सिटी तथा सह आयुक्त लेखा व वित्त अधिकारी, पुणे महानगरपालिका, पुणे स्मार्ट सिटीचे मुख्य ज्ञान आधिकारी दिनेश वीरकर, कंपनी सचिव स्वानंद शेडे, उप अभियंता सुरेश बोरसे, कनिष्ठ अभियंता व इतर आधिकारी व कर्मचारी उपस्थित होते.
Shri. Karthikeyan S. (I.A.S) took charge as the Chief Executive Officer (CEO) of Pune Smart City Development Corporation Ltd. on Saturday, 24th Feb 2024 from Dr. Sanjay Kolte, (I.A.S). Shri. Karthikeyan is a 2020 – batch Indian Administrative Services officer. Earlier he has served as Project Officer, Integrated Tribal Development Project, Kinwat, Nanded. He is a chartered accountant by profession.
After assuming office, he expressed his vision of taking Pune Smart City forward as a role model in the country.
At this time Smt. Ulka Kalaskar, Chief Finance Officer, Pune Smart City and Joint Commissioner, Accounts and Finance Officer, Pune Municipal Corporation, Pune Smart City Chief Knowledge Officer Shri. Dinesh Virkar, Company Secretary Shri. Swanand Shede, Deputy Engineer Shri. Borse, Junior Engineers, other officers and employees were present.

PMC Care | महापालिकेच्या नव्या स्वरुपातील ‘पीएमसी केअर’चे उद्घाटन!

Categories
Breaking News PMC social पुणे

PMC Care | महापालिकेच्या नव्या स्वरुपातील ‘पीएमसी केअर’चे उद्घाटन!

PMC Care | Pune Municipal Corporation | पुणे महानगरपालिकेच्या (PMC Pune) नव्या स्वरुपातील पीएमसी केअर (PMC Care) प्लॅटफॉर्मचे आज महापालिकेचे अतिरिक्त आयुक्त (ज) रविंद्र बिनवडे (IAS Ravindra Binwade) आणि पुणे स्मार्ट सिटीचे मुख्य कार्यकारी अधिकारी डॉ. संजय कोलते (IAS Dr Sanjay Kolte) यांच्या हस्ते उद्घाटन करण्यात आले. पीएमसी केअर मोबाईल अॅप्लिकेशन व पोर्टल सिटीझन एंगेजमेंट प्लॅटफॉर्म, प्रशासन आणि नागरिक यांना जोडून ठेवण्यासाठी महत्त्वाचा दुवा ठरणार आहे. या कार्यक्रमाला माहिती व तंत्रज्ञान विभागाचे प्रमुख राहुल जगताप (Rahul Jagtap), विविध खात्यातील आयटी नोडल ऑफिसर आणि कर्मचारी उपस्थित होते. (PMC Care | Pune Municipal Corporation)
यावेळी बोलताना अतिरिक्त आयुक्त (ज) मा. रविंद्र बिनवडे म्हणाले की, पुणे मनपाचा नव्या रुपातील पीएमसी केअर हा एक असा प्लॅफॉर्म आहे. ज्या माध्यमातून पालिका प्रशासन आपली योग्य बाजू नागरिकांपर्यंत पोहोचवू शकेल. प्रत्येक घटनेची तथ्ये जनतेपर्यंत पोहोचवण्यासाठी हा प्लॅटफॉर्म निश्चित मदत करेल. या प्लॅटफॉर्मद्वारे नागरिक ब्लॉग, लेख लिहू शकतील. पालिकेच्या ज्या सेवा सुविधा
