Tag: Education news

ISRO | गीता धनावडे या विद्यार्थिनीची इस्रो प्रशिक्षणासाठी निवड

Categories
Breaking News Education social पुणे

ISRO | गीता धनावडे या विद्यार्थिनीची इस्रो प्रशिक्षणासाठी निवड

 

ISRO – (The Karbhari News Service) – डीईएसच्या माधव सदाशिव गोळवलकर गुरुजी माध्यमिक विद्यालयाची विद्यार्थिनी गीता धनावडे हिची इस्रो प्रशिक्षणासाठी निवड झाली आहे.

इस्रोच्या ‘युविका 2024’ या कार्यक्रमाअंतर्गत ही निवड करण्यात आली. त्यासाठी घेण्यात आलेल्या ऑनलाईन परीक्षेत गीताने संपूर्ण देशात सहावा क्रमांक पटकाविला.

अहमदाबाद येथील स्पेस ॲप्लिकेशन सेंटर (एसएसी) येथे 12 ते 24 मे या कालावधीत प्रशिक्षण कार्यक्रम होणार आहे. मुख्याध्यापिका वासंती बनकर यांनी गीताच्या यशाबद्दल तिचे आणि पालकांचे अभिनंदन केले आहे.

गीताने राष्ट्रीय स्तरावरील विज्ञान प्रदर्शनात विजेतेपद मिळविले असून, राज्यस्तरीय ऑलिंम्पियाड स्पर्धेत ही विजेतेपद प्राप्त केले. गीताने जिल्हास्तरीय बॉक्सिंग स्पर्धेत विजेती आहे.

*गीता धनावड़े का इसरो प्रशिक्षण के लिए चयन*

माधव सदाशिव गोलवलकर गुरुजी माध्यमिक विद्यालय, डीईएस की छात्रा गीता धनावड़े को इसरो प्रशिक्षण के लिए चुना गया है।

चयन इसरो के ‘युविका 2024’ कार्यक्रम के तहत किया गया हैं। उसके लिए आयोजित ऑनलाइन परीक्षा में गीता ने पूरे देश में छठी रैंक हासिल की.

प्रशिक्षण कार्यक्रम 12 से 24 मई तक अहमदाबाद के स्पेस एप्लीकेशन सेंटर (एसएसी) में आयोजित किया जाएगा। गीता की सफलता पर प्रधानाचार्य वासंती बनकर ने उन्हें व माता-पिता को बधाई दी है।

गीता ने राष्ट्रीय स्तर की विज्ञान प्रदर्शनी और राज्य स्तरीय ओलंपियाड प्रतियोगिता जीती है। गीता ने जिला स्तरीय बॉक्सिंग प्रतियोगिता की विजेता है।

Geeta Dhanawade selects for ISRO training

Geeta Dhanawade, a student of Madhav Sadashiv Golwalkar Guruji Madhyamik Vidyalaya, DES, has been selected for ISRO training.

She was selected under ISRO’s Yuvika 2024 programme. In the online exam conducted for that, Geeta secured the sixth rank in the country.

The training program will be held from May 12 to 24 at the Space Application Center (SAC) in Ahmedabad. Principal Vasanti Bankar has congratulated her and the parents for the success.

Geeta has won the national level science exhibition competition and won the state level Olympiad competition. Geeta has won the district level boxing competition.

Ramesh Gopale | Ph.D. | प्रा. रमेश गोपाळे यांना पुणे विद्यापीठाची पीएचडी पदवी प्रदान

Categories
Breaking News Education पुणे

Ramesh Gopale | Ph.D. | प्रा. रमेश गोपाळे यांना पुणे विद्यापीठाची पीएचडी पदवी प्रदान

 

Ramesh Gopale | Ph.D |  आकुर्डी येथील प्रा. रामकृष्ण मोरे महाविद्यालयातील (Ramkrishna More College Akurdi) भूगोल विषयाचे अध्यापन करणारे प्रा. रमेश गोपाळे (Prof Ramesh Gopale) यांना विज्ञान व तंत्रज्ञान शाखाअंतर्गत भूगोल विषयातील ‘अ स्टडी ऑफ पब्लिक हेल्थकेअर सिस्टिम इन पुणे डिस्ट्रिक्ट, महाराष्ट्रा – अ जॉग्राफिकल अप्रोच’ या संशोधन प्रबंधासाठी सावित्रीबाई फुले पुणे विद्यापीठातर्फे (Pune University)  (विद्यावाचस्पती) पीएचडी ही शिक्षण क्षेत्रातील सर्वोच्च पदवी प्रदान करण्यात आली आहे. या यशाबद्दल महाविद्यालयाचे प्राचार्य व विज्ञान – तंत्रज्ञान शाखेचे अधिष्ठाता डॉ. मनोहर चासकर, उपप्राचार्य बी. जी. लोबो, एच. बी. सोनावणे व संशोधन केंद्राचे समन्वयक डॉ. सुचित्रा परदेशी यांनी त्यांचे अभिनंदन केले आहे. (Savitribai Phule Pune University)

त्यांचे प्राथमिक शिक्षण हे साबुडी गावातील जिल्हा परिषदेच्या शाळेत झाले असून, माध्यमिक शिक्षण श्री सिद्धेश्वर विद्यालय वेताळे, उच्च माध्यमिक शिक्षण रामभाऊ म्हाळगी विद्यालय कडूस, महाविद्यालयीन शिक्षण हुतात्मा राजगुरू महाविद्यालय तर पदव्युतर पदवी शिक्षण पुणे विद्यापीठातून पूर्ण केले आहे. त्याचबरोबर ते भूगोल विषयात जून 2014 मध्ये सेट परीक्षा तर सप्टेंबर 2015 मध्ये नेट परीक्षा उत्तीर्ण झाले व आता शिक्षण क्षेत्रातील सर्वोच्च पीएचडी पदवी मिळविली आहे.

