Tag: NCP Pune

Bhaiyyasaheb Jadhav | Gopichand Padalkar | पडळकरांच्या अप्रगल्भ वक्तव्याकडे लक्ष देण्याची आवश्यकता नाही | राष्ट्रवादी प्रवक्ते भैयासाहेब जाधव

Categories
Breaking News cultural पुणे महाराष्ट्र

Bhaiyyasaheb Jadhav | Gopichand Padalkar | पडळकरांच्या अप्रगल्भ वक्तव्याकडे लक्ष देण्याची आवश्यकता नाही | राष्ट्रवादी प्रवक्ते भैयासाहेब जाधव

Bhaiyyasaheb Jadhav | Gopichand Padalkar | विधान परिषदेचे आमदार गोपीचंद पडळकर (MLC Gopichand Padalkar) यांनी नुकतेच राज्याचे उपमुख्यमंत्री अजित पवार (DCM Ajit Pawar) यांच्या बाबतीत वादग्रस्त वक्तव्य केले आहे. या वक्तव्याचा राष्ट्रवादीचे काँग्रेस पक्षाच्या वतीने मी जाहीर निषेध करतो. पडळकरांच्या अप्रगल्भ वक्तव्याकडे लक्ष देण्याची आवश्यकता नाही. असे राष्ट्रवादी प्रवक्ते भैयासाहेब जाधव (Spokesperson Bhaiyyasaheb Jadhav) यांनी म्हटले आहे.

आमदार गोपीचंद पडळकर यांनी मा. अजित पवार यांच्या बाबत केल्याने वक्तव्याने राज्यात उलट सुलट राजकीय चर्चा सुरु झाली आहे. राष्ट्रवादी काँग्रेस पडळकर यांच्या विरोधात चांगलीच आक्रमक झाली आहे. पुणे राष्ट्रवादीकडून काल पडळकर यांचा निषेध केला गेला. राष्ट्रवादी प्रवक्ते भैयासाहेब जाधव पडळकर यांच्या विधानाचा निषेध केला आहे. जाधव म्हणाले, अप्रगल्भ व्यक्तीच्या तोंडून अप्रगल्भ वक्तव्येच बाहेर पडणार. पडळकर यांची राजकीय परीपक्वता महाराष्ट्राला कधीही दिसून आली नाही. ते नेहमीच अशा प्रकारची विधाने करताना दिसून येतात. त्यामुळे पडळकरांच्या अप्रगल्भ वक्तव्याकडे लक्ष देण्याची आवश्यकता नाही. पडळकर यांच्या विरोधात शहर अध्यक्ष दीपक मानकर यांनी निषेध करत इशारा दिला आहे. त्याप्रमाणे आमचे शहर अध्यक्ष जो बोलते है वो करते है . त्यामुळे पडळकर पुणे शहरात येताना आता विचार करून यावा. पडळकर यांनी आपल्या बुद्धीला झेपतील, अशीच वक्तव्ये करावीत. आपल्या विधानाने पुरोगामी महाराष्ट्राच्या राजकारणाला गालबोट लागणार नाही, याची देखील काळजी पडळकर यांनी घ्यावी. पडळकर यांना मानसोपचार तज्ञाची गरज आहे .त्यांना लवकरात लवकर येरवडा येथील मेंटल हॉस्पिटलमध्ये भरती करण्यासाठी राष्ट्रवादी काँग्रेस पक्ष प्रयत्न करेल. असे भैय्यासाहेब जाधव यांनी म्हटले आहे.

 

News Title | Bhaiyyasaheb Jadhav Gopichand Padalkar | There is no need to pay attention to Padalkar’s shallow statement Nationalist spokesperson Bhaiyasaheb Jadhav

Gopichand Padalkar Vs NCP Pune | गोपीचंद पडळकर च्या विरोधात राष्ट्रवादीचे जोडेमारो आंदोलन

Categories
Breaking News Political पुणे महाराष्ट्र

Gopichand Padalkar Vs NCP Pune | गोपीचंद पडळकर च्या विरोधात राष्ट्रवादीचे जोडेमारो आंदोलन

 

Gopichand Padalkar Vs NCP Pune| महाराष्ट्राचे उपमुख्यमंत्री अजितदादा पवार (Ajit Pawar) व पवार कुटुंबीयावर (Pawar Family) आ.गोपीचंद पडळकर (MLA Gopichand Padalkar) यांनी वादग्रस्त वक्तव्य केल्याबद्दल राष्ट्रवादी काँग्रेस पार्टी पुणे (NCP Pune) शहराच्या वतीने बालगंधर्व चौक येथे पडळकर च्या फोटोस जोडे मारो आंदोलन करण्यात आले ,”चोरीचा छंद गोपिचंद “ , “पिसाळलेल कुत्र गोपिचंद “ , “गोप्याच्या बैलाला धो “ अशाप्रकारच्या धोषणा देण्यात आल्या .

