PMC Building Devlopment Department | मुंढवा, घोरपडी परिसरातील हॉटेल्स वर पुणे महापालिकेकडून गुन्हे दाखल 

Categories
Breaking News PMC social पुणे

PMC Building Devlopment Department | मुंढवा, घोरपडी परिसरातील हॉटेल्स वर पुणे महापालिकेकडून गुन्हे दाखल

PMC Action against Pub and Bar – (The Karbhari News Service) – पुणे महानगरपालिकेच्या बांधकाम विकास विभाग कडून मुंढवा, कोरेगावपार्क, एरंडवणा, सदाशिव पेठ या भागामध्ये हॉटेल, रेस्टॉरंवर कारवाई करण्यात आली. मुंढवा आणि घोरपडी परिसरातील हॉटेल्स वर महापालिकेकडून MRTP 52 अंतर्गत गुन्हे दाखल करण्यात आले. अशी माहिती बांधकाम विकास विभागाकडून देण्यात आली. (Pune Municipal Corporation (PMC)

पुणे हिट अँड रन केस चा मुद्दा गाजल्या नंतर पुणे महापालिकेकडून अनधिकृतपणे चालवल्या जात असलेल्या हॉटेल्स आणि बार वर कारवाई करण्यात येत आहे. शुक्रवारी शहरात 14 ठिकाणी 19 हॉटेल्स वर कारवाई करण्यात आली. कारवाई एकूण 2 गटात विभागणी करण्यात आली होती. यात 15925 चौ. फुट अवैध बांधकाम हटवण्यात आले. (Pune Hit and Run Case)
आज रोजी घेण्यात आलेल्या रेस्टॉरट हॉटेलस यांचे साईड मार्जिन मधील अनाधिकृत केलेल्या शेडस या पूर्वी कारवाई करून काढून घेण्यात आलेल्या होत्या. शेडस ह्या संबंधितांनी परत उभारणी केली असल्यामुळे आज  शेडस परत काढून घेण्यात आलेल्या आहेत. या व्यतिरिक्त आज मुढवा येथील वॉटर्स, ओरीला, अनवाईट, हिंगोणे, कार्निवल, बॉटल फॉरेस्ट, मासा, व चिलीज तसेच घोरपडी येथील Q बार, पेटाहाऊस, स्पाईस फॅक्टरी व आकारी या हॉटेलस, रेस्टोरट वर गुन्हा दाखल करण्यात आला. असे बांधकाम विकास विभागाकडून सांगण्यात आले.

PMC Pre Monsoon Work | BJP Pune | पुणे महापालिकेने पावसाळा पूर्व कामे 90% पूर्ण केल्याचा दावा चुकीचा | पुणे भाजपचा आरोप

Categories
Breaking News PMC Political पुणे

PMC Pre Monsoon Work | BJP Pune | पुणे महापालिकेने पावसाळा पूर्व कामे 90% पूर्ण केल्याचा दावा चुकीचा | पुणे भाजपचा आरोप

 

Pune Municipal Corporation (PMC) – (The Karbhari News Service) – गेल्या आठवड्याभरात झालेल्या मान्सूनपूर्व पावसामुळे शहराच्या विविध भागांतील रस्ते जलमय होत आहेत. त्यामुळेच महापालिका प्रशासनाने पावसाळ्यापूर्वी करावयाची 90 टक्के कामे पूर्ण झाल्याचा दावा चुकीचा आणि पुणेकरांची दिशाभूल करणारा वाटतो. असा आरोप पुणे भाजपकडून करण्यात आला आहे. महापालिका आयुक्तांनी स्वतः प्रशासनासह नाल्यांवर जाऊन प्रत्यक्ष पाहाणी करावी, अशी मागणी भाजपकडून करण्यात आली आहे. (Pune BJP)

पावसाळापूर्व कामांबाबत भाजप सरचिटणीस मुरलीधर मोहोळ यांच्या नेतृत्वात भाजप पदाधिकाऱ्यांनी महापालिका आयुक्तांची भेट घेतली. यावेळी माजी सभागृहनेते श्रीनाथ भिमाले, माजी नगरसेवक दीपक पोटे, राजेंद्र शिळीमकर, शहर पदाधिकारी संदीप खर्डेकर आदी उपस्थित होते. याबाबत भाजपकडून सांगण्यात आले कि शहर आणि उपनगरातील नाले सफाई, कल्व्हर्ट आणि पावसाळी गटारांच्या सफाईच्या कामांची मुदत 15 मे पर्यंत निश्चित करण्यात आली होती. आतापर्यंत 90 टक्के पावसाळी कामे पूर्ण झाल्याचा दावा नुकताच प्रशासनाने केला. परंतु शहरात मागील आठवड्याभरात झालेल्या पावसाने रस्ते जलमय होत आहेत. अनेक रस्त्यांवर पाणी साचल्याने पुणेकरांची गैरसोय होत आहे. नालेसफाईची कामे योग्य पद्धतीने झाली नसल्याने पाण्याचा निचरा होत नाही. त्यामुळे ही परिस्थिती निर्माण झाली आहे.

हवामान खात्याने या वर्षी सरासरीपेक्षा अधिक पाऊस होण्याचा अंदाजे व्यक्त केला आहे. तसेच गेल्या काही वर्षांत कमी वेळात ढगफुटी सदृश्य अधिक पाऊस होत आहे. पावसाळी गटारांची वहनक्षमता कमी असल्याने पाणी वाहून जाण्याला मर्यादा येतात. शहरात पाचशे किलोमीटर लांबीचे छोटे-मोठे ओढे आणि नाले आहेत. या नाल्यांची योग्य प्रकारे साफसफाई झालेली नाही.

काही उपाययोजना अल्प आणि दीर्घ कालावधीसाठी करणे आवश्यक वाटते, त्याची सविस्तर माहिती द्यावी, असेही भाजपने आयुक्तांकडे मागणी केली.

