‘अमित शाह आणि भाजपची वाटचाल’ पुस्तकाचे स्मृती इराणी यांच्या हस्ते सोमवारी प्रकाशन
पुणे : ‘अमित शाह आणि भाजपची वाटचाल’ या पुस्तकाचे केंद्रीय महिला आणि बालकल्याण मंत्री स्मृती इराणी यांच्या हस्ते येत्या सोमवारी (१६ मे) सायंकाळी साडेपाच वाजता बालगंधर्व रंगमंदिर येथे शहर भाजपच्या वतीने प्रकाशन करण्यात येणार असल्याची माहिती अध्यक्ष जगदीश मुळीक यांनी कळविली आहे.
भाजपचे प्रदेशाध्यक्ष चंद्रकांतदादा पाटील या कार्यक्रमाला प्रमुख पाहुणे म्हणून उपस्थित राहणार असून, खासदार प्रकाश जावडेकर, खासदार गिरीश बापट यांची विशेष उपस्थिती राहणार आहे. पुस्तकाचे मूळ लेखक शिवानंद द्विवेदी, मराठी अनुवादक डॉ. ज्योत्स्ना कोल्हटकर आणि प्राची जांभेकर उपस्थित राहणार आहेत.