त्यांच्या घरात कुठलीही शैक्षणिक परंपरा नसताना आणि आर्थिक परिस्थिती अत्यंत हलाखीची असताना देखील एका सामान्य, गरीब शेतकरी कुटुंबातून आलेल्या एका तरुणाने आपल्या जिद्द, चिकाटी व मेहनतीने ही पदवी मिळवली आहे. एकंदरीत या तरुणाची ही कामगिरी इतर विद्यार्थ्यांसाठी प्रेरणादायी आहे. पदवी मिळवण्यासाठी त्यांना कुटुंबीयांबरोबरच पर्वती येथील श्री शाहू महाविद्यालयाचे प्राचार्य डॉ. विलास पाटील यांचे मोलाचे मार्गदर्शन लाभले. आपल्या ग्रामीण भागातील समाजामध्ये त्यांचे शिक्षणाविषयीचे प्रेम कौतुकास्पद आहे. त्यांना मिळालेल्या यशाचे सर्व स्तरातून कौतुक होत आहे.

Annasaheb Waghire College | A Grade | अण्णासाहेब वाघिरे महाविद्यालयास A मानांकन | नॅक कमिटीची भेट

Categories
Breaking News Education पुणे

Annasaheb Waghire College | A Grade |अण्णासाहेब वाघिरे महाविद्यालयास A मानांकन | नॅक कमिटीची भेट

 

Annasaheb Waghire College | A Grade | २९ व ३०/११/ २०२३ रोजी अण्णासाहेब वाघिरे महाविद्यालयास नॅक पिअर टीमने भेट दिली. दरम्यान अध्ययन,अध्यापन, संशोधन, पायाभूत सुविधा आणि एकूणच शैक्षणिक गुणवत्ता या सर्व बाबींची पाहणी व अभ्यास करून महाविद्यालयास”A”ग्रेड प्रदान करण्यात आली. अशी माहिती महाविद्यालयाचे प्राचार्य डॉ.अभय खंडागळे, उपप्राचार्य डॉ.के.डी.सोनावणे , उपप्राचार्य,नॅक व आय. क्यू.ए.सी समन्वयक डॉ.व्ही.एम.शिंदे, प्रसिद्धी विभागाच्या वतीने महाविद्यालयीन विकास समितीचे सदस्य डॉ.वसंत गावडे यांनी दिली. (Annasaheb Waghire College | A Grade)

या भेटी दरम्यान समितीने महाविद्यालयातील विविध विभागांना भेटी देऊन पाहणी केली. प्राध्यापकांचे संशोधन कार्य, महाविद्यालयाने विविध संस्थांबरोबर केलेले सामंजस्य करार, प्राध्यापकांना व महाविद्यालयास मिळालेले विविध पुरस्कार,विविध समाज उपयोगी उपक्रम, विद्यार्थी कल्याण मंडळाचे उपक्रम, महाविद्यालयाचा प्लेसमेंट सेल, ग्रंथालयाची प्रगती, राष्ट्रीय सेवा योजना, एन सी.सी, क्रीडा क्षेत्रातील नैपुण्य, सांस्कृतिक कार्यक्रम, सौर ऊर्जा, गांडूळ खत प्रकल्प, रेन हार्वेस्टिंग, महाविद्यालयातील औषध उपयोगी झाडे, शुद्ध पिण्याच्या पाण्याची सुविधा, विद्यार्थी- विद्यार्थिनींसाठी असलेली वसतीगृहाची सोय, आजी-माजी विद्यार्थी व पालकां बरोबर झालेला सुसंवाद. या बाबी महत्त्वपूर्ण ठरल्या आहेत.या यशाबद्दल संस्थेचे अध्यक्ष व महाराष्ट्र राज्याचे उपमुख्यमंत्री मा. अजितदादा पवार साहेब,उपाध्यक्ष राजेंद्र घाडगे साहेब,सचिव मा.संदीप कदम, खजिनदार मा.मोहनराव देशमुख,सहसचिव मा. एल.एम.पवार, सहसचिव प्रशासन मा. ए.एम.जाधव यांनी अभिनंदन केले आहे.

10th, 12th Supplementary Exam Results | दहावी व बारावी पुरवणी परीक्षेतील उत्तीर्ण विद्यार्थ्यांना व्यावसायिक अभ्यासक्रमांना प्रवेश

Categories
Breaking News Education social पुणे महाराष्ट्र

10th, 12th Supplementary Exam Results | दहावी व बारावी पुरवणी परीक्षेतील उत्तीर्ण विद्यार्थ्यांना व्यावसायिक अभ्यासक्रमांना प्रवेश

 

10th, 12th Supplementary Exam Results |  महाराष्ट्र राज्य माध्यमिक व उच्च माध्यमिक शिक्षण मंडळातर्फे (The Maharashtra State Board of Secondary & Higher Secondary Education) जुलै –  ऑगस्ट २०२३ मध्ये घेण्यात आलेल्या पुरवणी परीक्षेचा निकाल (supplementary exam result)नुकताच जाहीर झाला.या परीक्षेत इयत्ता दहावी व बारावी उत्तीर्ण (10th, 12th passed students) झालेल्या विद्यार्थ्यांना विविध व्यावसायिक अभ्यासक्रमांना प्रवेश देण्याची संधी (Opportunity to take admission in professional courses) तंत्रशिक्षण संचालनालयाने (Directorate of Technical Education) उपलब्ध करून देण्याचा निर्णय घेतला आहे. त्यामुळे हजारो विद्यार्थ्यांना मोठा दिलासा मिळाला आहे.(10th, 12th Supplementary Exam Results)