1. पावसाचे पाणी वाहून नेणारी पावसाळी गटारे आणि नाले पाचशे किलोमीटरची आहेत. शहराला किमान 800 किलोमीटर लांबीच्या पावसाळी वाहिन्यांची आवश्यकता आहे. त्या बाबत कोणत्या उपाययोजना करण्यात आल्या आहेत?
2. महापालिकेच्या विविध विभागांमध्ये नालेसफाई आदी पावसाळा पूर्व कामांची स्थिती काय आहे?
3. केंद्र शासनाकडून पुणे शहराला अर्बन फ्लड रिस्क मॅनेजमेंटअंतर्गत निधी उपलब्ध करून दिला असल्यास, या योजनेतील कामांची सद्यस्थिती काय आहे?
4. पूरस्थिती निवारणासाठी महापालिका, सार्वजनिक बांधकाम विभाग, जिल्हा परिषद, पुणे पोलीस, महामेट्रो, बीएसएनएल आदी विभागातील अधिकारी, पदाधिकारी, अभियंता, अधीक्षक आदींची एकत्रित बैठक घेऊन नैसर्गिक आपत्ती ओढावल्यास खबरदारी म्हणून आदर्श कार्यप्रणाली एसओपी तयार केली आहे का?
5. आपत्तीला तोंड देण्यासाठी महापालिकेचा आपत्ती निवारण कक्ष सुसज्ज आहे का आपत्ती निवारण कक्षात कोणकोणत्या सुविधा देण्यात आल्या आहेत, त्यांची सद्यस्थिती काय आहे?
6. संभाव्य पूरस्थितीचा विचार करून शहरात प्रभाग स्तरावर मदत केंद्रांची स्थापना करण्यात आलेली आहे का?
7. पाच वर्षांपूवी ढगफुटी सदृश पावसामुळे आंबिल ओढ्याला पूर आला होता. या परिसरात पूर नियंत्रणासाठी कोणत्या उपाययोजना केल्या आहेत?
8. राज्य शासनाकडून सीमा भिंतींसाठी प्राप्त झालेल्या 200 कोटी रुपयांच्या निधीतून होणाऱ्या विकासकामांची सद्यस्थिती काय आहे?
9. शहरातील पूरस्थितीचा विचार करून 128 ठिकाणांवरील उपाययोजनांचा आराखडा सी-डॅकच्या मदतीने तयार करून 432 कोटी रुपयांचा आपत्ती व्यवस्थापन कामांचा अहवाल राष्ट्रीय आपत्ती व्यवस्थापन प्राधिकरणास सादर करण्यात आला होता. त्याची सद्यस्थिती काय आहे?
10. पावसाळी कोंडीच्या 200 हून अधिक चौकांमध्ये कोणत्या उपाययोजना करण्यात आल्या आहेत?

 

Pramod Nana Bhangire | पुणे शहरातील निर्जीव झालेल्या झाडांची छाटणी व पावसाळ्यापूर्वी ड्रेनेज लाईन स्वच्छता मोहीम राबवावी | प्रमोद नाना भानगिरे यांची महापालिका आयुक्तांकडे मागणी

Categories
Breaking News PMC social पुणे

Pramod Nana Bhangire | पुणे शहरातील निर्जीव झालेल्या झाडांची छाटणी व पावसाळ्यापूर्वी ड्रेनेज लाईन स्वच्छता मोहीम राबवावी

| प्रमोद नाना भानगिरे यांची महापालिका आयुक्तांकडे मागणी

Pre Monsoon work in Pune – (The Karbhari News Service) – पुणे शहरातील निर्जीव झालेल्या झाडांची छाटणी व पावसाळ्यापूर्वी ड्रेनेज लाईन स्वच्छता मोहीम राबवावी. अशी मागणी शिवसेना शहर प्रमुख प्रमोद नाना भानगिरे (Pramod Nana  Bhangire Shivsena) यांची महापालिका आयुक्तांकडे (PMC Commissioner) केली आहे. यावर अंमल नाही झाला तर आंदोलन करण्याचा इशारा भानगिरे यांनी दिला आहे. (Pune Municipal Corporation (PMC)
भानगिरे यांनी आयुक्तांना दिलेल्या पत्रानुसार गेल्या काही दिवसात पुणे शहरात अचानक मोठ्या प्रमाणावर मुसळधार पाऊस झाला ज्यात अनेक ठिकाणी निर्जीव असलेले वृक्ष उन्मळून पडलेले, तसेच ड्रेनेज लाईन तुंबलेली आढळून येत आहे. हडपसर मतदार संघातील प्रभाग क्रमांक 26 विविध ठिकाणी मोठ्‌या प्रमाणावर निर्जीव व जीर्ण वृक्षांची संख्या मोठ्‌या प्रमाणावर असून अचानक कोसळणाऱ्या पावसामुळे मोठ्या प्रमाणावर वृक्ष कोसळून जीवित हानी होण्याचे प्रकार घडत आहेत. त्यामुळे मतदारसंघातील प्रभाग क्रमांक 26 मधील विविध ठिकाणी जीर्ण झालेल्या वृक्षांची कटाई तसेच रस्त्याच्या दुतर्फा वाढलेल्या मोठ्या झाडांची छाटणी करणे अत्यावश्यक आहे.
भानगिरे यांनी म्हटले आहे कि, तातडीने या संदर्भात संबंधितांना सुचित करावे. तसेच पावसाळ्याच्या सुरुवातीलाच मोठ्या प्रमाणावर आलेल्या मुसळधार पावसाने ठिकठिकाणी ड्रेनेज लाईन तुंबलेली असून नागरिकांच्या आरोग्याचा प्रश्न उभा राहिला आहे. तरी तातडीने पुणे महानगरपालिकेच्या वतीने ड्रेनेज लाईन स्वच्छता मोहीम हडपसर मतदार संघात राबविण्यात यावी जेणेकरून पावसाळ्यापूर्वीच ड्रेनेज लाईन स्वच्छता मोहीम पूर्ण होवून नागरिकांचे स्वास्थ्य धोक्यात येणार नाही.
अनेक वेळा प्रशासनाच्या विलंबामुळे नागरिकांना मोठा त्रास सहन करावा लागत आहे. तरी संपूर्ण पूणे शहरातील तात्काळ निर्जीव झालेल्या वृक्षांची छाटणी
तसेच ड्रेनेज लाईन स्वच्छतेबाबत संबंधितांना तातडीने सूचना कराव्यात. अन्यथा पुणे शहर शिवसेनेच्या वतीने तीव्र आंदोलन छेडण्यात येईल. असा इशारा भानगिरे यांनी दिला आहे.

