Tag: Sunil Shinde

Pune Loksabha Election | कामगारांना रस्त्यावर आणण्याचे‌ काम भाजप सरकारने केले |  कामगार संघटना संयुक्त कृती‌ समितीचा आरोप

Categories
Breaking News Political social पुणे

Pune Loksabha Election | कामगारांना रस्त्यावर आणण्याचे‌ काम भाजप सरकारने केले |  कामगार संघटना संयुक्त कृती‌ समितीचा आरोप

 

Pune Loksabha Election – (The karbhari News Service) – मोदी सरकारने केवळ बड्या कॉर्पोरेट कंपन्यांना खुश करण्यासाठी कामगारांची अधिकाधिक कोंडी करण्याचे धोरण अवलंबले आहे. मोदी सरकारने कामगार कायद्यात तस अन्यायकारक बदल करून गेल्या ७५ वर्षांत कामगारांसाठी असलेले संरक्षणाचे कायदे काढून कामगारांना रस्त्यावर आणण्याचे‌ काम केले आहे. मोदी शहांनी कामगारांना गुलामगिरीत लोटले आहे, असा आरोप शहरातील कामगार संघटना संयुक्त कृती‌ समितीच्या‌ पदाधिकाऱ्यांनी केला आहे.

 

असंघटित कामगारांबाबत पोकळ प्रचारी आणि बोगस घोषणाबाजी करण्यापलिकडे या सरकारने काहीही केलेले नाही. त्यामुळे आम्ही‌सर्व कामगार संघटनांनी लोकसभा निवडणुकीत महाविकास आघाडीच्या उमेदवारांच्या पाठीमागे उभे राहण्याचा व त्यांचा प्रचार करण्याचा निर्णय घेतल्याचेही‌ त्यांनी सांगितले.

 

पुणे लोकसभा मतदार संघातील महाविकास आघाडी व इंडिया आघाडीचे उमेदवार रवींद्र धंगेकर यांच्या प्रचारार्थ ‘देशातील सत्ताधारी पक्षाचे कामगार विरोधी धोरण’ या विषयावर पत्रकार परिषदेचे आयोजन करण्यात आले होते. या पत्रकार परिषदेस संयुक्त कामगार संघटना कृती समितीचे निमंत्रक कॉ. अजीत अभ्यंकर, जिल्हा घरकामगार संघटनेच्या अध्यक्षा किरण मोघे, शिवसेना कामगार संघटनेचे रघुनाथ कुचिक, कृती समितीचे अघ्यक्ष व महाराष्ट्र इंटक संघटनेचे अध्यक्ष कैलास कदम, कामगार नेते सुनिल शिंदे, यांची पत्रकार परिषद आयोजित केली होती.

 

कॉ. अजित अभ्यंकर म्हणाले, डॉ. बाबासाहेब आंबेडकर व पंडीत‌ जवाहरलाल नेहरू यांनी केलेल्या‌ कामगार कायद्यांचा फायदा कामगारांना होत होता. मात्र, आताच्या मोदी‌ सरकारने हे कायदे बदलून अन्यायकारक कायदे‌ लादले. कारखाना बंद करण्याचा कायदा ठाकरे सरकारने नाकारला होता, मात्र राज्यात घटनाबाह्य सरकार आल्यानंतर त्यांनी दोन वर्षापूर्वीची तारीख टाकून तो मान्य केला. कारखान्यांना आगी लागतात, कामगार मरतात, मात्र, त्यावर काहीच केले जात नाही. हे सरकार कामगार विरोधी व कंत्राटदारांच्या बाजूने आहे.

 

रघुनाथ कुचिक म्हणाले, केंद्र सरकारने आचानक भारत बंद करून कामगारांचे अतोनात हाल केले. एका ठिकाणाहून दुसऱ्या ठिकाणी जाण्यासाठी कामगारांना अनेक कष्ट घ्यावे लागले. केंद्राने मजुरांच्या‌ स्थलांतरासाठी एक हजार कोटी खर्च केल्याचे सांगितले. मात्र माहिती अधिकारात याबाबत काहीच माहिती देत नाहीत. इलेक्टोल बॉंडनंतर सर्वात मोठा भ्रष्टाचार या माध्यमातून झाला आहे. कामगार कायदा संघर्षातून मिळाले आहेत, मात्र या कायद्यांचा मुडदा पाडण्याचे काम मोदी सरकारने केले आहे. हे काम उद्योगपतींना खूश करण्यासाठी करण्यात आले. कामगारांच्या आत्महतेवर फारसे लिहीले व बोलले जात नाही. राज्यात आज रोजी रोज सात कामगार आत्महत्या करतात. कामगारांच्या‌ आत्महत्येवर मते मागता येत नाहीत, म्हणून त्यावर बोलले जात नाही. आत्महत्या‌ करणाऱ्या घरकाम करणाऱ्या महिलांची संख्याही जास्त आहे. सलगपणे कंत्राटीकरण करण्याचा झपाटा सरकारने लावला आहे.

