PMC Teacher Agitation Latest News | शिक्षण सेवकांच्या प्रस्तावासंदर्भात नगरविकासकडे पाठपुरावा करु | पालकमंत्री चंद्रकांतदादा पाटील यांची ग्वाही

Categories
Breaking News Education PMC Political social पुणे

PMC Teacher Agitation Latest News | शिक्षण सेवकांच्या प्रस्तावासंदर्भात नगरविकासकडे पाठपुरावा करु

| पालकमंत्री चंद्रकांतदादा पाटील यांची ग्वाही

PMC Teacher Agitation Latest News | पुणे महापालिकेच्या (Pune Municipal Corporation) शिक्षण सेवकांच्या मानधनासंदर्भातील शासन आदेश तातडीने लागू करा, असे निर्देश पालकमंत्री चंद्रकांतदादा पाटील (Guardian Minister Chandrakant Patil) यांनी आज दिले‌. तसेच, महापालिकेने ९३ शिक्षण सेवकांसदर्भातील नगरविकासकडे पाठविलेल्या प्रस्तावासंदर्भात पाठपुरावा करु, अशी ग्वाही नामदार पाटील यांनी दिली. (PMC Teacher Agitation Latest News)

पुणे महापालिकेच्या प्राथमिक शाळेत (PMC Primary Schools) मानधनावर काम करणाऱ्या ९३ शिक्षण सेवकांच्या मागण्यांसंदर्भात पालकमंत्री चंद्रकांतदादा पाटील यांच्या अध्यक्षतेखाली आज बैठक झाली.‌ या बैठकीला महापालिका आयुक्त विक्रम कुमार, अतिरिक्त आयुक्त रवींद्र बिनवडे, कुणाल‌ खेमनार, शिक्षण प्रमुख मिनाक्षी राऊत, भाजपा प्रवक्ते संदीप खर्डेकर यांच्यासह शिक्षण सेवकांचे प्रतिनिधी उपस्थित होते. (PMC Pune News)

पुणे महापालिकेच्या प्राथमिक शाळांमध्ये २००९ आणि २०११ मध्ये टप्प्याटप्प्याने रजा मुदत शिक्षण सेवकांची भरती करण्यात आली होती. सदर शिक्षण सेवकांच्या शिक्षण सेवकांच्या मासिक मानधनात वाढ करण्याचा निर्णय राज्य शासनाने निर्णय घेतला असून, त्या संदर्भातील शासन आदेश राज्यभर लागू करण्यात येत आहे. सदर शासन आदेशाची तातडीने अंमलबजावणी करुन शिक्षण सेवकांच्या मानधनात वाढ करण्याचे निर्देश पालकमंत्री चंद्रकांतदादा पाटील यांनी आजच्या बैठकीत दिले. (PMC Pune Education Department)

तसेच, ९३ शिक्षण सेवकांना सेवेत नियमीत करण्याचे आदेश माननीय मुंबई उच्च न्यायालयाने दिले असून, त्यासंदर्भातील प्रस्ताव महापालिकेने नगर विकास विभागाकडे पाठविला आहे. त्याचा पाठपुरावा करुन, लवकरच शिक्षण सेवकांना दिलासा मिळेल, अशी ग्वाही यावेळी पालकमंत्र्यांनी दिली. (Pune Municipal Corporation News)


News Title| PMC Teacher Agitation Latest News | We will follow up with Nagar Vikas regarding the proposal of Shikshan Sevak | Guardian Minister Chandrakantada Patil’s testimony

PMC Teachers Agitation Update | शिक्षण सेवक आमरण उपोषण 4था दिवस  |  उच्च न्यायालयाने निर्णय दिलेला असताना प्रस्ताव नगरविकास विभागाकडे का पाठवला?

