पुणे राष्ट्रवादी कॉंग्रेस भावूक
: पवार साहेबांच्या आरोग्यासाठी दगडूशेठला आरती
पुणे : राष्ट्रवादी काँग्रेस पार्टीचे अध्यक्ष शरदचंद्रजी पवार साहेब यांना कोरोनाची लागण झाल्यानंतर चोहोबाजूंनी सदिच्छांचा वर्षाव सुरू झाला. अनेकांनी ट्विटरच्या माध्यमातून आपल्या सदिच्छा व्यक्त केल्या. पुणे शहर राष्ट्रवादी काँग्रेसच्या वतीनेही शरदचंद्रजी पवारसाहेब यांचे आरोग्य उत्तम राहावे यासाठी प्रार्थना म्हणून पुण्याचे दैवत श्रीमंत दगडूशेठ हलवाई गणपती मंदिरात आरती करण्यात आली. राष्ट्रवादी काँग्रेस पार्टीचे पुणे शहराध्यक्ष प्रशांत जगताप यांच्यासह अनेक पदाधिकारी व कार्यकर्त्यांनी श्रीमंत दगडूशेठ हलवाई गणेश मंदिरात आरती करून शरदचंद्रजी पवार यांच्या उत्तम आरोग्य व दीर्घायुष्यासाठी प्रार्थना केली.
