Tag: PMC Education Department

PMC Pune Education Department | पुणे महापालिकेच्या शिक्षण विभागातील रोजंदारीवरील 351 शिपाई आणि रखवालदाराना 13 वर्षानंतर मिळाला न्याय

Categories
Breaking News PMC पुणे

PMC Pune Education Department | पुणे महापालिकेच्या शिक्षण विभागातील रोजंदारीवरील 351 शिपाई आणि रखवालदाराना 13 वर्षानंतर मिळाला न्याय

| राज्य सरकारकडून आदेश जारी

PMC Pune Education Department | पुणे | पुणे महापालिकेच्या शिक्षण विभागात गेल्या १३ वर्षापासून रोजंदारीवर सेवक आणि रखवालदार म्हणून काम करणाऱ्या ३५१ जणांना महापालिकेच्या सेवेत कायमस्वरूपी सामावून घेण्याचा आदेश राज्य सरकारने काढला आहे. दरम्यान, ही सेवा शासनाच्या आदेशापासून ग्राह्य धरली जाणार असून, पूर्वलक्षीप्रभावाने कोणत्याही सेवा व लाभ मिळणार नाहीत असे आदेशात स्पष्ट करण्यात आले आहे. (Pune Municipal Corporation)
पुणे महापालिकेच्या शिक्षण मंडळात शिपाई आणि रखवालदारांची गरज असल्याने रोजंदारी पद्धतीने त्यांची भरती करण्यात आलेली होती. या सेवकांना महापालिकेच्या सेवेत कायम केले जावे यासाठी मागणी केली जात होती. पण महापालिका प्रशासनाने यासंदर्भात निर्णय घेतला नसल्याने २०१३ मध्ये उच्च न्यायालयात याचिका दाखल करण्यात आलेली होती. तसेच महापालिकेच्या मुख्यसभेत २०१५ मध्ये या कर्मचाऱ्यांना कायम करण्याचा ठराव मंजूर करण्यात आला होता. दरम्यान, ही याचिका अद्याप निकाली लागलेली नसल्याने न्यायालयाच्या निर्णयाच्या आधीन राहून एकवेळची बाब म्हणून आकृतिबंधातील मंजूर व रिक्त पदांवर या ३५१ जणांचे समायोजन करण्याचा निर्णय राज्य सरकारने घेतला आहे. (PMC Pune News)
यासंदर्भात नगरविकास विभागाच्या उपसचिव प्रियांका कुलकर्णी छापवाले यांनी आदेश काढला आहे.
यामध्ये ९४ रोजंदावरील शिपाई आणि २५७ रोजंदारीवरील रखवालदारांचा समावेश आहे. या कर्मचाऱ्यांना सेवक कायम केल्याच्या आदेशापासून पुढे वेतन, सेवा, ज्येष्ठता, निवृत्तिवेतन लागू असेल. यापूर्वी केलेल्या सेवेचे कोणतेही लाभ व थकबाकी मिळणार नाही. पगाराचा निधी शासनाकडून दिला जाणार नाही. उच्च न्यायालयात दाखल असलेल्या याचिकेचा जो निर्णय येईल तो अंतिम निर्णय समजणे बंधनकारक असेल, मागील सेवेचा लाभ मागणार नाही असे बंधपत्रही कर्मचाऱ्यास देणे बंधनकारक असणार आहे, असे आदेशात नमूद केले आहे.

PMC Sanitary Napkin Tender | शिक्षण विभागाच्या सॅनिटरी नॅपकिन खरेदी टेंडरमध्ये संगनमत केल्याचा आरोप | टेंडर रद्द करून फेरनिविदा करण्याची मागणी

Categories
Breaking News PMC Political पुणे

PMC Sanitary Napkin Tender | शिक्षण विभागाच्या सॅनिटरी नॅपकिन खरेदी टेंडरमध्ये संगनमत केल्याचा आरोप | टेंडर रद्द करून फेरनिविदा करण्याची मागणी

| भाजपच्या चेतन चावीर यांनी महापालिका आयुक्त व अतिरिक्त आयुक्त यांना पत्र देत केली मागणी

PMC Sanitary Napkin Tender |  पुणे महानगरपालिकेच्या (Pune Municipal Corporation) शिक्षण विभागाकडील प्राथमिक व माध्यमिक शाळातील (PMC Primary and Secondary School) मुलींना सॅनिटरी नॅपकीन खरेदी करणे याबाबत निविदा प्रक्रिया राबवण्यात आली. मात्र ही निविदा संगनमत करून भरली असल्याचा आरोप भाजप नेते चेतन चावीर (BJP Leader Chetan Chavir) यांनी केला आहे. मध्यवर्ती भांडार विभागाच्या (PMC Central Store Department) उपायुक्तांनी अपात्र निविदाधारकाला पात्र केले व पात्र निविदाधारकेला अपात्र केले असल्याचा आरोप करत या निविदेची तात्काळ चौकशी करण्याची मागणी चावीर यांनी केली आहे. तसेच या निविदा मध्ये पुणे महापालिकेचे 24 लाख रुपयाचे नुकसान होणार असून ही निविदा तात्काळ रद्द करून फेर निविदा मागवावी. अशा मागणीचे पत्र चावीर यांनी महापालिका आयुक्त आणि अतिरिक्त आयुक्तांना दिले आहे. (PMC Pune News)