 

किरण मोघे म्हणाल्या, घरेलू कामगारांमुळे कोवीडचा प्रसार होतो, असा गौरसमज पसरला होता, त्यामुळे त्या काळात घरेलू कामगारांना समस्यांचा‌ सामना करावा लागला. ही अडचण तत्कालीन मुख्यमंत्री उद्धव ठाकरे यांना सांगितल्यानंतर‌ सरकारने मदतीसाठी योजना आणली. मात्र, राज्यातील सरकार बदलल्यानंतर ती बंद केली. कामगारांच्या हक्कावर गदा आणण्याचे काम सरकारने केल्याने आम्ही घरेलू कामगारांनी भाजप महायुतीच्या विरोधात महाविकास आघाडीचा प्रचार घरोघरी जावून करण्याचा निर्णय घेतला आहे.

 

सुनिल शिंदे म्हणाले, जे‌ कामगार कायदे आहेत, ते काँग्रेसच्या काळातील आहेत. मात्र आजवर असंघटित कामगारांसाठी एकही कायदा नाही. किमान वेतन कायदा असंघटीत कामगारांना लागू होत नाही. या विरोधात‌ कुठे दादही मागता येत नाही. काँग्रेसने आपल्या जाहीरनाम्यात असंघटीत कामगारांचा कायदा करण्याची ग्वाही दिली आहे.

 

कैलास‌ कदम म्हणाले, देशातील मोदी शहा सरकारने कामगारांच्या हक्कांवर घाला घातला. देशातील कामगार रस्त्यावर आणण्याचे काम मोदी शहांनी केले. कामगारांच्या ४४ कामगार कायद्यांएवजी चार श्रमसंहिता आणण्यात आलेल्या आहेत. त्यामुळे देशातील विविध कामगार संघटनांनी इंडिया आघाडी व महाविकास आघाडीच्या उमेदवारांना पाठींबा देण्याचा निर्णय घेतला आहे. आघाडीचे उमेदवार निवडून गेल्यानंतर कामगारांवर लादलेले अन्यायकारक कायदे रद्द करण्यासाठी प्रयत्न करण्याची मागणी आम्ही केली आहे. यावेळी प्रचारप्रमुख मोहन जोशी, पक्ष सरचिटणीस अजित दरेकर, राज अंबिके आदी उपस्थित होते राज्य प्रवक्ते गोपाळ तिवारी यांनी प्रास्ताविक केले.

Unorganized Workers |Sunil Shinde | असंघटीत कामगारांच्या मागे कॉंग्रेस पक्ष ठामपणे उभा |  सुनील शिंदे

Categories
Breaking News Political social पुणे

Unorganized Workers |Sunil Shinde | असंघटीत कामगारांच्या मागे कॉंग्रेस पक्ष ठामपणे उभा |  सुनील शिंदे

 

Unorganized Workers – (The Karbhari News Service) – बीजेपीने जाहीर केलेला कामगारांसाठीचा जाहीरनामा हा पूर्ण फसवा आहे. असंघटीत कामगारांसाठी किमान वेतन कायदा जो आहे त्यामध्ये वाढ करू असे भाजपने म्हटले आहे. वास्तविक पाहता असंघटीत कामगारांचा कुठेही किमान वेतन कायद्यात अंतर्भाव केलेला नाही. ते कामगार कायद्याच्या कक्षेच्या बाहेर आहेत आणि त्याबरोबरच कामगारांचे जे तंत्राटीकरण, खाजगीकरण झाले आहे त्यामध्ये कुठेही वेतनवाढीचा ठोस प्रस्ताव भाजपने दिलेला नाही. असंघटीत कामगारांसाठी कोणताही कायदा करण्याचे आश्वासन भाजपने दिलेले नाही. त्यामुळे, बीजेपीचे सरकार पूर्णपणे कामगारद्रोही असल्याचे आणि त्यांच्या जाहीरनाम्यातूनही कामगारविरोध असल्याचे स्पष्ट होते. अशी खरमरीत टीका असंघटीत कामगार कॉंग्रेसचे अध्यक्ष सुनील शिंदे यांनी केली. (Pune Congress) 

 

आज कॉंग्रेस भवन येथे पुणे शहरातील असंघटीत कामगारांचा मेळावा घेण्यात आला त्यात ते बोलत होते.  या मेळाव्याच्या अध्यक्षस्थानी कामगार नेते सुनील शिंदे हे होते. त्याबरोबरच वेगवेगळ्या क्षेत्रातील कामगार नेते व कामगार प्रतिनिधी मोठ्या संख्येने उपस्थित होते. या बैठकीमध्ये घरेलू कामगार त्याबरोबरच ओला, उबेर, स्वीग्गी, झोमॅटो या गिगवर्कर तसेच बांधकाम मजूर, रिक्षाचालक उपस्थित होते. यासार्वांसाठी न्याययोजनेद्वारे केंद्रीय कॉंग्रेसचे नेते आणि अध्यक्ष खर्गे साहेबांनी कॉंग्रेसचा जो जाहीरनामा सादर केला आहे त्यामध्ये सामाजिक सुरक्षितता कायदा देण्याचे आश्वासन केले. त्याचा अभिनंदनाचा ठराव या बैठकीत करण्यात आला. तसेच घरेलू कामगारांचे मंडळ जे युती सरकारने बंद केले आणि जे कॉंग्रेस सरकारने चालू केले होते ते मंडळ चालू करण्याचा पुढाकार घेण्याचे आश्वासन कॉंग्रेसच्या नेत्यांनी आज दिले. त्याच्या अभिनंदनाचा ठराव करण्यात आला.

