Tag: Road Dept

Pune News | Road Devlopment | चार रस्त्यांचा होणार प्राधान्याने विकास | G 20 च्या धर्तीवर सुशोभीकरण करण्याचा प्रशासनाचा मानस 

Categories
Breaking News PMC पुणे

चार रस्त्यांचा होणार प्राधान्याने विकास | G 20 च्या धर्तीवर सुशोभीकरण करण्याचा प्रशासनाचा मानस

पुणे | महापालिका प्रशासनाने रस्त्यांच्या विकासावर चांगलेच लक्ष दिले आहे. येत्या काळात शहरातील महत्वपूर्ण रस्त्यांचा टप्प्या टप्प्याने विकास केला जाणार आहे. सुरुवातीच्या टप्प्यात  सोलापूर, नगर रोड, मगरपट्टा, राजभवन रोड या रस्त्यांना प्राथमिकता दिली जाणार आहे. G 20 च्या धर्तीवर या रस्त्याची दुरुस्ती आणि सुशोभीकरण केले जाणार आहे. अशी माहिती पथ विभागाचे अधीक्षक अभियंता साहेबराव दांडगे यांनी दिली.
शहरात नुकतीच G 20 परिषद झाली. यामध्ये वेगवेगळ्या देशातील प्रतिनिधि सामील झाले आहे. शहरांचा पायाभूत विकास ही संकल्पना यामागे होती. त्यासाठी महापालिका प्रशासनाकडून थोड्या अवधीत शहर चकाचक केले होते. यामध्ये रस्त्यांचा चांगल्या पद्धतीने विकास केला होता. त्याच धर्तीवर आता शहरातील महत्वाचे रस्ते विकसित केले जाणार आहेत. सुरुवातीच्या टप्प्यात  सोलापूर, नगर रोड, मगरपट्टा, राजभवन रोड या रस्त्यांना प्राथमिकता दिली जाणार आहे. असे दांडगे यांनी सांगितले.  यामध्ये बॅरीगेड्स आधुनिक पद्धतीचे लावले जाणार आहेत. जेणेकरून रस्ता चांगला दिसेल.  तसेच फुटपाथ, सायकल ट्रॅक व्यवस्थित केले जाणार आहेत.  ही सर्व सुशोभीकरणाची कामे G  20 च्या धर्तीवर केली जाणार आहेत. इतर खात्याबरोबर बैठक घेऊन priority ने कामे करावी लागणार आहेत. असेही दांडगे म्हणाले.

PMC Pune | सेवा वाहिन्यांच्या प्रलंबित कामामुळे रस्ता दुरुस्तीचे टेंडर रखडले

Categories
Breaking News PMC पुणे

सेवा वाहिन्यांच्या प्रलंबित कामामुळे रस्ता दुरुस्तीचे टेंडर रखडले

 | पथ विभागाकडून विभिन्न विभागाशी पत्रव्यवहार

पुणे | महापालिकेच्या पाणी पुरवठा विभाग, विद्युत आणि ड्रेनेज विभागाकडून सेवा वाहिन्याची कामे प्रलंबित ठेवण्यात आली आहेत. त्याचा प्रतिकूल परिणाम पथ विभागाच्या दुरुस्तीच्या कामावर होत आहे. त्यामुळे पथ विभागाचे दुरुस्तीचे टेंडर देखील रखडले आहेत. त्यामुळे ही कामे करून घेण्याबाबत पथ विभागाने सर्व विभागाशी पत्रव्यवहार केला आहे.  (PMC pune)

पथ विभागामार्फत पावसाळयात अत्यंत खराब झालेल्या रस्त्यांचे पुर्नडांबरीकरण करणेकामी पॅकेज
क्रं. १ ते ६ अन्वये टेंडर मागविण्यात आली आहेत. काही टेंडर्सची प्रक्रिया अंतिम टप्प्यात असून काही
ठिकाणी कामे सुरु करण्यात आली आहेत. ही कामे पथ विभगामार्फत त्वरीत सुरु करुन आगामी पावसाळयापूर्वी कालमर्यादेत पुर्ण करणे आवश्यक आहेत. सदर कामांपूर्वी विविधविभागाशी संबंधित सेवा वाहिन्यांची कामे पूर्ण करणेबाबत  यापूर्वीच कळविले होते. परंतू आज अखेर  विभागामार्फत सेवा
वाहिन्यांची कामे प्रलंबित असल्यामुळे विषयांकित पॅकेज क्रं. १ ते ६ ची कामे मार्गी लागण्यास अडचण
निर्माण झाली आहे. याबाबत  २५ जानेवारी  रोजी मा. मुख्य अभियंता (पथ) यांचे दालनात सकाळी १२.०० वाजता बैठक आयोजित केली आहे. (Pune Municipal corporation)

Arvind Shinde | अतिरिक्त आयुक्ताची भूमिका वादग्रस्त असल्याने त्यांना शासन सेवेत परत पाठवा | कॉंग्रेस शहराध्यक्ष अरविंद शिंदे यांची मागणी