पुणे महानगरपालिकेच्या शिक्षण विभागाकडील प्राथमिक व माध्यमिक शाळातील मुलीना सॅनिटरी नॅपकीन खरेदी करणे या कामी मध्यवर्ती भांडर कार्यालय मार्फत निविदा प्रक्रिया राबविण्यात आलेली आहे. निविदेचे ब पाकीट दिनांक ०१ नोव्हेंबर रोजी उघडण्यात आले आहे. या निविदेमध्ये मे. स्टेझी हायजीन प्रा लि. यांची सर्व कागदपत्रे असताना देखील त्यांची निवीदा अपात्र करण्यात आली आहे. तसेच शासन निणर्य मध्ये किरकोळ कारणासाठी निविदा
अपात्र करण्यात येऊ नये. असे आदेश असताना देखील उपायुक्त डॉ. चेतना केरुरे यांनी आर्थिक हितासाठी मनमानी कारभार केलेला आहे. असा आरोप पत्राच्या माध्यमातून करण्यात आला आहे. चावीर यांनी पुढे म्हटले आहे कि, निविदेमध्ये Menstrual Health Management Training Certificate हि अट मध्यवर्ती भांडार कार्यालय मार्फत गेल्या २-३ वर्षात कधीही टाकण्यात आलेली नव्हती.  अट मध्ये पुणे मनपा अंतर्गत शाळामध्ये Menstrual Health Management Training Certificate देणे बंधनकारक आहे. अशी अट टाकण्यात आलेली आहे. या अटी निविदेमध्ये टाकण्यापूर्वी कार्यालयीन परीपत्रकानुसार खरेदी उच्चधिकार समिती ची मान्यता अपेक्षित असताना उपायुक्तांनी समितीची मान्यता न घेता महापालिका आयुक्त यांची आदेशाचे पालन न करता आर्थिक हितासाठी ही अट टाकली आहे. हे  प्रशिक्षण शासकीय/ निमशासकिय संस्था पैकी कुणालाही दिल्याचे चालत असताना उपायुक्तांनी  फक्त पुणे मनपा अंतर्गत शाळामध्ये असे नमूद केले आहे.  ही बाब ठराविक ठेकेदारला डोळ्यासमोर ठेऊन टाकण्यात आलेली आहे असे स्पष्ट होत आहे. (Pune Municipal Corporation) 

चावीर यांनी पुढे म्हटले आहे कि  निविदेमध्ये मे. स्टेझी हायजीन प्रा लि. पात्र असताना देखील त्यांना अपात्र करण्यात आले आहे. मे. स्टेझी हायजीन प्रा लि. यांचा  दर 24% ने कमी आहे. यात पालिकेचा फायदा होता. तर  KENDRIYA BHANDAR चा. 0.015% ( ॲट पार) होता. तर KOLEX INDUSTRIES चा 0.010% ( ॲट पार ) होता. या  निविदेमध्ये पुणे महानगरपालिकेचे किमान 24 लाख रुपयाचे नुकसान होणार आहे. (PMC Pune News)
चावीर यांनी म्हटले आहे कि, मे. स्टेझी हायजीन प्रा लि संस्था ही सॅनिटरी नॅपकीनचे उत्पादक असून त्यांचे सॅनिटरी नॅपकीन हे IS 5405: 2019 नॉर्म्स नुसार असून त्यांना शासन कडून त्याचे लायसन्स नबर सुद्धा
प्राप्त आहे. त्यांनी सादर केलेले नमुने हे IS 5405:2019 स्पेसिफिकेशनुसार आहेत व त्याच दर्जा चांगला आहे. 
 M/s KENDRIYA BHANDAR व M/S KOLEX INDUSTRIES यांनी निविदा भरली त्याचा दिनांक व वेळ  ह्यात केवळ काही फरक असल्याने ही निविदा संगनमत करून भरली असल्याचे स्पष्ट सिद्ध होते. या निविदा धारकाचे IP address देखील एकच आहेत. त्यामुळे महापालिकेचे आर्थिक नुकसान करणारी ही निविदा रद्द करून फेरनिविदा मागवावी. अशी मागणी चावीर यांनी केली आहे.
दरम्यान याबाबत The Karbhari च्या प्रतिनिधींनी प्रशासनाशी संपर्क साधला असता त्यांच्याशी संपर्क होऊ शकला नाही.

PMC Primary  Éducation Department | वारजे माळवाडीतील बराटे शाळेतील शिक्षक प्रश्नाबाबत महापालिका सकारात्मक | प्रशासन आणि पालकांची उद्या एकत्रित बैठक

Categories
Breaking News Education PMC Political पुणे

PMC Primary  Éducation Department | वारजे माळवाडीतील बराटे शाळेतील शिक्षक प्रश्नाबाबत महापालिका सकारात्मक | प्रशासन आणि पालकांची उद्या एकत्रित बैठक

PMC Primary Education Department | पुणे | वारजे माळवाडी मधील पुणे महानगरपालिका शिक्षण विभागाची (PMC Primary Education Department) कै. शामराव श्रीपती बराटे मराठी व इंग्रजी माध्यमाची शाळा आहे. इंग्रजी माध्यमातील शाळेत 6 शिक्षकांची कमी आहे. यामुळे विद्यार्थ्यांच्या पालकांमध्ये असंतोषाचे वातावरण तयार झाले होते. त्याबाबत शाळेत अतिरिक्त शिक्षक उपलब्ध करून देण्याची मागणी महापालिकेच्या माजी विरोधी पक्षनेत्या दीपाली धुमाळ (Deepali Dhumal) आणि शिक्षण मंडळाचे माजी अध्यक्ष प्रदीप बाबा धुमाळ यांनी केली होती. याबाबत The Karbhari ने वृत्त प्रसारित केले होते. त्याला प्रशासनाने सकारात्मक प्रतिसाद दिला आहे. शिक्षण विभागाने या प्रश्नाबाबत प्रशासन व पालकांची एकत्रित बैठक बोलावली आहे.  (Pune Municipal Corporation)