सदर प्रसंगी बोलताना शहराध्यक्ष दीपक मानकर (Deepak Mankar) म्हणाले पडळकरने अशा प्रकारचे वक्तव्य केल्यामुळे त्याला पुणे शहरांमध्ये आल्यावर त्याचे कपडे उतरून त्याला चोप देवू व त्याला त्याच प्रकारे उत्तरे देण्यात येईल. प्रसिध्दीच्या हव्यासापोटी त्याने हे वक्तव्यकरून वातावरण गढूळ करू नये.
याप्रसंगी बोलताना कार्याध्यक्ष प्रदीप देशमुख म्हणाले की महाराष्ट्रच्या विकासाच्या मुद्द्यावरून आम्ही महायुतीच्या सरकारमध्ये सहभागी झालेलो आहोत यात कोणतीच कटुता येवू नये यांचे सर्वांनीच भान ठेवायला हवे याप्रसंगी उपमुख्यमंत्री देवेन्द्र फडणवीस यांना देशमुख यांनी विनंती केली की गोपीचंद पडळकर हा पिसाळलेला श्वान आहे व याला आवरणे गरजेचे आहे पुणे शहरांमध्ये येरवडा येथे मनोरुग्ण रुग्णालय आहे आपण जर या ठिकाणी त्याला पाठवला तर राष्ट्रवादी काँग्रेस पक्षाच्या वतीने संपूर्ण खर्च करून याचा आजार बरा करण्याकरता आम्ही निश्चित प्रयत्न करू
याप्रंगी शहराघ्यक्ष दीपक मानकर कार्याध्यक्ष प्रदीप देशमुख , रूपाली ठोंबरे ,प्रिया गदादे, , सदानंद शेट्टी , आप्पा रेणुसे , समीर चांदेरे ,दत्ता सागरे , , शुभम माताळे , पूजा झोळ , हरेश लडकत, गुरूमित गिल , शांतीलाल मिसाळ , अभिषेक बोके , अजय दराडे व इतर पदाधिकारी मोठेया संख्येने उपस्थित होते

NCP Pune | CP Pune | पुणे राष्ट्रवादीने पुणे पोलिस आयुक्तांकडे केली ही मागणी 

Categories
Breaking News Political social पुणे

NCP Pune | CP Pune | पुणे राष्ट्रवादीने पुणे पोलिस आयुक्तांकडे केली ही मागणी

 

NCP Pune | CP Pune | राष्ट्रवादी काँग्रेस पार्टीच्या (NCP Pune)वतीने पुणे शहर पोलिस आयुक्तांना (CP Pune) निवेदन देण्यात आले आहे. आगामी उत्सवांच्या पार्श्वभूमीवर सोशल मीडियावरील आक्षेपार्ह गोष्टीवर नजर ठेवण्याची मागणी राष्ट्रवादीच्या वतीने करण्यात आली आहे.

राष्ट्रवादीच्या निवेदनानुसार  सातारा येथे सोशल मीडियावरील आक्षेपार्ह मजकुराच्या वादातून धार्मिक हिंसा घडली. तरी आगामी सर्वधर्मीय उत्सवाच्या पार्श्वभूमीवर पुणे शहरात अशी घटना घडू नये यासाठी पुणे पोलीस प्रमुख म्हणून पुणे पोलीस आयुक्तांच्या अधिपत्याखाली कार्यरत असलेल्या ‘सायबर सेल’ ला आवश्यक सूचना देऊन असे गैरप्रकार रोखावेत व कोणी असा प्रयत्न केल्यास त्यांच्यावर कडक कारवाई करण्यात यावी तसेच गेल्या काही महिन्यांत महाराष्ट्रात महिला व मुली बेपत्ता होण्याचं प्रमाण प्रचंड प्रमाणात वाढलं आहे.यातील बहुतांश मुली या अल्पवयीन असून अशा बेपत्ता मुलींचा शोध घेण्यात पोलीस प्रशासनाला अपयश येत आहे. या अनुषंगाने पुणे शहरात विशेष उपाययोजना करण्याची विनंती राष्ट्रवादी काँग्रेस पार्टीच्या शिष्टमंडळाने आज पुणे शहराचे पोलीस आयुक्त श्री.रितेश कुमार,सह. पोलीस आयुक्त श्री.संदीप कर्णिक यांच्याकडे केली.
यावेळी राष्ट्रवादी काँग्रेस पार्टीचे पुणे शहराध्यक्ष श्री. प्रशांत जगताप, माजी आमदार मा.जयदेवराव गायकवाड,माजी शहराध्यक्ष श्री. रविंद्रआण्णा माळवदकर,राष्ट्रवादी युवती काँग्रेसच्या शहराध्यक्ष सुषमाताई सातपुते,अल्पसंख्याक अध्यक्ष जुबेर बाबू शेख,तनवीर शेख,तालीब मदारी,आदी उपस्थित होते.