इयत्ता दहावी नंतरच्या प्रथम वर्ष अभियांत्रिकी, तंत्रज्ञान, वास्तूकला पदविका तसेच इयत्ता बारावीनंतरच्या औषधीनिर्माणशास्त्र, हॉटेल मॅनेजमेंट, सरफेस केटरिंग टेक्नॉलॉजी पदविका अभ्यासक्रमांबरोबरच आयटीआयनंतरच्या थेट द्वितीय वर्ष अभियांत्रिकी पदविका अभ्यासक्रमासाठी विद्यार्थ्यांना नोंदणी करता येणार आहे. (SSC and HSC Board) 

तंत्रशिक्षण संचालनालयाने दहावीनंतरच्या विविध अभ्यासक्रमांसाठी ऑनलाईन नोंदणी, कागदपत्रांची पडताळणी, अर्ज निश्चिती करणे या प्रक्रियेसाठी येत्या 8 सप्टेंबर पर्यंत मुदत दिली आहे. तर इयत्ता बारावीनंतरच्या औषधनिर्माणशास्त्र पदविका अभ्यासक्रमासाठी २० सप्टेंबर पर्यंत मुदत असणार आहे. प्रवेश इच्छुक विद्यार्थ्यांनी dte.maharashtra.gov.in या संकेतस्थळावर जाऊन प्रवेश प्रक्रिये बाबतची  अधिक माहिती घ्यावी.

संस्था स्तरावरील कोट्यामध्ये व कॅपनंतर रिक्त राहिलेल्या जागांवर प्रवेश घेण्यास इच्छुक असणाऱ्या विद्यार्थ्यांनी ऑनलाइन नोंदणी करून ई-स्कूटनी पद्धत किंवा प्रत्यक्ष स्फोटनी पद्धत याद्वारे कागदपत्रांची पडताळणी व अर्ज निश्चिती करणे आवश्यक आहे.अर्ज निश्चिती झाल्यानंतरच अशा उमेदवारांनी प्रवेशासाठी संस्थांमध्ये स्वतंत्रपणे अर्ज करणे अपेक्षित आहे. संस्थांकडे अर्ज केलेल्या उमेदवारांची गुणवत्ता यादी संस्था पातळीवर संस्थेद्वारे तयार केली जाईल. संस्थेने ठरवलेल्या वेळापत्रकाप्रमाणे प्रवेश प्रक्रिया संस्थेद्वारे राबवली जाईल. त्यामुळे इच्छुक उमेदवार आणि संबंधित संस्थेकडे थेट संपर्क साधावा, असे तंत्रशिक्षण संचालक डॉ. विनोद मोहितकर यांनी स्पष्ट केले आहे.
—-

News Title | 10th, 12th Supplementary Exam Results | Admission to Vocational Courses for students who pass the 10th and 12th supplementary examination

PMC Education Department | MLA Madhuri Misal |पुणे महापालिका प्राथमिक शिक्षण विभागाच्या गलथान कारभाराविरोधात आमदार आक्रमक

Categories
Breaking News Education Political पुणे महाराष्ट्र

PMC Education Department | MLA Madhuri Misal |पुणे महापालिका प्राथमिक शिक्षण विभागाच्या गलथान कारभाराविरोधात आमदार आक्रमक

 

PMC Education Department | MLA Madhuri Misal |वर्गात शिक्षक शिकवायला येत नाहीत, मुला – मुलींसाठी स्वतंत्र स्वच्छतागृहे नसल्याने आरोग्य आणि सुरक्षिततेच्या गंभीर समस्या निर्माण झाल्या आहेत अशी टीका करीत, पुणे महापालिका प्राथमिक शिक्षण विभागाच्या (PMC Primary Education Department) गलथान कारभाराविरोधात आमदार माधुरी मिसाळ (BJP MLA Madhuri Misal) यांनी आज विधानसभेत (Vidhansabha) आक्रमक पवित्रा घेतला. (PMC Education Department | MLA Madhuri Misal)

शिक्षकांची रिक्त पदे, खाजगी संस्थांशी कराराद्वारे चालविले जाणारे वर्ग, खाजगी संस्थांना चालवायला दिलेली क्रीडांगणे, मुले व मुलींसाठी स्वतंत्र स्वच्छतागृहांचा अभाव, पिण्याच्या पाण्याची असुविधा, रखवालदार आणि सुरक्षा रक्षक जागेवर नसणे, विद्युत व सीसीटीव्ही यंत्रणा कार्यान्वित नसणे, परिसरातील अस्वच्छता व दुर्गंधी आदी समस्यांवर लक्षवेधी सूचनेद्वारे मिसाळ यांनी सभागृहाचे लक्ष वेधून शिक्षण मंत्र्यांनी या शाळांना अचानक भेटी देऊन परिस्थितीची पाहणी करावी. ज्या शाळा नियम पाळणार नाहीत त्यांच्यावर कठोर कारवाई करावी. (Pune Municipal Corporation)

आमदार मिसाळ म्हणाल्या, ‘ शिक्षण विभागाच्या गैरकारभारामुळे निर्माण झालेल्या समस्या गंभीर आहेत. त्यामुळे मुलांना शैक्षणिक सुविधा मिळत नसून आरोग्याच्या समस्या निर्माण झाल्या आहेत. प्राथमिक शिक्षणाची जबाबदारी महापालिकेवर आहे. महापालिकेच्या शिक्षण विभागाच्या माध्यमातून आठवी ते दहावीचे माध्यमिक विभागाचे वर्ग खासगी संस्थांच्या माध्यमातून चालविले जातात. या संस्थांचे शालाव्यवस्थापन समाधानकारक नाही. माध्यमिक शाळांमधील मुख्याध्यापक आणि शिक्षकांच्या नियुक्त्या खासगी संस्था कंत्राटी पद्धतीने करतात. या नियुक्त्या करताना शासनाच्या नियमांचे पालन केले जात नाही. त्यामुळे यासंस्था गुणवत्तापूर्ण शिक्षण आणि आवश्यक शैक्षणिक सुविधा देण्यात अपयशी ठरतात. या माध्यमिक शाळांची जबाबदारी राज्य सरकार किंवा महापालिकांनी घ्यावी. ‘ (PMC Pune Schools)