जे कामगार असंघटीत क्षेत्रात येतात त्यांना कोणताच कामगार कायदा लागू होत नाही. आणि अशा कामगारांसाठी वेगवेगळ्या योजना आणि त्यांना कामगारांच्या कायद्याच्या कक्षेत आणण्याचे काम हे काँग्रेसच्या जाहीरनाम्यात केले आहे, असे सुनील शिंदे यांनी सांगितले.  किंबहुना त्यांच्यासाठी ठोस कायदा करण्याचे आश्वासन कॉंग्रेसने दिले आहे. त्याच्या अभिनंदनाचा ठराव देखील करण्यात आला. या निवडणुकीमध्ये कॉंग्रेसचे उमेदवार रविंद्र धंगेकर यांच्या पाठीशी खंबीरपणे उभे राहून पुण्याच्या वेगवेगळ्या भागांमध्ये १०० हून अधिक कोपरासभा घेण्याचा निर्णय आजच्या बैठकीमध्ये घेण्यात आला. त्या मेळाव्यानंतर वेगवेगळ्या क्षेत्रातील घरेलू कामगार, बांधकाम कामगार, हॉस्पिटल मधील कामगार, कारखान्यांमधील कामगार, अशा सर्वांनी वेगवेगळ्या ठिकाणी या सभा घेण्याचा निर्णय घेण्यात आला आहे. त्या प्रत्येक बैठकीला शेकडो उपस्थित राहतील. आणि त्यामध्ये कॉंग्रेसचा जाहीरनामा त्याबरोबरच प्रचाराचे साहित्य वाटप करण्याचे काम देखील असंघटीत कामगार कॉंग्रेसमार्फत केले जाईल. असे सुनील शिंदे यांनी सांगितले. 

 

यावेळी पुणे शहर असंघटीत कामगार कॉंग्रेसचे अध्यक्ष एस.के.पडसे, असंघटीत कामगार कॉंग्रेस राज्याचे ऑर्गनायझरयासीन शेख, असंघटीत कामगार कॉंग्रेस राज्याचे सरचिटणीस राहुल गोंजारी, पुणे शहरातील कामगार नेते आणि राष्ट्रीय मजदूर संघाचे उपाध्यक्ष सीताराम चव्हाण तसेच आबा जगताप, डोंगरे, महापालिकेतील तंत्राटी कामगारांचे विविध भागातील नेते हे सर्व उपस्थित होते.

PMC Contract Employees Bonus | कंत्राटी कामगारांना अजून बोनस नाही | मनपा ठेकेदारांना काळ्या यादीत टाका | कामगार नेते सुनील शिंदे

Categories
Breaking News PMC social पुणे

PMC Contract Employees Bonus | कंत्राटी कामगारांना अजून बोनस नाही | मनपा ठेकेदारांना काळ्या यादीत टाका |  कामगार नेते सुनील शिंदे 

PMC Contract Employees Bonus | कामगार उपायुक्तांची कंत्राटी कामगारांना बोनस देण्याची आदेशाची अंमलबजावणी पुणे मनपाच्या (Pune Municipal Corporation) कंत्राटदारांकडून करण्यात आलेली नाही. महानगरपालिकेच्या आदेशाचे यामुळे उल्लंघन झाले आहे. त्यामुळे ठेकेदारांना (Contractors) काळ्या यादीत टाकण्याची मागणी कामगार नेते सुनील शिंदे (Sunil Shinde) यांनी केली आहे. (PMC Pune)