आहेत. त्या नागरिकांना सहज उपलब्ध होतील. अशा या परिपूर्ण प्लॅटफॉर्मची माहिती जास्तीत जास्त नागरिकांपर्यंत पोहोचणे गरजेचे आहे. आता १० वेगवेगळे अॅप वापरण्यापेक्षा हे सिंगल अॅप, सिंगल प्लॅटफॉर्म सगळ्यांसाठीच उपयुक्त आहे.” (Pune Municipal Corporation)
या प्लॅटफॉर्मद्वारे तक्रार नोंदवणे, ऑनलाईन मिळकत कर भरणा, पाणीपट्टी भरणा, फेरीवाला देयक, जन्म-मृत्यू प्रमाणपत्र, विवाह नोंदणी, विविध प्रमाणपत्रे, NOC, उद्यान तिकीट, निविदा, तसेच विविध परवाने / परवानगी उपलब्ध करून देण्यात येत आहे. तसेच नागरिकांना ब्लॉग्स, लेख, पुणे मनपाद्वारे राबविण्यात येणारे उपक्रम, प्रकल्प कार्यक्रमांची माहिती व आपल्या आसपासच्या ठिकाणांची माहिती देखील या प्लॅटफॉर्मवरून केवळ एका क्लिकवर मिळणार आहे. (PMC Pune)
तसेच महापालिकेचे कर्मचारी आणि अधिकारी यांच्यासाठी पीएमसी केअर प्लॅटफॉर्मद्वारे शासन निर्णय, परिपत्रके नागरिकांमार्फत प्राप्त तक्रारींवर योग्य ती कार्यवाही करणे, तसेच तक्रार डॅशबोर्ड उपलब्ध करून देण्यात आलेला आहे. (PMC Pune News)
अशा प्रकारे नागरिक व पुणे मनपा कर्मचारींना आता एका क्लिकवर सर्व सुविधा मिळणार आहेत. ‘पीएमसी केअर’ प्लॅटफॉर्म लहान मुले, युवा वर्ग, गृहिणी, जॉब प्रोफेशनल्स, ज्येष्ठ मंडळी सर्वांसाठीच उपयुक्त ठरणारा आहे. शिक्षण, मनोरंजन, सिटी अपडेट्स, आरोग्य, फूड अशा विविध क्षेत्रातील सगळी माहिती पुणेकरांना एकाच प्लॅटफॉर्म वर उपलब्ध होणार आहे. असा हा परिपूर्ण सिटीझन एंगेजमेंट प्लॅटफॉर्म आता गूगल प्ले स्टोअर आणि आयओएस अॅप स्टोअरवर उपलब्ध आहे. (Pune Municipal Corporation News)
नागरिकाभिमुख सेवा प्रदान करणारा, नागरिक व प्रशासन यांना जोडणारा दुवा असणाऱ्या या प्लॅटफॉर्मवर सर्व नागरिक, मनपा कर्मचारी आणि अधिकारी यांनी नोंदणी करावी, असे आवाहन महापालिका प्रशासनातर्फे करण्यात आले आहे. त्यासाठी अँड्रॉइड https://fxurl.co/rFshd किंवा iOS https://fbxurl.co/4JJ123 या लिंकचा वापर करावा. या नोंदणी प्रक्रियेदरम्यान काही शंका किंवा
अडचण भासल्यास त्वरित ०२०-६७०५७१४८ या क्रमकांवर संपर्क साधावा. असे महापालिका प्रशासनाने म्हटले आहे. (PMC Care App)
—–
News Title |PMC Care | Inauguration of ‘PMC Care’ in the new form of Municipal Corporation!

