Tag: Rahul Jagtap

PMC Pay Roll and Pension Software | महापालिका कर्मचाऱ्यांसाठी आनंदाची बातमी | नवीन वर्षांपासून 1 तारखेलाच मिळणार वेतन!

Categories
Breaking News PMC पुणे

PMC Pay Roll and Pension Software | महापालिका कर्मचाऱ्यांसाठी आनंदाची बातमी | नवीन वर्षांपासून 1 तारखेलाच मिळणार वेतन!

 | वेतन आणि पेन्शन मिळण्यात येणार गती | वेतन आणि पेन्शन साठी एकच प्रणाली

PMC Pay Roll and Pension Software | पुणे | महापालिका (Pune Municipal Corporation) कर्मचाऱ्यांना वेतन (Pay roll₹ आणि पेन्शन (Pension) हे ऑनलाईन प्रणाली द्वारे दिले जाते. मात्र ही सिस्टम फार जुनी झाली आहे. त्यामुळे महापालिका आता नवीन सॉफ्टवेअर विकसित करत आहे. त्या माध्यमातून महापालिका कर्मचाऱ्यांना वेतन आणि पेन्शन साठी रखडत बसावे लागणार नाही. याला आता गती मिळणार आहे. विशेष म्हणजे शिक्षण विभाग (PMC Education Department) देखील आता यामध्ये जोडण्यात आला आहे. जानेवारी पासून यांची सुरुवात करण्यात येईल. अशी माहिती संगणक विभाग प्रमुख राहूल जगताप (System Manager Rahul Jagtap https://www.pmc.gov.in/en/it) यांनी दिली. (PMC HRMS Pay Roll and Pension System)
याबाबत जगताप यांनी सांगितले कि, पुणे महापालिका कर्मचाऱ्यांना वेतन आणि पेन्शन देण्यासाठी 2013 साली वेतन प्रणाली बनवण्यात आली होती. मात्र ही प्रणाली जुनी झाली आहे. यामुळे काही अडचणी निर्माण होत आहेत. तसेच तत्कालीन शिक्षण मंडळाचा देखील महापालिकेत समावेश झाला आहे. याआधी महापालिका कर्मचारी आणि शिक्षण विभाग वेतनासाठी स्वतंत्र प्रणाली होती. यामध्ये कर्मचाऱ्यांना खूप करावे लागायचे. शिवाय वेतन देखील वेळेवर होत नसायचे. तसेच काही कर्मचाऱ्यांना वेतन देण्यात तांत्रिक अडचणी आल्या तर सगळ्याच कर्मचाऱ्यांना वेतनासाठी थांबावे लागत आहे. मात्र आता नवीन प्रणाली मध्ये या सगळ्या अडचणी दूर करण्यात येणार आहेत. (Pune Municipal Corporation)
जगताप यांनी सांगितले कि, pay roll आणि pension  दोन्ही एकाच प्रणालीत आणले जाणार आहे. यामुळे आता वेतनासाठी जी 10 तारखेची वाट पाहावी लागते. ती पाहावी लागणार नाही. प्रत्येक महिन्याच्या 1 तारखेलाच वेतन मिळेल. तसेच आज पेन्शनसाठी सेवानिवृत्त सेवकांना रखडावे लागते, ती अडचण देखील कमी होणार असून लवकरात लवकर पेन्शन हातात मिळण्यास मदत होणार आहे. जगताप यांनी सांगितले कि, हे सॉफ्टवेअर बनवण्यासाठी महापालिकेला बँक ऑफ महाराष्ट्र (Bank of Maharashtra) ने सीएसआर (CSR) अंतर्गत चांगली मदत केली आहे. या प्रणालीचा वापर करण्यास आम्ही प्रायोगिक तत्वावर सुरुवात केली आहे. मात्र पूर्ण प्रणाली ही जानेवारी महिन्यापासून विकसित होईल.
—-