शिंदे यांनी दिलेल्या निवेदनानुसार पुणे महानगरपालिकेमध्ये सुमारे दहा हजार कंत्राटी कामगार काम करीत आहेत. या सर्व कंत्राटी कामगारांना बोनस पासून वंचित ठेवण्यात आले आहे. अनेकदा मागणी करूनही बोनस देण्यात येत नव्हता. त्यामुळे राष्ट्रीय मजदूर संघाचे अध्यक्ष सुनील शिंदे यांनी दिनांक 01 नोव्हेंबर 2023 रोजी पासून आमरण उपोषण आंदोलन महानगरपालिकेच्या गेटवर सुरू केले. या आंदोलनाची दखल घेऊन कामगार उपायुक्त कार्यालय पुणे येथील सहाय्यक कामगार आयुक्त निखिल वाळके साहेब यांनी पुणे महानगरपालिकेतील कंत्राटी कामगारांना पेमेंट ऑफ  बोनस ऍक्ट हा कायदा लागू होतो.  त्याप्रमाणे बोनस अदा करण्याचे आदेश मनपा व संबंधित कंत्राटदारांना दिले. या आदेशाप्रमाणे पुणे महानगरपालिकेतील मुख्य कामगार सल्लागार यांनी पुणे मनपा मधील सर्व कंत्राटदारांना त्यांच्याकडे काम करणाऱ्या कामगारांना  दिवाळीपूर्वी बोनस अदा करण्याचे आदेश दिनांक 3/11/2023 रोजी दिले. परंतु अद्याप पर्यंत सदर आदेशाची अंमलबजावणी पुणे मनपाच्या कंत्राटदारांकडून करण्यात आलेली नाही. महानगरपालिकेच्या आदेशाचे यामुळे उल्लंघन झाले आहे. त्याचप्रमाणे कांत्राटी कामगार अधिनियम व पेमेंट ऑफ बोनस अॅक्ट या दोन्ही कायद्याचे उल्लंघन मनपाच्या कंत्राटदारांकडून झालेले आहे. त्यामुळे अशा सर्व कंत्राटदारांवर आपण म्हणजेच पुणे महानगरपालिकेने कारवाई करावी, त्यांना काळे यादीत टाकावे व अशा कंत्राटदारांना पुन्हा महानगरपालिकेमध्ये कंत्राट देऊ नये. अशी मागणी राष्ट्रीय मजदूर संघाचे अध्यक्ष कामगार नेते सुनील शिंदे यांनी पुणे महानगरपालिकेच्या आयुक्त विक्रम कुमार साहेब यांच्याकडे केली आहे.

PMC Contract Employees Bonus | बोनस मिळण्याचा निर्णय होईपर्यंत आमरण उपोषण सुरु राहणार | कामगार नेते सुनील शिंदे

Categories
Breaking News PMC social पुणे

PMC Contract Employees Bonus | बोनस मिळण्याचा निर्णय होईपर्यंत आमरण उपोषण सुरु राहणार | कामगार नेते सुनील शिंदे

 

PMC Contract Employees Bonus | पुणे महानगरपालिकेच्या (Pune Municipal Corporation) कंत्राटी कामगारांच्या बोनस, अनुदान व इतर प्रश्नांच्या संदर्भामध्ये महानगरपालिकेच्या मुख्य प्रवेशद्वारासमोर कामगार नेते व राष्ट्रीय मजदूर संघाचे अध्यक्ष सुनील शिंदे (Sunil Shinde) यांच्या नेतृत्वाखाली आमरण उपोषण आंदोलन सुरू करण्यात आले. (PMC Contract Employees Bonus)

आज सकाळी महापालिकेच्या आवारातील छत्रपती शिवाजी महाराज त्याचबरोबर महात्मा ज्योतिबा फुले यांना पुष्पांजली अर्पण करून सुनील शिंदे यांनी उपोषण आंदोलन सुरू केले. आज दिवसभर या आंदोलनाला महानगरपालिकेतील कंत्राटी सुरक्षारक्षक, पाणीपुरवठा, कीटकनाशक, हॉस्पिटल, स्मशानभूमीतील कंत्राटी कामगार, कंत्राटी चालक अशा विविध खात्यातील कंत्राटी कामगारांनी पाठिंबा दिला. सकाळपासून सुमारे 300 कामगार या आंदोलनामध्ये सहभागी झाले. यावेळी कामगार एकजुटीची गाणी, तसेच बोनस आमच्या हक्काचा, आमचाच लढा न्यायासाठी अशा घोषणाही देण्यात आल्या. दिवसभरामध्ये प्रशासनाकडून मात्र या आंदोलनाची कोणती दखल घेण्यात आली नाही.

कामगार विभागाचे अतिरिक्त कामगार आयुक्त शैलेंद्र पोळ यांनी दूरध्वनी द्वारे सुनील शिंदे यांच्याशी संपर्क साधला व प्रश्न समजावून घेतले. या संदर्भामध्ये त्यांच्या कार्यालयाकडून कामगार अधिकारी व इन्स्पेक्टर पाठवून प्रकरणाची चौकशी करून लवकरात लवकर कामगारांना न्याय देऊ असे आश्वासन त्यांनी दिले. आज या ठिकाणी कोणताही निर्णय न झाल्याने कामगार नेते सुनील शिंदे यांनी जोपर्यंत प्रश्न सुटणार नाही तोपर्यंत आमरण उपोषण आंदोलन चालू आहे, असे सांगितले. या आंदोलनामध्ये संघटनेचे उपाध्यक्ष सीताराम चव्हाण, एस के पळसे, त्याचबरोबर संघटनेचे विविध कामगार प्रतिनिधी उपस्थित होते.

