Bike Rally | Pune Congress | भारत जोडो यात्रेच्या समर्थनार्थ पुणे शहर जिल्हा काँग्रेस कमिटीच्या वतीने मोटार सायकल रॅलीचे आयोजन

Categories
Breaking News Political पुणे महाराष्ट्र

भारत जोडो यात्रेच्या समर्थनार्थ पुणे शहर जिल्हा काँग्रेस कमिटीच्या वतीने मोटार सायकल रॅलीचे आयोजन

 

पुणे शहर जिल्हा काँग्रेस कमिटीच्या वतीने आज शहराध्यक्ष अरविंद शिंदे यांच्या नेतृत्वाखाली पुणे शहरामध्ये  खा. राहुलजी गांधी यांच्या भारत जोडो यात्रेच्या समर्थनार्थ मोटार सायकल रॅलीचे आयोजन करण्यात आले होते.

कोथरूड येथील छत्रपती शिवाजी महाराज यांच्या पुतळ्यास माजी गृहराज्य मंत्री मा.आ. सतेज पाटील व अखिल भारतीय मराठी साहित्य संमेलनाचे माजी अध्यक्ष मा. लक्ष्मीकांत देशमुख, शहराध्यक्ष अरविंद शिंदे यांच्या हस्ते पुष्पहार अर्पण करून रॅलीची सुरूवात करण्यात आली संपूर्ण शहरातील प्रमुख रस्त्यांवरून ही रॅली फिरून आगाखान पॅलेस येथे तीचा समारोप करण्यात आला.

यावेळी बोलताना माजी गृहराज्य मंत्री मा.आ. सतेज पाटील म्हणाले की, ‘‘आमचे नेते राहुलजी गांधी हे कन्याकुमारीपासून काश्मिरपर्यंत भारतात तयार झालेले विषमतेचे वातावरण धर्म व जातीमधील तेढ तसेच देशातील याच्या विरोधात भारत जोडण्यासाठी यात्रा करीत आहेत. या यात्रेला संपूर्ण भारतभर मोठा प्रतिसाद मिळत असून पुण्यात देखील आज या समर्थनार्थ मोटार सायकल रॅलीचे आयोजन केले आहे.’’

मराठी साहित्य संमेलनाचे माजी अध्यक्ष मा. लक्ष्मीकांत देशमुख म्हणाले की, ‘‘गेल्या आठ वर्षांमध्ये या देशामध्ये माणासांमाणसांमध्ये तेढ निर्माण करण्याचे काही जातीयवादी शक्ती करीत आहेत. काँग्रेस नेते राहुलजी गांधी या विरोधात भारत जोडो यात्रा काढीत आहेत या यात्रेमध्ये सर्वसामान्यांबरोबरच बुध्दीजीवी वर्ग सुध्दा जोडला जात असून देश एकसंघ ठेवण्यासाठी या यात्रेचा उपयोग होत आहे.’’

