Tag: Dheeraj Ghate
Mukta Tilak Death Anniversary | पुणे शहरातील ऐतिहासिक वास्तूंचे जतन व संवर्धन करण्यात येईल| चंद्रकांत पाटील
Mukta Tilak Death Anniversary | पुणे शहरात विविध ऐतिहासिक वास्तू (Heritage) असून त्यांचे सामाजिक उत्तरदायित्व निधींच्या माध्यमातून (सीएसआर) जतन व संवर्धन करण्यासाठी प्रयत्न करण्यात येईल, याकरीता समाजातील दानशूर व्यक्ती व संस्थांनी पुढे यावे, असे आवाहन उच्च व तंत्रशिक्षण मंत्री चंद्रकांत पाटील (Chandrakant Patil) यांनी केले. (Mukta Tilak Death Anniversary)
नाना वाडा (Nana Wada Pune) येथील क्रांतीकारक संग्रहालयाच्या लोकार्पणप्रसंगी ते बोलत होते. यावेळी माजी आमदार जगदीश मुळीक, पुणे महानगरपालिका सांस्कृतिक कला केंद्राच्या उपायुक्त डॉ. चेतना केरुरे, माजी महापौर मुरलीधर मोहोळ, लोकमान्य मल्टीपर्पज सोसायटीचे अध्यक्ष किरण ठाकुर, सुनील देवधर, धीरज घाटे, शैलेश टिळक, कुणाल टिळक, अभिनेता क्षितिज दाते आदी उपस्थित होते. (Pune News)
श्री. पाटील म्हणाले, पुणे शहरातील ऐतिहासिक वास्तूंचे जतन व संवर्धन करण्यासाठी ‘सीएसआर बँक’ विकसित करण्यात येणार आहे. स्व. आमदार मुक्ताताई टिळक यांचे अकाली निधनानंतर त्यांच्या संकल्पनेतील पुणे शहर अस्तित्वात आणण्यासाठी आणि त्यांनी सुरू केलेली कामे पूर्ण करण्यासाठी प्रयत्न करण्यात येईल. पुणे शहराचा सर्वांगिण विकास हीच स्व. मुक्ताताईंना खरी श्रद्धांजली ठरेल,असे श्री. पाटील म्हणाले. (PMC Pune)
स्व. आमदार मुक्ताताई टिळक यांच्यावर पुण्यातील गॅलक्सी रुग्णालय येथे कर्करोगांवर उपचार करण्यात आले. या रुग्णालयात सामान्य नागरिकांना कर्करोगांचे मोफत उपचार मिळावेत, याकरीता त्यांच्या नावाने ‘पेटस्कॅन केंद्र’ सुरु करण्यात येणार आहे. रेडिएशन उपचार पद्धतीदेखील उपलब्ध करुन देण्यात येईल, यामुळे सर्वसामान्य नागरिकांना कर्करोगावरील महागडे उपचार मोफत मिळण्यास मदत होणार आहे.
श्री. मुळीक म्हणाले, स्व. आमदार मुक्ताताई टिळक यांच्या महापौरपदाच्या काळात आधुनिक पुण्याचे नेतृत्व दिसून येते. त्यांच्या काळात पुणे मेट्रो कामांचा पाठपुरावा, ऐतिहासिक वास्तूंमध्ये क्रांतीकांरकाचे संग्रहालय आदी कल्पना त्यांनी मांडल्या. त्या आज पूर्ण होतांना दिसत आहेत.
श्री. ठाकूर म्हणाले, पुणे शहरात विविध क्रांतीकारक होऊन गेलेत. या क्रांतिकारकांची ओळख नव्या पिढीला व्हावी यासाठी संग्रहालयाचे लोकार्पण करण्यात आले आहे. भारतीय स्वातंत्र्यलढ्यात क्रांतिकारकांचे बलिदान लक्षात घेता आपल्याला त्यांचा अभिमान वाटला पाहिजे. नागरिकांच्या मनात देशप्रेम निर्माण करण्यासाठी अशा वास्तूचे जतन करण्याची गरज आहे, असेही श्री. ठाकूर म्हणाले.
