उपोषण करणाऱ्या खेळाडूंची नगरसेवक अमोल बालवडकर यांनी घेतली भेट
पुणे : राज्य शासनाचा क्रीडा क्षेत्रातील सर्वोच्च पुरस्कार श्री शिव छत्रपती पुरस्कार विजेत्या खेळाडूंना राज्यशासन अजूनही नोकरीचे आश्वासन देऊन ते पाळत नसल्यामुळे बालेवाडी म्हाळुंगे येथील श्री शिव छत्रपती क्रीडा संकुलाच्या प्रवेशद्वाराजवळ सर्व पुरस्कार विजेत्या खेळाडूंनी कालपासून आमरण उपोषण चालू केले आहे. सदर ठिकाणी नगरसेवक अमोल बालवडकर यांनी भेट दिली.
: खेळाडूंच्या मागण्या मान्य करा
यावेळी बालवडकर म्हणाले, राज्याचे मुख्यमंत्री व क्रीडा मंत्री यांना वेळोवेळी निवेदन देऊनही सदर बाबीकडे दुर्लक्ष करण्यात आले आहे. आता तरी राज्य शासनाने या विषयाकडे सकारात्मक दृष्टीने पाहावे आणि लवकरात लवकर या खेळाडूंच्या मागण्या मान्य कराव्यात अशी अपेक्षा यावेळी व्यक्त केली.
या प्रसंगी पुरस्कारप्राप्त खेळाडू विकास बबन काळे (कबड्डी), लौकिक जगन्नाथ फुलकर (आट्यापाट्या), सागर गणेशराव गुल्लानी (आट्यापाट्या), स्नेहा ढेपे (तलवारबाजी), भाजपा नेते काळुराम गायकवाड, सुनील पहाडे, ॲड. माणिक रायकर, शकील सय्यद आदी उपस्थित होते.
