Commercial Properties | PMC Pune | समाविष्ट ११ गावातील व्यावसायिक मिळकतीना दीड पट टैक्स लावता येणार नाही | तीन पटच टैक्स आकाराला जाणार | महापालिका प्रशासनाचा अभिप्राय

Categories
Breaking News PMC पुणे

समाविष्ट ११ गावातील व्यावसायिक मिळकतीना दीड पट टैक्स लावता येणार नाही

| तीन पटच टैक्स आकाराला जाणार | महापालिका प्रशासनाचा अभिप्राय

पुणे | देवाची उरुळी आणि फुरसुंगी सहित ११ गावांचा महापालिका हद्दीत समावेश झाला आहे. या गावातील अनधिकृत व्यावसायिक मिळकती ना महापालिका टैक्स विभागाकडून तीन पट टैक्स आकाराला जातो. मात्र गावातील लोकांची परिस्थिती पाहता त्यांना दीड पट टैक्स आकाराला जावा. अशी मागणी माजी नगरसेवकांनी केली होती. त्यावर प्रशासनाने आपला अभिप्राय सादर केला आहे. त्यानुसार समाविष्ट ११ गावातील व्यावसायिक मिळकतीना दीड पट टैक्स लावता येणार नाही, असे प्रशासनाने म्हटले आहे. या अभिप्रायाला स्थायी समितीने देखील मान्यता दिली आहे.
महापालिका प्रशासनाच्या अभिप्रायानुसार बिगरनिवासी मिळकती बाबत
कोणताही उल्लेख नसल्यामुळे सद्यस्थितीत कलम २६७ अ नुसार अनाधिकृत बिगर निवासी सर्व मिळकतीना तीन पट कर लावण्यात येत आहे. सदरच्या कायद्याचे अवलोकन केले असता पुणे महानगर पालिकेमध्ये नव्याने समाविष्ट
झालेल्या फुरसुंगी, उरुळी देवाची सह ११ गावांमधील कर आकारणी बाबतच्या विविध मिळकतदारांनी महानगरपालिकेची कोणत्याही प्रकारची पूर्व परवानगी न घेता विनापरवाना व्यावसायिक कारणासाठी वापर करीत असल्याने सदर मिळकतीची महाराष्ट्र महानगरपालिका अधिनियम चे कलम २६७ अ अन्वये दुप्पटी इतकी शास्ती मिळकत करात आकारत आहे.
आकारत असलेला कर हा योग्य व वाजवी तसेच कायद्यास अनुसरून करण्यात आलेला आहे. याच पद्धतीने सर्व बिगरनिवासी मिळकतीना मनपा क्षेत्रात तीनपट कर आकारण्यात येत आहे. महाराष्ट्र महानगरपालिका अधिनियम मध्ये अनाधिकृत बांधकामांना शास्ती लावण्याची
तरतूद असून सदरची तरतूद ही विशिष्ट एका भागासाठी लागू नसून शहरातील सर्वच भागांसाठी लागू आहे. सदरची शास्ती ही अनाधिकृत बांधकामाची असल्याने या बाबत बांधकाम विभागाचे मत देखील अपेक्षित आहे.
त्यामुळे पुणे महानगर पालिकेमध्ये नव्याने समाविष्ट झालेल्या
फुरसुंगी, उरुळी देवाची सह ११ गावांमधील असलेल्या अनाधिकृत व्यावसायिक मिळकतींची या महाराष्ट्र महानगरपालिका अधिनियम २६७ अ अन्वये आकारत असलेला कर योग्य आहे. तसेच सदर अनाधिकृत व्यावसायिक मिळकतींना तीनपट ऐवजी दीडपट कर आकारणी करण्याबाबत कायद्यामध्ये योग्य तो बदल केल्याशिवाय कार्यवाही करणे शक्य नाही.

PMC Commissioner Vikram Kumar | उत्पन्न वाढीसाठी नियोजन करा  | महापालिका आयुक्तांच्या टॅक्स विभागाला सूचना 

