PMC Contract Employees Bonus | Sunil Shinde | कंत्राटी कामगारांच्या प्रश्नाबाबत राष्ट्रीय मजदूर संघ (RMS) करणार आमरण उपोषण

Categories
Breaking News PMC social पुणे

PMC Contract Employees Bonus | Sunil Shinde | कंत्राटी कामगारांच्या प्रश्नाबाबत राष्ट्रीय मजदूर संघ (RMS) करणार आमरण उपोषण

 

PMC Contract Employees Bonus | Sunil Shinde |आम्हीही पुणे मनपा (Pune Municipal Corporation)  प्रशासनाचे कामगार आहोत. आम्हालाही कामगार कायद्यानुसार (Labor Law) आमच्या सामाजिक सुरक्षा, कामगाराचे हक्क का भेटत नाही. असा प्रश्न कामगार नेते राष्ट्रीय मजदूर संघाचे(RMS) अध्यक्ष सुनील शिंदे यांनी उपस्थित केला. जर आमच्या मागण्या मान्य नाही केल्या तर 1 नोव्हेंबर 2023 रोजी संघटनेचे अध्यक्ष कामगार सुनील शिंदे (Sunil Shinde)  यांच्या नेतृत्वाखाली सर्व कामगार आमरण उपोषणाला बसतील असा इशारा मनपा प्रशासनाला देण्यात आला. (PMC Pune Contract Employees Bonus Agitation)

निमित्त होते मनपा मुख्य प्रवेशद्वारावर आयोजित इशारा आंदोलनाचे. हे आंदोलन मंगळवार 10 ऑक्टोबर रोजी दुपारी 4 वा झाले. गेल्या वर्षभरात कंत्राटी कामगारांना बोनस मिळण्याबाबत संघटनेने दिलेला लढा, प्रशासन करत असलेली या बाबतची दिरंगाई याबाबत माहिती या आंदोलनावेळी केली. कंत्राटी कामगारांना कायम कामगारांच्या एवढा बोनस मिळालाच पाहिजे, ठेकेदार बदलला तरी कामगार तेच राहिलेच पाहिजे, कंत्राटी कामगारांना किमान वेतनाच्या फरकाची रक्कम मिळालीच पाहिजे,
कंत्राटी कामगारांना कायम कामगारां येवढेच वेतन व सवलती मिळाल्याच पाहिजेत या आंदोलनाच्या मागण्या होत्या. पाऊस असो की उन आम्ही बोनस घेतल्याशिवाय राहणार नाही असा निर्धार शेवटी सर्व कामगारांनी केला. (PMC Pune)

जर आमच्या मागण्या मान्य नाही केल्या तर 1 नोव्हेंबर 2023 रोजी संघटनेचे अध्यक्ष कामगार सुनील शिंदे यांच्या नेतृत्वाखाली सर्व कामगार आमरण उपोषणाला बसतील असा इशारा मनपा प्रशासनाला देण्यात आला. यावेळी संघटनेचे उपाध्यक्ष सीताराम चव्हाण, सेक्रेटरी एस के पळसे, प्रतिनिधी विजय पांडव, सरिता धुळेकर, गोरखनाथ कांबळे यांनी मनोगत व्यक्त केली.
तसेच पगार 10 तारखेनंतर मिळाला पाहिजे हा नियम असतानाही न मिळणारा पगार, पगाराची स्लीप, युनिफॉर्म, वेळेवर जमा न होणारा PF अशा अनेक मुद्यांवरचे प्रश्न उपस्थित कामगारांनी उपस्थित केले. आभाळाची आम्ही लेकरे, सवालाचा जवाब दे रे मनपाच्या प्रशासना ही गाणी तसेच बोनस आमच्या हक्काच्या नाही कुणाच्या मालकीचा, ठेकेदार व अधिकाऱ्याचं नातं काय होऊ द्या चर्चा या घोषणा ही यावेळी घेण्यात आल्या. (Rashtriya Majdur Sangh)

Sunil Shinde | RMS | आरएमएसचे अध्यक्ष सुनील शिंदे जागतिक मेळाव्याला करणार संबोधित

