Tag: stray dogs

Stray Dogs Vaccination | भटक्या कुत्र्यांच्या लसीकरण आणि नसबंदी मोहिमेस अडथळा आणणाऱ्या नागरिकांवर कारवाईचा इशारा

Categories
Breaking News PMC social आरोग्य पुणे

Stray Dogs Vaccination | भटक्या कुत्र्यांच्या लसीकरण आणि नसबंदी मोहिमेस अडथळा आणणाऱ्या नागरिकांवर कारवाईचा इशारा

| महापालिका आरोग्य विभागाने दिली तंबी

Stray Dog Vaccination | पुणे महानगरपालिका (Pune Municipal Corporation) हद्दीतील भटक्या व मोकाट असणाऱ्या श्वानांची व मांजरांची (Stray Dogs and Cats) नसबंदी शस्त्रक्रिया व लसीकरण करण्याची मोहीम पुणे महानगरपालिके (PMC Pune)
कडून अनेक वर्षा पासून सुरु आहे. मात्र यात काही नागरिक अडथळा आणत आहेत. अशा नागरिकांवर कारवाई करण्याचा इशारा महापालिका आरोग्य प्रमुख डॉ भगवान पवार (PMC Health Chief Dr Bhagwan Pawar) यांनी दिला आहे. (Stray Dogs Vaccination)

 ही  मोहीम अॅनिमल वेलफेअर बोर्ड ऑफ इंडिया (AWBI) यांनी दिलेल्या मार्गदर्शक सूचनेचे तंतोतंत पालन करून राबविण्यात येत आहे. पुणे महानगरपालिका हद्दीतील भटक्या व मोकाट असणाऱ्या श्वानांची व मांजरांची नसबंदी शस्त्रक्रिया व लसीकरण करण्यासाठी पुणे महानगरपालिकेने युनिव्हर्सल अॅनिमल वेल्फेअर सोसायटी व Canine Control and Care Trust या दोन संस्थाची नेमणूक करण्यात आली आहे. या  संस्था पुणे महानगरपालिका हद्दीतील भटके व मोकाट श्वान व मांजर नसबंदी शस्त्रक्रिया व लसीकरण करण्यासाठी पकडताना नागरीकांच्या कडून सदर
संस्थेच्या गाड्या रस्त्यामध्ये अडविण्यात येतात व नसबंदी शस्त्रक्रिया व लसीकरण करण्यासाठी पकडण्यात आलेले श्वान सोडण्यासाठी अथवा नसबंदी शस्रक्रिया व लसीकरण झालेले श्वान व मांजर तेथेच सोडण्यात येऊ नये यासाठी कर्मचारी यांच्यावर दमदाटी करण्यात येते. ही बाब (नसबंदी शस्त्रक्रिया व लसीकरण झालेले श्वान व मांजर पुन्हा त्याच जागी सोडण्यात येऊ नये) अॅनिमल वेलफेअर बोर्ड ऑफ इंडिया (AWBI) यांनी दिलेल्या मार्गदर्शक सूचनेचे उल्लघन करणारी आहे. (Pune Municipal Corporation)
ही बाब अत्यंत गंभीर स्वरुपाची असून केंद्र सरकार व राज्य सरकार यांच्या नसबंदी शस्रक्रिया व लसीकरण करण्याच्या मोहिमे मध्ये बाधा निर्माण करणारी आहे.
तरी  सर्व नागरिकांना कळविण्यात येते की, पुणे महानगरपालिकेच्या वतीने सदर काम करणाऱ्या दोन्ही संस्थाच्या कोणत्याही गाड्याल रस्त्यामध्ये अडवून नसबंदी शस्रक्रिया व लसीकरण करण्याच्या मोहिमे मध्ये अडथळा निर्माण करू नये तसे केल्यास संबंधितांविरुद्ध योग्य ती कायदेशीर कारवाई करण्यात येईल. असा इशारा आरोग्य विभागाकडून देण्यात आला आहे. (PMC Health Department)
——-
News Title |Stray Dogs Vaccination | Warning of action against citizens obstructing vaccination and sterilization drive of stray dogs Tambi was given by the Municipal Health Department

