Tag: Annasaheb Waghire College

Marathi Bhasha Gaurav Din | युवा पिढीने मराठी भाषेला वैभवाच्या शिखरावर पोहोचवावे | प्रा डॉ. वसंत गावडे

Categories
cultural Education social पुणे

Marathi Bhasha Gaurav Din | युवा पिढीने मराठी भाषेला वैभवाच्या शिखरावर पोहोचवावे | प्रा डॉ. वसंत गावडे

 

Marathi Bhasha Gaurav Din – (The Karbhari Online) – पुणे जिल्हा शिक्षण मंडळाचे, अण्णासाहेब वाघिरे महाविद्यालय ओतूर,ता.जुन्नर, जि. पुणे येथे मराठी विभाग व ग्रंथालय विभाग यांच्या संयुक्त विद्यमाने “जागतिक मराठी भाषा गौरव दिन”  साजरा करण्यात आला.

महाराष्ट्र गीताने कार्यक्रमाची सुरुवात करण्यात आली. मान्यवरांच्या हस्ते कुसुमाग्रज तथा वि. वा. शिरवाडकर यांच्या प्रतिमेचे पूजन करून पुष्पहार अर्पण करण्यात आला.

कार्यक्रमाच्या अध्यक्षस्थानी महाविद्यालयाचे प्राचार्य डॉ. महेंद्र अवघडे हे आपल्या मनोगतात म्हणाले, “नवीन शैक्षणिक धोरणात मातृभाषेतून शिक्षण देण्याला प्राधान्य देण्यात येणार आहे. मातृभाषेतून दिले गेलेले शिक्षण हे अतिशय प्रभावी असते. विद्यार्थ्यांनी सोशल मीडियाच्या आहारी न जाता त्याचा मर्यादित वापर करून ग्रंथरूपी ज्ञानदानाचा ठेवा आत्मसात करावा.”

मराठी विभाग प्रमुख डॉ.वसंत गावडे म्हणाले , “मराठीला वैभवाच्या शिखरावर घेऊन जाण्याचे काम आजच्या युवा पिढीने करावे. मराठी भाषेतला जो साहित्यरुपी अमूल्य ठेवा आहे. त्याचे वाचन, जतन व संवर्धन करणे हे महाराष्ट्रातल्या प्रत्येकाचे काम आहे”

यानिमित्त महाविद्यालयात भव्य “मराठी भाषा स्वाक्षरी मोहीम” राबविण्यात आली. यामध्ये मोठ्या संख्येने विद्यार्थ्यांनी सहभाग नोंदविला.

सदर कार्यक्रमासाठी कनिष्ठ विभाग प्रमुख डॉ.अमृत बनसोडे, वाणिज्य विभाग प्रमुख डॉ सुनील लंगडे, डॉ. रमेश काशिदे, डॉ. विनायक कुंडलिक, डॉ. किशोर काळदंते,प्रा. स्मिता सहाणे- पोखरकर मॅडम उपस्थित होते. कार्यक्रमाचे सूत्रसंचालन अभिषेक चौधरी व सुप्रिया वरे यांनी केले. सदर प्रसंगी शितल कुमकर, तनुजा घोलप,चंद्रकांत लांडे, सृष्टी महाकाळ, या विद्यार्थ्यांनी मराठी भाषेचा गुणगौरव करणारी भाषणे केली. आभार अपर्णा घुले हिने मानले. कार्यक्रमाचे संयोजन डॉ.छाया तांबे व डॉ. रोहिणी मदने यांनी केले.

Annasaheb Waghire College | A Grade | अण्णासाहेब वाघिरे महाविद्यालयास A मानांकन | नॅक कमिटीची भेट

Categories
Breaking News Education पुणे

Annasaheb Waghire College | A Grade |अण्णासाहेब वाघिरे महाविद्यालयास A मानांकन | नॅक कमिटीची भेट

 

Annasaheb Waghire College | A Grade | २९ व ३०/११/ २०२३ रोजी अण्णासाहेब वाघिरे महाविद्यालयास नॅक पिअर टीमने भेट दिली. दरम्यान अध्ययन,अध्यापन, संशोधन, पायाभूत सुविधा आणि एकूणच शैक्षणिक गुणवत्ता या सर्व बाबींची पाहणी व अभ्यास करून महाविद्यालयास”A”ग्रेड प्रदान करण्यात आली. अशी माहिती महाविद्यालयाचे प्राचार्य डॉ.अभय खंडागळे, उपप्राचार्य डॉ.के.डी.सोनावणे , उपप्राचार्य,नॅक व आय. क्यू.ए.सी समन्वयक डॉ.व्ही.एम.शिंदे, प्रसिद्धी विभागाच्या वतीने महाविद्यालयीन विकास समितीचे सदस्य डॉ.वसंत गावडे यांनी दिली. (Annasaheb Waghire College | A Grade)