सरकारच्या वतीने मंत्री उदय सामंत यांनी लक्षवेधीला उत्तर दिले. सामंत म्हणाले, ‘ पुणे महापालिका शिक्षण विभागाकडे एकूण २७२ प्राथमिक शाळा आहेत. त्यापैकी मराठी माध्यमाच्या १८५, इंग्रजी माध्यमाच्या ५२, उर्दू माध्यमाच्या ३३ आणि कन्नड माध्यमाच्या २ शाळांचा समावेश आहे. या शाळांमध्ये २४२५ शिक्षकांच्या पदांना मान्यता असून, त्यापैकी ३५२ पदे रिक्त आहेत. समाविष्ट ३४ गावांमधील जिल्हा परिषदेच्या ६६ प्राथमिक शाळा महापालिकेत समाविष्ट करण्याची प्रक्रिया सुरू आहे. ‘ (Maharashtra Monsoon Session)

सामंत म्हणाले, ‘ माध्यमिक विभागाच्या २६ शाळा चालविल्या जातात, या शाळांसाठी २०५ शिक्षक पदे मंजूर आहेत. परंतु केवळ ७५ शिक्षक कार्यरत आहेत. रिक्त पदांची संख्या १३० इतकी आहे. २०१ ९ पासून पवित्र पोर्टलद्वारे शिक्षकांची भरती झालेली नाही. उच्च न्यायालयाची मनाई असल्याने ही भरती झाली नाही. आता न्यायालयाने भरती प्रक्रियेला मान्यता दिली असून, पुढील काही दिवसांत शालेय शिक्षण विभागाच्या वतीने राज्यात शिक्षकांच्या ३० हजार जागा भरण्यात येणार आहेत. ‘ सामंत पुढे म्हणाले, ‘ मिसाळ यांनी उपस्थित केलेले मुद्दे अतिशय गंभीर आहेत. कुठल्याही परिस्थितीत विद्यार्थ्यांचे शैक्षणिक नुकसान होऊ देणार नाही. पर्वती विधानसभा मतदारसंघातील सरसेनापती हैबतराव शिळीमकर शाळा, यशवंतराव चव्हाण माध्यमिक विद्यालय, सिताराम आबाजी बिबवे इंग्रजी माध्यमिक शाळांची गैरसोयींची माहिती घेतली जाणार आहे. शाळांना अचानक भेटी देऊन ज्या शाळा नियमांचे पालन करणार नाहीत, त्यांच्यावर कठोर कारवाई करण्याची मिसाळ यांची सूचना मान्य करीत आहोत. माध्यमिक शाळांनी राज्य सरकारची मान्यता घ्यावी यासाठी महापालिका आयुक्तांना निर्देश दिले जाणार आहेत. (Pune News)

News Title |PMC Education Department | MLA Madhuri Misal |MLA Aggressive Against Mismanagement of Pune Municipal Primary Education Department

Annasaheb Waghire College Otur | अण्णासाहेब वाघिरे महाविद्यालय ओतूर मध्ये “राष्ट्रीय शैक्षणिक धोरण २०२० सप्ताह” उत्साहात साजरा

Categories
Breaking News cultural Education पुणे

Annasaheb Waghire College Otur | अण्णासाहेब वाघिरे महाविद्यालय ओतूर मध्ये “राष्ट्रीय शैक्षणिक धोरण २०२० सप्ताह” उत्साहात साजरा

Annasaheb Waghire College Otur | ओतूर येथील पुणे जिल्हा शिक्षण मंडळाच्या अण्णासाहेब वाघिरे महाविद्यालयांमध्ये दि.२४ ते २९ जुलै २०२३ या कालावधीमध्ये “राष्ट्रीय शैक्षणिक धोरण २०२०” या सप्ताहाचे आयोजन करण्यात आले.  उपक्रमांतर्गत महाविद्यालयामध्ये “राष्ट्रीय शैक्षणिक धोरण २०२०”या विषयावरील आधारित निबंध स्पर्धा,वक्तृत्व स्पर्धा, पोस्टर्स स्पर्धा, ऑनलाइन प्रश्नमंजुषा स्पर्धा तसेच विशेष व्याख्यानाचेही आयोजन करण्यात आले अशी माहिती महाविद्यालयाचे प्राचार्य डॉ अभय खंडागळे (Dr Abhay Khandagale) यांनी दिली. (Annasaheb Waghire College )Otur

आज महाविद्यालयामध्ये “राष्ट्रीय शैक्षणिक धोरण २०२० “या विषयावर महाविद्यालयाचे प्राचार्य खंडागळे यांचे विशेष व्याख्यान आयोजित करण्यात आले. आपल्या मनोगतामध्ये डॉ.खंडागळे यांनी नवीन शैक्षणिक धोरणानुसार बदलते शिक्षणाचे प्रारूप, अभ्यासक्रमात तंत्रज्ञानाचा वापर, उच्च शिक्षणामध्ये आलेली क्रेडिट सिस्टीम, विद्यार्थ्यांना विषय निवडीचे असलेले स्वातंत्र्य, तसेच नवीन शैक्षणिक धोरणामध्ये काही कोर्स ऑनलाइन तसेच ऑफलाइन पद्धतीने पुर्ण करण्याची असलेली मुभा, विद्यार्थी केंद्रित व समाजाभिमुख शिक्षण या सर्व गोष्टींचा उल्लेख केला तसेच हे नवीन राष्ट्रीय शैक्षणिक धोरण हे भारताच्या उज्वल भविष्याची नांदी ठरणार आहे असेही मत व्यक्त केले.