प्र.क्र. ३२ वारजे माळवाडी मधील पुणे महानगरपालिका शिक्षण विभागाची कै. शामराव श्रीपती बराटे मराठी व इंग्रजी माध्यमाची शाळा आहे. सदर शाळेत गेले अनेक दिवसांपासून इंग्रजी व मराठी माध्यमाच्या शाळेत 6 शिक्षक कमी आहे. उपलब्ध असलेल्या शिक्षकांना
२ ते ३ वर्ग घ्यावे लागतात . त्याचप्रमाणे काही वर्गांना शाळेतील शिपाई तसेच बालवाडी शिक्षिका, मावशी व काही वेळेला पालक सुद्धा वर्गांना शिकवीत आहेत. इंग्रजी माध्यमाची शाळेची गुणवत्ता व शैक्षणिक दर्जा अत्यंत चांगला असुन या वर्षी झालेल्या स्कॉलरशिप परीक्षेत १७ विद्यार्थी गुणवत्ता यादी मध्ये आलेले आहेत. मात्र शिक्षक कमी असल्याने दर्जा खालावत आहे. (PMC School)

याबाबत परिसरातील पालकांनी दीपाली धुमाळ आणि प्रदीप बाबा धुमाळ यांच्याकडे समस्या मांडली होती. धुमाळ यांनी याबाबत पाठपुरावा करत प्रशासनाने लक्ष देण्याची मागणी केली होती. त्यानुसार शिक्षण विभागाने सकारात्मक प्रतिसाद दिला आहे. हा प्रश्न सोडवण्यासाठी पालक आणि प्रशासन यांची एकत्रित बैठक उद्या बोलावण्यात आली आहे. उपायुक्त राजीव नंदकर, शिक्षण प्रमुख श्री राठोड, उप शिक्षण प्रमुख शुभांगी चव्हाण, सहायक प्रशासकीय अधिकारी, पर्यवेक्षिका व दोन्ही शाळांचे मुख्याध्यापिका यांच्या समवेत ही बैठक होणार आहे.
 (Pune Municipal Corporation school)
—
बराटे इंग्रजी शाळेत 6 शिक्षकांची कमी आहे, ही वस्तुस्थिती आहे. याबाबत आम्ही शिक्षण विभाग आणि पालकांची एकत्रित बैठक बोलावली आहे. हा प्रश्न तात्काळ सोडवला जाईल. नुकतीच काही इंग्रजी माध्यमासाठी शिक्षकांची भरती करण्यात आली आहे. त्यातील काही शिक्षक या शाळेत देण्यात येतील.
– राजीव नंदकर, उपायुक्त, पुणे मनपा 
——-

PMC Pay Roll and Pension Software | महापालिका कर्मचाऱ्यांसाठी आनंदाची बातमी | नवीन वर्षांपासून 1 तारखेलाच मिळणार वेतन!

Categories
Breaking News PMC पुणे

PMC Pay Roll and Pension Software | महापालिका कर्मचाऱ्यांसाठी आनंदाची बातमी | नवीन वर्षांपासून 1 तारखेलाच मिळणार वेतन!

 | वेतन आणि पेन्शन मिळण्यात येणार गती | वेतन आणि पेन्शन साठी एकच प्रणाली

PMC Pay Roll and Pension Software | पुणे | महापालिका (Pune Municipal Corporation) कर्मचाऱ्यांना वेतन (Pay roll₹ आणि पेन्शन (Pension) हे ऑनलाईन प्रणाली द्वारे दिले जाते. मात्र ही सिस्टम फार जुनी झाली आहे. त्यामुळे महापालिका आता नवीन सॉफ्टवेअर विकसित करत आहे. त्या माध्यमातून महापालिका कर्मचाऱ्यांना वेतन आणि पेन्शन साठी रखडत बसावे लागणार नाही. याला आता गती मिळणार आहे. विशेष म्हणजे शिक्षण विभाग (PMC Education Department) देखील आता यामध्ये जोडण्यात आला आहे. जानेवारी पासून यांची सुरुवात करण्यात येईल. अशी माहिती संगणक विभाग प्रमुख राहूल जगताप (System Manager Rahul Jagtap https://www.pmc.gov.in/en/it) यांनी दिली. (PMC HRMS Pay Roll and Pension System)
याबाबत जगताप यांनी सांगितले कि, पुणे महापालिका कर्मचाऱ्यांना वेतन आणि पेन्शन देण्यासाठी 2013 साली वेतन प्रणाली बनवण्यात आली होती. मात्र ही प्रणाली जुनी झाली आहे. यामुळे काही अडचणी निर्माण होत आहेत. तसेच तत्कालीन शिक्षण मंडळाचा देखील महापालिकेत समावेश झाला आहे. याआधी महापालिका कर्मचारी आणि शिक्षण विभाग वेतनासाठी स्वतंत्र प्रणाली होती. यामध्ये कर्मचाऱ्यांना खूप करावे लागायचे. शिवाय वेतन देखील वेळेवर होत नसायचे. तसेच काही कर्मचाऱ्यांना वेतन देण्यात तांत्रिक अडचणी आल्या तर सगळ्याच कर्मचाऱ्यांना वेतनासाठी थांबावे लागत आहे. मात्र आता नवीन प्रणाली मध्ये या सगळ्या अडचणी दूर करण्यात येणार आहेत. (Pune Municipal Corporation)
जगताप यांनी सांगितले कि, pay roll आणि pension  दोन्ही एकाच प्रणालीत आणले जाणार आहे. यामुळे आता वेतनासाठी जी 10 तारखेची वाट पाहावी लागते. ती पाहावी लागणार नाही. प्रत्येक महिन्याच्या 1 तारखेलाच वेतन मिळेल. तसेच आज पेन्शनसाठी सेवानिवृत्त सेवकांना रखडावे लागते, ती अडचण देखील कमी होणार असून लवकरात लवकर पेन्शन हातात मिळण्यास मदत होणार आहे. जगताप यांनी सांगितले कि, हे सॉफ्टवेअर बनवण्यासाठी महापालिकेला बँक ऑफ महाराष्ट्र (Bank of Maharashtra) ने सीएसआर (CSR) अंतर्गत चांगली मदत केली आहे. या प्रणालीचा वापर करण्यास आम्ही प्रायोगिक तत्वावर सुरुवात केली आहे. मात्र पूर्ण प्रणाली ही जानेवारी महिन्यापासून विकसित होईल.
—-