Categories
Breaking News PMC Political पुणे

अतिरिक्त आयुक्ताची भूमिका वादग्रस्त असल्याने त्यांना शासन सेवेत परत पाठवा | कॉंग्रेस शहराध्यक्ष अरविंद शिंदे यांची मागणी

पुणे |पथ विभागाच्या वादग्रस्त निविदेमध्ये अतिरिक्त आयुक्त विकास ढाकणे यांची भूमिका आक्षेपार्ह आहे. असा आरोप कॉंग्रेस शहर अध्यक्ष अरविंद शिंदे यांनी केला आहे. शासन मान्य मनपा अधिकाऱ्यांच्या कोट्यातील अतिरिक्त आयुक्त पदाच्या जागेवर अतिक्रमण करून आलेले विकास ढाकणे यांची भूमिका आक्षेपार्ह ,वादग्रस्त असल्याने त्यांना कार्यमुक्त करून शासन सेवेत परत पाठवावे. अशी मागणी शिंदे यांनी महापालिका आयुक्त यांच्याकडे केली आहे.

शिंदे यांनी महापालिका आयुक्त यांना दिलेल्या निवेदनानुसार पॅकेज संस्कृतीला काँग्रेस पक्षाने तीव्र विरोध केलेला आहे . वस्तुतः शेकडो कोटी ची कामे करणारे ठेकेदार पुणे शहरात मोजकेच आहेत .एवढ्या मोठी टेंडर रद्द करून विभाघून काढल्यास स्पर्धात्मक दर व वेगवान काम दोन्ही गोष्टी शक्य झाल्या असत्या अशी आमची मागणी होती. निविदा प्रक्रियेतील ATR इन्फ्रा व SMC इन्फ्रा या ठेकेदारांच्या पात्रतेसाठी अपात्रतेसाठी सत्ताधारी आमदार व माजी सभागृह नेते प्रशासनावर दबाव आणत असल्याची बाब आपल्या निदर्शनास आणलेली आहे. तसेच लाखो कोटि रुपयांच्या अर्थसंकल्प हाताळणारे राज्याचे प्रमुख व उपप्रमुख कारभाऱ्यांच्या नावाचा खरा अगर खोटा वापर वरील निविदा प्रक्रियेतील ठेकेदारांच्या पात्र अपात्रतेसाठी केला जात असल्याचे चर्चा देखील आपल्या निदर्शनास आणून दिल्या होत्या.
विषयांकित निविदेतील सर्व सहभागी  ठेकेदारांच्या पात्रतेची खातरजमा आयुक्तस्तरावर करण्यात येण्याची आपणास विनंती केली होती.

पत्रांद्वारे आम्ही SMC इन्फ्रा यांचे निविदा पात्रतेस आक्षेप घेतल्यावर नाईलाजाने
प्रशासनास सत्ताधीशांच्या इच्छेविरुद्ध SMC इन्फ्रा यांचे निविदा बाद करावे लागले . मात्र इतर ठेकेदारांच्या निविदा पात्र असताना नियमानुसार इतर ठेकेदारांची निविदा उघडणे क्रमप्राप्त होते . मात्र मर्जीतल्या ठेकेदारास पात्र करता आले नाही यामुळे खुनशी बुद्धीने प्रशासनातील प्रतिनियुक्तीवर आलेल्या अतिरिक्त आयुक्तांनी अख्खी निविदा रद्द करण्याचा वादग्रस्त निर्णय घेतला. या निर्णयास आम्ही आक्षेप घेत आहोत सदर बाब दक्षता विभागाच्या प्रदर्शित मनपा टेंडर नियमावलीशी विसंगत असून अन्य पात्र ठेकेदारांवर अन्याय करणारी आहे.

शिंदे यांनी या मागण्या केल्या आहेत

1) निविदा पॅकेज १ते५ रद्द करून विभागून काढाव्यात
2)निविदाप्रक्रिया रद्द करणे शक्य नसल्यास मनपा नियमावली नुसार पारदर्शकतेने राबवावी
3) पॅकेज 4 निविदा रिकॉल न करता मनपा नियमानुसार अन्य 2 पात्र निविदा दारांच्या निविदा नियमानुसार उघडाव्यात
4)पॅकेज १ते ५ ही लिंकिंग टेंडर आहेत .एकाच ठेकेदाराला १ च काम मिळण्यासाठी टेंडर सिरियली ओपन करणे गरजेचे आहे .पॅकेज ४ चा निर्णय होई पर्यंत पॅकेज ५ ओपन करू नये.अन्यथा दोन्ही टेंडर रद्द अगर ओपन एकाच वेळी कराव्यात
5) शासन मान्य मनपा अधिकाऱ्यांच्या कोट्यातील अतिरिक्त आयुक्त पदाच्या जागेवर अतिक्रमण करून आलेले विकास ढाकणे यांची भूमिका आक्षेपार्ह ,वादग्रस्त असल्याने त्यांना कार्यमुक्त करून शासन सेवेत परत पाठवावे

