Tag: Rupali Dhadve

PMC Schools : Personality Devlopment : महापालिकेच्या शाळांमध्ये आता व्यक्तिमत्व विकास कार्यशाळा!

Categories
Breaking News Education PMC Political पुणे

महापालिकेच्या शाळांमध्ये आता व्यक्तिमत्व विकास कार्यशाळा

: राजीव गांधी ई लर्निंग स्कूल व शामराव श्रीपत बराटे शाळा यामधून होणार सुरुवात

पुणे : पुणे महानगरपालिकेच्या शाळांमध्ये (PMC schools) कौशल्य प्रशिक्षण अंतर्गत विदयार्थ्यांसाठी व्यक्तिमत्व विकास कार्यशाळा (Personality Devlopment Training) सुरू करण्यात येणार आहे. याची सुरूवात प्रायोगिक तत्वावर (Pilot project)  राजीव गांधी ई लर्निंग स्कूल व शामराव श्रीपत बराटे शाळा, दिगंबरवाडी येथून करण्यात येईल. याबाबतच्या प्रस्तावाला नुकतीच महिला बाल कल्याण समितीने (women and child welfare committe) मान्यता दिली आहे. अशी माहिती समितीच्या अध्यक्ष रुपाली धाडवे (Rupali Dhadave) यांनी दिली.

: महिला बाल कल्याण समितीची मान्यता

याबाबतचा प्रस्ताव विरोधी पक्ष नेत्या दीपाली धुमाळ (Deepali Dhumal) आणि काँग्रेस गटनेते आबा बागूल (Aba Bagul) यांनी महिला बाल कल्याण समिती समोर दिला होता. त्यानुसार पुणे महापालिकेच्या शाळांमध्ये प्रामुख्याने गोरगरीब व दारिद्रय रेषेखालील कुटुंबातील विदयार्थी शिक्षण घेतात. अशा कुटुंबातील विदयार्थ्यांना इतर खाजगी शाळांप्रमाणे सेवा सुविधा व शिक्षणाचा दर्जा देण्याबाबत प्रामाणिक प्रयत्न महापालिकेच्या शिक्षण विभागाकडून नेहमीच केला जातो. विदयार्थ्यांच्या दृष्टीने त्यांच्या भविष्यातील यशस्वी कारकीर्दीसाठी शालांत / माध्यमिक म्हणजेच इयत्ता १० वीच्या परीक्षेच्या टप्पा महत्वाचा असतो, किंबहुना यशस्वी कारकीर्द घडण्यासाठी महत्वाचा मानला जातो. इयत्ता ७ वी ते १० वी या शैक्षणिक टप्प्यात विदयार्थ्यांच्या शारिरिक वाढीसोबत मानसिक व वैचारिक धारणांमध्ये दिर्घ परिणाम करणारे बदल होत असतात. खाजगी शाळांमध्ये जाणारे बहुतांशी विदयार्थी हे समाजाच्या मध्यम / उच्च मध्यम वर्गाचे प्रतिनिधीत्व करतात. अशा विदयार्थ्यांना खाजगी शाळांमधून तसेच त्यांच्या कुटुंबामधून अथवा विविध उपलब्ध साधनांद्वारे व्यक्तिमत्व विकासाचे मार्गदर्शन उपलब्ध होते. पुणे मनपाच्या विविध शाळांमधील इयत्ता ७ वी ते १० वी या इयत्तांमधील विदयार्थ्यांना त्यांचे व्यक्तिमत्व विकासासाठी शिक्षणेतर उपक्रम महापालिकेच्या माध्यमातून राबविणे हे अतिशय हितावह व दूरगामी सामाजिक परिणाम करणारे ठरेल. गेली अदमासे २ वर्षे कोविड प्रादुर्भावामुळे विदयार्थ्यांचे शालेय शिक्षण प्रत्यक्ष तासिकांद्वारे होवू शकलेले नाही. याचा थेट परिणाम मुलांच्या मानसिक आरोग्यावर देखील झालेला आहे हे नाकारता येणार नाही. सबब पुणे महानगरपालिकेच्या शाळांमध्ये कौशल्य प्रशिक्षण अंतर्गत विदयार्थ्यांसाठी व्यक्तिमत्व विकास कार्यशाळा सुरू करावी. याची सुरूवात प्रायोगिक तत्वावर राजीव गांधी ई लर्निंग स्कूल व शामराव श्रीपत बराटे शाळा, दिगंबरवाडी येथून करण्यात यावी. या प्रस्तावाला समितीने मान्यता दिली आहे.