Categories
Breaking News social देश/विदेश पुणे

Sunil Shinde | RMS | आरएमएसचे अध्यक्ष सुनील शिंदे जागतिक मेळाव्याला करणार संबोधित

Sunil Shinde | RMS | आरएमएसचे अध्यक्ष सुनील शिंदे (RMS President Sunil Shinde) यांना अमेरिकेतील कामगार नेत्यांच्या जागतिक मेळाव्याला संबोधित करण्यासाठी आमंत्रित करण्यात आले आहे. (Sunil Shinde: RMS)
यूएनआय ग्लोबल युनियन (UNI Global Union), जगभरातील सुरक्षा, सेवा आणी अर्थव्यवस्थेत काम करणाऱ्या कामगारांची सर्वात मोठी जागतिक कामगार संघटना आहे. त्यांची सहावी जागतिक परिषद आयोजित करीत आहे. ही जागतिक परिषद रविवार, २७ ऑगस्ट ते बुधवार, ३० ऑगस्ट २०२३ या कालावधीत फिलाडेल्फिया, पेन्सिल्व्हेनिया, अमेरिकेतील फिलाडेल्फिया कन्व्हेन्शन सेंटर येथे होणार आहे.
‘रायझिंग टुगेदर’ (Rising Together) या संकल्पनेखाली काँग्रेस जगभरातील दोन कोटी कामगारांचे प्रतिनिधित्व करणाऱ्या कामगार संघटनांच्या नेत्यांना एकत्र आणून कामगारांची जागतिक ताकद निर्माण करेल आणि पुढील चार वर्षांचा कृती कार्यक्रम निश्चित करेल.
कामगार नेत्यांच्या या जागतिक मेळाव्यात १५० हून अधिक देशसहभागी होणार आहेत. या परिषदेच्या अजेंड्यात कॉर्पोरेट उत्तरदायित्व, आरोग्य आणि सुरक्षा, न्याय्य आणि सर्वसमावेशक जागतिक अर्थव्यवस्था, विषमता आणि भेदभाव आणि सर्वात शेवटी लोकशाही आणि मानवी हक्क या मुद्द्यांचा समावेश आहे. काँग्रेसमध्ये सिनेटर, अमेरिकेच्या कामगार विभागाचे वरिष्ठ अधिकारी आणि आयएलओचे महासंचालक आणि ब्राझीलचे राष्ट्राध्यक्ष यांचा ही सहभाग असेल.
राष्ट्रीय मजदूर संघाचे (आरएमएसचे) अध्यक्ष सुनील शिंदे यांना डिजिटल युगात कामाच स्वरूप आणि श्रम बाजाराचे बदलते चित्र आणि न्याय्य अर्थव्यवस्था या विषयावर बोलण्यासाठी निमंत्रित करण्यात आले आहे. शिंदे जागतिक उपस्थितांना प्लॅटफॉर्म आणि गिग इकॉनॉमीच्या वाढत्या क्षेत्रात भारतीय कामगारांसमोरील आव्हाने आणि लढ्याची माहिती देतील. ते जगभरातून सहभागी होणाऱ्या प्रतिनिधींना भेटतील आणि एकत्रितपणे यूएनआयचा पुढील 4 वर्षांचा अजेंडा तयार करतील.
——
News Title | Sunil Shinde | RMS | RMS President Sunil Shinde will address the global gathering