या भेटी दरम्यान समितीने महाविद्यालयातील विविध विभागांना भेटी देऊन पाहणी केली. प्राध्यापकांचे संशोधन कार्य, महाविद्यालयाने विविध संस्थांबरोबर केलेले सामंजस्य करार, प्राध्यापकांना व महाविद्यालयास मिळालेले विविध पुरस्कार,विविध समाज उपयोगी उपक्रम, विद्यार्थी कल्याण मंडळाचे उपक्रम, महाविद्यालयाचा प्लेसमेंट सेल, ग्रंथालयाची प्रगती, राष्ट्रीय सेवा योजना, एन सी.सी, क्रीडा क्षेत्रातील नैपुण्य, सांस्कृतिक कार्यक्रम, सौर ऊर्जा, गांडूळ खत प्रकल्प, रेन हार्वेस्टिंग, महाविद्यालयातील औषध उपयोगी झाडे, शुद्ध पिण्याच्या पाण्याची सुविधा, विद्यार्थी- विद्यार्थिनींसाठी असलेली वसतीगृहाची सोय, आजी-माजी विद्यार्थी व पालकां बरोबर झालेला सुसंवाद. या बाबी महत्त्वपूर्ण ठरल्या आहेत.या यशाबद्दल संस्थेचे अध्यक्ष व महाराष्ट्र राज्याचे उपमुख्यमंत्री मा. अजितदादा पवार साहेब,उपाध्यक्ष राजेंद्र घाडगे साहेब,सचिव मा.संदीप कदम, खजिनदार मा.मोहनराव देशमुख,सहसचिव मा. एल.एम.पवार, सहसचिव प्रशासन मा. ए.एम.जाधव यांनी अभिनंदन केले आहे.

NAAC Committee | अण्णासाहेब वाघिरे महाविद्यालयास उद्या नॅक कमिटीची भेट

Categories
Breaking News Education पुणे

NAAC Committee | अण्णासाहेब वाघिरे महाविद्यालयासउद्या नॅक कमिटीची भेट

NAAC Committee | २९  व ३० नोव्हेंबर नॅक कमिटी (बेंगलोर कार्यालय) अण्णासाहेब वाघिरे महाविद्यालयास (Annasaheb Waghire College) भेट देणार आहे. ही माहिती महाविद्यालयाचे प्राचार्य डॉ. अभय खंडागळे व  उपप्राचार्य,नॅक/आय. आय.क्यू.सी. समन्वयक डॉ.व्ही.एम. शिंदे यांनी दिली.
या भेटी दरम्यान ही समिती महाविद्यालयातील विविध विभागांना भेटी देऊन त्या ठिकाणाची माहिती घेणार आहे. प्राध्यापकांचे संशोधन कार्य, महाविद्यालयाने विविध संस्थांबरोबर केलेले सामंजस्य करार, प्राध्यापकांना व महाविद्यालयास मिळालेले विविध पुरस्कार,विविध समाज उपयोगी उपक्रम, ग्रंथालयाची प्रगती, राष्ट्रीय सेवा योजना, एन सी.सी, क्रीडा क्षेत्रातील नैपुण्य, सांस्कृतिक कार्यक्रम, सौर ऊर्जा, गांडूळ खत प्रकल्प, रेन हार्वेस्टिंग, महाविद्यालयातील औषध उपयोगी झाडे, शुद्ध पिण्याच्या पाण्याची सुविधा, विद्यार्थी विद्यार्थिनींसाठी असलेली वसतीगृहाची सोय, माजी विद्यार्थी, आजी विद्यार्थी  व पालकांबरोबर ही समिती सुसंवाद साधणार आहे. दरम्यान सदर समिती  महाविद्यालयातील विविध भौतिक सोयी-सुविधांची पाहणी करणार आहेत.

Social Media Uses | सोशल मीडियाचा अतिवापर वाचन संस्कृतीस घातक | प्रा.डॉ. वसंत गावडे

Categories
Breaking News cultural Education social

Social Media Uses | सोशल मीडियाचा अतिवापर वाचन संस्कृतीस घातक | प्रा.डॉ. वसंत गावडे