Pune Smart City | पुणे स्मार्ट सिटी बद्दल श्वेतपत्रिका काढा | मोहन जोशी

Categories
Breaking News PMC Political पुणे

Pune Smart City | पुणे स्मार्ट सिटी बद्दल श्वेतपत्रिका काढा | मोहन जोशी

| भाजपाची स्मार्ट सिटी योजना म्हणजे ‘निवडणूक जुमला’

Pune Smart City | पंतप्रधान नरेंद्र मोदी (PM Narendra Modi) यांनी ८ वर्षांपूर्वी म्हणजे २५ जून २०१६मध्ये पुण्यात स्मार्ट सिटी (Pune Smart City) योजना समारंभपूर्वक मोठे मोठे जाहिराती देऊन जाहीर केली. पाठोपाठ २०१७ मध्ये पुणे महानगरपालिकेत (Pune Municipal Corporation) भाजपला (BJP) सलग ५ वर्षांसाठी सत्ता मिळाली. एकहाती सत्ता मिळूनही या योजनेतंर्गत काहीही स्मार्ट काम पुण्यात झालेले नाही. कामांच्या निविदांमध्ये कोट्यवधी रुपयांचा घोटाळा मात्र घातला गेला असा आरोप करून या संपूर्ण योजनेची किमान पुणे शहरासाठीची श्वेतपत्रिका (White Paper) जाहीर करण्याची मागणी काँग्रेसचे प्रदेश उपाध्यक्ष, माजी आमदार मोहन जोशी (Congress Leader Mohan Joshi) यांनी केली. पुण्यातील स्मार्ट सिटी (Smart City Pune) योजनेला ८ वर्षे पुर्ण होत असल्याच्या अनुषंगाने ते बोलत होते. (Pune Smart City)
मोहन जोशी म्हणाले, आधीच विकसित असलेल्या पुण्यातील बाणेर बालेवाडी (Baner Balewadi) या परिसराची कार्यक्षेत्र म्हणून निवड केली गेली. त्यासाठी पुणेकरांमध्ये सर्वेक्षण नावाचा प्रकार करून नंतर सर्वांच्याच तोंडाला पाने पुसण्यात आली. बाणेर बालेवाडीमध्ये तरी काय केले? ते जाहीरपणे पुणेकरांना सांगावे असे आव्हान मोहन जोशी यांनी केले. (Pune Municipal Corporation)
आता केंद्र सरकारने ही योजना बंद करत असल्याचे जाहीर केले आहे. ‘गाजराची पुंगी, वाजली तर वाजली, नाहीतर मोडून खाल्ली’ असा हा प्रकार आहे. यात पुणेकरांचे कोट्यवधी रुपये मात्र सल्लागार कंपन्यांच्या घशात गेले असे मोहन जोशी म्हणाले. (Smart city scheme)
जोशी म्हणाले, ” शपथ घेऊन खोटे बोलायचे,  बोलायचे एक करायचे एक हा भाजपचा स्वभावच आहे. स्मार्ट सिटी योजना त्याचे ऊत्तम ऊदाहरण आहे. सत्तेवर येताच भाजपने शहरांमधील जनतेला त्यांची शहरे स्मार्ट करण्याचे स्वप्न दाखवले. त्याला ८ वर्षे झाली. या काळात पुणे महापालिकेत भाजपचीच पूर्ण बहुमताची सत्ता होती. पुणे शहर या ८ वर्षात कोणत्या अर्थाने स्मार्ट झाले हे भाजपने पुणेकरांसाठी जाहीरपणे सांगावे किंवा मग हाही निवडणूका जिंकण्यासाठी केलेला जुमला होता याची जाहीर कबुली तरी पुणेकर जनतेला द्यावी असे ते म्हणाले.
काँग्रेसकडे स्मार्ट सिटी योजनेत पुणेकरांसाठी भाजपने कधीकधी, कायकाय घोषणा केल्या याची यादीच असल्याचे स्पष्ट करून मोहन जोशी म्हणाले, कोट्यवधी रूपयांचा निधी या काळात केंद्र सरकारकडून आलेल्या सल्लागार कंपन्यांवर खर्च केला गेला. केंद्रानेच पाठवलेल्या अधिकार्यांना कोट्यवधीचे वेतन दिले गेले. महापालिकेचा अधिकार काढून घेतला गेला. त्या बदल्यात करदात्या पुणेकरांना काय मिळाले तर अर्धवट योजना, शहरातील अनेक रस्त्यांची अनाकलनीय मोडतोड आणि चौकाचौकात ऊभे केलेले जाहिरातींचे अशोभनीय विद्यूत खांब! ज्याचा शहराला शुन्य ऊपयोग आहे असे मोहन जोशी म्हणाले.
विकासाची आश्वासने देत सत्तेवर येताच भारतीय जनता पक्षाने धर्म आणि जातीभेदाची नखे बाहेर काढली. त्यावेळी दिलेली वारेमाप वचने म्हणजे ‘निवडणूकीचा जूमला’च असल्याचे ‘स्मार्ट सिटी’ या फसव्या योजनेवरून सिद्ध होत असल्याची टीका मोहन जोशींनी केली. तसेच स्थानिक स्वराज्य संस्थेच्या स्वतंत्र कारभार करण्याच्या अधिकारालाच नख लावण्याचा डाव स्मार्ट सिटी योजनेत होता असेही ते म्हणाले.
पुणेकर जनता भाजपच्या या निवडणूका डोळ्यासमोर ठेवून दिलेल्या भूलथापांना आगामी निवडणूकीत मतपेटीतून योग्य ऊत्तर देईलच, काँग्रेस कायम पुणेकरांबरोबर असेल असे मोहन जोशी यांनी शेवटी सांगितले.
News Title | Pune Smart City |  Download white paper about Pune Smart City |  Mohan Joshi  |  BJP’s Smart City Scheme is ‘Election Jumla’

PMC Pune Digital Services | पुणे महानगरपालिका आणि स्मार्ट सिटीच्या डिजिटल सेवांनी जी-२० बैठकीसाठी आलेले प्रतिनिधी प्रभावित

Categories
Breaking News PMC देश/विदेश पुणे

PMC Pune Digital Services | पुणे महानगरपालिका आणि स्मार्ट सिटीच्या डिजिटल सेवांनी जी-२० बैठकीसाठी आलेले प्रतिनिधी प्रभावित