Labour Meeting | कामगार कायदे टिकवण्यासाठी रस्त्यावर उतरणार | आमदार भाई जगताप

Categories
Breaking News Political social पुणे

Labour Meeting | कामगार कायदे टिकवण्यासाठी रस्त्यावर उतरणार | आमदार भाई जगताप

Labour Meeting | कामगार कायदे (Labour Law) आपला श्वास आहे तो टिकवायचं असेल तर त्यासाठी संविधान टिकल पाहिजे पण हे बदलायच काम सध्याचं केंद्र सरकार (Central Government) करत आहे. असं प्रतिपादन कामगार नेते व आमदार भाई जगताप (MLA Bhai Jagtap) यांनी केले. राष्ट्रीय मजदुर संघाचे अध्यक्ष सुनील शिंदे (Sunil Shinde) यांनी आयोजित केलेल्या कामगार मेळाव्यामध्ये (Labour Meeting) ते बोलत होते. ते पुढे म्हणाले राज्य सरकार व केंद्र सरकार हे दोघेही मालक धार्जीने निर्णय घेत आहेत या निर्णयामध्ये कामगारांना विश्वासात घेतले जात नाही ही बाब अत्यंत गंभीर असून यापुढे कामगारांनी रस्त्यावर उतरूनच लढलं पाहिजे. (Labour Meeting)
       यावेळी बोलताना माणिकराव ठाकरे म्हणाले कष्टकऱ्यांच आयुष्य घडवण्याचं काम जर पाहायचं  असेल व शून्यातून जग कसं निर्माण होत हे शिकायचं असेल तर राष्ट्रीय मजदूर संघटनेच्या लढा समजून घेतल पाहिजे असे गौरवोद्गार काढले.
संघटनेचे अध्यक्ष सुनील शिंदे म्हणाले की कायम कामगार असो की  कंत्राटी की बदली कामगार की गिग वर्कर यांच्या मनातील भिती घालवायचं, कामगारांना लढायची हिम्मत देण्याचं काम राष्ट्रीय मजदूर संघटनेच्या स्थापनेपासून  राहिल आहे. याप्रसंगी समान कामाला समान वेतन मिळालच पाहिजे, कामगार विरोधी धोरण व कायदे रद्द करा या घोषणा व आभाळाची आम्ही लेकरे, मेरा रंग दे बसंती चोला ही गाणीही घेण्यात आली. असंघटीत कामगारांची ओळख असलेल्या इ-श्रम कार्ड घरेलु कामगार महिलांना प्रातिनिधिक वाटप करण्यात आले.
मेळाव्याचे उद्घाटन अखिल भारतीय काँग्रेस कमिटीचे सेक्रेटरी माजी मंत्री माणिकराव ठाकरे यांच्या हस्ते दीप प्रज्वलन करून करण्यात आले. या कार्यक्रमाला प्रमुख पाहुणे म्हणून कामगार नेते व आमदार भाई जगताप हे उपस्थित होते. यावेळी पुणे शहर जिल्हा काँग्रेस कमिटीचे अध्यक्ष अरविंद शिंदे, माजी अध्यक्ष अभय छाजेड, माजी महापौर कमल व्यवहारे व  विविध क्षेत्रातील कामगार मोठ्या संख्येने उपस्थित होते. यामध्ये घरेलू कामगार, बांधकाम मजूर,
पुणे महानगरपालिकेतील कंत्राटी कामगार, कंपन्यांमधील कामगार, हॉस्पिटल संघटित व असंघटित क्षेत्रातील सुरक्षा रक्षक, माथाडी कामगार, ऑटो रिक्षा चालक, स्विगी, झोमॅटो, ओला उबेर, अर्बन कंपनीचे कामगार मोठ्या संख्येने सहभागी झाले. कार्यक्रमाचे प्रास्ताविक संघटनेचे उपाध्यक्ष सिताराम चव्हाण यांनी केले तर आभार प्रदर्शन संघटनेचे सेक्रेटरी एस के पळसे यांनी केले.

Contract Employees | पुणे मनपातील कंत्राटी कामगारांचा मेळावा | 250 सुरक्षा रक्षकांना पुन्हा कामावर घेण्याच्या निर्णयाबद्दल प्रशासनाचे मानले आभार

Categories
Breaking News PMC पुणे

पुणे मनपातील कंत्राटी कामगारांचा मेळावा

| 250 सुरक्षा रक्षकांना पुन्हा कामावर घेण्याच्या निर्णयाबद्दल प्रशासनाचे मानले आभार