Social Media Uses | अण्णासाहेब वाघिरे महाविद्यालयात ओतूर (Annasaheb Waghire College Otur) येथे मराठी विभाग व ग्रंथालय विभाग यांच्या संयुक्त विद्यमाने,भारताचे माजी राष्ट्रपती डॉ.ए.पी.जे अब्दुल कलाम यांचा जन्मदिवस वाचन प्रेरणा दिन (Reading Inspiration Day) म्हणून मोठ्या आनंदी वातावरणात संपन्न झाला. प्राचार्य डॉ. अभय खंडागळे,उपप्राचार्य डॉ. व्ही.एम.शिंदे व डॉ.कल्याण सोनवणे या मान्यवरांच्या शुभहस्ते पुष्पहार अर्पण करून प्रतिमेचे पूजन करण्यात आले.शंभर विद्यार्थ्यांनी निवडक चरित्र व आत्मचरित्रांचे सामूहिक वाचन केले. वाचनाचे महत्त्व या विषयावरील घोषवाक्य स्पर्धेला मोठा प्रतिसाद मिळाला. यानिमित्ताने डॉ.कलामांच्या पुस्तकांचे प्रदर्शन भरविण्यात आले.
 प्रास्ताविकात डॉ.निलेश हांडे म्हणाले, “माणसाची जडणघडण होण्यात वाचनाचा वाटा महत्त्वाचा असतो. महान व्यक्तिमत्व ही वाचनानेच घडतात.” डॉ.वसंत गावडे यांचे *वाचनाचे महत्त्व*’ या विषयावर विशेष व्याख्यान संपन्न झाले. ते म्हणाले, *सोशल मीडियाचा अतिवापर वाचन संस्कृतीस घातक आहे. संस्कारक्षम पिढी घडविण्यास वाचन संस्कृती महत्त्वाची आहे. आजच्या काळात पालकांनी आपल्या मुलांवर वाचनाचे संस्कार करावेत.
प्राचार्य डॉ. खंडागळे आपल्या अध्यक्षीय भाषणात म्हणाले.”आपण रोज काहीतरी नवीन आवडीच्या विषयाचे वाचन करावे. वाचनाची सवय  आयुष्यात मोलाची साथ देते. त्यातून आपले जीवन समृद्ध होते.”आभार डॉ.छाया तांबे यांनी मानले.डॉ.सुनील लंगडे, डॉ.रोहिणी मदने, मंजुषा कुलकर्णी, गणेश डुंबरे, निखील काकडे यांनी विशेष सहकार्य केले.

Wildlife Week | पृथ्वीवर जगण्याचा अधिकार माणसां एवढाच प्राणीमात्रांनाही | वैभव काकडे

Categories
Breaking News Education social पुणे

Wildlife Week | पृथ्वीवर जगण्याचा अधिकार माणसां एवढाच प्राणीमात्रांनाही | वैभव काकडे

 

Wildlife Week | पुणे जिल्हा शिक्षण मंडळाच्या (PDEA) अण्णासाहेब वाघिरे महाविद्यालय ओतूर (Annasaheb Waghire College Otur) मध्ये वन्यजीव सप्ताहाचे (Wildlife Week) औचित्य साधून महाविद्यालयातील राष्ट्रीय सेवा योजना विभाग (NSS Department), वनस्पतीशास्त्र (Botany Department)  व प्राणीशास्त्र विभाग (Zoology Department) तसेच वन विभाग जुन्नर (Forest Department Junnar) यांच्या संयुक्त विद्यमाने वन्यजीव सप्ताह निमित्त विशेष व्याख्यान तसेच वन्यजीवांवर आधारित पोस्टर प्रदर्शनाचे आयोजन करण्यात आले. अशी माहिती महाविद्यालयाचे प्राचार्य डॉ अभय खंडागळे (Dr Abhay Khandagale) यांनी दिली.

आपल्या मनोगतामध्ये  वैभव काकडे यांनी असे मत व्यक्त केले की, पृथ्वीवर माणसाचे अस्तित्व सर्व प्राणिमात्रामुळे अबाधित आहे कारण पर्यावरणाचे संतुलित ठेवण्याचे महत्त्वाचे कार्य वन्यजीव अप्रत्यक्षपणे करीत असतात. वन्यजीव आहेत म्हणूनच अन्नसाखळी अबाधित आहे व अन्नसाखळी अबाधित असल्यामुळेच पर्यावरण संतुलन होत असते. पर्यावरण व वन्यजीव संरक्षणासाठी लोकांचा सहभाग आवश्यक आहे लोकांनी त्यासाठी जागरूक राहून वन्यजीवांना अभय दिले पाहिजे असेही मत ओतूर वनपरक्षेत्रित अधिकारी श्री वैभव काकडे यांनी व्यक्त केले.

याचबरोबर माणिक डोह बिबट निवारा केंद्राचे व्यवस्थापक श्री महेंद्र ढोरे यांनी आपल्या मनोगत मध्ये मानव बिबट संघर्ष व सहजीवन या विषयावरती मार्गदर्शन केले यामध्ये त्यांनी बिबट जीवनचक्र, त्याच्या सवयी, भक्ष, प्रज्योत्पादन इत्यादी गोष्टी विशद केल्या याबरोबरच बिबट समस्यांची मूळ कारणे काय आहेत व मानव बिबट सहजीवनासाठी आपण आपले वर्तन कसे ठेवावे याविषयी त्यांनी सविस्तर मार्गदर्शन केले. याचबरोबर त्यांनी असेही आवाहन केले की आपल्या परिसरामध्ये बिबट पिल्ले आढळल्यास त्यांना न हाताळता तात्काळ वन विभागास संपर्क करावा जेणेकरून त्यांचे संरक्षण केल्या जाऊ शकते.

