Tag: savitribai Phule pune university

Lalit Kala Kendra Pune | शिवसेनेच्या मागणीला यश | ललित कला केंद्राचे विभाग प्रमुख व दोषी विद्यार्थ्यांवर गुन्हा दाखल

Categories
Breaking News cultural Education Political पुणे

Lalit Kala Kendra Pune | शिवसेनेच्या मागणीला यश | ललित कला केंद्राचे विभाग प्रमुख व दोषी विद्यार्थ्यांवर गुन्हा दाखल

Lalit Kala Kendra Pune | सावित्रीबाई फुले पुणे विद्यापीठातील (Savitribai Phule Pune University) ललित कला केंद्राचे विभाग प्रमुख व दोषी विद्यार्थ्यांवर गुन्हा दाखल करण्यात आला आहे. शिवसेना शहरप्रमुख प्रमोद नाना भानगिरे (Pramod Nana Bhangire Pune Shivsena) यांनी याबाबत मागणी केली होती. शिवसेनेच्या मागणीला यश आले आहे. अशी भावना प्रमोद नाना भानगिरे यांनी व्यक्त केली. (Lalit Kala Kendra Pune)

भानगिरे यांनी सांगितले कि. 2 फेब्रुवारी 2024 ला ललित कला केंद्र येथील ओपन थेटर मध्ये काही नाटकांचे प्रयोग आयोजित करण्यात आले होते. हिंदू धार्मियांच्या भावना दुखावल्या बद्दल आता विभागप्रमुख व विद्यार्थ्यांवर गुन्हा दाखल करण्यात आला आहे,यातील तिसरे नाटके प्रभू श्री रामचंद्र व सीतामाता यांच्यावर आधारित होते. संबंधित नाटकामध्ये माता सीतेचे पात्र स्टेजवरून अश्लील भाषेत शिव्या देत होते. त्याचबरोबर विद्यापीठासारख्या शिक्षणाच्या प्रांगणामध्ये सार्वजनिक ठिकाणी व एका जाहीर नाटकाच्या प्रयोगामध्ये सीता मातेचे पात्र सिगरेट ओढत होते. नंतर सीता मातेचे पात्र प्रभू श्रीरामचंद्र यांना राखी सावंत नावाने हाक मारते. या सर्व विषयांमध्ये हिंदू देवी देवता यांचा अपमान झालेला आहे. यावेळी सामान्य विद्यार्थी व कार्यकर्ते या नाटकाच्या प्रसंगांबद्दल शांततेच्या मार्गाने आवाज उठवत असताना ललित कला केंद्राच्या विद्यार्थ्यांनी नाटकाबद्दल आक्षेप घेणाऱ्या विद्यार्थी व विद्यार्थ्यांना कुदळ फावडे व दांडूक यांनी मारहाण केली. ही सर्व घटना निंदनीय आहे. याचा तिव्र शब्दात निषेध व्यक्त करतो.

संबंधित ललित कला केंद्राचे विभाग प्रमुख प्राविण भोळे, आक्षेपार्ह नाटक लिहिणारे व सादर करणारे विद्यार्थी आणि ललित कला केंद्राचे मारहाण करणारे विद्यार्थी यांच्यावर चतुश्रुंगी पोलीस स्टेशन मध्ये आता गुन्हा दाखल करण्यात आला आहे. असे भानगिरे यांनी सांगितले.

Lalit Kala Kendra Pune | ललित कला केंद्राचे विभाग प्रमुख व दोषी विद्यार्थ्यांवर कारवाई करा | प्रमोद नाना भानगिरे यांची कुलगुरूंकडे मागणी

Categories
Breaking News cultural Political social पुणे

Lalit Kala Kendra Pune | ललित कला केंद्राचे विभाग प्रमुख व दोषी विद्यार्थ्यांवर कारवाई करा | प्रमोद नाना भानगिरे यांची कुलगुरूंकडे मागणी

Lalit Kala Kendra Pune | ललित कला केंद्राचे विभाग प्रमुख व दोषी विद्यार्थ्यांवर कारवाई करून त्यांना निलंबित करावे. अशी मागणी शिवसेना शहर प्रमुख  प्रमोद नाना भानगिरे (Pramod Nana Bhangire Pune Shivsena) यांनी सावित्रीबाई फुले पुणे विद्यापीठाच्या (Savitribai Phule Pune University) कुलगुरूंकडे केली आहे. (Pune News)

भानगिरे यांच्या पत्रानुसार  2 फेब्रुवारी या दिवशी ललित कला केंद्र येथील ओपन थेटर मध्ये काही नाटकांचे प्रयोग आयोजित करण्यात आले होते. यातील तिसरे नाटके प्रभू श्री रामचंद्र व सीतामाता यांच्यावर आधारित होते. संबंधित नाटकामध्ये माता सीतेचे पात्र स्टेजवरून अश्लील भाषेत शिव्या देत होते. त्याचबरोबर विद्यापीठासारख्या शिक्षणाच्या प्रांगणामध्ये सार्वजनिक ठिकाणी व एका जाहीर नाटकाच्या प्रयोगामध्ये सीता मातेचे पात्र सिगरेट ओढत होते. नंतर सीता मातेचे पात्र प्रभू श्रीरामचंद्र यांना राखी सावंत नावाने हाक मारते. या सर्व विषयांमध्ये हिंदू देवी देवता यांचा अपमान झालेला आहे. यावेळी सामान्य विद्यार्थी व कार्यकर्ते या नाटकाच्या प्रसंगांबद्दल शांततेच्या मार्गाने आवाज उठवत असताना ललित कला केंद्राच्या विद्यार्थ्यांनी नाटकाबद्दल आक्षेप घेणाऱ्या विद्यार्थी व विद्यार्थ्यांना कुदळ फावडे व दांडूक यांनी मारहाण केली. ही सर्व घटना निंदनीय आहे. याचा तिव्र शब्दात निषेध व्यक्त करतो.