Categories
Breaking News Education PMC Political social पुणे

PMC Teachers Agitation Update | शिक्षण सेवक आमरण उपोषण 4था दिवस  |  उच्च न्यायालयाने निर्णय दिलेला असताना प्रस्ताव नगरविकास विभागाकडे का पाठवला? 

| विविध पक्षांच्या नेत्यांचा महापालिका प्रशासनाला प्रश्न 

PMC Teachers Agitation Update  | पुणे महापालिकेच्या शिक्षण विभागात (PMC Education Department) काम करणाऱ्या रजा मुदतीतील ९3 शिक्षण सेवकांना नियमित वेतनश्रेणी २०१७ (एप्रिल) पासून लागू करावी. या मागणीसाठी सर्व शिक्षण सेवक गेल्या चार  दिवसापासून महापालिका भवनासमोर आमरण उपोषणास (Agitation) बसले आहेत.  त्यांच्या आंदोलनाला सर्वच राजकीय पक्षांनी आणि विविध संघटनांनी पाठिंबा दिला आहे. या शिक्षण सेवकांना कायम करण्याबाबतचा प्रस्ताव महापालिका प्रशासनाने राज्याच्या नगरविकास विभागाकडे पाठवला आहे. मात्र उच्च न्यायालयाने सेवकांच्या बाजूने निर्णय दिलेला असताना पुन्हा हा प्रस्ताव राज्य सरकारकडे पाठवण्याची काय आवश्यकता होती, असा प्रश्न राजकीय नेत्यांनी महापालिका प्रशासनाला विचारला आहे.  (PMC Teachers Agitation update)

93 शिक्षण सेवकांना कायम करण्याबाबतचा आदेश २४ फेब्रुवारीस महापालिका प्रशासनास प्राप्त झाला आहे. मात्र आज  ४ महिने होऊनही उच्चन्यायालयाच्या आदेशास केराची टोपली दाखवून प्रशासन आम्हास झुलवत आहे. असा आरोप आंदोलनकर्त्या शिक्षण सेवकांनी केला असून ते गेल्या 4  दिवसापासून आंदोलास बसले आहेत.  उच्च न्यायालयाने  दिलेल्या आदेशानुसार तात्काळ कार्यवाही करावी. अशीआमची मागणी आहे. जोपर्यंत कार्यवाही करण्यात येत नाही तोपर्यंत आमचं आमरण उपोषण असंच चालू राहील. असं आंदोलनकर्त्यांनी सांगितले आहे. (PMC Pune News)

दरम्यान चौथ्या विविध पक्षाच्या राजकीय नेत्यांनी या आंदोलनकर्त्यांची भेट घेत त्यांना दिलासा दिला. काही लोकांनी प्रशासनाशी संवाद करत सेवकांना न्याय मिळवून देण्याचे आश्वासन दिले. 

| आंदोलनकर्त्यांना आज कोण भेटले?

आमदार सुनिल टिंगरे, माजी महापौर मुरलीधर मोहोळ, दत्ता धनकवडे, माजी नगरसेवक विशाल तांबे, दीपक मानकर, काँग्रेसचे माजी शहर अध्यक्ष रमेश बागवे, शिक्षण मंडळाचे माजी अध्यक्ष प्रदीप धुमाळ.

| काही आंदोलकांची प्रकृती ढासळली 

एका आंदोलक महिलेला चक्कर आली व पाठीत दुखत होते. तसेच उलटी झाल्याने व बसण्यास त्रास होत असल्याने कमला नेहरू रुग्णालयात admit करण्यात आले.

—–

शिक्षण सेवकांना कायम करून घेण्याबाबत उच्च न्यायालयाने आदेश दिले आहेत. याबाबत सरकारला दंड देखील करण्यात आला आहे. असे असताना शिक्षण सेवकांना कायम करण्याबाबतचा प्रस्ताव राज्याच्या नगरविकास विभागाकडे पाठवण्याची गरज नव्हती. तरीही आम्ही राज्य सरकारकडे याचा पाठपुरावा करून शिक्षण सेवकांना न्याय मिळवून देऊ.

मुरलीधर मोहोळ, माजी महापौर 

आमरण उपोषणास बसलेल्या शिक्षण सेवकांचा प्रश्न समजून घेत याबाबत महापालिका आयुक्तांशी चर्चा केली. याबाबत आयुक्तांनी सकारात्मक निर्णय घेण्याचे आश्वासन दिले आहे.

– सुनिल टिंगरे, आमदार, वडगावशेरी.

उच्च न्यायालयाने दिलेल्या निर्णयानुसार या शिक्षण सेवकांना महापालिका सेवेत कायम करून घेणे आवश्यक आहे. त्यानुसार मी आणि आमदार सुनिल टिंगरे यांनी महापालिका आयुक्तांची भेट घेतली. आयुक्तांनी याबाबत सकारात्मक प्रतिसाद दिला आहे.