सदर प्रकरण लोकप्रतिनिधी यांच्या अनुपस्थितीत होत असलेल्याप्रशासकीय गलथानपणाचा उत्तम नमुना आहे.आतापर्यंत अधिकारी, ठेकेदार, कन्सल्टंट यांच्या आर्थिक संगनमताने घडत असलेल्या उघड भ्रष्टाचारास आपण पाठबळ देऊ नये. प्रकरणी प्रशासनाने ठोस कारवाई न केल्यास लोकशाही मार्गाने तीव्र आंदोलन करण्यात येईल आणि योग्य ती कायदेशीर दाद मागण्यात येईल. असा ही इशारा शिंदे यांनी दिला आहे.

Road Repairing | PMC Pune | महापालिका शहरभरातील सर्व रस्ते करणार दुरुस्त!  – 217 कोटींच्या कामाला इस्टिमेट कमिटीची मान्यता 

Categories
Breaking News PMC social पुणे

महापालिका शहरभरातील सर्व रस्ते करणार दुरुस्त!

– 217 कोटींच्या कामाला इस्टिमेट कमिटीची मान्यता

पुणे | यंदा पावसाचा जोर जास्त दिवस राहिल्याने डागडुजी केलेले रस्ते नंतर खराब झाले होते. याबाबत महापालिकेच्या पथ विभागाने आता गंभीरपणे पाऊल उचलले आहे. महापालिका आता शहरभरातील दुरुस्त केलेले रस्ते सोडुन सर्व रस्ते दुरुस्त करणार आहे. यासाठी 217 कोटी रुपयांचा खर्च येणार आहे. याबाबतच्या प्रस्तावाला नुकतीच इस्टिमेट कमिटीने मान्यता दिली आहे.
पुणे शहरात रस्त्यांचे जाळे पसरले आहे. मात्र पावसाळ्याच्या दिवसात हे रस्ते खराब होतात. महापालिकेकडून याची तात्काळ दुरुस्ती केली जाते. यंदा मात्र रस्त्यांची अवस्था चांगलीच खराब झाली होती. कारण अतिरिक्त पावसाने डागडुजी केलेले रस्ते नंतर खराब झाले. याबाबत शहरातील नागरिकांकडून ओरड होत होती. त्यामुळे महापालिका प्रशासनाने आता याबाबत गंभीरपणे पाऊल उचलले आहे. महापालिका आता शहरातील सर्व रस्ते दुरुस्त करणार आहे. याबाबत पथ विभागाकडून नियोजन करण्यात आले आहे. याबाबतचा प्रस्ताव देखील महापालिका प्रशासनाकडून इस्टिमेट कमिटीसमोर ठेवण्यात आला होता.
याबाबत पथ विभागाच्या अधिकाऱ्यांनी सांगितले कि, सर्व क्षेत्रीय कार्यालयातील रस्त्यांची जबाबदारी विविध अधिकाऱ्यावर सोपवली आहे. यामध्ये 200 अधिक रस्त्यांचा समावेश आहे. त्यात पहिल्या टप्प्यात 55 रस्त्यांची डागडुजी करण्यात येणार आहे. या सगळ्यासाठी 217 कोटींचा खर्च अपेक्षित आहे. याबाबतच्या प्रस्तावाला नुकतीच इस्टिमेट कमिटीच्या बैठकीत मान्यता देण्यात आली आहे.
– दुरुस्त करण्यात येणारे महत्वाचे रस्ते
सातारा रोड ते केके मार्केट
दत्तनगर चौक ते भूमकर पूल
नीलम ब्रिज ते दांडेकर चौक
धायरी गाव मेन रोड, सिंहगड रोड सर्व्हिस रोड
कर्वेनगर गावठाण ते सहवास सोसायटी
कमिन्स कॉलेज ते कर्वे नगर
नेहरू रोड, टिळक रोड, शिवाजी रोड, बाजीराव रोड इत्यादी

Traffic School | PMC Pune | पुणे महापालिकेच्या वाहतूक पाठशाळेत १७०० मुलांना प्रशिक्षण |महापालिका पथ विभागाची माहिती

Categories
Breaking News PMC social पुणे

पुणे महापालिकेच्या वाहतूक पाठशाळेत १७०० मुलांना प्रशिक्षण

|महापालिका पथ विभागाची माहिती

पुणे महानरपालिकेच्या मुलांची वाहतूक पाठशाळा या ठिकाणी गेल्या तीन महिन्यात सुमारे १७०० मुलांना प्रशिक्षण देणेत आले आहे. सेफ किड्स या स्वयंसेवी संस्थेमार्फत या ठिकाणी प्रशिक्षण देणेची जबाबदारी घेतली आहे.