PMC Contract Employees Portal | कंत्राटी कामगारांसाठी स्वतंत्र पोर्टल तात्काळ सुरू करा | सुनिल शिंदे यांची महापालिका प्रशासनाकडे मागणी

Categories
Breaking News PMC social पुणे

PMC Contract Employees Portal | कंत्राटी कामगारांसाठी स्वतंत्र पोर्टल तात्काळ सुरू करा | सुनिल शिंदे यांची महापालिका प्रशासनाकडे मागणी

PMC Contract Employees Portal | महापालिका कंत्राटी कामगारांना वेतन कधी वेळेवर मिळणार असा सवाल कामगार नेते तथा राष्ट्रीय मजदूर संघाचे (Rashtriya Majdur Sangh) अध्यक्ष सुनिल शिंदे (Sunil Shinde) यांनी पुणे महापालिका प्रशासनाला विचारला आहे. तसेच कंत्राटी कामगारांसाठी स्वतंत्र पोर्टल (Portal) तात्काळ सुरू करा,  अशी शिंदे यांनी महापालिका प्रशासनाकडे मागणी केली आहे. (Pune Municipal Corporation)
शिंदे यांनी प्रसिद्धीस दिलेल्या निवेदनानुसार पुणे महापालिकेत (PMC PUNE) मध्ये सुमारे १० हजार कंत्राटी कामगार विविध खात्यांमध्ये काम करीत आहेत. या कर्मचाऱ्यांचा पगार कधीच वेळेवर होत नाही. किंबहुना आजपर्यंत कधीही वेळेवर झालेला नाही,या कर्मचाऱ्यांना पगार स्लिप मिळणे कायद्याने बंधनकारक आहे. परंतु एकही कंत्राटदार पगार स्लिप देत नाही प्राव्हिडंट फंडाची रक्कमही वेळेवर व कायदेशीर भरणा केला जात नाही. कामगार राज्य विमा महामंडळात (इ. एस. आय.सी .) मध्ये सर्व कंत्राटी कामगारांची नोंदणी करून त्यांना ई-पहचान कार्ड कायद्याने देणे बंधनकारक आहे. परंतु त्याचीही पूर्तता आजपर्यंत कंत्राटदारांकडून झालेली नाही. विनाकारण अनेकदा पगार कापला जातो. त्याचे कारणही सांगितले जात नाही. (PMC Pune contract Employees)
शिंदे यांनी म्हटले आहे कि, अनेक कंत्राटदार किमान वेतन कायद्यापेक्षा कमी वेतन देत आहेत या सर्व बाबींकडे येथील संबंधित अधिकारी हेतूपुरस्सर डोळेझाक करीत आहेत.  अनेक कंत्राटदारांची अशी प्रकरणे आमच्या संघटनेकडून संबंधित अधिकाऱ्यांकडे उघडकीस आणली गेली आहेत. परंतु अशा एकाही कंत्राटदारावर कारवाई झाल्याचे समोर आले नाही. अनेक कंत्राटदार दोन-दोन महिने पगार उशिरा करत आहेत. या सर्व संदर्भामध्ये मी.न.पा. मधील कंत्राटी कामगारांच्या पगार व इतर प्रश्नांसाठी स्वतंत्र पोर्टल तयार करण्याचे आश्वासन देण्यात आलेले होते. त्याची अंमलबजावणी अजून पर्यंत झालेली नाही. याबाबत  प्रशासनाने त्वरित पावले उचलून कंत्राटी कामगारांसाठी स्वतंत्र पोर्टल तात्काळ सुरू करावे. अशी मागणी कामगार नेते व राष्ट्रीय मजदूर संघाचे अध्यक्ष सुनिल शिंदे यांनी म.न.पा.प्रशासनाकडे केली आहे.
——-
News Title | PMC Contract Employees Portal | Start independent portal for contract workers immediately | Sunil Shinde’s demand to the municipal administration

PMC Contract Employees Bonus | Sunil Shinde | कंत्राटी कामगारांच्या प्रश्नाबाबत राष्ट्रीय मजदूर संघ (RMS) करणार आमरण उपोषण

Categories
Breaking News PMC social पुणे

PMC Contract Employees Bonus | Sunil Shinde | कंत्राटी कामगारांच्या प्रश्नाबाबत राष्ट्रीय मजदूर संघ (RMS) करणार आमरण उपोषण

 

PMC Contract Employees Bonus | Sunil Shinde |आम्हीही पुणे मनपा (Pune Municipal Corporation)  प्रशासनाचे कामगार आहोत. आम्हालाही कामगार कायद्यानुसार (Labor Law) आमच्या सामाजिक सुरक्षा, कामगाराचे हक्क का भेटत नाही. असा प्रश्न कामगार नेते राष्ट्रीय मजदूर संघाचे(RMS) अध्यक्ष सुनील शिंदे यांनी उपस्थित केला. जर आमच्या मागण्या मान्य नाही केल्या तर 1 नोव्हेंबर 2023 रोजी संघटनेचे अध्यक्ष कामगार सुनील शिंदे (Sunil Shinde)  यांच्या नेतृत्वाखाली सर्व कामगार आमरण उपोषणाला बसतील असा इशारा मनपा प्रशासनाला देण्यात आला. (PMC Pune Contract Employees Bonus Agitation)

