Tag: Dr Bhagwan pawar

PMC Health Officer | डॉ भगवान पवार पुन्हा पुणे महापालिकेचे आरोग्य प्रमुख | राज्य सरकारकडून आदेश जारी

Categories
Breaking News PMC आरोग्य पुणे

PMC Health Officer | डॉ भगवान पवार पुन्हा पुणे महापालिकेचे आरोग्य प्रमुख | राज्य सरकारकडून आदेश जारी

| डॉ पवारांनी मॅट मध्ये केले होते अपील

PMC Health Officer | पुणे महापालिकेचे आरोग्य प्रमुख म्हणून डॉ भगवान पवार (Dr Bhagwan Pawar) यांची राज्य सरकारकडून पुन्हा एकदा नियुक्ती करण्यात आली आहे. महापालिकेने बदली केल्यानंतर पवार बदली विरोधात मॅट (MAT) अर्थात महाराष्ट्र प्रशासकीय न्यायाधिकरण येथे अपील केले होते. मॅट ने त्यांच्या बाजूने निकाल दिला आहे. त्यानुसार राज्य सरकारने हे आदेश जारी केले आहेत. शिवाय फार वेळ न दवडता आदेशास अनुसरून कार्यवाही करावी, असे आदेश राज्याच्या नगरविकास विभागाने महापालिका आयुक्तांना दिले आहेत. (PMC Health Department)
डॉ पवार यांची पुणे महापालिकेतून नुकतीच बदली करण्यात आली होती. डॉ पवार यांच्याकडे सहायक संचालक, आरोग्य सेवा (अंधत्व नियंत्रण कार्यक्रम), मुंबई हा पदभार देण्यात आला होता. 10 मार्च ला डॉ भगवान पवार यांना महापालिका आरोग्य प्रमुख पदी प्रतिनियुक्तीने नियुक्त करण्यात आले होते. मात्र सहा महिन्यांनंतर पुन्हा डॉ पवार यांची बदली करण्यात आली. त्यामुळे डॉ पवार यांनी या विरोधात मॅट मध्ये अपील केले होते.

राज्य सरकारने आदेशात काय म्हटले आहे?

डॉ. भगवान पवार, आरोग्य अधिकारी, पुणे महानगरपालिका यांची सार्वजनिक आरोग्य विभागाने दि.०५.०९.२०२३ च्या शासन आदेशान्वये बदलीने सहाय्यक संचालक, आरोग्य सेवा (अंधत्व नियंत्रण कार्यक्रम), मुंबई येथे नियुक्ती केलेली आहे. त्यास अनुसरून पुणे महानगरपालिकेने दि.०५.०९.२०२३ रोजी डॉ. पवार यांना कार्यमुक्त केलेले आहे. या बदलीच्या
नियुक्तीबाबत डॉ. पवार यांनी मा. महाराष्ट्र प्रशासकीय न्यायाधिकरण (मॅट) येथे (O.A.No. १२५५/२०२३) याचिका दाखल केलेली आहे. सदरहू याचिकेमध्ये मा. महाराष्ट्र प्रशासकीय न्यायाधिकरण (मॅट) यांनी दि.११.१०.२०२३ रोजी आदेश पारित केलेले आहेत. यामध्ये कुठेही पुनश्च: नगर विकास विभागाचे आदेश अभिप्रेत नाही. मा. न्यायाधिकरणाचे (मॅट) आदेश स्वयंस्पष्ट आहेत. महानगरपालिकेने याबाबत अनावश्यक संदर्भ करून शासनाच्या वेळेचा अपव्यय न करता मा. महाराष्ट्र प्रशासकीय न्यायाधिकरण (मॅट) यांच्या आदेशास अनुसरून पुढील कार्यवाही करावी.
—//

PMC Health Officer | आरोग्य प्रमुखांचा अतिरिक्त पदभार डॉ कल्पना बळिवंत यांच्याकडे!

Categories
Breaking News PMC आरोग्य पुणे

PMC Health Officer | आरोग्य प्रमुखांचा अतिरिक्त पदभार डॉ कल्पना बळिवंत यांच्याकडे!