PMC Pune Education Department | शिक्षण विभाग समायोजन प्रक्रियेला वेग! | सामान्य प्रशासन विभागाने मागवली 18 पदांची सविस्तर माहिती

Categories
Breaking News PMC पुणे

PMC Pune Education Department | शिक्षण विभाग समायोजन प्रक्रियेला वेग! | सामान्य प्रशासन विभागाने मागवली 18 पदांची सविस्तर माहिती 

 
PMC Pune Education Department | राज्य सरकारने शिक्षण मंडळ बरखास्त केल्यानंतर  मंडळ हा एक महापालिकेचा (PMC Pune) विभाग करण्याचे ठरले. असे असले तरी महापालिकेत या कर्मचाऱ्यांचे समायोजन करण्यात बऱ्याच अडचणी येत आहेत. वेतन श्रेणी पासून पदोन्नती (promotion) पर्यंतच्या या अडचणी आहेत. मात्र आता या प्रक्रियेला वेग आला आहे. समायोजनच्या प्रस्तावाला आयुक्तांनी मंजूरी दिल्यानंतर आता सामान्य प्रशासन विभागाने शिक्षण विभागाकडील 18 पदांची सविस्तर माहिती शिक्षण विभागाकडे मागितली आहे. याबाबत The Karbhari ने नुकतेच एक वृत्त प्रसारित केले होते. (Pune Municipal Corporation)
 महापालिका सामान्य प्रशासन विभागाने शिक्षण विभागाच्या शिक्षकेतर कर्मचाऱ्यांचे समायोजन करण्याच्या प्रस्ताव आयुक्त यांच्या समोर ठेवला होता. आयुक्तांनी या प्रस्तावाला मंजूरी दिली आहे. त्यानुसार आता शिक्षण विभागातील कर्मचाऱ्यांच्या बदल्या महापालिकेतील कुठल्याही विभागात होतील. शिवाय त्यांना पदोन्नती देखील मिळणार आहेत. मात्र अजूनही समायोजन न झाल्याने कर्मचाऱ्यांच्या पदोन्नत्या रखडल्या आहेत. त्यामुळे सामान्य प्रशासन विभागाकडून सेवाज्येष्ठता ठरवून समायोजनाचा मार्ग मोकळा करावा, अशी मागणी कर्मचाऱ्यांनी केली आहे. त्यानुसार या प्रक्रियेला वेग आला आहे. सामान्य प्रशासन विभागाने शिक्षण विभागाकडे 18 पदांची 31 ऑगस्ट 2023 पर्यंतची सविस्तर माहिती मागवली आहे. यामध्ये मंजूर पदे, रिक्त पदे, कार्यरत पदे, तसेच पुणे महापालिकेकडील समकक्ष पद, अशी सगळी माहिती मागवली आहे. दरम्यान ही माहिती मिळाल्यानंतर प्रक्रिया लवकर होणे अपेक्षित आहे. (PMC Education Department)
 
 

या पदांची मागवली आहे माहिती 

प्रशासकीय अधिकारी (वर्ग 1), उपप्रशासकीय अधिकारी (वर्ग 2), सहायक प्रशासकीय अधिकारी (वर्ग 2), क्रीडाप्रमुख(वर्ग 2), पर्यवेक्षक (वर्ग 3), सहा. प्रशासकीय अधिकारी क्रीडा विभाग (वर्ग 2), शारीरिक शिक्षण संघटक (क्रीडा अधिकारी वर्ग 2),  स्वीय सहा. लघुलेखक (वर्ग-३), कनिष्ठ अभियंता (वर्ग-३), प्रशासन अधिकारी (वर्ग-२), अधिक्षक (वर्ग-३), उपअधिक्षक (वर्ग-३), वरिष्ठ लिपिक (वर्ग-३), लिपिक टंकलेखक (वर्ग- ३), शिपाई (वर्ग-४), रखवालदार (वर्ग-४), बिगारी (वर्ग-४) व माळी (वर्ग-४) (PMC Pune)

या पदावरील शिक्षकेतर पदावरील सेवकांच्या सेवाजेष्ठ्ता पुणे मनपाव्या आस्थापनेवरील सेवकांमध्ये सेवाज्येष्ठता यादीमध्ये समाविष्ट करणे, पुणे मनपाकडील मंजूर पदे आणि प्राथमिक शिक्षण विभागाकडील मंजूर पदे, कार्यरत पदे एकत्रित करून एकच रोस्टर तयार करणे आणि सदर सेवकांच्या बदल्या मनपाच्या इतर खात्यामध्ये करणेबाबत समितीने एकमताने निर्णय घेतलेला आहे.  प्राथमिक शिक्षण विभागाकडील समावेशन करावयाचे पदावरील कर्मचारी पद निहाय संख्या जवळपास 450 आहे. यामध्ये वर्ग 4 मधील कर्मचाऱ्यांची संख्या 200 हून अधिक आहे. (Pune Municipal Corporation education department)
 
——

Pune PMC Education department | शिक्षण विभाग समायोजन न झाल्याने कर्मचाऱ्यांच्या पदोन्नतीत बाधा! 