सदर शैक्षणिक सप्ताहामध्ये “राष्ट्रीय शैक्षणिक धोरण” २०२० या विषयावरील वक्तृत्व स्पर्धेमध्ये प्रथम क्रमांक पूर्वा कुटे, द्वितीय क्रमांक सायली अहिनवे तर तृतीय क्रमांक सुरज राजोरे यांनी मिळवला.
निबंध स्पर्धेमध्ये प्रथम क्रमांक घोलप तनुजा व डुंबरे अपेक्षा, द्वितीय क्रमांक आहेर प्रगती व डुंबरे अनुष्का यांनी तर तृतीय ठोंगिरे पायल यांनी क्रमांक मिळवला.
याचबरोबर पोस्टर स्पर्धेमध्ये अक्षदा पोपळे व श्रावणी सुर्यवंशी यांनी प्रथम क्रमांक तर सानिका गिजरे व सानिका डुंबरे यांनी द्वितीय क्रमांक तर सुरज वाघमारे यांनी तृतीय क्रमांक पटकावला.

सदर कार्यक्रम प्रसंगी महाविद्यालयाचे प्राचार्य डॉ.अभय खंडागळे, उपप्राचार्य डॉ.के.डी सोनवणे, उपप्राचार्य डॉ.व्ही.एम शिंदे, डॉ. बी.एम.शिंदे, डॉ.एस.एस लंगडे, डॉ.एस.बी वाळके आदी मान्यवर उपस्थित होते.
सदर सप्ताहाच्या यशस्वी आयोजनासाठी राष्ट्रीय सेवा योजनेचे कार्यक्रम अधिकारी डॉ.अमोल बिबे, डॉ.निलेश काळे,डॉ.वसंतराव गावडे,डॉ.अजय कवाडे तसेच कार्यालयीन कर्मचारी निखिल काकडे यांनी विशेष परिश्रम घेतले.

News Title | Annasaheb Waghire College Otur | “National Education Policy Week 2020” celebrated with enthusiasm in Annasaheb Waghire College Otur

Education News | शालेय फी नियंत्रणासाठी प्रभावी अंमलबजावणीची मागणी

Categories
Breaking News Education Political पुणे

Education News | शालेय फी नियंत्रणासाठी प्रभावी अंमलबजावणीची  मागणी

| विद्यार्थ्यांच्या विविध प्रश्नांच्या बाबत आमदार रवींद्र धंगेकर व ज्येष्ठ नेते मोहन जोशी यांनी घेतली शिक्षण उपसंचालकांची भेट

Education News | पुणे शहरातील (Pune City) शैक्षणिक क्षेत्रामध्ये येणाऱ्या विविध अडचणींबाबत आज आमदार रवींद्र धंगेकर (MLA Ravindra Dhangekar) व काँग्रेसचे ज्येष्ठ नेते मोहन जोशी (Mohan Joshi) यांनी पुण्याच्या प्राथमिक शिक्षण उपसंचालकांची भेट घेतली व पालकांना येणाऱ्या अडी-अडचणींबाबत कैफियत शिक्षण संचालक  शरद गोसावी (Education Director Sharad Gosavi) यांच्या समोर मांडली. (Education News)
कोरोना काळातील शैक्षणिक शुल्क न भरल्याच्या कारणाने अनेक शाळांमध्ये विद्यार्थ्यांवर कारवाई  करण्यात येत आहे. काही ठिकाणी विद्यार्थ्यांना शाळेतून काढून टाकण्यात येत आहे. तर काही ठिकाणी त्यांना इतर मुलांपेक्षा दुय्यम वागणूक देत त्यांना मानसिक त्रास दिला जात आहे. खाजगी इंग्रजी माध्यमांचा शाळांमध्ये हे प्रकार सर्रासपणे सुरू आहेत. याबाबत शिक्षण उपसंचालकांकडे  संबंधित शाळांवर तातडीने कारवाई करण्याची मागणी केली. शाळेतील अनेक अडीअडचणी संदर्भात पालकांमध्ये संभ्रमावस्था आहे. शाळा ज्या काही गोष्टींची सक्ती करते त्या गोष्टी नियमबाह्य असल्याचे या भेटीदरम्यान दिसून आले. परंतु याबाबत पालकांना तक्रार करण्यासाठी स्वतंत्र कक्ष नसल्याचे यावेळी लक्षात आल्याने याबाबत यासाठी पालकांचा तक्रार निवारणाचा कक्ष स्थापन करण्याची मागणी करण्यात आली. शाळेमध्ये यापूर्वी क्रीडा प्रकाराला प्राधान्याने व गांभीर्याने घेतले जात होते. परंतु आता खेळासाठी स्वतंत्र शिक्षक देखील नाहीत. मुलांकडून कुठल्याही प्रकारे क्रीडाप्रकार करून घेतले जात नाही. त्यामुळे विद्यार्थ्यांच्या शारीरिक तंदुरुस्तीसाठी शाळा कुठलीही काळजी घेताना दिसत नाहीत. विद्यार्थ्यांच्या शालेय वाहतुकीचा प्रश्न देखील यांनी एरणीवर आला आहे. शालेय वाहतूक करताना जी नियमावली आहे, ती प्रत्येक शाळेला सक्तीची करण्यात यावी. शाळांच्या शिक्षणाची गुणवत्ता, तेथील शिक्षकांच्या शैक्षणिक पात्रतेबाबत देखील यावेळी चर्चा करण्यात आली. (Pune News)
 या सर्वांवर बोलताना शिक्षण संचालक श्री शरद गोसावी यांनी सांगितले की, “कुठल्याही मुलाला शाळेतून फी भरली नसल्याने शिक्षणापासून वंचित ठेवता येणार नाही. जर एखाद्या मुलाकडे शाळेचा दाखला नसेल आणि त्याला दुसऱ्या शाळेत प्रवेश हवा असेल तर तो प्रवेश देखील देण्यात येईल. शाळेतील मुलांसंदर्भात पालकांच्या तक्रारी असतील तर त्या तक्रार सोडविण्यासाठी पुणे महापालिकेला आदेश देऊन लवकरच प्रत्येक प्रभाग निहाय तक्रार निवारण कक्ष स्थापन केला जाईल.
यावेळी आमदार रवींद्र धंगेकर म्हणाले की,” स्थानिक पातळीवर शैक्षणिक अडीअडचणी व तक्रारींची संख्या मोठ्या प्रमाणात आहे अक्षरशः महिलांनी आपली सोने-नाणे गहाण टाकून मुलांच्या शाळेच्या फी भरल्या आहेत. शिक्षणाची पंढरी असणाऱ्या पुणे शहरात शाळेच्या शिक्षण संस्था चालकांचा हा जो मनमानी कारभार सुरू आहे, त्याला चाप लागला पाहिजे अन्यथा या विरोधात आम्ही विधानभवनात आवाज उठवणार आहोत”.
ज्येष्ठ नेते मोहन जोशी म्हणाले की,”महाराष्ट्र शैक्षणिक संस्था शुल्क विनियमन कायदा २०११ याच्या अंतर्गत विभागीय शुल्क नियमक अध्यक्ष हे नेमलेले नाहीत त्यामुळे फी संदर्भातील पालकांच्या तक्रारीच्या सुनावण्या होत नाहित तसेच शैक्षणिक संस्था शुल्क विनियमन कायदा २०११ तील पळवाटा काढून शिक्षण संस्था भरमसाट फी वाढ करत आहेत या संदर्भात मा मुख्यमंत्री व शिक्षण मत्री यांच्याकडे अध्यक्ष नेमावा व कायदा प्रभावी करण्यासाठी त्यात बदल करण्यात यावा. मुलांच्या शिक्षणाची गुणवत्ता व शाळेचा सुरू असलेला मनमानी कारभार यांना चाप बसणे गरजेचे आहे, त्यामुळेच आम्ही हा विषय हाती घेतला असून पुणे शहरातील सर्व पालकांना दिलासा मिळेल पर्यंत आम्ही या गोष्टीचा पाठपुरावा करत राहू. मुलांची सुरक्षा, त्यांना चांगल्या प्रतीचे शिक्षण आणि प्रत्येक मुलाला शिक्षणाचा मिळालेला अधिकार याची जपणूक होण्यासाठी काँग्रेस सातत्याने यापुढे देखील आवाज उठवत राहील”.
बैठकीसाठी सन्माननीय शिक्षण संचालक श्री शरद गोसावी,डॉ.विक्रम गायकवाड,महापालिका शिक्षणाधिकारी मीनाक्षी राऊत,शिक्षणाधिकारी अहीरे साहेब,चेतन अगरवाल आदींसह पदाधिकारी उपस्थित होते.
—-
 News Title | Education News |  Demand for effective implementation of school fee control