दत्ता धनकवडे, माजी महापौर 

——-

News Title | PMC Teachers Agitation Update | 4th day of hunger strike by education workers | Why was the proposal sent to the Urban Development Department when the High Court had given its decision?

PMC Teachers Agitation Update | रजा मुदतीतील शिक्षण सेवकांच्या आमरण उपोषणाला सुप्रिया सुळेंचे समर्थन

Categories
Breaking News Education PMC Political पुणे

PMC Teachers Agitation Update | रजा मुदतीतील शिक्षण सेवकांच्या आमरण उपोषणाला सुप्रिया सुळेंचे समर्थन 

| आंदोलनकर्त्यांची भेट घेत दिला दिलासा 

PMC Teachers Agitation Update  | पुणे महापालिकेच्या शिक्षण विभागात (PMC Education Department) काम करणाऱ्या रजा मुदतीतील ९3 शिक्षण सेवकांना नियमित वेतनश्रेणी २०१७ (एप्रिल) पासून लागू करावी. या मागणीसाठी सर्व शिक्षण सेवक गेल्या तीन दिवसापासून महापालिका भवनासमोर आमरण उपोषणास (Agitation) बसले आहेत.  त्यांच्या आंदोलनाला काँग्रेस आणि भाजपने पाठिंबा दिला आहे. त्यानंतर राष्ट्रवादीने देखील समर्थन दिले आहे. राष्ट्रवादीच्या कार्याध्यक्ष आणि खासदार सुप्रिया सुळे आणि माजी नगरसेवक विशाल तांबे यांनी रविवारी रात्री या आंदोलनकर्त्यांची भेट घेत त्यांना दिलासा दिला. (PMC Teachers Agitation update)

खासदार सुप्रिया सुळे यांनी आंदोलनाकर्त्याची भेट घेत त्यांचा प्रश्न समजून घेतला. तसेच आंदोलनकर्त्यांना साखळी पद्धतीने आंदोलन करण्याची सूचना केली. तसेच महापालिका प्रशासनाने सवेंदनशील पणे प्रश्न हाताळण्याची मागणी केली. याआधी देखील खासदार सुप्रिया सुळे यांनी हा प्रश्न सोडवण्याबाबत महापालिका आयुक्तांशी चर्चा केली होती. त्यानंतर आज देखील चर्चा केली. त्यामुळे हा प्रश्न लवकर सुटेल, असे मानले जात आहे. (PMC Education Department)

दरम्यान या आंदोलनाला उर्दू शिक्षक संघटनेने देखील पाठिंबा दिला आहे.

शिक्षण सेवकांना कायम करण्याबाबतचा आदेश २४ फेब्रुवारीस महापालिका प्रशासनास प्राप्त झाला. मात्र आज  ४ महिने होऊनही उच्चन्यायालयाच्या आदेशास केराची टोपली दाखवून प्रशासन आम्हास झुलवत आहे. असा आरोप आंदोलनकर्त्या शिक्षण सेवकांनी केला असून ते गेल्या तीन दिवसापासून आंदोलास बसले आहेत.  सन 2009 पासून ९3 रजा मुदत शिक्षक इमाने इतबारे केवळ ६०००/- रू च्या एकवट मानधनावर काम करीत आहेत. विदयेच्या माहेरघरात आज शिक्षकांची अतिशय दयनीय अवस्था आहे. प्रशासनासला केव्हा  जाग येणार? असा प्रश्न देखील या आंदोलनकर्त्यांनी विचारला आहे. (Pune Municipal Corporation)

कमी पगारातही आमच्या सर्व शिक्षकांनी कामात कोणतीही दिरंगाई केली नाही. शिष्यवृत्ती परिक्षा, मंथन, NMMS परिक्षेत आमची मुले घवघवीत यश प्राप्त करीत आहेत. ज्ञानदान करणा-या शिक्षकास अशा प्रकारची वागणूक देणा-या आमच्याच प्रशासनास आम्ही काय म्हणावे? एका रात्रीतून २१९ एकतर्फी शिक्षक भरले जातात. तर दुसरीकडे आपले शिक्षक वाऱ्यावर सोडून द्यायचे आणि दुसऱ्यांना आत घ्यायचे.  हा कोणता प्रशासनाचा न्याय? असा प्रश्न आंदोलनकर्त्यांनी केला आहे. (PMC Pune Education Department)

