Tag: Ramesh Bagwe

Lahuji Salve | क्रांतिगुरू लहुजी वस्ताद साळवे स्मारकाचे ७२ (ब) अन्वये काम तातडीने सुरू करा | रमेश बागवे

Categories
Uncategorized

क्रांतिगुरू लहुजी वस्ताद साळवे स्मारकाचे ७२ (ब) अन्वये काम तातडीने सुरू करा | रमेश बागवे

| पुणे महापालिका प्रशासनाला विविध सामाजिक संघटनाच्या शिष्टमंडळाची मागणी

पुणे | संगमवाडी येथील क्रंतीगुरू लहुजी वस्ताद साळवे यांच्या स्मारकासाठी तत्काळ निधी उपलब्ध करून स्मारकाचे काम सुरू करावे अन्यथा आंदोलन करण्याचा इशारा माजी गृहमंत्री व मातंग एकता आंदोलनाचे संस्थापक रमेश बागवे यांनी दिला आहे. तसेच सातारा रोड येथील लोकशाहीर आण्णा भाऊ साठे सभागृहा मागील जागेत मागासवर्गीय मुलींसाठी वसतिगृह उभारावे त्याचीही प्रशसांनाने तत्काळ दखल घ्यावी . असा विविध मागण्याचे निवेदन यावेळी पुणे महापालिका प्रशासनाला देण्यात आले.

या वेळी माजी गृह राज्यमंत्री रमेश बागवे , पुणे शहर काँग्रेस कमिटी चे अध्यक्ष श्री. अरविंद शिंदे, माझी महापौर सौ. कमलताई व्यवहारे, माजी नगरसेवक अविनाश बागवे ,क्रांतीगुरू लहुजी वस्ताद साळवे स्मारक समितीचे अध्यक्ष विजय डाकले,शिवसेना नेते बाळासाहेब भांडे ,राजू अडागळे,,रवी पाटोळे ,विठ्ठल थोरात ,राजू अडागळे, राम कसबे , ॲड. राजश्री अडसूळ, अरुण गायकवाड, दयानंद अडागळे यासह विविध सामाजिक संघटनेचे प्रमुख पदाधिकारी उपस्थित होते .

Congress | Fuel price hike | हात गाडीवर पेट्रोल डिझेलचे बॅरल ठेवून इंधन दरवाढीच्या निषेधार्थ काँग्रेस पक्षाच्या वतीने आंदोलन

Categories
Breaking News Political पुणे

हात गाडीवर पेट्रोल डिझेलचे बॅरल ठेवून इंधन दरवाढीच्या निषेधार्थ काँग्रेस पक्षाच्या वतीने आंदोलन

सातत्याने होत असलेल्या इंधन दरवाढीच्या (fuel price hike) निषेधार्थ महाराष्ट्र प्रदेश काँग्रेस कमिटीचे वरिष्ठ उपाध्यक्ष मोहन जोशी व रमेश बागवे यांच्या नेतृत्वाखाली आज हिंदुस्तान पेट्रोलियम कार्पोरेशन लिमिटेडचे कार्यालय येथे काँग्रेस पक्षाच्या (congress party) वतीने अनोखे आंदोलन (agitation) करण्यात आले.

हात गाडीवर पेट्रोल डिझेलचे बॅरेल ठेवून गेल्या सहा महिन्यात झालेल्या इंधन वाढीची माहिती बॅनर वर लिहून मोर्चा हिंदुस्तान पेट्रोलियम कार्पोरेशन पुणे मुख्य कार्यालयाकडे पोहोचला.

या ठिकाणी केंद्र सरकारच्या विरुद्ध घोषणा देण्यात आले.यावेळी बोलताना वरिष्ठ प्रदेश उपाध्यक्ष मोहन जोशी म्हणाले की सहा महिन्यापूर्वी आंतरराष्ट्रीय बाजारपेठेत कच्च्या तेलाचे भाव 129 डॉलर प्रति बॅरल होते. त्यावेळी पेट्रोल आणि डिझेलचे दर प्रति लिटर शंभर रुपयापेक्षा अधिक होते. आज आंतरराष्ट्रीय बाजारपेठेत कच्च्या तेलाचे दर प्रति बॅलर 76 डॉलर ते 80 डॉलरच्या दरम्यान आहे. असे असताना सुद्धा आज पेट्रोलचा भाव 106 रुपये तर डिझेलचा भाव 94 रुपये प्रतिलिटर आहे.यामुळे सर्वसामान्य जनतेची पिळवणूक होत आहे. केंद्र सरकारने जनतेच्या हिताकरिता त्वरित पेट्रोल आणि डिझेलचे दर 70 रुपये प्रति लिटर करावे,अन्यथा काँग्रेस पक्षाच्या वतीने संपूर्ण शहरभर तीव्र आंदोलन करण्यात येईल.