PMC Health Officer | पुणे महापालिकेचे आरोग्य प्रमुख डॉ भगवान पवार (Dr Bhagwan Pawar) यांची राज्य सरकारकडून बदली करण्यात आली आहे. त्यामुळे या पदाचा अतिरिक्त पदभार उप आरोग्य अधिकारी डॉ कल्पना बळिवंत (Dr Kalpana Baliwant) यांच्याकडे देण्यात आला आहे. महापालिका आयुक्त विक्रम कुमार यांनी याबाबत आदेश जारी केले आहेत. (PMC Health Department)
डॉ भगवान पवार यांच्याकडे सहायक संचालक, आरोग्य सेवा (अंधत्व नियंत्रण कार्यक्रम), मुंबई हा पदभार देण्यात आला आहे. पवार यांना कार्यमुक्त करण्यात आले आहे. दरम्यान यामुळे पुणे महापालिकेचे आरोग्य प्रमुख (PMC Health Officer) पद पुन्हा एकदा रिक्त झाले आहे. आता तरी पुणे महापालिकेच्या अधिकाऱ्याला पूर्ण वेळ आरोग्य प्रमुख होण्याची संधी दिली जाणार का, असा प्रश्न विचारला जात आहे. सध्या तरी या पदाचा अतिरिक्त पदभार उप आरोग्य अधिकारी डॉ कल्पना बळिवंत देण्यात आला आहे. (PMC Health Department)
—-
News Title | PMC Health Officer | Dr. Kalpana Balivant has the additional charge of health chief!

PMC Health Officer | महापालिका आरोग्य प्रमुख डॉ भगवान पवार यांची 6 महिन्यांत बदली!

Categories
Breaking News PMC social आरोग्य पुणे

PMC Health Officer | महापालिका आरोग्य प्रमुख डॉ भगवान पवार यांची 6 महिन्यांत बदली!

| राज्य सरकारकडून आदेश जारी

PMC Health Officer | पुणे महापालिकेचे आरोग्य प्रमुख डॉ भगवान पवार (Dr Bhagwan Pawar) यांची राज्य सरकारकडून बदली करण्यात आली आहे. डॉ पवार यांच्याकडे सहायक संचालक, आरोग्य सेवा (अंधत्व नियंत्रण कार्यक्रम), मुंबई हा पदभार देण्यात आला आहे. दरम्यान यामुळे पुणे महापालिकेचे आरोग्य प्रमुख (PMC Health Officer) पद पुन्हा एकदा रिक्त झाले आहे. आता तरी पुणे महापालिकेच्या अधिकाऱ्याला पूर्ण वेळ आरोग्य प्रमुख होण्याची संधी दिली जाणार का, असा प्रश्न विचारला जात आहे. (PMC Health Department)
राज्य सरकारने नुकतीच डॉ आशिष भारती यांची बदली केली होती. त्यांच्या बदलीने महापालिकेचे आरोग्य प्रमुख पद रिक्त झाले होते. दरम्यान महापालिका आयुक्तांनी डॉ कल्पना बळिवंत यांची प्रभारी आरोग्य प्रमुख म्हणून नियुक्ती केली होती. त्यानंतर राज्य सरकारकडून पूर्ण वेळ आरोग्य प्रमुख देण्यात आला होता. 10 मार्च ला डॉ भगवान पवार यांना महापालिका आरोग्य प्रमुख पदी प्रतिनियुक्तीने नियुक्त करण्यात आले होते. मात्र सहा महिन्यांनंतर पुन्हा डॉ पवार यांची बदली करण्यात आली आहे. नुकतेच सरकारने याबाबत आदेश जारी केले आहेत. (Pune Municipal Corporation)
दरम्यान या पदावर आता तरी महापालिका अधिकाऱ्याला संधी दिली जाणार का असा सवाल विचारला जात आहे. या पदासाठी उप आरोग्य अधिकारी डॉ कल्पना बळिवंत पात्र ठरत आहेत. त्यामुळे डॉ बळिवंत यांना संधी दिली जाणार कि पुन्हा सरकारचा अधिकारी बोलावला जाणार, याबाबत उत्सुकता लागली आहे. (PMC Pune Health Department)
—/
News Title | PMC Health Officer | Municipal health chief Dr. Bhagwan Pawar transferred in 6 months!