पुणे शिक्षण मंडळाच्या प्राथमिक वर्गातील विविध शाळेतील मुलांना वाहतुकीचे नियमांचे प्रशिक्षण मिळावे यासाठी शिक्षण मंडळ व पी.एम.पी.एम.एल अधिकारी यांची समन्वय बैठक घेतली. त्यानुसार पी.एम.पी. एम.एल यांचेमार्फत दोन मिनी बस उपलब्ध करून देणेत आली असून, शिक्षण मंडळाने प्राथमिक शाळेतील २५ मुलांचे तीन ग्रुप प्रत्येक दिवशी पार्कला भेट देतील असे नियोजन केले आहे. २२ सप्टेंबर २२ पासून तीन ग्रुप भेट देने चालू केले असून, म.न.पा मधील शाळेतील मुलांना प्रशिक्षणाचा फायदा होईल. शहरातील वाहतुकीचे नियम पाळणेसाठी उपयोग होईल.

केंद्र शासनाचे minister of housing and urban affairs यांचे मार्फत दोन दिवसांचे ( २२ व २३ सप्टेंबर २२)अर्बन ९५ या प्रकल्पअंतर्गत PEER LEARNING Workshop आयोजन केले होते. त्यासाठी देशातील १० शहरातील अधिकारी व अभियंता उपस्थित होते. पुणे महानगरपालकेच्या अर्बन ९५ अंतर्गत केलेल्या कामामुळे सर्व उपस्थित शहरांना मार्ग दर्शन मिळेल व प्रकल्पाची पाहणी करता येईल यासाठी पुणे येथे या वर्कशॉपचे नियोजन केले होते. त्यामध्ये विविध प्रकल्पांना भेट दिली, त्यामध्ये मुलांची वाहतूक पाठशाळा प्रकल्प सर्वांस आवडला. सर्व शहरातील वाहतुकीची समस्या लक्षात घेता, त्यांचे शहरामध्ये त्याची उभारणी करणेसाठी त्यांनी माहिती घेतली.

Potholes | PMC Pune | महापालिकेच्या पथ विभागाच्या कामाचा दर्जा झाला उघड | पुन्हा झाली रस्त्यांची चाळण | विभागप्रमुख म्हणतात काम सुरु आहे लवकरच रिपोर्ट देऊ

Categories
Breaking News PMC social पुणे

महापालिकेच्या पथ विभागाच्या कामाचा दर्जा झाला उघड | पुन्हा झाली रस्त्यांची चाळण

| विभागप्रमुख म्हणतात काम सुरु आहे लवकरच रिपोर्ट देऊ

पावसाळापूर्व रस्ते दुरुस्ती आणि पावसाळय़ात पडलेले खड्डे दुरुस्त करण्यासाठी महापालिकेने आत्तापर्यंत तब्बल करोडो रुपयांचा खर्च केला आहे. कोटय़वधी रुपये खर्च करूनही पावसाने रस्त्यांची चाळण झाल्याने हा खर्च पाण्यात गेल्याने उधळपट्टीच ठरला आहे. दरम्यान, रस्त्यांची चाळण झाल्याने महापालिकेच्या पथ विभागाने याआधी केलेल्या कामाचा दर्जा उघड झाला आहे. आता नव्याने कामे सुरु केली आहेत. याबाबत विभाग प्रमुख वी जी कुलकर्णी यांना विचारले असता त्यांनी सांगितले कि दुरुस्तीची कामे सुरु केली आहेत, याचा लवकरच रिपोर्ट देऊ.

यंदाच्या पावसाळय़ात शहर आणि उपनगरातील रस्त्यांची मोठय़ा प्रमाणावर दुरवस्था झाली असल्याचे चित्र पुढे आले. वर्षभर सतत सुरू असलेल्या रस्ते खोदाईमुळे रस्त्यावर खड्डे पडल्यानंतर वाहनचालक आणि पादचाऱ्यांना गैरसोईला सामोरे जावे लागले.

समान पाणीपुरवठा योजना, मलनिस्सारण आणि पथ विभागाने एकाच कामांसाठी वारंवार केलेल्या खोदाईमुळे रस्त्यांची दुरवस्था झाल्याची वस्तुस्थिती आहे. जुलै महिन्यातील पहिल्याच जोरदार पावसाने अनेक रस्त्यांची चाळण झाल्याचे पुढे आले. वर्षभरापासून सुरू असलेली कामे रखडल्याने पावसाळय़ातील जुलै महिन्यात भरपावसात शहराच्या विविध भागांत रस्ते खोदाई आणि रस्त्यांची कामे सुरू राहिली. त्यामुळे महापालिकेला रस्ते दुरुस्ती करण्यास पुरेसा वेळच मिळाला नाही. त्यातच पावसातच महापालिकेच्या पथ विभागाकडून तसेच क्षेत्रीय कार्यालयांकडून रस्ते दुरुस्तीची कामे करण्यात आली. पावसाळापूर्वी कामे करताना रस्ते पूर्ववत करण्यासाठी चार कोटी, तर पावसाळय़ात रस्त्यांची दुरवस्था झाल्यानंतर ते दुरुस्त करण्यासाठी महापालिकेने चार कोटी, असा एकूण आठ कोटी रुपयांचा खर्च केला आहे. त्याशिवाय क्षेत्रीय कार्यालयाकडून स्वतंत्र खर्च करण्यात आला आहे. त्यानंतरही रस्त्यांची चाळण झाल्याने वाहनचालकांना त्रासाला सामोरे जावे लागत आहे.