Pune News | पुणे जिल्हा प्राथमिक शिक्षक सहकारी पतसंस्थेच्या चेअरमन पदी कविता कांबळे (खरात)यांची निवड

Categories
Breaking News Education पुणे

Pune News | पुणे जिल्हा प्राथमिक शिक्षक सहकारी पतसंस्थेच्या चेअरमन पदी कविता कांबळे (खरात)यांची निवड

Pune News | पुणे जिल्हा (Pune District) कार्यक्षेत्र असणारी पुणे जिल्ह्यातील एक अग्रगण्य पतसंस्था पुणे जिल्हा प्राथमिक शिक्षक सहकारी पतसंस्थेच्या चेअरमन पदी चिखलगाव ता. मुळशी च्या मुख्याध्यापिका कविता खरात (कांबळे) (Kavita Kamble) व व्हाईस चेअरमन पदी दौंड चे शिक्षक संदीप रसाळ (Sandip Rasal) यांची बिनविरोध निवड करण्यात आली. (Pune News)
    पतसंस्थेचे अधिकृत भागभांडवल वीस कोटी,वसूल भांडवल दहा कोटी, वार्षिक नफा सव्वा कोटी रूपये मिळविणारी स्वभांडवली पतसंस्था असून पुणे शहरात सुसज्ज असे कार्यालय आहे. कविता खरात अनेक जिल्हा,राज्य, पंचायत समिती मुळशी गुणवंत पुरस्कार प्राप्त शिक्षिका आहेत. (Education News)
 या निवडीबद्दल संस्थापक नाना जोशी, महाराष्ट्र राज्य प्राथमिक शिक्षक समिती चे राज्य कोषाध्यक्ष नंदकुमार होळकर, जिल्हाध्यक्ष सुनिल वाघ, सरचिटणिस संदीप जगताप,राज्य नेते महादेव माळवदकर, सुनिल लोणकर,मुळशी तालुका अध्यक्ष संदीप दुर्गे, ज्ञानदेव बागल,सचिन हंगरगे, सदानंद चौधरी,राजू आत्तार,विलास पानसरे,कुंडलिक कांबळे,सुनिल कुंजीर ,महिला आघाडीच्या जिल्हाध्यक्ष प्रियतमा दसगुडे,वंदना कोल्हे,दशरथ बेलखेडे,ज्योती सोनकळे,महानंदा बडेकर,यांनी अभिनंदन केले.
—-
News Title | Pune News |  Election of Kavita Kamble (Kharat) as Chairman of Pune District Primary Teachers Co-operative Credit Institution

Annasaheb Waghire College Otur | ओतूर महाविद्यालयाचे उपप्राचार्य डॉ.सुदंरराव ढाकणे यांचा सेवापूर्ती गौरव समारंभ साजरा

Categories
Breaking News Education social पुणे

Annasaheb Waghire College Otur | ओतूर महाविद्यालयाचे उपप्राचार्य डॉ.सुदंरराव ढाकणे यांचा सेवापूर्ती गौरव समारंभ साजरा