यानंतर आपले मनोगत व्यक्त करताना माजी गृराज्यमंत्री प्रदेश काँग्रेस कमिटीचे उपाध्यक्ष रमेश बागवे म्हणाले की, इंधन दरवाढीमुळे जीवनावश्यक वस्तूंचे चे भाव वाढले आहे. सर्व तेल कंपन्यांकडे तेलाचा साठा मोठ्या प्रमाणात आहे. रशियाने भारतला कच्च्या तेलाचा साठा पुरवला आहे. कच्च्या तेलाचे साठा मोठ्या प्रमाणावर असल्यामुळे भारत इंधन फ्रान्स, हॉलंड व अनेक देशांना निर्यात करीत आहे.एकीकडे इंधन निर्यात करून तेल कंपनी व सरकार मोठ्या प्रमाणावर नफा मिळवत आहे आणि दुसरीकडे कच्च्या तेलाचे भाव कमी असताना सुद्धा ग्राहकांना जास्तीच्या दराने इंधन देत आहे हे अन्याकारक आहे. काँग्रेसपक्ष नेहमी जनतेच्या प्रश्नावर रस्त्यावर उतरून आंदोलन करत असते जर केंद्र सरकारने इंधन चे दर कमी केले नाही तर काँग्रेस पक्षातर्फे उग्र आंदोलन करण्यात येईल.

यानंतर काँग्रेस पक्षाचे शिष्टमंडळ हिंदुस्तान पेट्रोलियम कार्पोरेशनचे मुख्य व्यवस्थापक श्री मनीष अग्रवाल यांना भेटून निवेदन दिले.

याप्रसंगी नगरसेवक रवींद्र धंगेकर अविनाश बागवे,नरुद्दीन सोमजी, रमेश अय्यर,प्रशांत सुरसे, शेखर कपोते, शाबिर खान,चेतन आगरवाल, मंजूर शेख, शिलार रतनगिरी, स्वाती शिंदे,कान्होजी जेधे, बबलू कोळी, सुनील घाडगे ,प्रदीप परदेशी, दया आडगळे,रोहित अवचिते, अंजली सोलापुरे, दिलीप थोरात ,संगीता थोरात, रॉबर्ट डेव्हिड,क्लेमेंट, लाजरस , सुनील बावकर , हुसेन शेख ,अस्लम बागवान , रामदास मारणे, सुरेश कांबळे, फैयाज शेख, विपुल उमंदे, सोनिया ओव्हाळ,सनी ओव्हाळ, मंगला चव्हाण, व असंख्य पदाधिकारी कार्यकर्ते उपस्थित होते.

Health Camp | साहित्यरत्न लोकशाहीर अण्णा भाऊ साठे यांच्या १०२ व्या जयंती निमित्त मातंग एकता आंदोलनच्या वतीने आरोग्य शिबिर 

Categories
Breaking News cultural Political आरोग्य पुणे

साहित्यरत्न लोकशाहीर अण्णा भाऊ साठे यांच्या १०२ व्या जयंती निमित्त मातंग एकता आंदोलनच्या वतीने आरोग्य शिबिर

मातंग एकता आंदोलन महाराष्ट्र राज्य या राज्यव्यापी संघटनेच्या संयुक्त विद्यमाने साहित्यरत्न लोकशाहीर अण्णा भाऊ साठे यांच्या १०२ व्या जयंतीचे औचित्य साधून बुधवार  रोजी राजेवाडी शाखा, नाना पेठ पुणे या ठिकाणी सकाळी १० ते २ वा. वाजेपर्यंत आरोग्य शिबीर आयोजित केले होते. या आरोग्य शिबिरामध्ये अनेक स्थानिक नागरिकांनी लाभ घेतला.

याप्रसंगी मा. गृहराज्य मंत्री व अध्यक्ष रमेशदादा बागवे, स्थानिक मा. नगरसेवक  अविनाश बागवे, अरविंद शिंदे, नगरसेविका लताताई राजगुरू, नगरसेवक वनराज आंदेकर, मा. नगरसेवक प्रदीप गायकवाड, शिक्षण मंडळाचे माजी उपाध्यक्ष नुरुद्दीन सोमजी, चेतन मोरे, जावेद खान,  मेहबूब नदाफ या कार्यक्रमात उपस्थित होते.
तसेच यावेळी विठ्ठल थोरात  अरुण गायकवाड, यासेर भाऊ बागवे, डॉ. वैष्णवी ताई किराड, विशाल भाऊ शेवाळे, सुरेश अवचिते, व शाखेचे अध्यक्ष अरबाज शेख, रोहित अवचिते, दयानंद अडागळे, सुनील बावकर, अरबाज खान, रोहित साबळे, श्रीकांत अडागळे, गणेश ससाणे, सोहेल अन्सारी, संदीप अवचिते, कृष्णा लंबीयार, सागर पवार, सुनील वाघमारे, सागर आडेप असे अनेक मान्यवर उपस्थित होते.

Marathi Din | 1 ऑगस्ट मराठी दिन साजरा करावा म्हणून  सरकार सोबत भांडत आहोत |  श्रीमंत कोकाटे

Categories
Breaking News cultural Political social पुणे

1 ऑगस्ट मराठी दिन साजरा करावा म्हणून  सरकार सोबत भांडत आहोत |  श्रीमंत कोकाटे

अण्णाभाऊ साठे यांचे मराठी साहित्यातील योगदान पाहता, 1 ऑगस्ट हा मराठी दिन म्हणून साजरा करावा, त्यासाठी आम्ही राज्य सरकार कडे अनेक वर्ष भांडत आहोत, असे डॉ श्रीमंत कोकाटे यांनी सांगितले.