सदर कार्यक्रमांमध्ये महाविद्यालयाचे प्राचार्य डॉ अभय खंडागळे यांनी यांनीही मनोगत व्यक्त केले.
सदर कार्यक्रमासाठी श्री वैभव काकडे, वनपरिक्षेत्रीत अधिकारी ओतूर, श्री महेंद्र ढोरे व्यवस्थापक बिबट निवारा केंद्र माणिक डोह, वनरक्षक श्री गीते श्री राठोड श्री बेल्हे आदी मान्यवर तसेच महाविद्यालयाचे उपप्राचार्य डॉ व्ही एम शिंदे, डॉ बी एम शिंदे, डॉ व्ही डी जाधव, प्रा सागर पारधी व विद्यार्थी मोठ्या संख्येने उपस्थित होते.
सदर कार्यक्रमाचे प्रास्ताविक डॉ संजयकुमार राहंगडाले यांनी प्रास्ताविक केले तर राष्ट्रीय सेवा योजना कार्यक्रमाधिकारी अमोल बिबे कार्यक्रमाचे सूत्रसंचालन तसेच आभार प्रदर्शन निलेश काळे यांनी व्यक्त केले

NSS | Dr Vasant Gawde | एन.एस.एस. व्यक्तिमत्व विकासाची कार्यशाळा | प्रा.डॉ. वसंत गावडे

Categories
Breaking News cultural Education social पुणे

NSS | Dr Vasant Gawde | एन.एस.एस. व्यक्तिमत्व विकासाची कार्यशाळा | प्रा.डॉ. वसंत गावडे

NSS | Dr Vasant Gawde | पुणे जिल्हा शिक्षण मंडळाच्या (Pune District Education Board) अण्णासाहेब वाघिरे महाविद्यालय ओतूर (Annasaheb Waghire college Otur) मधील राष्ट्रीय सेवा योजना (NSS) विभागाच्या वतीने २४ सप्टेंबर राष्ट्रीय सेवा योजना दिनाचे औचित्य साधून महाविद्यालय परिसरामध्ये स्वच्छता अभियान तसेच “राष्ट्रीय सेवा योजनेतून व्यक्तीमत्व विकास” या विषयावरील डॉ वसंत गावडे (Dr Vasant Gawde) यांचे विशेष व्याख्यान आयोजित करण्यात आले. अशी माहिती महाविद्यालयाचे प्राचार्य डॉ. अभय खंडागळे व कार्यक्रमाधिकारी डॉ. अमोल बिबे यांनी दिली.

कार्यक्रमामध्ये डॉ. वसंत गावडे यांनी आपल्या व्याख्यानामध्ये राष्ट्रीय सेवा योजना युवकांची सर्वात मोठी चळवळ असून राष्ट्रीय सेवा योजना ही आदर्श माणूस घडवणारी कार्यशाळा आहे. राष्ट्रीय सेवा योजनेच्या माध्यमातून विद्यार्थ्यांच्या नेतृत्व गुण विकासाबरोबरच समायोजन कौशल्य, लोकशाही मूल्य, स्वावलंबन, श्रमाचे मूल्य, तडजोडीचे तत्व, संभाषण कौशल्य व ग्रामीण जनजीवनाचा अनुभव याबरोबरच आपत्कालीन परिस्थिती आणि नैसर्गिक आपत्तींना तोंड देण्याची क्षमता विकसित होते असे मत व्यक्त केले.
तसेच आपल्या अध्यक्षीय मनोगतामध्ये प्राचार्य डॉ. अभय खंडागळे यांनी राष्ट्रीय सेवा योजनेच्या माध्यमातून विद्यार्थ्यांच्या व्यक्तिमत्त्व विकास तसेच महाविद्यालय आणि समाजाच्या विकासासाठी आवश्यक असणारी मूल्य युवकांमध्ये रुजवली जातात असे मत व्यक्त केले.

सदर कार्यक्रमास महाविद्यालयाचे प्राचार्य डॉ. अभय खंडागळे, उपप्राचार्य, डॉ. व्ही एम शिंदे, डॉ. के.डी सोनावणे, डॉ.एस. एस लंगडे आदी मान्यवर उपस्थित होते. सदर कार्यक्रमाचे प्रास्ताविक डॉ. अमोल बिबे यांनी केले व सूत्रसंचालन डॉ. निलेश काळे यांनी तर आभार प्रदर्शन डॉ. आजय कवाडे यांनी केले.

