Tag: Deepali Dhumal

PMC PT 3 Form | Pune Property Tax | PT-3 अर्ज भरून देण्याचा उद्याचा शेवटचा दिवस | मिळकत करातून महापालिकेला 1630 कोटींचे उत्पन्न प्राप्त

Categories
Breaking News PMC Political social पुणे

PMC PT 3 Form | Pune Property Tax | PT-3 अर्ज भरून देण्याचा उद्याचा शेवटचा दिवस

| मिळकत करातून महापालिकेला 1630 कोटींचे उत्पन्न प्राप्त

PMC PT 3 form | Pune Property tax | पुणे महानगरपालिकेच्या (Pune Municipal Corporation) कर आकारणी विभागाचे फॉर्म PT-3 (PMC Property tax Department PT 3 Form) भरून देण्याची मुदत 15 नोव्हेंबर रोजी संपत होती.  मात्र दिवाळीची सुट्टी आणि नागरिकांची मागणी पाहता ही मुदत 30 नोव्हेंबर पर्यंत वाढवण्याचा निर्णय महापालिका प्रशासनाच्या वतीने घेण्यात आला होता. त्यानुसार अर्ज भरण्याचा उद्याचा शेवटचा दिवस आहे. दरम्यान या कालावधीत महापालिकेकडे 2 लाखाहून अधिक अर्ज प्राप्त झाले आहेत. अशी माहिती कर आकारणी व कर संकलन विभागाचे प्रमुख अजित देशमुख (Ajit Deshmukh) यांनी दिली. (PMC Property tax Department PT 3 Form)
  पुणे महानगरपालिकेकडून (Pune Municipal Corporation) केवळ निवासी मिळकतींना (Residential property) स्वःवापराकरिता देण्यात येणारी ४०% सवलत (40% Discount) कायम करण्यात आली आहे. ज्या नव्याने बांधकाम झालेल्या निवासी मिळकतींची आकारणी ४०% सवलत न देता ०१.०४.२०१९ पासून पुढे झालेली आहे त्या सर्व मिळकतींना व ज्या मिळकतींची ४०% सवलत जी.आय.एस. सर्व्हे अंतर्गत दि.०१.०४.२०१८ पासून रद्द करण्यात आली आहे व अशा मिळकतींना ह्यापूर्वी फरकाची देयके (PMC property Tax bill) पाठवण्यात आली होती अशा सर्व मिळकतींना ४०% सवलतीचा लाभ ०१.०४.२०२३ पासून पुढील कालावधीकरिता देण्यात येत आहे. (PMC property Tax)
वरील सर्व मिळकतींना ४०% सवलतीचा लाभ आकारणी दिनांक/दुरुस्ती दिनांकापासून (म्हणजेच ज्या निवासी मिळकतींना दि. ०१.०४.२०१८ पासून दि. ३१.०३.२०२३ पर्यंत सवलत देय आहे परंतु दिली गेलेली नाही) ती सवलत घेणेकरिता व देण्यात आलेली सवलत ०१.०४.२०२३ पासून पुढील कालावधीकरिता सुरु राहणेकरिता मिळकतधारकाने PT-३ अर्ज (PT 3application form) संपूर्ण पुराव्यांसह १५ नोव्हेंबर २०२३ पूर्वी कर आकारणी व कर संकलन (pmc pune property Tax department) खात्याकडे सादर करणे आवश्यक राहील. असे महापालिकेकडून सांगण्यात आले होते. संबंधित मिळकतधारकांनी संपूर्ण मिळकतकर भरला असल्यास जादा जमा होणारी रक्कम PT-३ अर्ज भरून दिलेनंतर पुढील ४ वर्षांचे समान हप्त्यात आर्थिक वर्षाच्या देयकातून समायोजित करण्यात येईल. विहित मुदतीत अर्ज सादर न केल्यास मिळकतीचा वापर मिळकतधारक स्वः वापराकरिता करीत नसल्याचे गृहीत धरून अशा मिळकतीची सन २०२३-२४ करिता
दिली गेलेली सवलत रद्द करण्यात येईल. दरम्यान ही मुदत आता महापालिका प्रशासनाने वाढवली आहे. आता ही मुदत 30 नोव्हेंबर असणार आहे. दिवाळीची सुट्टी आल्याने नागरिकांनी मुदत वाढवण्याची मागणी केली होती. त्यानुसार प्रशासनाने हा निर्णय घेतला होता. मात्र ही मुदत आता उद्या संपत आहे.  (Pune property tax)

| पुन्हा मुदत वाढवण्याची दीपाली धुमाळ यांची मागणी

दरम्यान PT 3 अर्ज भरण्यासाठी पुन्हा एकदा मुदत वाढवण्याची मागणी माजी विरोधी पक्षनेत्या दीपाली धुमाळ यांनी केली आहे. महापालिका आयुक्तांना याबाबत धुमाळ यांनी पत्र दिले आहे. पत्रानुसार महापालिकेकडे 2 लाख लोकांनी PT 3 अर्ज भरले आहेत. अजून 1 लाख लोकांना अर्ज भरायचे आहेत. त्यामुळे मुदत वाढवण्याची मागणी धुमाळ यांनी केली आहे.

| महापालिकेला 1630 कोटींचे उत्पन्न

पुणे महापालिकेला मिळकत करातून 1630 कोटींचे उत्पन्न प्राप्त झाले आहे. आजच्या एकाच दिवशी 17 कोटीचे उत्पन्न मिळाले आहे. दरम्यान कर आकारणी आणि कर संकलन विभागाने कर वसुलीवर चांगलाच जोर दिला आहे.