श्री. मोहोळ, श्री. देवधर, श्री. घाटे यांनीही विचार व्यक्त केले.
शैलेश टिळक यांनी कार्यक्रमाचे प्रास्ताविक केले. क्रांतीकारकारकाचे संग्रहालय ही मुक्ता टिळक यांची संकल्पना होती; आज त्याचे लोकार्पण होत असल्याचा आनंद होत आहे. पुणे शहरातील वास्तूचे जतन आणि संवर्धन करण्यासाठी पुणे महानगरपालिकेने प्रयत्न करावे, असे आवाहन त्यांनी केले.
यावेळी श्री. पाटील यांच्या हस्ते पुणे महानगरपालिकेकडून नाना वाडा येथील क्रांतीकारक संग्रहालयाच्या देखभालीबाबत करण्यात आलेल्या करारनाम्याची प्रत श्री. ठाकूर यांच्याकडे सुपूर्द करण्यात आली.
Vidhansabha Election Results | तीन राज्यातील विजय ही लोकसभा विजयाची नांदी | धीरज घाटे
Vidhansabha Election Results | पुणे | भारतीय जनता पार्टी ने मध्यप्रदेश (Madhya Pradesh), राजस्थान (Rajasthan), तसेच छत्तीसगड (Chhattisgarh) मध्ये विधानसभा निवडणुकीत (Vidhansabha Election) घवघवीत यश मिळवल्या नंतर भारतीय जनता पार्टी पुणे (BJP Pune) शहराच्या वतीने शहराध्यक्ष धीरज घाटे (Dheeraj Ghate) यांच्या नेतृत्वाखाली आनंदोत्सव साजरा केला
यावेळी बोलताना घाटे म्हणाले ,’ पंतप्रधान नरेंद्र भाई मोदी यांच्या नेतृत्वावर जगाने शिक्कामोर्तब केले आहे . केंद्रातील भारतीय जनता पार्टी सरकार हे जनतेचे सरकार आहे तीन राज्यातील विजय ही लोकसभा विजयाची नांदी आहे’
यावेळी कार्यकर्त्यांनी गुलाल उधळत ढोल ताशांच्या गजरात जल्लोष केला
यावेळी घाटे यांच्यासह पुणे भा ज पा प्रभारी माधवजी भांडारी, प्रदेश सरचिटणीस मुरलीधर मोहोळ, प्रदेश उपाध्यक्ष राजेश पांडे, प्रदेश सचिव वर्षा डहाळे,युवा मोर्चा प्रदेश सरचिटणीस सुशील मेंगडे, कसबा निवडणूक प्रमुख हेमंत रासने, पुणे शहर सरचिटणीस पुनीत जोशी ,वर्षा तापकीर, रवींद्र साळेगावकर,राहुल भंडारे उपाध्यक्ष प्रमोद कोंढरे प्रिया शेंडगे , गायत्री खडके राजेंद्र काकडे गणेश बगाडे यांच्या सह पदाधिकारी व कार्यकर्ते मोठ्या संख्येने उपस्थित होते
Tipu Sultan | Pune BJP | टिपू सुलतान चे उदात्तीकरण सहन केले जाणार नाही | धीरज घाटे
Tipu Sultan | Pune BJP | पुणे | ज्याने असंख्य हिंदूंची कत्तल केली ज्याने अनेक लोकांचे बळजबरी धर्मांतर करून त्यांचा अमानुष छळ केला. अशा धर्मांध विकृती असलेल्या टिपू सुलतान ची जयंती (Tipu Sultan Jayanti) महाराष्ट्रात साजरी केली जात असेल तर आम्ही गप्प बसणार नाही. त्याचे उदात्तीकरण होऊ देणार नाही. पोलिसांनी वेळीच असल्या प्रवृत्तीला आळा घालावा. अन्यथा या प्रवृत्तीचा बिमोड करण्यास आम्ही समर्थ आहोत असा इशारा भारतीय जनता पार्टी चे शहराध्यक्ष धीरज घाटे (Dheeraj Ghate) यांनी दिला.