NCP Pune Dahihandi | राष्ट्रवादी कांग्रेस पार्टी पुणे शहर कडून दु:शासनाची दहीहंडी

Categories
Breaking News Political पुणे

NCP Pune Dahihandi | राष्ट्रवादी कांग्रेस पार्टी पुणे शहर कडून दु:शासनाची दहीहंडी

NCP Pune Dahihandi | न्याय प्रस्थापित करण्यासाठी अन्यायाचे दमण करणारे भगवान श्रीकृष्ण यांच्या जन्मोत्सवानिमित्त देशभरात मोठ्या उत्साहात दहीहंडीचा सण साजरा केला जातो.  पुणे शहर राष्ट्रवादी काँग्रेसच्या वतीनेही दरवर्षी प्रबोधनात्मक दहीहंडी साजरी केली जाते. यवर्षीही दहीहंडी च्या पूर्वसंधेला ही दहीहंडी फोड़न्यात आली. प्रतीकात्मक दमण म्हणून पुणे शहर राष्ट्रवादी काँग्रेसच्या वतीने आज “दुःशासनाची दहीहंडी” फोडण्याचा सोहळा आयोजित करण्यात आला होता. (NCP Pune Dahihandi)
याबाबत शहर अध्यक्ष प्रशांत जगताप (Prashant Jagtap) यांनी सांगितले कि, देशातील सध्याची राजकीय, सामाजिक व आर्थिक परिस्थिती बघता यावर्षी दहीहंडीच्या माध्यमातून एक संदेश देत अभिनव पद्धतीने हा उत्सव साजरा करण्याचे योजिले आहे. देशात सध्या महागाईने उच्चांक गाठला आहे, भरीस भर म्हणून न भूतो न भविष्यती एवढी प्रचंड बेरोजगारी सध्या आपल्या देशात आहे. महागाई आणि बेरोजगारीच्या कात्रीत सापडलेली जनता जगण्यासाठी धडपड करत आहे. हा मूलभूत प्रश्न सोडवणे ही केंद्र सरकारची प्राथमिक जबाबदारी असतानाही केंद्रातील मोदी सरकार मात्र राजकीय फायद्यासाठी समाजात धार्मिक तेढ वाढीस लावणे, केंद्रीय यंत्रणांचा दुरुपयोग करून विरोधकांना नामोहरम करणे अशा दुष्कर्मांमध्ये व्यस्त आहे. मणिपूर, हरियाणा यांसारख्या राज्यांमध्ये झालेल्या हिंसाचारात आपल्या बंधू भगिनींना प्राण गमवावे लागले, आपल्या माता भगिनींवर देशभर अत्याचार सुरु आहेत, शेतकरी कुठे अतिवृष्टीने तर कुठे दुष्काळाने हैराण आहेत. देशभर अशी बिकट अवस्था असतानाही मोदी सरकार मात्र डोळ्यांवर पट्टी बांधून सत्ता उपभोगत आहे. मोदी सरकारच्या या पापांचा घडा आता काठोकाठ भरत आला आहे. याचेच प्रतीकात्मक दमण म्हणून पुणे शहर राष्ट्रवादी काँग्रेसच्या वतीने आज “दुःशासनाची दहीहंडी” फोडण्याचा सोहळा आयोजित करण्यात आला होता.
या प्रसंगी प्रशांत जगताप , रवींद्र मालवदकर, किशोर काम्बले, अजिंक्य पालकर, मृणालताई वाणी, फईम शैख, दीपक कामठे, जावेद ईनामदार, पूजा काटकर, वैभव कोठुले, अजय पवार, आसिफ शैख, शरद दबडे आदि पदाधिकारीं आणि कार्यकर्ते मोठ्या संखेने उपस्थित होते .

Chandani Chaowk Flyover | NCP Pune| चांदणी चौक (एनडीए चौक) प्रकल्पातील रस्त्यांचे अर्धवट कामे असताना उद्घाटनाची घाई का करण्यात आली? | राष्ट्रवादी कॉंग्रेस चा सवाल

Categories
Breaking News Political पुणे

Chandani Chaowk Flyover | NCP Pune| चांदणी चौक (एनडीए चौक) प्रकल्पातील रस्त्यांचे अर्धवट कामे असताना उद्घाटनाची घाई का करण्यात आली? | राष्ट्रवादी कॉंग्रेस चा सवाल

