पुणे : पुण्याचे महापौर मुरलीधर मोहोळ यांना कोरोनाची लागण झाली आहे. महापौरांनी ही माहिती ट्विटर च्या माध्यमातून दिली आहे. दरम्यान आपली प्रकृती स्थिर असल्याचे महापौरांनी म्हटले आहे. या अगोदर पहिल्या लाटेत देखील महापौरांना कोरोना होऊन गेला आहे.

महापौर मुरलीधर मोहोळ यांनी सांगितले की, कोरोनाची काहीशी लक्षणे जाणवल्यावर RT-PCR चाचणी केली असता माझा कोरोना अहवाल पॉझिटिव्ह आला आहे. माझी प्रकृती स्थिर असून संपर्कात आलेल्यांनी डॉक्टरांच्या सल्ल्याने चाचणी करुन घ्यावी. आपल्या सदिच्छांच्या पाठबळावर लवकरच बरा होऊन आपल्या सेवेत असेल.

दरम्यान या अगोदर पहिल्या लाटेत देखील महापौरांना कोरोना होऊन गेला आहे. त्यांचे लसीचे दोन्ही डोस झाले आहेत.