PMC Primary  Éducation Department | वारजे माळवाडीतील बराटे शाळेतील शिक्षक प्रश्नाबाबत महापालिका सकारात्मक | प्रशासन आणि पालकांची उद्या एकत्रित बैठक

Categories
Breaking News Education PMC Political पुणे

PMC Primary  Éducation Department | वारजे माळवाडीतील बराटे शाळेतील शिक्षक प्रश्नाबाबत महापालिका सकारात्मक | प्रशासन आणि पालकांची उद्या एकत्रित बैठक

PMC Primary Education Department | पुणे | वारजे माळवाडी मधील पुणे महानगरपालिका शिक्षण विभागाची (PMC Primary Education Department) कै. शामराव श्रीपती बराटे मराठी व इंग्रजी माध्यमाची शाळा आहे. इंग्रजी माध्यमातील शाळेत 6 शिक्षकांची कमी आहे. यामुळे विद्यार्थ्यांच्या पालकांमध्ये असंतोषाचे वातावरण तयार झाले होते. त्याबाबत शाळेत अतिरिक्त शिक्षक उपलब्ध करून देण्याची मागणी महापालिकेच्या माजी विरोधी पक्षनेत्या दीपाली धुमाळ (Deepali Dhumal) आणि शिक्षण मंडळाचे माजी अध्यक्ष प्रदीप बाबा धुमाळ यांनी केली होती. याबाबत The Karbhari ने वृत्त प्रसारित केले होते. त्याला प्रशासनाने सकारात्मक प्रतिसाद दिला आहे. शिक्षण विभागाने या प्रश्नाबाबत प्रशासन व पालकांची एकत्रित बैठक बोलावली आहे.  (Pune Municipal Corporation)

प्र.क्र. ३२ वारजे माळवाडी मधील पुणे महानगरपालिका शिक्षण विभागाची कै. शामराव श्रीपती बराटे मराठी व इंग्रजी माध्यमाची शाळा आहे. सदर शाळेत गेले अनेक दिवसांपासून इंग्रजी व मराठी माध्यमाच्या शाळेत 6 शिक्षक कमी आहे. उपलब्ध असलेल्या शिक्षकांना
२ ते ३ वर्ग घ्यावे लागतात . त्याचप्रमाणे काही वर्गांना शाळेतील शिपाई तसेच बालवाडी शिक्षिका, मावशी व काही वेळेला पालक सुद्धा वर्गांना शिकवीत आहेत. इंग्रजी माध्यमाची शाळेची गुणवत्ता व शैक्षणिक दर्जा अत्यंत चांगला असुन या वर्षी झालेल्या स्कॉलरशिप परीक्षेत १७ विद्यार्थी गुणवत्ता यादी मध्ये आलेले आहेत. मात्र शिक्षक कमी असल्याने दर्जा खालावत आहे. (PMC School)

याबाबत परिसरातील पालकांनी दीपाली धुमाळ आणि प्रदीप बाबा धुमाळ यांच्याकडे समस्या मांडली होती. धुमाळ यांनी याबाबत पाठपुरावा करत प्रशासनाने लक्ष देण्याची मागणी केली होती. त्यानुसार शिक्षण विभागाने सकारात्मक प्रतिसाद दिला आहे. हा प्रश्न सोडवण्यासाठी पालक आणि प्रशासन यांची एकत्रित बैठक उद्या बोलावण्यात आली आहे. उपायुक्त राजीव नंदकर, शिक्षण प्रमुख श्री राठोड, उप शिक्षण प्रमुख शुभांगी चव्हाण, सहायक प्रशासकीय अधिकारी, पर्यवेक्षिका व दोन्ही शाळांचे मुख्याध्यापिका यांच्या समवेत ही बैठक होणार आहे.
 (Pune Municipal Corporation school)
—
बराटे इंग्रजी शाळेत 6 शिक्षकांची कमी आहे, ही वस्तुस्थिती आहे. याबाबत आम्ही शिक्षण विभाग आणि पालकांची एकत्रित बैठक बोलावली आहे. हा प्रश्न तात्काळ सोडवला जाईल. नुकतीच काही इंग्रजी माध्यमासाठी शिक्षकांची भरती करण्यात आली आहे. त्यातील काही शिक्षक या शाळेत देण्यात येतील.
– राजीव नंदकर, उपायुक्त, पुणे मनपा 
——-

PMC Primary Éducation Department | वारजे माळवाडीतील बराटे शाळेत 13-14 शिक्षक कमी | पालकांकडून आंदोलनाचा इशारा