मातंग एकता आंदोलन महाराष्ट्र राज्य या राज्यव्यापी संघटनेच्या विद्यमाने साहित्यरत्न लोकशाहीर अण्णा भाऊ साठे यांच्या ५३ व्या पुण्यतिथी निमित्त रविवार २ रोजी स्व. ठाकरे कलादालन, सारसबाग, पुणे या ठिकाणी  श्रीमंत कोकाटे साहेब यांचा व्याख्यानाचा कार्यक्रम आयोजित करण्यात आला होता. या कार्यक्रमामध्ये १० व १२ वी च्या गुणवंत विद्यार्थाचा ज्यांनी प्रतिकूल परिस्थिती मध्ये शिक्षण घेऊन चांगले गुण मिळविले त्यांचा संस्थापक अध्यक्ष व मा. गृहराज्य मंत्री रमेशदादा बागवे यांनी सत्कार केला. तसेच अण्णाभाऊ साठेच्या लेखनातून प्रेरणा घेऊन अनेक युवकांनी समाज कार्य केले पाहिजे व जीवनात कितीही कठीण प्रतिकूल परिस्थिती असली तरीही संघर्ष करून पुढे जाण्याचे सामर्थ्य अण्णाभाऊ साठेच्या लेखनातून घ्यावे असे आवाहन रमेशदादा बागवे यांनी सर्व विद्यार्थांना केले.

आपल्या जीवनातील संकटाला संधी बनवून जीवनाची वाटचाल करणारा लेखक म्हणजे अण्णा भाऊ साठे. असे मत श्रीमंत कोकाटे यांनी व्यक्त केले.
पुढे बोलताना ते म्हणाले की, खऱ्या अर्थाने शिवाजी महाराजांना सात समुद्र पार कोणी नेले असेल तर अण्णा भाऊ नी. रशिया च्या स्टालिनगार्ड मध्ये शिवाजी महाराजांचा शौर्य सादर करणारा पौवाडा गायला व त्याची महानता तिथे सांगितली हा इतिहास आहे, हे आपण समजून घेतले पाहिजे.

या कार्यक्रमाचे मुख्य संयोजक माजी नगरसेवक अविनाश बागवे होते. या कार्यकमाचे प्रास्ताविक विठ्ठल थोरात यांनी केले तर सूत्र संचालन अरुण गायकवाड यांनी केले. या प्रसंगी मातंग समाज चे ज्येष्ठ नेते यादवराव सोनावणे, डॉ सुहास नाईक, विठ्ठल गायकवाड, महिला आघडीच्या अध्यक्षा ॲड. राजश्री ताई अडसूळ, सौ सुरेखा खंडाळे , संजय साठे , दयानंद अडागळे, सुनील बावकर, हुसैन शेख, रोहित अवचीते, यांनी विशेष परिश्रम घेतले.

Prabhag NO 19 | श्री संत संताजी महाराज जगनाडे उद्यानाचे लोकार्पण 

Categories
Breaking News cultural Political पुणे

श्री संत संताजी महाराज जगनाडे उद्यानाचे लोकार्पण

प्रभाग क्र १९ काशेवाडी – लोहियानगर भागातील सेव्हन लाॅज चौक शंकर शेठ रोड पुणे,या ठिकाणी महाराष्ट्रातील पहिले श्री संत संताजी महाराज जगनाडे यांच्या नावाने उद्यान उभारण्यात आले आहे यांचा लोकार्पण  सोहळा पार पडला.

या कार्यक्रमासाठी प्रमुख उपस्थिती काँग्रेस पक्षाचे ज्येष्ठ नेते उल्हासदादा पवार, राज्याचे माजी गृह राज्यमंत्री रमेशदादा बागवे, पुणे म.न.पा चे माजी गटनेते आबा बागुल,शिवसेना नगरसेवक विशाल धनवडे, स्थानिक नगरसेवक अविनाश बागवे, श्री संत संताजी महाराज जगनाडे तेली संस्था सुदुंबरे चे अध्यक्ष सतीश उबाळे, वाघोली चे सरपंच उबाळे, तेली समाजाचे प्रतिष्ठित सर्व प्रमुख व इतर मान्यवर उपस्थित होते.


यावेळी उल्हासदादा पवार यांनी आपल्या भाषणात येणा-या पिढीला जगनाडे महाराजाच्या कामाची माहिती, सर्व वारकरी संप्रदाय तसेच भागवत समाजाची माहिती देणारे व समाजसेवेची प्रेरणा देणारे , दिशादर्शक हे उद्यान ठरणार आहे.. असे मत त्यांनी व्यक्त केले.
रमेशदादा बागवे यांनी पुर्वीच्या काळात देखील जगनाडे महाराज व तुकाराम महाराज यांच्या वर करमठ वादयान कडून अन्याय होत होता. तसेच अताचे काही लोक प्रयत्न करतायत ते सर्व समाज बांधवांनी एकत्र येवून ते हाणून पाडला पाहिजे असे मत मांडले.
महाराष्ट्रात कुठेच जगनाडे महाराज यांचे नाव असलेले सार्वजनिक उद्यान, समाजमंदिर, वास्तू किंव्हा चौक, नाही त्यामुळे अनेक वर्षांपासून तेली समाजाच्या मागणीनुसार हे उद्यान साकारण्यात आले आहे..या उद्यानात महाराष्ट्रातील सर्व संतांची माहिती, त्यांचे अभंग, भागवत समाज व वारकरी संप्रदाय ची परंपरा. तथा इतिहासाची माहिती दर्शविणारे चित्र येथे आहे असे स्थानिक नगरसेवक अविनाश बागवे यांनी सांगितले.