Categories
Breaking News PMC पुणे

Pune PMC Education department | शिक्षण विभाग समायोजन न झाल्याने कर्मचाऱ्यांच्या पदोन्नतीत बाधा!

| लवकरात लवकर समायोजन करण्याची कर्मचाऱ्यांची मागणी

PMC Pune Education Department | राज्य सरकारने शिक्षण मंडळ बरखास्त केल्यानंतर  मंडळ हा एक महापालिकेचा (PMC Pune) विभाग करण्याचे ठरले. असे असले तरी महापालिकेत या कर्मचाऱ्यांचे समायोजन करण्यात बऱ्याच अडचणी येत आहेत. वेतन श्रेणी पासून पदोन्नती (promotion) पर्यंतच्या या अडचणी आहेत. दरम्यान महापालिका सामान्य प्रशासन विभागाने शिक्षण विभागाच्या शिक्षकेतर कर्मचाऱ्यांचे समायोजन करण्याचा प्रस्ताव आयुक्त यांच्या समोर ठेवला होता. आयुक्तांनी या प्रस्तावाला मंजूरी दिली आहे. त्यानुसार आता शिक्षण विभागातील कर्मचाऱ्यांच्या बदल्या महापालिकेतील कुठल्याही विभागात होतील. शिवाय त्यांना पदोन्नती देखील मिळणार आहेत. मात्र अजूनही समायोजन न झाल्याने कर्मचाऱ्यांच्या पदोन्नत्या रखडल्या आहेत. त्यामुळे सामान्य प्रशासन विभागाकडून सेवाज्येष्ठता ठरवून समायोजनाचा मार्ग मोकळा करावा, अशी मागणी कर्मचाऱ्यांनी केली आहे. दरम्यान या प्रक्रियेस अजून वेळ लागणार असल्याचे सामान्य प्रशासन विभागाकडून स्पष्ट करण्यात आले आहे. (Pune Municipal Corporation)
पुणे महानगरपालिकासेवा (PMC pune new) प्रवेश नियमावली २०१४ नुसार प्राथमिक शिक्षण विभागाकडील शिक्षकेतर कर्मचाऱ्यांना पदोन्नतीचे शिडी प्रमाणे त्यांना संधी मिळणार आहे. आज मितीस माध्यमिक व तांत्रिक शिक्षण विभागाकडील ळांतील शिक्षकेतर सेवकांच्या बदल्या/बढत्या या पुणे महानगरपालिका आस्थापनेवर करण्यात येत नाही. तसेच त्या शिक्षकेतर सेवकांची सेवाज्येष्ठता ही स्वतंत्र ठेवण्यात आलेली आहे. पुणे मनपाकडील अन्य विभाग जसे मुख्यलेखापरीक्षण विभाग, नगरसचिव कार्यालय, मुद्रणालय विभाग या कार्यालयाकडील सर्व संवर्गाच्या सेवकांच्या देखील सेवाजेष्ठता याद्या व रोस्टर स्वतंत्र ठेवण्यात आलेले आहे. प्राथमिक शिक्षण विभागाकडील (तत्कालीन शिक्षण मंडळाकडील) सेवकांच्या सेवाज्येष्ठता यादी एकत्रित केल्यास पुणे महानगरपालिकेच्या मुळ संवर्गातील सेवकांच्या सेवाज्येष्ठतेवर परिणाम होऊन त्यास मूळ संवर्गातील सेवकांकडून विरोध होण्याची शक्यता आहे. तसेच सदर शिक्षकेतर सेवकांच्या सेवाजेष्ठता पुणे महानगरपालिका आस्थापनेत विलिन करावयाच्या झाल्यास मनपा आस्थापनेवरील मंजूर पद संख्येत बदल करावे लागतील . मनपा आस्थापनेवरील मंजूर पदांवर प्राथमिक शिक्षण विभागातील शिपाई, रखवालदार पदावरील रोजंदारी कर्मचारी सामावून घेण्याची मागणी देखील करण्याची शक्यता होती. या सर्व गोष्टी विचारात घेऊन सामान्य प्रशासन विभागाने समायोजनाचा प्रस्ताव अतिरिक्त आयुक्त यांच्या माध्यमातून महापालिका आयुक्त यांच्यासमोर ठेवला होता. या प्रस्तावाला महापालिका आयुक्तांनी मंजूरी दिली आहे.
आयुक्तांनी प्रस्तावाला मंजूरी दिल्याने आता शिक्षण विभागातील कर्मचाऱ्यांच्या बदल्या महापालिकेतील कुठल्याही विभागात होतील. शिवाय त्यांना पदोन्नती देखील मिळणार आहेत.  त्यानुसार सामान्य प्रशासन विभागाकडून  प्रारूप सेवाज्येष्ठता यादी प्रसिद्ध करण्यात येईल. त्यावर येणाऱ्या हरकतींचा निपटारा करून बदल्या केल्या जातील. मात्र आयुक्तांनी प्रस्तावाला मंजूरी दिल्यानंतरही ही प्रक्रिया करण्यास वेळ लागत आहे. त्यामुळे लवकरात लवकर यादी प्रसिद्ध करून समायोजनाचा मार्ग मोकळा करावा, अशी मागणी कर्मचाऱ्यांनी केली आहे.
—