भानगिरे यांनी पुढे म्हटले आहे कि, ललित कला केंद्राचे विभाग प्रमुख प्राविण भोळे, आक्षेपार्ह नाटक लिहिणारे व सादर करणारे विद्यार्थी आणि ललित कला केंद्राचे मारहाण करणारे विद्यार्थी यांच्यावर विद्यापीठ प्रशासनाने तात्काळ कारवाई करावी. त्याचबरोबर सर्व दोषींना तात्काळ निलंबित करावे. अशी मागणी भानगिरे यांनी केली आहे.

Pune Pustak Mahotsav | पुणे पुस्तक महोत्सव शनिवारपासून रंगणार | लहान मुले, युवक, पुणेकर असा सर्वांना पुस्तकांसोबत सांस्कृतिक कार्यक्रमांची मेजवानी

Categories
Breaking News cultural PMC social पुणे

Pune Pustak Mahotsav | पुणे पुस्तक महोत्सव शनिवारपासून रंगणार

| लहान मुले, युवक, पुणेकर असा सर्वांना पुस्तकांसोबत सांस्कृतिक कार्यक्रमांची मेजवानी

 

Pune Pustak Mahotsav | पुणे – राष्ट्रीय पुस्तक न्यासाच्या (National Book Trust) वतीने येत्या १६ ते २४ डिसेंबर या कालावधीत फर्ग्युसन महािद्यालयाच्या (Fergusson College) मैदानावर होणाऱ्या पुणे पुस्तक महोत्सवात (Pune Pustak Mahotsav) सुमारे २०० स्टॉल्स राहणार असून, पुणेकरांना १० भारतीय भाषांमधील हजारो पुस्तके पाहायला आणि खरेदी करण्यासाठी उपलब्ध राहणार आहे. या पुस्तक महोत्सवाच्या निमित्ताने पुणेकरांना प्रसिद्ध कवी कुमार विश्वास, पत्रकार सौरभ द्विवेदी, ज्येष्ठ शास्त्रज्ञ डॉ रघुनाथ माशेलकर, लोकगीत गायक नंदेश उमप, प्रसिद्ध लेखक विक्रम संपत यांना ऐकण्याची, तर तुकाराम दर्शन महानाट्य, शिवराज्याभिषेक सोहळा अनुभवण्याची संधी मिळणार आहे. त्याचबरोबर युवकांना काश्मिरी बँड, उत्तर भारतीय संगीताचा आस्वाद घेता येणार असून, टॅलेंट हंटमध्ये दररोज आपल्या कला सादर करता येणार आहे. लहान मुलांसाठी बालसाहित्यिकांकडून कथा, गोष्टी ऐकता येणार आहे.

पुण्यात पहिल्यांदाच येत्या शनिवारपासून होणाऱ्या पुणे पुस्तक महोत्सवाचे आयोजन सावित्रीबाई फुले पुणे विद्यापीठ (Savitribai Phule Pune University), पुणे महापालिका (Pune Municipal Corporation), उच्च शिक्षण आणि शालेय शिक्षण विभाग यांनी एकत्रित केले आहे. महोत्सवासाठी पुणे श्रमिक पत्रकार संघ (Pune Shramik Patrakar Sangh) सहआयोजक असून, भारतीय विचार साधना आणि खडकी शिक्षण संस्थेचे सहकार्य लाभले आहे. यामध्ये पुस्तक प्रदर्शनाबरोबर विविध सांस्कृतिक कार्यक्रम, चर्चासत्रे, साहित्यिकांच्या मुलाखती, सृजनशिलतेला वाव देणारे आणि वाचन संस्कृतीचा विकास घडविणारे कार्यक्रम खुला रंगमंच आणि अँफी थिएटरमध्ये होणार आहेत. या पुस्तक महोत्सवाच्या निमित्ताने होणाऱ्या विविध उपक्रम आणि कार्यक्रमांमध्ये विद्यार्थ्यांनी सहभागी होण्याबाबत शाळा, महाविद्यालये आणि विद्यापीठांना राज्य सरकारने सूचना दिल्या आहेत, अशी माहिती महोत्सवाचे संयोजक राजेश पांडे यांनी दिली आहे. पुस्तक न्यासाचे प्रकल्प अधिकारी कांचन शर्मा, एज्युकेशन सोसायटीचे अध्यक्ष डॉ. शरद कुंटे यांची उपस्थिती होती.