MLA Sunil Tingre | पुणे शहरातील भटक्या कुत्र्यांचा बंदोबस्त करण्याची आमदार सुनील टिंगरे यांची अधिवेशनात मागणी | सिद्धार्थ नगर मधील रहिवाश्यांच्या घराचाही मांडला प्रश्न

Categories
Breaking News PMC Political social पुणे

पुणे शहरातील भटक्या कुत्र्यांचा बंदोबस्त करण्याची आमदार सुनील टिंगरे यांची अधिवेशनात मागणी

 पुणे शहरातील भटक्या कुत्र्यांचा उपद्रव वाढत असून त्याबाबत योग्य तो बंदोबस्त करण्याची मागणी राष्ट्रवादीचे आमदार सुनील टिंगरे यांच्याकडून अधिवेशनात मांडण्यात आली. तसेच याकडे महापालिका प्रशासनाने लक्ष देण्याची देखील मागणी करण्यात आली. यावर एक समिती तयार करून निर्णय घेण्याचे आश्वासन सभागृहात देण्यात आले.
याबाबत आमदार टिंगरे यांनी सांगितले कि, पुणे महापालिका क्षेत्रातील भटक्या कुत्र्यांचा सर्वसामान्यांना होणार त्रास दिवसेंदिवस वाढत आहे.  गेल्याच महिन्यात कुत्र्यांनी केलेल्या हल्ल्यात दोन लहान मुलं गंभीर जखमी झाली. ब्रह्मा स्काय सिटी सोसायटीमध्ये भटक्या कुत्र्यांच्या हल्ल्यात एका मुलाचा डोळा गेला. खराडी येथे राहणार मानित गाडेकर बाहेर खेळात असताना भटक्या कुत्र्याने त्यांच्यावर हल्ला केला. त्यात त्याच्या डोळ्याला गंभीर दुखापत झाली. अशाच प्रकारच्या अनेक घटना खराडी, चंदन नगर, वडगावशेरी येथे वारंवार घडत आहेत. पुणे शहरात सुमारे साडेतीन लाख भटक्या कुत्र्यांची संख्या आहे. भटकी कुत्री माणसांवर हल्ला करत असून या घटनांमध्ये दिवसेंदिवस वाढ होत चालली आहे. लहान मुले, वयस्कर मंडळी यांच्यावर मोठ्या प्रमाणावर हल्ले होत आहेत. एक वर्षात पुणे महापालिका हद्दीत १६ हजार ५६९ लोकांना जखमी करण्यात आले आहे. त्याच बरोबर पुणे शहरात १७ हजार १७८ कुत्र्यांची नसबंदी केले जाते. एकूण पालिका परिसरातील कुत्र्यांची संख्या पाहता हे प्रमाण अत्यल्प आहे. सोसायटी मध्येही यामध्ये दोन वर्ग पाहायला  मिळतात. प्राणी प्रेमी असावं आपण सांभाळत असलेल्या कुत्रीची काळजी घेणं, त्याला योग्य ते लसीकरण करणं हि जबाबदारी शासनाबरोबरच लोकांचीही आहे. रस्त्यावरील भटक्या कुत्र्यांना खायला दिले जाते. ती कुत्री पुढेजाऊन कोणाला त्रासदायक ठरत आहेत का याचा विचार केला जात नाही. याकडे प्रशासनाने लक्ष दयायला हवे. महापालिकेने सोसायटीधारकांसाठी कडक नियमावली तयार करावी. अशा प्रकारची मागणी आम्ही आज सभागृहात केली. यावर समिती तयार करून निर्णय होईल असे आश्वासनही देण्यात आले. असे आमदार सुनील टिंगरे यांनी सांगितले.