प्रास्ताविक सुदुंबरे संस्थांचे उपाध्यक्ष विजयकुमार शिंदे यांनी केले तर आभार क्रांतिवीर लहूजी वस्ताद साळवे प्रतिष्ठान चे विठ्ठल थोरात यांनी केले.

Arvind Shinde | Pune Congress | अरविंद शिंदे यांनी स्विकारला पुणे काँग्रेसच्या प्रभारी अध्यक्ष पदाचा पद्‌भार

Categories
Breaking News Political पुणे

अरविंद शिंदे यांनी स्विकारला पुणे काँग्रेसच्या प्रभारी अध्यक्ष पदाचा पद्‌भार

 पुणे शहर जिल्हा काँग्रेस कमिटीच्या प्रभारी अध्यक्ष पदाचा पद्‌भार माजी अध्यक्ष रमेश बागवे यांच्या कडून अरविंद शिंदे यांनी काँग्रेस भवन येथे पक्षाच्या प्रमुख पदाधिकाऱ्यांच्या उपस्थितीमध्ये स्विकारला.

     शिर्डी येथे झालेल्या राज्यस्तरिय नवसंकल्प शिबीरामध्ये प्रदेश काँग्रेस कमिटीच्या झालेल्या ठरावानुसार ५ वर्षांपेक्षा जास्त संघटनेतील असलेल्या पदांचा पदाधिकाऱ्यांनी राजीनामा दिला. त्यामध्ये पुणे शहर जिल्हा काँग्रेस कमिटीचे अध्यक्ष रमेश बागवे, महाराष्ट्र प्रदेश काँग्रेस कमिटीचे सरचिटणीस ॲड. अभय छाजेड व रोहित टिळक या पुण्यातील पदाधिकाऱ्यांनी देखील राजीनामे दिले होते. त्यानंतर प्रदेश काँग्रेस कमिटीचे अध्यक्ष मा. नानाभाऊ पटोले यांनी पुणे शहर जिल्हा काँग्रेस कमिटीला प्रभारी अध्यक्ष म्हणून पुणे महानगरपालिकेतील अभ्यासू नगरसेवक अरविंद शिंदे यांना नियुक्तीचे पत्र दिले.

     आज काँग्रेस भवन येथे पार पडलेल्या पद्‌भार स्विकारण्याच्या कार्यक्रमामध्ये बोलताना रमेश बागवे म्हणाले की, ‘‘माझ्या सारख्या मातंग समाजातील कार्यकर्त्याला काँग्रेस पक्षाने पुण्यासारख्या शहराचे अध्यक्ष पद दिले हे माझ्यासाठी आमदार, मंत्री पदापेक्षा मोठे होते. अध्यक्ष असताना शहरातील निष्ठावान व सर्वसामान्य कार्यकर्त्यांना घेवून व पदाधिकारी व नगरसेवकांना विचारात घेवून पक्षाचे काम गेली ६ वर्ष मी प्रामाणिकपणे केले.’’

     नवनिर्वाचित प्रभारी अध्यक्ष अरविंद शिंदे यावेळी म्हणाले की, ‘‘काँग्रेस पक्षाचे काम करीत असताना एक युवक काँग्रेसचा कार्यकर्ता ते पुणे शहर जिल्हा काँग्रेस कमिटीचा अध्यक्ष या प्रवासामध्ये अनेकांनी मला साथ दिली. पक्षाचे प्रामाणिकपणे केलेल्या कामाचे फळ आज अध्यक्ष पदाच्या रूपाने मला मिळाले. यामागे प्रदेश काँग्रेस कमिटीचे अध्यक्ष मा. नानाभाऊ पटोले, एच. के. पाटील, मा.ना.बाळासाहेब थोरात, सुशिलकुमार शिंदे, मा.ना.अशोक चव्‍हाण, पृथ्वीराज चव्‍हाण, मा.ना.सुनिल केदार, संग्राम थोपटे आणि संजय जगताप यांच्या सहकार्याने आगामी पुणे महानगरपालिकेच्या

निवडणुकीत पूर्ण ताकदीने व काँग्रेस पक्षाच्या हिताचे काम मी करेन. त्याचबरोबर येणाऱ्या पुणे महानगरपालिकेच्या निवडणुकीमध्ये काँग्रेस पक्षाला विचारात घेतल्याशिवाय कोणताही निर्णय महानगरपालिकेत व शहरामध्ये होणार नाही. या पध्दतीचे काम शहरामध्ये पक्ष संघटना म्हणून मी करेन.’’

     यावेळी माजी शहराध्यक्ष ॲड. अभय छाजेड यांनी राज्यस्तरीय नवसंकल्प शिबीरामध्ये झालेल्या निर्णयांची माहिती उपस्थितांना दिली.