PMC Pune Digital Services | पुणे स्मार्ट सिटी (Pune Smart City) आणि पुणे महानगरपालिकेतर्फे (Pune Municipal Corporation) नागरिकांसाठी माहिती तंत्रज्ञानावर (IT) आधारित विविध उपयोजक, संकेतस्थळ आणि ऑनलाईन सुविधांची अंमलबजावणी करण्यात येत आहे. जी-२० बैठकीसाठी बैठकीसाठी (G 20 Summit in Pune) आलेल्या प्रतिनिधींसमोर याचे सादरीकरण करण्यात आले. टांझानिया (Tanzaniya) , केनिया (Kenyia) , सिएरा लिओन (Siara Leone)व अन्य देशांच्या प्रतिनिधींनी औत्सुक्याने या प्रकल्पांची माहिती घेतली आणि प्रकल्पाच्या अंमलबजावणीचे कौतुक केले. त्यांच्या देशातही नागरिकांसाठी सुविधा देणारे माहिती तंत्रज्ञानावर आधारित प्रकल्प राबविण्याचा मनोदय व्यक्त केला. असे पुणे महानगरपालिकेच्या माहिती तंत्रज्ञान विभागाचे प्रमुख राहुल जगताप (PMC IT Deparment Head Rahul Jagtap) यांनी सांगितले. (PMC Pune Digital Services)

 

जी-२० डिजिटल अर्थव्यवस्था (G 20 Digital Economy Working Group) कार्यगट बैठकीच्या पार्श्वभूमीवर हॉटेल जे डब्ल्यू मेरिएट येथे केंद्र शासनाच्या इलेक्ट्रॉनिक्स व माहिती तंत्रज्ञान मंत्रालयामार्फत आयोजित प्रदर्शनाला बैठकीसाठी आलेल्या प्रतिनिधींनी भेट देऊन विविध दालनांची माहिती घेतली. भारतातील डिजीटल सेवांबाबत विशेष रुची दाखवताना डिजिटल सामर्थ्याचे दर्शन घडविणारे हे प्रदर्शन पाहून परदेशी प्रतिनिधी प्रभावित झाले.

भारतातील डिजीटल प्रगतीसंदर्भात यावेळी सदस्यांनी माहिती घेतली आणि विविध नाविन्यपूर्ण उपक्रमात विशेष रुची दाखवली. जागतिक पातळीवर तांत्रिकदृष्ट्या मागे असलेल्या देशांना भारताने नेहमीच सहकार्य केले असल्यामुळे येणाऱ्या काळात भारताकडून प्रगत डिजिटल तंत्रज्ञान मिळण्याची अपेक्षा आहे. भारतात डिजीटल सार्वजनिक पायाभूत सुविधांविषयी (DPI – Digital Public Infrastructure) अनेक चांगले उपक्रम राबविण्यात येत असल्याचे त्यांनी सांगितले.

या प्रदर्शनात आधार, युपीआय प्रणाली, डिजीलॉकर, उमंग उपयोजक, शैक्षणिक उपयोगी दीक्षा उपयोजक व संकेतस्थळ, भाषिनी उपयोजक व संकेतस्थळ, ई-संजीवनी राष्ट्रीय टेलीमेडीसीन प्रणाली, सहकारी कृषी पणन बाजारपेठ जोडणीचा ई-नाम प्रकल्प आणि सॉईल हेल्थ कार्ड, ओपन नेटवर्क फॉर डिजिटल कॉमर्स (ओएनडीसी), डीजीटल प्लॅटफॉर्मबाबत माहितीपूर्ण दालनांतून या प्रकल्पांची माहिती प्रतिनिधींनी उत्सुकतेने घेतली.

आधार, भाषिणी ॲपबाबत विशेष रुची

रुग्णांना दूरध्वनीवर किंवा ऑनलाईन वैद्यकीय सल्ला देण्यासंदर्भातील ई-संजीवनी योजनेबाबत माहिती देणाऱ्या दालनाला सुरीनाम आणि सिएरा लिओनच्या प्रतिनिधींनी भेट दिली. ऑनलाईन पद्धतीने या सेवेचा लाभ घेण्याबाबतची प्रक्रीया त्यांनी प्रात्यक्षिकाच्या माध्यमातून जाणून घेतली. युपीआय व आधार ओळख प्रणालीच्या उपक्रमाची माहिती प्रतिनिधींनी बारकाईने जाणून घेतली. केंद्रीय इलेक्ट्रॉनिक्स व माहिती तंत्रज्ञान विभागाचे सचिव अल्केश कुमार शर्मा यांनी माहिती दिली. भारतातील ‘भाषिणी’ ॲप हे अत्यंत नाविन्यपूर्ण असून सर्वांसाठी सहज उपलब्ध असा हा शब्दकोष असल्याची प्रतिक्रिया सुरीनामच्या प्रतिनिधींनी व्यक्त केली.