या महोत्सवाचे उद्घाटन शनिवारी १६ डिसेंबरला दुपारी १२ वाजता उच्च शिक्षण आणि तंत्रज्ञान मंत्री चंद्रकांत पाटील आणि ज्येष्ठ साहित्यिक डॉ. सदानंद मोरे यांच्या हस्ते होणार आहे. तत्पूर्वी, सकाळी १०.३० वाजता राजीव तांबे यांचा लहान मुलांसाठी कथाकथन हा कार्यक्रम होणार आहे. उद्घाटनाच्या सत्रानंतर दुपारी ४.३० बँडचे सादरीकरण करण्यात येणार आहे. या दिवशी रात्री प्रसिद्ध गायक नंदेश उमप यांचा लोकरंग हा सांस्कृतिक कार्यक्रम सायंकाळी ६.३० वाजता होणार आहे. या महोत्सवात दररोज दुपारी दीड ते साडेचार या वेळेत राष्ट्रीय पुस्तक न्यासाच्या वतीने महाविद्यालयीन विद्यार्थ्यांसाठी टॅलेंट हंट उपक्रमाचे आयोजन होणार आहे. या अंतर्गत विद्यार्थ्यांना नृत्य, गायन, वादन अशा विविध प्रकारच्या कला सादर करता येणार आहे. या पुस्तक महोत्सवाची वेळ दररोज सकाळी १०.३० ते ८.३० अशी राहणार आहे. पुण्यातील शाळा, महाविद्यालये आणि विद्यापीठांमधील अधिकाधिक विद्यार्थ्यांनी सहभागी व्हावे. त्याचप्रमाणे पुणेकरांनी मोठ्या संख्येने उपस्थित राहून महोत्सव यशस्वी करावा, असे आवाहन संयोजक राजेश पांडे यांनी केले आहे.
…..
१६ डिसेंबर, शनिवारी
…..
– सकाळी १०.३० – लहान मुलांसाठी कथाकथन कार्यक्रम (खुला मंच) – सादरकर्ते – राजीव तांबे –
– दुपारी १२ वाजता – उद्घाटन सत्र
– दुपारी १.३० ते ४.३० – टॅलेंट हंट
– दुपारी ४.३० – बँड सादरीकरण
– सायंकाळीं ६.३० – लोकरंग हा सांस्कृतिक कार्यक्रम – सादरकर्ते – नंदेश उमप
……..
१७ डिसेंबर, रविवारी
…
– सकाळी १०.३० – लहान मुलांसाठी ‘सुट्टी आली, सुट्टी आली ‘ कार्यक्रम – सादरकर्त्या – डॉ. माधवी वैद्य
– दुपारी १.३० ते ४.३० – टॅलेंट हंट
– सायंकाळीं ७.३० – तुकाराम दर्शन महानाट्य
…..
१८ डिसेंबर, सोमवार
– दुपारी ११.३० – प्रसिद्ध कवी कुमार विश्वास यांचे व्याख्यान
– दुपारी १.३० ते ४.३० – टॅलेंट हंट
– दुपारी ४.३० – प्रसिद्ध पत्रकार सौरभ द्विवेदी यांच्याशी संवाद
– सायंकाळीं ५.३० – प्रसिद्ध लेखक विक्रम संपत यांचे व्याख्यान आणि गप्पा
– सायंकाळीं ७.३० – काश्मिरी बँडचे सादरीकरण
…..
१९ डिसेंबर , मंगळवारी
…
– सकाळी १०.३० – गाथा शिवरायांची – सादरकर्ते – मोहन शेटे (खुला मंच)
– दुपारी १.३० ते ४.३० – टॅलेंट हंट
– दुपारी ३.३० – स्वातंत्र्यपूर्व काळातील कारागृहात साहित्य निर्मिती करणाऱ्या ५८ स्वातंत्र्यसैनिकांवर ‘ कारागृहातील कल्लोळ ‘ हा दृक-श्राव्य कार्यक्रम ( अँफी थिएटर )
– सायंकाळीं ५.३० – हिंदुस्थानच्या फाळणीची शोकांतिका कार्यक्रमात व्यथा हिंदुस्थानच्या फाळणीची पुस्तकाचे प्रकाशन – हस्ते – सुनील आंबेकर
– सायंकाळीं ६.३० – आर्मी बँडचे सादरीकरण
– सायंकाळीं ७.३० – महाराष्ट्राची संस्कृती
……
२० डिसेंबर, बुधवारी
…
– सकाळी १०.३० – ओंकार काव्यदर्शन – सादरकर्ते – विसुभाऊ बापट ( आंफी थियटर)
– दुपारी १.३० ते ४.३० – टॅलेंट हंट
– दुपारी १. ३० – वाचणारे अधिकारी अंतर्गत आमचा वाचन कारभार कार्यक्रम – सहभाग – अविनाश धर्माधिकारी, सदानंद दाते, विश्वास पाटील
– सायंकाळीं ५.३० – ज्ञानपीठातील ज्ञानतपस्वी कार्यक्रम ( अँफी थियटर) – सहभाग – प्रसिद्ध साहित्यिक
– सायंकाळीं ७.३० – इंद्रधनुष्य – सादरकर्ते – सावित्रीबाई फुले पुणे विद्यापीठाची चमू
…..
२१ डिसेंबर, गुरुवारी
….
– सकाळी १०.३० – व्यंगचित्रे आणि चिंटू ( अँफी थिएटर) – सादरीकरण – चारुहास पंडित
– दुपारी १.३० ते ४.३० – टॅलेंट हंट
– सायंकाळीं ७.३० – फैजल हा काश्मिरी गीतांचा कार्यक्रम
….
२२ डिसेंबर, शुक्रवारी
…
– सकाळी १०.३० – कथाकथन ( खुला मंच) – सादरकर्ते – राजीव तांबे
– दुपारी ४.३० – ज्येष्ठ शास्त्रज्ञ डॉ. रघुनाथ माशेलकर यांनी प्रकट मुलाखत ( अँफी थिएटर) मुलाखतकार पत्रकार सागर देशपांडे
– सायंकाळीं ७.३० – श्रीमंत योगी – शिवराज्याभषेक महानाट्य -जाणता राजा सादरकर्ते महाराष्ट्र कीर्ती सौरभ प्रतिष्ठान
….
२३ डिसेंबर , शनिवारी
…
– दुपारी १.३० ते ४.३० – टॅलेंट हंट
– दुपारी ३.३० – राजकीय नेते काय वाचतात – सहभाग – आशिष शेलार, सतेज पाटील, डॉ. निलम गोऱ्हे, सिद्धार्थ शिरोळे
– सायंकाळीं ७.३० – मालिनी अवस्थी – उत्तर भारतीय लोकसंगीताचा कार्यक्रम
…..
२४ डिसेंबर, रविवारी
…
– दुपारी १.३० ते ४.३० – टॅलेंट हंट
– सायंकाळीं ७.३० – कलर्स बँड