 उच्च न्यायालयाने 24फेब्रुवारी,2023 दिलेल्या आदेशानुसार तात्काळ कार्यवाही करावी.अशीआमची मागणी आहे. जोपर्यंत कार्यवाही करण्यात येत नाही तोपर्यंत आमचं आमरण उपोषण असंच चालू राहील. असं आंदोलनकर्त्यांनी सांगितले आहे. (PMC Pune News)

——-

News Title |  PMC Teachers Agitation Update |  Supriya Sule’s support for the hunger strike of education workers during the leave period |  Met the agitators and gave relief

PMC Teachers Agitation | रजा मुदतीतील शिक्षण सेवकांचे पुणे महापालिकेसमोर आमरण उपोषण

Categories
Breaking News Education PMC पुणे

PMC Teachers Agitation | रजा मुदतीतील शिक्षण सेवकांचे पुणे महापालिकेसमोर आमरण उपोषण 

PMC Teachers Agitation | पुणे महापालिकेच्या शिक्षण विभागात (PMC Education Department) काम करणाऱ्या रजा मुदतीतील ९3 शिक्षण सेवकांना नियमित वेतनश्रेणी २०१७ (एप्रिल) पासून लागू करावी. असा उच्च न्यायालयाने (High. Court) आदेश दिला आहे. या उच्च न्यायालयाच्या आदेशावर महापालिकेने अमल करावा. या मागणीसाठी सर्व शिक्षण सेवक महापालिका भवनासमोर आमरण उपोषणास (Agitation) बसले आहेत.  (PMC Teachers Agitation) 

शिक्षण सेवकांना कायम करण्याबाबतचा आदेश २४ फेब्रुवारीस महापालिका प्रशासनास प्राप्त झाला. मात्र आज  ४ महिने होऊनही उच्चन्यायालयाच्या आदेशास केराची टोपली दाखवून प्रशासन आम्हास झुलवत आहे. असा आरोप आंदोलनकर्त्या शिक्षण सेवकांनी केला. सन 2009 पासून ९3 रजा मुदत शिक्षक इमाने इतबारे केवळ ६०००/- रू च्या एकवट मानधनावर काम करीत आहेत. विदयेच्या माहेरघरात आज शिक्षकांची अतिशय दयनीय अवस्था आहे. प्रशासनासला केव्हा  जाग येणार? असा प्रश्न देखील या आंदोलनकर्त्यांनी विचारला आहे. (Pune Municipal Corporation) 

93 कुटूंबांनी खूप हाल अपेष्टा सहन केल्या आणि अजूनही करीत आहोत. आज १४ वर्षातील एकही दिवस आम्हांला सुख समाधानाचा, गेला नाही. आमची कुटुंबाची आर्थिक व्यवस्था पूर्णपणे ढासळली आहे. अतिशय तुटपुंत्र्या मानधनात अक्खे कुटुंब, मुलांच पालन पोषण, शिक्षण अशा अनेक जबाबदाऱ्या आम्हाला पार पाडाव्या लागत आहेत. आम्हा शिक्षकांना न्याय कधी मिळणार?याच प्रतिक्षेत आम्ही सर्वजण आहोत.  कमी पगारातही आमच्या सर्व शिक्षकांनी कामात कोणतीही दिरंगाई केली नाही. शिष्यवृत्ती परिक्षा, मंथन, NMMS परिक्षेत आमची मुले घवघवीत यश प्राप्त करीत आहेत. ज्ञानदान करणा-या शिक्षकास अशा प्रकारची वागणूक देणा-या आमच्याच प्रशासनास आम्ही काय म्हणावे? एका रात्रीतून २१९ एकतर्फी शिक्षक भरले जातात. तर दुसरीकडे आपले शिक्षक वाऱ्यावर सोडून द्यायचे आणि दुसऱ्यांना आत घ्यायचे.  हा कोणता प्रशासनाचा न्याय? असा प्रश्न आंदोलनकर्त्यांनी केला आहे. (PMC Pune Education Department) 

 उच्च न्यायालयाने 24फेब्रुवारी,2023 दिलेल्या आदेशानुसार तात्काळ कार्यवाही करावी.अशीआमची मागणी आहेजोपर्यंत कार्यवाही करण्यात येत नाही तोपर्यंत आमचं आमरण उपोषण असंच चालू राहील. असं आंदोलनकर्त्यांनी सांगितले आहे. (PMC Pune News)

——-

News Title | Fast to death in front of Pune Municipal Corporation of education servants on leave