निमित्त होते मनपा मुख्य प्रवेशद्वारावर आयोजित इशारा आंदोलनाचे. हे आंदोलन मंगळवार 10 ऑक्टोबर रोजी दुपारी 4 वा झाले. गेल्या वर्षभरात कंत्राटी कामगारांना बोनस मिळण्याबाबत संघटनेने दिलेला लढा, प्रशासन करत असलेली या बाबतची दिरंगाई याबाबत माहिती या आंदोलनावेळी केली. कंत्राटी कामगारांना कायम कामगारांच्या एवढा बोनस मिळालाच पाहिजे, ठेकेदार बदलला तरी कामगार तेच राहिलेच पाहिजे, कंत्राटी कामगारांना किमान वेतनाच्या फरकाची रक्कम मिळालीच पाहिजे,
कंत्राटी कामगारांना कायम कामगारां येवढेच वेतन व सवलती मिळाल्याच पाहिजेत या आंदोलनाच्या मागण्या होत्या. पाऊस असो की उन आम्ही बोनस घेतल्याशिवाय राहणार नाही असा निर्धार शेवटी सर्व कामगारांनी केला. (PMC Pune)

जर आमच्या मागण्या मान्य नाही केल्या तर 1 नोव्हेंबर 2023 रोजी संघटनेचे अध्यक्ष कामगार सुनील शिंदे यांच्या नेतृत्वाखाली सर्व कामगार आमरण उपोषणाला बसतील असा इशारा मनपा प्रशासनाला देण्यात आला. यावेळी संघटनेचे उपाध्यक्ष सीताराम चव्हाण, सेक्रेटरी एस के पळसे, प्रतिनिधी विजय पांडव, सरिता धुळेकर, गोरखनाथ कांबळे यांनी मनोगत व्यक्त केली.
तसेच पगार 10 तारखेनंतर मिळाला पाहिजे हा नियम असतानाही न मिळणारा पगार, पगाराची स्लीप, युनिफॉर्म, वेळेवर जमा न होणारा PF अशा अनेक मुद्यांवरचे प्रश्न उपस्थित कामगारांनी उपस्थित केले. आभाळाची आम्ही लेकरे, सवालाचा जवाब दे रे मनपाच्या प्रशासना ही गाणी तसेच बोनस आमच्या हक्काच्या नाही कुणाच्या मालकीचा, ठेकेदार व अधिकाऱ्याचं नातं काय होऊ द्या चर्चा या घोषणा ही यावेळी घेण्यात आल्या. (Rashtriya Majdur Sangh)

Sunil Shinde | RMS | आरएमएसचे अध्यक्ष सुनील शिंदे जागतिक मेळाव्याला करणार संबोधित

Categories
Breaking News social देश/विदेश पुणे

Sunil Shinde | RMS | आरएमएसचे अध्यक्ष सुनील शिंदे जागतिक मेळाव्याला करणार संबोधित

Sunil Shinde | RMS | आरएमएसचे अध्यक्ष सुनील शिंदे (RMS President Sunil Shinde) यांना अमेरिकेतील कामगार नेत्यांच्या जागतिक मेळाव्याला संबोधित करण्यासाठी आमंत्रित करण्यात आले आहे. (Sunil Shinde: RMS)
यूएनआय ग्लोबल युनियन (UNI Global Union), जगभरातील सुरक्षा, सेवा आणी अर्थव्यवस्थेत काम करणाऱ्या कामगारांची सर्वात मोठी जागतिक कामगार संघटना आहे. त्यांची सहावी जागतिक परिषद आयोजित करीत आहे. ही जागतिक परिषद रविवार, २७ ऑगस्ट ते बुधवार, ३० ऑगस्ट २०२३ या कालावधीत फिलाडेल्फिया, पेन्सिल्व्हेनिया, अमेरिकेतील फिलाडेल्फिया कन्व्हेन्शन सेंटर येथे होणार आहे.
‘रायझिंग टुगेदर’ (Rising Together) या संकल्पनेखाली काँग्रेस जगभरातील दोन कोटी कामगारांचे प्रतिनिधित्व करणाऱ्या कामगार संघटनांच्या नेत्यांना एकत्र आणून कामगारांची जागतिक ताकद निर्माण करेल आणि पुढील चार वर्षांचा कृती कार्यक्रम निश्चित करेल.
कामगार नेत्यांच्या या जागतिक मेळाव्यात १५० हून अधिक देशसहभागी होणार आहेत. या परिषदेच्या अजेंड्यात कॉर्पोरेट उत्तरदायित्व, आरोग्य आणि सुरक्षा, न्याय्य आणि सर्वसमावेशक जागतिक अर्थव्यवस्था, विषमता आणि भेदभाव आणि सर्वात शेवटी लोकशाही आणि मानवी हक्क या मुद्द्यांचा समावेश आहे. काँग्रेसमध्ये सिनेटर, अमेरिकेच्या कामगार विभागाचे वरिष्ठ अधिकारी आणि आयएलओचे महासंचालक आणि ब्राझीलचे राष्ट्राध्यक्ष यांचा ही सहभाग असेल.
राष्ट्रीय मजदूर संघाचे (आरएमएसचे) अध्यक्ष सुनील शिंदे यांना डिजिटल युगात कामाच स्वरूप आणि श्रम बाजाराचे बदलते चित्र आणि न्याय्य अर्थव्यवस्था या विषयावर बोलण्यासाठी निमंत्रित करण्यात आले आहे. शिंदे जागतिक उपस्थितांना प्लॅटफॉर्म आणि गिग इकॉनॉमीच्या वाढत्या क्षेत्रात भारतीय कामगारांसमोरील आव्हाने आणि लढ्याची माहिती देतील. ते जगभरातून सहभागी होणाऱ्या प्रतिनिधींना भेटतील आणि एकत्रितपणे यूएनआयचा पुढील 4 वर्षांचा अजेंडा तयार करतील.
——
News Title | Sunil Shinde | RMS | RMS President Sunil Shinde will address the global gathering