     यावेळी माजी मंत्री बाळासाहेब शिवरकर, माजी आमदार दिप्ती चवधरी, अनंत गाडगीळ, संजय बालगुडे, कमल व्‍यवहारे, अमीर शेख, गोपाळ तिवारी, सोनाली मारणे, दत्ता बहिरट, कैलास कदम, संगीता तिवारी, रमेश अय्यर, पुजा आनंद, राहुल शिरसाट, भुषण रानभरे, बाळासाहेब दाभेकर, अजित दरेकर, लता राजगुरू, वैशाली मराठे, सुजाता शेट्टी, रफिक शेख, राजेंद्र भुतडा, सचिन आडेकर, सतीश पवार, प्रविण करपे, रमेश सोनकांबळे, रमेश सकट, शोएब इनामदार, प्रदिप परदेशी, सुनील घाडगे, द. स. पोळेकर, बाळासाहेब अमराळे, रजनी त्रिभुवन, सुनिल शिंदे, नीता रजपूत, राजेंद्र शिरसाट, शिवाजी बांगर, अस्लम बागवान, मुख्तार शेख, संदीप मोकाटे, राहुल तायडे, सुजित यादव, मेहबुब नदाफ, राजू शेख, दिपक निनारिया, मीरा शिंदे, दिपक ओव्‍हाळ, विठ्ठल गायकवाड, दत्ता पोळ, गौरव बोराडे, लतेंद्र भिंगारे, नंदलाल धिवार, शैलजा खेडेकर, सुंदर ओव्‍हाळ, सुरेश कांबळे, बबलु कोळी, योगेश भोकरे, अंजली सोलापूरे, शिलार रतनगिरी, अजित ढोकळे, किशोर मारणे, संतोष आरडे आदी उपस्थित होते.

Drivers | कंत्राटी चालकाला कामावरुन कमी करणार नाही

Categories
Breaking News PMC social पुणे

कंत्राटी चालकाला कामावरुन कमी करणार नाही

: महापालिका आयुक्तांचे राष्ट्रीय मजदूर संघाला आश्वासन

 पुणे : महानगरपालिकेतील कंत्राटी चालकांच्या प्रश्नासंदर्भात महापालिकेचे आयुक्त विक्रमकुमार यांच्याबरोबर बैठक झाली. कोणत्याही कंत्राटी चालकाला कामावरुन कमी करणार नाही. त्याचप्रमाणे त्यांना पूर्णवेळ काम मिळेल व या सर्व कंत्राटी कामगारांच्या पगार व इतर कायदेशीर मागण्यांबाबत लवकरच बैठक घेऊन योग्य उचित आदेश संबंधित अधिकाऱ्यांना दिले जातील व सर्व कायदेशीर अधिकार या कंत्राटी कामगारांना मिळतील. असे आश्वासन आयुक्त विक्रमकुमार यांनी दिले.
यावेळी पुणे शहर काँग्रेसचे अध्यक्ष रमेश दादा बागवे, राष्ट्रीय मजदूर संघाचे अध्यक्ष सुनील शिंदे, कंत्राटी चालक  प्रतिनिधी, संदीप पाटोळे, चंदन  वंगारी, दिनेश खांडरे, व्यंकटेश दोडला, आकाश शिंदे, अभिजीत वाघमारे, गणेश पवार हे कामगार प्रतिनिधी उपस्थित होते.
यावेळी पीएमपीएल मधून महानगरपालिकेमध्ये वर्ग करण्यात आलेल्या चालकांच्या संदर्भामध्ये चर्चा झाली. पीएमपीएमएल मधून आलेले चालक, पुन्हा पी एम पी एल मध्ये पाठवावेत व पुणे महानगरपालिकेमधील कंत्राटी चालकांच्या नोकरीवर गंडांतर आणू नये. त्यांना त्या ठिकाणी दैनंदिन कामकाज मिळावे अशी मागणी करण्यात आली. त्याच बरोबर इतर कंत्राटी कामगारांचे पगार वेळेवर करावेत, पगार स्लिप मिळावी, कामगार कायद्याच्या अंतर्गत फायदे मिळावेत, या मागण्या करण्यात आल्या.  महापालिकेमध्ये मशानभुमी मध्ये काम करणारे कर्मचारी, पाणीपुरवठा मध्ये काम करणारे कर्मचारी, सुरक्षा रक्षक म्हणून काम करणारे कंत्राटी कर्मचारी या सर्वच कंत्राटी कामगारांच्या पगार व इतर कायदेशीर हक्क त्याचबरोबर कामगार कायद्यांमध्ये मिळत असणारे अधिकार हे त्यांना ेण्यात यावेत यासाठी आवश्‍यक व योग्य ती पावले उचलावीत. अशी मागणी विक्रम कुमार यांच्याकडे करण्यात आली.
या मागणीला सकारात्मक प्रतिसाद देताना कोणत्याही कंत्राटी चालकाला कामावरुन कमी करणार नाही. त्याचप्रमाणे त्यांना पूर्णवेळ काम मिळेल व या सर्व कंत्राटी कामगारांच्या पगार व इतर कायदेशीर मागण्यांबाबत लवकरच बैठक घेऊन योग्य उचित आदेश संबंधित अधिकाऱ्यांना दिले जातील व सर्व कायदेशीर अधिकार या कंत्राटी कामगारांना मिळतील. असे आश्वासन आयुक्त विक्रमकुमार यांनी दिले.