Organic Farming | lभविष्यात सेंद्रिय शेतीच माणसाला तारणार | योगेश मनसुख | अण्णासाहेब वाघीरे महाविद्यालयात उभारला गांडूळ खत प्रकल्प

Categories
Breaking News Education social शेती

Organic Farming | lभविष्यात सेंद्रिय शेतीच माणसाला तारणार | योगेश मनसुख

| अण्णासाहेब वाघीरे महाविद्यालयात उभारला गांडूळ खत प्रकल्प

Organic Farming | ओतूर येथील पुणे जिल्हा शिक्षण मंडळाचे, अण्णासाहेब वाघीरे महाविद्यालय (Annasaheb Waghire collège), ओतूर, ता-जुन्नर, जि-पुणे व ग्लोबल ऍग्रो व्हिजन, सावरगाव, ता- जुन्नर, जि-पुणे यांच्या संयुक्त विद्यमाने महाविद्यालयात गांडूळखत प्रकल्प तयार करण्यात आला.
त्याप्रसंगी योगेश मनसुख (Yogesh Mansukh) मार्गदर्शन करताना म्हणाले,”सद्यस्थितीत शेतीसाठी रासायनिक खतांचा व औषधांचा होणारा प्रचंड वापर हा मानवी जीवनाला अत्यंत हानिकारक आहे, त्यामुळे मानवाचा भविष्यकाळ अत्यंत चिंताजनक आहे. परंतु नैसर्गिक शेतीने मानवी जीवन समृद्ध होऊ शकते, मानवाला चांगल्या आहाराची गरज आहे.माणसाला विषमुक्त भाजीपाला व अन्नधान्य मिळाल्यास मानवी जीवन समृध्द होईल. त्यातूनच भविष्यकाळ उज्वल असेल.साहजिकच पर्यावरणाचा समतोल राखला जाईल. भविष्यात माणसाला सेंद्रिय शेतीच तारणार आहे.” “महाविद्यालयातील विद्यार्थी हा ग्रामीण भागातील शेतकरी कुटुंबातील असल्यामुळे या प्रोजेक्टचा फायदा विद्यार्थ्यांना नक्कीच होईल” असे महाविद्यालयाचे प्राचार्य डॉ. अभय खंडागळे म्हणाले.याप्रसंगी महाविद्यालय आणि ग्लोबल ऍग्रो व्हिजन यांच्यात पाच वर्षासाठी सामंजस्य करार करण्यात आला. (Organic Farming)
याशिवाय विद्यार्थ्यांना गांडूळ खत प्रकल्पाच्या माध्यमातून स्वयंरोजगार निर्मिती कशी करावी याचेही प्रशिक्षण यावेळी देण्यात आले. ग्लोबल ऍग्रो व्हिजनच्या संचालिका सौ. मनीषा गाढवे-मनसुख आणि श्री.योगेश मनसुख यांनी विद्यार्थ्यांना गांडूळ खत निर्मिती , तसेच झाडपाला, पालापाचोळा,कचरा व्यवस्थापन व त्यातून सेंद्रिय खत निर्मिती कशी करावी या विषयावर प्रात्यक्षिक व कार्यशाळा यामधून माहिती दिली. सदर प्रशिक्षणात महाविद्यालयातील पन्नास विद्यार्थ्यांनी सहभाग घेतला.
कमवा व शिका योजनेच्या माध्यमातून प्रकल्पाचे अत्यंत चांगले व्यवस्थापन करून महाविद्यालय परिसरातील सर्व झाडे आणि बगीचा विकसित करण्याचा मानस यावेळी विद्यार्थ्यांनी व्यक्त केला.
सदर प्रशिक्षणाला सुरुवात करण्यापूर्वी प्रास्ताविक  मराठी विभागाचे प्रमुख डॉ. वसंत गावडे यांनी केले. आभार डॉ. नंदकिशोर उगले यांनी मानले. सदर प्रशिक्षणात महाविद्यालयाचे उपप्राचार्य डॉ. विठ्ठल शिंदे, प्रकल्पाचे समन्वयक डॉ.हरी बोराटे, डॉ.व्ही.डी. जाधव, प्रा.सागर पारधी,डॉ. अजय कवाडे, डॉ. निलेश हांडे, डॉ. छाया तांबे, डॉ. संदीपान गव्हाळे, डॉ. संतोष वाळके यांनी संयोजन करून सहभाग घेतला. श्री गणेश डुंबरे, सुरेश थोरात,नितीन गरुड, नवनाथ पारधी यांनी सहकार्य केले.

Annasaheb Waghire College Otur | अण्णासाहेब वाघिरे महाविद्यालय ओतूर मध्ये “राष्ट्रीय शैक्षणिक धोरण २०२० सप्ताह” उत्साहात साजरा

Categories
Breaking News cultural Education पुणे

Annasaheb Waghire College Otur | अण्णासाहेब वाघिरे महाविद्यालय ओतूर मध्ये “राष्ट्रीय शैक्षणिक धोरण २०२० सप्ताह” उत्साहात साजरा