Labour Meeting | कामगार कायदे टिकवण्यासाठी रस्त्यावर उतरणार | आमदार भाई जगताप

Categories
Breaking News Political social पुणे

Labour Meeting | कामगार कायदे टिकवण्यासाठी रस्त्यावर उतरणार | आमदार भाई जगताप

Labour Meeting | कामगार कायदे (Labour Law) आपला श्वास आहे तो टिकवायचं असेल तर त्यासाठी संविधान टिकल पाहिजे पण हे बदलायच काम सध्याचं केंद्र सरकार (Central Government) करत आहे. असं प्रतिपादन कामगार नेते व आमदार भाई जगताप (MLA Bhai Jagtap) यांनी केले. राष्ट्रीय मजदुर संघाचे अध्यक्ष सुनील शिंदे (Sunil Shinde) यांनी आयोजित केलेल्या कामगार मेळाव्यामध्ये (Labour Meeting) ते बोलत होते. ते पुढे म्हणाले राज्य सरकार व केंद्र सरकार हे दोघेही मालक धार्जीने निर्णय घेत आहेत या निर्णयामध्ये कामगारांना विश्वासात घेतले जात नाही ही बाब अत्यंत गंभीर असून यापुढे कामगारांनी रस्त्यावर उतरूनच लढलं पाहिजे. (Labour Meeting)
       यावेळी बोलताना माणिकराव ठाकरे म्हणाले कष्टकऱ्यांच आयुष्य घडवण्याचं काम जर पाहायचं  असेल व शून्यातून जग कसं निर्माण होत हे शिकायचं असेल तर राष्ट्रीय मजदूर संघटनेच्या लढा समजून घेतल पाहिजे असे गौरवोद्गार काढले.
संघटनेचे अध्यक्ष सुनील शिंदे म्हणाले की कायम कामगार असो की  कंत्राटी की बदली कामगार की गिग वर्कर यांच्या मनातील भिती घालवायचं, कामगारांना लढायची हिम्मत देण्याचं काम राष्ट्रीय मजदूर संघटनेच्या स्थापनेपासून  राहिल आहे. याप्रसंगी समान कामाला समान वेतन मिळालच पाहिजे, कामगार विरोधी धोरण व कायदे रद्द करा या घोषणा व आभाळाची आम्ही लेकरे, मेरा रंग दे बसंती चोला ही गाणीही घेण्यात आली. असंघटीत कामगारांची ओळख असलेल्या इ-श्रम कार्ड घरेलु कामगार महिलांना प्रातिनिधिक वाटप करण्यात आले.
मेळाव्याचे उद्घाटन अखिल भारतीय काँग्रेस कमिटीचे सेक्रेटरी माजी मंत्री माणिकराव ठाकरे यांच्या हस्ते दीप प्रज्वलन करून करण्यात आले. या कार्यक्रमाला प्रमुख पाहुणे म्हणून कामगार नेते व आमदार भाई जगताप हे उपस्थित होते. यावेळी पुणे शहर जिल्हा काँग्रेस कमिटीचे अध्यक्ष अरविंद शिंदे, माजी अध्यक्ष अभय छाजेड, माजी महापौर कमल व्यवहारे व  विविध क्षेत्रातील कामगार मोठ्या संख्येने उपस्थित होते. यामध्ये घरेलू कामगार, बांधकाम मजूर,
पुणे महानगरपालिकेतील कंत्राटी कामगार, कंपन्यांमधील कामगार, हॉस्पिटल संघटित व असंघटित क्षेत्रातील सुरक्षा रक्षक, माथाडी कामगार, ऑटो रिक्षा चालक, स्विगी, झोमॅटो, ओला उबेर, अर्बन कंपनीचे कामगार मोठ्या संख्येने सहभागी झाले. कार्यक्रमाचे प्रास्ताविक संघटनेचे उपाध्यक्ष सिताराम चव्हाण यांनी केले तर आभार प्रदर्शन संघटनेचे सेक्रेटरी एस के पळसे यांनी केले.

