Ajit Pawar on Pune Rain | शहरात पावसामुळे रस्त्यावर पाणी साचून वाहतूक कोंडी होवू नये यासाठी आवश्यक उपाययोजना करा | उपमुख्यमंत्री अजित पवार यांचे निर्देश 

Categories
Breaking News PMC Political social पुणे

Ajit Pawar on Pune Rain | शहरात पावसामुळे रस्त्यावर पाणी साचून वाहतूक कोंडी होवू नये यासाठी आवश्यक उपाययोजना करा | उपमुख्यमंत्री अजित पवार यांचे निर्देश

| उपमुख्यमंत्री अजित पवार यांच्या उपस्थितीत पुणे शहरातील वाहतूक कोंडी संदर्भात बैठक

 

Ajit Pawar on Pune Rain – (The Karbhari News Service) – शहरात पावसामुळे रस्त्यावर पाणी साचू नये, रस्त्यावर वाहतूक कोंडी होवू नये म्हणून सर्व विभागांनी समन्वय ठेवून तातडीने उपाययोजना कराव्यात तसेच नागरिकांना पावसात कोणत्याही प्रकारची अडचण होवू नये म्हणून दक्षता बाळगावी, असे निर्देश उपमुख्यमंत्री अजित पवार यांनी दिले.

विधानभवन येथे झालेल्या या बैठकीस सहकार मंत्री दिलीप वळसे पाटील, आमदार दिलीप मोहिते पाटील, सिद्धार्थ शिरोळे, विभागीय आयुक्त डॉ. चंद्रकांत पुलकुंडवार, पोलीस आयुक्त अमितेश कुमार, पुणे महानगरपालिका आयुक्त डॉ. राजेंद्र भोसले, पुणे जिल्हाधिकारी डॉ.सुहास दिवसे, पिंपरी चिंचवडचे प्र.पोलीस आयुक्त सुनील रामानंद, पीएमआरडीए आयुक्त राहुल महिवाल आदी उपस्थित होते.

श्री. पवार म्हणाले, पुणे शहरात नुकत्याच झालेल्या पुर्व मान्सून पावसामुळे बऱ्याच ठिकाणी रस्त्यावर पाणी साचून वाहतूक कोंडी झाली. या घटनांची पुनरावृत्ती होऊ नये यासाठी महानगरपालिका, पोलीस विभाग, सार्वजनिक बांधकाम विभाग, पीएमआरडीए इत्यादी विभागांनी समन्वय साधून नागरिकांना कोणत्याही प्रकारच्या समस्या येणार नाहीत याची दक्षता घ्यावी.

आपत्तीच्या ठिकाणी महानगरपालिकेने वेगाने प्रतिसाद द्यावा. शहर व परिसरातील धोकादायक जाहिरात फलक त्वरीत काढावेत. वाहतूकीस अडथळा निर्माण करणारे रत्यावरील अतिक्रमण काढावेत. महानगरपालिकेने नाल्यांची साफसफाई त्वरीत करावी. जाहिरात फलकांचे सुरक्षा ॲडिट करावे. पुणे आणि पिंपरी चिंचवड शहरातील धोकादायक जाहिरात फलक त्वरित काढावेत असे सांगून नियमबाह्य जाहिरात फलक लावणाऱ्यांविरोधात कडक कारवाई करावी, असे निर्देशही त्यांनी दिले.

पावसामुळे व वाऱ्यामुळे रस्त्यावर झाड पडल्यास आधुनिक यंत्राचा वापर करून रस्ता वाहतुकीसाठी त्वरित मोकळा करावा. कात्रज ते रावेत चौक पुलावर पाणी येऊ नये म्हणून राष्ट्रीय महामार्ग प्राधिकरणने उपाययोजना करावी. वारजे जंक्शन जवळील सेवा रस्ता रुंदीकरणासाठी आवश्यक कार्यवाही करावी. हिंजवडी आयटी पार्क परिसरातील वाहतूक कोंडी दूर करण्यासाठी कायमस्वरूपी नियोजन करावे. त्यासाठी आवश्यकता असल्यास अंदाजपत्रकात तरतूद करण्यात येईल, असे श्री.पवार म्हणाले.

श्री. भोसले म्हणाले पुणे शहरात साडे तीन हजार कचरा वेचक कर्मचारी नियुक्त केले आहेत. शहरात पावसाचे पाणी साचणाऱ्या ठिकाणांची माहिती संकलित करण्यात आली आहे. या ठिकाणी पाणी साचू नये म्हणून कार्यवाही करण्यात येत आहे. चेंबर्स स्वच्छ करण्याची व्यवस्था करण्यात आली असून त्यावर जाळया टाकण्यात आल्या आहेत. वॉर्ड स्तरावर देखरेखीसाठी ४६ अधिकारी नियुक्त केले आहेत. प्रत्येक वार्डला अधिकचे १५ कर्मचारी नियुक्त केले आहेत. नागरिकांकडून आलेल्या सूचनेनुसार उपाययोजना करण्यात आल्या आहेत. वार्ड निहाय अतिरिक्त निधी पुरविण्यात आला आहे. शहरातील १ हजार ८०० अनाधिकृत जाहिरात फलक काढण्यात आले आहेत, अशी माहिती त्यांनी दिली.

यावेळी महानगरपालिका आणि पोलीस विभागाने करण्यात येणाऱ्या उपाययोजना संदर्भात सादरीकरणानद्वारे माहिती दिली.