Categories
Breaking News PMC पुणे

 उत्पन्न वाढीसाठी नियोजन करा

| महापालिका आयुक्तांच्या टॅक्स विभागाला सूचना

पुणे | महापालिकेचा कर आकारणी व संकलन विभाग महापालिकेला सर्वात जास्त उत्पन्न मिळवून देतो. मात्र गेल्या दोन महिन्यात विभागाला अपेक्षित उत्पन्न मिळाले नाही. याकडे महापालिका आयुक्तांनी गंभीरपणे लक्ष दिले आहे. वसुलीच्या माध्यमातून उत्पन्न वाढीसाठी नियोजन करा. असे आदेश महापालिका आयुक्तांनी कर विभागाला दिले आहेत. त्यानुसार विभागाने देखील याची तयारी सुरु केली आहे.
महापालिकेला टॅक्स विभागाकडून जास्तीत जास्त उत्पनाची अपेक्षा असते. कारण हा विभाग 1700 कोटीपर्यंत उत्पन्न महापालिकेला मिळवून देतो. त्यामुळे महापालिका आयुक्तांचेही या विभागाकडे जास्त लक्ष असते. दरम्यान चालू आर्थिक वर्षात विभागाला 2200 कोटींहून अधिक उत्पन्न मिळवण्याचे उद्दिष्ट आयुक्तांनी दिले आहे. मात्र आतापर्यंत 1163 कोटी जमा झाले आहेत. त्यातच मे महिना संपल्यानंतर वसुली देखील कमी होते. त्यामुळे उत्पन्न मिळण्याचा वेग मंदावतो. त्यामुळे वसुलीच्या माध्यमातून उत्पन्न वाढीसाठी नियोजन करा. असे आदेश महापालिका आयुक्तांनी कर आकारणी विभागाला दिले आहेत. त्यानुसार विभागाने देखील याची तयारी सुरु केली आहे. टॅक्स विभाग नियोजन तयार करून आयुक्तांसमोर ठेवेल. यामध्ये जास्तीत जास्त वसुली करण्याचे प्रयत्न टॅक्स विभागाचे असतील.

| आतापर्यंत 1163 कोटी जमा

टॅक्स विभागाच्या माहितीनुसार विभागाकडे 1 एप्रिल पासून आतापर्यंत 1163 कोटी जमा झाले आहेत. यामध्ये 9.48 कोटी समाविष्ट गावातून जमा झाले आहेत. मागील वर्षी याच दिवशी विभागाकडे 978 कोटी जमा झाले होते. 10 आगस्ट या एका दिवशी 1 कोटी 59 लाख 75 हजार जमा झाले. तर मागील वर्षी 10 आगस्टला 1 कोटी 33 लाख 51 हजार जमा झाले होते.

Property Tax : 11 दिवसांमध्ये 108 कोटी  मिळकत कर जमा

Categories
Breaking News PMC पुणे

11 दिवसांमध्ये 108 कोटी  मिळकत कर जमा

पुणे : २०२२-२३ हे आर्थिक वर्ष सुरु झालेले असून, या आर्थिक वर्षातील मिळकत कर बिले तयार करून व संबंधित मिळकतधारकांना मिळकत कराचा भरणा पुणे महानगरपालिकेकडे जमा करता यावा, यासाठी योग्य ती कार्यवाही दिनांक ३१ मार्च पर्यंत पूर्ण करण्यात आलेली होती. तसेच सुमारे ९,४१,००० इतक्या मिळकत कराची बिले मार्च २०२२ मध्येच छपाई करून, पोस्ट विभागामार्फत वितरणासाठी दिलेली आहेत. त्यामुळे पहिल्या 11 दिवसांत २ दिवस शासकीय सुट्टी असून सुद्धा १,०१,४१६ इतक्या मिळकतधारकांनी १०८.०४ कोटी इतकी रक्कम मिळकत करापोटी जमा केलेली आहे. अशी माहिती मिळकतकर विभागाचे प्रमुख विलास कानडे यांनी दिली.

: 31 मे पर्यंतच्या सवलतीचा लाभ घ्या

कानडे यांच्या माहितीनुसार  सुमारे८२ % इतकी रक्कम ऑनलाईन प्रणालीद्वारे जमा झालेली आहे. सन २०२२-२३ चा मिळकत कर जमा करता यावा, यासाठी खात्याकडे उपलब्ध असलेल्या भ्रमणध्वनीच्या आधारे ८,८८,२०७ इतक्या मिळकतधारकांना एसएमएसद्वारे लिंक उपलब्ध करून देण्यात आलेली आहे. तसेच ६,६९,५१२ इतक्या मिळकतधारकांना कर भरणे बाबत इमेलद्वारे कळविणेत आले आहे. ज्या मिळकतीची वार्षिक करपात्र रक्कम रु.२५,०००/- पेक्षा कमी आहे, अशा मिळकतधारकांना मिळकत कराच्या सर्व साधारण करामध्ये १०% इतकी सूट, तर ज्या मिळकतीची वार्षिक करपात्र रक्कम रु. २५,००१/- पेक्षा जास्त आहे, अशा मिळकतधारकांना त्यांच्या मिळकतकराच्या सर्व साधारण करामध्ये ५% इतकी सवलत देण्यात येत आहे. सदरची सवलत ही दिनांक ३१ मे २०२२ पर्यंत लागू असणार आहे. त्यामुळे तत्पूर्वी मिळकतधारकांनी त्यांचा मिळकत कर जमा करावा, असे आवाहन करण्यात येत आहे.

Pay mode Wise PMC Property Tax Collection

Since 1-04-2022

CASH ➡️ 12,043 ( 12%)
Rs 8.64 Cr (8%)

CHEQUE ➡️ 6,172 (6%)
Rs 11.17 Cr (10%)

ONLINE ➡️ 83,201 (82%)
Rs 88.23 Cr (82%)

Total Tax Payers : 1,01,416
Total amount : Rs 108.04

In-charge administration officer : प्रभारी प्रशासन अधिकाऱ्यांनी वाढवले महापालिकेचे उत्पन्न! 