PMC Asha Workers | आशा वर्कर्स यांचे वेतन देण्यात महापालिका आरोग्य विभागाकडून सातत्याने विलंब!

Categories
Breaking News PMC आरोग्य पुणे

PMC Asha Workers | आशा वर्कर्स यांचे वेतन देण्यात महापालिका आरोग्य विभागाकडून सातत्याने विलंब!

| कामगार विभागाकडे तक्रार करण्याचा संघटनेचा इशारा

PMC Health Department – (The Karbhari News Service) – पुणे महापालिकेच्या आरोग्य विभागाकडे (Pune Municipal Corporation Health Department) विविध प्रकारची कामे करणाऱ्या आशा वर्कर्स यांचे वेतन वेळेवर होताना दिसत नाही. बऱ्याच महिन्यापासून तक्रारी करून देखील यात सुधारणा होत नाही. महापालिकेच्या भांडारकर रोडवरील आरोग्य कार्यालयाच्या (PMC Bhandarkar Road Office) उदासीनतेमुळे हा विलंब होतो आहे. अशी तक्रार करत वेळेवर वेतन न झाल्यास आशा वर्कर्स युनियन (Asha Workers Union) ने कामगार विभागाकडे तक्रार करण्याचा इशारा महापालिकेच्या आरोग्य प्रमुखांना दिला आहे. (Pune Municipal Corporation (PMC)
पुणे महापालिकेच्या वतीने (Pune Municipal Corporation) केंद्र आणि राज्य सरकारच्या आरोग्य विषयक योजना राबवण्यात येतात. यात विविध आरोग्य विषयक कार्यक्रमांचा समावेश असतो. यामध्ये खासकरून RCH (Reproductive And Child Health) आणि NUHM (National Urban Health Mission) योजनांचा समावेश आहे. यामध्ये RCH हे 2006-07 पासून तर NUHM हे 2016 पासून राबवण्यास सुरुवात करण्यात आली. यातील बरीचशी कामे ही आशा वर्कर्स करत असतात. त्याबदल्यात त्यांना वेतन दिले जाते. मात्र हे वेतन वेळेवर होत नाही. वेतन हे कधी महिन्याच्या 19 तारखेला तर कधी 23 तारखेला होते. यामुळे आशा वर्कर्स त्रस्त आहेत.
याबाबत युनियन ने आरोग्य प्रमुखांना याबाबत तक्रार केली आहे. युनियनच्या पत्रानुसार  RTI कायद्यांतर्गत फाइल इन्सपेक्शन केले असता असे दिसून येते की सर्व डेटा जमा झाल्यानंत  भांडारकर रोड कार्यालयातून संबंधित कर्मचारी यांना फाइल तयार करायला विलंब होतो. त्यानंतर संबंधित अधिकारी यांची सही झाल्यानंतर देखील प्रत्यक्षात पगाराचा तपशील बँकेत पाठवण्यासाठी वेळ लागतो. याची नेमकी कारणे शोधून काढून दुरुस्त करून आशा वर्कर यांचा पगार एन.एच.एम. च्या इतर कर्मचारी वर्गा प्रमाणे वेळेवर काढण्यात यावा अशी आमची मागणी आहे. अन्यथा आम्हाला कामगार विभागाकडे तक्रार करावी लागेल. असा इशारा युनियन ने दिला आहे.
युनियन ने पुढे म्हटले आहे कि, तसेच काही आशा वर्कर यांना पगार न मिळाल्याच्या काही व्यक्तिगत तक्रारी आहेत. त्यामागे आधार लिंक, बँक खात्याच्या अडचणी, वेळेवर रिपोर्ट देण्याच्या अडचणी, इत्यादि कारणे असताना, त्यांच्या समस्यांचे वेळच्या वेळी योग्य निराकरण होण्याची गरज आहे. परंतु संबंधित कर्मचारी वर्गांकडून दुर्लक्ष होताना दिसते. त्यांचे फोन घेतले जात नाहीत, मेसेज टाकले तर उत्तरे मिळत नाहीत. आशा वर्कर यांनी स्वतः पाठपुरावा केला तर त्यांना उद्धटपणे उत्तरे देऊन गप्प केल्याचे प्रकार ऐकायला मिळतात. एक आशा वर्करला एका कर्मचाऱ्याने “मग मी काय आत्महत्या करु का?” असा प्रतिप्रश्न केला गेला. ही गंभीर बाब असून, अशा वागणुकीमुळे आशा वर्कर यांच्या मध्ये खूप असंतोष आहे. आरोग्य प्रमुखांनी यात लक्ष घालून त्यांना समज द्यावी, अन्यथा संघटनेला आंदोलन करून ही वागणूक दुरुस्त करावी लागेल असा इशारा संघटनेने दिला आहे.
राज्य सरकारचा मोबदला विलंबाने आणि कपात करून मिळत असण्याबाबत तसेच राज्य सरकार आशा वर्कर यांना दर तीन महिन्याचे एकत्रित मोबदला १५००० देत असते. हे देखील वेळेवर मिळत नाही. उदा. ऑक्टोबर ते डिसेंबर २०२३ साठी मोबदला देण्याचा राज्य सरकारचा ९/१० जानेवारी २०२४ चा आदेश महापालिकेकडे २३ जानेवारी २०२४ रोजी इनवर्ड झाला आहे. तरी त्याचे प्रत्यक्ष पेमेंट ३० मार्च २०२४ रोजी आशा वर्कर यांना प्राप्त झाले आहे. तसेच जानेवारी ते मार्च २०२३ चे पेमेंट देण्याचे आदेश १५ मार्च २०२४ रोजी काढण्यात आला आहे. तो अद्याप मिळालेला नाही, आणि भांडारकर रोड कार्यालयात विचारणा केली असता ते कधी मिळेल याचे समाधानकारक उत्तर संबंधित कर्मचारी यांच्या कडून मिळत नाही. तसेच या मानधनातून अनेक आशा वर्कर यांचा मोबदला कपात करून मिळतो. त्याची लेखी कारणे मिळायला हवीत. काही आशा वर्कर यांनी विचरणा केली तरी संबंधित कर्मचारी त्याचा तपशील देण्यास टाळा टाळ करतात.
आशा वर्कर यांना उदरनिर्वाहासाठी कामावर आधारित मोबदला मिळतो. अनेकांची कुटुंब त्या पैशावरचालतात हे लक्षात घेऊन, ते महिन्याच्या ५ तारखेपर्यंत त्यांच्या खात्यात जमा करण्यात यावेत अशी आमची मागणी आहे. असे संघटनेने म्हटले आहे. तसेच अन्यायकारक कपात करू नये. यासाठी येणाऱ्या अडचणी दूर करण्यासाठी आरोग्य प्रमुख या नात्याने स्वतः लक्ष घालून सुधारणा करण्यासाठी पावले उचलवीत. अशी मागणी करण्यात आली आहे.
—-