पुणे महानगरपालिकेतील (PMC pune) कंत्राटी कामगारांचा मेळावा (Contract employees Gathering) काँग्रेस भवन येथे पार पडला. या मेळाव्यामध्ये राष्ट्रीय मजदूर संघाचे अध्यक्ष कामगार नेते सुनील शिंदे (Sunil Shinde) यांचे प्रमुख मार्गदर्शन झाले. या मेळाव्यामध्ये गेली सहा महिन्यापासून 45 वयाची अट या व इतर कारणांसाठी विनाकारण कामावरून काढून टाकण्यात आलेल्या सुमारे 250 सुरक्षा रक्षकांना पुन्हा कामावर घेण्याचा निर्णय मनपा आयुक्त व संबंधित अधिकाऱ्यांनी घेतल्याबद्दल आभार व्यक्त करण्यात आले व पेढे वाटून आनंद उत्सव साजरा करण्यात आला. (contract employees)


या मेळाव्यासाठी पाणीपुरवठा विभाग, सुरक्षारक्षक विभाग, उद्यान विभाग, स्मशानभूमी विभाग, झाडन काम, कचरा वाहतूक करणारे चालक अशा विविध खात्यातील कंत्राटी कामगार मोठ्या संख्येने उपस्थित होते. या मेळाव्यामध्ये बोलताना कामगार नेते व राष्ट्रीय मजूर संघाचे अध्यक्ष सुनील शिंदे यांनी सर्व सुरक्षा रक्षकांनी संघटनेवर विश्वास ठेवला व संघटनेच्या पाठीशी उभे राहिले म्हणून त्यांच्यासाठी संघटनेने आंदोलन उभारले व त्या आंदोलनाला यश येऊन या सर्व सुरक्षारक्षकांना पुन्हा पूर्ववत कामावर घेण्यात आले असे सांगितले. त्याचप्रमाणे सुनील शिंदे यांनी पुणे महापालिकेतील कंत्राटी कामगारांना कायम कामगारांना एवढाच बोनस व 19 हजार रुपये दिला पाहिजे ही मागणी ही प्रशासनाने मान्य केली असून लवकरच याबाबत ही ठोस निर्णय संघटना करून घेईल असे आश्वासन यावेळी दिले ते पुढे बोलताना म्हणाले कंत्राटदार बदलला तरी कामगार तेच राहिले पाहिजे. किमान वेतन कायद्यातील फरकाशी रक्कम तात्काळ दिली गेली पाहिजे, अशा महत्त्वाच्या मागण्या मान्य करून घेण्यासाठी राष्ट्रीय मजदूर संघ कटिबद्ध असल्याचे सांगितले. या मागण्यांबाबत आपण प्रशासनाबरोबर वारंवार चर्चा करत असून या बाबतीत पालिका अधिकाऱ्यांनी तात्काळ निर्णय घेतला नाही तर यापुढे मोठे आंदोलन छेडण्याचा निर्णयही यावेळी जाहीर केला.
या वेळामध्ये संघटनेचे उपाध्यक्ष सिताराम चव्हाण, सरचिटणीस एस के पळसे यांनी मार्गदर्शन केले त्याचप्रमाणे परिमंडळ प्रमुख विजय पांडव यांनी सूत्र संचालन केले तसेच स्मशानभूमीचे प्रमुख बाबा कांबळे व्हेईकल डेपोचे संदीप पाटोळे संजीवन हॉस्पिटलच्या मेघमाला काकडे इत्यादी कामगार नेत्यांनी आपले मनोगत व्यक्त केले. (pune municipal corporation)

Sunil Shinde | RMS| उद्यापासून कंत्राटी कर्मचारी महापालिका गेटवर आमरण उपोषण करणार | सुनिल शिंदे

Categories
Breaking News PMC social पुणे

उद्यापासून कंत्राटी कर्मचारी महापालिका गेटवर आमरण उपोषण करणार | सुनिल शिंदे

पुणे | महापालिकेत (PMC Pune) काम करणाऱ्या कंत्राटी कर्मचाऱ्यांच्या (contract Employees) समस्या तशाच आहेत. कर्मचाऱ्यांच्या मागण्या मान्य होईपर्यंत उद्यापासून पुणे महापालिका गेटवर आमरण उपोषण (Hunger strike) करण्यात येणार आहे. अशी भूमिका राष्ट्रीय मजदूर संघाचे अध्यक्ष सुनिल शिंदे (RMS president Sunil Shinde) यांनी घेतली आहे.


