Tag: Child Vaccination

Manjusha Nagpure : शाळांमध्ये लसीकरणास सुरवात – नगरसेविका नागपुरे यांच्या प्रयत्नांना यश

Categories
PMC Political आरोग्य पुणे

शाळांमध्ये लसीकरणास सुरवात

– नगरसेविका नागपुरे यांच्या प्रयत्नांना यश

पुणे : सिंहगड रस्त्यावरील विठ्ठलवाडी येथील स्व. तु. ग. गोसावी माध्यमिक व उच्च माध्यमिक विद्यालयात १५ ते १८ वयोगटातील मुलामुलींसाठी करोना प्रतिबंधक लसीकरण सुरू करण्यात आले आहे. वडगाव बुद्रुक, हिंगणे खुर्द (प्रभाग क्रमांक ३४) च्या नगरसेविका मंजुषा नागपुरे यांच्या प्रयत्नातून हा उपक्रम राबविला जात आहे.

संपूर्ण देशात १५ ते १८ वयोगटातील मुलामुलींसाठी करोना प्रतिबंधक लस देण्यास सुरुवात करण्यात आली आहे. पुणे शहरातील ठराविक केंद्रांवर या वयोगटातील मुलांना लस दिली जात आहे. लस घेण्यासाठी होत असलेली गर्दी लक्षात घेत प्रभातील शाळेमधील विद्यार्थ्यांसाठी शाळेतच ही लस उपलब्ध करून देण्याची मागणी महानगपालिका प्रशासनाकडे करण्यात आली होती. याची दखल घेत पालोलिकेच्या आरोग्य खात्याने विठ्ठलवाडी येथील गोसावी माध्यमिक विद्यालयात लसीकरण मोहिम राबविण्यास सुरुवात केली, अशी माहिती नगरसेविका नागपुरे यांनी दिली. शाळेतील विद्यार्थ्यांना त्यांच्याच शाळेत जाऊन लसीकरण करण्याचा हा शहरातील पहिलाच उपक्रम असल्याचे नागपुरे यांनी सांगितले.

विद्यार्थ्यांसाठी शाळेत लसीकरण मोहीम आयोजित करण्याबाबत गोसावी शैक्षणिक संस्थेबरोबर चर्चा केल्यानंतर मुख्याध्यापक किरण सुर्यवंशी यांनी सकारात्मक प्रतिसाद देत पालिकेकडे मागणी केली. विभागीय वैद्यकीय अधिकारी डॉ. दीपक पखाले, लसीकरण अधिकारी डॉ. सूर्यकांत देवकर यांनी लस उपलब्ध करून देत उपस्थित राहून या मोहिमेची सुरुवात केली. निरामय संस्थेची टीम या लसीकरणासाठी उपस्थित असून डॉ. जयश्री शेटे, सिस्टर सुप्रिया मांडवकर आणि स्नेहल नायर हे यावेळी उपस्थित होते.

गोसावी विद्यालयातील लसीकरण मोहिमेला अत्यंत चांगला प्रतिसाद मिळाला आहे. प्रभागातील सर्व शाळांमध्ये टप्प्याटप्प्याने अशा पद्धतीने लसीकरण मोहीम राबविण्याचा प्रयत्न आहे.

– मंजुषा नागपुरे, स्थानिक नगरसेविका

Archana Patil : लोकशाहीर अण्णाभाऊ साठे विरंगुळा केंद्रात १५ ते १८ वयोगटातील मुलांसाठी लसीकरण सुरू करावे.. : नगरसेविका अर्चना तुषार पाटील यांची मागणी

Categories
PMC आरोग्य पुणे

लोकशाहीर अण्णाभाऊ साठे विरंगुळा केंद्रात १५ ते १८ वयोगटातील मुलांसाठी लसीकरण सुरू करावे..

: नगरसेविका अर्चना तुषार पाटील यांची मागणी

पुणे : पंतप्रधान नरेंद्र मोदी यांनी जानेवारी २०२२ पासून वय वर्षे १५ ते वय वर्षे १८ वयोगटातील मुलांसाठी लसीकरण सुरु करण्याचे आदेश दिलेले आहेत. या आदेशास अनुसरून पुणे शहरामध्ये देखील लसीकरण सुरु होणार असून त्याअंतर्गत पुणे शहरातील ५ लसीकरण केंद्रे सुरु होणार असल्याचे समजते.