भांडारकर रोड कार्यालयातील कर्मचाऱ्यांची मक्तेदारी!

NUHM चे काम करण्यासाठी महापालिका आरोग्य विभागाने स्वतंत्र कर्मचारी वर्ग नेमला आहे. या कर्मचाऱ्यांना भांडारकर रोड वरील महापालिकेच्या मालकीच्या कार्यालयात जागा देण्यात आली आहे. त्यांच्यावर नियंत्रण आरोग्य अधिकारी यांचे असते. मात्र इथल्या कर्मचाऱ्यांनी आपलीच मक्तेदारी केली आहे. आरोग्य अधिकाऱ्यांचे आदेश देखील हे लोक पाळत नाहीत. यामुळे अधिकारीच त्रस्त आहेत. विशेष म्हणजे महापालिका भवन पासून हे कार्यालय दूर असल्याने इथल्या कर्मचाऱ्यांवर नियंत्रण ठेवण्यासाठी सीसीटीव्ही कॅमेरा बसवण्यात आला होता. मात्र हा कॅमेराच फोडण्यात आला आहे. तो सद्यस्थितीत बंद आहे. त्यामुळे कर्मचाऱ्यावर नियंत्रण ठेवता येत नाही. इथल्या कर्मचाऱ्यांनी कार्यालयात येण्याची स्वतःची वेळ ठरवून घेतली आहे. शिवाय सुट्ट्या देखील आपल्याच मनाप्रमाणे घेतात. यामुळे आशा वर्कर्स यांना उशिरा वेतन तर मिळतच आहे; पण यामुळे NUHM च्या कामकाजावर परिणाम होत आहे. पर्यायाने शहराची आरोग्य व्यवस्था धोक्यात आली आहे. त्यामुळे मक्तेदारी तयार करणाऱ्या कर्मचाऱ्यांवर कारवाई करायला हवी. अशी मागणी करण्यात येत आहे.

Pune Illegal Hoardings | जुना बाजार चौक आणि आर.टी.ओ. चौकात धोकादायक होर्डिंग! | बेकायदेशीर होर्डिंग आणि दोषी अधिकाऱ्यावर कारवाई करण्याची अविनाश बागवे यांची मागणी! 

Categories
Breaking News PMC Political पुणे

Pune Illegal Hoardings | जुना बाजार चौक आणि आर.टी.ओ. चौकात धोकादायक होर्डिंग! | बेकायदेशीर होर्डिंग आणि दोषी अधिकाऱ्यावर कारवाई करण्याची अविनाश बागवे यांची मागणी!

| महापालिका आयुक्त कार्यालयाने प्रशासनाकडून मागवला अहवाल

Avinash Bagwe Pune Congress – (The Karbhari News Service) –  पुणे रेल्वे प्रशासनाच्या जागेत जुना बाजार चौकात व आर.टी.ओ. चौकात मोठ्या प्रमाणात होर्डींग उभे आहेत. आर टी ओ चौकातील होर्डिंग हे भूसभुशीत मातीच्या धिगाऱ्यावर उभे आहे जे मोठ्या पाऊस वाऱ्यात कधीही कोसळून जीवितहानी होवू शकते. हे दोन्ही होर्डिंग्ज वाहतूक सिग्नल लागत असल्यामुळे अधिक धोकादायक आहे. हे आणि शहरातील इतर बेकायदेशीर होर्डिंग काढावे. तसेच संबंधित दोषी अधिकाऱ्यावर कारवाई करावी. अशी मागणी काँग्रेसचे माजी नगरसेवक अविनाश बागवे यांनी महापालिका आयुक्तांकडे केली. यावर आयुक्त कार्यालयाने आकाशचिन्ह विभागाकडून अहवाल मागवला आहे. (PMC Sky Sign Department)
बागवे यांच्या पत्रानुसार  पुणे शहरात मोठ्या प्रमाणात अनाधिकृत अनेक बेकायदेशीर होर्डींग उभे आहेत. वास्तविक पाहता मुंबईमध्ये घाटकोपर या ठिकाणी होर्डींग कोसळून मोठी दुर्घटना झाली, त्यामध्ये निष्पाप १६ जणांचा बळी गेला असून ८० पेक्षा जास्त लोक जखमी झाले आहेत. या घटनेचा बोध येऊन पुणे मनपाने पुणे शहरातील सर्व होर्डींगची तपासणी करून जे बेकायदेशीर व अनाधिकृत होर्डिंग उभे आहेत त्यांच्यावर कडक कारवाई करावी हे अत्यंत गरजेचे आहे.
MMC act व महाराष्ट्र राज्य बांधकाम विकास नियमावली नुसार कुठल्याही इमारतीच्या बांधकामाच्या फ्रंट मार्जिन, तसेच साईड मार्जिन मध्ये पार्किंग व्यतिरिक्त कोणत्याही स्ट्रक्चर उभे करण्यास अनुमती नाही हे मी विचारलेल्या लेखी प्रश्नात पुणे मनपाच्या मुख्य सभेत अधिकाऱ्यांनी कबूल देखील केलेले आहे. असे असताना प्रशासनाची स्पेशल परवानगी घेऊन साईड व फ्रंट मार्जिन मध्ये असणाऱ्या होल्डिंगला परवानगी देण्यात आली व अशी पळवाट काढण्यात आली की, त्या ठिकाणी आयुक्तांनी आदेश दिले की वाहतुकीला व पार्किंगला अडथळा निर्माण होणार नाही.  परंतु राज्य सरकारने 2018 मध्ये जे बांधकाम विकास नियमावलीची मान्यता दिली होती. त्यामध्ये त्यांनी या दोन्ही गोष्टींचा कुठेही उल्लेख केलेला नाही, यामुळे बेकादेशीर रित्या राज्य सरकारच्या आदेशाच्या विरुद्ध हे होल्डिंग उभे आहेत.
बागवे यांनी पुढे म्हटले आहे कि तसेच सद्यस्थितीत राज्य परिवहन, रेल्वे प्रशासन, नदीपात्र व इतर शासकीय जागांमध्ये मोठ्या प्रमाणात उभे असलेले होर्डींग MMC Act section 244, 245 तसेच AIRC (All India Road Congress) चे अनेक मार्गदर्शक तत्त्व, तसेच नियमांचे उल्लंघन करणारे आहेत, परंतु मनपा प्रशासन याकडे का दुर्लक्ष करत आहे, हे अनाकलनीय आहे.
काही वर्षांपूर्वी पुणे शहरातील मंगळवार पेठ येथील मालधक्का चौकातील एक होर्डिंग कोसळून तीन निष्पाप लोकांचा बळी गेला होता तेव्हा मनपाने काही प्रमाणात होर्डींगवर कारवाई देखील केली होती. परंतु, पुन्हा प्रशासनाच्या सहकार्याने अनेक बेकायदेशीर होर्डींग मोठ्‌या प्रमाणात पुणे शहरात उभे आहेत.