Labour Rights | Sunil Shinde | कामगारांच्या हक्कासाठी लढणार | कामगार नेते सुनील शिंदे

Categories
Breaking News social पुणे

Labour Rights | Sunil Shinde | कामगारांच्या हक्कासाठी लढणार | कामगार नेते सुनील शिंदे

Labour Rights | Sunil Shinde | कामगार चळवळीत (Labour Movement) एकत्र आल्याशिवाय काही मिळत नाही. कामगाराने स्वार्थी पणा सोडून आपण सर्व कामगार म्हणून संघटित होऊन लढल पाहिजे. कामगारांना न्याय मिळवून देणं, हाच माझा नेहमीच उद्देश राहिला आहे. असं परखड मत कामगार नेते सुनील शिंदे (Labour Leader Sunil Shinde) यांनी मांडलं. (Labour Rights | Sunil Shinde)

निमित्त होते के. इ. एम. हॉस्पिटल कामगार संघटनेच्या (KEM Hospital Labour Union) सल्लागारपदी राष्ट्रीय मजदूर संघाचे अध्यक्ष सुनील शिंदे  यांची एकमताने निवड झाल्याबद्दल. हा पदग्रहण सोहळा व कामगार मेळावा शनिवार 22 जुलै 2023 रोजी दुपारी 4 वा. जनसागर हॉल, सोमवार पेठ येथे संपन्न झाला.

ह्या पदग्रहण सोहळ्यानिमित्त बोलताना ते पुढे म्हणाले की, संघटना व व्यवस्थापन या मध्ये नेहमी सलोख्याचे नात राहील हा विचार करूनच मी संघटनेच्या सल्लागार पदी राहून काम करत राहील. आपला वाद हा व्यवस्थापनाशी नाही. आपल्या घामाची चोरी जर होत असेल, तर सर्वांनी मतभेद विसरून काम केलं पाहिजे.

यावेळी उपस्थित कामगारांनी कामाच्या ठिकाणी होणाऱ्या व्यथा सांगितल्या.
याप्रसंगी राष्ट्रीय मजदुर संघटनेचे उपाध्यक्ष सिताराम चव्हाण, सेक्रेटरी एस के पळसे व के. ई. एम हॉस्पिटल कामगार संघटनेचे पदाधिकारी उपस्थित होते.या कार्यक्रमाला कायम व कंत्राटी कामगारांचा उस्फूर्त प्रतिसाद लाभला.
सूत्र संचालन राजाभाऊ रेड्डी यांनी केलं. के. ई.एम कामगार संघटनेचे अध्यक्ष संतोष खांदवे यांनी प्रास्ताविक केले.

News Title |Labor Rights | Sunil Shinde | Will fight for the rights of workers Labor leader Sunil Shinde

Lad Page Committee | कंत्राटी कामगारांचा विभागीय आयुक्त कार्यालयावर मोर्चा 

Categories
Breaking News PMC social पुणे महाराष्ट्र

Lad Page Committee|कंत्राटी कामगारांचा विभागीय आयुक्त कार्यालयावर मोर्चा

Lad Page Committee  | घाणी मध्ये काम करणाऱ्या कामगारांना लाड पागे समितीच्या शिफारशी प्रमाणे घाण भत्ता ,त्याचप्रमाणे वारसा हक्काने नोकरी, हे लाभ मिळतात. परंतु राज्य सरकारने हे लाभ सध्या स्थगित केले आहेत. त्याचप्रमाणे कंत्राटी कामगारांना (Contract employees) किमान वेतन, बोनस, रजा, मिळाले पाहिजेत. त्याचबरोबर कंत्राटदार बदलला तरी कामगार तेच राहतील. कंत्राटी कामगारांचा सन्मान केला पाहिजे. या संदर्भामध्ये आवाज उठवण्यासाठी पुणे महानगरपालिका (Pune Municipal Corporation), नगरपालिका कृती समिती तर्फे आज भव्य मोर्चा विभागीय आयुक्त (Divisional commissioner office) कार्यालया वर काढण्यात आला. (Lad Page Committee)

या मोर्चामध्ये पुणे जिल्ह्यातील नगरपालिका मध्ये काम करणारे कर्मचारी व महानगरपालिकेतील कर्मचारी मोठ्या संख्येने उपस्थित होते. या मोर्चाचे आयोजन एस के पळसे व प्रकाश जाधव यांच्या नेतृत्वाखाली कृती समितीच्या वतीने करण्यात आले होते. या मोर्चाला कामगार नेते सुनील शिंदे (Labour leader sunil shinde)  यांनी मार्गदर्शन केले. लाड पागे समितीच्या शिफारसी व कामगारांवरील अन्याय यावेळी त्यांनी उपस्थित कामगारांसमोर मांडला व यापुढे हा संघर्ष खूप मोठा करून न्याय मिळवून देण्यासाठी आपण प्रयत्न करू असे आश्वासन यावेळी दिले. त्यानंतर विभागीय आयुक्त  सौरभ राव यांना मागण्यांचे निवेदन देण्यात आले. (Contract employees news)
—-

News Title | Lad Page Committee | March of contract workers on Divisional Commissioner’s office