PMC commissioner gave strict instructions to the officials in the meeting of HODs

Categories
Breaking News PMC social पुणे

PMC commissioner gave strict instructions to the officials in the meeting of HODs

| Orders to be prepared to face emergency situations

 Pune Municipal Corporation (PMC) – (The Karbhari News Service) – Heavy rains in the city on Saturday left Pune residents in a state of shock.  Pune PMC administration had to face criticism from social organizations and political parties in this regard.  Therefore, Municipal Commissioner Dr Rajendra Bhosale (Dr Rajendra Bhosale IAS) held a meeting with the HODs to plan in this regard.  (PMC Pune Municipal Corporation)
  Be ready to face the situation, don’t sit waiting for calls from the citizens, the response time should be reduced.  Rajendra Bhosle has given to the officials.
 Last week, the roads in the city were flooded due to rains on Friday and Saturday.  Due to this, the administration has started to be strongly criticized from all levels.  A delegation of BJP, MNS, Shiv Sena, Congress party and MP Supriya Sule met Commissioner Bhosale and read the complaints.  Due to this, on Wednesday Commissioner Bhosle held a meeting with all account heads, deputy commissioners and zonal officers and issued strict instructions.  The meeting lasted for about three hours.  (Pune PMC News)
 Commissioner Bhosle said about this meeting, all the regional officers have been asked to review the drainage in their area.  The concerned contractor has been ordered to carry out the rest of the work.  The responsibility of the contractor is to work till the end of monsoon.  In this regard, instructions have been given to inspect and do the work.  It has also been ordered to take proper action regarding pruning of branches to reduce the incidence of tree fall.
 In this meeting, it was also discussed to increase the coordination between the regional office and the main account, what preventive measures can be taken in the future.  Stating that there was a discussion about what can be done in the areas affected by the rain last week, Dr.  Bhosle said, the field offices have been asked to get the information about the machinery and equipment available from them, and accordingly they should be made available, and if there is time, it has been suggested that they should be purchased.  Field Offices must remain in touch with the Head Office throughout the monsoon period.  Also, we should discuss with the people’s representatives of the concerned areas, complete the works according to their suggestions, and prepare to face the emergency situation that will arise in the future.  Instructions have been given that special care should be taken in areas where water is always stored, places where water seeps into urban areas, and necessary measures should be taken there.

Dr Rajendra Bhosale IAS | खातेप्रमुखांच्या बैठकीत महापालिका आयुक्तांनी अधिकाऱ्यांना केल्या कडक सूचना | आपत्कालीन परिस्थितीशी तोंड देण्यास सज्ज राहण्याचे आदेश

Categories
Breaking News PMC social पुणे

Dr Rajendra Bhosale IAS | खातेप्रमुखांच्या बैठकीत महापालिका आयुक्तांनी अधिकाऱ्यांना केल्या कडक सूचना | आपत्कालीन परिस्थितीशी तोंड देण्यास सज्ज राहण्याचे आदेश

Pune Municipal Corporation (PMC) – (The Karbhari News Service) – शहरात शनिवारी झालेल्या जोरदार पावसाने पुणेकरांची चांगलीच तारांबळ उडवली. याबाबत सामाजिक संस्था आणि राजकीय पक्षांच्या टीकेचा सामना महापालिका (Pune PMC) प्रशासनास करावा लागला. त्यामुळे महापालिका आयुक्त डॉ राजेंद्र भोसले (Dr Rajendra Bhosale IAS) यांनी याबाबत नियोजन करण्यासाठी खाते प्रमुखांसोबत बैठक घेतली. (PMC Pune Municipal Corporation)

 परिस्थितीला तोंड देण्यासाठी तयार रहा, नागरीकांचे फोन येण्याची वाट पाहत बसु नका, रिस्पॉन्स टाईम हा कमी झाला पाहीजे अशा कडक सुचना महापालिका (Pune Municipal Corporation) आयुक्त डॉ. राजेंद्र भोसले यांनी अधिकार्‍यांना दिल्या आहेत.

मागील आठवड्यात शुक्रवार आणि शनिवारी झालेल्या पावसामुळे शहरातील रस्ते जलमय झाले होते. यामुळे प्रशासनावर सर्वच स्तरावरून जोरदार टिका होऊ लागली आहे. भाजप, मनसे, शिवसेना , कॉंग्रेस पक्षाच्या शिष्टमंडळाने तसेच खासदार सुप्रिया सुळे यांनी आयुक्त भोसले यांची भेट घेऊन तक्रारींचा पाढा वाचला. यामुळे बुधवारी आयुक्त भोसले यांनी सर्व खाते प्रमुख, उपायुक्त, क्षेत्रीय अधिकारी यांची बैठक घेऊन कडक सुचना केल्या आहेत. सुमारे तीन तास ही बैठक चालली होती. (Pune PMC News)

या बैठकीविषयी आयुक्त भोसले म्हणाले, सर्व क्षेत्रीय अधिकार्‍यांना त्यांच्या भागातील नालेसफाईचा आढावा घेण्यास सांगितले आहे. संबंधित ठेकेदाराकडून उर्वरीत कामे करुन घेण्याचे आदेश दिले आहे. पावसाळा संपेपर्यंत काम करण्याची जबाबदारी त्या ठेकेदाराची आहे. त्यादृष्टीने पाहणी करून कामे करून घ्या, अशा सुचना दिल्या आहेत. झाडे पडण्याच्या घटना कमी करण्यासाठी फांद्या छाटणीसंदर्भात योग्य ती कार्यवाही करण्याचे आदेशही दिले आहेत.

