ओव्हरपास तोडताना काही नुकसान, असुविधा झाल्यास NHAI जबाबदार राहणार नाही
| चांदणी चौक फ्लायओव्हर कामाच्या संदर्भात NHAI चे जाहीर आवाहन
महाराष्ट्र राज्यातील पुणे शहरातील मुंबई बेंगलोर राष्ट्रीय महामार्ग क्रं. ४ वरील चांदणी चौक जंक्शन येथे कि.मी. ८४२.५८० वर फ्लायओव्हर व त्याला जोडणाऱ्या रस्त्यांचे काम प्रगतीवर आहे.
या प्रकल्पांतर्गत हायवेवरील अस्तित्वात असणारा पुणे (बावधन) एन.डी.ए / मुळशी ओव्हरपास तोडून त्या ठिकाणी नवीन ओव्हर पास बांधणे प्रस्तावित आहे. अस्तित्वातील ओव्हरपासची पाहणी केली असता त्यावरुन काही सेवा वाहिन्या (पाणी पुरवठा, टेलीफोन, विदयूत वाहीनी, ओएफसी केबल्स इ.) टाकलेल्या निदर्शनास आले. सदरील अस्तित्वातील ओव्हरपास दि. १२.०९.२०२२ ते १५.०९.२०२२ च्या दरम्यान पाडण्याचे नियोजन आहे.
जिल्हा प्रशासन, स्थानिक प्रशासन व जनतेस विनंती करण्यात येते की, संदर्भीय ओव्हरपासच्या दरम्यान आपल्या काही सेवा वाहिन्या असल्यास दि. १०.०९.२०२२ पर्यंत स्वखर्चाने काढून घेण्यात याव्यात. त्यानंतर जर ओव्हरपास तोडताना काही नुकसान / असुविधा झाल्यास हे कार्यालय जबाबदार राहणार नाही याची सर्व संबंधीतांनी नोंद घ्यावी. राष्ट्रीय कामास सहकार्य करावे ही विनंती. असे प्रकल्प संचालक, भारतीय राष्ट्रीय राजमार्ग प्राधिकरण, पुणे यांनी म्हटले आहे.