हा अपघात झाला होता त्याच ठिकाणी मोठ्या प्रमाणात अनेक होर्डींग सद्यस्थितीत उभे आहेत. महानगरपालिकेने जे 40 x 40 पेक्षा जास्त व 120×80 चे मोठे होर्डींग उभे आहेत. पुणे रेल्वे प्रशासनाच्या जागेत जुना बाजार चौकात व आर.टी.ओ. चौकात मोठ्या प्रमाणात होर्डींग उभे असून, आर टी ओ चौकातील होर्डिंग हे भूसभुशीत मातीच्या धिगाऱ्यावर उभे आहे जे मोठ्या पाऊस वाऱ्यात कधीही कोसळून जीवितहानी होवू शकते आणि हे दोन्ही होर्डिंग्ज वाहतूक सिग्नल लागत असल्यामुळे अधिक धोकादायक आहे. इतर शासकीय संस्थाची परवानगी मिळाली या नावाखाली असे होर्डींग उभे केले आहेत.
वास्तविक पाहता राज्य सरकारची होर्डींग पॉलिसी, ऑल इंडिया रोड काँग्रेसचे नुसार कोणतीही संस्था असेल परिवहन विभाग / रेल्वे विभाग व इतर यांच्या रस्त्याच्या दर्शनी भागात कोणतेही होर्डींग असतील तर त्याची परवानगी स्थानिक प्लॅनिंग अथॉरिटी कडून घेणे बंधनकारक आहे आणि जे प्लॅटफॉर्म किंवा रेल्वे स्थानकाच्या आवाराकडे आतील बाजूस असतील त्यांना परवानगीघेण्याची आवश्यकता नाही. असा कायदा असताना चुकीच्या पद्धतीने वेगवेगळ्या अधिकच्या आकाराचे होर्डींग उभे केले जातात आणि त्यामुळे मोठ्या प्रमाणात जीवित हानी होण्याची शक्यता नाकारता येत नाही.

या सर्व बाबी लक्षात घेवून आपण हे बेकायदेशीर होर्डिंग त्वरित काढून टाकावे व याला मदत करणाऱ्या दोषी अधिकाऱ्यांवर कडक कारवाई करावी. व आपण केलेल्या कारवाईचा लेखी अहवाल आम्हाला द्यावा. अशी मागणी बागवे यांनी केली होती. त्यानुसार आयुक्त कार्यालयाने याची गंभीर दखल घेत आकाशचिन्ह विभागाकडून अहवाल मागवला आहे.

PMC Action on Hotels | कोथरूड परिसरातील अनधिकृत हॉटेल्स वर कारवाई |२५ हजार स्क्वेअर फिट अनधिकृत बांधकाम हटवले 

Categories
Breaking News PMC पुणे

PMC Action on Hotels | कोथरूड परिसरातील अनधिकृत हॉटेल्स वर कारवाई |२५ हजार स्क्वेअर फिट अनधिकृत बांधकाम हटवले

 

PMC Action on Hotels – (The Karbhari News Service) – पुणे महानगरपालिकेच्या बांधकाम विकास विभाग झोन क्र ६ ने कोथरूड परिसरातील अनधिकृत हॉटेल्स वर कारवाई केली. या कारवाईत २५ हजार स्क्वेअर फिट अनधिकृत बांधकाम हटवले. अशी माहिती बांधकाम विभागाकडून देण्यात आली. (Pune Municipal Corporation (PMC)

कार्यकारी अभियंता बिपिन शिंदे, उप अभियंता श्रीकांत गायकवाड, शाखा अभियंता मुकेश पवार, कनिष्ठ अभियंता मनोज कुमार मते, सागर शिंदे, गणेश ठोबरे,  राठोड ऋषिकेश जगदाळे, भावेश इत्यादी स्टाफने अतिक्रमण कर्मचाऱ्यांच्या मदतीने कोथरूड मधील स्पाइस गार्डन ,कोरिएंटल लिफ व डेलिहा या हॉटेलचे अनधिकृत बांधकाम पाडण्यात आले .सदर कारवाई दरम्यान जवळपास २५ हजार स्क्वेअर फिट अनधिकृत बांधकाम काढून टाकण्यात आले.

Hoarding in front of PMC Building | पुणे महापालिका भवनासमोर उभारलेल्या वादग्रस्त होर्डिंगवर अखेर कारवाई! 