PMC WhatsApp ChatBot | Property Tax Bills | पुणे महापालिकेने WhatsApp Chatbot च्या माध्यमातून पाठवली 12 लाख मिळकतकर बिले

Categories
Breaking News PMC social पुणे

PMC WhatsApp ChatBot | Property Tax Bills | पुणे महापालिकेने WhatsApp Chatbot च्या माध्यमातून पाठवली 12 लाख मिळकतकर बिले

| नागरिक आणि महापालिकेला देखील फायदा

PMC WhatsApp ChatBot | Property Tax Bills  | नागरिकांसाठी पुणे महापालिकेने (Pune Municipal Corporation) WhatsApp Chatbot प्रणाली उपलब्ध करून दिली आहे. या प्रणालीचा वापर करून महापालिकेने मिळकत कराची (Property Tax Bills) जवळपास 12 लाख बिले नागरिकाना पाठवली आहेत. यामुळे नागरिकांना देखील फायदा झाला असून महापालिकेची मिळकत कराची वसूली देखील होऊ लागली आहे. अशी माहिती प्रॉपर्टी टॅक्स विभागाचे उपायुक्त अजित देशमुख (Deputy Commissioner Ajit Deshmukh) यांनी दिली. (PMC WhatsApp ChatBot | Property Tax Bills)
पुणे महानगरपालिकेने (PMC Pune) नागरिकांच्या शंकांचे निराकरण, तक्रारी, नजीकच्या आरोग्य सेवांविषयी माहिती, विविध विभागाकडील नागरीकाभिमुख माहिती, जलदरित्या व सहजपणे नागरिकांना देणेकरीता ChatBot ची सुविधा नागरिकांना उपलब्ध करून देण्यात आली आहे. त्याच प्रणालीचा वापर करत प्रॉपर्टी टॅक्स विभागाने मिळकत कराची 12 लाख बिले पाठवली आहेत. यामध्ये 23 गावांचा समावेश नाही. Whatsapp वर ही बिले नागरिकांना मिळाली. तसेच त्यातच कर भरण्याबाबत देखील सुविधा उपलब्ध करून देण्यात आलेली आहे. त्यामुळे नागरिकांना कर भरणा करणे सोयीचे झाले आहे. यामुळे महापालिकेचे उत्पन्न देखील वाढू लागले आहे. (PMC Pune News) 
दरम्यान शहरात ज्या नव्याने बांधकाम झालेल्या निवासी मिळकतींची आकारणी ४०% सवलत न देता ०१.०४.२०१९ पासून पुढे झालेली आहे त्या सर्व मिळकतींना व ज्या मिळकतींची ४०% सवलत जी.आय.एस. सर्व्हे अंतर्गत ०१.०४.२०१८ पासून रद्द करण्यात आली आहे व अशा मिळकतींना ह्यापूर्वी फरकाची देयके पाठवण्यात आली होती अशा सर्व मिळकतींना ४०% सवलतीचा लाभ ०१.०४.२०२३ पासून पुढील कालावधीकरिता देण्यात येणार आहे.  वरील सर्व मिळकतींना ४०% सवलतीचा लाभ आकारणी दिनांक/दुरुस्ती दिनांकापासून (म्हणजेच ज्या निवासी मिळकतींना  ०१.०४.२०१८ पासून ३१.०३.२०२३ पर्यंत सवलत देय आहे परंतु दिली गेलेली नाही) ती सवलत घेणेकरिता व देण्यात आलेली सवलत दि. ०१.०४.२०२३ पासून पुढील कालावधीकरिता सुरु राहणेकरिता मिळकतधारकाने PT-३ अर्ज संपूर्ण पुराव्यांसह दि. १५ नोव्हेंबर २०२३ पूर्वी कर आकारणी व कर संकलन खात्याकडे सादर करणे आवश्यक राहील. संबंधित मिळकतधारकांनी संपूर्ण मिळकतकर भरला असल्यास जादा जमा होणारी रक्कम PT-३ अर्ज भरून दिलेनंतर पुढील ४ वर्षांचे समान हप्त्यात आर्थिक वर्षाच्या देयकातून समायोजित करण्यात येईल. विहित मुदतीत अर्ज सादर न केल्यास मिळकतीचा वापर मिळकतधारक स्वःवापराकरिता करीत नसल्याचे गृहीत धरून अशा मिळकतीची सन २०२३-२४ करिता दिली गेलेली सवलत रद्द करण्यात येईल. (Pune Municipal Corporation property tax)
—-
Whatsapp chatbot च्या माध्यमातून आम्ही 12 लाख बिले पाठवली आहेत. यामुळे नागरिकांना प्रॉपर्टी टॅक्स भरणे सोयीचे होणार आहे. नागरिकांना तात्काळ कर भरावा. तसेच महापालिकेच्या सवलतीचा लाभ घ्यावा. शिवाय मिळकत कर भरून महापालिकेची बक्षिसे देखील जिंकावीत. असे नागरिकांना आवाहन आहे.
– अजित देशमुख, उपायुक्त्त, कर आकारणी व कर संकलन विभाग.
—-
Whatsapp chatbot चा नागरिकांना फायदा होत आहे. याचाच वापर करून कमी कालावधीत बिले पाठवण्यात आली आहेत. तसेच यामध्ये बिल भरण्याची सुविधा उपलब्ध करून देण्यात आली आहे. दररोज 25-30 हजार नागरिक chatbot चा वापर करतात. तसेच काही शंका असल्यास कळवतात. यामुळे बिले भरण्याची संख्या देखील वाढली आहे.