या बैठकीत क्षेत्रीय कार्यालय आणि मुख्य खाते यांच्यात समन्वय वाढविणे, पुढील काळात प्रतिबंधित उपाययोजना काय करता येतील यावरही चर्चा झाली. गेल्या आठवड्यात पावसामुळे बाधित झालेल्या क्षेत्रात काय करता येईल याविषयी चर्चा झाली असल्याचे नमूद करीत डॉ. भोसले म्हणाले, क्षेत्रीय कार्यालयांना त्यांच्याकडील उपलब्ध मशीनरी, साधन सामुग्री याची माहीती घेण्यास सांगितले असुन, त्यानुसार ते उपलब्ध करून द्यावे, तसेच वेळ पडली तर खरेदी करावी अशा सुुचना केली आहे. संपुर्ण पावसाळ्याच्या कालावधीत क्षेत्रिय कार्यालयांनी मुख्य खात्याच्या संपर्कात राहणे आवश्यक आहे. तसेच संबंधित भागातील लोकप्रतिनिधींशी चर्चा करावी, त्यांनी केलेल्या सुचनानुसार कामे पुर्ण करावीत, यातुन पुढील काळात निर्माण होणार्‍या आत्पकालीन परिस्थितीला तोंड देण्याची तयारी झाली पाहीजे. नेहमीच पाणी साठणारा भाग, नागरी वस्तीत पाणी शिरण्याची ठिकाणांविषयी विशेष काळजी घ्यावी, तेथे आवश्यक त्या उपाययोजना कराव्यात अशा सुचना देण्यात आल्या आहेत.

RPI on Pune Rain | पावसाळ्यात नुकसान झालेल्या नागरिकांना प्रशासनाचा आर्थिक मदतीचा हात | प्राथमिक टप्यात तात्काळ अडीच हजार रुपयांची मदत मिळणार

Categories
Breaking News PMC Political social पुणे

RPI on Pune Rain | पावसाळ्यात नुकसान झालेल्या नागरिकांना प्रशासनाचा आर्थिक मदतीचा हात | प्राथमिक टप्यात तात्काळ अडीच हजार रुपयांची मदत मिळणार

| आरपीआयच्या शिष्टमंडळाच्या निवेदनानंतर जिल्ह्याधिकारी, महापालिकेची कार्यवाही

 

RPI on Pune Rain – (The Karbhari News Service) – वादळी वाऱ्यासह आलेल्या पावसाळ्यात ज्या नागरिकांचे नुकसान झाले आहे. त्यांना तात्काळ आर्थिक मदतीसाठी जिल्हा प्रशासनाने सकारात्मकता दाखवली आहे. सुरुवातीच्या टप्यात तातडीची मदत म्हणून अडीच हजार रुपये प्रत्येक कुटुंबाला मिळणार आहे. त्यानंतर आणखीन मदतीसाठी सकारात्मक प्रयत्न केले जाणार आहे. रिपब्लिकन पार्टी ऑफ इंडियाच्या (आठवले गट) शिष्ठमंडळाने जिल्हाधिकारी सुहास दिवसे, पुणे महापालिका आयुक्त राजेंद्र भोसले यांना निवेदन दिले. या वेळी प्रशासनाकडून तातडीने सकारात्मक पाऊले उचलत ही घोषणा केली. (Pune Municipal Corporation (PMC)

या वेळी आरपीआयचे शहराध्यक्ष संजय सोनवणे, माजी उपमहापौर डॉ. सिद्धार्थ धेंडे, परशुराम वाडेकर, बाळासाहेब जानराव, अशोक कांबळे, अशोक शिरोळे, वसंत बनसोडे, शाम सदाफुले आदींसह आरपीआयचे पदाधिकारी, कार्यकर्ते उपस्थित होते.

आरपीआयच्या शिष्टमंडळाने दिलेल्या निवेदनात नमूद केले आहे की, देशासह राज्यात मान्सून दाखल झाला आहे. उकाड्याने हैरान झालेल्या नागरिकांना त्यामुळे एक प्रकारे दिलासा मिळाला आहे. बळीराजा देखील सुखावला आहे. ही एक बाजू असताना दुसऱ्या बाजूला गेली दोन आठवडे वादळी वाऱ्यासह पावसाने हजेरी लावली आहे. पावसाची संततधार कायम राहत असल्यामुळे पुणे शहरातील रस्त्यांवर पाणी साचण्याच्या मोठ्या घटना घडल्या. नागरीवस्तीत पाण्याचा शिरकाव झाल्यामुळे अनेकांच्या घरात पाणी गेले. त्यामुळे नागरिकांचा गोंधळ उडाला आणि नुकसानीला सामोरे जावे लागले. अनेकांच्या घरांची दुरवस्था झाली. यासह वाहनधारकांचे देखील मोठे नुकसान झाले. अनेकांची वाहने वाहून गेली तर काहींची वाहने बंद पडली.

The Karbhari - Pune Rain RPI

वादळी वाऱ्यासह पाऊस आल्यामुळे शहरात ठिकठिकाणी झाडे पडली. अनेकांच्या वाहनांवर देखील झाडे पडण्याच्या घटना घडल्या. या सर्व बाबी लक्षात घेतल्या तर नागरिकांचे मोठ्या प्रमाणात आर्थिक नुकसान झाले आहे. आधीच महागाईने त्रस्त असलेल्या नागरिकांना आणखीन खर्चाचा बुर्दंड बसला आहे. या पार्श्वभूमीवर नागरिकांना आपत्ती व्यवस्थापन अंतर्गत झालेल्या नुकसानीची पाहणी करून आर्थिक मदत मिळावी. त्यामुळे नागरिकांना दिलासा मिळेल. याबाबत त्वरित शासकीय पातळीवर अंमलबजावणी करणे गरजेचे असल्याची मागणी करण्यात आली.