Categories
Breaking News PMC पुणे

Hoarding in front of PMC Building | पुणे महापालिका भवनासमोर उभारलेल्या वादग्रस्त होर्डिंगवर अखेर कारवाई!

 

PMC Sky Sign Department- (The Karbhari News Service) जागा निश्चित न करता पीएमपी (PMPML) ने परवानगी दिलेल्या आणि महापालिका भवना (PMC Building) समोर एका रात्रीत उभारलेल्या होर्डिंग (Hoarding) वर अखेर महापालिका प्रशासनाकडून कारवाई करण्यात आली आहे. विशेष म्हणजे पुणे महापालिका आयुक्तांनी (PMC Commissioner) दिलेल्या आदेशाला केराची टोपली दाखवत महापालिकेच्या गेटवर होर्डींग उभारण्याचे काम केले जात होते.  यात महापालिकेचा सावळा गोंधळ तर समोर आलाच आहे; शिवाय पीएमपी प्रशासन आणि महापालिका प्रशासनात समन्वय नसल्याचे दिसून आले आहे. होर्डिंग काढले असले तरी संबंधित होर्डिंग धारक आणि संबंधित अधिकाऱ्यावर काय कारवाई केली जाणार, याबाबत आता लक्ष लागून राहिले आहे. (Pune Municipal Corporation (PMC)

मुंबईतील  घटना ताजी असतानाही ऐन वर्दळीच्या ठिकाणी ‘पीएमपी’कडून हाेर्डिंग उभारले जात आहे. पुणे महापालिकेच्या  आकाश चिन्ह व परवाना विभागाने या हाेर्डिंगला आणि झाडाच्या फांद्या कापण्यास परवानगी दिली आहे. दरम्यान, झाडाच्या फांद्या तोडून होर्डिंगची उभारणी करू नये, असे आदेश महापालिका आयुक्तांनी दिले हाेते. त्यानंतरही चक्क महापालिकेच्याच दारात आयुक्तांच्या आदेशाची पायमल्ली करून हाेर्डिंग उभारले गेले. अनधिकृत, धोकादायक होर्डिंगचा मुद्दा ऐरणीवर असताना पालिका मुख्य इमारतीसमोरच होर्डिंग उभारण्यासाठी परवानगी देत आहे. अगोदरच पीएमपीच्या बसमुळे कायम महापालिकेच्या नवीन इमारतीसमोर वाहनांची गर्दी असते. अशात भर रस्त्यावर पीएमपीला होर्डिंग उभारण्याची परवानगी दिली आहे. नियमात नसतानाही अशा प्रकारे होर्डिंग उभारण्यास महापालिका अधिकारी परवानगी देत असल्याने होर्डिंगच्या परवानगी प्रक्रियेवरच प्रश्नचिन्ह उभे राहिले आहे.

पुणे महापालिकेचे आयुक्त डॉ. राजेंद्र भोसले यांनी आकाशचिन्ह विभागाकडून होर्डींगचा आढावा घेतला. त्यावेळी  वृक्षतोड करून  होर्डिंग उभारण्यात आलेल्याची माहिती समोर आली होती. त्यावेळी असे होर्डींग काढून टाकण्याचे आदेश आयुक्तांनी दिले होते. महापालिकेच्या जागेतच हे होर्डींग उभारले जात असल्याची माहिती आकाशचिन्ह विभाग आणि ज्या विभागाच्या ताब्यात ही जागा आहे त्या विद्युत विभागालाही नव्हती. त्यामुळे या दोन्ही विभागांनी हात वर केले आहेत. त्यामुळे, एका बाजूला आयुक्त जाहिरात फलकांबाबत कारवाईचे आदेश देत असतानाच दुसऱ्या बाजूला महापालिकेच्या दारातच सुरू असलेला हा प्रकार चर्चेचा विषय ठरला आहे. तर, चक्क भर रस्त्यात ही परवानगी देण्यात आल्याने याबाबत उलट-सूलट चर्चा सुरू झाल्या आहेत.

महापालिकेच्या नवीन विस्तारीत इमारतीच्या प्रवेशद्वाराच्या समोरच महापालिकेने ई- वाहनांसाठी चार्जिंग स्टेशन उभारले आहे. याच ठिकाणी पीएमपीचे पास केंद्र आहे. या केंद्राच्या समोर आणि चार्जिंग स्टेशनच्या आवारात जाहिरात फलक लावण्यासाठी भला मोठे लोखंडी खांब उभारण्यात आला होता. त्यानंतर एका रात्रीत स्ट्रक्चर उभारण्यात आले होते. मात्र पुन्हा यावर टीका झाल्याने तत्काळ हे स्ट्रक्चर काढून घेण्यात आले.

——
संबंधित स्पेक्ट्रम एडवरटायझिंग च्या होर्डिंग   ला पीएमपीएलने परवानगी दिलेली होती. परवानगी देताना होर्डिंग पीएमसी बस स्टॉप लगत म्हणून परवानगी देण्यात आलेली होती. परंतु त्यांनी जागा निश्चिती करून घेतलेले नव्हते. यामुळे सदरचे होर्डिंग काढण्यात आलेले आहे. याबाबत अधिक चौकशी केली जाईल. तसेच संबंधित जागेची मान्यता रद्द करण्याची प्रक्रिया खाते स्तरावर सुरु करण्यात आली आहे.
माधव जगताप, उपायुक्त, आकाशचिन्ह विभाग.