प्रभाग क्र. १९ मध्ये सावित्रीबाई फुले मराठी मिडीयम शाळा, रफिक अहमद किडवाई उर्दू मिडीयम शाळा, आकांक्षा फौंडेशन इंग्लिश मिडीयम शाळा, लहूजी वस्ताद साळवे माध्यमिक शाळा, संत हर्कादास स्कूल या पाच शाळा येत असून त्यामध्ये येणाऱ्या विद्यार्थ्यांची संख्या खूप मोठी आहे. तसेच प्रभागामध्ये या वयोगटातील मुला-मुलींची संख्या खूप मोठी आहे. तसेच भवानी पेठ क्षेत्रीय कार्यालया अंतर्गत शाळा न शिकणाऱ्या मुला-मुलींची संख्या देखील जास्त आहे. याव्यतिरिक्त भवानी पेठ क्षेत्रीय कार्यालय अंतर्गत इतर शाळा देखील जास्त आहेत.

भवानी पेठ क्षेत्रीय कार्यालयामध्ये विविध कामकाजासाठी दैनंदिन येणाऱ्या नागरिकांची संख्या सुद्धा मोठी आहे. यामुळे प्रभाग क्र. १९ मधील लोकशाहीर आण्णाभाऊ साठे विरंगुळा केंद्र, काशेवाडी येथे या वयोगटातील मुला-मुलींसाठी लसीकरण केंद्र सुरु करण्याची मागणी नगरसेविका, भाजप पुणे शहर महिला आघाडीच्या अध्यक्षा अर्चना तुषार पाटील यांनी केली आहे. याबाबत महापालिका आयुक्त विक्रम कुमार आणि आरोग्य विभाग प्रमुख यांना निवेदन देण्यात आले आहे.

प्रभाग क्र. १९ मधील लोकशाहीर आण्णाभाऊ साठे विरंगुळा केंद्र, काशेवाडी, ठिकाणी सध्या याठिकाणी वय वर्षी १८ च्या वरील नागरिकांसाठी लसीकरण केंद्र सुरु असून त्याच ठिकाणी वय वर्षे १५ ते वय वर्षे १८ या वयोगटातील मुलांना सुद्धा याच ठिकाणी लसीकरण सुरू केले तर जास्तीत जास्त लसीकरण होईल असे नगरसेविका अर्चना पाटील यांनी सांगितले.

Vaccination for 15-18 years: Muralidhar Mohol: 15 ते 18 वयोगटासाठी शहरात 5 लसीकरण केंद्र; 3 जानेवारीपासून लसीकरण होणार सुरु : महापौर मुरलीधर मोहोळ यांची माहिती

Categories
Breaking News PMC पुणे

१५ ते १८ वयोगटासाठी शहरात ५ लसीकरण केंद्रे :

: महापौर मुरलीधर मोहोळ यांची माहिती

– ५ केंद्रांवर ३ जानेवारीपासून होणार लसीकरण सुरु

पुणे : केंद्र सरकारच्या निर्देशानुसार पुणे मनपा हद्दीतील १५ ते १८ वयोगटातील नागरिकांसाठी कोरोना लसीकरणाचे नियोजन केले असून या वयोगटासाठी शहरात ५ स्वतंत्र लसीकरण केंद्राचे नियोजन केल्याची माहिती महापौर मुरलीधर मोहोळ यांनी दिली. यासाठी १ जानेवारीपासून कोविन पोर्टलवर नोंदणी सुरु होत असल्याचेही महापौर मोहोळ म्हणाले.

पंतप्रधान नरेंद्र मोदी यांनी देशाला संबोधित करताना १५ ते १८ वयोगटातील लाभार्थ्यांना कोरोना लसीकरण सुरू करण्याची घोषणा केली होती. त्यास अनुसरून पुणे महापालिकेचे नियोजन पूर्ण झाले आहे. याबाबत माहिती देताना महापौर मुरलीधर मोहोळ म्हणाले, नवीन लाभार्थी वयोगटासाठी कोवॅक्सिन लस देण्याचे निर्देश देण्यात आले असून त्या दृष्टीने लशीचा मुबलक साठा उपलब्ध करण्यात येत आहे. शहरातील सर्व भागातील लाभार्थ्यांना लस घेता यावी, यासाठी शहरात पहिल्या टप्प्यात ५ स्वतंत्र लसीकरण केंद्रे सुरू करण्याचे नियोजन पूर्ण झाले आहे. १८ वर्षांवरील नागरिकांचे लसीकरण करताना पुणे महापालिकेने उत्तम कामगिरी केली होती, तशीच कामगिरी या वयोगटासाठीही करण्याचा प्रयत्न आहे’.