Health Checkup Camp : Rupali Dhadve : PMC : आता 8 मार्च ला दरवर्षी महिलांसाठी महापालिकेकडून आरोग्य तपासणी शिबीर 

Categories
Breaking News PMC Political social आरोग्य पुणे

आता 8 मार्च ला दरवर्षी महिलांसाठी महापालिकेकडून आरोग्य तपासणी शिबीर

: महिला बाल कल्याण समितीने मान्य केला प्रस्ताव

पुणे : पुणे शहरातील सर्व महिलांसाठी ( All women in Pune city)  पुणे महानगरपालिकेच्या सर्व दवाखान्यात व रूग्णालयांमध्ये (All PMC hospitals) महिलांसाठी आरोग्य विभागामार्फत मोफत प्राथमिक आरोग्य तपासणी शिबीर (Health check up camp) आयोजित करण्यात येणार आहे. त्यातूनच त्यांना अॅनिमिया, ब्रेस्ट कॅन्सर इ. प्रकारच्या आजारांबद्दलची जनजागृती करून द्यावी, जेणेकरून त्यांच्या आरोग्याची काळजी घेतली जाईल. जागतिक महिलादिनानिमित्त ( International women’s day) हे आरोग्य शिबीर यावर्षी प्रमाणे दरवर्षी ८ मार्च रोजी राबविण्यात येणार आहे. याबाबतच्या प्रस्तावाला बुधवारी महिला बाल कल्याण समितीच्याबैठकीत मान्यता देण्यात आली. अशी माहिती समितीच्या अध्यक्षा रुपाली धाडवे  Chairman Rupali Dhadve)  यांनी दिली.

: असा आहे प्रस्ताव

पुणे शहर मध्ये आवश्यक त्या सर्व वैद्यकीय सुविधा मोठ्या प्रमाणात जलद गतीने पुणे शहरामध्ये उपलब्ध असतात. सध्याच्या २१ व्या शतकात व्यवसाय, नोकरी इ. ठिकाणी पुरूषांच्या बरोबरीने महिलाही काम करतात. सध्याच्या धकाधकीच्या काळात महिलांना कौटुंबिक जवाबदारी बरोबरच त्यांना कार्यालयीन अथवा व्यावसायिक जवाबदारीही पार पाडावी लागते. सहाजिकच या धावपळीचा महिलांच्या मानसिक आणि शारिरीक आरोग्यावर विपरीत परिणाम होतो. परंतु, महिलांमध्ये पूर्वप्राथमिक तपासण्या करून घेवून आपल्या आरोग्याची काळजी घेण्याकडे कमी कल दिसून येतो. यातूनच असाध्य रोगाचे निदान महिलांमध्ये जास्त प्रमाणावर होत असल्याचे दिसून येते. महिला, किशोरवयीन मुलींना रोगपूर्व निदान तपासणी व कौन्सलिंग करून महिला व किशोरवयीन मुलींमध्ये आरोग्याचे महत्व अधोरेखित केले पाहिजे. त्या योगे पुणे शहरातील झोपडपट्टी भाग व पुणे महानगरपालिकेच्या शाळेमध्ये शिकणाऱ्या विद्यार्थीनीमध्ये आरोग्य विषयक जनजागृती करणे अधिक आवश्यक असल्याचे दिसून येते. ८ मार्च हा दिवस जागतिक महिला दिन म्हणून साजरा केला जातो. या दिनाचे औचित्य साधून पुणे महानगरपालिकेच्या शाळेतील इयत्ता ७ वी ते इयत्ता १० वी पर्यंतच्या किशोरवयीन मुलींसाठी पुणे महानगरपालिकेच्या आरोग्य विभागामार्फत मोफत प्राथमिक आरोग्य तपासणी शिबीर आयोजित करावे. तसेच पुणे शहरातील सर्व महिलांसाठी पुणे महानगरपालिकेच्या सर्व दवाखान्यात व रूग्णालयांमध्ये महिलांसाठी आरोग्य विभागामार्फत मोफत प्राथमिक आरोग्य तपासणी शिबीर आयोजित करण्यात यावे. त्यातूनच त्यांना अॅनिमिया, ब्रेस्ट कॅन्सर इ. प्रकारच्या आजारांबद्दलची जनजागृती करून द्यावी, जेणेकरून त्यांच्या आरोग्याची काळजी घेतली जाईल. जागतिक महिलादिनानिमित्त सदरचे आरोग्य शिबीर यावर्षी प्रमाणे दरवर्षी ८ मार्च रोजी राबविण्यात यावे. या प्रस्तावाला महिला बाल कल्याण समितीने मान्यता दिली आहे.