| सिद्धार्थ नगर येथील झोपडपट्टी बाधितांच्या घरांवर जप्ती आणणं ही गंभीर बाब

दरम्यान आमदार टिंगरे यांनी सभागृहात सिद्धार्थ नगर येथील झोपडपट्टी बाधितांचा प्रश्न मांडला. आमदार टिंगरे म्हणाले, राज्याचे अर्थसंकल्पीय अधिवेशन मुंबई येथे सुरू आहे. आज या अधिवेशनात पुन्हा एकदा सिद्धार्थनगर झोपडपट्टी बाधितांच्या न्यायासाठी प्रश्न उपस्थित केला. त्याठिकाणी बँकेचे अधिकारी झोपडपट्टीवासीयांना घरे खाली करण्यासाठी दमदाटी करत असून ही कारवाई त्वरित थांबवावी, अशी मागणी मी सभागृहाकडे केली. राहत्या घरात अचानक जप्ती आणणे आहि संपूर्ण कुटुंबाला रस्त्यावर आणणे हि बाब चुकीची आहे. हि कारवाई त्वरित थांबवावी आणि यावर शासनाने लक्ष घालून योग्य तो मार्ग काढावा यासाठी मी समस्त रहिवाशांच्या वतीने हा मुद्दा अधिवेशनात उपस्थित केला. त्यावर सिद्धार्थनगर झोपडपट्टी बाधितांचा हा प्रश्न अत्यंत गंभीर असून येथील रहिवाशांना एसआरए स्कीममधून घरे देण्यात येणार आहेत. त्यासाठी त्यांना  फोटो पास देण्यात आलेले आहेत. हे फोटो पास मॉरगेज करून त्यावर बँक लोन देते. मुळात ही जागा सरकारची आहे, त्यावर मॉरगेज लोन देणे हेच चुकीचे आहे आणि त्या घरांवर जप्ती आणणे हे त्याहीपेक्षा गंभीर आहे. त्यामुळे शासनाने या बाबीची त्वरित नोंद घ्यावी आणि उपाययोजना करावी, असे आदेश सभागृह अध्यक्षांनी दिले आहेत. असे आमदार टिंगरे यांनी सांगितले.

Stray Dogs | भटक्या कुत्र्यांच्या समस्येबाबत सुप्रीम कोर्टाच्या आदेशाचे पालन करा

Categories
Breaking News PMC Political social पुणे

भटक्या कुत्र्यांच्या समस्येबाबत सुप्रीम कोर्टाच्या आदेशाचे पालन करा

| अभिजित बारवकर यांची महापालिका आयुक्ताकडे मागणी

पुणे | शहरात शहरात गेल्या काही वर्षात भटक्या कुत्र्याचा (Stray Dogs) प्रश्न गंभीर झाला आहे. भटक्या कुत्र्याची संख्या लाखाच्या पुढे पोहचली असून मागील 2 वर्षात शहरातील १० हजाराहून अधिक नागरिकाचा कुत्र्यांनी चावा घेतला आहे. त्यामुळे ही समस्या सोडवण्यासाठी सर्वोच्य न्यायालयाच्या आदेशानुसार ANIMAL BIRTH CONTROL MONITORING COMMITTEE स्थापन करा. अशी मागणी अभिजित बारवकर यांनी महापालिका आयुक्त विक्रम कुमार (PMC Administrator Vikram Kumar) यांच्याकडे केली आहे.

याबाबत बारवकर यांनी आयुक्तांना निवेदन दिले आहे. निवेदनानुसार याचिकेमधील आदेशानुसार भटक्या कुत्र्यामुळे होणाऱ्या वाढत्या नागरी त्रासामुळे त्याची संख्या मर्यादित ठेवणे, मनुष्य – कुत्रा संघर्ष टाळण्यासाठी संदर्भीय शासन निर्णयानुसार ANIMAL BIRTH CONTROL MONITORING COMMITTEE स्थापन करणेबाबत आदेश झाले आहेत.