यावेळी भारत जोडो यात्रेचे जिल्हा समन्वयक ॲड. अभय छाजेड, माजी मंत्री रमेश बागवे, शिवसेनेचे माजी आमदार चंद्रकांत मोकाटे, प्रशांत बधे, राष्ट्रवादी काँग्रेसचे दिपक मानकर, शुक्राचार्य वांजळे, कमल व्यवहारे, दिप्ती चवधरी, नगरसेवक चंदूशेठ कदम, दत्ता बहिरट, बाळासाहेब दाभेकर, विजय खळदकर, संगीता तिवारी, पुजा आनंद, राजेंद्र शिरसाट, मेहबुब नदाफ, मनीष आनंद, रफिक शेख, लता राजगुरू, सुजाता शेट्टी, अविनाश बागवे, रविंद्र धंगेकर, अजित दरेकर, नीता रजपूत, शिवाजी केदारी, द. स. पोळेकर, सचिन आडेकर, सुजित यादव, राजेंद्र भुतडा, प्रविण करपे, सतीश पवार, रमेश सोनकांबळे, रमेश सकट, सुनिल घाडगे, अजित जाधव, विनोद रणपिसे, साहिल केदारी, सुनिल शिंदे, राहुल शिरसाट, विशाल मलके, प्रशांत सुरसे, रजनी त्रिभुवन, शानी नौशाद, लेखा नायर, अरुण वाघमारे, भुजंग लव्हे, सुनील मलके, बाबा नायडु, भरत सुराना, मीरा शिंदे, वैशाली रेड्डी, सुनिल पंडित, भगवान कडू, अनिल अहिर, ॲड. राहुल ढाले, सेल्वराज ॲथोनी, संदिप मोकाटे, राजू मगर, दत्ता जाधव, शिवराज भोकरे, अक्षय माने, आयुब पठाण, हेमंत राजभोज, योगेश भोकरे, सौरभ अमराळे, नितीन परतानी, रवि आरडे, राहुल तायडे, शिलार रतनगिरी, विठ्ठल गायकवाड, अजित ढोकळे, कुणाल काळे, स्वाती शिंदे, पपिता सोनावणे, सुबकडेताई, शारदा वीर, आनंद दुबे, विशाल गुंड, ज्योती परदेशी, सुरेश कांबळे आदींसह पदाधिकारी, असंख्य कार्यकर्ते रॅलीमध्ये सहभागी झाले होते.

Wrestling in Karvenagar : कर्वेनगरमध्ये रंगणार कुस्तीचा आखाडा! :  मातीवरील भव्य हवेली अजिंक्यपद जिल्हास्तरीय कुस्ती स्पर्धा २०२२

Categories
Breaking News Political Sport पुणे

कर्वेनगरमध्ये रंगणार कुस्तीचा आखाडा!

:  मातीवरील भव्य हवेली अजिंक्यपद जिल्हास्तरीय कुस्ती स्पर्धा २०२२

पुणे : यंदा कर्वेनगर मध्ये कुस्तीचा आखाडा रंगणार आहे. मातीवरील भव्य हवेली अजिंक्यपद जिल्हास्तरीय कुस्ती स्पर्धा २०२२ आयोजित करण्यात आली आहे. 14 आणि 15 एप्रिलला होणाऱ्या या कुस्ती स्पर्धेचे आयोजन मैत्री प्रतिष्ठानचे संस्थापक आणि कोथरूड ब्लॉक काँग्रेसचे अध्यक्ष विजय खळदकर यांनी केले आहे.
पुणे महापालिकेच्या सम्राट अशोक शाळेच्या ज्या आखाड्यात या कुस्ती स्पर्धा होणार आहेत त्या स्व. पै. नानासाहेब बराटे क्रीडानगरी आखाड्याचे आणि मांडवाचे भूमिपूजन नुकतेच झाले. या कार्यक्रमास  हवेली अजिंक्य कुस्ती परिषदेचे सदस्य पै भारत चौधरी, पै भीमराव वांजळे, पै बाबुराव थोपटे पै संदीप वांजळे व कर्वेनगर परिवर्तन आघाडीचे सर्व सदस्य तसेच कर्वेनगर हिंगणे बु.मधील ग्रामस्थ उपस्थित होते. कार्यक्रमाचे आयोजन विजय खळदकर व  मित्र परिवार यांनी केले होते. कर्वेनगर मध्ये होणाऱ्या या स्पर्धेची कर्वेनगर वासियांसोबत आसपासच्या परिसरातील नागरिकांना देखील उत्सुकता लागून राहिली आहे.