‘पुणे पुस्तक महोत्सवा’त पुस्तक खरेदीला प्रोत्साहन देण्यासाठी कोथरुडकरांसाठी विशेष योजना

पुस्तक खरेदीसाठी प्रत्येक व्यक्तीला मिळणार १०० रुपयाचे एक कुपन

‘राष्ट्रीय पुस्तक न्यासा’च्या वतीने फर्ग्यूसन महाविद्यालयाच्या मैदानावर १६ ते २४ डिसेंबर २०२३ दरम्यान ‘पुणे पुस्तक महोत्सवा’चे आयोजन करण्यात आले असून, वाचन संस्कृतीच्या संवर्धनासाठी नामदार चंद्रकांतदादा पाटील यांनी विशेष पुढाकार घेतला आहे. पुणे पुस्तक महोत्सवात जास्तीत जास्त वाचकांनी भेट देऊन खरेदी करावी, यासाठी कोथरुड मतदारसंघातील प्रत्येक व्यक्तीला १०० रुपयाचे कुपन देण्याचा निर्णय नामदार चंद्रकांतदादा पाटील यांनी घेतला आहे.

 

या महोत्सवामध्ये राष्ट्रीय कीर्तीच्या प्रकाशकांबरोबरच इंग्रजी, हिंदी, मराठी, गुजराथी, कन्नड अशा देशभरातील २२ विविध भाषांमधील पुस्तकांचे प्रदर्शन भरविण्यात येणार आहे. तसेच या महोत्सवात हिंदवी स्वराज्य संस्थापक छत्रपती शिवाजी महाराज प्रदर्शनीचा देखील समावेश असणार आहे. त्यामुळे या पुस्तक प्रदर्शनाला जास्तीत जास्त पुणेकरांनी भेट द्यावी; यासाठी नामदार चंद्रकांतदादा पाटील यांनी देखील पुढाकार घेतला आहे.

पुणे पुस्तक महोत्सवात कोथरुडकरांनी मोठ्या प्रमाणात सहभागी होऊन पुस्तके खरेदी करण्यासाठी विशेष योजना राबविण्याचा निर्णय नामदार पाटील यांनी घेतला आहे. या उपक्रमाअंतर्गत कोथरुड मधील वाचन प्रेमी मंडळींनी ‘पुणे पुस्तक महोत्सावा’स भेट देऊन प्रत्येक व्यक्तीला पुस्तक खरेदीसाठी १०० रुपयांचे डिस्काऊंट कुपन दिले जाणार आहे. त्यामुळे नागरिकांनी जास्तीत जास्त प्रमाणात पुस्तके खरेदी करुन, या योजनेचा लाभ घ्यावा, असे आवाहन करण्यात येत आहे.

सदर पुस्तक खरेदीचे कुपन दिनांक १६ ते २२ डिसेंबर दरम्यान नामदार चंद्रकांतदादा पाटील यांच्या कोथरुड, बाणेर मधील जनसंपर्क कार्यालयात सकाळी ११ ते ६ वेळेत उपलब्ध असणार आहेत. यासाठी नागरिकांना आधार कार्डची झेरॉक्स प्रत द्यावी लागणार आहे.

दरम्यान, पुण्यात होत असलेल्या अभिनव उपक्रमांमध्ये ‘शांतता, पुणेकर वाचत आहेत,’ हा ऐतिहासिक उपक्रम देखील होणार आहे. दिनांक १४ डिसेंबरला दुपारी १२ ते १ या वेळेत एक तास पुणेकरांनी आपल्या आवडीच्या पुस्तकाचे वाचन करायचे, असे आवाहन करण्यात येत आहे. यामध्ये नामदार चंद्रकांतदादा पाटील हे देखील सहभागी होणार असून, सर्व पुणेकरांनी ही वाचन संस्कृती वाढीस लागण्यासाठी १४ डिसेंबरच्या उपक्रमात सहभागी होण्याचे आवाहन नामदार पाटील यांनी केले आहे.

Ramesh Gopale | Ph.D. | प्रा. रमेश गोपाळे यांना पुणे विद्यापीठाची पीएचडी पदवी प्रदान

Categories
Breaking News Education पुणे

Ramesh Gopale | Ph.D. | प्रा. रमेश गोपाळे यांना पुणे विद्यापीठाची पीएचडी पदवी प्रदान

 

Ramesh Gopale | Ph.D |  आकुर्डी येथील प्रा. रामकृष्ण मोरे महाविद्यालयातील (Ramkrishna More College Akurdi) भूगोल विषयाचे अध्यापन करणारे प्रा. रमेश गोपाळे (Prof Ramesh Gopale) यांना विज्ञान व तंत्रज्ञान शाखाअंतर्गत भूगोल विषयातील ‘अ स्टडी ऑफ पब्लिक हेल्थकेअर सिस्टिम इन पुणे डिस्ट्रिक्ट, महाराष्ट्रा – अ जॉग्राफिकल अप्रोच’ या संशोधन प्रबंधासाठी सावित्रीबाई फुले पुणे विद्यापीठातर्फे (Pune University)  (विद्यावाचस्पती) पीएचडी ही शिक्षण क्षेत्रातील सर्वोच्च पदवी प्रदान करण्यात आली आहे. या यशाबद्दल महाविद्यालयाचे प्राचार्य व विज्ञान – तंत्रज्ञान शाखेचे अधिष्ठाता डॉ. मनोहर चासकर, उपप्राचार्य बी. जी. लोबो, एच. बी. सोनावणे व संशोधन केंद्राचे समन्वयक डॉ. सुचित्रा परदेशी यांनी त्यांचे अभिनंदन केले आहे. (Savitribai Phule Pune University)