Annasaheb Waghire College Otur | ओतूर येथील पुणे जिल्हा शिक्षण मंडळाच्या अण्णासाहेब वाघिरे महाविद्यालयांमध्ये दि.२४ ते २९ जुलै २०२३ या कालावधीमध्ये “राष्ट्रीय शैक्षणिक धोरण २०२०” या सप्ताहाचे आयोजन करण्यात आले.  उपक्रमांतर्गत महाविद्यालयामध्ये “राष्ट्रीय शैक्षणिक धोरण २०२०”या विषयावरील आधारित निबंध स्पर्धा,वक्तृत्व स्पर्धा, पोस्टर्स स्पर्धा, ऑनलाइन प्रश्नमंजुषा स्पर्धा तसेच विशेष व्याख्यानाचेही आयोजन करण्यात आले अशी माहिती महाविद्यालयाचे प्राचार्य डॉ अभय खंडागळे (Dr Abhay Khandagale) यांनी दिली. (Annasaheb Waghire College )Otur

आज महाविद्यालयामध्ये “राष्ट्रीय शैक्षणिक धोरण २०२० “या विषयावर महाविद्यालयाचे प्राचार्य खंडागळे यांचे विशेष व्याख्यान आयोजित करण्यात आले. आपल्या मनोगतामध्ये डॉ.खंडागळे यांनी नवीन शैक्षणिक धोरणानुसार बदलते शिक्षणाचे प्रारूप, अभ्यासक्रमात तंत्रज्ञानाचा वापर, उच्च शिक्षणामध्ये आलेली क्रेडिट सिस्टीम, विद्यार्थ्यांना विषय निवडीचे असलेले स्वातंत्र्य, तसेच नवीन शैक्षणिक धोरणामध्ये काही कोर्स ऑनलाइन तसेच ऑफलाइन पद्धतीने पुर्ण करण्याची असलेली मुभा, विद्यार्थी केंद्रित व समाजाभिमुख शिक्षण या सर्व गोष्टींचा उल्लेख केला तसेच हे नवीन राष्ट्रीय शैक्षणिक धोरण हे भारताच्या उज्वल भविष्याची नांदी ठरणार आहे असेही मत व्यक्त केले.

सदर शैक्षणिक सप्ताहामध्ये “राष्ट्रीय शैक्षणिक धोरण” २०२० या विषयावरील वक्तृत्व स्पर्धेमध्ये प्रथम क्रमांक पूर्वा कुटे, द्वितीय क्रमांक सायली अहिनवे तर तृतीय क्रमांक सुरज राजोरे यांनी मिळवला.
निबंध स्पर्धेमध्ये प्रथम क्रमांक घोलप तनुजा व डुंबरे अपेक्षा, द्वितीय क्रमांक आहेर प्रगती व डुंबरे अनुष्का यांनी तर तृतीय ठोंगिरे पायल यांनी क्रमांक मिळवला.
याचबरोबर पोस्टर स्पर्धेमध्ये अक्षदा पोपळे व श्रावणी सुर्यवंशी यांनी प्रथम क्रमांक तर सानिका गिजरे व सानिका डुंबरे यांनी द्वितीय क्रमांक तर सुरज वाघमारे यांनी तृतीय क्रमांक पटकावला.

सदर कार्यक्रम प्रसंगी महाविद्यालयाचे प्राचार्य डॉ.अभय खंडागळे, उपप्राचार्य डॉ.के.डी सोनवणे, उपप्राचार्य डॉ.व्ही.एम शिंदे, डॉ. बी.एम.शिंदे, डॉ.एस.एस लंगडे, डॉ.एस.बी वाळके आदी मान्यवर उपस्थित होते.
सदर सप्ताहाच्या यशस्वी आयोजनासाठी राष्ट्रीय सेवा योजनेचे कार्यक्रम अधिकारी डॉ.अमोल बिबे, डॉ.निलेश काळे,डॉ.वसंतराव गावडे,डॉ.अजय कवाडे तसेच कार्यालयीन कर्मचारी निखिल काकडे यांनी विशेष परिश्रम घेतले.

News Title | Annasaheb Waghire College Otur | “National Education Policy Week 2020” celebrated with enthusiasm in Annasaheb Waghire College Otur

Annasaheb Waghire College Otur | ओतूर महाविद्यालयाचे उपप्राचार्य डॉ.सुदंरराव ढाकणे यांचा सेवापूर्ती गौरव समारंभ साजरा

Categories
Breaking News Education social पुणे

Annasaheb Waghire College Otur | ओतूर महाविद्यालयाचे उपप्राचार्य डॉ.सुदंरराव ढाकणे यांचा सेवापूर्ती गौरव समारंभ साजरा