Karvenagar Parivartan Aghadi: कर्वेनगर परिवर्तन आघाडी तर्फे हळदी कुंकू व तिळगुळ कार्यक्रमाचे आयोजन

Categories
cultural Political पुणे
कर्वेनगर परिवर्तन आघाडी तर्फे हळदी कुंकू व तिळगुळ कार्यक्रमाचे आयोजन

 

पुणे : भैरवनाथ मंदिर कर्वेनगर येथे कर्वेनगर परिवर्तन आघाडी तर्फे आज महिलांसाठी हळदी कुंक व तिळगूळ या कार्यक्रमाचे आयोजन करण्यात आले होते.

यावेळी महिला सक्षमीकरणाबाबत जनजागृतीपर विचार मांडण्यात आले. कर्वेनगर भागातील ग्रामस्थ महिला व विविध भागातील महिला व विविध क्षेत्रात कार्याचा ठसा उमटविणाऱ्या समाजातील प्रत्येक महिलांसह २००० पेक्षा अधिक महिलांची उपस्थिती राहिली. या कार्यक्रमामध्ये महिलांनी उत्स्फुर्त प्रतिसाद दिला त्यामुळे हा कार्यक्रम यशस्वी करण्यासाठी कर्वेनगर परिवर्तन आघाडी व विजय खळदकर मित्र परिवार व परिवर्तन आघाडीचे सर्व सभासद या वेळेस सर्व उपस्थित होते.

Vijay khaladkar : कर्वे नगर प्रभाग क्रमांक ३१ मध्ये विविध उपक्रमांचा नागरिकांना लाभ 

Categories
social पुणे

कर्वे नगर प्रभाग क्रमांक ३१ मध्ये विविध उपक्रमांचा नागरिकांना लाभ

: विजय खळदकर यांची संकल्पना

पुणे : कर्वे नगर मध्ये विजय खळदकर यांच्यातर्फे दि. २० ऑक्टोबर ते दि. २३ ऑक्टोबर या ४ दिवसांच्या कालावधीत प्रभागातील नागरिकांसाठी ४ मोफत उपक्रम राबवण्यात आले. या उपक्रमांमध्ये नागरिकांना मोफत आधार कार्ड काढून देणे तसेच आधार कार्डमध्ये दुरुस्ती करणे, नवीन पॅन कार्ड काढून देणे, सुकन्या योजनेचे खाते उघडून देणे आणि पोस्टाचे नवीन खाते उघडून देणे हे ४ उपक्रम राबवण्यात आले.

: विविध संस्थांचे सहकार्य

या परिसरातील नागरिकांनी प्रचंड प्रमाणात उपस्थित राहून लाभ घेतला. यावेळी स्वतः विजय खळदकर यांनी कार्यक्रमाची पाहणी केली. या उपक्रमामध्ये सुकन्या योजनेची २७९ खाती उघडून देण्यात आली, २४३ नागरिकांना नवीन आधार कार्ड काढून देण्यात आले. तसेच ४९८ नागरिकांना आधार कार्ड अपडेट करुन मोबाईल लिंक इन करून देण्यात आले. नवीन पॅनकार्ड नोंदणीचा ४४१ नागरिकांनी लाभ घेतला तसेच ९७ नागरिकांना ऑनलाइन पद्धतीने पोस्टाचे खाते उघडून देणे आले.  या कार्यक्रमाला पोस्ट ऑफिस चे कर्मचारी आणि  SAVE THE GIRL या संस्थेचे उत्तम सहकार्य लाभले. या कार्यक्रमात सहभागी होऊन हा कार्यक्रम सार्थकी लावल्याबद्दल उपस्थित सर्वांचे मनःपूर्वक आभार,असे खळदकर म्हणाले.

 

कार्यक्रमाला पोस्ट ऑफिस चे कर्मचारी आणि  SAVE THE GIRL या संस्थेचे उत्तम सहकार्य लाभले. या कार्यक्रमात सहभागी होऊन हा कार्यक्रम सार्थकी लावल्याबद्दल उपस्थित सर्वांचे मनःपूर्वक आभार.

विजय खळदकर, अध्यक्ष, कोथरूड ब्लॉक कॉंग्रेस कमिटी