Pune Municipal Corporation | आशा राऊत यांच्याकडे परिमंडळ तीन च्या उपायुक्त पदाची जबाबदारी | राजीव नंदकर यांच्याकडील मोटार वाहन विभागाचा कार्यभार काढून घेतला

Categories
Breaking News PMC पुणे

Pune Municipal Corporation | आशा राऊत यांच्याकडे परिमंडळ तीन च्या उपायुक्त पदाची जबाबदारी

| राजीव  नंदकर यांच्याकडील मोटार वाहन विभागाचा कार्यभार काढून घेतला

Pune Municipal Corporation | पुणे | पुणे महापालिकेच्या (PMC Pune) परिमंडळ तीन च्या उपायुक्तपदी आशा राऊत (Deputy Commissioner Aasha Raut) यांची नेमणूक करण्यात आली आहे. राऊत पूर्वी घनकचरा व्यवस्थापन विभागाच्या (PMC Solid Waste Management Department) उपायुक्त होत्या. मात्र या पदावर संदीप कदम (Sandeep Kadam) यांची नेमणूक केली होती. राऊत यांना अजून कुठला पदभार दिला नव्हता. अखेर आयुक्तांनी त्यांच्याकडे परिमंडळ तीन ची जबाबदारी दिली आहे. (Pune Municipal Corporation)
दरम्यान उपायुक्त राजीव नंदकर (Deputy Commissioner Rajiv Nandkar) यांच्याकडून मोटार वाहन विभाग (PMC Vehicle Depot) काढून घेण्यात आला आहे. त्यांच्याकडे शिक्षण विभाग (PMC Éducation Department) कायम ठेवण्यात आला आहे. तर परिमंडळ तीन ला जयंत भोसेकर (Deputy Commissioner Jayant Bhosekar) काम करत होते. त्यांच्याकडे आता मोटार वाहन विभाग आणि मागासवर्ग विभागाची जबाबदारी देण्यात आली आहे. महापालिका आयुक्त विक्रम कुमार (IAS Vikram Kumar) यांनी नुकतेच याबाबतचे आदेश जारी केले आहेत.

—
News Title | Pune Municipal Corporation | Asha Raut holds the charge of Deputy Commissioner of Circle Three Rajiv Nandkar took charge of Motor Vehicle Department

PMC Education Department | MLA Madhuri Misal |पुणे महापालिका प्राथमिक शिक्षण विभागाच्या गलथान कारभाराविरोधात आमदार आक्रमक

Categories
Breaking News Education Political पुणे महाराष्ट्र

PMC Education Department | MLA Madhuri Misal |पुणे महापालिका प्राथमिक शिक्षण विभागाच्या गलथान कारभाराविरोधात आमदार आक्रमक

 

PMC Education Department | MLA Madhuri Misal |वर्गात शिक्षक शिकवायला येत नाहीत, मुला – मुलींसाठी स्वतंत्र स्वच्छतागृहे नसल्याने आरोग्य आणि सुरक्षिततेच्या गंभीर समस्या निर्माण झाल्या आहेत अशी टीका करीत, पुणे महापालिका प्राथमिक शिक्षण विभागाच्या (PMC Primary Education Department) गलथान कारभाराविरोधात आमदार माधुरी मिसाळ (BJP MLA Madhuri Misal) यांनी आज विधानसभेत (Vidhansabha) आक्रमक पवित्रा घेतला. (PMC Education Department | MLA Madhuri Misal)

शिक्षकांची रिक्त पदे, खाजगी संस्थांशी कराराद्वारे चालविले जाणारे वर्ग, खाजगी संस्थांना चालवायला दिलेली क्रीडांगणे, मुले व मुलींसाठी स्वतंत्र स्वच्छतागृहांचा अभाव, पिण्याच्या पाण्याची असुविधा, रखवालदार आणि सुरक्षा रक्षक जागेवर नसणे, विद्युत व सीसीटीव्ही यंत्रणा कार्यान्वित नसणे, परिसरातील अस्वच्छता व दुर्गंधी आदी समस्यांवर लक्षवेधी सूचनेद्वारे मिसाळ यांनी सभागृहाचे लक्ष वेधून शिक्षण मंत्र्यांनी या शाळांना अचानक भेटी देऊन परिस्थितीची पाहणी करावी. ज्या शाळा नियम पाळणार नाहीत त्यांच्यावर कठोर कारवाई करावी. (Pune Municipal Corporation)

आमदार मिसाळ म्हणाल्या, ‘ शिक्षण विभागाच्या गैरकारभारामुळे निर्माण झालेल्या समस्या गंभीर आहेत. त्यामुळे मुलांना शैक्षणिक सुविधा मिळत नसून आरोग्याच्या समस्या निर्माण झाल्या आहेत. प्राथमिक शिक्षणाची जबाबदारी महापालिकेवर आहे. महापालिकेच्या शिक्षण विभागाच्या माध्यमातून आठवी ते दहावीचे माध्यमिक विभागाचे वर्ग खासगी संस्थांच्या माध्यमातून चालविले जातात. या संस्थांचे शालाव्यवस्थापन समाधानकारक नाही. माध्यमिक शाळांमधील मुख्याध्यापक आणि शिक्षकांच्या नियुक्त्या खासगी संस्था कंत्राटी पद्धतीने करतात. या नियुक्त्या करताना शासनाच्या नियमांचे पालन केले जात नाही. त्यामुळे यासंस्था गुणवत्तापूर्ण शिक्षण आणि आवश्यक शैक्षणिक सुविधा देण्यात अपयशी ठरतात. या माध्यमिक शाळांची जबाबदारी राज्य सरकार किंवा महापालिकांनी घ्यावी. ‘ (PMC Pune Schools)

