राज्यात तापमानाचा पारा वाढला
पुणे : राज्यातील काही भागात थंडी ओसरत असल्याचं समोर येत आहे. फेब्रुवारीच्या दुसऱ्या आठवड्यात काही भागात या वर्षातील उच्चांकी तापमानाची नोंद झाली आहे. दिवसा उन्हाचा तडाखा आणि रात्रीची थंडी असं मिश्र वातावरण राज्यात पाहायला मिळतंय. (Maharashtra Weather Update)
सध्या कमाल आणि किमान तापमानात जवळपास २० अंश सेल्सिअसचा फरक जाणवतोय. पश्चिम महाराष्ट्रातील काही जिल्ह्यांमध्ये सकाळच्या वेळी धुक्याची चादर पसरल्याचं चित्र आहे.उत्तर महाराष्ट्रातही हीच परिस्थिती असली, तरीही दिवसभर उन्हाचे चटके बसायला सुरुवात झाली आहे. पुण्यात मागील चोवीस तासात सर्वाधिक म्हणजेच 32 डिग्री सेल्सिअस तापमानाची नोंद झाली आहे. मराठवाडा आणि विदर्भात हळूहळू दिवस मोठा होत असून दिवसा तापमान वाढलं आहे.