त्यांचे प्राथमिक शिक्षण हे साबुडी गावातील जिल्हा परिषदेच्या शाळेत झाले असून, माध्यमिक शिक्षण श्री सिद्धेश्वर विद्यालय वेताळे, उच्च माध्यमिक शिक्षण रामभाऊ म्हाळगी विद्यालय कडूस, महाविद्यालयीन शिक्षण हुतात्मा राजगुरू महाविद्यालय तर पदव्युतर पदवी शिक्षण पुणे विद्यापीठातून पूर्ण केले आहे. त्याचबरोबर ते भूगोल विषयात जून 2014 मध्ये सेट परीक्षा तर सप्टेंबर 2015 मध्ये नेट परीक्षा उत्तीर्ण झाले व आता शिक्षण क्षेत्रातील सर्वोच्च पीएचडी पदवी मिळविली आहे.

त्यांच्या घरात कुठलीही शैक्षणिक परंपरा नसताना आणि आर्थिक परिस्थिती अत्यंत हलाखीची असताना देखील एका सामान्य, गरीब शेतकरी कुटुंबातून आलेल्या एका तरुणाने आपल्या जिद्द, चिकाटी व मेहनतीने ही पदवी मिळवली आहे. एकंदरीत या तरुणाची ही कामगिरी इतर विद्यार्थ्यांसाठी प्रेरणादायी आहे. पदवी मिळवण्यासाठी त्यांना कुटुंबीयांबरोबरच पर्वती येथील श्री शाहू महाविद्यालयाचे प्राचार्य डॉ. विलास पाटील यांचे मोलाचे मार्गदर्शन लाभले. आपल्या ग्रामीण भागातील समाजामध्ये त्यांचे शिक्षणाविषयीचे प्रेम कौतुकास्पद आहे. त्यांना मिळालेल्या यशाचे सर्व स्तरातून कौतुक होत आहे.

Pune BJP | PM Modi | पंतप्रधान नरेंद्र मोदी यांच्या विषयी कुठल्याही प्रकारचे चुकीचे वक्तव्य खपवून घेतले जाणार नाही | धीरज घाटे

Categories
Breaking News Political पुणे

Pune BJP | PM Modi | पंतप्रधान नरेंद्र मोदी यांच्या विषयी कुठल्याही प्रकारचे चुकीचे वक्तव्य खपवून घेतले जाणार नाही | धीरज घाटे

Pune BJP | PM Modi | सावित्रीबाई फुले विद्यापीठातील २ क्रमांकाच्या वसतिगृहाच्या भिंतीवर आक्षेपार्ह शब्दात टिपणी केली गेली त्याच्या निषेधार्थ भारतीय जनता पार्टी पुणे शहराच्या वतीने शहराध्यक्ष धिरज घाटे (Dheeraj Ghate) यांच्या नेतृत्वाखाली विद्यपीठात तीव्र आंदोलन करून कुलगुरूंना निवेदन देण्यात आले. (Savitribai Phule University Pune)

यावेळी बोलताना शहराध्यक्ष धीरज घाटे म्हणाले की सावित्रीबाई फुले विद्यापीठातील घटना ही पुणे शहराच्या दृष्टीने लज्जास्पद घटना आहे पंतप्रधान नरेंद्र मोदी यांच्याविषयी जगात आदर आहे असे असताना काही लाल माकडांनी काल पंतप्रधानांविषयी असे उदगार काढणे हे म्हणजे करंटेपणाचे लक्षण आहे मुळामध्ये जे विद्यार्थी विद्यपीठाशी संबंधित नाहीत अशा विद्यार्थ्यांवर विद्यापीठाने कारवाई करणे अपेक्षित आहे सावित्रीबाई फुले विद्यापीठाचे जे एन यु होते आहे की काय असा प्रश्न पडत आहे पंतप्रधान नरेंद्र भाई मोदी यांच्याविषयी कुठल्याही प्रकारचे चुकीचे वक्तव्य खपवून घेतले जाणार नाही जशास तसे उत्तर देण्यात येईल’ असा इशारा घाटे यांनी यावेळी बोलताना दिला.

या आंदोलनाला शहराध्यक्ष घाटे , महाराष्ट्र प्रदेश युवा मोर्चा सरचिटणीस सुशील मेंगडे , प्रदेश उपाध्यक्ष राजेश पांडे, वर्षा डहाळे , प्रवक्ते संदीप खर्डेकर, सरचिटणीस पुनीत जोशी ,रवींद्र साळेगावकर, राघवेंद्र मानकर ,राजू शिळीमकर,राहूल भंडारे, वर्षा तापकीर, महिला आघाडी अध्यक्षा हर्षदा फरांदे ,युवा मोर्चा अध्यक्ष करण मिसाळ , लोकसभा संयोजक श्रीनाथ भिमाले हेमंत रासने यांच्यासह पदाधिकारी व कार्यकर्ते मोठ्या संख्येने उपस्थित होते