यावर दोन्ही प्रशासनाने सुरुवातीच्या टप्यात तातडीची मदत म्हणून अडीच हजार रुपये प्रत्येक कुटुंबाला देण्याचे जाहीर केले. त्यानंतर शासन स्तरावर पाठपुरावा करून आणखीन मदतीसाठी प्रयत्न करण्यात येईल असे प्रशासनाकडून सांगण्यात आले.

ओढ्यावरील अतिक्रमण हटवा –

तसेच शहरातील ओढ्यांच्या बाजूला केंद्रीय संरक्षण विभागाने सीमा भिंती घातलेल्या आहेत. वडगाव शेरी सह पुण्यातील विविध परिसरात ही परिस्थिती आहे. त्यामुळे या सीमाभिंती काढून ओढ्यांचे पात्र मोठे करण्याबाबत कार्यवाही करावी. पावसामध्ये जीवितहानीची शक्यता लक्षात घेता एनडीआरएफचे पथक पुण्यात कायमस्वरूपी तैनात ठेवणे आवश्यक आहे. त्यामुळे ऐनवेळी होणाऱ्या धावपळीपासून मुक्तता होईल. याबरोबरच शहरातील नाल्यांवर अतिक्रमण झालेले आहे. हे अतिक्रमण काढून विकसित आराखड्याप्रमाणे नाल्यांचे रुंदीकरण करावे. तसे आदेश पुणे महापालिकेला द्यावे. विशेषता धानोरी रस्ता ते साठे बिस्कीटकडे जाणारा तसेच धानोरी ते नगररोड मार्गे नदीला मिळणाऱ्या नाल्यांवर अतिक्रमण झाले असून त्याच्या रुंदीकरणाची आवश्यकता असल्याची मागणी करण्यात आली.

 पुणेकरांसाठी आरपीआयची धाव –

यंदाच्या वर्षी झालेल्या पावसात शहरात ठिकठिकाणी दुर्घटना घडल्या. साचलेल्या पावसामुळे नागरिकांची त्रेधातिरपीट उडाली होती. नुकसानीला सामोरे जाताना नागरिकांच्या नाकी नऊ येत आहे. या दरम्यान शासनाकडे मदतीसाठी कोणी पाठपुरावा करत नसल्याचे चित्र आहे. मात्र यंदाच्या पावसाळ्यात नागरिकांना झालेल्या नुकसानीची भरपाई मिळावी म्हणून आरपीआयचे शिष्टमंडळ धावून आले. नागरिकांना मदत मिळावी म्हणून मागणी केली. त्या मागणीला यश आले आहे.
——————————————-

BJP Pune on Pune Rain | पुणे महानगरपालिकेच्या निष्क्रिय अधिकाऱ्यांना घरी पाठवा | धीरज घाटे

Categories
Breaking News PMC Political पुणे

BJP Pune on Pune Rain | पुणे महानगरपालिकेच्या निष्क्रिय अधिकाऱ्यांना घरी पाठवा | धीरज घाटे

Pune Municipal Corporation (PMC) – (The Karbhari News Service) – पुण्यामध्ये पहिल्या पावसात संपूर्ण पुणे शहरात पाणीच पाणी झाल्याचे चित्र दिसून आले. नालेसफाई आपत्ती व्यवस्थापन इत्यादी विभागात झालेली दिरंगाई यावरून क्षेत्रीय कार्यालयात पुरेशी साधन सामग्रीची कमतरता यामुळे पुणेकर पहिल्याच पावसात त्रस्त झाले होते. याच पार्श्वभूमीवर आज भारतीय जनता पार्टीच्या शिष्टमंडळाने आज शहराध्यक्ष धीरज घाटे (Dheeraj Ghate BJP) यांच्या नेतृत्वात महानगरपालिका आयुक्त डॉ राजेंद्र भोसले (Dr Rajendra Bhosale IAS) यांची भेट घेऊन निवेदन दिले. (Pune PMC News)

या वेळी बोलताना घाटे म्हणाले की ‘भाजप च्या प्रमुख पदाधिकाऱ्यांच्या समवेत आयुक्तांना भेटलो. निवडणुकी नंतर देखील भेटून पावसाळा तयारीचा आढावा घेतला होता व सूचना दिल्या. परंतु शनिवारी अनेक भागात रस्त्यांवर गुडघाभर पाणी होते.
क्षेत्रीय कार्यालायतील अधिकारी, कर्मचारी फिल्डवर दिसत नाहीत. लोकप्रतिनिधी कार्यकर्ते घटनास्थळी असतात. अधिकारी असले तरी त्यांच्याकडे यंत्रसामुग्री नसते, उडवा उडवीची उत्तरे दिली जातात. याचा पालिकेने विचार करावा. शासनाचे अधिकारी आहेत. त्यांना शहराची माहिती नसते. याचा परिणाम होतोय. त्यामुळे अशा निष्क्रिय अधिकाऱ्यावर तातडीने कारवाई करून घरी पाठवा.