Annasaheb Waghire College Otur | पुणे जिल्हा शिक्षण मंडळाच्या (Pune District Education Association) अण्णासाहेब वाघिरे महाविद्यालय, ओतूर (Annasaheb Waghire Collège Otur) या ठिकाणी १९८८ पासून आज पर्यंत ३५ वर्ष वरिष्ठ महाविद्यालयांमध्ये विज्ञान शाखेत  पदार्थ विज्ञान विभागात कार्यरत असणारे डॉ सुंदरराव ढाकणे  (Dr Sundarrao Dhakne) हे आपल्या नियत वयोमानानुसार ३० जून २०२३ रोजी सेवानिवृत्त होत आहेत. त्यानिमित्त त्यांचा सपत्निक सेवापूर्ती गौरव समारंभ महाविद्यालयाच्या वतीने आयोजित करण्यात आला अशी माहिती महाविद्यालयाचे प्राचार्य डॉ अभय खंडागळे व सेवक कल्याण समितीचे समन्वयक डॉ. ए.एम.बिबे यांनी दिली. (Annasaheb Waghire College Otur)
सदर कार्यक्रमासाठी प्रमुख पाहुणे म्हणून स्वामी रामानंद तीर्थ मराठवाडा विद्यापीठाचे माजी कुलगुरू डॉ. पंडित विद्यासागर, अहमदनगर जिल्हा आरोग्य अधिकारी डॉ. संदीप सांगळे व एम.फुक्टो चे अध्यक्ष डॉ.एस.पी लवांडे सर ओतूर ग्रामपंचायतचे सरपंच मा.प्रशांत डुंबरे, उपसरपंच रईस मणियार, डॉ.एस डी.अघाव,  श्री नामदेव सांगळे आदी मान्यवर उपस्थित होते.
सदर कार्यक्रमामध्ये महाविद्यालयाच्यावतीने डॉ. सुंदरराव ढाकणे  यांना ३५ वर्षाच्या सेवेबद्दल महाविद्यालयाच्या वतीने सन्मानपत्र देऊन सन्मानित करण्यात आले. सदर प्रसंगी सन्मानपत्राचे वाचन डॉ.डी.एम टिळेकर यांनी केले.
 सदर कार्यक्रमामध्ये  प्रमुख पाहुणे डॉ.पंडित विद्यासागर सरांनी आपल्या मनोगतामध्ये डॉ. ढाकणे सरांनी महाविद्यालयामध्ये गुणवत्ता वाढीसाठी राबवलेल्या विविध उपक्रमांचा उल्लेख करून त्यांना सेवानिवृत्ती नंतरच्या भावी जीवनासाठी शुभेच्छा दिल्या. याचबरोबर नवीन शैक्षणिक धोरणानुसार शिक्षकांच्या बदलत्या व महत्त्वपूर्ण भूमिकेबद्दल ही त्यांनी आपले विचार मांडले. शिक्षण म्हणजे  विद्यार्थ्यांचें ज्ञान व क्षमतांचा विकास करणे होय असे मत त्यांनी व्यक्त केले. जिल्हा आरोग्य अधिकारी डॉ.संदीप सांगळे यांनी आपल्या भाषणात डॉ ढाकणे त्यांनी  लहानपणाच्या हालाखीच्या कौटुंबिक परिस्थितीतून कशाप्रकारे आपले शिक्षण पूर्ण करत स्वतःचा व महाविद्यालयाच्या विकासामध्ये आपले बहुमोल योगदान दिले याबाबत मत व्यक्त केले.  डॉ.एस. पी.लवांडे यांनी आपल्या मनोगतामध्ये डॉ.ढाकणे यांना भावी आयुष्याबद्दल शुभेच्छा देत असतानाच आपला महाविद्यालयातील उपप्राचार्य पदाचा प्रदीर्घ अनुभव तसेच पदार्थ विज्ञानातील आपल्या ज्ञानाचा फायदा  चिंचोली या आपल्या मूळ गावी असणाऱ्या ग्रामीण भागातील जनतेला जास्तीत जास्त व्हावा यासाठी प्रयत्न करावेत असे मत व्यक्त केले.  आपल्या अध्यक्ष मनोगतामध्ये महाविद्यालयाचे प्राचार्य डॉ.अभय खंडागळे यांनी डॉ.ढाकणे यांच्या काम करण्याच्या सचोटीबद्दल तसेच मीतभाशी स्वभावाबद्दल आवर्जून उल्लेख केला. तसेच त्यांनी त्यांच्या सेवा काळामध्ये पदार्थ विज्ञान विभागामध्ये पदव्युत्तर पदवी तसेच संशोधन केंद्र सुरू करणे महाविद्यालयांमध्ये यू.जी.सी रुसा या सारख्या विविध योजना राबवण्यासाठी केलेले प्रयत्न तसेच नॅक मुल्यांकनामध्ये आय.क्यू.एस.सी समन्वयक म्हणून गेली अनेक वर्ष केलेल्या कामाबद्दल  गौरव उद्गार काढले. तसेच सदर प्रसंगी प्रा.आंद्रे मॅडम, प्रा.बाळासाहेब हाडवळे, डॉ. निलेश हांडे, डॉ.हरिभाऊ बोराटे, डॉ उमेशराज पनेरु,  डॉ.रमाकांत कस्पटे, प्रा.महेश गंभीर, श्री.हेमंत डुंबरे तसेच माजी विद्यार्थी प्रथमेश पडवळ व श्रीमती प्रतिभा डुंबरे, डॉ.ढाकणे यांचे चिरंजीव अभिजित ढाकणे यांनी आपली मनोगते व्यक्त केली.
सदर कार्यक्रमासाठी ढाकणे यांच्या पत्नी सौ.संगीता ढाकणे मुलगा अभिजित व मुलगी आरती  तसेच त्यांचे मित्र व नातेवाईक, ओतूर येथील ग्रामस्थ मोठ्या संख्येने उपस्थित होते.
सदर कार्यक्रमाचे प्रास्ताविक उपप्राचार्य डॉ.व्ही.एम शिंदे व  आभार प्रदर्शन उपप्राचार्य डॉ.के. डी सोनावणे यांनी तर सूत्रसंचालन डॉ.अमोल बिबे यांनी केले.
सदर कार्यक्रम यशस्वीपणे पार पाडण्यासाठी  डॉ.वसंतराव गावडे, डॉ दत्तात्रेय टिळेकर, डॉ निलेश काळे, डॉ अनिल लोंढे, डॉ विनायक कुंडलीक  तसेच श्री. मिलिंद ढगे व श्री.जयसिंग डुंबरे यांनी विशेष परिश्रम घेतले.
——
News Title | Annasaheb Waghire College Otur |  Otoor College Vice Principal Dr.Sudanarrao Dhakne’s service completion ceremony celebrated