Pune Illegal Hoardings | कोथरूड, वारजे, वानवडी परिसरातील अनधिकृत होर्डिंग हटवले | पुणे महापालिका आकाशचिन्ह विभागाची कारवाई 

Categories
Breaking News PMC पुणे

Pune Illegal Hoardings | कोथरूड, वारजे, वानवडी परिसरातील अनधिकृत होर्डिंग हटवले | पुणे महापालिका आकाशचिन्ह विभागाची कारवाई

PMC Sky Sign Department – (The Karbhari News Service) – पुणे महापालिका आयुक्तांनी (PMC Commissioner) दिलेल्या आदेशानुसार आकाशचिन्ह विभागाने अनधिकृत होर्डिंग वर कारवाई करण्यात सुरुवात केली आहे. गुरुवारी कोथरूड, वारजे, वानवडी परिसरातील अनधिकृत 9 होर्डिंग हटवले. अशी माहिती उपायुक्त माधव जगताप (Madhav Jagtap PMC) यांनी दिली. (Pune Municipal Corporation (PMC)

घाटकोपर मुंबई येथे एक अनधिकृत जाहिरात फलक (होर्डिंग) वादळी वाऱ्यामुळे कोसळून मोठ्या दुर्घटनेस सामोरे जावे लागले.  अश्या दुर्घटना वेळीच रोखता याव्यात या अनुषंगाने आयुक्त यांनी पुणे महानगरपालिकेच्या परवाना व आकाशचिन्ह विभागास आदेश दिले होते.  त्यामध्ये अनधिकृत जाहिरात फलकांवर तसेच धोकादायक होर्डिंग, बांबूचे पहाड, बोर्ड इत्यादीवर कारवाई करून दैनंदिन अहवाल सादर करण्याचे आदेश दिले होते.  त्यानुसार आज  पुणे महानगरपालिका हद्दीत महापालिका सहाय्यक आयुक्त कार्यालय स्तरावर जाहिरात फलक निष्कासन कारवाई करण्यात आली असुन एकूण ९ अनधिकृत जाहिरात फलक (होर्डिंग) निष्कासित करण्यात आले आहेत. (illegal Hoardings in Pune)

तसेच धोकादायक असणाऱ्या 72 जाहिरात फलक धारकांना नोटीस पाठविण्यात आल्या आहेत.  तसेच शहरात 7 ठिकाणी धोकादायक पणे उभारलेले बांबूचे पहाड काढण्यात आले. महापालिका हद्दीतील
बेकायदेशीर पणे उभारलेले 73 बोर्ड, बँनर व फ्लेक्स व 6 झेंडे, 33 पोस्टर, 24 किआँक्स यांचेवर निष्कासन कारवाई करण्यात आली. असे आकाशचिन्ह विभागाकडून सांगण्यात आले.

अशी करण्यात आली कारवाई

The karbhari - PMC Sky sign department
पुणे महापालिकेच्या आकाशचिन्ह विभागाने विविध ठिकाणी अनधिकृत होर्डिंग वर कारवाई केली.

7th Pay Commission Latest News | पुणे महापालिका कर्मचाऱ्यांसाठी महत्वाची बातमी | 7 व्या वेतन आयोगाच्या तिसऱ्या हफ्त्याची रक्कम देण्याबाबत सर्क्युलर जारी!

Categories
Breaking News PMC पुणे

7th Pay Commission Latest News | पुणे महापालिका कर्मचाऱ्यांसाठी महत्वाची बातमी

|  7 व्या वेतन आयोगाच्या तिसऱ्या हफ्त्याची रक्कम देण्याबाबत सर्क्युलर जारी!

Pune Municipal Corporation (PMC) – (The Karbhari News Service) पुणे महापालिका कर्मचारी आणि अधिकाऱ्यांसाठी (PMC Employees and Officers) आनंदाची बातमी आली आहे. महापालिका कर्मचाऱ्यांना सातवा वेतन आयोग (7th Pay Commission)आधीच लागू झाला आहे. कर्मचाऱ्यांना पहिल्या आणि दुसऱ्या हफ्त्याची रक्कम आधीच मिळाली आहे. आता तिसरा हफ्ता देखील लवकरच मिळणार आहे. याबाबतचे सर्क्युलर लेखा व वित्त विभागाकडून (PMC Finance Department) जारी करण्यात आले आहे. (Pune PMC News)

पुणे महानगरपालिका अधिकारी, कर्मचारी तसेच प्राथमिक शिक्षण विभागाकडील शिक्षक, शिक्षकेतर व माध्यमिक, उच्च माध्यमिक तसेच तंत्र शाळांकडील कर्मचाऱ्यांना अ व्या वेतन आयोगापोटी पाच समान हप्त्याची रक्कम रोखीने अदा करणेस  मान्यता प्राप्त झालेली आहे.

| सर्क्युलर मध्ये काय म्हटले आहे?

7 व्या वेतन आयोगानुसार पुणे महानगरपालिका अधिकारी, कर्मचारी तसेच प्राथमिक शिक्षण विभागाकडील शिक्षक, शिक्षकेतर व माध्यमिक, उच्च माध्यमिक तसेच तंत्र शाळांकडील कर्मचाऱ्यांना तिसऱ्या हप्त्याची रक्कम रोख स्वरुपात अदा करण्यासाठी संगणक प्रणाली (व्हर्जन) माहिती व तंत्रज्ञान विभागाने त्वरित प्राप्त करून दद्यायची आहे. तसेच
तिसऱ्या हप्त्याची बिले 27 मे अखेर ऑडीट विभागातून तपासून घ्यायची आहेत. तसेच आयकर कपात करण्याबाबत सुविधा संगणक प्रणाली (व्हर्जन) माहिती तंत्रज्ञान विभागाने प्राप्त करून देण्याचे आदेश देण्यात आले आहेत.

सर्क्युलर मध्ये पुढे म्हटले आहे कि, पुणे महानगरपालिकेतील जे अधिकारी, कर्मचारी 1 जून 2016  नंतर सेवानिवृत्त झालेले आहेत, अशा अधिकारी, कर्मचारी व मयताचे वारस यांना ७ व्या वेतन आयोगानुसार 1 जानेवारी 2016 ते सेवानिवृत्ती दिनांकापर्यंत 7 व्या वेतन आयोगाचा तिसऱ्या हप्त्याची बिले 27 मे अखेर ऑडीट विभागाकडून तपासून घ्यायची आहेत.