University Senate Election | विद्यापीठ सिनेट निवडणूक | महाविकास आघाडी फक्त राष्ट्रवादी आणि शिवसेनेची? | काँग्रेसचा स्वतंत्र पुरस्कृत पॅनेल 

Categories
Breaking News Education Political पुणे महाराष्ट्र

विद्यापीठ सिनेट निवडणूक | महाविकास आघाडी फक्त राष्ट्रवादी आणि शिवसेनेची? | काँग्रेसचा स्वतंत्र पुरस्कृत पॅनेल

पुणे | सावित्रीबाई फुले पुणे विद्यापीठाच्या सिनेट निवडणुकीवरून महाविकास आघाडीत बिघाडी निर्माण झाल्याचे चित्र तयार होत आहे. राष्ट्रवादी आणि शिवसेनेचे यात उमेदवार आहेत. हे दोन्ही पक्ष महाविकास आघाडी म्हणून लढत आहेत. तर दुसरीकडे काँग्रेस मात्र ही आघाडी मानायला तयार नाही. काँग्रेस ने या निवडणुकीत एकही उमेदवार उभा केलेला नसला तरी मात्र काँग्रेस ने एक पुरस्कृत पॅनल उभा केला आहे. दरम्यान काँग्रेसच्या या भूमिकेवरून राष्ट्रवादीने नाराजी व्यक्त करत आघाडी नसल्याची अधिकृत भूमिका जाहीर करण्याची मागणी केली आहे.
सावित्रीबाई फुले पुणे विद्यापीठाच्या सिनेट निवडणुकीवरून राजकारण चांगलेच तापलेले पाहायला मिळत आहे. सर्वच पक्षांनी ही निवडणूक प्रतिष्ठेची केली आहे. भाजप पुरस्कृत पॅनेलचे 5 उमेदवार बिनविरोध निवडून आले आहेत. त्यामुळे राष्ट्रवादी, शिवसेना आणि काँग्रेस ने यात पुरते बळ लावण्याचे मनावर घेतले आहे. राष्ट्रवादी नेते आणि विरोधी पक्षनेते अजित पवार यांनी नुकतेच सावित्रीबाई फुले प्रगती पॅनल च्या कचेरीचा शुभारंभ केला. राष्ट्रवादी व शिवसेनेने  दहा ते दहा ठिकाणी  तरुण युवक व उच्च विद्याविभूषित उमेदवारांना संधी देण्यात आली असून पॅनलच्या जाहीरनामाचे प्रकाशन देखील  संपन्न झाले.
या निवडणुकीत काँग्रेस ने मात्र वेगळा सूर आळवला आहे. काँग्रेस ने या निवडणुकीत एकही उमेदवार उभा केलेला नसला तरी मात्र काँग्रेस ने एक पुरस्कृत पॅनल उभा केला आहे.  काँग्रेसने  ‘छत्रपती शाहू महाराज परिवर्तन’ पॅनेलला जाहीर पाठींबा दिला आहे.  पुणे शहर विद्यार्थी काँग्रेस – एन. एस. यू. आयने ‘छत्रपती शाहू महाराज परिवर्तन पॅनेलला पत्रा द्वारे पाठिंबा जाहीर केला आहे. काँग्रेस ही निवडणूक महाविकास आघाडी म्हणून लढत नाही. तसा उल्लेख देखील काँग्रेस ने कधी केला नाही. तर दुसरीकडे राष्ट्रवादी आणि शिवसेना मात्र पहिल्या दिवसापासून महाविकास आघाडी म्हणून निवडणूक लढवत असल्याचे जाहीर करत आहेत. काँग्रेस मात्र हे मानायला तयार नाही. यावरून आता आघाडीत बिघाडी मानली जात आहे. तर काँग्रेसच्या या भूमिकेमुळे राष्ट्रवादी मात्र चांगलीच नाराज झाली आहे. राष्ट्रवादीने आव्हान दिले आहे कि आघाडीबाबत काँग्रेसने आपली अधिकृत भूमिका जाहीर करावी.
—
सिनेट च्या निवडणुकीत आमचा काँग्रेस पुरस्कृत पॅनेल आहे. याबाबत पुणे शहर विद्यार्थी काँग्रेस ने देखील आपली अधिकृत भूमिका जाहीर केली आहे. महाविकास आघाडीच्या व्यासपीठावर आमचा कुठलाही नेता उपस्थित नव्हता.
– अरविंद शिंदे, प्र. शहर अध्यक्ष, काँग्रेस
—
सिनेट निवडणुकीत उमेदवार देताना आम्ही काँग्रेस शहर अध्यक्ष अरविंद शिंदे यांच्याशी सल्लामसलत करूनच उमेदवार दिले आहेत. आम्ही ही निवडणूक महाविकास आघाडी म्हणूनच लढतो आहोत. सगळ्या पातळ्यांवर राष्ट्रवादी, शिवसेना व काँग्रेस असे आम्ही आघाडी म्हणूनच एकत्र आहोत. पण काँग्रेस ला तसे वाटत नसेल तर काँग्रेस चे शहर अध्यक्ष आणि विद्यार्थी काँग्रेस ला माझे आव्हान आहे कि त्यांनी आघाडी नसल्याची अधिकृत भूमिका जाहीर करावी.
– प्रशांत जगताप, अध्यक्ष, राष्ट्रवादी काँग्रेस 

Mahavikas Aghadi | Sinet Election | विद्यापीठाची परीक्षा पद्धती अधिकाधिक पारदर्शक करणार | अजित पवार