Free Bus : Rupali Dhadve : International Womens Day : 8 मार्च ला शहरातील सर्व महिलांसाठी पीएमपीचा मोफत प्रवास! 

Categories
Breaking News PMC social पुणे

8 मार्च ला शहरातील सर्व महिलांसाठी पीएमपीचा मोफत प्रवास!

: महिला बाल कल्याण समितीचा निर्णय

पुणे : 8 मार्च हा जागतिक महिला दिन (International Women’s day)  म्हणून साजरा केला जातो. या दिनानिमित्त आणि या वर्षांपासून 8 मार्च दिवशी पीएमपीच्या (PMPML)  सर्व बसचा प्रवास शहरातील सर्व महिलांसाठी मोफत (free)  असेल. याबाबतचा प्रस्ताव महिला बाल कल्याण समितीच्या (Women and child welfare committee)  बैठकीत मान्य करण्यात आला आहे. अशी माहिती समितीच्या अध्यक्ष रुपाली धाडवे ( Chairman Rupali Dhadve) यांनी दिली.

: काय आहे प्रस्ताव?

८ मार्च हा दिवस जागतिक महिला दिन म्हणून साजरा केला जातो. या दिनाचे औचित्य साधून दि.०८ मार्च २०२२ या सालापासून दरवर्षी पुणे शहरातंर्गत पी.एम.पी.एम.एल.च्या सर्व मार्गावरील बस फेऱ्या संपूर्ण दिवस सर्व महिलांसाठी मोफत उपलब्ध करून देण्यात याव्यात. सदरचा उपक्रम यावर्षी प्रमाणे दरवर्षी ८ मार्च रोजी जागतिक महिला दिनानिमित्त राबविण्यात यावा.

पीएमपीच्या तेजस्विनी बस सहित सर्व बसमधून 8 मार्च ला शहरातील महिलांना मोफत प्रवास करता येईल. तसा निर्णय महिला बाल कल्याण समितीच्या बैठकीत घेण्यात आला आहे.
: रुपाली धाडवे, अध्यक्षा, महिला बाल कल्याण समिती.

PMC Schools : Rupali Dhadve : महापालिकेचे 10 वी चे विद्यार्थी करणार “आयडियल स्टडी”!  : ऍप खरेदी करण्याचा प्रस्ताव 

Categories
Breaking News Education PMC पुणे

महापालिकेचे 10 वी चे विद्यार्थी करणार “आयडियल स्टडी”!

: ऍप खरेदी करण्याचा प्रस्ताव

पुणे :  कोरोना महामारीच्या काळात सर्व शाळा बंद होत्या. सद्यस्थितीत इयत्ता ७ वी पासून पुढील इयत्तेचे वर्ग सुरू करण्यात आले आहेत. कोरोना महामारीच्या काळात विद्यार्थ्यांच्या शिक्षणामध्ये ऑनलाईन शिक्षण पद्धतीमुळे खंड जरी पडला नसला तरी शिक्षणाच्या गुणवत्तेवर त्याचा परिणाम झालेला दिसून येत आहे. इयत्ता १० वी हे माध्यमिक शिक्षणातील महत्वपूर्ण वर्ग असून विद्यार्थ्यांच्या आयुष्याला कलाटणी देणारे महत्वपूर्ण वर्ष आहे. इयत्ता दहावीच्या विद्यार्थ्यांसाठी आयडियल स्टडी अॅप हे वरदान ठरणारे आहे. या अॅपमुळे पुणे महानगरपालिकेतील इयत्ता दहावीच्या विद्यार्थ्यांची अभ्यासाची गुणवत्ता वाढविण्यास मोलाची मदत होईल. त्यामुळे हे ऍप खरेदी करण्याचा प्रस्ताव महिला बाल कल्याण समितीच्या अध्यक्षां रुपाली धाडवे यांनी समिती समोर ठेवला आहे. यावर पुढील बैठकीत चर्चा होईल.