‘२००७ किंवा त्यापूर्वी जन्मलेले या लसीकरणासाठी पात्र ठरले असून लाभार्थ्यांना नव्या वर्षाच्या पाहिल्याच दिवशी लसीकरण नोंदणी करता येणार आहे. त्यासाठी केंद्र सरकारचे कोविन हे पोर्टल किंवा एप्लिकेशन वापरावे लागणार आहे. यात ५० टक्के ऑनलाईन आणि ५० टक्के ऑफलाईन नोंदणी करण्याची सोय उपलब्ध करून दिली आहे. शिवाय लसीकरणाला येताना लाभार्थ्यांकडे आधारकार्ड/ओळखपत्र आवश्यक असणार आहे, असेही महापौर मोहोळ म्हणाले.

लसीकरणासाठी सुरू होणारी स्वतंत्र केंद्रे

१) कै. दशरथ बळीराम भानगिरे दवाखाना, महंमदवाडी, हडपसर
२) कमला नेहरू रुग्णालय, मंगळवार पेठ
३) कै. जयाबाई सुतार दवाखाना, कोथरूड
४) भारतरत्न स्व. राजीव गांधी हॉस्पिटल, येरवडा
५) कै. मुरलीधर लायगुडे दवाखाना, वडगाव खुर्द

Omicron : Vaccination : ब्रिटनमध्ये १२ वर्षांखालील मुलांच्या लसीकरणाला मान्यता

Categories
Breaking News आरोग्य देश/विदेश

ब्रिटनमध्ये १२ वर्षांखालील मुलांच्या लसीकरणाला मान्यता

लंडन : कोरोना व्हायरसचा नवीन आणि अधिक संसर्गजन्य व्हेरिएंट (Omicron Variant cases in Britain) ओमिक्रॉनने ब्रिटनमधील परिस्थिती अधिक बिकट केली आहे. दरम्यान, ओमिक्रॉनच्या रूग्णांमध्ये वाढ होत असताना, आता ब्रिटीश नियामकाने 5 ते 11 वर्षे वयोगटातील मुलांसाठी फायझरची (Pfizer) लस वापरण्यास मान्यता दिली आहे. ब्रिटन लसीच्या बूस्टर डोससाठी मोहीम तीव्र करण्याची तयारी करत आहे.

सध्या ब्रिटनमध्ये (Omicron cases high in britain) दररोज नवीन प्रकरणांची संख्या 1 लाखांच्या पुढे गेली आहे. ब्रिटनच्या मेडिसिन्स अँड हेल्थकेअर प्रॉडक्ट्स रेग्युलेटरी एजन्सी (MHRA) ने सांगितले की, फाइझर-बायोएनटेकची लस 5 ते 11 वर्षे वयोगटातील मुलांसाठी “सुरक्षित आणि प्रभावी” असल्याचे आढळून आले आहे. त्यानंतर त्याचा वापर करण्यास मान्यता देण्यात आली आहे. तसेच ओमिक्रॉनचा वाढता प्रभाव कमी करण्यासाठी, ब्रिटन लसीच्या बूस्टर डोससाठी मोहीम तीव्र करण्याची तयारी करत असल्याचे सांगण्यात आले आहे.

सेल्फ आयसोलेशचा कालावधी केला कमी

ब्रिटनने कोरोनाची लागण झालेल्या लोकांसाठी सेल्फ आयसोलेशनचा कालावधी 10 दिवसांवरून सात दिवसांवर आणला आहे. नियमांमधील बदल यूके हेल्थ प्रोटेक्शन एजन्सी (UKHSA) यांच्याशी सल्लामसलत करून करण्यात आला असल्याचे ब्रिटनचे आरोग्य मंत्री साजिद जाविद यांनी सांगितले.

लसीकरण व मास्क हाच ओमिक्रॉनवर प्रभावी उपाय 

ओमिक्रॉन (Omicron)या कोरोनाच्या(corona) नव्या प्रकारापासून स्वतःला वाचवायचे असेल तर, लसीकरण(vaccination) व सतत मास्क वापरणे हाच उपयुक्त व परिणामकारक उपाय आहे, असे निरीक्षण दिल्लीच्या अखिल भारतीय आयुर्विज्ञान संस्थेचे (एम्स) संचालक डॉ. रणदीप गुलेरिया यांनी नोंदवले आहे. या प्रकाराच्या घातक क्षमतेबाबतचा अंदाज आला की सध्याच्या लसींमध्ये काही बदल करता येणे शक्य असल्याचेही त्यांनी सांगितले.