लवकरच संत ज्ञानेश्वर व तुकाराम महाराज यांच्यापालख्या पुण्यात येत आहे. महानगरपालिकेची यंत्रणा लावण्यास .सुरुवात करावी , शाळा मध्ये सर्व प्रकारे तयारी करावी अशी मागणी केली.
आपत्ती व्यवस्थापन विभागात उपयुक्त दर्जाच्या अधिकाऱ्याची नेमणूक रात्रपाळी साठी करावी अशीही मागणी शिष्टमंडळाने य वेळी केली.

या शिष्टमंडळात शहराध्यक्ष धीरज घाटे ,आमदार भीमराव तापकीर, माजी सभागृह नेते श्रीनाथ भिमाले, सुशील मेंगडे, प्रसन्न जगताप अजय खेडेकर राजेश येनपुरे,सरचिटणीस राजेंद्र शिळीमकर, रवींद्र साळेगावकर ,राहुल भंडारे ,राघवेंद्र मानकर वर्षा तापकीर सुभाष जंगले राजेंद्र काकडे अर्जुन जगताप सचिन बालवडकर पुष्कर तुळजापूरकर यांच्यासह पदाधिकारी उपस्थित होते

Pune Congress on Pune Rain | मुसळधार पावसाच्या पार्श्वभूमीवर पुणे काँग्रेसने महापालिका आयुक्तांकडे केल्या या मागण्या! 

Categories
Breaking News PMC Political पुणे

Pune Congress on Pune Rain | मुसळधार पावसाच्या पार्श्वभूमीवर पुणे काँग्रेसने महापालिका आयुक्तांकडे केल्या या मागण्या!

 

Pune Congres – PMC Pune – (The Karbhari News Service) – पुणे शहर जिल्हा काँग्रेस कमिटीच्या वतीने पुणे महानगरपालिका आयुक्त यांना निवेदन सादर करण्यात आले. या निवेदनामध्ये पुणे शहरात पावसाळी परिस्थितीमुळे उद्‌भवलेला हाहाकार व नागरिकांची होणारी प्रचंड गैरसोय या बबातची जाणीव मा. आयुक्त यांना करून देण्यात आली. निवेदन पुणे शहर जिल्हा काँग्रेस कमिटीचे अध्यक्ष अरविंद शिंदे यांच्या नेतृत्वाखाली देण्यात आले.

नाल्याच्या कडेला व पात्रात झालेली गुंठेवारीतील बांधकामे, पुराच्या पाण्याचा लोंढा जाण्यासाठी नाल्याचे अपुरे पात्र, मैलापाणी वाहून आणणारे नाल्यातील चेंबर्स, पावसाचे पाणी वाहून नेणाऱ्या वाहिन्यांचा अभाव, चुकीच्या पद्धतीने बांधण्यात आलेले ‘कल्व्हर्ट्स’ यामुळे शहरात एकजरी जोरदार पावूस झाल्यास पूरस्थिती निर्माण होतें हा गेल्या तीन चार वर्षांपासून पुणे शहराच्या अवस्थेचा अनुभव असतानाही पुणेकरांच्या नशिबी मान्सून काळात वारंवार
पूरस्थिती, वाहतूक कोंडी व वित्तीय हानी यांना हतबलतेणे सामोरे जायचे एव्हढेच राहिले आहे. असा आरोप कॉंग्रेस कडून करण्यात आला.

पुणे शहर काँग्रेस पक्षाच्या वतीने खालील मागण्या आयुक्त पुणे मनपा यांच्याकडे करण्यात  आल्या 

१) मान्सूनपूर्व व मान्सून कालावधीतील सर्व कामे आयुक्त स्तरावरून दक्षता विभागाच्या निगराणीखाली करण्यात यावी.
२) चुकीच्या पद्धतीने नाले वळवल्यामुळे मोठ्या प्रमाणावर पूरस्थिती निर्माण होऊन नागरिकांच्या घरात पाणी जाण्याचे प्रकार घडत असल्यामुळे आयुक्तांच्या अधिकारात नाला वळवण्यास दिलेल्या सर्व परवानग्या रद्दबातल करून नाल्यांचा प्रवाह नैसर्गिक परिस्थिती प्रमाणे पूर्ववत करण्यात यावा.
३) पुणे शहरातील नाल्यातील चौकातील फुटपात वरील अतिक्रमणे तातडीने काढून टाकण्यात यावे.
४) पुणे शहरातील साईड मार्जिन फ्रंट मार्जिन नालापात्र इमारतीच्या टेरेसवर निकषाशी विसंगत असलेल्या सर्व जाहिरात फलकांवर युद्ध स्तरावर कारवाई करण्यात यावी.
५) शहरात जागोजागी रस्त्यांवर खड्डे पाडायचे प्रमाण वाढले असल्याने रस्त्यावर खड्डे पडल्यास रातोरात सदर खड्डे बुजवण्याची यंत्रणा उभी करून रस्ते खड्डे मुक्त ठेवण्यात यावेत.