पुणे महानगरपालिकेतील कंत्राटी कामगारांच्या समस्या संदर्भात काँग्रेस भवन पुणे येथे बैठक घेण्यात आली. यावेळी राष्ट्रीय मजदूर संघाचे अध्यक्ष व कामगार नेते सुनील शिंदे यांनी उपस्थित कामगारांना मार्गदर्शन केले. यावेळी बोलताना ते म्हणाले, अजूनही जवळजवळ 200 सुरक्षारक्षकांना कामावर घेण्यात आलेले नाही. या संदर्भामध्ये यापूर्वीच आयुक्तांनी मान्य  करूनही सर्व कामगार गेली पाच महिन्यापासून कामापासून वंचित आहेत. त्यांना पगारही देण्यात आलेला नाही. त्याचप्रमाणे कायम कामगारांना एक पगार आणि 19 हजार रुपये एवढा बोनस देण्यात आला, तेवढाच बोनस सर्व कंत्राटी कामगारांना देण्यात यावा. ही मागणी मान्य करूनही अजून त्याच्यावर अंमलबजावणी झालेली नाही. ईएसआयसी चे कार्ड अजूनही कर्मचाऱ्यांना वाटप करण्यात आलेच नाही. या व अशा अनेक प्रश्नांसाठी मंगळवार दिनांक 28 मार्च रोजी सकाळी दहा वाजल्यापासून पुणे मनपाच्या गेटवर हे सर्व कर्मचारी आमरण उपोषण आंदोलन सुरू करणार आहेत. जोपर्यंत मागण्या मान्य होणार नाहीत तोपर्यंत कोणीही त्या जागेवरून उठणार नाही. असे ही शिंदे म्हणाले. 

RMS Women Wing | राष्ट्रीय मजदूर संघाची आता महिला आघाडी | महिला कर्मचाऱ्यांना दिलासा

Categories
Breaking News social पुणे

राष्ट्रीय मजदूर संघाची आता महिला आघाडी | महिला कर्मचाऱ्यांना दिलासा

राष्ट्रीय मजदुर संघ कामगारांच्या प्रश्नावर सातत्याने लढत असतो पण लढाई लढत असताना महिलांना कामगार म्हणून काम करत असताना त्यांना येणाऱ्या अडचणी बाबत सोडवायलाही विचार पीठ असल पाहिजे अस परखड मत कामगार नेते सुनील शिंदे यांनी मांडले.
निमित्त होते राष्ट्रीय मजदूर संघ व अभिव्यक्ती आयोजित राष्ट्रीय मजदुर संघ महिला आघाडीचं उद्घाटन समारंभ व महिला मेळाव्याचे. हा उद्घाटनाचा कार्यक्रम काँग्रेस भवन इथे झाला.

आज महिला व पुरुष म्हणून आपण प्रश्नाकडे पाहत राहिलो तर प्रश्न सोडवण अवघड होत पण आपण जर माणूस म्हणून जर लढलो तर प्रश्न सुटणं शक्य होईल या उद्देशाने आपणं महिला आघाडी सुरू करत आहोत असं मत अभिव्यक्तीच्या समन्वयक अलका जोशी यांनी मांडले. या आघाडी उद्घाटन दरम्यान साफसफाई, घरकाम, दवाखाना, सुरक्षारक्षक अशा विविध क्षेत्रातील महिलांनी काम करताना येणाऱ्या अडचणी मांडल्या व या आघाडीची गरज अधोरेखित केली. या अडचणी सोडविण्याचा निर्धार या मेळावा निमित्त करण्यात आला. बाई माझ्या काचच्या बरणीत, मैं अच्ची हू घबराऊ नको ही गाणी तसेच महिला कष्टकरी एकजुटीचा विजय असो अशा घोषणाही घेण्यात आल्या. मुलगी झाली हो हे ज्योती मापसकर यांचं नाटक अभिव्यक्तीच्या कार्यकर्त्यांनी सादर केलं.
संघटनेचे उपाध्यक्ष सीताराम चव्हाण, सचिव एस.के. पळसे यावेळी उपस्थित होते. मेळाव्याला महिलांचा उस्फूर्त प्रतिसाद लाभला. सूत्र संचालन शंकुतला भालेराव व मेघा काकडे यांनी केले.