Dr. Vasant Gawde | NSS | एन.एस.एस. हे आदर्श संस्कारांचे व्यासपीठ | प्रा.डॉ. वसंत गावडे

Categories
Breaking News Education social पुणे

एन.एस.एस. हे आदर्श संस्कारांचे व्यासपीठ | प्रा.डॉ. वसंत गावडे

एन.एस.एस.हे आदर्श संस्कारांचे व्यासपीठ व व्यक्तिमत्व विकासाचे विद्यापीठ आहे. राष्ट्रीय सेवा योजनेच्या माध्यमातून विद्यार्थ्यांमध्ये असलेल्या अनेक सुप्त कलागुणांना वाव मिळत असतो. विद्यार्थ्यांमध्ये समाज सेवेची भावना दृढ होते.  स्वावलंबनाचे धडे मिळतात. असे प्रतिपादन प्रा. डॉ. वसंत गावडे यांनी केले.

सावित्रीबाई फुले पुणे विद्यापीठ पुणे ,राष्ट्रीय सेवा योजना आणि भगवान महावीर एज्युकेशन सोसायटीचे, प्रितम प्रकाश महाविद्यालय (कला व वाणिज्य) इंद्रायणीनगर ,भोसरी, पुणे३९. यांच्या संयुक्त विद्यमाने स्वातंत्र्याच्या अमृत महोत्सवांतर्गत, “युवकांचा ध्यास ग्राम- शहर विकास” या उपक्रमांतर्गत ‘विशेष श्रमसंस्कार शिबिर’ शुक्रवार दि.१६ डिसेंबर २०२२ ते गुरुवार दि.२२डिसेंबर २०२२ या कालावधीत मु.पो.कोहिनकरवाडी ता.खेड, जि.पुणे, येथे मोठ्या आनंदी वातावरणात संपन्न होत आहे. सदर शिबीरात दररोज प्रबोधन सत्राचे आयोजन करण्यात आले आहे.

दि.१७ डिसें.२०२२रोजी प्रबोधनपर बौद्धिक व्याख्यानात “राष्ट्रीय सेवा योजना व व्यक्तिमत्व विकास”या विषयावर बोलताना प्रा.डॉ.वसंत गावडे म्हणाले,” “एन.एस.एस.हे आदर्श संस्कारांचे व्यासपीठ व व्यक्तिमत्व विकासाचे विद्यापीठ आहे. राष्ट्रीय सेवा योजनेच्या माध्यमातून विद्यार्थ्यांमध्ये असलेल्या अनेक सुप्त कलागुणांना वाव मिळत असतो. विद्यार्थ्यांमध्ये समाज सेवेची भावना दृढ होते.  स्वावलंबनाचे धडे मिळतात. स्वच्छता अभियान,आपत्ती व्यवस्थापन, राष्ट्रीय एकात्मता सामाजिक एकता वाढीसाठी विद्यार्थी तयार होतात. तसेच संभाषण कौशल्य, नेतृत्व गुण, स्वावलंबन, श्रमाचे मूल्य, तडजोडीचे तत्त्व, संभाषण कौशल्य, ग्राम जीवनाचा अनुभव, इत्यादी पैलू राष्ट्रीय सेवा योजनेच्या स्वयंसेवकांना शिकायला मिळतात. व्यक्तिमत्त्व विकासासाठी ते आत्मसात होऊन विकसित होतात . लोकशाही मूल्य जोपासली जाऊन प्रेमाची भावना, बंधुत्व व सांघिक भावना ,जोखीम घेण्याची क्षमता,मानसिक क्षमता व शारीरिक क्षमता वाढते. आदर्श व्यक्तिमत्व जवळून अनुभवण्याची संधी मिळते. अनुभव व कृतिशीलता वाढते.विविध प्रकारच्या शिबिरांमध्ये सहभागी होऊन विद्यार्थ्यांमध्ये असलेल्या सुप्त कलागुणांना वाव मिळतो. या सर्वांमधून सामाजिक उत्तरदायित्वाची भावना निर्माण होते. सहकार्य,स्वावलंबन काय असतो हे शिकायला मिळते. या सर्वांचा परिपाक म्हणजे सामाजिक उत्तरदायित्वाची भावना एन.एस.एस.च्या स्वयंसेवकांमध्ये तयार होऊन त्यांच्या व्यक्तिमत्त्वाचा सर्वांगीण विकास होतो. म्हणून राष्ट्रीय सेवा योजना ही संस्कार देणारे महत्त्वपूर्ण व्यासपीठ आहे असे मला वाटते”

सदर व्याख्यानासाठी शिबिरार्थी व ग्रामस्थ हे उपस्थित होते. तसेच राष्ट्रीय सेवा योजना कार्यक्रम अधिकारी