पुणे शहर व राज्याच्या इतर भागातील नागरिकांनीदेखील प्रदर्शनाला भेट देऊन माहिती घेतली. विशेषत: उमंग आणि भाषिणी ॲपचे भेट देणाऱ्यांना विशेष आकर्षण होते.


News Title |PMC Pune Digital Services | Pune Municipal Corporation and smart city’s digital services impressed delegates for G-20 meeting

G 20 Summit in Pune | जी-२० डिजिटल अर्थव्यवस्था कार्यगट बैठक | पुणे महापालिकेच्या विविध प्रकल्पांची दिली गेली माहिती 

Categories
Breaking News cultural PMC social पुणे

G 20 Summit in Pune | जी-२० डिजिटल अर्थव्यवस्था कार्यगट बैठक | पुणे महापालिकेच्या विविध प्रकल्पांची दिली गेली माहिती

 भारताच्या डिजिटल सामर्थ्याचे दर्शन घडविणाऱ्या प्रदर्शनाचे उद्घाटन

G 20 Summit in Pune | पुणे महानगरपालिका (Pune Municipal Corporation) व पुणे स्मार्ट सिटी (Pune Smart City) , पिंपरी- चिंचवड महानगरपालिका (Pimpari Chincwad Municipal Corporation) आणि महाराष्ट्र औद्योगिक विकास महामंडळानेही (MIDC) आपल्या प्रकल्पांचे आणि त्यातील अत्याधुनिक तंत्रज्ञानाच्या वापराविषयी डिजिटल सादरीकरण स्क्रीनद्वारे तसेच चित्रफीतीद्वारे केले आहे. पुणे महानगरपालिका (PMC Pune) व स्मार्ट सिटीच्या (Smart City Pune) दालनातून पुणे शहरात राबविण्यात येत असलेल्या प्रकल्पांची माहिती दर्शविण्यात आली आहे. अत्याधुनिक स्काडा यंत्रणेचा (Skada System)उपयोग केलेल्या एकात्मिक घनकचरा व्यवस्थापन प्रणाली (Integrated Solid Waste Management System), एंटरप्राईज जीआयएस प्रणाली, पुणे मनपाचे संकेतस्थळ (PMC Website) व नागरिक सहभागाचे विविध डिजिटल उपक्रम, बहुविध उपयोगाचे चॅटबोट यांचे सादरीकरण यातून करण्यात आले असून मुळा-मुठा नदी सुधार प्रकल्पाविषयी (Mula Mutha Riverfront Devlopment Project) चित्रफीतीद्वारे माहिती देण्यात येत आहे. (G 20 Summit in Pune)

जी-२० डिजिटल अर्थव्यवस्था कार्यगट बैठकीच्या पार्श्वभूमीवर हॉटेल जे डब्ल्यू मेरिएट येथे केंद्र शासनाच्या इलेक्ट्रॉनिक्स व माहिती तंत्रज्ञान मंत्रालयामार्फत आयोजित प्रदर्शनाने उद्घाटन केंद्रीय इलेक्ट्रॉनिक्स व माहिती तंत्रज्ञान राज्यमंत्री राजीव चंद्रशेखर यांच्या हस्ते आणि परदेशी प्रतिनिधींच्या उपस्थितीत झाले. (G 20 Economy working Group)

पिंपरी चिंचवड महानरगपालिकेने आपल्या दालनातून शहरातमध्ये १२३ शाळांत राबविलेल्या ई-क्लासरुम प्रकल्प, जीआयएस आधारित मालमत्ता मॅपींग प्रकल्प, शहरातील सीसीटीव्ही यंत्रणा, स्मार्ट घनकचरा व्यवस्थापन प्रकल्प, स्मार्ट पाणी व्यवस्थापन, नागरिकांना सूचना देण्यासाठी डिजिटल बोर्ड उभारणीचा प्रकल्प आदी प्रकल्पांची माहिती सादर केली आहे. महाराष्ट्र औद्योगिक विकास महामंडळाने उद्योगांसाठी देण्यात येणाऱ्या सुविधांचे सादरीकरण केले. (G 20 Summit india)

यावेळी केंद्रीय इलेक्ट्रॉनिक्स व माहिती तंत्रज्ञान विभागाचे सचिव अल्केश कुमार शर्मा, पुण्याचे विभागीय आयुक्त सौरभ राव, मनपा आयुक्त विक्रम कुमार, जिल्हाधिकारी डॉ. राजेश देशमुख आदी उपस्थित होते.