congress Pune : शरद पवारांच्या घरावरील भ्याड हल्ल्याचा सूत्रधार शोधून कारवाई करा : पुणे कॉंग्रेस कडून आंदोलन 

Categories
Political पुणे महाराष्ट्र

शरद पवारांच्या घरावरील भ्याड हल्ल्याचा सूत्रधार शोधून कारवाई करा : पुणे कॉंग्रेस कडून आंदोलन

– कॉंग्रेस शहराध्यक्ष रमेश बागवे

पुणे : देशातील ज्येष्ठ नेते शरद पवारसाहेब यांच्या घरावर करण्यात आलेल्या भ्याड हल्ल्यामागील सूत्रधार शोधून त्यावर राज्य सरकारने कडक कारवाई करावी, अशी मागणी पुणे शहर कॉंग्रेस पक्षाचे शहराध्यक्ष रमेशजी बागवे यांनी केली.

पुणे शहर काँग्रेस कमिटीच्या वतीने माजी केंद्रीय कृषीमंत्री आणि राष्ट्रवादी काँग्रेसचे अध्यक्ष खासदार शरद पवार यांच्या घरावर भ्याड हल्ला झाल्याच्या निषेधार्थ काँग्रेसचे शहराध्यक्ष रमेशजी बागवे यांच्या नेतृत्वाखाली कॅम्पमधील डॉ.आंबेडकर पुतळ्यासमोर, रविवारी सकाळी आंदोलन करण्यात आले. या आंदोलनात महाराष्ट्र प्रदेश काँग्रेसचे उपाध्यक्ष मोहन जोशी, अभय छाजेड,
अरविंद शिंदे, आबा बागुल, भीमराव पाटोळे,अविनाश बागवे,लता राजगुरू, पूजा आनंद,अरुण वाघमारे, रमेश सकट, वाल्मिक जगताप, विठ्ठल गायकवाड, सुजित यादव, असिफ शेख, चेतन आगरवाल, अनिस खान, संगीता पवार, छाया जाधव, प्रदीप परदेशी, राहुल तायडे, क्लेमंट लाझरस, संजय कवडे, सचिन सावंत, अविनाश अडसूळ, रॉबर्ट डेव्हीड आदी नेते, पदाधिकारी, कार्यकर्ते सहभागी झाले होते.

देशातील राजकारणात आदरणीय पवारसाहेबांना प्रतिष्ठा आहे. अशा प्रतिष्ठित नेत्याच्या घरावर हल्ला करणे हे महाराष्ट्राच्या राजकीय परंपरेला अजिबात शोभणारे नाही. अशा हल्ल्यातून महाराष्ट्राच्या राजकारणात घातक पायंडा पडू पाहातो आहे. याकरिता राज्य सरकारने हल्ल्यामागील सूत्रधार शोधून, त्यावर कारवाई करायला हवी तरच, अपप्रवृत्तींना आळा बसेल, असे रमेशजी बागवे यांनी आंदोलकांसमोर बोलताना सांगितले. एसटी कामगारांच्या मागण्यांबाबत मुंबई उच्च न्यायालयाने अनुकूल निकाल दिला असतानाही काही नेत्यांनी चिथावणीखोर भाषणे करून कामगारांना भडकावले, असा आरोप बागवे यांनी केला.

एसटी कामगारांच्या मागण्यांबाबत राज्य सरकारने सहानुभूतीची भूमिका ठेवली असताना एसटी कामगारांची दिशाभूल करण्यात आली आणि आंदोलन चुकीच्या मार्गाने नेले, असे महाराष्ट्र प्रदेश काँग्रेसचे उपाध्यक्ष मोहन जोशी यांनी सांगितले आणि पवारसाहेबांच्या घरावरील भ्याड हल्ल्याचा तीव्र निषेध केला.

आंदोलनाची सांगता सभेने झाली. या सभेत अभय छाजेड, अरविंद शिंदे, अॅड. अश्विनी गवारे आदींची भाषणे झाली. सर्व वक्त्यांनी हल्ल्याचा निषेध केला आणि हल्ल्यामागचा सूत्रधार शोधून त्यावर कारवाई करा अशी जोरदार मागणी राज्य सरकारकडे केली.

 

Pune Congress : Agitation Against Governor : राज्यपालांच्या वादग्रस्त विधानाच्या निषेधार्थ शहर काँग्रेसतर्फे ‘‘जोडो मारो आंदोलन’’‌

Categories
Political पुणे महाराष्ट्र

राज्यपालांच्या वादग्रस्त विधानाच्या निषेधार्थ शहर काँग्रेसतर्फे ‘‘जोडो मारो आंदोलन’’‌

 

पुणे :  महाराष्ट्राचे राज्यपाल भगतसिंग कोश्यारी यांनी छत्रपती शिवाजी महाराज यांच्या बाबत अवमानकारक वक्तव्‍य केल्याच्या निषेधार्थ आज पुणे शहर जिल्हा काँग्रेस कमिटीचे अध्यक्ष रमेश बागवे यांच्या अध्यक्षतेखाली एस. एस. पी. एम. एस. शाळा, शिवाजीनगर येथील छत्रपती शिवाजी महाराज यांच्या पुतळ्याजवळ ‘‘जोडो मारो आंदोलन’’ करण्यात आले.