Categories
Breaking News PMC पुणे

प्रभारी प्रशासन अधिकाऱ्यांनी वाढवले महापालिकेचे उत्पन्न!

: कर आकारणी व संकलन विभागाने सोपवली नवीन जबाबदारी

पुणे : महापालिकेला उत्पन्न मिळवून देण्यासाठी कर आकारणी आणि कार संकलन विभागाचा सिंहाचा वाटा आहे. मागील आर्थिक वर्षात विभागाने इतिहास रचत १८५० कोटींचे उत्पन्न मिळवले आहे. दरम्यान यात महत्वपूर्ण भूमिका प्रभारी प्रशासन अधिकाऱ्यांची राहिली आहे. कामकाजाच्या सोयीसाठी ही पदे तयार करण्यात आली होती. त्यामुळे आता या अधिकाऱ्यांना उत्पन्न वाढीसाठी नवीन जबाबदारी विभागाने दिली आहे.

कर आकारणी आणि कर संकलन विभागाने इतिहास रचत महापालिकेला १८५० कोटींचे उत्पन्न मिळवून दिले आहे. यामुळे महापालिकेला आता विकासकामे करण्यात हातभार लागणार आहे. दरवर्षी हाच विभाग पालिकेची आर्थिक बाजू सांभाळून धरत आहे. दरम्यान विभागाकडे कमी कर्मचारी असून देखील विभागाने ही मजल मारली आहे. यात महत्वाची भूमिका प्रभारी प्रशासन अधिकाऱ्यांची आहे. कामकाजाच्या सोयीसाठी ही पदे तयार करण्यात आली होती. मात्र या पडला न्याय देत या अधिकाऱ्यांनी कामगिरी  चोख बजावली आहे. हे काम पाहता आता चालू आर्थिक वर्षात जास्त उत्पन्न मिळवण्यासाठी विभागाने या अधिकाऱ्यांना नवीन जबाबदारी दिली आहे.

: प्रभारी प्रशासन अधिकरी रवींद्र धावरे यांना सोपवण्यात आलेली जबाबदारी

वारजे कर्वेनगर क्षेत्रीय कार्यालय, सिंहगड रोड क्षेत्रीय कार्यालय, धनकवडी क्षेत्रीय कार्यालय, तसेच धायरी आणि साडे सतरानळी या समाविष्ट गावांची देखील जबाबदारी देण्यात आली आहे.

: प्रभारी प्रशासन अधिकरी तथा अधीक्षक बब्रुवान सातपुते  यांना सोपवण्यात आलेली जबाबदारी

शिवाजीनगर घोले रोड क्षेत्रीय कार्यालय, औंध बाणेर क्षेत्रीय कार्यालय, कोथरूड बावधन क्षेत्रीय कार्यालय, तसेच शिवने आणि उत्तमनगर या समाविष्ट गावांची देखील जबाबदारी देण्यात आली आहे.

: प्रभारी प्रशासन अधिकरी तथा अधीक्षक राजेश कामठे यांना सोपवण्यात आलेली जबाबदारी

भवानी पेठ क्षेत्रीय कार्यालय, बिबवेवाडी क्षेत्रीय कार्यालय, कसबा विश्रामबागवाडा क्षेत्रीय कार्यालय, तसेच आंबेगाव बुद्रुक, आंबेगाव खुर्द आणि उरुळी देवाची या समाविष्ट गावांची देखील जबाबदारी देण्यात आली आहे.

Property Tax Recovery : कमी कालावधीत कर आकारणी करून १६ कोटींची वसुली! 

Categories
Breaking News PMC पुणे

कमी कालावधीत कर आकारणी करून १६ कोटींची वसुली

: पुणे महापालिका मिळकत कर विभागाची दमदार कामगिरी

पुणे : फुरसुंगी पेठेकडील दि मांजरी स्टड फार्म प्रा.लि. या मिळकतीची कमी कालावधीत नव्याने आकारणी करून तात्काळ १६ कोटी इतकी रक्कम वसुल करणेत आली. महापालिकेच्या मिळकतकर विभागाने ही दमदार कामगिरी केली आहे. विभागाच्या  इतिहासात पहिल्यांदाच अशा पद्धतीची कामगिरी करण्यात आली आहे. अशी माहिती विभागाच्या वतीने देण्यात आली.

सहमहापालिका आयुक्त तथा कर आकारणीव कर संकलन प्रमुख विलास कानडे यांच्या मार्गदर्शनानुसार प्रशासन अधिकारी रविंद्र धावरे, राजेश कामठे,  प्रकाश वालगुडे यांचे नियोजनानुसार विभागीय निरीक्षक अरुण शिंदे व  प्रकाश कदम, नीलेश पवार, विभागीय निरीक्षक यांचे सहकार्यातून पेठ निरीक्षक, रविंद्र गायकवाड,नवनाथ हरपळे महादेव पुणेकर,मारुती चोरघडे व संपर्क कार्यालयाकडील सर्व सेवक यांनी कामकाज पाहिले