– राहुल  जगताप, संगणक विभाग प्रमुख 
—
News Title | PMC WhatsApp ChatBot |  Property Tax Bills |  Pune Municipal Corporation sent 12 lakh income tax bills through WhatsApp Chatbot

PMC Pune Digital Services | पुणे महानगरपालिका आणि स्मार्ट सिटीच्या डिजिटल सेवांनी जी-२० बैठकीसाठी आलेले प्रतिनिधी प्रभावित

Categories
Breaking News PMC देश/विदेश पुणे

PMC Pune Digital Services | पुणे महानगरपालिका आणि स्मार्ट सिटीच्या डिजिटल सेवांनी जी-२० बैठकीसाठी आलेले प्रतिनिधी प्रभावित

PMC Pune Digital Services | पुणे स्मार्ट सिटी (Pune Smart City) आणि पुणे महानगरपालिकेतर्फे (Pune Municipal Corporation) नागरिकांसाठी माहिती तंत्रज्ञानावर (IT) आधारित विविध उपयोजक, संकेतस्थळ आणि ऑनलाईन सुविधांची अंमलबजावणी करण्यात येत आहे. जी-२० बैठकीसाठी बैठकीसाठी (G 20 Summit in Pune) आलेल्या प्रतिनिधींसमोर याचे सादरीकरण करण्यात आले. टांझानिया (Tanzaniya) , केनिया (Kenyia) , सिएरा लिओन (Siara Leone)व अन्य देशांच्या प्रतिनिधींनी औत्सुक्याने या प्रकल्पांची माहिती घेतली आणि प्रकल्पाच्या अंमलबजावणीचे कौतुक केले. त्यांच्या देशातही नागरिकांसाठी सुविधा देणारे माहिती तंत्रज्ञानावर आधारित प्रकल्प राबविण्याचा मनोदय व्यक्त केला. असे पुणे महानगरपालिकेच्या माहिती तंत्रज्ञान विभागाचे प्रमुख राहुल जगताप (PMC IT Deparment Head Rahul Jagtap) यांनी सांगितले. (PMC Pune Digital Services)

 

जी-२० डिजिटल अर्थव्यवस्था (G 20 Digital Economy Working Group) कार्यगट बैठकीच्या पार्श्वभूमीवर हॉटेल जे डब्ल्यू मेरिएट येथे केंद्र शासनाच्या इलेक्ट्रॉनिक्स व माहिती तंत्रज्ञान मंत्रालयामार्फत आयोजित प्रदर्शनाला बैठकीसाठी आलेल्या प्रतिनिधींनी भेट देऊन विविध दालनांची माहिती घेतली. भारतातील डिजीटल सेवांबाबत विशेष रुची दाखवताना डिजिटल सामर्थ्याचे दर्शन घडविणारे हे प्रदर्शन पाहून परदेशी प्रतिनिधी प्रभावित झाले.