 

     यावेळी माजी आमदार रमेश बागवे, दिप्ती चवधरी, ॲड. अभय छाजेड, कमल व्‍यवहारे, संजय बालगुडे, वीरेंद्र किराड, अविनाश बागवे, अजित दरेकर, रफिक शेख, लता राजगुरू, सुजात शेट्टी, महिला अध्यक्षा पुजा आनंद, समीर शेख, संतोष आरडे, सुनिल शिंदे, युवक अध्यक्ष राहुल शिरसाट, मेहबुब नदाफ, सुजित यादव, हेमंत राजभोज, रमेश सकट, अक्षय माने, रमेश सोनकांबळे, राजेंद्र भुतडा, द. स. पोळेकर, बाळासाहेब अमराळे, सतिश पवार, प्रदिप परदेशी, रवि ननावरे, राजेंद्र शिरसाट, जयसिंग भोसले, शिवराज भोकरे, आशितोष शिंदे, सुंदर ओव्‍हाळ, प्रकाश पवार, सुनिल घाडगे, रवि पाटोळे, ऋषिकेश बालगुडे, महेश हराळे, नारायण पाटोळे, रवि आरडे आदींसह काँग्रेस नेते व कार्यकर्ते उपस्थित होते.

Murlidhar Mohol on Pune Rain | पावसाच्या पाण्याच्या निचऱ्यासाठी तातडीने उपाययोजना करा! केंद्रीय राज्यमंत्री मुरलीधर मोहोळ यांच्या महापालिका आयुक्तांना सूचना 

Categories
Breaking News PMC Political पुणे

Murlidhar Mohol on Pune Rain | पावसाच्या पाण्याच्या निचऱ्यासाठी तातडीने उपाययोजना करा! केंद्रीय राज्यमंत्री मुरलीधर मोहोळ यांच्या महापालिका आयुक्तांना सूचना

 

Murlidhar Mohol on Pune Rain – (The Karbhari News Service) – पुणे शहरात कमी वेळेत अधिक पाऊस पडण्याचे प्रकार वारंवार होत असून यामुळे शहरातील काही स्पॅाटवर पाणी मोठ्या प्रमाणावर साचण्याचे प्रकार होत आहेत. यामुळे पुणेकरांना नाहक त्रास होत असून अडचणींनाही सामोरे जावे लागत आहे. या पार्श्वभूमीवर केंद्रीय राज्यमंत्री मुरलीधर मोहोळ यांनी आज नवी दिल्ली येथून व्हर्च्युअल पद्धतीने पुणे महापालिकेचे आयुक्त आणि संबंधित अधिकाऱ्यांची बैठक घेत तात्पुरत्या आणि दीर्घकालीन उपाययोजनांसदर्भात बैठक घेतली. यात पाण्याचा निचरा वेळेत करणे, आपात्कालीन यंत्रणा सतर्क ठेवणे, पाणी साठणाऱ्या स्पॅाटवर विशेष उपाययोजना करणे, पाणी साठवण्याची कारणे शोधणे अशा विविध बाबींवर सूचना दिल्या. शिवाय याबाबत कृती आराखडा तयार करुन तात्पुरत्या आणि दीर्घकालीन उपाययोजना काय आहेत? याचीही विचारणा अधिकाऱ्यांकडे केली. (Pune Municipal Corporation (PMC)

राष्ट्रीय आपत्ती व्यवस्थापन अंतर्गत पुणे शहरात पूरपरिस्थितीनिर्माण होणाऱ्या ठिकाणी उपाययोजनांची कामे प्रस्तावित असून याला कामांना तातडीने स्थायी समितीची मान्यता द्यावी आणि लगेच ‘वर्क ॲार्डर’ देण्यासंदर्भातही सूचना अधिकाऱ्यांना दिल्या आहेत. या कामांसाठी १४७ कोटी रुपयांची आवश्यकता असून सदर निधी केंद्र सरकारच्या गृहमंत्रालयाच्या माध्यमातून लवकरात लवकर प्राप्त करुन देण्यासाठी मी स्वतः पत्रव्यवहार करुन पाठपुरावा करणार असल्याचे अधिकाऱ्यांना सांगितले.

विशेष बाब म्हणजे, राज्य सरकारकडून पूर नियंत्रणासाठी आपण २०० कोटींचा विशेष निधी पुणे शहरासाठी आणला असून त्याबाबतच्या कामांच्या नियोजनाचा आढावाही यावेळी घेतला. शिवाय पुण्यात पुन्हा पहिल्या पावसासारखी परिस्थिती उद्भवू नये, यासाठीच्या स्पष्ट सूचनाही अधिकाऱ्यांना दिल्या आहेत. महत्त्वाचे म्हणजे आपात्कालीन व्यवस्थापनाचे फोन लागत नसणे आणि उचलत नसल्याच्या नागरिकांच्या तक्रारी आहेत, याबाबतही तातडीने यंत्रणा पूर्ण क्षमतेने कार्यान्वित करण्याच्या सूचना दिल्या आहेत.

या बैठकीस महापालिका आयुक्त श्री. राजेंद्र भोसले, अतिरिक्त आयुक्त रविंद्र बिनवडे, पृथ्वीराज व्ही.पी., विद्युत विभाग प्रमुख श्रीनिवास कंदूल, सांडपाणी व्यवस्थापनचे श्री. संतोष तांदळे, आपत्ती व्यवस्थापन विभाग प्रमुख  गणेश सोनुने यांच्यासह संबंधित अधिकारी यावेळी उपस्थित होते.


मोहोळ यांच्याकडे या पदांची जबाबदारी 

पुणे लोकसभा मतदार संघाचे खासदार मुरलीधर मोहोळ यांनी काँग्रेसचे उमेदवार आणि कसबा विधानसभा मतदार संघाचे आमदार रवींद्र धंगेकर यांचा मोठ्या फरकाने पराभव केला. मोहोळ पहिल्यांदाच खासदार झाले असून त्यांची मंत्रिमंडळात वर्णी लागेल अशी चर्चा होती. अखेर रविवारी झालेल्या मंत्रिमंडळ शपथविधी सोहळ्यात मुरलीधर मोहोळ यांनी राज्यमंत्री पदाची शपथ घेतली. त्यानंतर आज खातेवाटप करण्यात आले. मुरलीधर मोहोळ यांच्याकडे सहकार राज्य मंत्री आणि नागरी हवाई वाहतूक राज्यमंत्री पदाची जबाबदारी सोपवण्यात आली आहे.