शहरात गेल्या काही वर्षात भटक्या कुत्र्याचा प्रश्न गंभीर झाला आहे. भटक्या कुत्र्याची
संख्या लाखाच्या पुढे पोहचली असून मागील 2 वर्षात शहरातील १० हजाराहून अधिक नागरिकाचा कुत्र्यांनी चावा घेतला आहे. रात्रीच्या वेळी पादचारी, वाहनचालकाच्या मागे हि
कुत्री धावतात, परिणामी अपघाताला निमंत्रण मिळते. त्यामुळे  सर्वोच्य न्यायालयच्या आदेशानुसार ANIMAL BIRTH CONTROL MONITORING COMMITTEE स्थापन करून भटक्या कुत्र्यावर नियंत्रण येईल. असे बारवकर यांनी आपल्या निवेदनात म्हटले आहे.

Hadapsar | Animal Hospital | हडपसर मधील नियोजित प्राणी हॉस्पिटलच्या विरोधात राष्ट्रवादीचे आंदोलन | हॉस्पिटल हलवण्याची मागणी

Categories
Breaking News PMC Political पुणे

हडपसर मधील नियोजित प्राणी हॉस्पिटलच्या विरोधात राष्ट्रवादीचे आंदोलन

| हॉस्पिटल हलवण्याची मागणी

हडपसर मतदारसंघातील रामटेकडी येथे कचरा डेपो शेजारीच पुणे महानगरपालिका मोकाट कुत्र्यांच्या उपचारासाठी हॉस्पिटल बांधत आहे. अगदी कचरा डेपो शेजारी होत असलेल्या या हॉस्पिटलमुळे प्राणीमित्रांच्या आरोग्याचा प्रश्न सुटण्याऐवजी वाढणार आहे. या विरोधात राष्ट्रवादी काँग्रेस पार्टीच्या वतीने पुणे महानगरपालिकेच्या प्रवेशद्वारावर आंदोलन करण्यात आले. तसेच सदर हॉस्पिटल योग्य ठिकाणी हलविण्याची मागणी करण्यात आली.

याबाबत शहर अध्यक्ष प्रशांत जगताप यांनी सांगितले कि, पुणे शहरात पाळीव प्राण्यांची संख्या मोठी आहे. त्यात प्रामुख्याने कुत्र्यांची संख्या सर्वाधिक आहे. या कुत्र्यांची गणना व्हावी. त्यांना आरोग्य व व्हॅक्सिनेशनच्या सर्व सुविधा मिळाव्यात, अशी मागणी या आंदोलनादरम्यान करण्यात आली. हडपसर रामटेकडी येथे होणारे हॉस्पिटल कचरा डेपो शेजारीच असल्याने येथे उपचारासाठी येणाऱ्या प्राण्यांना विविध प्रकारच्या विषाणूंची लागण होण्याची शक्यता आहे. ही शक्यता पाहता सदर जागेत प्राण्यांचे हॉस्पिटल होणे हे अतिशय धोकादायक ठरू शकते. हडपसर परिसरात सातत्याने अश्या प्रकारचे प्रकल्प येत असल्याने पुढील काळात हडपसर परिसरातील नागरिकांना त्यांच्या विकास कामांसाठी जागाच शिल्लक राहणार नसल्याचा धोका आहे.

शहरातील इतर भागात स्वच्छ ठिकाणी सदर हॉस्पिटल हलवण्यासाठी राष्ट्रवादी काँग्रेस पार्टी प्रयत्नशील आहे. तश्या आशयाचे निवेदन आयुक्तना देण्यात आले असून याबाबत तातडीने पुनर्विचार करणार असल्याचे आयुक्तांनी यावेळी सांगितले.

या आंदोलनासाठी शहराध्यक्ष प्रशांत जगताप, आमदार श्री.चेतन तुपे ,माजी महापौर वैशालीताई बनकर , माजी नगरसेवक योगेश ससाणे,अशोक कांबळे,गफुर पठाण,प्रदीप देशमुख,मृणालिनी वाणी,रुपाली पाटील,डॉ. शंतनु जगदाळे,दिपक कामठे, आदींसह मोठ्या संख्येने पदाधिकारी उपस्थित होते.