Categories
Breaking News Political पुणे महाराष्ट्र

विद्यापीठाची परीक्षा पद्धती अधिकाधिक पारदर्शक करणार

| महाविकास आघाडी प्रणित “सावित्रीबाई फुले प्रगती पॅनल” च्या मुख्य प्रचार कचेरीचा शुभारंभ अजित पवार यांच्या हस्ते संपन्न

सावित्रीबाई फुले पुणे विद्यापीठाच्या सिनेट निवडणुकीसाठी “सावित्रीबाई फुले प्रगती पॅनल”च्या मुख्य निवडणूक कचेरीचा शुभारंभ आज महाराष्ट्र राज्याचे विधानसभेचे विरोधी पक्ष नेते अजित पवार यांच्या शुभहस्ते तर महाराष्ट्र राज्याच्या विधानपरिषदेचे विरोधीपक्ष नेते अंबादासजी दानवे यांच्या प्रमुख उपस्थितीमध्ये संपन्न झाला.

सावित्रीबाई फुले पुणे विद्यापीठाच्या सिनेट निवडणुकीत महाविकास आघाडी “सावित्रीबाई फुले प्रगती पॅनल”च्या माध्यमातून निवडणूक लढवत असून सर्व दहा ते दहा ठिकाणी महाविकास आघाडीच्या वतीने तरुण युवक व उच्च विद्याविभूषित उमेदवारांना संधी देण्यात आली असून पॅनलच्या जाहीरनाम्याचा जाहीरनामाचे प्रकाशन देखील या सोहळ्यात मान्यवरांच्या हस्ते संपन्न झाले.

यावेळी बोलताना पवार म्हणाले की , पुणे विद्यापीठाची सिनेट निवडणूक ही राज्याच्या शैक्षणिकदृष्ट्या एक महत्त्वाची निवडणूक मानली जाते. पुणे विद्यापीठाचा कारभार अधिकाधिक लोकाभिमुख व्हावा व समाजातील सर्वसामान्य बहुजन वर्गातील मुला-मुलींना तेथे उच्च प्रतीचे शिक्षण मिळावे हीच सावित्रीबाई फुले प्रगती पॅनलची माफक अपेक्षा आहे. विद्यापीठाच्या संलग्न असणाऱ्या महाविद्यालयांची शैक्षणिक गुणवत्ता सुधारणे, विद्यापीठाची परीक्षा पद्धती अधिकाधिक पारदर्शक करणे, विद्यापीठाच्या अहमदनगर व नाशिक केंद्रात सर्व सोयी सुविधा उपलब्ध करून देणे या प्रमुख मुद्द्यांसह सावित्रीबाई फुले प्रगती पॅनलचे उमेदवार ही निवडणूक लढवित असून या पॅनलमधील सर्व उमेदवार हे उच्चविद्याविभूषित असून, विद्यार्थ्यांच्या प्रश्नांची जाण असणारे आहेत त्यांना आपले पसंती क्रमांक ०१ चे मत देऊन त्यांना आपले प्रश्न सिनेट मध्ये मांडण्याची संधी नक्की द्यावी असे आवाहन देखील त्यांनी केले.

याप्रसंगी राष्ट्रवादी काँग्रेस पार्टीचे शहरअध्यक्ष प्रशांत जगताप, शिवसेनेचे शहर प्रमुख संजय मोरे, गजानन थरकुडे, आमदार सुनील टिंगरे, आमदार चेतन तुपे, माजी आमदार जयदेवराव गायकवाड , कमलनानी ढोले पाटील, ज्येष्ठ नेते अंकुश काकडे, दिपाली धुमाळ,नगरसेवक विशाल तांबे, महेंद्र पठारे, रत्नप्रभा जगताप,नंदा लोणकर,सायली वांजळे, प्रदीप देशमुख,डॉक्टर सुनील जगताप,रुपाली ठोंबरे पाटील यांसह मोठ्या संख्येने महाविकास आघाडीतील घटक पक्षांचे पदाधिकारी व कार्यकर्ते उपस्थित होते.

Senate Election | सावित्रीबाई फुले पुणे विद्यापीठ सिनेट निवडणूक | भाजप समर्थक विद्यापीठ विकास मंचचे ५  उमेदवार बिनविरोध | महाविकास आघाडीला धक्का मानला जातोय

Categories
Breaking News Education Political पुणे महाराष्ट्र

सावित्रीबाई फुले पुणे विद्यापीठ सिनेट निवडणूक | भाजप समर्थक विद्यापीठ विकास मंचचे ५  उमेदवार बिनविरोध

| महाविकास आघाडीला धक्का मानला जातोय

| विद्यापीठाच्या निवडणुकीत पहिलीच घटना

सावित्रीबाई फुले पुणे विद्यापीठाचा देशातील विद्यापीठाच्या इतिहासात पहिल्यांदाच संस्थाचालक गटातून अधीसभेवर विद्यापीठ विकास मंचाच्या पाच उमेदवारांची बिनविरोध निवड झाली.

संस्थाचालकांच्या खुल्या गटातून डॉ. राजेंद्र विखे-पाटील, डॉ.अपूर्व हिरे, प्रा. विनायक आंबेकर, श्री. अशोक सावंत यांची आणि महिला गटात डॉ. ज्योत्स्ना एकबोटे यांचा बिनविरोध उमेदवारांत समावेश आहे.

विद्यापीठ विकास मंचाचे समन्वयक राजेश पांडे यांनी विजयी उमेदवारांचे अभिनंदन केले आहे.