Categories
Breaking News Education PMC Political social पुणे

PMC Primary  Éducation Department | वारजे माळवाडीतील बराटे शाळेत 13-14 शिक्षक कमी | पालकांकडून आंदोलनाचा इशारा

PMC Primary Education Department | पुणे | वारजे माळवाडी मधील पुणे महानगरपालिका शिक्षण विभागाची (PMC Primary Education Department) कै. शामराव श्रीपती बराटे मराठी व इंग्रजी माध्यमाची शाळा आहे. या शाळेत 13-14 शिक्षकांची कमी आहे. यामुळे विद्यार्थ्यांच्या गुणवत्तेचा प्रश्न निर्माण होऊ लागला आहे. त्यामुळे पालकांमध्ये असंतोषाचे वातावरण असून त्यांनी आंदोलनाचा इशारा दिला आहे. तरी या शाळेत अतिरिक्त शिक्षक उपलब्ध करून देण्याची मागणी महापालिकेच्या माजी विरोधी पक्षनेत्या दीपाली धुमाळ (Deepali Dhumal) यांनी महापालिका आयुक्त यांच्याकडे केली आहे. (Pune Municipal Corporation)

दीपाली धुमाळ यांच्या पत्रानुसार प्र.क्र. ३२ वारजे माळवाडी मधील पुणे महानगरपालिका शिक्षण विभागाची कै. शामराव श्रीपती बराटे मराठी व इंग्रजी माध्यमाची शाळा आहे. सदर शाळेत गेले अनेक दिवसांपासून इंग्रजी व मराठी माध्यमाच्या शाळेत १३ ते १४ शिक्षक कमी आहे. उपलब्ध असलेल्या शिक्षकांना
२ ते ३ वर्ग घ्यावे लागतात . त्याचप्रमाणे काही वर्गांना शाळेतील शिपाई तसेच बालवाडी शिक्षिका, मावशी व काही वेळेला पालक सुद्धा वर्गांना शिकवीत आहेत. इंग्रजी माध्यमाची शाळेची गुणवत्ता व शैक्षणिक दर्जा अत्यंत चांगला असुन या वर्षी झालेल्या स्कॉलरशिप परीक्षेत १७ विद्यार्थी गुणवत्ता यादी मध्ये आलेले आहेत. (PMC School)

 धुमाळ यांच्या पत्रात पुढे म्हटले आहे कि, शाळेची गुणवत्ता व दर्जा टिकवण्यासाठी कमी असलेले शिक्षकांची जागा भरणे अत्यंत गरजेचे आहे. शिक्षक कमी असल्याने पालकांमध्ये देखील असंतोष निर्माण होत आहे. वारंवार मागणी करूनही अद्यापही शिक्षकांची नेमणूक केली जात नाहीये. तरी येत्या गुरुवार २६ ऑक्टोबर २०२३ पर्यंत या शाळेत शिक्षकांची नेमणूक न केल्यास शाळेतील विद्यार्थी व त्यांच्या पालकांनी आपल्या महापलिकेच्या कार्यालय येथे येऊन आंदोलन करण्याची कठोर भूकिमा घेण्याचा इशारा दिला आहे. तरी लवकरात लवकर कै. शामराव श्रीपती बराटे या शाळेत कमी असलेल्या शिक्षकंची नेमणूक करण्यात यावी. अशी मागणी धुमाळ यांनी केली आहे. (Pune Municipal Corporation school)
——-

PMC Shahari Garib Yojana | शहरी गरीब योजनेची उत्पन्न मर्यादा 2 लाख करा | दिपाली धुमाळ यांची महापालिका आयुक्तांकडे मागणी 

Categories
Breaking News PMC Political social पुणे

PMC Shahari Garib Yojana | शहरी गरीब योजनेची उत्पन्न मर्यादा 2 लाख करा | दिपाली धुमाळ यांची महापालिका आयुक्तांकडे मागणी

PMC Shahari Garib Yojana | पुणे | शहरातील नागरिकांना पुणे महापालिकेच्या शहरी गरीब योजनेचा (PMC Shahari Garib Yojana) लाभ घेण्यासाठी वार्षिक उत्पन्नाची अट १ लाख ६० हजार आहे. तरी ती वाढवून २ लाख रुपये करावी, अशी मागणी माजी विरोधी पक्षनेत्या दिपाली धुमाळ (Deepali Dhumal) महापालिका आयुक्तांकडे केली आहे. तसेच योजनेतील सवलती पूर्वीप्रमाणे ठेवाव्यात, अशीही मागणी धुमाळ यांनी केली आहे. (Pune Municipal Corporation)

