PMC : Health Centre : प्रभाग क्र. १४ क मध्ये अत्याधुनिक स्वरूपाचे आरोग्य केंद्र उभारणार : महिला बाल कल्याण समितीची मान्यता 

Categories
PMC आरोग्य पुणे

प्रभाग क्र. १४ क मध्ये अत्याधुनिक स्वरूपाचे आरोग्य केंद्र उभारणार

: महापालिकेच्या महिला बाल कल्याण समितीची मान्यता

पुणे:  प्रभाग क्र. १४ क मतदारसंघात महिलांसाठी व ज्येष्ठ नागरिकांसाठी स्वतंत्र अत्याधुनिक स्वरूपाचे आरोग्य केंद्र सदय स्थितीत नाही. हे कोरोनाच्या कालात अधिक प्रकर्षाने जाणवले. त्यामुळे अशा स्वरूपाच्या आरोग्य केंद्राच्या माध्यमातून महिलासाठी व ज्येष्ठ नागरिकांसाठी आवश्यक असणा-या सर्व वैदयकिय चाचण्या एकाच  छताखाली महानगरपालिकेमार्फत करण्यात याव्यात. त्यामुळे प्रभागात अत्याधनिक स्वरूपाचे आरोग्य केंद्र असावे, अशी मागणी नगरसेविका ज्योत्स्ना एकबोटे यांनी केला होती. याबाबत एक प्रस्ताव महिला बाल कल्याण समितीसमोर ठेवण्यात आला होता. त्यावर प्रशासनाकडून सकारात्मक अभिप्राय आला होता. त्याला समितीने नुकतीच मंजुरी दिली आहे. अशी माहिती समितीच्या अध्यक्षा रुपाली धाडवे यांनी दिली.

: प्रशासनाचा सकारात्मक अभिप्राय

प्रस्तावानुसार हे केंद्र उभारण्यासाठी महापालिकेच्या अखत्यारीत असणा-या शिवाजीनगर घोलेरोड क्षेत्रिय कार्यालयाच्या परिसरातील फायनल प्लॉट क्र. ५६६ अ (५२०२ आरोग्य कोठी) जागेचा वापर करण्यात यावा. याजागेचा वापर करून त्याठिकाणी बहमजली अत्याधुनिक स्वरूपाचे आरोग्य केंद्र महिलांसाठी व ज्येष्ठ नागरिकांसाठी उभारण्यात यावे, याबाबत प्रस्ताव दिला होता. त्यावर महिला व बाल कल्याण समिती सभेने प्रशासनाचा अभिप्राय मागवला होता. त्यावर प्रशासनाने सकारात्मक अभिप्राय दिला आहे.
त्यानुसार प्रस्तावित जागा घोलेरोड क्षेत्रिय कार्यालयाच्या कार्यकक्षेत आहे. जागेचे क्षेत्रफळ अंदाजे ५००० चौ. फुट असून सध्या येथे घोलेरोड क्षेत्रिय कार्यालयाकडील घनकचरा व्यवस्थापन विभागाची कोठी कार्यरत आहे. सदरच्या प्रभागामध्ये प्रस्तूत जागेपासून ५ कि.मी.च्या परिसरामध्ये पुणे महानगरपालिकेचे आरोग्य सुविधा केंद्र उपलब्ध नाही. तसेच ५ कि.मी.पेक्षा जास्त परिघामध्ये उपलब्ध असणा-या पणे महानगरपालिकेच्या आरोग्य केंद्रामध्ये सर्व प्रकारच्या लॅब तपासण्या उपलब्ध नाहीत.सदर ठिकाणी होणा-या बहुमजली इमारतीचे काम आर्थीक तरतुद उपलब्ध झाल्यास करता येणे शक्य आहे. सदर आरोग्य केंद्रामध्ये प्रयोगशाळा व इतर अनुषंगीक बाबी करीता सर्व आवश्यक यंत्रसामग्री सीएसआर मधुन करता येईल. सदरच्या प्रभागामध्ये गावठाण व झोपडपट्टी असा भाग असल्याकारणाने तेथील गरीब व गरजू रूग्णांना आरोग्य विषयक सेवेचा फायदा होणार आहे. सदर ठिकाणी पुणे महानगरपालिकेमार्फत आरोग्य केंद्र व आरोग्य विषयक विविध सुविधा पुरविताना केवळ बाहयरूग्ण विभाग सेवा पुरविणे शक्य होईल. बाहय रुग्ण सेवेव्यतिरीक्त इतर सुविधा पुरवावयाची झाल्यास पुणे मनपाकडे आवश्यक मनुष्यबळ नसल्याने पीपीपी तत्वावर अथवा आउटसोर्स पध्दतीने इतर सेवा पुरविणे शक्य होईल. या अभिप्रायाला समितीने मान्यता दिली आहे. असे ही धाडवे यांनी सांगितले.