Animal Hospital | हडपसर प्राणी  हॉस्पिटल प्रस्ताव मंजूर | मात्र  हडपसर मधून विरोध वाढला

Categories
Breaking News PMC Political पुणे

हडपसर प्राणी  हॉस्पिटल प्रस्ताव मंजूर | मात्र  हडपसर मधून विरोध वाढला

पुणे | महापालिका हद्दीतील भटक्या आणि मोकाट कुत्र्यांना जखमी झाल्यास उपचार करण्यासाठी कुठलेही हॉस्पिटल नाही. तसेच महापालिकेला भटक्या कुत्र्यांचा बंदोबस्त करण्यात अडचणी येत आहेत. यासाठी महापालिका आता हडपसर ला प्राण्यांचे हॉस्पिटल बांधणार आहे. मिशन पॉसिबल संस्थेला हे सर्व काम देण्यात येणार आहे तसेच संस्थेसोबत 30 वर्षाचा करार केला जाणार आहे. याबाबतचा प्रस्ताव स्थायी समिती समोर ठेवण्यात आलाहोता. याला समितीने मंजुरी दिली आहे. मात्र आता हडपसर मधून या प्रकल्पांला विरोध वाढला आहे.
पुणे महानगरपालिका हद्दीतील तसेच नव्याने समाविष्ट झालेल्या गावांमधील भटक्या व मोकाट कुत्र्यांची/ प्राणी अपघाताने जखमी किवां इतर कारणाने जखमी/आजारी झालेली असतात. अशा जखमी आजारी प्राण्याविषयी नागरिक व  सभासद आरोग्य खात्याकडे तक्रारी करत असतात. तसेच शहरातील भटक्या व मोकाट कुत्र्यांची/प्राण्याची अपघाताची संख्या वाढत असल्यामुळे मनपाच्या कुत्रा बंदोबस्त गाड्यामधून कोणत्याही वेळी मोफत उपचारासाठी आणलेली कुत्री हडपसर नगररचना क्र. २ रामटेकडी इंडस्ट्रीयल इस्टेट मधील फायनल प्लॉट नं.५६ येथे मिशन पॉसिबल या संस्थेद्वारे निर्माण होणाऱ्या हॉस्पिटल /दवाखान्यामध्ये घेणे बंधनकारक राहील. तसेच सदर कुत्र्यांच्या मोफत उपचारासाठी २० केनेल्स राखीव ठेवणे, उपचारासाठी दाखल असलेल्या कुत्र्यांवर/प्राण्यांची खाण्यापिण्याची व्यवस्था करणे मिशन पॉसिबल या संस्थेला बंधनकारक राहणार आहे. स्थायी समितीने या प्रस्तावाला मंजुरी  दिली आहे. मात्र आता याचा विरोध सुरु झाला आहे.

