पुणे : पुणे इंटरनॅशनल मॅरेथॉन ट्रस्ट, पुणे(Pune International Marathon Trust, pune) यांनी पुणे महानगरपालिकेच्या(PMC) सहकाऱ्याने ३५ वी पुणे इंटरनॅशनल मॅरेथॉन स्पर्धा(Marathon) पुणे शहरात आयोजित केलेली आहे. स्पर्धेतील यशस्वी खेळाडूंना रोख पारितोषिक महापालिकेकडून देण्यात येणार आहे. त्यासाठी महापालिकेला 35 लाख रुपये द्यावे लागणार आहेत. याबाबतच्या प्रस्तावाला नुकतीच स्थायी समितीने(PMC Standing Committee) मान्यता दिली आहे.

स्थायी समितीच्या प्रस्तावानुसार स्पर्धेतील यशस्वी खेळाडूंना रोख पारितोषिक देण्यासाठी पुणे महानगरपालिकेच्या सन २०२१-२२ च्याअंदाजपत्रकात  खेळ क्रीडांगणे या अर्थशिर्षकावर रक्कम रुपये ३५,००,०००/- (र.रु.पस्तीस लाख फक्त) ची तरतूद करण्यात आलेली आहे. सदर स्पर्धा रविवार, दिनांक २७ फेब्रुवारी २०२२ रोजी संपन्न होणार आहे. सदर स्पर्धेतील विविध गटातील यशस्वी खेळाडूंना रोख पारितोषिके पुणे महानगरपालिकेच्या वतीने देण्यात यावी. अशी विनंती पुणे इंटरनॅशनल मॅरेथॉन ट्रस्टने दिनांक २१/१०/२०२१ रोजी केली असून सोबतचे पत्राप्रमाणे केली आहे. महाराष्ट्र शासनाकडील संदर्भाकित पत्र क्र.१ व २ मधील धोरणानुसार, महानगरपालिका व नगरपालिकेस खेळ व संघ दत्तक घेणे विविध खेळांच्या खेळाडूंना बक्षिसे देणे तसेच क्रीडा विषयक बाबींवर ५ टक्के खर्च करता येतो. तरी ३५ वी पुणे इंटरनॅशनल मॅरेथॉन स्पर्धेत यशस्वी स्पर्धकांना पुणे महानगरपालिकेतर्फे मान्य तरतुदीमधून सरचिटणीस, पुणे इंटरनॅशनल मॅरेथॉन ट्रस्ट, पुणे यांचे पत्रात नमूद केल्याप्रमाणे र.रु.३४,९३,०००/- (अक्षरी – चौतीस लाख व्याण्णव हजार रुपये फक्त) रोख पारितोषिक धनादेशाद्वारे अथवा आरटीजीएस द्वारे देण्यासाठी मान्यता देण्यात येत आहे.