मध्यंतरी पावसाने उघडीप दिल्याने रस्ते दुरुस्तीच्या कामांनी वेग घेतला. मात्र ही कामेही तकलादू असल्याचे स्पष्ट झाले आहे. पावसाला पुन्हा सुरुवात झाल्यानंतर शहर आणि उपनगरात रस्ते पूर्ववत केलेल्या कामांची पोलखोल झाली. अनेक रस्त्यांवर पुन्हा खड्डे पडले असून वाहनचालकांना त्रास सहन करावा लागत आहे. रस्त्यांची दुरवस्था, खड्डय़ांबाबत महापालिकेच्या तक्रार निवारण केंद्राकडे शेकडो तक्रारी येत असतानाही महापालिकेने ९८ टक्के खड्डे बुजविल्याचा दावा केला आहे, हे विशेष. दरम्यान, रस्त्यांची चाळण झाल्याने महापालिकेच्या पथ विभागाने याआधी केलेल्या कामाचा दर्जा उघड झाला आहे. आता नव्याने कामे सुरु केली आहेत. याबाबत विभाग प्रमुख वी जी कुलकर्णी यांना विचारले असता त्यांनी सांगितले कि दुरुस्तीची कामे सुरु केली आहेत, याचा लवकरच रिपोर्ट देऊ.

Environmental Friendly roads | रस्त्याचे आयुर्मान वाढवण्यासाठी महापालिका करणार पर्यावरण पूरक रस्ते!   | प्रस्ताव अंतिम टप्प्यात 

Categories
Breaking News PMC social पुणे

रस्त्याचे आयुर्मान वाढवण्यासाठी महापालिका करणार पर्यावरण पूरक रस्ते!