PMC Contract Employees | ४५ वर्षावरील कंत्राटी कामगारांना दिलासा | कामावरून न काढण्याचे पालकमंत्र्यांचे प्रशासनाला आदेश

Categories
Breaking News PMC Political social पुणे

४५ वर्षावरील कंत्राटी कामगारांना दिलासा | कामावरून न काढण्याचे पालकमंत्र्यांचे प्रशासनाला आदेश

 

| पुणे महानगरपालिका कंत्राटी कर्मचाऱ्यांच्या उपोषणाला यश

45 पेक्षा जास्त वय असणाऱ्या महापालिकेतील कंत्राटी कामगारांना (PMC contract employees) दिलासा मिळाला आहे. या प्रकरणात पालकमंत्री चंद्रकांत पाटील (Guardian Minister Chandrakant patil) यांनी लक्ष घातले आहे. पालकमंत्री पाटील यांनी महापालिका प्रशासनाला आदेश दिले कि, ४५ वर्षावरील एक ही कामगार घरी बसता कामा नये. यामुळे या कामगारांना कामावर येण्याचा मार्ग मोकळा झाला आहे. अशी माहिती राष्ट्रीय मजदूर संघाचे अध्यक्ष सुनील शिंदे (Sunil Shinde) यांनी दिली.

शिंदे यांनी दिलेल्या निवेदनानुसार 45 पेक्षा जास्त वय असणाऱ्या सुरक्षारक्षकांना कामावर काढून टाकण्याचा घाट पुणे महानगर पालिकेच्या प्रशासनाने नेमलेल्या कंत्राटदाराने घातला.  त्यामुळे पुणे महानगर पालिकेच्या 300 पेक्षा जास्त जास्त कामगाराना घरी बसाव लागलं. याबाबत राष्ट्रीय मजदूर संघाचे अध्यक्ष सुनील शिंदे यांच्या नेतृत्वाखाली सातत्याने पाठपुरावा चालू होता. प्रशासन या निर्णयाबाबत कुठलीही भूमिका घेत नव्हत. त्यामुळे 2 जानेवारी रोजी पुणे मनपा मुख्य गेट समोर सुरक्षा रक्षक आमरण उपोषणाला बसले होते. पुणे जिल्हा सुरक्षा मंडळ मार्फत 45 वयाची असलेली अट बेकायदेशीर आहे, याबाबत पत्र देखील महानगर पालिका प्रशासनाला दिले होते. कुठलाही निर्णय होत नसल्यामुळे शेवटी पुण्याचे पालकमंत्री चंद्रकांत पाटील यांची भेट घेऊन संघटने मार्फत निवेदन देण्यात आले. या भेटी दरम्यान आयुक्त विक्रम कुमार, अतिरिक्त आयुक्त बिनवडे, कुणाल खेमनार ही उपस्थित होते. पालकमंत्री यानी आयुक्तांना याबाबत आदेश दिले की कुठल्याही कामगाराला 45 वयाची अटीबाबत घरी बसू देऊ नये. त्यांना कामावर घेण्यात यावे.
संघटनेचे उपाध्यक्ष सिताराम चव्हाण, प्रतिनिधी विजय पांडव, बाळू दांडेकर, जान्हवी दिघे, अरविंद आगम उपस्थित होते. (Pune  Municipal corporation)

PMC Pune | ४५ वर्षावरील कामगारांना कामावरून कमी न करण्याचे प्रशासनाचे संकेत! | आयुक्तासमोर सकारात्मक निवेदन ठेवले जाणार

Categories
Breaking News PMC social पुणे

४५ वर्षावरील कामगारांना कामावरून कमी न करण्याचे प्रशासनाचे संकेत!