पुणे पोलीस आयुक्त रितेश कुमार यांची भारतीय जनता पार्टीच्या शिष्टमंडळाने भेट घेऊन तातडीने अशी धार्मिक तेढ निर्माण करणाऱ्यांना शासन करण्याची मागणी केली. नुकतीच पुण्यात टिपू सुलतान ची जयंती साजरी करण्यात आली.
पुढे बोलताना घाटे यांनी पोलिसांनी या बाबत गंभीरतेने दखल घेऊन ह्या लोकांचा शोध घेऊन कारवाई करून कायदा व सुव्यवस्था अबाधित ठेवावी अशी मागणी केली.
या शिष्टमंडळामध्ये घाटे यांच्यासह सरचिटणीस पुनीत जोशी, राघवेंद्र मानकर ,राजेंद्र शिळीमकर ,राहुल भंडारे ,वर्षा तापकीर, महेश पुंडे यांचा समावेश होता
Pune BJP | PM Modi | पंतप्रधान नरेंद्र मोदी यांच्या विषयी कुठल्याही प्रकारचे चुकीचे वक्तव्य खपवून घेतले जाणार नाही | धीरज घाटे
Pune BJP | PM Modi | सावित्रीबाई फुले विद्यापीठातील २ क्रमांकाच्या वसतिगृहाच्या भिंतीवर आक्षेपार्ह शब्दात टिपणी केली गेली त्याच्या निषेधार्थ भारतीय जनता पार्टी पुणे शहराच्या वतीने शहराध्यक्ष धिरज घाटे (Dheeraj Ghate) यांच्या नेतृत्वाखाली विद्यपीठात तीव्र आंदोलन करून कुलगुरूंना निवेदन देण्यात आले. (Savitribai Phule University Pune)
यावेळी बोलताना शहराध्यक्ष धीरज घाटे म्हणाले की सावित्रीबाई फुले विद्यापीठातील घटना ही पुणे शहराच्या दृष्टीने लज्जास्पद घटना आहे पंतप्रधान नरेंद्र मोदी यांच्याविषयी जगात आदर आहे असे असताना काही लाल माकडांनी काल पंतप्रधानांविषयी असे उदगार काढणे हे म्हणजे करंटेपणाचे लक्षण आहे मुळामध्ये जे विद्यार्थी विद्यपीठाशी संबंधित नाहीत अशा विद्यार्थ्यांवर विद्यापीठाने कारवाई करणे अपेक्षित आहे सावित्रीबाई फुले विद्यापीठाचे जे एन यु होते आहे की काय असा प्रश्न पडत आहे पंतप्रधान नरेंद्र भाई मोदी यांच्याविषयी कुठल्याही प्रकारचे चुकीचे वक्तव्य खपवून घेतले जाणार नाही जशास तसे उत्तर देण्यात येईल’ असा इशारा घाटे यांनी यावेळी बोलताना दिला.
या आंदोलनाला शहराध्यक्ष घाटे , महाराष्ट्र प्रदेश युवा मोर्चा सरचिटणीस सुशील मेंगडे , प्रदेश उपाध्यक्ष राजेश पांडे, वर्षा डहाळे , प्रवक्ते संदीप खर्डेकर, सरचिटणीस पुनीत जोशी ,रवींद्र साळेगावकर, राघवेंद्र मानकर ,राजू शिळीमकर,राहूल भंडारे, वर्षा तापकीर, महिला आघाडी अध्यक्षा हर्षदा फरांदे ,युवा मोर्चा अध्यक्ष करण मिसाळ , लोकसभा संयोजक श्रीनाथ भिमाले हेमंत रासने यांच्यासह पदाधिकारी व कार्यकर्ते मोठ्या संख्येने उपस्थित होते
PM Narendra Modi Birthday | पंतप्रधान नरेंद्र मोदी यांच्या वाढदिवसानिमित्त भाजपातर्फे सेवा पंधरवडा !