Annasaheb Waghire College Otur | पुणे जिल्हा शिक्षण मंडळाच्या (Pune District Education Association) अण्णासाहेब वाघिरे महाविद्यालय, ओतूर (Annasaheb Waghire Collège Otur) या ठिकाणी १९८८ पासून आज पर्यंत ३५ वर्ष वरिष्ठ महाविद्यालयांमध्ये विज्ञान शाखेत  पदार्थ विज्ञान विभागात कार्यरत असणारे डॉ सुंदरराव ढाकणे  (Dr Sundarrao Dhakne) हे आपल्या नियत वयोमानानुसार ३० जून २०२३ रोजी सेवानिवृत्त होत आहेत. त्यानिमित्त त्यांचा सपत्निक सेवापूर्ती गौरव समारंभ महाविद्यालयाच्या वतीने आयोजित करण्यात आला अशी माहिती महाविद्यालयाचे प्राचार्य डॉ अभय खंडागळे व सेवक कल्याण समितीचे समन्वयक डॉ. ए.एम.बिबे यांनी दिली. (Annasaheb Waghire College Otur)
सदर कार्यक्रमासाठी प्रमुख पाहुणे म्हणून स्वामी रामानंद तीर्थ मराठवाडा विद्यापीठाचे माजी कुलगुरू डॉ. पंडित विद्यासागर, अहमदनगर जिल्हा आरोग्य अधिकारी डॉ. संदीप सांगळे व एम.फुक्टो चे अध्यक्ष डॉ.एस.पी लवांडे सर ओतूर ग्रामपंचायतचे सरपंच मा.प्रशांत डुंबरे, उपसरपंच रईस मणियार, डॉ.एस डी.अघाव,  श्री नामदेव सांगळे आदी मान्यवर उपस्थित होते.
सदर कार्यक्रमामध्ये महाविद्यालयाच्यावतीने डॉ. सुंदरराव ढाकणे  यांना ३५ वर्षाच्या सेवेबद्दल महाविद्यालयाच्या वतीने सन्मानपत्र देऊन सन्मानित करण्यात आले. सदर प्रसंगी सन्मानपत्राचे वाचन डॉ.डी.एम टिळेकर यांनी केले.
 सदर कार्यक्रमामध्ये  प्रमुख पाहुणे डॉ.पंडित विद्यासागर सरांनी आपल्या मनोगतामध्ये डॉ. ढाकणे सरांनी महाविद्यालयामध्ये गुणवत्ता वाढीसाठी राबवलेल्या विविध उपक्रमांचा उल्लेख करून त्यांना सेवानिवृत्ती नंतरच्या भावी जीवनासाठी शुभेच्छा दिल्या. याचबरोबर नवीन शैक्षणिक धोरणानुसार शिक्षकांच्या बदलत्या व महत्त्वपूर्ण भूमिकेबद्दल ही त्यांनी आपले विचार मांडले. शिक्षण म्हणजे  विद्यार्थ्यांचें ज्ञान व क्षमतांचा विकास करणे होय असे मत त्यांनी व्यक्त केले. जिल्हा आरोग्य अधिकारी डॉ.संदीप सांगळे यांनी आपल्या भाषणात डॉ ढाकणे त्यांनी  लहानपणाच्या हालाखीच्या कौटुंबिक परिस्थितीतून कशाप्रकारे आपले शिक्षण पूर्ण करत स्वतःचा व महाविद्यालयाच्या विकासामध्ये आपले बहुमोल योगदान दिले याबाबत मत व्यक्त केले.  डॉ.एस. पी.लवांडे यांनी आपल्या मनोगतामध्ये डॉ.ढाकणे यांना भावी आयुष्याबद्दल शुभेच्छा देत असतानाच आपला महाविद्यालयातील उपप्राचार्य पदाचा प्रदीर्घ अनुभव तसेच पदार्थ विज्ञानातील आपल्या ज्ञानाचा फायदा  चिंचोली या आपल्या मूळ गावी असणाऱ्या ग्रामीण भागातील जनतेला जास्तीत जास्त व्हावा यासाठी प्रयत्न करावेत असे मत व्यक्त केले.  आपल्या अध्यक्ष मनोगतामध्ये महाविद्यालयाचे प्राचार्य डॉ.अभय खंडागळे यांनी डॉ.ढाकणे यांच्या काम करण्याच्या सचोटीबद्दल तसेच मीतभाशी स्वभावाबद्दल आवर्जून उल्लेख केला. तसेच त्यांनी त्यांच्या सेवा काळामध्ये पदार्थ विज्ञान विभागामध्ये पदव्युत्तर पदवी तसेच संशोधन केंद्र सुरू करणे महाविद्यालयांमध्ये यू.जी.सी रुसा या सारख्या विविध योजना राबवण्यासाठी केलेले प्रयत्न तसेच नॅक मुल्यांकनामध्ये आय.क्यू.एस.सी समन्वयक म्हणून गेली अनेक वर्ष केलेल्या कामाबद्दल  गौरव उद्गार काढले. तसेच सदर प्रसंगी प्रा.आंद्रे मॅडम, प्रा.बाळासाहेब हाडवळे, डॉ. निलेश हांडे, डॉ.हरिभाऊ बोराटे, डॉ उमेशराज पनेरु,  डॉ.रमाकांत कस्पटे, प्रा.महेश गंभीर, श्री.हेमंत डुंबरे तसेच माजी विद्यार्थी प्रथमेश पडवळ व श्रीमती प्रतिभा डुंबरे, डॉ.ढाकणे यांचे चिरंजीव अभिजित ढाकणे यांनी आपली मनोगते व्यक्त केली.
सदर कार्यक्रमासाठी ढाकणे यांच्या पत्नी सौ.संगीता ढाकणे मुलगा अभिजित व मुलगी आरती  तसेच त्यांचे मित्र व नातेवाईक, ओतूर येथील ग्रामस्थ मोठ्या संख्येने उपस्थित होते.
सदर कार्यक्रमाचे प्रास्ताविक उपप्राचार्य डॉ.व्ही.एम शिंदे व  आभार प्रदर्शन उपप्राचार्य डॉ.के. डी सोनावणे यांनी तर सूत्रसंचालन डॉ.अमोल बिबे यांनी केले.
सदर कार्यक्रम यशस्वीपणे पार पाडण्यासाठी  डॉ.वसंतराव गावडे, डॉ दत्तात्रेय टिळेकर, डॉ निलेश काळे, डॉ अनिल लोंढे, डॉ विनायक कुंडलीक  तसेच श्री. मिलिंद ढगे व श्री.जयसिंग डुंबरे यांनी विशेष परिश्रम घेतले.
——
News Title | Annasaheb Waghire College Otur |  Otoor College Vice Principal Dr.Sudanarrao Dhakne’s service completion ceremony celebrated