कोर्टात दाद मागणार | योगेश ससाणे

राष्ट्रवादी कॉंग्रेस चे माजी नगरसेवक योगेश ससाणे यांनी या प्रकल्पांला विरोध केला आहे. याबाबत त्यांनी महापालिका आयुक्तांना पत्र दिले आहे. त्यानुसार
पुणे महनगरपालिका व मिशन पॉसिबल यांच्या संयुक्त विदयमाने आपण नुक्ताच मंजुर केलेला प्राण्यांच्या हॉस्पीटलचा प्रकल्प सुमारे ३२१७ चौ.मी. या जागेवर ( भटक्या व मोकाट श्वानांचे) हॉस्पीटल साठी सुमारे ३० वर्षासाठी संयुक्त प्रकल्पाला देण्यासाठी जो निर्णय झाला आहे. त्या प्रकल्पाला आमचा विरोध आहे. सदर प्रकल्प महानगरपालिकेने हडपसर विधानसभा मतदान
क्षेत्राच्या कार्यक्षेत्राच्या बाहेर स्थलांतरीत करावा.
२०१७ ते २०२२ या कालावधी मध्ये हडपसर विधानसभा मतदार संघामध्ये केशवनगर, रामटेकडी, उरूळी देवाची इ. ठिकाणी सुमारे २२०० मेट्रिकटनाचे नविन कचरा प्रकल्प महानगरपालिकेमध्ये सत्ताधारी भारतीय जनता पार्टी पक्षाने बहुमताने मंजुर करून घेतला आहे. त्यात
प्राण्यांच्या हॉस्पीटलची भर नको. तरी माझी आपणास विनंती आहे की, सदर हडपसर नगररचना क्र. २ रामटेकडी इंडस्ट्रीयल इस्टेट मधील फायनल प्लॉट क्र. ५६ चे एकूण क्षेत्र ३२९७ चौ. मी ही मोकळी जागा प्राण्यांचे ( भटक्या
व मोकाट श्वानांचे) हॉस्पीटलसाठी ३० वर्ष कालावधीसाठी संयुक्त प्रकल्प रद्द करावा. अन्यथा या प्रकल्पा विरोधात मला कोर्टात दाद मागावी लागेल. असा इशारा ही त्यांनी दिला आहे.

Pune | Animal Hospital | हडपसर ला होणार प्राण्यांचे हॉस्पिटल!  | भटक्या कुत्र्यांचाही केला जाणार बंदोबस्त 

Categories
Breaking News PMC social आरोग्य पुणे

हडपसर ला होणार प्राण्यांचे हॉस्पिटल!

| भटक्या कुत्र्यांचाही केला जाणार बंदोबस्त

पुणे | महापालिका हद्दीतील भटक्या आणि मोकाट कुत्र्यांना जखमी झाल्यास उपचार करण्यासाठी कुठलेही हॉस्पिटल नाही. तसेच महापालिकेला भटक्या कुत्र्यांचा बंदोबस्त करण्यात अडचणी येत आहेत. यासाठी महापालिका आता हडपसर ला प्राण्यांचे हॉस्पिटल बांधणार आहे. मिशन पॉसिबल संस्थेला हे सर्व काम देण्यात येणार आहे तसेच संस्थेसोबत 30 वर्षाचा करार केला जाणार आहे. याबाबतचा प्रस्ताव स्थायी समिती समोर ठेवण्यात आला आहे. यावर येणाऱ्या बैठकीत चर्चा अपेक्षित आहे.
पुणे महानगरपालिका हद्दीतील तसेच नव्याने समाविष्ट झालेल्या गावांमधील भटक्या व मोकाट कुत्र्यांची/ प्राणी अपघाताने जखमी किवां इतर कारणाने जखमी/आजारी झालेली असतात. अशा जखमी आजारी प्राण्याविषयी नागरिक व  सभासद आरोग्य खात्याकडे तक्रारी करत असतात. तसेच शहरातील भटक्या व मोकाट कुत्र्यांची/प्राण्याची अपघाताची संख्या वाढत असल्यामुळे मनपाच्या कुत्रा बंदोबस्त गाड्यामधून कोणत्याही वेळी मोफत उपचारासाठी आणलेली कुत्री हडपसर नगररचना क्र. २ रामटेकडी इंडस्ट्रीयल इस्टेट मधील फायनल प्लॉट नं.५६ येथे मिशन पॉसिबल या संस्थेद्वारे निर्माण होणाऱ्या हॉस्पिटल /दवाखान्यामध्ये घेणे बंधनकारक राहील. तसेच सदर कुत्र्यांच्या मोफत उपचारासाठी २० केनेल्स राखीव ठेवणे, उपचारासाठी दाखल असलेल्या कुत्र्यांवर/प्राण्यांची खाण्यापिण्याची व्यवस्था करणे मिशन पॉसिबल या संस्थेला बंधनकारक राहणार आहे.
महाराष्ट्र महानगरपालिका अधिनियम १९४९ मधील कलम ७९ व पुणे महानगरपालिका मिळकत वाटप नियमावली २००८ मधील भाग १० (२३) अन्वये जाहीर प्रकटनामधील संयुक्त प्रकल्प प्रस्तावातील अटी व शर्तीच्या अधीन राहून हडपसर नगररचना क्र.२ रामटेकडी इंडस्ट्रीयल इस्टेट मधील फायनल प्लॉट नं .५६ क्षेत्र ३२१७ चौरस मीटर हि मोकळी जागा मिशन पॉसिबल या संस्थेस मूळ प्रस्तावातील बाबीस ३० वर्षे कालावधीसाठी संयुक्त प्रकल्पाद्वारे वापरण्यास देणेसाठी मान्यता मिळणेबाबतचे विषयपत्र स्थायी समितीमार्फत ममुख्य सभेकडे मान्यतेसाठी सादर करण्यात आले आहे.