भारतातील डिजीटल प्रगतीसंदर्भात यावेळी सदस्यांनी माहिती घेतली आणि विविध नाविन्यपूर्ण उपक्रमात विशेष रुची दाखवली. जागतिक पातळीवर तांत्रिकदृष्ट्या मागे असलेल्या देशांना भारताने नेहमीच सहकार्य केले असल्यामुळे येणाऱ्या काळात भारताकडून प्रगत डिजिटल तंत्रज्ञान मिळण्याची अपेक्षा आहे. भारतात डिजीटल सार्वजनिक पायाभूत सुविधांविषयी (DPI – Digital Public Infrastructure) अनेक चांगले उपक्रम राबविण्यात येत असल्याचे त्यांनी सांगितले.

या प्रदर्शनात आधार, युपीआय प्रणाली, डिजीलॉकर, उमंग उपयोजक, शैक्षणिक उपयोगी दीक्षा उपयोजक व संकेतस्थळ, भाषिनी उपयोजक व संकेतस्थळ, ई-संजीवनी राष्ट्रीय टेलीमेडीसीन प्रणाली, सहकारी कृषी पणन बाजारपेठ जोडणीचा ई-नाम प्रकल्प आणि सॉईल हेल्थ कार्ड, ओपन नेटवर्क फॉर डिजिटल कॉमर्स (ओएनडीसी), डीजीटल प्लॅटफॉर्मबाबत माहितीपूर्ण दालनांतून या प्रकल्पांची माहिती प्रतिनिधींनी उत्सुकतेने घेतली.

आधार, भाषिणी ॲपबाबत विशेष रुची

रुग्णांना दूरध्वनीवर किंवा ऑनलाईन वैद्यकीय सल्ला देण्यासंदर्भातील ई-संजीवनी योजनेबाबत माहिती देणाऱ्या दालनाला सुरीनाम आणि सिएरा लिओनच्या प्रतिनिधींनी भेट दिली. ऑनलाईन पद्धतीने या सेवेचा लाभ घेण्याबाबतची प्रक्रीया त्यांनी प्रात्यक्षिकाच्या माध्यमातून जाणून घेतली. युपीआय व आधार ओळख प्रणालीच्या उपक्रमाची माहिती प्रतिनिधींनी बारकाईने जाणून घेतली. केंद्रीय इलेक्ट्रॉनिक्स व माहिती तंत्रज्ञान विभागाचे सचिव अल्केश कुमार शर्मा यांनी माहिती दिली. भारतातील ‘भाषिणी’ ॲप हे अत्यंत नाविन्यपूर्ण असून सर्वांसाठी सहज उपलब्ध असा हा शब्दकोष असल्याची प्रतिक्रिया सुरीनामच्या प्रतिनिधींनी व्यक्त केली.

पुणे शहर व राज्याच्या इतर भागातील नागरिकांनीदेखील प्रदर्शनाला भेट देऊन माहिती घेतली. विशेषत: उमंग आणि भाषिणी ॲपचे भेट देणाऱ्यांना विशेष आकर्षण होते.