| आयुक्तासमोर सकारात्मक निवेदन ठेवले जाणार

वर्षानुवर्षे महापालिकेत कंत्राटी सुरक्षारक्षक म्हणून काम करणाऱ्यांना आता ‘तुम्ही वयाची ४५ वर्षे ओलांडली आहेत. कामावर येऊ नका, घरी बसा’, असे सांगण्यात आले आहे. या आदेशाने महापालिका कामगारांचे धाबे दणाणले होते. मात्र याला जिल्हा सुरक्षा मंडळ सहित राजकीय पक्षांनी विरोध केला आहे. त्यामुळे आता या कामगारांना कामावरून कमी न करण्याबाबत महापालिका प्रशासन विचार करत आहे. तसा प्रस्ताव महापालिका आयुक्त यांच्यासमोर ठेवला जाणार  आहे. त्यामुळे या कामगारांना दिलासा मिळणार आहे.

या कर्मचाऱ्यांच्या उदरनिर्वाहाचा प्रश्‍न निर्माण झाल्याने राष्ट्रीय मजदूर संघाने पुणे जिल्हा सुरक्षारक्षक मंडळाकडे याची तक्रार केली. त्यानुसार ४५ वयाच्या अटीवर आक्षेप घेऊन हा निर्णय मागे घ्यावा, असे आदेश दिले आहेत. मंडळाने  महापालिकेला खरमरीत पत्र पाठवून सुरक्षा रक्षकांचे निवृत्तीचे वय ठरविण्याचे अधिकार महापालिकेला नाहीत. सुरक्षारक्षकांना कामावरून काढून टाकणे बेकायदा आहे, त्यामुळे त्यांना कामावर घ्यावे, असा आदेश मंडळाचे सचिव श्री. ह. चोभे यांनी दिला होता. त्याचप्रमाणे राजकीय पक्षांनी देखील याविरोधात आवाज उठवला आहे. सगळीकडून विरोध झाल्यामुळे आता या कामगारांना कामावरून कमी न करण्याबाबत महापालिका प्रशासन विचार करत आहे. सुरक्षा विभागाकडून तसा प्रस्ताव महापालिका आयुक्त यांच्यासमोर ठेवला जाणार  आहे. त्यामुळे या कामगारांना दिलासा मिळणार आहे.

 

Security guards | contract workers | मनपा सुरक्षा रक्षक, कंत्राटी कामगारांवरीलअन्याय सहन करणार नाही | कामगार नेते सुनील शिंदे

Categories
Breaking News PMC social पुणे

मनपा सुरक्षा रक्षक, कंत्राटी कामगारांवरीलअन्याय सहन करणार नाही | कामगार नेते सुनील शिंदे

पुणे:- महानगरपालिकेतील (PMC Pune) कंत्राटी कामगारांवर (Contract workers) होत असलेला अन्याय सहन करणार नाही. असा इशारा आज कामगार नेते व राष्ट्रीय मजदूर संघाचे अध्यक्ष सुनील शिंदे (RMS president Sunil Shinde) यांनी दिला. ते पुणे महानगरपालिका मधील कंत्राटी कामगारांच्या मेळाव्यामध्ये बोलत होते.(Pune Municipal corporation)

ते पुढे म्हणाले की पुणे महानगरपालिकेतील कंत्राटी कामगारांना, कायम कामगारां एवढाच बोनस मिळाला पाहिजे. त्याचबरोबर किमान वेतन, वाढीव रकमेच्या फरकाची रक्कम मिळाली पाहिजे. समान कामासाठी समान वेतन मिळालेच पाहिजे, त्याचबरोबर कंत्राटदार बदलला तरी कंत्राटी कामगार तेच राहतील, या मागण्या या मेळाव्यात करण्यात आले. या मेळाव्यामध्ये पुणे महानगरपालिकेतील विविध खात्यांमधील कंत्राटी कामगारांनी आपले प्रश्न, होत असलेला अन्याय, या मेळाव्यामध्ये मांडला यावेळी शिंदे म्हणाले पुणे महानगरपालिकेतील कंत्राटी कामगारांना वेळेवर पगार दिला जात नाही, पगार पावती दिली जात नाही, प्र. फंडाचे रक्कम भरली जात नाही, ईएसआयचे कार्ड दिले जात नाही, शुल्लक कारणावरून कामावरून काढून टाकण्यात येते, अशा अनेक प्रकारे या कामगारांवर अन्याय चालू आहे नुकतेच सुरक्षा रक्षकांची नवीन कंत्राट आले असून या नवीन कंत्राटदारा मार्फत 45 पेक्षा जास्त वयाच्या कंत्राटी सुरक्षा रक्षकांना कामावरून काढून टाकण्याचे काम चालू आहे. ही बाब अत्यंत गंभीर असून कर्मचाऱ्यांवर अन्याय करणारे आहे. वास्तविक पाहता कुठेही निवृत्तीचे वय हे 58 ते 60 असताना महापालिकेमधील सुरक्षा रक्षकांचे वयाची अट 45 ठेवण्यात आली आहे. हा या सर्व सुरक्षारक्षक यांच्यावर अन्याय होत आहे. (PMC Pune contract workers)