Chandani Chaowk Flyover | NCP Pune | कोथरूड विधानसभा मतदारसंघाचे  सर्व सेल  अध्यक्ष यांनी राष्ट्रीय महामार्गाचे उपमहाप्रबंधक व परियोजना निदेशक (तांत्रिक) एस.एस. कदम  यांची प्रत्यक्ष भेट घेऊन चांदणी चौक प्रकल्पातील अर्धवट रस्त्यांच्या कामांबाबत तसेच नव्याने काही महत्त्वाचे अत्यावश्यक विकासकामे या ठिकाणी करण्याबाबत प्रत्यक्ष भेटून सविस्तर निवेदन देण्यात आले. (Chandani Chaowk Flyover | NCP Pune)
याप्रसंगी  कोथरूड विधानसभा मतदारसंघाचे अध्यक्ष  स्वप्नील दुधाने (Swapnil Dudhane), युवक अध्यक्ष  गिरीश गुरनानी (Girish Gurnani), कोथरूड विधानसभा मतदारसंघाच्या महिला अध्यक्षा  ज्योती सूर्यवंशी (Jyoti Suryavanshi), कोथरूड विधानसभा मतदारसंघाच्या युवती अध्यक्षा ऋतुजा देशमुख (Rutuja Deshmukh) उपस्थित होते. दोनच दिवसांपूर्वी चांदणी चौकामध्ये प्रत्यक्ष जागेवर जाऊन पाहिल्यानंतर निदर्शनास आलेल्या गोष्टी खालील निवेदनामध्ये प्रामुख्याने नमूद करण्यात आल्या आहेत.
१) पुणे शहराचे मुख्य प्रवेशव्दार समजले जाणारे राष्ट्रीय महामार्गावरील चांदणी चौकातील (नवे नामकरण एनडीए चौक) अनेक रस्त्यांचे जवळ पास १७ किलोमीटर रस्ते विकसित करण्याच्या – प्रकल्पाचे उद्घाटन दिनांक १२ ऑगस्ट २०२३ रोजी पार पडले.
संपूर्ण चौक हा भुलभुलैया झाला असून अनेक वर्षापासुन चांदणी चौक कोथरूड परिसरात – राहणारे नागरिक सुध्दा दिशादर्शक फलक स्पष्ट नसल्याने रस्ता चुकत आहे. आपण लावलेले छोटे फ्लेक्स व चुकीच्या दिशादर्शक फलकांमुळे नागरिकांमध्ये संभ्रमा-अवस्था असुन योग्य दिशादर्शक फलक हे चौक व रस्ते सुरु होण्यापुर्वी काही अंतरावर लावावे जेणे करुन वाहनचालकांना याबाबत स्पष्ट कळेल.
२) वेद भवन समोर सुरु असलेले नवीन भुयारी मार्गाच्या कामामुळे कामामुळे मुंबईकडे व साताराकडे जाणाऱ्या मुख्य राष्ट्रीय महामार्गावर होणाऱ्या वाहतुक कोंडीचा होणारा त्रास कमी करण्याकरिता कायमस्वरूपी वाहतुक वार्डनची नेमणुक करावी.
३) राष्ट्रीय महामार्गालगत विकसित केलेल्या एकाही रस्त्यालगत (१७ रस्ते) नागरिकांकरिता एकही फुटपाथ अथवा पादचारी व्यवस्था करण्यात आलेली नाही. “म्हणजे आपण पादचारी नागरिकांचा विचार सुध्दा केलेला दिसत नाही. तरी या बाबत राष्ट्रीय नवा महामार्ग वगळता खालील व बाजुच्या सेवारस्त्यावर नव्याने त्वरित फुटपाथ, पादचारी व्यवस्था उभारुन नागरिकांची गैरसोय दुर करावी ही विनंती.
४) राष्ट्रीय महामार्ग रस्त्यावर, चांदणी चौका मध्ये पडलेले खड्डे, आजुबाजुचे मोठ-मोठे राडारोडाचे ढीग उचलुन संपुर्ण चौकातील रस्त्यांवरील अर्धवट कामे पुर्ण करावीत.
५) मुळशीकडुन सातारा कडे जाणाऱ्या राष्ट्रीय महामार्ग रस्त्यावर पुन्हा आपण नव्याने आरसीसी पडदी व रस्त्याचे काम चालु केल्याचे निदर्शनास दिसते आहे. या ठिकाणी मुळशीकडुन सातारा कडे जाणाऱ्या राष्ट्रीय महामार्गावर उतरण्याकरिता केलेल्या पुलावरील तीव्र उतार असल्यामुळे वाहनांची वेग मर्यादा जास्त असल्याचे पाहण्यास मिळाले त्यामुळे भविष्यात अपघात होण्याचे प्रकार होऊ शकतात यावर योग्य त्या उपाययोजना करणे आवश्यक आहे.
६) राष्ट्रीय महामार्गावर म्हणजेच बरोबर चांदणी चौक पुलाखाली अनेक नागरिक कोल्हापुर-सातारा कडे जाण्याकरिता वाहनांची प्रतिक्षा करत थांबलेले दिसतात. तसेच या ठिकाणी रिक्षांचा थांबा सुध्दा अनधिकृत पणे उभा असल्याचे दिसते. हे अतिशय धोकादायक असुन सदर स्पॉट संपुर्ण पणे मानव विरहित असणे आवश्यक आहे. भविष्यात अनुचित प्रकार घडु नये या करिता येथे कायमस्वरुपी उपाययोजना कराव्यात.
७) सेवारस्त्यालगत खोदलेल्या डोंगराचे कठडे हे धोकादायक असून बऱ्याच ठिकाणी या कठड्यांवर कॉक्रीट अथवा जाळीत बसविल्याने हे लुज झालेले दगड कधीही पडण्याची शक्यता निर्माण झाली आहे. तसेच या डोंगर कठडयाला लागुन सेवारस्ता असल्याने वाहनांवर व नागरिकांवर पडण्याची भिती निर्माण झाली आहे.
८) सर्वात म्हत्वाचे म्हणजे आपण या संपूर्ण प्रकल्पाच्या विविध ठिकाणी केलेली रंगरंगोटी व सुशोभिकरणाचा दर्जा इतका खराब आहे की महिन्या पूर्वी केलेली ही सर्व कामे काही वर्षापुर्वीची असलेली वाटत आहेत. हा संपूर्ण चांदणी चौक प्रकल्प पुणे शहराचे मुख्य प्रवेशव्दार असल्याने या ठिकाणी पडलेली राडारोडाचे ढीग, अर्धवट कामे, वाहतुक कोंडी, सुशोभिकरणाचे  रंगरंगोटीचे दर्जाहीन काम, नागरिकांसाठी चालण्याकरिता न केलेली फुटपाथची कामे, दिशादर्शक फलकांची व्यवस्था नसल्याने हा संपुर्ण प्रकल्पाचा नागरिकांना उपयोग नाही तर मनस्ताप होत असल्याचे निदर्शनास येत आहे.
त्यामुळे संभ्रमित झालेल्या वाहनचालकांचा, स्थानिक कोथरुड करांचा आपल्यास प्रश्न आहे की कामे अपूर्ण असतानाही उद्घाटन का उरकले ? असा सवाल करण्यत आला आहे.