राज्यमंत्री राजीव चंद्रशेखर आणि उपस्थित प्रतिनिधींनी प्रदर्शनाला भेट देऊन विविध दालनांची माहिती घेतली. भारतातील डिजीटल प्रगतीसंदर्भात सदस्यांनी माहिती घेतली आणि विविध नाविन्यपूर्ण उपक्रमात विशेष रुची दाखवली.

प्रदर्शनातून भारताच्या डिजिटल सामर्थ्याचे दर्शन

भारताच्या डिजिटल सामर्थ्याचे दर्शन घडविणारे हे प्रदर्शन पाहून बैठकीसाठी उपस्थित परदेशी प्रतिनिधी प्रभावित झाले. या प्रदर्शनात आधार, युपीआय प्रणाली, डिजीलॉकर, उमंग उपयोजक, शैक्षणिक उपयोगी दीक्षा उपयोजक व संकेतस्थळ, भाषिनी उपयोजक व संकेतस्थळ, ई-संजीवनी राष्ट्रीय टेलीमेडीसीन प्रणाली, सहकारी कृषी पणन बाजारपेठ जोडणीचा ई-नाम प्रकल्प आणि सॉईल हेल्थ कार्ड, ओपन नेटवर्क फॉर डिजिटल कॉमर्स (ओएनडीसी), डीजीट प्लॅटफॉर्म बाबत माहितीपूर्ण दालनांतून या प्रकल्पांची माहिती प्रतिनिधींनी उत्सुकतेने घेतली. यामध्ये डिजिटल इंडिया जर्नी हा सिम्युलेटरद्वारे भारतातील माहिती तंत्रज्ञानाच्या वापराविषयी अनुभव दर्शविणारे साधनही आकर्षण ठरले आहे.

‘आधार’बाबत जाणून घेतले

भारत सरकारने राबविलेल्या आधार (Aadhaar) ओळख प्रणालीच्या उपक्रमाची माहिती सर्वांनी बारकाईने जाणून घेतली. जगातील हा एक मोठा आणि यशस्वी उपक्रम असल्याचे सांगण्यात आले. आधार ओळख प्रणालीच्या सहाय्याने जगातील सर्वाधिक बँक खाती भारतात काढण्यात आल्याची माहिती यावेळी देण्यात आली. आधार क्रमांकाचा, ई- केवायसी चा उपयोग करुन थेट लाभ हस्तांतरण, अर्थसहाय्याचे थेट बॅंक खात्यात हस्तांतरण तसेच अनेक ई सुविधांशी आधारची जोडणी याबाबत यावेळी सादरीकरणाद्वारे माहिती सांगण्यात आली.

0000

News Title |G20 Summit in Pune | G-20 Digital Economy Working Group Meeting | Information about various projects of Pune Municipal Corporation was given

Smart City pune | डबल डेकर बस सुरु करण्याची तयारी पूर्ण करा

Categories
Breaking News PMC Political पुणे

डबल डेकर बस सुरु करण्याची तयारी पूर्ण करा

| पुणे स्मार्ट सिटीच्या कामांचा पालकमंत्री चंद्रकांत पाटील यांनी घेतला आढावा

पुणे|पुणे स्मार्ट सिटीअंतर्गत (smart city pune) कामांचा पालकमंत्री चंद्रकांत पाटील (Guardian minister chandrakant patil)  यांनी आढावा घेतला. सर्व कामे कालमर्यादेत व गतीने पूर्ण करण्याच्या सूचना दिल्या. शहरात दुमजली (डबल डेकर) बसेस सुरू करण्यासाठी लवकरात लवकर तयारी पूर्ण करा, असे निर्देश पालकमंत्री श्री. पाटील यांनी यावेळी दिले.

यावेळी आमदार माधुरी मिसाळ, सिद्धार्थ शिरोळे, महानगरपालिका आयुक्त विक्रम कुमार, स्मार्ट सिटीचे मुख्य कार्यकारी अधिकारी डॉ.संजय कोलते, महानगपालिकेच्या सहआयुक्त तथा मुख्य लेखा व वित्त अधिकारी उल्का कळसकर उपस्थित होत्या.