| प्रस्ताव अंतिम टप्प्यात

पुणे | रस्ते आणि रस्त्यावरील खड्ड्यावरून महापालिका प्रशासनाला नेहमीच टीकेला तोंड द्यावे लागते. सद्यस्थितीत देखील महापालिका पुणेकरांच्या रोषाचा सामना करत आहे. यावर आता महापालिकेनेच उपाय शोधला आहे. शहरातील रस्ते चांगले असावेत तसेच त्यांचे आयुर्मान वाढावे यासाठी महापालिका पर्यावरणपूरक रस्ते तयार करणार आहे. विशेष म्हणजे यात पथविभागासहित महापालिकेच्या सर्व विभागाचा समावेश असणार आहे. याबाबतचा प्रशासनाचा प्रस्ताव अंतिम टप्प्यात आहे. महापालिका आयुक्तांची याला मंजुरी मिळाल्यानंतर तात्काळ यावर अंमल केला जाणार आहे. अशी माहिती महापालिका पथ विभागाचे अधीक्षक अभियंता साहेबराव दांडगे यांनी दिली. दरम्यान अशा पद्धतीचे रस्ते तयार करणारी पुणे मनपा राज्यात पहिली मनपा असणार आहे.
महापालिकेकडून रस्त्यावर दरवर्षी कोट्यवधी रुपये खर्च केले जातात. पावसाळी पूर्व कामे करून पुन्हा पावसाळा संपल्यानंतर रस्त्यांची डागडुजी केली जाते. मात्र शहरातील जंगली महाराज रस्ता वगळता सगळ्याच रस्त्यावर खड्ड्याचे साम्राज्य दिसून येते. खासकरून पावसाळ्यात महापालिकेला याबाबत खूप टीकेचा सामना करावा लागतो. सद्यस्थितीत महापालिका पुणेकरांच्या रोषाचा सामना करत आहे. यावर तोडगा काढण्यासाठी महापालिका वेगवेगळ्या स्तरावर प्रयत्न करत आहे. त्याचाच एक भाग म्हणून पथ विभाग आणि त्यांचे वाहतूक नियोजनकार यांनी एक नामी उपाय शोधून काढला आहे. त्यानुसार आगामी काळात शहरात पर्यावरण पूरक रस्ते तयार केले जाणार आहेत.
अधीक्षक अभियंता साहेबराव दांडगे आणि वाहतूक नियोजनकार निखिल मिजार यांनी दिलेल्या माहितीनुसार पर्यावरण पूरक रस्त्याच्या माध्यमातून महापालिका रस्त्याचे आयुर्मान वाढवणार आहे. यामध्ये वेगवेगळे उपाय केले जाणार आहेत. त्यामध्ये रस्त्याच्या दोन्ही बाजूला मुरण्यासाठी rainwater recharge spit केले जातील. तसेच बोअर घेतले जातील. ज्यातून पाणी रस्त्यावर न राहता बाजूला मुरेल. रस्ते तयार करताना त्यात बांधकामातील राडारोडा वापरला जाईल. यामुळे रस्ते तयार करताना माती आणि खडी टाकण्याचे प्रमाण कमी होईल. तसेच जे वेस्टेज राहील त्याचा देखील पुनर्वापर करता येणार आहे.
महापालिकेच्या वतीने आता रस्त्याच्या कडेला व मध्यभागी झाडे लावली आहेत मात्र ज्यादा पाण्यामुळे ही झाडे अशक्त झाली आहेत. मात्र पर्यावरण पूरक रस्ते करताना रस्त्याच्या कडेला आणि मध्यभागी देशी प्रकारची झाडे लावली जाणार आहेत. Treeguard या संकल्पनेच्या माध्यमातून झाडांना पाणी मिळेल. ज्याला छिद्र असतील, त्यातून पाणी जाऊन झाडांच्या मुळाना मिळेल. त्याने झाडे चांगली वाढतील. तसेच झाडांना पाणी देण्यासाठी ड्रीप इरिगेशन चा वापर करण्यात येईल. ज्यामुळे पाण्याचा जास्त होणारा वापर देखील रोखला जाईल.
Waste plastic या संकल्पनेच्या माध्यमातून रस्ते तयार करताना त्यामध्ये waste प्लास्टिक चा वापर केला जाईल. प्लास्टिक चे श्रेड तयार करून ते डांबरात मिसळण्यात येतील. त्यामुळे डांबराची लाईफ वाढते. साहजिकच यामुळे देखील रस्त्याचे आयुर्मान वाढण्यास मदत होणार आहे.
पार्किंग  च्या ठिकाणी  पाणी साचू नये यासाठी पोरस पेविंग ब्लॉक वापरले जातील. हा प्रयोग महापालिकेनं तळजाई टेकडीवर केला आहे. यातून पाणी फिल्टर होते. यामुळे पाणी जमिनीत जिरेल. ज्यातून पाणी वाचवले जाणार आहे.
याच योजनेच्या माध्यमातून सगळ्या रस्त्यावर सौर उर्जेवर चालणारे दिवे बसवले जातील. त्याचे प्रमाण वाढवण्याचा प्रयत्न महापालिका करेल.
महापालिकेकडून रस्त्यावर विविध हेतूंसाठी पेंट केले जाते. मात्र यात असणाऱ्या विविध कंपोनंट मुळे रस्त्याला हानीपोहोचते. हे टाळण्यासाठी महापालिका इको फ्रेंडली पेंट वापरणार आहे. ज्यामुळे रस्त्यांना हानी पोहोचणार नाही.
यासाठी वेगळे काही न करता महापालिका आहे त्याच कामात याचा अंतर्भाव करणार आहे. यामुळे फक्त 10% खर्च वाढू शकतो. मात्र यामुळे रस्त्याचे आयुर्मान वाढून पुणेकरांना चांगले रस्ते मिळतील. विशेष म्हणजे यामध्ये महापालिकेच्या सगळ्या विभागाना सहभागी करून घेतले जाणार आहे.
—-
महापालिका अतिरिक्त आयुक्त कुणाल खेमणार यांच्या आदेशानुसर आम्ही ही योजना राबवत आहोत. पर्यावरणपूरक रस्त्यांचा प्रस्ताव अंतिम टप्प्यात आहे. लवकरच हा प्रस्ताव महापालिका आयुक्तांसमोर ठेवला जाईल. आयुक्तांनी मंजुरी दिल्यानंतर तात्काळ यावर अंमलबजावणी केली जाईल.

– साहेबराव दांडगे, अधीक्षक अभियंता, पथ विभाग.

—-
पर्यावरण पूरक रस्ते केल्याने रस्त्याचे आयुर्मान वाढेल. पर्यावरण रक्षण ही महापालिकेची जबाबदारी आहे. या माध्यमातून हे काम होईल. तसेच राडारोडा, वेस्टेज जाणाऱ्या गोष्टीचे नियोजन करता येईल, त्याचा पुनर्वापर करता येईल. यासाठी महापालिकेला तज्ञ् लोक देखील सहायता करणार आहेत. अशा पद्धतीचे रस्ते करणारी पुणे महापालिका पहिलीच असेल. त्या निमित्ताने इतर शहरांना ते एक रोल मॉडेल ठरेल.

– निखिल मिजार, वाहतूक नियोजनकार.