Pune Rain | Pramod Nana Bhangire | तीव्र पावसामुळे पुणे शहरात झालेल्या पडझड व इतर नुकसानीबाबत तात्काळ मदत देण्याची शिवसेना शहर प्रमुख प्रमोद नाना भानगिरे यांची मागणी 

Categories
Breaking News PMC Political social पुणे

Pune Rain | Pramod Nana Bhangire | तीव्र पावसामुळे पुणे शहरात झालेल्या पडझड व इतर नुकसानीबाबत तात्काळ मदत देण्याची शिवसेना शहर प्रमुख प्रमोद नाना भानगिरे यांची मागणी

Pramod Nana Bhangire – (The Karbhari News Service) – तीव्र पावसामुळे पुणे शहरात झालेल्या पडझड व इतर नुकसानीबाबत तात्काळ मदत देण्याची मागणी शिवसेना शहर प्रमुख प्रमोद नाना भानगिरे यांनी महापालिका आयुक्त विक्रम कुमार यांच्याकडे केली आहे.

भानगिरे यांच्या पत्रानुसार शहरात मागील दोन दिवसांपासून मुसळधार पावसाचा जोर वाढत आहे. त्यामुळे शहरातील विविध ठिकाणी रस्त्यांवरून पाणी वाहून रस्त्यांना नदीचे रूप आले आहे. नागरिकांच्या घरांमध्ये पाणी शिरले आहे. रस्त्यांवरच्या खड्ड्यांमध्ये पाणी साचले आहे. ते खड्डे रहदाऱ्यांना दिसत नसल्याने ते जीव धोक्यात टाकणारे ठरत आहेत.

भानगिरे यांनी पुढे म्हटले आहे कि, पुणे शहरातील विविध ठिकाणी ड्रेनेज पाईपलाईन फुटली आहे, झाडांची पडझड होत आहे. झाडे पडून काही लोक जखमी झाल्याच्या घटना देखील या दिवसात समोर आल्या आहेत. एकंदरीत या मुसळधार पावसामुळे पुणेकर नागरिकांच्या अडचणी वाढल्या असून या अडचणी तितक्याच धोकादायक ही ठरत आहेत. शहरातील वाहतूक व्यवस्था ही या पावसामुळे आलेल्या अडचणींमुळे खोळंबली आहे. तरी पावसामुळे पुणे शहरावर ओढावलेल्या या समस्यांचे निवारण करण्यासाठी त्वरित आपल्या आपात्कालीन यंत्रणा व मदतकार्य कार्यान्वित करावे जेणेकरून शहरातील नागरिक सुटकेचा श्वास घेऊ शकतील.
|

हडपसर मुंडवा क्षेत्रीय कार्यालय अंतर्गत पारित नियंत्रण कक्षामध्ये काम करण्यासाठी यंत्रणा उपलब्ध करून द्या  | भानगिरे

भानगिरे यांनी महापालिका आयुक्त यांच्याकडे मागणी केली आहे कि, मागील काही दिवसांपासून पावसामुळे नागरिकांना अनेक अडचणींना सामोरे जावे लागत आहे. त्यामुळे नागरिकांच्या तक्रारी देखील आहेत तरी
पावसाळ्याच्या कालावधीमध्ये हडपसर क्षेत्रीय कार्यालयाकडे पूर्णवेळ अधिकचा एक जेसीबी निय यावा, सेटिंग मशीन, टायगर मशीन पूर्ण वेळ उपलब्ध करून मिळाव्यात.  तसेच मुख्य खात्याकडे ड्रेनेज
लाईन देखभाल दुरुस्ती विभागाचे टेंडर असल्यामुळे त्यांचे इंजिनीयर आणि कंत्राटी कर्मचारी हे देखील हडपसर क्षेत्रीय कार्यालयात पूर्ण वेळ उपलब्ध असले पाहिजेत.
त्याचप्रमाणे हडपसर मुंढवा क्षेत्रीय कार्यालयाची हद्द मोठी असल्यामुळे व हडपसर क्षेत्रीय कार्यालयात नव्याने गावे समाविष्ट झालेली असून पूर्णवेळ दोन उपअभियंता आवश्यक आहेत. परंतु आपल्या कार्यालयाकडे एकही उपअभियंता नाही तरी आपल्या कार्यालयास पूर्ण वेळ दोन उपाभियंता त्वरित
मिळावा. तसेच हडपसर मुंढवा क्षेत्रीय कार्यालयातून तीन कनिष्ठ अभियंत्यांची बांधकाम विभागात बदली झाली परंतु त्यांच्या जागी सेवक वर्ग विभागातून तीन अभियंता आले नाहीत.  त्यामुळे विकास कामांवर मोठा परिणाम होत असून नागरिकांच्या तक्रारी देखील वाढत आहेत. तरी आपण तीन कनिष्ठ अभियंता हडपसर मुंडवा क्षेत्रीय कार्यालयास देण्यात यावे. अशी मागणी भानगिरे यांनी केली आहे.
—–