Stray Dogs Vaccination | भटक्या कुत्र्यांच्या लसीकरण आणि नसबंदी मोहिमेस अडथळा आणणाऱ्या नागरिकांवर कारवाईचा इशारा

Categories
Breaking News PMC social आरोग्य पुणे

Stray Dogs Vaccination | भटक्या कुत्र्यांच्या लसीकरण आणि नसबंदी मोहिमेस अडथळा आणणाऱ्या नागरिकांवर कारवाईचा इशारा

| महापालिका आरोग्य विभागाने दिली तंबी

Stray Dog Vaccination | पुणे महानगरपालिका (Pune Municipal Corporation) हद्दीतील भटक्या व मोकाट असणाऱ्या श्वानांची व मांजरांची (Stray Dogs and Cats) नसबंदी शस्त्रक्रिया व लसीकरण करण्याची मोहीम पुणे महानगरपालिके (PMC Pune)
कडून अनेक वर्षा पासून सुरु आहे. मात्र यात काही नागरिक अडथळा आणत आहेत. अशा नागरिकांवर कारवाई करण्याचा इशारा महापालिका आरोग्य प्रमुख डॉ भगवान पवार (PMC Health Chief Dr Bhagwan Pawar) यांनी दिला आहे. (Stray Dogs Vaccination)

 ही  मोहीम अॅनिमल वेलफेअर बोर्ड ऑफ इंडिया (AWBI) यांनी दिलेल्या मार्गदर्शक सूचनेचे तंतोतंत पालन करून राबविण्यात येत आहे. पुणे महानगरपालिका हद्दीतील भटक्या व मोकाट असणाऱ्या श्वानांची व मांजरांची नसबंदी शस्त्रक्रिया व लसीकरण करण्यासाठी पुणे महानगरपालिकेने युनिव्हर्सल अॅनिमल वेल्फेअर सोसायटी व Canine Control and Care Trust या दोन संस्थाची नेमणूक करण्यात आली आहे. या  संस्था पुणे महानगरपालिका हद्दीतील भटके व मोकाट श्वान व मांजर नसबंदी शस्त्रक्रिया व लसीकरण करण्यासाठी पकडताना नागरीकांच्या कडून सदर
संस्थेच्या गाड्या रस्त्यामध्ये अडविण्यात येतात व नसबंदी शस्त्रक्रिया व लसीकरण करण्यासाठी पकडण्यात आलेले श्वान सोडण्यासाठी अथवा नसबंदी शस्रक्रिया व लसीकरण झालेले श्वान व मांजर तेथेच सोडण्यात येऊ नये यासाठी कर्मचारी यांच्यावर दमदाटी करण्यात येते. ही बाब (नसबंदी शस्त्रक्रिया व लसीकरण झालेले श्वान व मांजर पुन्हा त्याच जागी सोडण्यात येऊ नये) अॅनिमल वेलफेअर बोर्ड ऑफ इंडिया (AWBI) यांनी दिलेल्या मार्गदर्शक सूचनेचे उल्लघन करणारी आहे. (Pune Municipal Corporation)
ही बाब अत्यंत गंभीर स्वरुपाची असून केंद्र सरकार व राज्य सरकार यांच्या नसबंदी शस्रक्रिया व लसीकरण करण्याच्या मोहिमे मध्ये बाधा निर्माण करणारी आहे.
तरी  सर्व नागरिकांना कळविण्यात येते की, पुणे महानगरपालिकेच्या वतीने सदर काम करणाऱ्या दोन्ही संस्थाच्या कोणत्याही गाड्याल रस्त्यामध्ये अडवून नसबंदी शस्रक्रिया व लसीकरण करण्याच्या मोहिमे मध्ये अडथळा निर्माण करू नये तसे केल्यास संबंधितांविरुद्ध योग्य ती कायदेशीर कारवाई करण्यात येईल. असा इशारा आरोग्य विभागाकडून देण्यात आला आहे. (PMC Health Department)
——-
News Title |Stray Dogs Vaccination | Warning of action against citizens obstructing vaccination and sterilization drive of stray dogs Tambi was given by the Municipal Health Department

PMC Vaccination Drive | पुणे महापालिका आगामी तीन महिने राबवणार लसीकरण मोहीम | लहान मुले आणि गरोदर मातांना लाभ

Categories
Breaking News PMC social आरोग्य पुणे

PMC Vaccination Drive | पुणे महापालिका आगामी तीन महिने राबवणार लसीकरण मोहीम | लहान मुले आणि गरोदर मातांना लाभ