| या असतील अटी

•सदर जागेवर मिशन पॉसिबल संस्थेने पुणे महानगरपालिका बांधकाम विभागाची रीतसर परवानगी घेऊन स्वखर्चाने प्राण्यांच्या उपचारासाठी हॉस्पिटल बांधण्यास.
•मिशन पॉसिबल संस्थेला मुदतवाढ न मिळाल्यास अथवा मनपाने काही कारणास्तव त्यांचा करारनामा मुदत पूर्व रद्द केल्यास त्यांच्याकडून बांधकाम करण्यात आलेल्या इमारतीचा
विनामोबदला व विनातक्रार हस्तांतर पुणे मनपास करण्यास व संस्थेच्या संचालकांचा सदर बांधकामावर हक्क/ ताबा न राहण्यास.
•मिशन पॉसिबल संस्थेने अॅनिमल वेल्फेअर बोर्ड ऑफ इंडिया (AWBI) ने वेळोवेळी दिलेल्या निर्देशाचे अथवा अटी व शर्तीचे पालन करण्यास.
•पुणे महानगरपालिका हद्दीतील अपघातात जखमी झालेल्या भटक्या व मोकाट कुत्र्याचे औषध उपचार पूर्ण झाल्यावर त्यांना पुन्हा त्याच जागी सोडण्याची जबाबदारी मिशन पॉसिबल या
संस्थेची राहण्यास.
•मिशन पॉसिबल संस्थेने प्राण्यांचे उपचार करण्यासाठी आवश्यक ते डॉक्टर, औषधे तातपुरते स्वरूपाचे इन्फ्रास्ट्रक्चर स्वतः पुरविण्यास.
• सदर जागेची सुरक्षा करण्याची जबाबदारी मिशन पॉसिबल संस्थेची राहण्यास.
• मिशन पॉसिबल संस्थेने जखमी/आजारी प्राण्यांना सेवा देण्याच्या दृष्टीने २४X७ तत्वावर हॉस्पिटलचे कामकाज तसेच अॅम्ब्यूलन्स सर्व्हिस पुरविण्यास.
•भटक्या – मोकाट कुत्र्यांची नसबंदी शस्त्रक्रिया, औषधोपचार, अँटीरेबीज लसीकरण, सेवकवर्गचा पगार व इतर भत्ते तसेच जागेवर वीज, पाणी पुरवठा व इतर खर्च या साठी मनपास
कोणतेही आर्थिक तोषीस न लागता पूर्ण खर्च करण्याची जबाबदारी संस्थेची राहण्यास.
•करारनामा कालावधीत सदर ठिकाणी कोणत्याही स्वरूपाचे आर्थिक उत्पन्न न घेण्यास व तसे आढळून आल्यास मिशन पॉसिबल या संस्थेबरोबर केलेला करारनामा रद्द करण्यास.
•मिशन पॉसिबल या संस्थेच्या कामावर आरोग्य खात्याचे नियंत्रण राहण्यास.
•सदर मिशन पॉसिबल संस्थेच्या कामकाजा विषयी काही तक्रार अथवा कायदेशीर बाब उद्भवल्यास त्याचे निवारण करण्याची जबाबदारी मिशन पॉसिबल संस्थेची राहण्यास.