Chagan Bhujbal | NCP Pune | छगन भुजबळ यांच्या विरोधात पुणे राष्टवादीकडून निषेध आंदोलन

Categories
Breaking News Political पुणे महाराष्ट्र

Chagan Bhujbal | NCP Pune | छगन भुजबळ यांच्या विरोधात पुणे राष्टवादीकडून निषेध आंदोलन

Chagan Bhujbal | NCP Pune | शरद पवार (Sharad Pawar) यांच्याबद्दल आक्षेपहार्य टिका- टिपण्णी करणाऱ्या मंत्री छगन भुजबळ (Minister Chagan Bhujbal) यांच्या विरोधात पुणे शहर राष्ट्रवादी काँग्रेस पार्टीने शनिपार येथे निषेध आंदोलन केले. (Chagan Bhujbal | NCP Pune)
“छगन भुजबळ यांचा निषेध असो” , भुजबळाचा बैलाला घो.. , “बेईमान बेईमान ….छगन बेईमान”अशा घोषणांनी संपूर्ण शनिपार परिसरात जोरदार आंदोलन करण्यात आले.
यावेळी शहराध्यक्ष प्रशांत जगताप (Prashant Jagtap) म्हणाले की,”छगन भुजबळ नावाच्या व्यक्तीला कित्येक वेळा राजकीय अडचणीच्या काळात लोकनेते शरदचंद्रजी पवारसाहेब यांनी मदतीचा हात दिला,त्यांचे पुनर्वसन केले, त्यांना मंत्री केले , त्यांच्या पुतण्याला खासदार केले, अशी मेहेरबानी दाखवली असताना देखील छगन भुजबळ यांनी वाचाळगिरी करत आपण किती चांगल्या स्वरूपाचे गद्दार आहोत, याचे प्रदर्शन काल बीड येथे झालेल्या जाहीर सभेत केले.  चार वर्षांपूर्वी जेव्हा छगन भुजबळ यांना जेलमध्ये असह्य वेदना होत होत्या, त्यावेळी आदरणीय शरदचंद्रजी पवारसाहेब यांनी पंतप्रधान मोदींना विनंती करत छगन भुजबळ यांचा जामीन करून घेतला होता. परंतु छगन भुजबळ यांनी या सर्व गोष्टी विसरून राजकारणातील विकृतीचे दर्शन दिले आहे. भविष्यकाळात जर पुन्हा छगन भुजबळ यांनी आदरणीय साहेबांबद्दल अशा प्रकारची बेताल वक्तव्य केली तर  पुणे शहर राष्ट्रवादी काँग्रेस पार्टी त्यांचा योग्य समाचार घेणार असल्याचे प्रशांत जगताप यांनी सांगितले.
या आंदोलन प्रसंगी शहराध्यक्ष प्रशांत जगताप,अंकुश काकडे,मृणालिनी वाणी,गणेश नलावडे,,सुषमा सातपुते,दिपक जगताप,भूषण बधे ,सारिका पारेख,
अप्पा जाधव, पायल चव्हाण,राजेंद्र आलमखाणे आदी पदाधिकारी उपस्थित होते.आदी पदाधिकारी उपस्थित होते.