काँग्रेस पक्षाचे पदाधिकारी व कार्यकर्त्यांनी छत्रपती शिवाजी महाराज यांचा जय जयकार करून राज्यपाल भगतसिंग कोश्यारींच्या विरोधात जोरदार घोषणा दिल्या. यावेळी बोलताना रमेश बागवे म्हणाले की, ‘‘महाराष्ट्राचे राज्यपाल यांनी वक्तव्‍य केले की, ‘समर्थ रामदास नसते तर शिवाजींना कोणी विचारलं नसते’. अशा प्रकारे महाराष्ट्राचे दैवत छत्रपती शिवाजी महाराजांना एकेरी शब्दात उल्लेख करून महाराजांचा आणि देशाचा अपमान केला आहे. राज्यपांल सातत्याने वादग्रस्त विधाने करीत आहेत आणि मोदी सरकार त्यांची पाठराखण करीत आहे. भारतीय जनता पक्ष राज्यपालांच्या वक्तव्‍यावर मौन बाळगून आहेत. राज्यपालांनी त्वरीत माफी मागावी अन्यथा काँग्रेस पक्षातर्फे तीव्र आंदोलन करण्यात येईल.’’

     यावेळी बोलताना नगरसेवक अरविंद शिंदे म्हणाले की, ‘‘महाराष्ट्राचे राज्यपालांनी कुठलेही पुरावे नसताना असे सांगितले की, शिवाजी महाराज आणि रामदास स्वामी यांची भेट झाली. खोटे बोलून जनतेची दिशाभुल करणे हा भाजपाचा अंजेडा राज्यपाल अतिशय चोखपणे राबवित आहेत. छत्रपती शिवाजी महाराजांना एकेरी शब्दात उल्लेख करण्याची मजाल राज्यपालांनी केलेली आहे. पंतप्रधान नरेंद्र मोदींनी भगतसिंग कोश्यारी यांचा राजीनामा घ्यावा. जर तसे झाले नाही तर आम्ही महाराष्ट्रात राज्यपालांचा कार्यक्रम होऊ देणार नाही याची नोंद मोदी सरकारने घ्यावी.’’

     यावेळी माजी मंत्री बाळासाहेब शिवरकर, गटनेते आबा बागुल, कमल व्‍यवहारे, संजय बालगुडे, अनिल सोंडकर, शेखर कपोते, पुजा आनंद, विशाल मलके, नीता रजपूत, सोनाली मारणे, हाजी जाकीर शेख, नगरसेवक रविंद्र धंगेकर, लता राजगुरू, अविनाश बागवे, रफिक शेख, संगिता तिवारी, राजेंद्र शिरसाट, द. स. पोळेकर, रजनी त्रिभुवन, अरूण वाघमारे, राजाभाऊ कदम, प्रकाश पवार, रामदास मारणे, बाळासाहेब अमराळे, मुख्तार शेख, साहिल केदारी, यासीर बागवे, नारायण पाटोळे, राजू साठे, सचिन आडेकर, राजेंद्र भुतडा, प्रविण करपे, विजय खळदकर, रमेश सकट, विजय जाधव, वाल्मिक जगताप, अजित जाधव, अविनाश अडसूळ, मुन्नाभाई शेख, क्लेमेंट लाजरस, रॉर्बट डेव्हिड, परवेज तांबोळी, सुरेश कांबळे, विनोद रणपिसे गणेश भंडारी, बबलू कोळी, राजू गायकवाड, ॲड. राजश्री अडसूळ, सिमा महाडिक, शारदा वीर, फैय्याज शेख, रवी मोहिते आदींसह काँग्रेस पदाधिकारी व कार्यकर्ते उपस्थित होते.

Mahavikas Aghadi Pune Vs Modi Gov : मोदी सरकारच्या दडपशाहीला पुण्यातून महाविकास आघाडीचा विरोध

Categories
Political पुणे महाराष्ट्र

मोदी सरकारच्या दडपशाहीला पुण्यातून महाविकास आघाडीचा विरोध

 

पुणे :   केंद्र सरकारने (Central Government) ई.डी. (ED) च्या मार्फत महाराष्ट्रातील अल्पसंख्यांक मंत्री नवाब मलिक (Nawab Malik) यांना सूडापोटी अटक केल्याच्या निषेधार्थ आज महाविकास आघाडीच्या (Mahavikas Aghadi) वतीने ए. डी. कॅम्प चौक, नाना पेठ, पुणे येथे आंदोलन करण्यात आले. महाविकास आघाडीचे पदाधिकारी व कार्यकर्ते यांनी मोदी सरकारच्या (Modi Government) दडपशाही विरोधात जोरदार घोषणा दिल्या.

