पुणे : पुणे महानगरपालिकेच्या सन 2022 मध्ये होणार्‍या सार्वत्रिक निवडणुकीची प्रभाग रचना आज जाहीर झाली असून संपूर्ण शहरात याची चर्चा जोरदार आहे. राष्ट्रवादी काँग्रेस पार्टीचाच महापौर पुणे महानगरपालिकेत बसेल असे आज मी खात्रीने सांगते. असा दावा महापालिकेतील विरोधी पक्ष नेत्या आणि राष्ट्रवादी नेत्या दीपाली धुमाळ यांनी केला आहे.

धुमाळ यांनी सांगितले, भारतीय जनता पार्टीने गेल्या पाच वर्षात केलेला भ्रष्ट कारभार, जलपर्णी साठी 23 कोटी खर्च, नदी प्रदूषण, वाहतूक समस्या, अशा अनेक समस्या व घोटाळे बघता पुणे महानगरपालिकेतील भाजपची सत्ता नक्कीच जाईल. राष्ट्रवादी स्वबळावर लढली तरी महापौर राष्ट्रवादीचाच असेल असा विश्वास वाटतो कारण प्रभाग रचना जाहीर झाल्या आणि भाजपच्या गोटात खळबळ उडाली.

भाजपच्या नगरसेवकांनी प्रभागातील नागरिकांच्या मूलभूत प्रश्न देखील सोडवले नाही म्हणून त्यांच्या पायाखालची वाळू सरकली आहे असे म्हटले तरी वावगे होणार नाही