सरकारच्या वतीने मंत्री उदय सामंत यांनी लक्षवेधीला उत्तर दिले. सामंत म्हणाले, ‘ पुणे महापालिका शिक्षण विभागाकडे एकूण २७२ प्राथमिक शाळा आहेत. त्यापैकी मराठी माध्यमाच्या १८५, इंग्रजी माध्यमाच्या ५२, उर्दू माध्यमाच्या ३३ आणि कन्नड माध्यमाच्या २ शाळांचा समावेश आहे. या शाळांमध्ये २४२५ शिक्षकांच्या पदांना मान्यता असून, त्यापैकी ३५२ पदे रिक्त आहेत. समाविष्ट ३४ गावांमधील जिल्हा परिषदेच्या ६६ प्राथमिक शाळा महापालिकेत समाविष्ट करण्याची प्रक्रिया सुरू आहे. ‘ (Maharashtra Monsoon Session)

सामंत म्हणाले, ‘ माध्यमिक विभागाच्या २६ शाळा चालविल्या जातात, या शाळांसाठी २०५ शिक्षक पदे मंजूर आहेत. परंतु केवळ ७५ शिक्षक कार्यरत आहेत. रिक्त पदांची संख्या १३० इतकी आहे. २०१ ९ पासून पवित्र पोर्टलद्वारे शिक्षकांची भरती झालेली नाही. उच्च न्यायालयाची मनाई असल्याने ही भरती झाली नाही. आता न्यायालयाने भरती प्रक्रियेला मान्यता दिली असून, पुढील काही दिवसांत शालेय शिक्षण विभागाच्या वतीने राज्यात शिक्षकांच्या ३० हजार जागा भरण्यात येणार आहेत. ‘ सामंत पुढे म्हणाले, ‘ मिसाळ यांनी उपस्थित केलेले मुद्दे अतिशय गंभीर आहेत. कुठल्याही परिस्थितीत विद्यार्थ्यांचे शैक्षणिक नुकसान होऊ देणार नाही. पर्वती विधानसभा मतदारसंघातील सरसेनापती हैबतराव शिळीमकर शाळा, यशवंतराव चव्हाण माध्यमिक विद्यालय, सिताराम आबाजी बिबवे इंग्रजी माध्यमिक शाळांची गैरसोयींची माहिती घेतली जाणार आहे. शाळांना अचानक भेटी देऊन ज्या शाळा नियमांचे पालन करणार नाहीत, त्यांच्यावर कठोर कारवाई करण्याची मिसाळ यांची सूचना मान्य करीत आहोत. माध्यमिक शाळांनी राज्य सरकारची मान्यता घ्यावी यासाठी महापालिका आयुक्तांना निर्देश दिले जाणार आहेत. (Pune News)

News Title |PMC Education Department | MLA Madhuri Misal |MLA Aggressive Against Mismanagement of Pune Municipal Primary Education Department

7th Pay Commission | PMC Education Department | शिक्षण विभागातील 435 सेवानिवृत्त सेवकांना अखेर सातव्या वेतन आयोगाप्रमाणे फरक आणि पेन्शन

Categories
Breaking News Education PMC Political पुणे

7th Pay Commission | PMC Education Department | शिक्षण विभागातील 435 सेवानिवृत्त सेवकांना अखेर सातव्या वेतन आयोगाप्रमाणे फरक आणि पेन्शन

7th Pay Commission | PMC Education Department | पुणे महापालिकेच्या शिक्षण विभागातून (PMC Education Department) 2016 नंतर  सेवानिवृत्त झालेल्या शिक्षक आणि शिक्षकेतर कमर्चाऱ्यांना सहाव्या वेतन आयोगाप्रमाणे (6th Pay Commission) पेन्शन मिळत होती. सातवा वेतन आयोग (7th Pay Commission) लागू होऊन देखील फरक किंवा  आयोगाप्रमाणे पेन्शन (PMC Employees Pension) मिळत नव्हती. याबाबत तक्रारी आल्यानंतर या कर्मचाऱ्यांना सातव्या वेतनाप्रमाणे सर्व रक्कम त्यांच्या खात्यात जमा करण्यात आलेली आहे. तसेच पेन्शन देखील सातव्या आयोगा प्रमाणे मिळणार आहे. अशी माहिती महापालिका प्रशासनाकडून (PMC Pune) देण्यात आली. (7th Pay Commission | PMC Education Department)
पुणे महानगरपालिकेतील शिक्षण विभागात सेवा देऊन सेवानिवृत्त झालेल्या जवळपास 435 कर्मचाऱ्यांची निवृत्ती लाभाची रक्कम पुणे महानगरपालिकेने त्यांच्या खात्यात वर्ग केली नव्हती. २०१६ ते २०२० या दरम्यान निवृत्त झालेले हे सर्व कर्मचारी होते. आपल्या निवृत्तीनंतर सहा ते सात वर्ष होऊन देखील ही रक्कम त्यांना न मिळाल्यामुळे त्यांना मोठे आर्थिक नुकसान सोसावे लागत होते. याबाबत डिसेंबर महिन्यात महिला आयोगाच्या अध्यक्ष रुपाली चाकणकर यांनी आयुक्तांसमवेत बैठक केल्यानंतर त्यांनी तात्काळ हा प्रश्न मार्गी लावण्याबाबतचे आश्वासन  होते. परंतु सदर काम न झाल्यामुळे गेल्या आठवड्यात पुन्हा एकदा पुणे महापालिकेच्या अधिकाऱ्यांसमवेत याबाबतची बैठक घेतली. त्यानंतर या सर्व कर्मचाऱ्यांची त्यांच्या निवृत्ती लाभाची रक्कम त्यांच्या खात्यात जमा झालेली आहे. (Pune Municipal Corporation News)
याबाबत शिक्षण विभागाकडून सांगण्यात आले कि, 2016 ते 2018 या काळात कर्मचाऱ्यांना ऑफलाईन वेतन दिले जायचे. या मुख्य तांत्रिक अडचणीमुळे या कर्मचाऱ्यांना सातव्या वेतन आयोगांनुसार पेन्शन मिळण्यास उशीर झाला. मात्र याबाबत तत्कालीन प्रशासकीय अधिकारी मीनाक्षी राऊत यांनी पुढाकार घेतला. तसेच सांख्यिकी, लेखा व वित्त विभाग तसेच पेन्शन विभागाचा पाठपुरावा करत सातव्या आयोगाप्रमाणे फरक आणि पेन्शन मिळवून देण्यासाठी त्यांनी प्रयत्न केले. त्यानुसार कर्मचाऱ्यांना आता याचा लाभ मिळू लागला आहे. याबाबत कर्मचारी वर्गातून आनंद व्यक्त करण्यात येत आहे. (PMC Pune News)
——
News Title | 7th Pay Commission | PMC Education Department | 435 retired servants of education department finally get differential and pension as per 7th Pay Commission