News Title |PMC Pune Digital Services | Pune Municipal Corporation and smart city’s digital services impressed delegates for G-20 meeting

Salary System | महापालिका सेवकांच्या वेतन प्रणालीत होणार सुधारणा! | पे रोल, शिक्षण विभाग व सेवानिवृत्त सेवकांना एकत्रितपणे जोडणार

Categories
Breaking News PMC पुणे

महापालिका सेवकांच्या वेतन प्रणालीत होणार सुधारणा!

| पे रोल, शिक्षण विभाग व सेवानिवृत्त सेवकांना एकत्रितपणे जोडणार

पुणे | महापालिका सेवक वेतन व सेवानिवृत्त सेवक वेतन प्रणालीमध्ये (Pay Roll and Pension Software) सुधारणा करून त्याचे अद्यावतीकरण केले जाणार आहे.    पे रोल वरील सेवक, सेवानिवृत्त सेवक आणि शिक्षण विभागाकडील सेवक अशा सर्वांना एकत्रितपणे जोडले जाणार आहे.  याचा चांगला फायदा सेवानिवृत्त सेवकांना (Retired Employee) होणार आहे. त्यांची प्रकरणे प्रलंबित राहणार नाहीत आणि त्यांना लवकरात लवकर पेन्शन मिळण्यास सुरुवात होणार आहे. महापालिका आयुक्त विक्रम कुमार (PMC commissioner Vikram Kumar) यांनी 2023-24 च्या अर्थसंकल्पात यासाठी तरतूद केली आहे. लवकरच याबाबतची टेंडर प्रक्रिया सुरु केली जाणार आहे. आगामी 3 महिन्यात याचे काम पूर्ण होणे अपेक्षित आहे.

महापालिका सेवकांच्या वेतनासाठी महापालिकेकडून सेवक वेतन व सेवानिवृत्त सेवक वेतन प्रणाली (pay Roll and pension software) वापरली जाते. मात्र यात बऱ्याच तांत्रिक अडचणी निर्माण होताना दिसताहेत. कारण ही प्रणाली आता जुनी झाली आहे. त्याचे आधुनिकीकरण आवश्यक असते. जेणेकरून प्रणालीत सुटसुटीतपणा येईल आणि वेतन करण्यात गतिमानता येईल. त्यानुसार महापालिका आयुक्त विक्रम कुमार यांनी या प्रणालीचे अद्ययावतीकरण करण्याबाबत आगामी अंदाजपत्रकात तरतूद केली आहे. यासाठी 80-90 लाखांचा खर्च अपेक्षित आहे.

त्यानुसार पुणे महानगरपालिकेतील सेवकांच्या माहितीचे संगणक प्रणालीद्वारे व्यवस्थापन करणे, सेवकांचे वेतन बिले अदा करण्याची संगणक प्रणाली तयार करणे व सेवक निवृत्त झाल्यावर सेवानिवृत्त वेतन अदा करण्याची संगणक प्रणाली एकमेकांना जोडून अद्ययावत तंत्रज्ञानावर आधारीत तयार करणे. अशी कामे या माध्यमातून केली जाणार आहेत. पे रोल वरील सेवक, सेवानिवृत्त सेवक आणि शिक्षण विभागाकडील सेवक अशा सर्वांना एकत्रितपणे जोडले जाणार आहे. सर्वाधिक फायदा सेवानिवृत्त सेवकांना होणार आहे. कारण आता या सेवानिवृत्त सेवकांची खूप प्रकरणे प्रलंबित राहतात. त्यामुळे या कर्मचाऱ्यांना आर्थिक संकटाचा सामना करावा लागतो. मात्र या प्रणालीमुळे सेवानिवृत्त सेवकांच्या पेन्शनचा मार्ग सुकर होणार आहे. तसेच पे रोल वरील सेवकांना देखील याचा चांगला फायदा होणार आहे. कारण यातून बिल क्लार्कला कामात गतिमानता आणता येणार आहे.
—-
महापालिका सेवक वेतन व सेवानिवृत्त सेवक वेतन प्रणालीमध्ये सुधारणा करणे आवश्यक आहे. कारण ही प्रणाली जुनी झाली आहे. त्यानुसार महापालिका आयुक्तांनी अर्थसंकल्पात याबाबत तरतूद केली आहे. पे रोल वरील सेवक आणि सेवानिवृत्त सेवक अशा दोघांना याचा फायदा होणार आहे. यामुळे वेतन बाबतच्या कामात गतिमानता येणार आहे. याबाबतची टेंडर प्रक्रिया लवकरच सुरु करण्यात येईल.