 PMC Vaccination Drive |  केंद्र सरकार व महाराष्ट्र शासनाच्या मार्गदर्शक सूचनेनुसार पुणे महानगरपालिकेकडून (Pune Municipal Corporation) ऑगस्टपासून आगामी ३ महिन्यात ” मिशन इंद्रधनुष्य ५.०” लसीकरण मोहीम (Vaccination Drive) राबविण्यात येणार आहे. ह्या मोहिमेत मुख्यत्वेकरून लसीकरणापासून वंचित राहिलेल्या ० ते ५ वर्षे वयोगटातील बालकांना व गरोदर मातांना त्याचप्रमाणे ज्या बालकांचे लसीकरण वयोमानानुसार आवश्यक आहे, अशा सगळ्यांचे लसीकरण करण्यात येणार आहे. अशी माहिती महापालिका प्रशासनाच्या वतीने देण्यात आली. (PMC Vaccination Drive)

 मोहिमेच्या ३ फेऱ्या पुढील प्रमाणे –
पहिली फेरी – दि. ७ ते १२ ऑगस्ट २०२३
दुसरी फेरी – दि. ११ ते १६ सप्टेंबर २०२३
तिसरी फेरी – दि. ९ ते १४ ऑक्टोबर २०२3
“गोवर-रुबेला निर्मुलन २०२३” या केंद्र शासनाच्या मुख्य श्रोग्णाच्या अनुषंगाने जास्तीत जास्त बालकांचे लसीकरण करण्यावर या मोहिमेत भर दिला जाणार आहे. या मोहिमेत पहिल्यांदाच 2 ते 5 वर्षे हा वयोगट समाविष्ट करण्यात आला आहे. ६ ऑगस्ट २०१८ अथवा त्यांनंतर जन्मलेल्या सर्व बालकांचे लसीकरण या मोहिमेद्वारे करण्यात येणार आहे. या मोहिमेचे पूर्ण नियोजन महापालिकेच्या आरोग्य विभागाकडून करण्यात आलेले आहे. जोखीमग्रस्त भाग जसे की ज्या भागात लसीकरणाचे प्रमाण कमी आहे. गोवर रुग्णांचे प्रमाण अधिक असलेले भाग, लसीकरणाम नकार देणारा समाज झोपडपट्टी बांधकाम ठिकाणे, विटभट्ट्या अशाप्रकारच्या जोखीमग्रस्त भागात विशेष लसीकरण सत्रे आरोग्य विभागाकडून आयोजित करण्यात येणार आहेत. (Pune Municipal Corporation News)
या मोहिमेची तयारी करण्यासाठी महापालिका आयुक्त विक्रम कुमार यांच्या अध्यक्षतेखाली ३१/०७/२०२३ रोजी सिटी टास्क फोर्सची मिटिंग घेण्यात आली असून या मोहिमेत शिक्षण विभाग, महिला व बालविकास विभाग, सामाजिक विकास विभाग, रेल्वे व एस. टी. परिवहन मंडळ यांना सहभागी करण्याचे आदेश देण्यात आले. मोहिमेची जनजागृती करण्यासाठी शाळांमार्फत प्रभातफेरी तमेच जोखीमग्रस्त भागात पथनाट्ये करण्याचे नियोजन करण्यात आले. (PMC Pune News)

या मोहिमेत नव्याने बालकांचे लसीकरण करण्याकरिता U WIN हे ऑनलाईन पोर्टल बनविण्यात आले असून या पोर्टलद्वारे लसीकरण मंत्रांचे दिनांक वेळ ठिकाणे याची सर्व माहिती तसेच ऑनलाईन रजिस्ट्रेशन नागरिकांना घरबसल्या करता येणार आहे. अशी माहिती अतिमहापालिका आयुक्त (ज) रवींद्र बिनवडे (Additional Commissioner Ravindra Binwade) यांचेकडून देण्यात आली आहे. तसेच लमीकरणासाठी पुणे महानगरपालिकेच्या जवळच्या दवाखान्यात संपर्क साधण्याचे आवाहन आरोग्य प्रमुख डॉ. भगवान पवार (Health Chief Dr Bhagwan Pawar) यांच्याकडून करण्यात आले आहे