2024-25 या आर्थिक वर्षाच्या अंदाजपत्रकामध्ये यासाठी 40 कोटी आवश्यक तरतूद उपलब्ध असून सदर बिले वरील अर्थशिर्षकावर खर्ची टाकण्याचे आदेश देण्यात आले आहेत.  6 व्या वेतन आयोगाच्या वेतन आकारणी व वेतन फरक हप्त्यांची ज्याप्रमाणे नोंदी सेवापुस्तकामध्ये करणेत आलेल्या आहेत, त्याचप्रमाणे 7 व्या वेतन आयोगापोटी कर्मचाऱ्यांना अदा केलेल्या हप्त्याची व पुढील मिळणाऱ्या हप्त्याची तसेच, विवरण पत्रातील वेतनासंबंधीची नोंद सेवापुस्तकामध्ये संबंधीत पगार बिल लेखनिकांनी ठेवणे आवश्यक आहे. तरी, सर्व खातेप्रमुख यांनी त्याचे नियंत्रणाखालील सर्व संबंधीत बिल लेखनिकांना त्या सूचना देण्याची तजवीज करावी. असे देखील वित्त व लेखा विभागाने म्हटले आहे.

Rajni Tribhuvan Former Mayor Pune | सर्वांना आदराने वागवत ताई, दादा अशी हाक मारणाऱ्या, मनमिळाऊ माजी महापौर रजनी त्रिभुवन यांचे निधन!

Categories
Breaking News PMC Political social पुणे

Rajni Tribhuvan Former  Mayor Pune | सर्वांना आदराने वागवत ताई, दादा अशी हाक मारणाऱ्या, मनमिळाऊ माजी महापौर रजनी त्रिभुवन यांचे निधन!

Rajni Tribhuvan Passes Away – (The Karbhari News Service) – पुणे शहराच्या माजी महापौर रजनी त्रिभुवन (Former Mayor of Pune Rajni Tribhuvan) यांचं आज सकाळी निधन झालं. सर्वांना आदराने वागवत ताई, दादा अशी हाक मारणाऱ्या, मनमिळाऊ अशी त्यांची ओळख होती. शिपाई पासून ते अधिकारी, राजकीय पदाधिकारी अशा सर्वांनीच त्यांच्या निधनाने हळहळ व्यक्त केली आहे. (Rajni Tribhuvan Passes Away)
रजनी त्रिभुवन यांच्या पश्चात दोन मुले, सुना आणि नातवंडे असा परिवार आहे. त्या ६१ वर्षांच्या होत्या.

आज सकाळी त्यांच्या भावाचं निधन झालं होतं म्हणून त्या भावाच्या अंत्यदर्शनासाठी गेल्या होत्या. रडल्यामुळे त्यांना त्रास होऊ लागला. त्यांना रुग्णालयात उपचारासाठी दाखल करण्यात आलं. मात्र, डॉक्टरांनी त्यांना तपासून मृत घोषित केले. भाऊ आणि बहिणीचे एकाच दिवशी निधन झाल्याने संपूर्ण कुटुंबावर शोककळा पसरली आहे. या घटनेनं मात्र पूर्ण शहरातून दुःख व्यक्त केले जात आहे. (Pune Municipal Corporation Mayor)

2005-2007 कालावधीत महापौर

रजनी त्रिभुवन या 2005 ते 2007 दरम्यान पुणे शहराच्या महापौर होत्या. 18 फेब्रुवारी 2005 ला त्या महापौर झाल्या होत्या. पुढे पंचवार्षिक संपेपर्यंत त्यांनी महापौर म्हणून काम केले. ताडीवाला रोड प्रभागातून त्रिभुवन या दोन वेळा नगरसेविका झाल्या होत्या. 2002 ते 2007 आणि 2007 ते 2012 असा त्यांचा महापालिका सदस्य पदाचा कालावधी राहिला. झोपडपट्टीतून येणाऱ्या आणि मागासवर्गीय म्हणून त्या पहिल्या महिला महापौर होत्या. रजनी त्रिभुवन यांनी काँग्रेस पक्षात विविध संघटनात्मक जबाबदाऱ्या सांभाळल्या.

The Karbhari- Rajni Tribhuvan
पुणे महापालिकेच्या नगरसचिव विभागात महापौर पदाची असलेली नोंद

– ताडीवाला रोड परिसरातून नगरसेविका

रजनी त्रिभुवन  यांनी पुणे स्टेशन परिसरातील डॉ बाबासाहेब आंबेडकर यांच्या पुतळ्याला मेघडंबरी बसवण्याचे काम केले होते. तसेच ताडीवाला रोड प्रभागात त्यांनी पुणे शहरातील पहिला रमाबाई आंबेडकर यांचा पुतळा बसवला होता. त्या महापौर त्यांचे पती हे रेल्वेत कामाला होते. घरी महापौर असला तरी ते कामाला जात राहिले. एवढी साधी राहणी त्यांच्या पतीची होती. तसेच माजी महापौर देखील सर्वाशी प्रेमाने वागत असायच्या.

– सोनिया गांधी यांनी घरी दिली होती भेट

काँग्रेसमध्ये सुरेश कलमाडी गटाच्या म्हणून त्या ओळखल्या जायच्या. त्या जेव्हा महापौर होत्या तेव्हा सोनिया गांधी यांचा पुणे दौरा झाला होता. त्यावेळी गांधी यांनी रजनी त्रिभुवन यांच्या घरी भेट दिली होती. 2024 च्या निवडणुकीत त्यांनी पक्षाचं काम खूप चांगल्या पद्धतीने केलं.

त्यांच्या आठवणी सांगताना काही महापालिका कर्मचाऱ्यांना गहिवरून आलं. काही कर्मचाऱ्यांनी सांगितलं कि त्या लहान मोठा असा भेद करत नसत. सर्वांना ताई दादा म्हणून हाक मारत असत. साधी राहणी असलेल्या महापौर गेल्याने सर्वांनीच दुःख व्यक्त केले.

– महापालिकेला 1 तास अगोदर सुट्टी

दरम्यान रजनी त्रिभुवन यांच्या निधना निमित्त दुखवटा व्यक्त करण्यासाठी आज पुणे महापालिकेच्या कार्यालयांना 1 तास अगोदरच म्हणजे 5:15 ते 6:15 या कालावधीत सुट्टी देण्यात आली.

The Karbhari- PMC Circular
पुणे महापालिकेला 1 तासाची सुट्टी देण्यात आली.