पालकमंत्री श्री. पाटील म्हणाले, शहरातील झाडांची उंची लक्षात घेऊन डबल डेकर बस सुरु करण्याबाबत कार्यवाही सुरु करावी. पायाभूत सुविधा विकास कामे दर्जेदार होतील यावर विशेष लक्ष द्यावे. पुणे अभियांत्रिकी महाविद्यालयाकडून (सीओइपी) होणारे परीक्षण (ऑडीट) योग्यरितीने होत असल्याची खात्री करुन अद्याप अपूर्ण असलेली कामे तातडीने पूर्ण करावीत. सकाळच्या वेळेत उद्यानांमध्ये फिरायला येणाऱ्यांना प्रसन्न वाटावे यासाठी त्याठिकाणी मंद आवाजात संगीत लावावे, अशा सूचनाही त्यांनी यावेळी दिल्या.

स्मार्ट सिटी कॉर्पोरेशन कडून राबण्यात येत असलेले संकल्पनाधिष्ठीत अर्थात थीम बेस्ड उपक्रम, ज्येष्ठ नागरिक पार्क, सायन्स पार्क, ऑगमेंटेड रियालिटी पार्क, शहरातील झाडांची देखभाल, वायफाय सुविधा, ईमर्जन्सी कॉलबॉक्स, स्मार्ट ई-बस, स्ट्रीट लाईट, अत्याधुनिक सिग्नल यंत्रणेची (अडाप्टिव्ह ट्रॅफिक मॅनेजमेंट सिस्टिम) कामे आदींच्या कामाचा आढावा घेण्यात आला. तसेच कामांसाठी आवश्क भूसंपादनविषयक बाबी, महामंडळाच्या आर्थिक बाबींविषयक विचारविनिमयदेखील यावेळी करण्यात आला.

Medical Management and IT Systems | एका क्लिकवर रुग्णाच्या पूर्वीच्या आजाराच्या उपचाराची माहिती मिळणार 

Categories
Breaking News PMC social आरोग्य पुणे

एका क्लिकवर रुग्णाच्या पूर्वीच्या आजाराच्या उपचाराची माहिती मिळणार

| पुणे स्मार्ट सिटी आणि महापालिकेची प्रणाली

पुणे महापालिका (PMC pune) आणि स्मार्ट सिटी (smart city pune) यांच्या वतीने वैद्यकीय व्यवस्थापन आणि माहिती तंत्रज्ञान प्रणालीची (Health management and IT) सुरुवात केली आहे. या माध्यमातून एका क्लिकवर रुग्णाच्या पूर्वीच्या आजाराच्या उपचाराची माहिती मिळणार आहे. यामुळे डॉक्टर (Doctor)!आणि पेशंट (Patient) अशा दोघांचाही वेळ वाचणार आहे.
पुणे महानगरपालिका आणि पुणे स्मार्ट सिटीच्या संयुक्त विद्यमाने वैद्यकीय व्यवस्थापन आणि माहिती तंत्रज्ञान प्रणालीची अंमलबजावणी पुणे महापालिकेच्या (एकूण ७९ संस्था) रुग्णालये, दवाखाने, प्रसूती वॉर्ड व मनपा वैद्यकीय महाविद्यालय यांमध्ये होत आहे. (Pune Municipal corporation)
वैद्यकीय व्यवस्थापन आणि माहिती तंत्रज्ञान प्रणालीचा उददेश आरोग्य सेवेचे संगणकीकरण करणे होय. म्हणजेच रुग्णांना पूर्वी झालेल्या आजारावर काय उपचार केले हे एका क्लिकवर पाहता येणार आहे. ज्यामुळे डॉक्टर्स आणि पेशंटचा वेळ वाचून कार्यक्षमता वाढणार आहे. उपचाराबरोबरच इतर सर्व विभाग ओपीडी, प्रयोगशाळा, औषधालय इत्यादी टॅब्ज व संगणक प्रणालीव्दारे सध्याच्या वैद्यकीय क्षेत्रात अमूलाग्र बदल तसेच पेपरलेस व्यवहार शक्य होणार आहे. या अनुषंगाने राष्ट्रीय आरोग्य अभियानाचा उददेश साध्य होईल.
या मोहिमेत पुणे स्मार्ट सिटीतर्फे ३०० टॅब्जचे वाटप डॉक्टर तसेच सहाय्यक कर्मचाऱ्यांना होणार आहे. पहिल्या चरणात कमला नेहरु रुग्णालय तसेच भारतरत्न अटल बिहारी वाजपेयी वैद्यकीय महाविद्यालयामध्ये ४६ टॅब्जचे वाटप पुणे स्मार्ट सिटीचे मुख्य कार्यकारी अधिकारी डॉ. संजय कोलते यांच्या हस्ते दि. ०८/१२/२०२२ करण्यात आले. भारतरत्न अटल बिहारी वाजपेयी वैद्यकीय महाविद्यालयाचे अधिष्ठाता डॉ. आशिष बनगिनवार, कमला नेहरु रुग्णालयाचे वैद्यकीय अधिक्षक डॉ. सूरज वाणी, डॉक्टर्स, परिचारीका व इतर कर्मचारी या वेळी उपस्थित होते. (PMC Pune)
यावेळी केंद्रीय गृहनिर्माण आणि शहरी व्यवहार मंत्रालयाने देशातील २६४ शहराबददल अभिप्राय नोंदविण्यासाठी “इज ऑफ लिव्हिंग सर्वेक्षणाचे” आयोजन केले आहे. या अभियानात दि. २३ डिसेंबर पर्यंत अभिप्राय नोंदवावेत असे आवाहन पुणे स्मार्ट सिटी डेव्हलपमेंट कार्पोरेशन लि. चे मुख्य
कार्यकारी अधिकारी डॉ. संजय कोलते यांनी उपस्थितांना केले. (Pune smart city)