— 

Repaired 90% potholes | महापालिकेचा ९०% खड्डे दुरुस्त केल्याचा दावा  | शहरात मात्र खड्डेच खड्डे 

Categories
Breaking News PMC social पुणे

महापालिकेचा ९०% खड्डे दुरुस्त केल्याचा दावा

| शहरात मात्र खड्डेच खड्डे

पुणे महानगरपालिकेच्या जुन्या व नवीन समाविष्ट गावांमध्ये पावसाळ्यामध्ये पथ विभागामार्फत रस्ते दुरुस्तीचे कामकाज युद्ध पातळीवर हाती घेण्यात आले असून गेल्या तीन दिवसात सुमारे 90% खड्डे दुरुस्तीची कामे व चेंबर दुरुस्तीची कामे तसेच पावसाचे पाणी साठल्याच्या ठिकाणाचे निचऱ्याची व्यवस्था करण्यात आली आहे. असा दावा महापालिकेच्या पथ विभागामार्फत करण्यात आला आहे. मात्र वस्तुस्थिती अशी आहे कि शहरात रस्यावर खड्डेच खड्डे आहेत. त्यामुळे महापालिकेचा हा दावा पोकळच ठरत आहे.

पथ विभागामार्फत खालील प्रकारे कामे करण्यात आलेली आहेत

1. कोल्ड मिक्स डांबरीमाल वापरून
2. कोल्ड इमल्शन वापरून
3. जेट पॅचर मशीनद्वारे
4. पूनावाला ग्रुप यांचे मशीनद्वारे
5. केमिकल युक्त काँक्रीट वापरून
पथ विभागाकडील 5 रोलर व 15 आर एम व्ही टीम तीन पाळीमध्ये अहोरात्र काम करून पथ विभागाकडील सर्व अभियंते आपापल्या कार्यक्षेत्रात काम करीत आहेत.

दिनांक 16.7.2022 ते 18.7.2022 या कालावधीत खालील प्रमाणे कामे करण्यात आलेली आहेत.
1. खड्डे दुरुस्ती =968
2. चेंबर उचलणे =65
3. पावसाळी पाण्याच्या निचऱ्याची ठिकाणे =11
वरील कामांसाठी पथ विभागामार्फत खालील प्रमाणे माल मटेरियल वापरण्यात आलेले आहे.
1. कोल्ड मिक्स =1260बॅग
2. इमल्शन ड्रम =50
3. खडी /ग्रीट =50 टन

पथ विभागामार्फत अनाधिकृत पणे खोदाई करणाऱ्याना आळा बसवण्यासाठी, भरारी पथकाची अहोरात्र नेमणूक करण्यात आली आहे.(रविवार वगळून) नागरिकांना तक्रार करण्यासाठी पुणे महानगरपालिकेच्या पथ विभागाचे तक्रारीसाठी नागरिकांना खालील जनसंपर्क क्रमांक उपलब्ध आहेत.

1. कार्यालयीन वेळेत – 020-25501083
2. फिरते पथक मो. नं.+91-9049271003

Potholes in pune | महापालिकेकडून गेल्या आठवड्याभरात फक्त १०० खड्ड्यांची डागडुजी 

Categories
Breaking News PMC social पुणे

महापालिकेकडून गेल्या आठवड्याभरात फक्त १०० खड्ड्यांची डागडुजी

| तर आदर पुनावाला फाउंडेशनने ४०० खड्डे बुजवले

पुणे : शहरात गेल्या आठवड्या भरापासून संततधार सुरु आहे. या पावसाने मात्र शहरातील विविध रस्त्यांची चाळण झाली आहे. संततधार पावसामुळे महापालिकेच्या पावसाळ्यापूर्वी केलेल्या कामाची पोलखोल होत आहे. एकीकडे शहरातील रस्त्यांसाठी महापालिकेने अंदाजपत्रकात ५०० कोटी रुपयांपेक्षा जास्त निधीची तरतूद केली आहे. पण आता खड्डे पडल्यानंतर महापालिकेकडून गेल्या आठवड्याभरात फक्त १०० खड्डे बुजविले आहेत. तर आदर पुनावाला फाउंडेशनने ४०० खड्डे बुजवले आहेत. अशी माहिती पथ विभागाचे मुख्य अभियंता व्ही जी कुलकर्णी यांनी दिली.
महापालिकेकडून पावसाळा सुरु होण्यापूर्वी रस्त्यांची डागडुजी केली जाते. कोट्यवधी रुपये खर्च करून डांबरीकरण केलेल्या रस्त्यांना पहिल्याच पावसात खड्डे पडण्यास सुरवात झाली आहे. रस्त्यांची चाळण झाल्याने पुणेकरांना नाहक त्रासाला सामोरे जावे लागत आहे. वाहनांचा वेग मंदावल्याने कोंडीही होत आहे. नागरिकांकडून टीका होत असताना महापालिकेने खड्डे बुजविण्याचे काम सुरू केले आहे. पण त्याच सोबत महापालिकेच्या या कामात आदर पुनावाला फाउंडेशनकडूनही मदत केली जाते. सीएसआरच्या माध्यमातून त्यांची स्वतःची यंत्रणा वापरून खड्डे बुजविले जातात. गेल्या आठवड्याभरात शहराच्या सर्वच भागात खड्डे पडले आहेत, पण महापालिकेच्या पथ विभागाकडे प्रत्येक क्षेत्रीय कार्यालयाची स्वतंत्र यंत्रणा असतानाही संथ गतीने खड्डे बुजविले जात आहेत. पण त्या उलट आदर पुनावाला फाउंडेशनकडे केवळ दोन मशिन आहेत. खड्डे बुजविण्यासाठी महापालिकेकडून त्यांना यादी दिली जाते, त्यानुसार त्यांच्या खड्डे बुजविण्याचे काम करतात. गेल्या आठवड्याभरात महापालिकेच्या मुख्य खात्याने केवळ १०० खड्डे बुजविले आहेत. तर पुनावाला फाउंडेशनने ४०० खड्डे बुजविले आहेत. असे कुलकर्णी यांनी सांगितले.