Bhaiyyasaheb Jadhav | NCP Pune | न्यायाधीश राहिलेला आणि कायद्याची चांगली जाण असलेला पुणे राष्ट्रवादीचा प्रवक्ता

Categories
Breaking News Political पुणे

Bhaiyyasaheb Jadhav | NCP Pune | न्यायाधीश राहिलेला आणि कायद्याची चांगली जाण असलेला पुणे राष्ट्रवादीचा प्रवक्ता

| पुणे महापालिकेतील अभ्यासू नगरसेवक म्हणून ओळखले जाणारे भैयासाहेब जाधव सलग दुसऱ्यांदा प्रवक्ते

Bhaiyyasaheb Jadhav | NCP Pune | पुणे महापालिकेतील (Pune Municipal Corporation) अभ्यासू नगरसेवक म्हणून ओळखले जाणारे आणि न्यायाधीश राहिलेले भैयासाहेब जाधव (Bhaiyyasaheb Jadhav)  यांची पुणे शहर राष्ट्रवादीच्या प्रवक्तेपदी (NCP Pune Spokesperson) सलग दुसऱ्यांदा नियुक्ती करण्यात आली आहे. नुकतेच पक्षाने त्यांच्या खांद्यावर ही जबाबदारी दिली आहे. (Bhaiyyasaheb Jadhav | NCP Pune)
भैयासाहेब जाधव यांना पूर्ण पुणे शहर हे अभ्यासू नगरसेवक म्हणून ओळखते. जाधव यांनी महापालिकेत (PMC Pune) काम करताना पदोपदी आपल्या कायद्याच्या ज्ञानाने लोकांची मने जिंकली आणि सर्वसामान्य लोकांना न्याय देखील मिळवून दिला. तसेच महापालिकेचे होणारे नुकसान देखील टाळले. यामुळे फक्त राष्ट्रवादीच नाही तर सर्वच पक्षात त्यांचा आदर केला जातो. पुणे महापालिकेत (Pune Municipal Corporation) पहिल्यांदाच कुणी नगरसेवक न्यायाधीश म्हणून काम पाहिलेला लोकांनी पाहिला. त्यामुळे साहजिकच लोकांच्या त्यांच्याकडून ज्या अपेक्षा होत्या त्या त्यांनी पूर्ण देखील केल्या. महापालिकेतील त्यांचे काम आणि त्यांच्या कायद्याच्या ज्ञानाचा आदर करत पक्षाने त्यांना 2021 साली शहराचे प्रवक्ते पद दिले होते. त्यानंतर आता दुसऱ्यांदा पक्षाने त्यांच्यावर ही जबाबदारी सोपवली आहे. (NCP Pune)
कोरोना काळात जाधव यांनी केलेले काम खूपच वाखाणण्याजोगे होते. लोकांना आरोग्याची काळजी घेण्याचे प्रबोधनात्मक काम ते दररोज प्रभागात फिरून माईक वरून आवाज देऊन करायचे. लोकांची काळजी करणारा राजनेता अशी त्यांची कोरोना काळात ओळख झाली होती. त्यांचाच आदर्श बाकी नगरसेवकांनी घेतला. दुर्देवाने कोरोना काळात त्यांना इन्फेक्शन झालं. मात्र ते त्यातून सहजासहजी बाहेर पडले नाहीत. कारण पुढील 8 महिन्यात त्यांच्यावर वेगवेगळ्या 4 शस्त्रक्रिया कराव्या लागल्या. असं असलं तरी ते हॉस्पिटल मध्ये राहून देखील ऑनलाईन पद्धतीने लोकांच्या संपर्कात राहून लोकांना मदत करत होते. अशा काम करणाऱ्या आणि लोकांच्या संपर्कात राहणाऱ्या एका सर्वसामान्य कार्यकर्त्यावर पक्षाने विश्वास दाखवत त्यांना दुसऱ्यांदा प्रवक्ते पदाची जबाबदारी दिली आहे. त्यामुळे न्यायाधीश राहिलेला आणि कायद्याची चांगली जाण असलेला पुणे राष्ट्रवादीचा प्रवक्ता झाला म्हणून त्यांचे कौतुक होत आहे.
——
News Title | Bhaiyyasaheb Jadhav NCP Pune | Spokesman of Pune NCP who is a judge and well versed in law