Annasaheb Waghire College | अण्णासाहेब वाघिरे महाविद्यालयात ग्रंथ दिंडीचे आयोजन

Categories
Breaking News cultural Education social पुणे महाराष्ट्र

अण्णासाहेब वाघिरे महाविद्यालयात ग्रंथ दिंडीचे आयोजन

पुणे जिल्हा शिक्षण मंडळाच्या अण्णासाहेब वाघिरे महाविद्यालय ओतूर, ता-जुन्नर,जि-पुणे. येथे मराठी विभाग व ग्रंथालय विभाग यांच्या संयुक्त विद्यमाने , “जागतिक पुस्तक दिन”मोठ्या आनंदी वातावरणामध्ये साजरा करण्यात आला. या दिनाचे औचित्य साधून ग्रंथ दिंडीचे आयोजन करण्यात आले होते. अशी माहिती प्राचार्य डॉ.अभय खंडागळे यांनी दिली.

सर्वप्रथम मान्यवरांच्या हस्ते विविध ग्रंथांचे पूजन करण्यात आले. ग्रंथांमध्ये सर्व धर्मांचे धर्मग्रंथ तसेच भारताचे संविधान व इतर अनेक ग्रंथ ठेवण्यात आले होते. महाविद्यालयाचे उपप्राचार्य डॉ.व्ही.एम. शिंदे यांच्या शुभहस्ते कै.श्रीकृष्ण तांबे यांच्या पुतळ्याला पुष्पहार अर्पण करून ग्रंथ दिंडीचे प्रस्थान करण्यात आले. ढोल, ताशा,सनई, टाळ. मृदुंग,या पारंपरिक वाद्यांच्या गजरात सजवलेल्या बैलगाडी मधून ही मिरवणूक कै.श्रीकृष्ण तांबे ग्रंथालयापर्यंत आयोजित करण्यात आली होती. सदर मिरवणुक व ग्रंथ दिंडीमध्ये विद्यार्थी – विद्यार्थिनींनी पारंपरिक वेशभूषा परिधान करून नृत्य करत व फुगड्या खेळत आपला उत्स्फूर्त सहभाग नोंदविला.

जागतिक पुस्तक दिनाचे औचित्य साधून “माजी राष्ट्रपती डॉ.ए.पी.जे. अब्दुल कलाम वाचन कट्टा” माजी विद्यार्थी श्री ज्ञानेश्वर गायकवाड, श्री भूपेंद्र शेटे, श्री अक्षय शेटे, श्री दीपक वाघमोडे, संतोष आहेर, श्री प्रणीत पारधी यांच्या आर्थिक सहकार्यातून महाविद्यालयात साकार करण्यात आलाआहे. त्याचे सर्व स्तरांमधून कौतुक होत आहे. उपप्राचार्य डॉ. एस.एफ. ढाकणे उपप्राचार्य.डॉ.के.डी सोनावणे, कनिष्ठ महाविद्यालयाचे उपप्राचार्य प्रा.अमृत बनसोडे उपस्थित होते. सदर कार्यक्रमाचे संयोजन ग्रंथपाल डॉ. निलेश हांडे मराठी विभाग प्रमुख डॉ. वसंत गावडे, सांस्कृतिक विभाग प्रमुख डॉ.अनिल लोंढे, श्री प्रमोद थोरवे ,श्री गणेश डुंबरे व निखिल काकडे यांनी केले. कार्यक्रमासाठी महाविद्यालयातील सर्व विभागांचे विभाग प्रमुख व प्राध्यापक व शिक्षकेतर कर्मचारी मोठ्या संख्येने उपस्थित होते.