धुमाळ यांच्या पत्रानुसार पुणे शहरामध्ये शहरी गरीब सहाय्य योजनेचा लाभ अनेक नागरिक घेत आहे व अनेक नागरिकांनी घेतलेला आहे. पूर्वी या योजनेच्या अंतर्गत रुग्ण हॉस्पिटल मध्ये दाखल झाल्यापासून ते डिस्चार्ज मिळेपर्यंतची सर्व दिवसांचे जे काही हॉस्पिटलचा फी किंवा बिल दिले जायचे त्याच्या निम्मे ५०% बिल माफ करण्यात यायचे. परंतु सध्या पालिकेने यामध्ये बदल केला असून रुग्ण हॉस्पिटल मध्ये दाखल झाल्यानंतर जोपर्यंत शहरी गरीब योजनेचे कार्ड ज्या दिवशी हॉस्पिटलमध्ये दाखल करतो तेव्हा पासून पुढचे बिलात सवलत दिली जाते. पूर्वी सारखे संपूर्ण दिवसाच्या बिलात सवलत दिली जात नाही. यामुळे अनेक रुग्णांना नागरिकांना आर्थिक भुर्दड बसत असून अगोदरच आर्थिक संकटात असलेल्या नागरिकांना सावकारी कर्ज काढण्याची वेळ येत आहे. (PMC Urban Poor Health Scheme)

धुमाळ यांनी पुढे म्हटले आहे कि, त्यामुळे या  योजनेत नव्याने बदल न करता पूर्वीप्रमाणे सवलती मिळाव्यात. तसेच या योजनेचा लाभ अनेक गोर गरीब नागरिक घेत आहेत त्यामुळे या योजनेचा लाभ घेण्यासाठी वार्षिक उत्पन्नाची अट १ लाख ६० हजार आहे. तरी ती वाढवून २ लाख रुपये करण्यात यावी. असे ही धुमाळ यांनी म्हटले आहे.

Senior Citizens Health | PMC Health Department | शहरातील ज्येष्ठ नागरिकांच्या आरोग्याची काळजी घेणार पुणे महापालिका

Categories
Breaking News PMC Political social आरोग्य पुणे

Senior Citizens Health | PMC Health Department | शहरातील ज्येष्ठ नागरिकांच्या आरोग्याची काळजी घेणार पुणे महापालिका

| वर्षातून दोनदा सर्व प्रकारच्या आरोग्य तपासण्या केल्या जाणार

Senior Citizens Health | PMC Health Department |  पुणे शहरातील ज्येष्ठ नागरिकांच्या आरोग्याबाबत पुणे महापालिकेने (Pune Municipal Corporation) गंभीरपणे पाऊल उचलले आहे. त्यानुसार ज्येष्ठ नागरिकांच्या वर्षातून दोनदा सर्व प्रकारच्या आरोग्य तपासण्या केल्या जातील. तसेच महापालिकांच्या दवाखान्यामध्ये आठवड्यातून एक दिवस ज्येष्ठ नागरिकांच्या आरोग्यविषयक समस्यांबाबत राखीव ठेवला जाणार आहे. लवकरच याबाबत अंमल केला जाणार आहे. अशी माहिती महापालिका आरोग्य विभागाचे प्रमुख डॉ भगवान पवार (PMC Health Department Chief Dr Bhagwan Pawar) यांनी दिली. (Senior Citizens Health | PMC Health Department)
शिक्षण मंडळाचे माजी अध्यक्ष प्रदीप धुमाळ (Pradeep Dhumal) आणि महापालिकेच्या माजी विरोधी पक्षनेत्या दीपाली धुमाळ (Deepali Dhumal) यांच्या पुढाकारातून ही बैठक घेण्यात आली. यावेळी उप आरोग्य अधिकारी डॉ कल्पना बळिवंत (Deputy Health Officer Dr Kalpna Baliwant), सहायक आरोग्य अधिकारी डॉ वैशाली जाधव (Assistant Health Officer Dr Vaishali Jadhav), समाज विकास विभागाचे उपायुक्त नितीन उदास (Deputy Commissioner Nitin Udas), प्रदीप धुमाळ तसेच ज्येष्ठ नागरिक संघाचे सदस्य मधुकर पवार, डि के जोशी, नंदकुमार बोधाई, गोपाळराव कुलकर्णी, दिलीप पवार; मुरलीधर रायबागकर, सौ माधुरी पवार व इतर अनेक ज्येष्ठ नागरिक संघाचे पदाधिकारी उपस्थित होते. (Pune Municipal Corporation News)
याबाबत डॉ पवार यांनी सांगितले कि, ज्येष्ठ नागरिकांच्या समस्या बाबत मुख्यमंत्री यांच्याकडे बैठक झाली होती. त्यानुसार मुख्यमंत्री कार्यालयाकडून आदेश