– राहूल जगताप, विभाग प्रमुख, माहिती व तंत्रज्ञान विभाग. 

Heritage Walk | आता ‘हेरिटेज वॉक’चे तिकीट देखील ऑनलाईन!  | पुणे महापालिकेने उपलब्ध करून दिली सुविधा 

Categories
Breaking News cultural PMC social पुणे

आता ‘हेरिटेज वॉक’चे तिकीट देखील ऑनलाईन!

| पुणे महापालिकेने उपलब्ध करून दिली सुविधा

पुणे | पुणे महापालिका नागरिकांना विविध सुविधा उपलब्ध करून देते. महापालिकेकडून खूप साऱ्या सुविधा ऑनलाईन पद्धतीने उपलब्ध करून दिल्या जात आहेत. जेणेकरून नागरिकांना रांगेत उभे राहण्याची वेळ येऊ नये. महापालिकेकडून उद्यानाच्या तिकीट ची सुविधा देखील ऑनलाईन पद्धतीने उपलब्ध करून दिली आहे. त्याच धर्तीवर आता महापालिकेकडून हेरिटेज वॉक चे तिकीट देखील ऑनलाईन पद्धतीने उपलब्ध करून दिले जाणार आहे. याबाबतचे पोर्टल तयार करण्यात आले असून लवकरच नागरिकांना याचा लाभ देण्यास सुरुवात होईल. अशी माहिती महापालिकेच्या संगणक आणि भवन विभागाकडून देण्यात आली. (Heritage walk)
पुणे शहराला समृद्ध असा सांस्कृतिक आणि ऐतिहासिक वारसा लाभला आहे. त्यामुळे देश विदेशातील लोक पुण्याकडे आकर्षित होतात. साहजिकच पुणे शहर हे पर्यटन क्षेत्र म्हणून उदयास येत आहे. पुणे शहरात शनिवारवाडा, लाल महल, विश्रामबागवाडा सारख्या महत्वाच्या ऐतिहासिक वास्तू आहेत. याची पर्यटकांना इत्यंभूत माहिती मिळावी, याकरता पुणे महापालिका प्रशासनाकडून हेरिटेज वॉक ही संकल्पना सुरु केली. त्याला देश आणि विदेशातील पर्यटकांकडून चांगला प्रतिसाद मिळू लागला. महापालिकेकडून 9-10 स्थळासाठी हेरिटेज वॉक ची संकल्पना सुरु केली. यामध्ये शनिवारवाडा, विश्रामबागवाडा, कसबा गणपती,  लाल महाल, नाना वाडा,  तुळशीबाग राममंदिर, महात्मा फुले  मंडई, श्रीमंत दगडूशेठ गणपती, बेलबाग मंदिर, पुणे नगर वाचन मंदिर,  भाऊसाहेब रंगारी गणपती, तांबडी जोगेश्वरी मंदिर या स्थळांचा समावेश आहे. (PMC pune)
महापालिका प्रशासनाच्या माहितीनुसार या स्थळांना भेट देण्यास आलेल्या पर्यटकांना संबंधित वास्तूचे दर्शन घडवून त्याची सविस्तर माहिती दिली जाते. यासाठी नागरिकांना तिकीट दिले जाते. त्याचे दर देखील महापालिका मुख्य सभेने ठरवून दिले आहेत. त्यानुसार विद्यार्थ्यांसाठी 100 रुपये, प्रौढ नागरिकांना 300 रुपये तर विदेशी नागरिकांना 500 रुपये तिकीट आकारण्यात येते. दर शनिवारी ही सुविधा उपलब्ध करून दिली जाते. (Pune municipal corporation)
—–
सद्यस्थितीत हेरिटेज वॉक चे तिकीट ऑफलाईन दिले जाते. मात्र आगामी काळात हे तिकीट ऑनलाईन उपलब्ध होणार आहे. ऑनलाईन साठी देखील तिकीट दर ऑफलाईन सारखाच राहणार आहे. ऑनलाईन तिकिटाच्या माध्यमातून नागरिकांना त्यांच्या वेळेचे schedule ठरवून दिले जाईल. यासाठीचे पोर्टल तयार करण्यात आले असून लवकरच त्यावर अंमल केला जाईल.
– राहुल जगताप, सांख्यिकी व संगणक विभाग प्रमुख 
—-