” मिशन इंद्रधनुष्य ५.०” या मोहिमेत सहभागी होण्यासाठी महापालिकेकडून खाजगी वैद्यकीय व्यवसायिक, धर्मगुरू, सामाजिक संस्था यांना आवाहन करण्यात आले आहे. आपल्या घरातील अथवा आपल्या शेजारील सर्व बालकांचे व गरोदर मातांचे पूर्ण लसीकरण करून घ्यावे असे आवाहन महापालिका आयुक्त तथा प्रशासक विक्रम कुमार (IAS Vikram Kumar) यांनी केले आहे.
——
News Title | PMC Vaccination Drive | Pune Municipal Corporation will conduct vaccination campaign for the next three months Benefits for infants and pregnant mothers

Senior Citizens Health | PMC Health Department | शहरातील ज्येष्ठ नागरिकांच्या आरोग्याची काळजी घेणार पुणे महापालिका

Categories
Breaking News PMC Political social आरोग्य पुणे

Senior Citizens Health | PMC Health Department | शहरातील ज्येष्ठ नागरिकांच्या आरोग्याची काळजी घेणार पुणे महापालिका

| वर्षातून दोनदा सर्व प्रकारच्या आरोग्य तपासण्या केल्या जाणार

Senior Citizens Health | PMC Health Department |  पुणे शहरातील ज्येष्ठ नागरिकांच्या आरोग्याबाबत पुणे महापालिकेने (Pune Municipal Corporation) गंभीरपणे पाऊल उचलले आहे. त्यानुसार ज्येष्ठ नागरिकांच्या वर्षातून दोनदा सर्व प्रकारच्या आरोग्य तपासण्या केल्या जातील. तसेच महापालिकांच्या दवाखान्यामध्ये आठवड्यातून एक दिवस ज्येष्ठ नागरिकांच्या आरोग्यविषयक समस्यांबाबत राखीव ठेवला जाणार आहे. लवकरच याबाबत अंमल केला जाणार आहे. अशी माहिती महापालिका आरोग्य विभागाचे प्रमुख डॉ भगवान पवार (PMC Health Department Chief Dr Bhagwan Pawar) यांनी दिली. (Senior Citizens Health | PMC Health Department)
शिक्षण मंडळाचे माजी अध्यक्ष प्रदीप धुमाळ (Pradeep Dhumal) आणि महापालिकेच्या माजी विरोधी पक्षनेत्या दीपाली धुमाळ (Deepali Dhumal) यांच्या पुढाकारातून ही बैठक घेण्यात आली. यावेळी उप आरोग्य अधिकारी डॉ कल्पना बळिवंत (Deputy Health Officer Dr Kalpna Baliwant), सहायक आरोग्य अधिकारी डॉ वैशाली जाधव (Assistant Health Officer Dr Vaishali Jadhav), समाज विकास विभागाचे उपायुक्त नितीन उदास (Deputy Commissioner Nitin Udas), प्रदीप धुमाळ तसेच ज्येष्ठ नागरिक संघाचे सदस्य मधुकर पवार, डि के जोशी, नंदकुमार बोधाई, गोपाळराव कुलकर्णी, दिलीप पवार; मुरलीधर रायबागकर, सौ माधुरी पवार व इतर अनेक ज्येष्ठ नागरिक संघाचे पदाधिकारी उपस्थित होते. (Pune Municipal Corporation News)
याबाबत डॉ पवार यांनी सांगितले कि, ज्येष्ठ नागरिकांच्या समस्या बाबत मुख्यमंत्री यांच्याकडे बैठक झाली होती. त्यानुसार मुख्यमंत्री कार्यालयाकडून आदेश