आला होता कि ज्येष्ठ नागरिक संघ सोबत बैठक घ्या. त्यानुसार याचे आयोजन करण्यात आले होते. त्यानुसार संघांच्या मागणीनुसार या बैठकीत चर्चा झाली.  ज्येष्ठ नागरिकांची वर्षातून दोन वेळा आरोग्य तपासणी करण्यात येईल.   तसेच ज्येष्ठांच्या आरोग्य विषयक समस्यांसाठी आठवड्यातून एक दिवस दिवस राखीव  ठेवला जाईल. त्यासाठी ज्येष्ठानी आभा कार्ड काढणे आवश्यक आहे. तसे निर्देश संघाला दिले आहेत. तर उप आरोग्य अधिकारी डॉ कल्पना बळिवंत यांनी सांगितले कि या विषयावरून आधीच समाज विकास विभागा सोबत चर्चा करून धोरण करायचं ठरवलं होतं. ते धोरण तयार करून त्याचा मसुदा सर्व विभागांना पाठवला होता. सध्या हा मसुदा Pmpml कडे आहे. लवकरच समाज विकास विभाग याबाबत धोरण तयार करेल.
—
पुणे शहरांमध्ये असलेल्या अनेक ज्येष्ठ नागरिक संघ आहेत. हे ज्येष्ठ नागरिक संघ वर्षभर साहित्य, संगीत कला क्रीडा संदर्भात विविध उपक्रमांचे नियमित आयोजन करून नागरिकांचे मनोरंजन करत असतात. या सर्व ज्येष्ठ नागरिक संघांमध्ये ज्येष्ठ सभासदांची संख्या मोठ्या प्रमाणात आहे. त्यानुसार त्यांना आरोग्य विषयक  सुविधा, आरोग्य चाचणी व अन्य सुविधा ज्येष्ठ नागरिक सभासदांना उपलब्ध करून देण्याची मागणी आम्ही महापालिका प्रशासनाकडे केली होती. त्याला प्रशासना कडून सकारात्मक प्रतिसाद देण्यात आला आहे.
– दीपाली धुमाळ, माजी विरोधी पक्षनेत्या, पुणे महापालिका. 
—-
News Title | Senior Citizens Health | PMC Health Department | Pune Municipal Corporation will take care of the health of the senior citizens of the city

Deepali Dhumal | 40% सवलत दिल्याबद्दल आभार, पण तीनपट टॅक्स आकारणी एकपट करण्याचे आश्वासन हवेत | दिपाली धुमाळ 

Categories
Breaking News PMC Political पुणे

40 टक्के सवलत दिल्याबद्दल आभार, पण तीनपट टॅक्स आकारणी एकपट करण्याचे आश्वासन हवेत | दिपाली धुमाळ

 

महाराष्ट्राचे मुख्यमंत्री एकनाथ शिंदे, उपमुख्यमंत्री देवेन्द्र फडणवीस व पुण्याचे पालकमंत्री चंद्रकांत दादा पाटील यांनी पुणेकरांना मिळकत करात 40 टक्के सवलत देणार व तीनपट टॅक्स आकारणी एकपट करणार असे जाहीर केले होते. मात्र तीनपट बाबतचे आश्वासन हवेतच विरले आहे. अशी आलोचना राष्ट्रवादीच्या माजी विरोधी पक्षनेत्या दिपाली धुमाळ यांनी केला आहे.

धुमाळ यांच्यानुसार मंत्री मंडळाने निर्णय घेताना 40 टक्के सवलत बाबत निर्णय घेण्यात आला असून तीनपट टॅक्स आकारणी बाबत निर्णय झालेला नाही. समाविष्ट गावातील व्यवसाय धारक, छोटे छोटे दुकान धारक यांना तीनपट टॅक्स आकारणी केली असून ती अन्यायकारक आहे असे त्यांचे म्हणणे होते विधानसभेत यावर चर्चा देखील झाली होती.  असे असताना छोट्या व्यवसाय धारकांवर अन्याय होत आहे. तरी, तीनपट टॅक्स बाबत तातडीने निर्णय घ्यावा अशी मागणी महाराष्ट्र शासनाकडे केली आहे. असे धुमाळ यांनी सांगितले.

Deepali Dhumal | शहराच्या पश्चिम भागात नवीन हॉट मिक्स ( डांबर ) प्लांट सुरू करण्याची मागणी

Categories
Breaking News PMC Political पुणे

शहराच्या पश्चिम भागात नवीन हॉट मिक्स ( डांबर ) प्लांट सुरू करण्याची मागणी

| माजी विरोधी पक्षनेत्या दीपाली धुमाळ यांचे आयुक्तांना पत्र

पुणे | पुणे शहराची लोकसंख्या तसेच नव्याने जी २३ गावे महापालिकेत समाविष्ट झालेली आहेत त्याचे क्षेत्रफळ पाहता आणखी एक दोन हॉट मिक्स ( डांबर ) प्लांट ची महापालिकेला आवश्यकता आहे. तरी महापालिकेने शहरच्या पश्चिम भागात नवीन हॉट मिक्स ( डांबर) प्लांट सुरू करावा. अशी मागणी महापालिकेच्या माजी विरोधी पक्षनेत्या दीपाली धुमाळ यांनी महापालिका आयुक्त विक्रम कुमार यांच्याकडे केली आहे.