Reliance Jio | PMC | गेल्या 5 वर्षांपासून जिओ कंपनी महापालिकेला लावतेय चुना! | पथ विभागानेच दिली कबुली 

Categories
Breaking News PMC पुणे

गेल्या 5 वर्षांपासून जिओ कंपनी महापालिकेला लावतेय चुना!

: पथ विभागानेच दिली कबुली

पुणे : पुणे शहरात जिओ कंपनीस रस्ते खोदुन ऑप्टीकल केबल टाकण्याच्या बदल्यात करारानुसार जिओ कंपनीकडून महापालिकेच्या १२३ कार्यालयांना २ एमबीपीएसची इंटरनेट सेवा देण्याचे ठरले असताना फक्त ३५ कार्यालयांनाच इंटरनेट सेवा दिली जात असल्याची बाब समोर आली आहे. विशेष म्हणजे 2017 सालीच हे निदर्शनास आले आहे. पथ विभागानेच याबाबत खुलासा केला आहे. गेल्या 5 वर्षांपासून कंपनी महापालिकेला चुना लावत असताना देखील महापालिकेच्या पथ विभागाने कुठलीही कारवाई केली नाही.

पुणे मनपाच्या कार्यालयांना रिलायन्स जिओ कंपनीकडून निशुल्क २ एमबीपीएस फायबर केवल कनेक्टीव्हिटी रस्ते खोदाईच्या परवानगी नंतरच उपलब्ध करून देण्यात येणार असल्याचे आश्वासनपूर्ती मध्ये नमूद केले आहे. पुणे महानगरपालिकेच्या हद्दीमध्ये खोदाईचे कामकाज केल्यानंतरच इंटरनेट कनेक्टीव्हिटी प्राप्त होणार होती. आजपर्यंत प्रत्यक्षात जिओ डिजिटल फायबर कंपनीकडून सोबत जोडलेल्या यादीनुसार फक्त ३५ ठिकाणी २ एमबीपीएस फायबर केबल इंटरनेट कनेक्टीव्हिटी करून देण्यात आलेली आहे.  पुणे शहरात जिओ कंपनीस रस्ते खोदुन ऑप्टीकल केबल टाकण्याच्या बदल्यात करारानुसार जिओ कंपनीकडून महापालिकेच्या १२३ कार्यालयांना २ एमबीपीएसची इंटरनेट सेवा देण्याचे ठरले असताना फक्त ३५ कार्यालयांनाच इंटरनेट सेवा दिली जात असल्याची बाब माहे सप्टेंबर, २०१७ मध्ये वा त्यादरम्यान निदर्शनास आली आहे.

दरम्यान ही वस्तुस्थिती आहे कि नाही याबाबत माहिती व तंत्रज्ञान विभागाने पथ विभागाकडून वस्तुस्थिती मागवली होती. पथ विभागाने याची पुष्टी केली आहे. असे असतानाही पथ विभागाकडून जिओ कंपनीवर अद्याप कुठलीही कारवाई करण्यात आलेली नाही. याबाबत आश्चर्य व्यक्त केले जात आहे.

पथ विभागाचा असा आहे खुलासा

पुणे मनपाच्या कार्यालयांना रिलायन्स जियो फायबर कंपनीकडून २ एम. बी. पी. एस. कनेक्टीव्हीटीचे कनेक्शन देणेबाबत झालेल्या करारनुसार वस्तुस्थिती सादर करणेबाबत कळविण्यात आले आहे. तरी उप आयुक्त (भुसंपादन व व्यवस्थापन) माहिती व तंत्रज्ञान विभाग यांनी कळविलेनुसार  फक्त ३५ ठिकाणी २ एम. बी.पी.एस. फायबर केबल इंटरनेट कनेक्टीव्हीटी करुन देण्यात आलेले आहे. तसेच पुणे शहरात जिओ कंपनीस रस्ते खोदून ऑप्टीकल केबल टाकणेच्या बदल्यात करारानुसार जिओ कंपनीकडून महापालिकेच्या १२३ कार्यालयांना २ एम.बी.पी.एस. इंटरनेट सेवा देण्याचे ठरले असताना फक्त ३५ कार्यालयांना इंटरनेट सेवा दिली जात आहे. ही बाब माहे सप्टेंबर २०१७ मध्ये व त्यादरम्यान निदर्शनास आले आहे हे खरे आहे.