PMC Education Department | Transfer | शिक्षण विभागाच्या प्रशासन अधिकारी मीनाक्षी राऊत यांची बदली | आशा उबाळे माध्यमिक विभागाच्या शिक्षणाधिकारी

Categories
Breaking News Education PMC पुणे महाराष्ट्र

PMC Education Department | Transfer | शिक्षण विभागाच्या प्रशासन अधिकारी मीनाक्षी राऊत यांची बदली | आशा उबाळे माध्यमिक विभागाच्या शिक्षणाधिकारी

| राज्य सरकार कडून करण्यात आली बदली

PMC Education Department | Transfer |  पुणे महापालिकेच्या शिक्षण विभागात (PMC Education Department) प्रशासन अधिकारी (Administration Officer) म्हणून काम करणाऱ्या मीनाक्षी राऊत (Meenakshi Raut) यांची राज्य सरकार कडून बदली करण्यात आली आहे. राऊत यांना पुणे विभागीय मंडळाचे सहसचिव करण्यात आले आहे. तर आशा उबाळे (Aasha Ubale) यांना महापालिकेच्या माध्यमिक शिक्षण विभागाच्या (Secondary Éducation Department) शिक्षणाधिकारी (Education Officer) पदी नियुक्त करण्यात आले आहे. (PMC Education Department | Transfer)
राज्य सरकारच्या शालेय शिक्षण आणि क्रीडा विभागाकडून  काही अधिकाऱ्यांच्या बदल्या करण्यात आल्या आहेत. 3 वर्षाचा कालावधी पूर्ण झाल्याने या बदल्या सरकार कडून करण्यात आल्या आहेत. यामध्ये मीनाक्षी राऊत यांचा देखील समावेश आहे. मीनाक्षी राऊत या राज्य सरकारच्या शिक्षण उपसंचालक विभागातून बदली होऊन पुणे महापालिकेच्या सेवेत आल्या होत्या. त्यांना शिक्षण विभागात प्रशासन अधिकारी हे पद देण्यात आले होते. तसेच त्यांच्याकडे काही काळ प्राथमिक शिक्षण विभागाच्या प्रमुख पदाचा अतिरिक्त पदभार देखील देण्यात आला होता. पुणे महापालिका सेवेत त्यांना 4 वर्ष पूर्ण होत आली आहेत. असे असले तरी राऊत यांनी राज्य सरकारकडे अजून एक वर्षाचा कालावधी वाढवून द्यावा अशी विनंती केली होती. मात्र त्यांची विनंती फेटाळून लावण्यात आली. त्यानुसार आता राऊत यांची बदली करण्यात आली आहे. शिक्षण विभागात असणारे प्रशासन अधिकारी या पदावर राज्य सरकारचाच अधिकारी दिला जातो. त्यानुसार नवीन येणारा अधिकारी हा राज्य सरकार कडूनच दिला जातो.

| माध्यमिक शिक्षण विभागाच्या शिक्षणाधिकारी पदी आशा उबाळे

दरम्यान पुणे महापालिकेच्या (Pune Municipal Corporation) माध्यमिक शिक्षण विभागाच्या शिक्षणाधिकारी (Education Officer) म्हणून आशा उबाळे (Aasha Ubale) यांची नियुक्ती राज्य सरकार कडून करण्यात आली आहे. उबाळे या पूर्वी कोल्हापूर जिल्हा परिषदेच्या प्राथमिक शिक्षण विभागाच्या शिक्षणाधिकारी होत्या. सद्यस्थितीत महापालिकेचे उपायुक्त राजीव नंदकर हे प्राथमिक आणि माध्यमिक शिक्षण विभागाचा कार्यभार पाहत आहेत.
—
News Title | PMC Education Department |  Transfer |  Transfer of Meenakshi Raut, Administration Officer, Education Department  Education Officer of Asha Ubale Secondary Division