धुमाळ यांच्या पत्रानुसार पुणे शहरामध्ये महापालिकेचा येरवडा परिसरात एकमेव हॉट मिक्स ( डांबर ) प्लांट उपलब्ध आहे. सध्याच्या पुणे शहराची व्याप्ती व क्षेत्रफळ पाहता हा एकमेव प्लांट अपुरा पडत असल्याने वेळेवर रस्त्यांची डागडुजी करण्यासाठी डांबर उपलब्ध होत नाही. त्यामुळे मुख्य रस्ते व अंतर्गत रस्त्यांवरील खड्डे बुजविण्यासाठी अनेक दिवस लागतात. त्यामुळे वाहतुकीची अडचण निर्माण होऊन नागरिकांचे फार हाल होत आहेत. सध्याची पुणे शहराची लोकसंख्या तसेच नव्याने जी २३ गावे महापालिकेत समाविष्ट झालेली आहेत त्याचे क्षेत्रफळ पाहता आणखी एक दोन हॉट मिक्स ( डांबर ) प्लांट ची महापालिकेला आवश्यकता आहे. तरी महापालिकेने शहरच्या पश्चिम भागात नवीन हॉट मिक्स ( डांबर) प्लांट सुरू करावा. असे धुमाळ यांनी म्हटले आहे.

Warje Water Problem | वारजे परिसरातील नागरिकांच्या पाण्याबाबत पाणीपुरवठा विभाग प्रमुखांचा हलगर्जीपणा | माजी विरोधी पक्षनेत्या दीपाली धुमाळ यांचा आरोप | महापालिकेवर मोर्चा आणण्याचा दिला इशारा

Categories
Breaking News PMC Political social पुणे

वारजे परिसरातील नागरिकांच्या पाण्याबाबत पाणीपुरवठा विभाग प्रमुखांचा हलगर्जीपणा

| माजी विरोधी पक्षनेत्या दीपाली धुमाळ यांचा आरोप 

| महापालिकेवर मोर्चा आणण्याचा दिला इशारा

पुणे | वारजे परिसरात गेल्या तीन दिवसापासून नागरिकांच्या पाण्याबाबत तक्रारी सुरु आहेत. नागरिकांची याबाबत ओरड सुरु आहे. नागरिकांचे पाण्याविना हाल होत आहेत. महापालिका पाणीपुरवठा विभाग प्रमुख अनिरुद्ध पावसकर यांच्या अक्षम्य दुर्लक्षामुळे नागरिकांवर ही वेळ  आली आहे. असा आरोप माजी विरोधी पक्ष नेत्या दीपाली धुमाळ यांनी केला आहे. आगामी काळात पाणीपुरवठा सुरळीत नाही झाला तर नागरिकांचा महापालिकेवर मोर्चा आणू, असा इशारा धुमाळ यांनी दिला आहे.
याबाबत धुमाळ यांनी सांगितले कि, गेल्या तीन दिवसापासून वारजे परिसरातील नागरिक पाण्याचा समस्येबाबत त्रस्त आहेत. महापालिकेने गेल्या पंधरा दिवसात दोन गुरुवारी पाणी बंद (closure) ठेवले होते. महापालिकेची system अशी आहे कि आमच्या परिसरात एकदा पाणी बंद ठेवल्यानंतर पुढील तीन दिवस पाणी पुरवठा विस्कळीत होतो. असे असतानाही इथेच closure घेतले जाते. गांधीभवन, एसएनडीटी या पाण्याच्या टाक्या बंद आहेत. त्यामुळे पाणी येत नाही. जिथे पाणी येते, तिथे खूप कमी दाबाने पाणी येते. धुमाळ यांनी सांगितले कि, नागरिकांच्या तक्रारी आम्ही पाणीपुरवठा विभाग प्रमुख अनिरुद्ध पावसकर यांना सांगण्यासाठी संवाद साधण्याचा प्रयत्न करत होतो, पण ते आमचा फोन देखील उचलत नाही. महापालिका आयुक्त, अतिरिक्त आयुक्त देखील आमच्याशी संवाद साधून दखल घेतात. शिवाय स्थानिक अधिकारी देखील सहकार्य करतात, मात्र पावसकर आमच्याकडे फिरकण्यास देखील तयार नाहीत. धुमाळ म्हणाल्या, काही परिसरात टँकरने पाणी पुरवठा होतो, मात्र तो पुरेसा नाही. यामुळे याकडे लक्ष देण्याची गरज आहे. आगामी काळात पाणी पुरवठा सुरळीत नाही झाला तर परिसरातील नागरिकांचा महापालिकेवर मोर्चा आणू. असा इशारा धुमाळ यांनी दिला आहे.
—
गुरुवारी एक दिवस पाणी नसेल तर पुढील चार-पाच दिवस आम्हाला अजिबात पाणी येत नाही ….कारण पाण्याला प्रेशर कमी असते व ते उताराने खाली जाते ….काल आज मी पाण्याचे बिसलेरी जार आणून घरात वापरत आहे पिण्यासाठी देखील दोन-तीन हंडे पाणी येत नाही…
– नागरिक
—
…बरेच दिवस सांगत आहे की वरती जो वाल बसवलेला आहे सरोदे एडगे घराजवळ तो काढून टाकावा किंवा  तो काढून खाली बसवावा ..आम्हाला वरील 10 घराणं 1 वर्ष होऊन गेले पाणी खूप कमी येते…आत्ता पाणी उताराने सर्व खाली जात आहे… कृपया लक्ष लक्ष घालून लवकरात लवकर पाणी प्रश्न सोडवावा.
– नागरिक
—
वारजे भागात सलग 3 दिवस पाण्यावाचून नागरिकांचे हाल. सुस्त पाणी पुरवठा यंत्रणा आणि यांना जागे करण्यासाठी कोणीच वाली नसल्यामुळे मागील काही काळा पासून वारजे भगातील नागरिकांचे पाण्यावाचून मोठ्या प्रमाणात हाल चालू आहेत.
– नागरिक
—