     यावेळी बोलताना पुणे शहर जिल्हा काँग्रेस कमिटीचे अध्यक्ष रमेश बागवे म्हणाले की, ‘‘केंद्र सरकारने महाविकास आघाडीला बदनाम करण्यासाठी मंत्र्यांना अटक करीत आहे. ई. डी., सी. बी. आय., इन्कम टॅक्स यांच्यामार्फत महाराष्ट्राच्या महाविकास आघाडीच्या नेत्यांवर दडपशाही आणून भितीचे वातावरण निर्माण करीत आहे. अल्पसंख्यांक मंत्री नवाब मलिक यांनी वारंवार केंद्रातील मोदी सरकारचा पर्दाफाश केल्यामुळे त्यांच्या विरूध्द गुन्हा दाखल करून अटक केली. अशाच प्रकारे अल्पसंख्यांकावर अत्याचार करण्याचा मोदी सरकारने विडा उचलेला आहे. हाथरस आणि उन्नाव येथे सुध्दा दलित महिलांवर अत्याचार झाले. तेथील भाजप सरकारने या प्रकरणावर सुरूवातील कानाडोळा केला आणि नंतर जनतेच्या दबावामुळे आरोपींवर कारवाई केली. महाराष्ट्रात भाजपचे सरकार होऊ शकले नाही याचा राग केंद्र सरकारला आहे. अशा प्रकारे मंत्र्यांना अटक करून महाराष्ट्रातील सरकारला पाडण्यासाठी कट रचत आहे.’’

     राष्ट्रवादी काँग्रेसचे अध्यक्ष प्रशांत जगताप म्हणाले की, ‘‘केंद्र सरकारचे ई.डी. खाते हे मोदी सरकारचे हस्तक म्हणून काम करीत आहे. अनेकांना चौकशीसाठी बोलावून त्यांना आणि त्यांच्या कुटूंबियांना मानसिक त्रास द्यायचे काम ई.डी. खाते करीत आहे. अल्पसंख्यांक मंत्री नवाब मलिक यांना अटक करून महाविकास आघाडी सरकारला बदनाम करण्याचे काम भारतीय जनता पक्ष करीत आहे. भारतीय जनता पक्षाचे नेते ई.डी. ऑफिसमध्ये बसून महाविकास आघाडीतील नेत्यांविरोधात कट रचतात आणि त्याची अंमलबजावणी ई.डी. खाते करीत आहे. देशाच्या इतिहासामध्ये अशा प्रकारचा कारभार कोणत्याही सरकारने केलेला नाही. मोदी सरकार सत्तेत आल्यावर सूडापोटी देशातील विरोधकांच्या मुसकट दाबण्यासाठी सी. बी. आय., ई.डी. मार्फत कारवाया करीत आहे. मंत्री नवाब मलिक यांच्या अटकेचा या आंदोलनाच्या माध्यमातून आम्ही तीव्र निषेध करतो.

     शिवसेना प्रमुख संजय मोरे म्हणाले की, ‘‘मोदी सरकारने या देशात अघोषित आणीबाणी आणली आहे. आपल्या राजकीय विरोधकांचा ई.डी., सी.बी.आय. मार्फत चौकशी लावून त्यांना व त्यांच्या कुटूंबियांना बदनाम करण्याचे काम करीत आहे. देशात अनेक ज्वलंत प्रश्न आहे. या मुळ विषयांवरून लोकांची दिशाभुल करण्यासाठी अशा प्रकारची कारवाई करीत आहे. महाविकास आघाडीच्या अनेक नेत्यांवर ई. डी. ने व सी.बी.आय. ने गुन्हा दाखल केला आहे. शिवसेनेचे अनंतराव अडसुळ, प्रताप सरनाईक व भावना गवळी यांच्यावर सुध्दा ई.डी. ने कारवाई केली आहे.

     मुख्यमंत्री उध्दव ठाकरे अतिशय खंबीरपणाने राज्याचा कारभार सांभाळत आहे. किरीट सोमय्या हा भाजपाचा मोहरा आहे. आपली सत्ता येवू शकली नाही म्हणून सूडभावनेने महाविकास आघाडी सरकारला पाडण्यासाठी हा खेळ खेळला जात आहे. जर केंद्र सरकारने अशा पध्दतीने कारवाई सुरू ठेवली तर शिवसैनिक आपल्या पध्दतीने त्यांना उत्तर देतील.’’

     यावेळी राष्ट्रवादी प्रदेश प्रवक्ते अंकुश काकडे, प्रदेश काँग्रेस सरचिटणीस ॲड. अभय छाजेड, कमल व्यवहारे, जयदेव गायकवाड, अरविंद शिंदे, गोपाळ तिवारी, संगीता तिवारी, सोनाली मारणे, अविनाश बागवे, रफिक शेख, पल्लवी जावळे, प्रदिप देशमुख, विशाल मलके, शिलार रतनगिरी, रमेश सोनकांबळे, सतिश पवार, सुनिल घाडगे, राहुल तायडे, विनय ढेरे, विवियन केदारी, मेहबुब नदाफ, रजनी त्रिभुवन, सुरेखा खंडागळे, अनुसया गायकवाड, जावेद खान, जुबेर शेख, भोलासिंग अरोरा, मुन्नाभाई शेख, मीरा शिंदे, अभिजीत महामुनी, बंडू नलावडे, सुमित डांगी, राधिका मखामले, कल्पना उनवने, आदींसह पदाधिकारी व कार्यकर्ते मोठ्या संख्येने उपस्थित होते.