पुणे : उपमुख्यमंत्री अजित पवार प्रशासकीय कामात अत्यंत चोख असतात, हे महाराष्ट्राने पहिलेच आहे. शिवाय कामात शिस्तप्रिय आणि जास्त काम करणारे म्हणून देखील ओळख आहे. त्यांच्या कार्यपद्धतीचे अजून एक नवीन दर्शन घडले आहे. महापालिकेची मुदत संपत आल्याने राष्ट्रवादीचे नगरसेवक आपल्या प्रभागातील विकास कामाचे उदघाटन करून घेण्यासाठी अजित दादांना बोलवत आहेत. मात्र उदघाटन करण्याआधी संबंधित कामाला प्रशासकीय मान्यता तसेच इतर परवानग्या घेतल्या आहेत, याची चाचपणी उपमुख्यमंत्री करत आहेत. तशी माहिती देखील त्यांच्या खाजगी सचिवांनी महापालिका तसेच जिल्हा प्रशासनाकडून मागवली आहे.

महापालिकेतील सध्याच्या नगरसेवकांची मुदत 14 मार्च ला संपत आहे. त्यामुळे सर्वच पक्षातील नगरसेवक आपापल्या प्रभागातील विकास कामाचे उदघाटन करून घेण्यात व्यस्त आहेत. शनिवार आणि रविवार तर उदघाटनाचाच वार ठरणार आहे. तसेच जिल्हा परिषदेची देखील मुदत संपत आहे. त्यामुळे तेथील सदस्य देखील गावामध्ये उदघाटनाचे कार्यक्रम घेत आहेत. सर्वांनाच उपमुख्यमंत्र्यांनी आपल्या कार्यक्रमाला यावे, असे वाटते. त्यामुळे सर्वानी अजित दादांची वेळ मागितली आहे. दादा या सर्व कार्यक्रमाला येणार आहेत. रविवारी होणाऱ्या उदघाटनाची संख्या जास्त आहे. यामध्ये आमदार सुनील टिंगरे यांच्या मतदार संघातील बरीच कामे, नगरसेवक  युवराज बेलदरे, रेखा टिंगरे, सागर काळभोर, दीपाली धुमाळ तसेच जिल्हा परिषद सदस्यांच्या विकास कामाचा समावेश आहे.

मात्र यात काही कसूर राहू नये, याची काळजी उपमुख्यमंत्री घेत आहेत. उदघाटन करण्याआधी संबंधित कामाला प्रशासकीय मान्यता तसेच इतर परवानग्या घेतल्या आहेत, याची चाचपणी उपमुख्यमंत्री करत आहेत. तशी माहिती देखील त्यांच्या खाजगी सचिव अविनाश सोलवट यांनी महापालिका तसेच जिल्हा प्रशासनाकडून मागवली आहे. अजित दादांच्या या कार्यपद्धतीमुळे त्यांचा प्रशासकीय कामातील चोखपणा दिसून येतो.

उपमुख्यमंत्री अजित पवार यांचे यांचा रविवार, दिनांक १३ मार्च, २०२२ रोजी पुणे दौरा कार्यक्रम

■ सकाळी ७.०० वाजता सुस गाव येथील नाला व रस्ता रूंदीकरणाच्या कामांची पाहणी

■ सकाळी ७.३० वाजता वारजे माळवाडी येथे क्रीडा संकुल व क्लब हाऊस- भूमिपूजन समारंभ

■ सकाळी ८.०० वाजता- वारजे येथे कै. सुभदा प्रभाकर बराटे मल्टिस्पेशालिटी व मॅटर्निटी रूग्णालयास सदिच्छा भेट

■ सकाळी ८.३० वाजता- शिवणे येथे शिवणे-नांदेड पूलाचा उद्घाटन समारंभ व विविध विकास कामांचे लोकार्पण, उद्घाटन व भूमिपूजन

■ सकाळी ९.०० वाजता कात्रज डेअरी सरहद शाळा चौक येथे
कात्रज डेअरीमधून जाणारा २४ मीटर सहकार महर्षी मामासाहेब मोहोळ रस्ता लोकार्पण सोहळा

■ सकाळी ९.४५ वाजता- राजीव गांधी नगर बालाजी नगर, पुणे येथे स्व.माणिकचंद नारायणदास दुगड रूग्णालयाचा लोकार्पण सोहळा

■ सकाळी -१०.२५ वाजता- सुखसागर नगर येथे विविध विकास कामांचा लोकार्पण सोहळा
१) डॉ.ए.पी.जे. अब्दुल कलाम क्रीडा संकुल
२) पोलीस चौकी
३)महिला बचत गट कार्यालय ४) कै. किसनराव माऊली कदम उद्यान प्रयाण

■ सकाळी ११.०० मिठानगर, काँढवा खुर्द, येथे
१) माँ खदीजा (र.अ.) प्रसुतिगृहाचा लोकार्पण सोहळा
२) हजरत अब्दुल रहेमान (रहे) ओटा मार्केटचा लोकार्पण सोहळा

■ सकाळी-११.४५ वाजता- कौसर बाग येथे विविध विकास कामांचा भूमिपूजन कार्यक्रम
१) डॉ. सय्यदना मोहम्मद बुराउद्दीन उद्यान
२) ‘बाग जन्नत’ कब्रस्तान ३)मुख्य भैरोबानाला ते एन.आय.बी.एम परिसर मलवाहिनी

■ दुपारी – १२.३० वाजता वानवडी येथे विविध विकास कामांचा भूमिपूजन / लोकार्पण सोहळा
१) ४५ फूट उंच राष्ट्रध्वज भूमिपूजन
२) १०० बेडचे रूग्णालय व ३) बॅडमिंटन हॉल लोकार्पण

■ दुपारी १.१५ वाजता ११० रामटेकडी, प्रभाग क्र. २४ येथे विविध विकास कामांचा लोकार्पण सोहळा –
१) पंचशील बुद्ध विहार
२) डॉ. बाबासाहेब आंबेडकर सांस्कृतिक भवन

■ दुपारी ३.०० वाजता
कृषिभवन, शिवाजीनगर येथे जिल्हास्तरीय धान्य महोत्सव कार्यक्रमास भेट

■ दुपारी ४.१० वाजता पंचशील चौक, ताडीवाला रोड, पुणे येथे आगमन नूतनीकृत शिल्पाचे लोकार्पण

■ दुपारी ४.३० वाजता प्रभाग क्र. फुलेनगर-नागपूर चाळ, आळंदी रोड येथे स्वर्गीय माजी महापौर भारतजी सावंत पाम उद्यानाचे उद्घाटन

■ सायंकाळी ५.१५ वाजता धानोरी जकात नाका, धानोरी येथे विविध विकास कामांचे उद्घाटन
१) राजयोग मेडिटेशन सेंटर
२) अग्निशामक केंद्र
३) माजी सैनिक सांस्कृतिक भवन
४) भव्य उद्यान

■ सायंकाळी ६.०० वाजता वडगांव शिंदे रोड, लोहगाव, येथे’ब्रिलियंट इंटरनॅशनल स्कूल’ भूमिपूजन सोहळा

■ सायंकाळी ६.५० वाजता प्रभाग क्रं. ०३, खराडी, येथेऑक्सिजन पार्कचे भूमिपूजन व सभा