Information and Technology Department | अखेर राहुल जगताप यांच्याकडे माहिती व तंत्रज्ञान विभागाचा पदभार  | आता वेतन आयोग संबंधित सर्व प्रश्न तात्काळ मार्गी लागण्याची शक्यता

Categories
Breaking News PMC पुणे

अखेर राहुल जगताप यांच्याकडे माहिती व तंत्रज्ञान विभागाचा पदभार

| आता वेतन आयोग संबंधित सर्व प्रश्न तात्काळ मार्गी लागण्याची शक्यता

पुणे | गेल्या काही दिवसापासून महापालिकेचा माहिती आणि तंत्रज्ञान विभाग चांगलाच टीकेचा धनी झाला होता. कारण विभागाशी संबंधित कामे अपूर्ण राहत होती. खासकरून वेतन आयोग आणि फरकाच्या रकमेबाबत विभागाची खूप आलोचना झाली होती. चर्चा अशी होती कि राहुल जगताप यांचा पदभार काढल्याने कामकाजात फरक पडला आहे. अखेर महापालिका आयुक्तांना याकडे लक्ष द्यावे लागले. महापालिका आयुक्तांनी उपायुक्त प्रतिभा पाटील यांच्याकडील पदभार संपुष्टात आणून विभागाचे कामकाज राहुल जगताप यांच्याकडे सोपवले आहे.
राज्य सरकारकडून प्रतिनियुक्ती वर आलेल्या उपायुक्त प्रतिभा पाटील यांच्याकडे माहिती आणि तंत्रज्ञान विभागाचा पदभार सोपवण्यात आला होता. मात्र यामुळे वर्षानुवर्षे याच पदावर कामकाज करणारे सिस्टीम मॅनेजर राहुल जगताप हे नाराज असल्याचे मानले जात होते. त्यामुळे विभागाच्या कामकाजावर परिणाम झालेला दिसून आला. कारण सर्व तांत्रिक कामाबाबत प्रतिभा पाटील या जगताप यांच्यावर अवलंबून होत्या. तरीही कामकाजात गती येत नव्हती. महापालिका कर्मचाऱ्यांच्या वेतन आयोगातील फरकाच्या रकमेबाबत खूप वेळ लागत असल्याने हा विभाग चांगलाच प्रकाशात आला होता. कारण गेल्या चार महिन्यापासून फरकाची रक्कम मिळालेली नव्हती. याला विभागातील अंतर्गत राजकारण कारणीभूत मानले जात होते. अखेर यात महापालिका आयुक्तांना गंभीरपणे लक्ष द्यावे लागले. महापालिका आयुक्तांनी आयुक्तांनी उपायुक्त प्रतिभा पाटील यांच्याकडील पदभार संपुष्टात आणून विभागाचे कामकाज राहुल जगताप यांच्याकडे सोपवले आहे. यामुळे आता विभागाच्या कामकाजात गती येईल, असे मानले जात आहे. तसेच महापालिका कर्मचाऱ्यांचे वेतन आयोग संबंधित सर्व प्रश्न सुटतील आणि त्यांना वेळेवर रक्कम मिळेल, अशी अपेक्षा व्यक्त केली जात आहे.