Manipur Crisis | Prashant Jagtap | राष्ट्रवादी काँग्रेसचे शहराध्यक्ष प्रशांत जगताप यांनी दिली मणिपूरमधील आपत्तीग्रस्त भागात भेट

Categories
Breaking News Political social देश/विदेश पुणे

Manipur Crisis | Prashant Jagtap | राष्ट्रवादी काँग्रेसचे शहराध्यक्ष प्रशांत जगताप यांनी दिली मणिपूरमधील आपत्तीग्रस्त भागात भेट

Manipur Crisis | Prashant Jagtap | ९ ऑगस्ट क्रांती दिनाच्या (August Kranti Din) निमित्ताने भारताचा अविभाज्य घटक असलेल्या मणिपूरची राजधानी इम्फ़ाल येथे राष्ट्रवादी काँग्रेसचे शहराध्यक्ष प्रशांत जगताप (NCP Pune City President Prashant Jagtap) यांनी ध्वजारोहण व आप्पत्तीग्रस्त भागास भेट दिली. यावेळी त्यांनी इम्फ़ाल (Imphal) पासून सुमारे ५० किमी अंतरावरील तेरापुर व लिटानपोप्पी या परिसरात जाळपोळ व हल्ले झालेल्या गावांमध्ये भेट दिली तेथील नुकसानीची पाहणी केली.परिसरातील आपत्तीग्रस्त नागरिकांशी संवाद साधला. (Manipur Crisis | Prashant Jagtap)
यावेळी प्रशांत जगताप म्हणाले की,
“मणिपूर राज्यात सध्या घडत असलेल्या घटनांची पार्श्वभूमी अत्यंत विदारक अशी आहे. प्रचंड जाळ- पोळ , हिंसाचार महिलांवरील अत्याचार हे सर्व राजरोसपणे सुरू असलेल्या मणिपूरमध्ये परिस्थिती अतिशय भीषण असताना देखील सरकार म्हणून येथील सरकारने अक्षरश: जबाबदारी झटकलेली आहे. पूर्णपणे हुकूमशाही पद्धतीचे वातावरण असून मनिपुर मधील कुठलीही गोष्ट जगासमोर येऊन नये यासाठी इंटरनेट सेवा देखील विस्कळीत करण्यात आली आहे. ठिक -ठिकाणी पोलीस दलातील जवान तैनात असून कुठल्याही प्रकारे मणिपूरमध्ये घडलेला प्रकार जगासमोर येऊ नये याची पूर्णपणे खबरदारी घेतली जात आहे. अशा परिस्थितीमध्ये आम्ही पुणे शहर राष्ट्रवादी काँग्रेस पार्टीचे पदाधिकारी मनिपुर येथे येऊन येथील लोकांमध्ये आत्मविश्वास जागे करण्याचा प्रयत्न करत आहोत. आपण सर्व भारतीय नागरिक एक आहोत. संपूर्ण देश मणिपूरच्या सोबत उभा आहे. मनिपुर सोबत जे घडले आहे ते सरकारने कितीही दाबण्याचा प्रयत्न केला तरी आपण सर्वजण मिळून सत्य जगासमोर आणणारच या दृढनिश्चयासह आज येथे ध्वजारोहण संपन्न झाले. तसेच येथील युवक ,महिला व लहान मुलांना भारतीय राष्ट्रध्वजाचे वाटप केले”. (Manipur violence)
 “मणिपूर मधील परिस्थिती हाताबाहेर गेलेली असताना देशात लोकशाही वाचवण्यासाठी विविध सामाजिक संस्था ,राजकीय  पक्ष हे सर्व मणिपूरच्या सोबत आहेत”,हाच संदेश या निमित्ताने आम्हाला द्यावयाचा आहे. असेही जगताप म्हणाले. (Manipur Incident News)
 यावेळी माझ्या समवेत राष्ट्रवादी युवक काँग्रेसचे राष्ट्रीय अध्यक्ष धीरजभैय्या शर्मा,मणिपूरचे प्रदेशाध्यक्ष इबोमिया सोराम ,जावेद इनामदार, संदीप बालवडकर, सुषमा सातपुते आदी सहकारी देखील उपस्थित आहेत.
——
News Title | Manipur Crisis | Prashant Jagtap NCP City President Prashant Jagtap visited the disaster affected areas in Manipur

 Protest against the violence in Manipur  at Jantar Mantar by the Pune NCP 

Categories
Breaking News Political social देश/विदेश पुणे

 Protest against the violence in Manipur  at Jantar Mantar by the Pune NCP

A Protest against the violence faced by the Women in Manipur was held at Jantar Mantar, Delhi by the Pune Unit of Nationalist Congress Party.( NCP )