आपण फारच सहनशील आहोत. ठीक आहे एक दिवस पाणी येणार नाही समजू शकतो पण पुढील दोन दिवस पाणी येत नाही हे मात्र योग्य नाही. दर 15 दिवसांनी गुरुवारी पाणी नसते आणि पुढील दोन दिवस पाण्या साठी वणवण करायची. हे नेहमीचेच झाले आहे. आपल्या भागातील नगरसेवक काय करतात?

– नागरिक
—-
तांत्रिक अडचण समजू शकतो पण मग महापालिकेने स्वतःचे टँकर्स पाठवून स्वखर्चाने टाक्या भरून द्याव्यात.
– नागरिक
—

Warje Sahitya Katta | वारजे साहित्य कट्ट्यावर डॉ. रामचंद्र देखणे ग्रंथालयाचे उद्घाटन

Categories
Breaking News cultural पुणे महाराष्ट्र

वारजे साहित्य कट्ट्यावर डॉ. रामचंद्र देखणे ग्रंथालयाचे उद्घाटन

पुणे : आपण भौतिक सुखाच्या मागे धावत चाललोय. आपल्याकडे रस्तोरस्ती भरपूर खाऊगल्ल्या होतायत पण ग्रंथालय होत नाहीत. पण वारजे परिसरात ग्रंथालयाची निर्मिती होत असेल तर ती आनंदाची गोष्ट असून यामुळे परिसराचा वैचारिक विकास होणार आहे. असा विचार सर्व लोकप्रतिनिधींनी करणं गरजेचं असल्याचं मत साहित्यिक डॉ. संगीता बर्वे यांनी व्यक्त केलं.

माजी विरोधी पक्षनेत्या दिपाली धुमाळ यांच्या प्रयत्नांतून पुणे महानगरपालिका मराठी भाषा संवर्धन समिती आणि वारजे साहित्यिक कट्टाच्या वतीने सुरू करण्यात आलेल्या साहित्यिक स्व.डॉ.रामचंद्र देखणे ग्रंथालयाचे उद्घाटन प्रसिद्ध बालसाहित्यिका डॉ. संगीता बर्वे यांच्या हस्ते करण्यात येणार आहे. यावेळी माधवी वैद्य, दिपाली धुमाळ, माजी नगरसेवक व शिक्षण मंडळाचे माजी अध्यक्ष बाबा धुमाळ, मलिक्कर्जून नवांदे , भावार्थ देखणे, पूजा देखणे, पद्मश्री देखणे, देखणे, धर्मराज महाराज हांडे, गणेश भगत, ज्योत्स्ना चांदगुडे, वी. दा. पिंगळे उपस्थित होते. यावेळी बर्वे यांचा साहित्य अकादमी पुरस्कार मिळाल्याबद्दल साहित्य कट्टा वारजेच्या वतीने विशेष सन्मान करण्यात आला.

बर्वे म्हणाल्या जागोजागी ग्रंथालये झाली तर वैचारिक दृष्ट्यापरिपक्व महाराष्ट्र तयार होईल. ज्यांनी लोककलेच्या मध्येमातून समाजाला घडवण्याचं काम केलं त्या डॉ. रामचंद्र देखणे यांच्या नावाने हे ग्रंथालय सुरू होत आहे. देखणे सरांची आणि माझी पहिली भेट सांगलीतील एका कार्यक्रमात झाली. त्यांनी सादर केलेली लोककला पाहून मी भारावून गेले होते.

रोजच्या दिनक्रमातून बाजूला जाऊन ज्यावेळी वारकऱ्यांची वैद्यकीय सेवा करण्यासाठी वारीत सहभागी झाले होते. त्यावेळी पुन्हा सरांची भेट झाली. एका गावात झाडाच्या पारावर ते लोककलेच्या माध्यमातून प्रबोधन करत होते. या वारीतला अनुभव फार वेगळा होता. त्यावेळी सुचलेल्या ओळी मी सरांना दाखवल्या त्यावेळी त्यांनी ही कविता नसून अभंग आहे असे कैतुक केले.

देखणे सर आपल्यातून लवकर निघून जाणे समाजाची फार मोठी हाणी आहे. तहान भूक हरवून सरांसारखी लोक समाजासाठी काम करत असतात. अशा लोकांची काळजी समाजाने घेणं गरजेचं आहे.