आला होता कि ज्येष्ठ नागरिक संघ सोबत बैठक घ्या. त्यानुसार याचे आयोजन करण्यात आले होते. त्यानुसार संघांच्या मागणीनुसार या बैठकीत चर्चा झाली.  ज्येष्ठ नागरिकांची वर्षातून दोन वेळा आरोग्य तपासणी करण्यात येईल.   तसेच ज्येष्ठांच्या आरोग्य विषयक समस्यांसाठी आठवड्यातून एक दिवस दिवस राखीव  ठेवला जाईल. त्यासाठी ज्येष्ठानी आभा कार्ड काढणे आवश्यक आहे. तसे निर्देश संघाला दिले आहेत. तर उप आरोग्य अधिकारी डॉ कल्पना बळिवंत यांनी सांगितले कि या विषयावरून आधीच समाज विकास विभागा सोबत चर्चा करून धोरण करायचं ठरवलं होतं. ते धोरण तयार करून त्याचा मसुदा सर्व विभागांना पाठवला होता. सध्या हा मसुदा Pmpml कडे आहे. लवकरच समाज विकास विभाग याबाबत धोरण तयार करेल.
—
पुणे शहरांमध्ये असलेल्या अनेक ज्येष्ठ नागरिक संघ आहेत. हे ज्येष्ठ नागरिक संघ वर्षभर साहित्य, संगीत कला क्रीडा संदर्भात विविध उपक्रमांचे नियमित आयोजन करून नागरिकांचे मनोरंजन करत असतात. या सर्व ज्येष्ठ नागरिक संघांमध्ये ज्येष्ठ सभासदांची संख्या मोठ्या प्रमाणात आहे. त्यानुसार त्यांना आरोग्य विषयक  सुविधा, आरोग्य चाचणी व अन्य सुविधा ज्येष्ठ नागरिक सभासदांना उपलब्ध करून देण्याची मागणी आम्ही महापालिका प्रशासनाकडे केली होती. त्याला प्रशासना कडून सकारात्मक प्रतिसाद देण्यात आला आहे.
– दीपाली धुमाळ, माजी विरोधी पक्षनेत्या, पुणे महापालिका. 
—-
News Title | Senior Citizens Health | PMC Health Department | Pune Municipal Corporation will take care of the health of the senior citizens of the city

Dr. Bhagwan pawar | पुणे महापालिकेला मिळाले नवीन आरोग्य प्रमुख! | डॉ भगवान पवार यांची सरकारकडून प्रतिनियुक्तीने नियुक्ती

Categories
Breaking News PMC आरोग्य पुणे महाराष्ट्र

पुणे महापालिकेला मिळाले नवीन आरोग्य प्रमुख!

| डॉ भगवान पवार यांची  सरकारकडून प्रतिनियुक्तीने नियुक्ती

पुणे | पुणे महापालिकेला नवीन आरोग्य प्रमुख तथा आरोग्य अधिकारी मिळाला आहे. डॉ भगवान पवार यांची राज्य सरकारने महापालिकेत आरोग्य अधिकारी या पदावर प्रतिनियुक्तीने नियुक्ती केली आहे. याबाबतचे आदेश राज्य सरकारकडून जारी करण्यात आले आहेत. डॉ पवार हे पुणे जिल्हा परिषदेत जिल्हा आरोग्य अधिकारी म्हणून काम पाहत होते. (PMC health officer)
राज्य सरकारने नुकतीच डॉ आशिष भारती यांची बदली केली आहे. त्यांना उपसंचालक म्हणून नेमण्यात आले आहे. त्यांच्या बदलीने महापालिकेचे आरोग्य प्रमुख पद रिक्त झाले होते. दरम्यान महापालिका आयुक्तांनी डॉ कल्पना बळिवंत यांची प्रभारी आरोग्य प्रमुख म्हणून नियुक्ती केली होती. आता राज्य सरकारकडून पूर्ण वेळ आरोग्य प्रमुख देण्यात आला आहे. (Dr. Bhagwan pawar)
| काय आहे शासन आदेश :-
आदेशानुसार सक्षम प्राधिकाऱ्याच्या मान्यतेनुसार संदर्भाधीन पत्रान्वये सार्वजनिक आरोग्य विभागाने डॉ. भगवान अंतु पवार, जिल्हा आरोग्य अधिकारी, जिल्हा परिषद, पुणे यांची आरोग्य अधिकारी, पुणेमहानगरपालिका या रिक्त असलेल्या पदावर प्रतिनियुक्तीने नियुक्तीचे आदेश निर्गमित करण्याबाबत विनंती केलेली आहे. त्यानुसार, डॉ.भगवान पवार, जिल्हा आरोग्य अधिकारी, जिल्हा परिषद, पुणे यांची आरोग्य अधिकारी (आरोग्यप्रमुख), पुणे महानगरपालिका या रिक्त पदावर पुणे महानगरपालिकेकडील अधिकारी पदोन्नतीने उपलब्ध होईपर्यंत अथवाप्रथमत: २ वर्ष यापैकी अगोदर जे घडेल तोपर्यंतच्या कालावधीकरिता खालील अटी व शर्तीच्या अधिन राहून प्रतिनियुक्तीनेनियुक्ती करण्यात येत आहे.