शिंदे पुढे म्हणाले मनपा मधील कंत्राटी कामगारांना कायम कामगारां एवढंच बोनस देण्याबाबतची चर्चा महापालिकेमधील अधिकाऱ्यांशी चालू असून, त्याबाबत लवकरच निर्णय जाहीर होईल असे असे शिंदे यांनी यावेळी सांगितले कंत्राटी कामगारांवर कोणत्याही प्रकारचा अन्याय सहन केला जाणार नाही. गरज पडल्यास त्यासाठी आंदोलनाचा मार्ग देखील स्वीकारावा लागेल असे त्यांनी सांगितले. या मेळाव्यासाठी पुणे महानगरपालिकेतील कंत्राटी सुरक्षा रक्षक, वाहन चालक, पाणीपुरवठा विभाग, झाडू खाते, आरोग्य विभाग, स्मशानभूमी अशा विविध ठिकाणी काम करणारे कंत्राटी कामगार मोठ्या प्रमाणावर उपस्थित होते. या मेळाव्यामध्ये दीप दीप प्रज्वलन करून कामगार नेते सुनील शिंदे यांच्या हस्ते मेळाव्याचे उद्घाटन करण्यात आले. प्रास्ताविक राष्ट्रीय मजदूर संघाचे सेक्रेटरी एस के पळसे यांनी केले. सिताराम चव्हाण संघटनेचे उपाध्यक्ष यांनी व इतर पदाधिकाऱ्यांनी आपले विचार व्यक्त केले विजय पांडव यांनी सूत्रसंचालन केले. (RMS Sunil Shinde)

Domestic Workers Law | घरेलू कामगारांसाठी राज्यामध्ये कायद्याचा मसुदा तयार करण्याचे काम चालू

Categories
Breaking News social पुणे महाराष्ट्र

घरेलू कामगारांसाठी राज्यामध्ये कायद्याचा मसुदा तयार करण्याचे काम चालू

एन डी डब्ल्यू एफ (NDWF) या राष्ट्रीय संस्थे तर्फे घरेलू कामगारांसाठी (Domestic Workers) महाराष्ट्र राज्यामध्ये कायद्याचा मसुदा तयार करण्याचे काम चालू आहे. या संदर्भामध्ये मुंबई येथील यशवंतराव चव्हाण सेंटर मध्ये चर्चासत्राचे आयोजन करण्यात आले होते.

यासाठी काही मान्यवरांना व उच्च न्यायालयात प्रॅक्टिस करणाऱ्या एडवोकेट, पत्रकार यांना बोलाविण्यात आले होते. या मसुद्यावर मार्गदर्शन करण्यासाठी राष्ट्रीय मजदूर संघाचे अध्यक्ष कामगार नेते सुनील शिंदे  यांना निमंत्रित करण्यात आले होते. यावेळी त्यांनी यासंदर्भात मार्गदर्शन केले व महाराष्ट्र राज्याच्या घरेलू कामगारांच्या संदर्भात मसुद्यामध्ये सूचना सुचविल्या. घरेलू कामगारांच्या कामगारांच्या कायद्यासंदर्भात व मागण्या संदर्भात आवश्यक ती सर्व मदत व सहकार्य करण्याचे आश्वासन यावेळी बोलताना त्यांनी दिले.