Pune Fir Brigade | मुसळधार पावसात अग्निशमन दलाचे मदतकार्य | कर्मचाऱ्यांना विशेष भत्ता द्या | आमदार धंगेकर यांची मागणी

Categories
Breaking News PMC Political पुणे

Pune Fir Brigade | मुसळधार पावसात अग्निशमन  दलाचे मदतकार्य | कर्मचाऱ्यांना विशेष भत्ता द्या | आमदार धंगेकर यांची मागणी

 

Pune Fire Brigade – (The Karbhari News Service) – मुसळधार पावसात अडकलेल्या नागरिकांच्या मदतीसाठी महापालिका अग्निशमन दलाच्या अधिकाऱ्यांनी आणि कर्मचाऱ्यांनी शनिवारी रात्री सलग बारा तास अथक परिश्रम केले, त्यांचे कौतुक आमदार रविंद्र धंगेकर (MLA Ravindra Dhangekar)!यांनी केले असून, महापालिका आयुक्तांनी अग्निशमन दलाच्या अधिकारी आणि जवानांचा योग्य तो सन्मान करावा, अशी मागणी आमदार रविंद्र धंगेकर यांनी केली आहे. (PMC Pune Fire Brigade)

महापालिकेच्या अग्निशमन दलाची २० केंद्र आणि सुमारे २०० कर्मचारी या मदतकार्यात अखंडपणे काम करत होते. पावसाने साचलेल्या पाण्यातून अनेक नागरिकांची अग्निशमन दलाच्या जवानांनी सुटका केली, हे कार्य कौतुकास्पदच आहे. महापालिका आयुक्तांनी या कामाची दखल घेऊन अग्निशमन दलाच्या कर्मचाऱ्यांचा सन्मान करून त्यांना प्रोत्साहन द्यावे, अशी मागणी आमदार धंगेकर यांनी केली आहे.

स्मार्ट सिटी म्हणून भारतीय जनता पक्षाने पुण्याचा गवगवा केला. परंतु नाला सफाई, नेहमी पाणी साठणाऱ्या रस्त्यांवर, चौकांमध्ये उपाययोजना महापालिकेने केलेल्या नाहीत, केवळ गेल्या पाच, सात वर्षांत या कामांच्या निविदांमध्ये सत्ताधाऱ्यांनी घोटाळे केले. या घोटाळ्यांची रिंग मोडून काढावी, असेही धंगेकर यांनी पत्रकात म्हटले आहे.

Ajit Pawar on Pune Rain | पुणे शहर परिसरातील पावसामुळे विस्कळीत झालेले जनजीवन पूर्वपदावर आणण्याच्या उपमुख्यमंत्री अजित पवार यांच्या प्रशासनाला सूचना

Categories
Breaking News PMC Political social पुणे

Ajit Pawar on Pune Rain | पुणे शहर परिसरातील पावसामुळे विस्कळीत झालेले जनजीवन पूर्वपदावर आणण्याच्या उपमुख्यमंत्री अजित पवार यांच्या प्रशासनाला सूचना

 

Pune Rain – (The Karbhari News Service) – पुणे शहर आणि परिसरात शनिवारी (दि.08 जून) सायंकाळी मान्सून पूर्व पावसाने जोरदार हजेरी लावली आहे. पुणे शहरातील शिवाजीनगर, पाषाण भागात सर्वाधिक पावसाची नोंद झाली आहे. उपमुख्यमंत्री अजित पवार यांनी पुणे महानगरपालिकेचे आयुक्त आणि पुणे जिल्हाधिकाऱ्यांशी दूरध्वनीवरुन या विषयीची सविस्तर माहिती घेतली. कमी वेळेत जास्त पाऊस पडल्यामुळे काही ठिकाणी पाणी साचले आहे, त्याचा जनजीवनावर परिणाम झाला आहे. तरी प्रशासनाच्यावतीने तातडीने उपाययोजना करण्याच्या तसेच पावसात अडकलेल्या नागरीकांना मदत करुन पावसामुळे विस्कळीत झालेली वाहतुक सुरळीत करण्याच्या सूचना त्यांनी प्रशासनाला दिल्या. (Ajit Pawar on Pune Rain)

 

पुण्यात शनिवारी सायंकाळी मान्सून पूर्व पावसाने जोरदार हजेरी लावल्यामुळे काही भागात पाणी साचले. त्यामुळे जनजीवन विस्कळीत झाले, याची तातडीने दखल उपमुख्यमंत्री अजित पवार यांनी घेतली. त्यांनी पुणे महानगरपालिकेचे आयुक्त आणि जिल्हाधिकारी यांच्याशी दूरध्वनीवरुन संपर्क साधून या विषयीची माहिती घेतली. जनजीवन पूर्वपदावर आणण्यासाठी तसेच विस्कळीत झालेली वाहतुक तातडीने सुरळीत करण्याच्या सूचना त्यांनी प्रशासनाला दिल्या. या काळात नागरीकांनी शक्यतो घराच्या बाहेर पडू नये, अशा सूचना प्रशासनाने दिल्या आहेत. नागरीकांनी काळजी घ्यावी. तसेच येत्या पाच दिवसात राज्यात अनेक ठिकाणी मान्सूनपूर्व पाऊस जोरदार हजेरी लावणार असल्याचा इशारा हवामान खात्याने दिला आहे. त्याअनुषंगाने राज्यातील आपत्ती व्यवस्थापन कक्षाला सतर्क राहण्याच्या सूचना उपमुख्यमंत्री अजित पवार यांनी दिल्या आहेत.


*****