PMP : jyotsna ekbote : निगडी ते लोणावळा बस सेवेचा शुभारंभ

Categories
Uncategorized

निगडी ते लोणावळा बस सेवेचा शुभारंभ

:नगरसेविका ज्योत्स्ना एकबोटे यांच्या प्रयत्नांना यश

पुणे : लोणावळा व पुणे शहराला जोडणारी बस सेवा सुरु . त्यामुळे लोणावळा ,मळवली ,कार्ले-भाजे लेणी याठिकाणच्या अनेक चाकरमानी,  व्यापारी, विद्यार्थीवर्ग, अनेक वेगवेगळ्या क्षेत्रातील कर्मचारीवर्ग हा पिंपरी चिंचवड शहर , पुणे शहराशी वेगवेगळ्या कामाच्या माध्यमातून या दोन्ही शहरांशी जोडला गेलेला आहे. या प्रवाश्यांच्या सोईसाठी पुणे स्टेशन ते लोणावळा तसेच निगडी ते लोणावळा बससेवा सुरु करावी अशी मागणी नगरसेविका ज्योत्स्ना एकबोटे यांनी पुणे महानगर परिवहन महामंडळ लिमिटेडचे अध्यक्ष तथा व्यवस्थापकीय संचालक लक्ष्मीनारायण मिश्रा यांच्याकडे केली होती.  या मागणीला तात्काळ सकारात्मक प्रतिसाद देत  निगडी ते कामशेत ही पी.एम.पी.एम.एलची बससेवा मार्ग पुढे लोणावळा शहराशी जोडण्याचा निर्णय घेतला.

सेवा उपलब्ध झाल्याचे समाधान : एकबोटे

यातील अनेक नागरिकांना आपल्या उपजीविकेसाठी पुणे शहरापर्यंत रोज दुचाकी अथवा चारचाकी वाहनांद्वारे यावे लागत आहे . या वाहनांद्वारे दैनंदिन प्रवास केल्यामुळे अनेक नागरिक , कर्मचारी वर्गाला आरोग्य समस्येला तोंड द्यावे लागत होते.  आज निगडी ते लोणावळा बस सेवा सुरु झाल्यामुळे या भागातील नागरिक , विद्यार्थी, व्यापारी वर्ग यांना आज दिलासा मिळाला आहे. तसेच जे अनेक नागरिक दैनंदिन कामानिमित्त दोन्ही शहरात वाहनांनी येत असतात त्यांना पी.एम.पी.एम.एलची वाहतूक सेवा उपलब्ध झाल्याचे समाधान नगरसेविका प्रा.सौ.ज्योत्स्ना एकबोटे यांनी आपल्या मनोगतात व्यक्त केले.
निगडी ते लोणावळा बस सेवेचा शुभारंभ आज पिंपरी चिंचवड च्या महापौर उषा उर्फ माई ढोरे,उपमहापौर नानी उर्फ हिराबाई घुले , नगरसेविका मा प्रा.सौ.ज्योत्स्ना एकबोटे उपाध्यक्ष – नाव समिती पुणे महानगरपालिका, पिंपरी चिंचवडचे स्थानिक नगरसेविका सुमन पवळे ,नगरसेवक सचिन चिखले, पीएमपीएमएलचे मुख्य वाहतूक व्यवस्थापक दत्तात्रय झेंडे , निगडी आगाराचे प्रमुख  शांताराम वाघेरे या मान्यवरांच्या प्रमुख उपस्थितीत झाला . महापौर उषा ढोरे यांच्या निगडी ते लोणावळा या बससेवेचे वाहन चालक ,वाहक यांचा सत्कार करण्यात आला.