Ease of Living Survey 2022 | इज ऑफ लिव्हिंग सर्वेक्षण २०२२ मध्ये सहभागी होऊन अभिप्राय नोंदविण्याचे आवाहन

Categories
Breaking News PMC social पुणे महाराष्ट्र

इज ऑफ लिव्हिंग सर्वेक्षण २०२२ मध्ये सहभागी होऊन अभिप्राय नोंदविण्याचे आवाहन

पुणे| केंद्रीय गृहनिर्माण आणि शहरी व्यवहार मंत्रालयाने देशातील २६४ शहराबद्दल अभिप्राय नोंदविण्यासाठी ‘इज ऑफ लिव्हिंग सर्वेक्षण २०२२’ आयोजित करण्यात आले असून नागरिकांनी २३ डिसेंबर २०२२ पर्यंत आपले अभिप्राय नोंदवावे, असे आवाहन पुणे स्मार्ट सिटी डेव्हलपमेंट कार्पोरेशन लि. चे मुख्य कार्यकारी अधिकारी डॉ. संजय कोलते यांनी केले आहे.

नागरिकांनी या सर्वेक्षणात सहभागी होऊन पुणे शहराला प्रथम क्रमांकाचे मानांकन मिळवून देण्यासाठी
https://eol2022.org/CitizenFeedback
या लिंकवर किंवा क्यू आर कोडवर स्कॅन करून नागरिकांनी आपले अभिप्राय नोंदवावे. यूएलबी कोड-८०२८१४ आहे.

पुणे शहरातील नागरिकांचा सहभाग नोंदविण्यासाठी पुणे स्मार्ट सिटी डेव्हलपमेंट कार्पोरेशनच्यावतीने लक्ष्मी रस्ता, गोखले चौक फर्ग्युसन रस्ता, जंगली महाराज रस्ता, कर्वेरोड, जगताप चौक वानवडी, पाषाण सूस रस्ता, लुल्लानगर ते गंगाधाम चौक, मगरपट्टा रस्ता शहरातील या प्रमुख रस्त्यांवर रविवार ११ डिसेंबर २०२२ रोजी “इज ऑफ लिव्हिंग सर्वेक्षणाचे आयोजन करण्यात आले होते. या सर्वेक्षणात विद्यार्थी ते जेष्ठ नागरिकांनी आपला ऊस्फूर्तपणे अभिप्राय नोंदविला आहे.

औध, बाणेर व बालेवाडी परिसरातील विविध शैक्षणिक संस्था, रहिवासी सोसायटी, उद्याने व पुणे महानगर परिवहन महामंडळाच्या बालेवाडी येथील बस आगाराच्या संरक्षण भिंतीवर ‘इज ऑफ लिव्हिंग सर्वेक्षण २०२२’ ची आकर्षक चित्रे रेखाटण्यात आलेली आहेत.

पादचारी दिनाचे आयोजन

पुणे महानगरपालिकेतर्फे आयोजित दुसऱ्या पादचारीदिनानिमित्त पादचाऱ्यांची सुरक्षितता आणि त्यांच्यासाठी आवश्यक सुविधांकडे लक्ष वेधण्यासाठी लक्ष्मी रस्त्यावर आयोजित उपक्रमाचे पुणे महानगरपालिकेचे आयुक्त तथा प्रशासक विक्रमकुमार यांच्या हस्ते उद्घाटन करण्यात आले. या वेळी महापालिकेचे अतिरिक्त आयुक्त डॉ. कुणाल खेमनार, विकास ढाकणे, पुणे स्मार्ट सिटीचे मुख्य कार्यकारी अधिकारी डॉ. संजय कोलते आदी उपस्थित होते.