Manipur which is an inseparable part of this country has been facing tensions due to a rift between two communities. A huge loss to the properties has been witnessed due to the unending violence. Women are facing atrocities on a daily basis. The Central Government is rather silent on this issue. Even though people have lost lives in thousands the Prime Ministers fail to find time to go to Manipur. Just a few days ago when the Prime Minister was in pune to receive an award the Pune Unit of the Nationalist Congress Party had held a protest but by using the police force the protestors were not allowed to demonstrate their protest in front of Narendra Modi, hence the people of Pune showed that if their voice are suppressed here in Pune they can also reach Delhi and make their voices heard.This protest held in Leadership of Mr. Prashant jagtap ( City president, Pune city Ncp )
He says that “The people of this country will not support the wrong doings of such manner” , so a huge crowd had gathered at Jantar Mantar to protest and while doing so slogans such ‘ Dhikar Aso Dhikar Aso ‘, ‘ Man ki Nahi Manipur ki Baat Karo ‘, etc engulfed the surroundings of Jantar Mantar.

At this time MP.Supriyatai Sule , MP. MOHAMAD FAIZAL, PRASHANT JAGTAP , MP. FAUJIA KHAN , DHEERAJ SHRAMA, Sushma satpute, kishor kamble, Deepak kamthe, Javed Inamdar , Ajinkya Palkar, Udya Mahale, Vandana modak , Anita Pawar and several office bearers were present.

Sambhaji Bhide Guruji | NCP Pune |  भिडे गुरुजीनी केलेल्या वक्तव्याच्या विरोधात पुणे राष्ट्रवादी काँग्रेस पार्टीचे आंदोलन

Categories
Breaking News Political social देश/विदेश महाराष्ट्र

Sambhaji Bhide Guruji | NCP Pune |  भिडे गुरुजीनी केलेल्या वक्तव्याच्या विरोधात पुणे राष्ट्रवादी काँग्रेस पार्टीचे आंदोलन

Sambhaji Bhide Guruji | NCP Pune |राष्ट्रपिता महात्मा गांधी (Mahatma Gandhi) यांच्याबद्दल भिडे गुरुजी (Bhide Guruji) यांनी केलेल्या अवमानजनक वक्तव्याच्या विरोधात पुणे शहर राष्ट्रवादी काँग्रेस पार्टीच्या (NCP Pune) वतीने  आंदोलन करण्यात आले. (Sambhaji Bhide Guruji | NCP Pune)

याबाबत शहर अध्यक्ष प्रशांत जगताप (Prashant Jagtap) म्हणाले, वारंवार समाजात  तेढ निर्माण होईल, अशी वक्तव्य करत तरुणांची माथी भडकविणाऱ्या मनोहर भिडे नामक व्यक्तीने पुन्हा एकदा मुक्ताफळे उधळली आहेत.देशाचे राष्ट्रपिता महात्मा गांधीजी व त्यांच्या आईच्या चारित्र्यावर शिंतोडे उडवण्याचा हा घाणेरडा प्रकार आहे. या देशात गेल्या नऊ वर्षात अनेक व्यक्तींवर देशद्रोहाचे गुन्हे दाखल केले असले, तरी देशाच्या राष्ट्रपित्यावर अवमानकारक शब्दांमध्ये वक्तव्य करणाऱ्या व्यक्तीवर कुठलाही गुन्हा दाखल होत नाही, हे आपल्या देशाचे दुर्दैव आहे. विशेषतः गेल्या काही दिवसांमध्ये भारतीय जनता पार्टीच्या नेत्यांनी देशातील सर्वच महापुरुषांबद्दल अशा प्रकारची वक्तव्य केली आहेत.भाजप सरकारच्या काळात जर सातत्याने आपल्या महापुरुषांचा अवमान होणार असेल या पुढील काळात नागरिकांनी या घटनेची गांभीर्याने नोंद घेणे गरजेचे आहे.
संभाजी भिडे यांनी केलेल्या वक्तव्याच्या प्रकरणी महाराष्ट्राच्या गृह विभागाने तात्काळ त्यांच्यावर गुन्हे दाखल करत, त्यांना अटक करण्यात यावी. अन्यथा राष्ट्रवादी काँग्रेस पार्टी संपूर्ण महाराष्ट्रात याविरोधात आणखी तीव्र स्वरूपाचे आंदोलन करेल. असा इशारा जगताप यांनी दिला.

या आंदोलन प्रसंगी शहर अध्यक्ष प्रशांत जगताप , अंकुश काकडे, रवींद्र मालवदकर, सुषमा सातपुते, किशोर कांबले, मृणाल वाणी, तन्वीर शैख़ , आजिंक्य पालकर, आशीष माने, शेखर धावड़े, गणेश नलावडे, सानिया झुंझारराव, उदय महाले आणि सर्व सेल अध्यक्ष, कार्याध्यक्ष, पदाधिकारी व कार्यकर्ते मोठ्या संख्येने उपस्थित होते.

News Title | Sambhaji Bhide Guruji | NCP Pune | Protest by Pune Nationalist Congress Party against the statement made by Bhide Guruji