या उद्घाटन सोहळ्यानंतर शब्दब्रम्ह या चार दिवसीय व्याख्यानमालेचा प्रारंभ करण्यात आला पहिल्या दिवशी महाराष्ट्राची लोककला या विषयावर डॉ. भावार्थ रामचंद्र देखणे यांचे व्याख्यान झाले. प्रास्तविक बाबा धुमाळ यांनी केले तर कार्यक्रमाचे सूत्र संचालन डी.के. जोशी यांनी केले.

Dipali Dhumal | पाणी पुरवठा विभागामार्फत नागरिकांना देण्यात येणाऱ्या नोटीसा थांबवाव्या | माजी विरोधी पक्ष नेत्या दिपाली धुमाळ यांची मागणी

Categories
Breaking News PMC Political पुणे

पाणी पुरवठा विभागामार्फत नागरिकांना देण्यात येणाऱ्या नोटीसा थांबवाव्या

| माजी विरोधी पक्ष नेत्या दिपाली धुमाळ यांची मागणी

पाणी पुरवठा विभागामार्फत देण्यात येणाऱ्या नोटीसा देणे त्वरित थांबविण्यात याव्यात, अशी मागणी महापालिकेच्या माजी विरोधी पक्षनेत्या  दीपाली  धुमाळ यांनी आयुक्तांकडे केली. कोणतीही खबरदारी न घेता अचानक दिलेल्या नोटिसांमुळे नागरिकामध्ये भीतीदायक वातावरण निर्माण झालेले आहे. तरी  सर्व प्रकारात लक्ष देऊन त्या संबंधित अधिकाऱ्यांना आदेश देण्यात यावे कि अश्या प्रकारच्या नोटीसा देऊन नागरिकांची दिशाभूल करू नये व या नोटीसा देणे थांबवावे. असे धुमाळ यांनी म्हटले आहे.

धुमाळ यांनी याबाबत महापालिका आयुक्त यांनी निवेदन दिले आहे. त्यानुसार पुणे शहरामध्ये पाणीपुरवठा विभागा मार्फत नागरिकांसाठी समान पाणी पुरवठा योजने अंतर्गत एल अॅणड टी कंपनी मार्फत अनेक ठिकाणी पाण्याच्या टाक्या व पाईप लाईन चे काम सुरु आहे. मध्यंतरी प्रशासन व एल एन टी अधिकार्यांनी जबरदस्तीने नागरिकांच्या घरोघरी जाऊन नळ कनेक्शनला पाण्याचे मीटर बसवले होते व सदर मीटर बसवताना झालेले तोडफोड, लिकेज व नुकसान तसेच काम अपूर्ण सोडून मीटर बसविण्यात आले त्यावेळी नागरिकांना असे सांगण्यात आले की हे मीटर लवकर सुरु होणार नाही व याचे कोणत्याही प्रकारची नोटीस किंवा बिल येणार नाहीत अशी नागरिकांची खोटी समजुत काढून त्यांना आता पाणीपुरवठा विभाग मार्फत नोटीसा येत आहेत.

नोटीस कोणत्याही प्रकारची मीटर रिडिंग न घेता किंवा त्या ठिकाणी व त्या जागी जाऊन सदर कुटुंबामध्ये किती व्यक्ती आहेत किंवा खरच पाण्याचा वापर तेवढ्या प्रमाणत होत आहे का अशी कोणत्याही प्रकारची चौकशी न करता अंदाजे आकडे टाकून नोटीसा देत आहेत. सदर कुटुंबात व्यक्ती असेल तर त्या कुटुंबात 5 ते 6 व्यक्ती आहेत अशी बोटी आकडेवारी नमुद करून त्या कुटुंबाला नोटीस देत आहे. तसेच या नोटीस मध्ये असे नमूद करण्यात आले आहे कि नोटीस दिलेल्या तारखेपासून 15 दिवसाच्या कालावधी नंतर पाणीपुरवठा विभाग द्वारे कारवाई करण्यात येईल. कोणत्याही प्रकारची चौकशी न करता कुटुंबामध्ये किती व्यक्ती आहेत किती नाही याची शहानिशा न करता या नोटीसा देऊन नागरिकांची दिशाभूल करण्यात येत आहे.

या प्रकाराबाबत आम्ही संबंधित अधिकार्‍यांशी  चर्चा चौकशी केली त्यावेळी अधिकार्‍यांना असे सांगण्यात आले कि या नोटीसा फक्त नागरिकांमध्ये पाण्याच्या नियमित वापराबाबत जनजागृती करण्यासाठी देत आहेत परंतु असे असेल तर या बाबत आधी जाहिरात करून प्रचार करून नोटीस दिली गेली पाहिजे होती याची कोणतीही खबरदारी न घेता अचानक दिलेल्या नोटिसांमुळे नागरिकामध्ये भीतीदायक वातावरण निर्माण झालेले आहे. तरी या सर्व प्रकारात लक्ष देऊन त्या संबंधित अधिकाऱ्यांना आदेश देण्यात यावे कि अश्या प्रकारच्या नोटीसा देऊन नागरिकांची दिशाभूल करू नये व या नोटीसा देणे थांबवावे. असे धुमाळ यांनी म्हटले आहे.