पांडे म्हणाले, विद्यापीठाच्या इतिहासात पहिल्यांदाच संस्थाचालक गटात बिनविरोध निवडणूक झाली आहे. ही बिनविरोध होण्यासाठी विद्यापीठ विकास मंचच्या प्रयत्नांना यश आले आहे. डॉ गजानन एकबोटे,
डॉ. राजेंद्र विखे पाटील, डॉ अपूर्व हिरे, प्रा. एन. डी. पाटील, डॉ. नितीन ठाकरे, डॉ संदीप कदम, अभाविप चेप्रदेश मंत्री अनिल ठोंबरे यांनी त्यासाठी विशेष प्रयत्न केले.

दरम्यान हा महाविकास आघाडी साठी धक्का मानला जातोय. कारण महाविकास आघाडी यासाठी जोरदार प्रयत्नशील आहे. त्यासाठी राज्यभर दौरे देखील होत आहेत. असे असताना विद्यापीठ विकास मंचने जोरदार धक्का दिला आहे. तर दुसरीकडे कॉंग्रेस पहिल्यापासूनच या निवडणुकीच्या रिंगणाबाहेर आहे. कारण राष्ट्रवादी आणि शिवसेनेने आपल्याला हवे ते उमेदवार उभे करू दिले नाहीत, अशी कॉंग्रेस ची भावना आहे. त्यामुळे प्रचारात देखील कॉंग्रेस ने हिरीरीने भाग घेतलेला दिसत नाही.

दरम्यान विरोधी पक्षनेते आणि राष्ट्रवादीचे नेते अजित पवार हे सावित्रीबाई फुले पुणे विद्यापीठाच्या सिनेट निवडणुकीसाठी “सावित्रीबाई फुले प्रगती पॅनल” च्या मुख्य निवडणूक कचेरीचा उद्घाटन समारंभ राष्ट्रवादी भवन येथे करणार आहेत.

Bhartiya Maratha Mahasangh | अधिसभेच्या पदवीधर निवडणुकीस स्थगिती देऊन निवडून प्रक्रिया पुन्हा राबवा | भारतीय मराठा महासंघाची मागणी

Categories
Breaking News Education पुणे

अधिसभेच्या पदवीधर निवडणुकीस स्थगिती देऊन निवडून प्रक्रिया पुन्हा राबवा

| भारतीय मराठा महासंघाची मागणी

सावित्रीबाई फुले पुणे विद्यापीठाच्या अधिसभेच्या पदवीधर निवडणुकीस स्थगिती देऊन निवडून प्रक्रिया पुन्हा राबवावी, अशी मागणी भारतीय मराठा महासंघ कडून करण्यात आली आहे.

भारतीय मराठा महासंघ यांच्या निवेदनानुसार सावित्रीबाई फुले पुणे विद्यापीठाच्या अधिसभेवर नोंदणीकृत पदवीधर निवडणुकीच्या गलथान कारभाराच्या विरोधात तक्रार करीत आहोत की आपण विद्यापिठाच्या अधिसभेवर नोंदणीकृत पदवीधरांची निवडणूक घेत असताना अधिकृतरित्या पत्रकार परिषद घेऊन निवडणूक कार्यक्रम जाहीर करणे गरजेचे होते परंतु आपण अशी कोणतीही पत्रकार परिषद न घेता तसेच नवीन पदवीधर मतदारांना आणि निवडणूक लढविण्यास इच्छुक असणाऱ्यांना अंधारात ठेवून दिवाळीच्या सुट्ट्यांमध्ये निवडणूक कार्यक्रम जाहीर केला आहे.

आपण सावित्रीबाई फुले पुणे विद्यापीठाच्या संकेतस्थळावरच आपण निवडणूक कार्यक्रमाचे परिपत्रक जारी करत आहात परंतु रोज किती मतदार संकेतस्थळाला भेट देत असतील यात शंका आहे आपण कोणतीही पत्रकार परिषद न घेताच निवडणूक कार्यक्रम जाहीर केला असल्यामुळे पूर्ण निवडणूक प्रक्रियेवरच प्रश्नचिन्ह निर्माण होत आहे. नवीन पदवीधर मतदारांपर्यंत निवडणूक कार्यक्रम जाहीर झाल्यापासून संपूर्ण निवडणूक प्रक्रिया मतदारांपर्यंत पोहोचली आहे का यावरच प्रश्नचिन्ह निर्माण होतो. यामुळे आम्ही आपणाकडे अशी मागणी करत आहोत की
1) नवीन पदवीधरांना पदवीधर मतदार म्हणून नोंदणीसाठी सात दिवसांची मुदतवाढ देण्यात यावी.
2)पुणे पदवीधर मतदार संघातील पुणे जिल्ह्यातील नोंदणी केलेल्या मतदारांना या आधिसभा निवडणुकीत मतदान करण्याचा अधिकार देण्यात यावा.
3) दिवाळीच्या सुट्ट्यांमध्ये जाहीर केलेल्या निवडणूक प्रक्रियेस स्थगिती देऊन निवडणूक प्रक्रिया पुन्हा नव्याने राबवण्यात यावे.

वरील सर्व मागण्यांसंदर्भात सकारात्मक विचार न केल्यास 20 नोव्हेंबर रोजी विविध मतदान केंद्रांवर भारतीय मराठा महासंघाकडून तीव्र स्वरूपाचे आंदोलने केले जातील असा इशारा भारतीय मराठा महासंघाचे जिल्हाध्यक्ष रविराज काळे यांनी निवडणूक अधिकारी प्रफुल्ल पवार यांना दिला . यावेळी उपस्थित उपजिल्हाध्यक्ष ऋषिकेश कानवटे, प्रमुख संघटक निरज सुतार,अजय चव्हाण, रविंद्र जगताप उपस्थित होते.