– भाजपाचे शहराध्यक्ष धीरज घाटे यांची माहिती
PM Narendra Modi | पंतप्रधान नरेंद्र मोदी (Prime Minister Narendra Modi Birthday) यांच्या वाढदिवसानिमित्त भारतीय जनता पार्टीतर्फे १७ सप्टेंबर ते २ ऑक्टोबर या काळात सेवा पंधरवडा आयोजित केला असून या अभियानात विविध सेवा कार्यक्रम राबविले जाणार असल्याची माहिती भाजपा शहराध्यक्ष धीरज घाटे (Dheeraj Ghate) यांनी दिली.
घाटे यांनी सांगितले, की सेवा पंधरवड्यात युवा मोर्चातर्फे रक्तदान व आरोग्य शिबिरांचे आयोजन करण्यात येणार आहे. त्याचबरोबर मोदी सरकार आणि राज्य सरकारच्या गोरगरिबांच्या कल्याणासाठीच्या योजनांची माहिती पोहोचवण्यासाठी वस्ती संपर्क अभियान राबविण्यात येणार आहे. त्याचबरोबर २ ऑक्टोबर रोजी महात्मा गांधी जयंतीनिमित्त व्यापक प्रमाणात स्वच्छतेचे उपक्रम हाती घेतले जाणार आहेत. देशाच्या स्वातंत्र्य संग्रामात योगदान दिलेल्या महापुरूषांचे पुतळे तसेच परिसर स्वच्छ करण्याचे कार्यक्रम ही होणार आहेत. आयुष्यमान भव सप्ताहानिमित्त गरजू जनतेकरिता आयुष्मान कार्ड वाटप तसेच नोंदणी कार्यक्रमाचेही आयोजन केले जाणार आहे. या पंधरवड्यात पंतप्रधान नरेंद्र मोदी यांचे व्यक्तिमत्व, विकासाची दृष्टी, धोरणे आणि त्यांना मिळालेले यश या विषयावरील प्रदर्शनीही आयोजित केली जाणार आहे, असे त्यांनी नमूद केले.
पंतप्रधान नरेंद्र मोदी यांनी गेले ९ वर्षात केंद्र सरकारच्या माध्यमातून अंत्योदयाचा विचार प्रत्यक्षात आणण्यासाठी अनेक योजना सुरू केल्या. सेवा,सुशासन आणि गरीब कल्याणासाठी वचनबद्ध असलेल्या पंतप्रधान नरेंद्र मोदी यांच्या वाढदिवसानिमित्त पक्ष संघटनेकडून त्यांचा सेवाभाव विचार प्रत्यक्षात आणण्यासाठी सेवा पंधरवड्याचे आयोजन करण्यात आले आहे, असेही घाटे म्हणाले.
Dheeraj Ghate | BJP Pune | पुणे भाजप शहर अध्यक्ष पदी धीरज घाटे
News Title | Dheeraj Ghate | BJP Pune | Pune BJP City President Dheeraj Ghate
१५ ते १८ या वयोगटाकरिता पुण्यातील सर्वात मोठे एकदिवसीय लसीकरण अभियान
: नगरसेवक धीरज घाटे यांची संकल्पना
पुणे : हिंदू गर्जना प्रतिष्ठान,सहयाद्री हॉस्पिटल आणि आय सी आय सी आय फौंडेशन यांच्या संयुक्त विद्यमाने शनिवार दिनांक २६ फेब्रुवारी २०२२ रोजी स्वातंत्र्यवीर सावरकर यांच्या पुण्यतिथी निमित्त पुण्यातील सर्वात मोठे एकदिवसीय लसीकरण अभियान होणार आहे . वय १५ ते १८ या वयोगटातील युवक युवतींकरिता हे अभियान असणार आहे. नगरसेवक धीरज घाटे यांची ही संकल्पना आहे.
याबाबत घाटे यांनी सांगितले कि, शहरातील मध्यवर्ती भागातील खजिना विहीर चौका जवळील फडके हॉल या ठिकाणी सकाळी ९.३० ते दुपारी ५ वा पर्यंत हे अभियान असेल. नोंदणीची सोय देखील याच ठिकाणी असणार आहे, अनेक शाळा कॉलेज यांसह शहरातील विविध भागातील विद्यार्थी यामध्ये सहभागी होणार आहेत. १०वी १२वीच्या परीक्षा अत्यंत जवळ असल्याकारणाने मुलांच्या लसीकरणाला या अभियानामुळे वेग मिळेल आणि विद्यार्थ्यांची सोय होणार आहे. असे ही घाटे म्हणाले.
महापालिका सेवकांची घरभाडे वाढ मागे…!
: माझ्या पाठपुराव्याला यश आल्याचे समाधान : धीरज घाटे
पुणे : सातवा वेतन आयोगाची वाढ लागू झाल्यानंतर पुणे महानगरपालिकेत(Pune Municipal Corporation) काम करणाऱ्या सेवकांच्या(PMC Employees) घरभाड्यात मोठी वाढ झाली होती. पालिका अधिकारी आणि कर्मचाऱ्यांमध्ये नाराजीचे वातावरण होते. त्यात चतुर्थ श्रेणी सेवकांचा प्रामुख्याने समावेश होता. वास्तविक पाहता, कर्मचारी राहतात त्या वसाहतींची दुरवस्था आहे. अनेक इमारती आणि घरे मोडकळीस आली आहेत. त्यामुळे नादुरुस्त किंवा मोडकळीस आलेली घरे आणि भाडे मात्र, बाजारभावाप्रमाणे. यामुळे सर्व कर्मचारी नाराज होते. त्याविरोधात पालिका कर्मचाऱ्यांनी माझ्याकडे धाव घेतली आणि मदतीची अपेक्षा के. त्यानुसार विषय लावून धरला आणि स्थायी समिती व मुख्य सभेने हा विषय मंजूर केला आहे. अशी माहिती नगरसेवक धीरज घाटे यांनी दिली.
घाटे म्हणाले, मी पुणे महानगरपालिकेचे आयुक्त विक्रम कुमार यांची भेट घेतली आणि सेवकांच्या मागणीचा सहानुभूतीपूर्वक विचार करावा, अशी मागणी केली. आयुक्त साहेबांनी प्रत्यक्षात इमारतीची पाहणी करावी आणि सेवकांच्या घरांची परिस्थिती पहावी. ज्या प्रमाणात भाडे आकारले जाते, त्या प्रमाणात घराची स्थिती आहे का? पुरेश्या सुविधा आहे का? याची खात्री करून घ्यावी. आणि आपण यामध्ये लक्ष घालून पुणे मनपातील सेवकांचे वाढलेले घर भाडे हे पूर्वीप्रमाणे किंवा कमी घरभाडे आकारावे, अशी विनंती करणारे पत्र आयुक्त यांना दिले. त्यांनीही याचा गांभीर्याने विचार करतो, असे आश्वासन दिले.
आज सर्वसाधारण सभेतही (जीबी) या विषयाला संमती मिळाली असून, पालिका सेवकांच्या घरभाड्याच्या वाढीचा मुद्दा निकाली निघाला. आता महानगरपालिका सेवकांचे घरभाडे पूर्वीप्रमाणेच असणार आहे. वाढीव भाडे वसुली होणार नाही. माझ्या प्रभागात महानगरपालिकेच्या दोन वसाहती आहेत. त्यामुळे या ठिकाणची परिस्थिती मला माहिती आहे. त्यामुळेच मी हा मुद्दा लावून धरला आणि आयुक्त तसेच सर्वसाधारण सभेने सहानुभूतीपूर्वक विचार करून माझी भूमिका मान्य केली. महापालिका सेवकांना यामुळे दिलासा मिळाला आहे, याचे मला समाधान आहे. असे ही घाटे म्हणाले.