: महिला बाल कल्याण समितीसमोर प्रस्ताव

प्रस्तावानुसार सध्याचे जग हे ऑनलाईन पद्धतीचे असल्याने पुणे महानगरपालिकेतील इयत्ता १० वी च्या विद्यार्थ्यांना पाठ्यअभ्यासक्रम ऑनलाईन पद्धतीचा अवलंब करून शिकवला तर त्या विद्यार्थ्यांना अभ्यास करण्यासाठी अधिक आवड निर्माण होईल. व ते ऑनलाईन शिक्षण प्रणालीच्या माध्यमातून घरीसुद्धा स्व-अध्ययनाच्या मार्गातून ज्ञानार्जन करू शकतील. त्यामुळे कोणत्याही महामारीच्या पार्श्वभूमीवर त्यांच्या शिक्षणात खंड पडणार नाही. आयडिल स्टडी या अॅपमध्ये पाठ्यपुस्तकातील सर्वच गोष्टी सदर अॅप मध्ये समाविष्ट करण्यात आल्या आहेत. विद्यार्थ्यांच्या आकलनासाठी, उजळणीसाठी नोट्स, प्रत्येक पाठाचे मुद्दे, प्रश्नोत्तरे, सुत्रे, एम.सी.क्यू., भाषा विषयांसाठी खास मूळ व्याकरण, सरावासाठी प्रत्येक पाठाच्या प्रश्नपत्रिका,आदर्श उत्तरपत्रिका, विद्यार्थ्यांना सोपे जाईल असे प्रत्येक पाठाचे अॅनिमेटेड व्हिडिओ इ. या अॅपमध्ये उपलब्ध आहे. त्यामुळे हे अॅप पुणे महानगरपालिकेतील इयत्ता दहावीच्या विद्यार्थ्यांसाठी उपलब्ध करून दिल्यास पुणे महानगरपालिकेतील इयत्ता दहावीच्या विद्यार्थ्यांसाठी आयडियल स्टडी अॅप हे वरदान ठरणारे आहे. या अॅपमुळे पुणे महानगरपालिकेतील इयत्ता दहावीच्या विद्यार्थ्यांची अभ्यासाची गुणवत्ता वाढविण्यास मोलाची मदत होईल. तरी पुणे महानगरपालिकेच्या शाळेत शिकणा-या इयत्ता दहावी माध्यमाच्या विद्यार्थ्यांसाठी आयडिल स्टडी हे अॅप खरेदी करण्यासाठी पुणे महानगरपालिकेच्या प्राथमिक व माध्यमिक शिक्षण विभागामार्फत तरतूद उपलब्ध करून खरेदी करण्यास मान्यता देण्यात यावी व सदर अॅप विद्यार्थ्यांना मोफत उपलब्ध करून देण्यात यावे. असे प्रस्तावात म्हटले आहे.

PMC : Bus Toilet : “ती” बस टॉयलेटच्या वापरासाठी आता पैसे नाही पडणार! 

Categories
Breaking News PMC पुणे

“ती” बस टॉयलेटच्या वापरासाठी आता पैसे नाही पडणार!

 : बस बाबत महिला बाल कल्याण समितीचे सदस्य समाधानी

: सदस्यांनी बस ची केली पाहणी

पुणे : पुणे शहरामध्ये महिलांकरिता ११ “ती” बस टॉयलेट कार्यरत आहेत.  स्वच्छ “ती” बसटॉयलेटमध्ये सॅनिटरी पॅड डिस्पोजल मशीन, टॉयलेट सीट सॅनिटायझर, हॅन्ड सॅनिटायझर, जनजागृती विषयक माहिती देण्यासाठी टीव्ही इत्यादी सुविधा आहेत.  ‘ती” बस टॉयलेटची दैनंदिन देखभाल दुरूस्ती व अनुषंगिक कामे ११ महिने करिता प्रायोगिक तत्वावर करणेबाबत साराप्लास्ट यांचे समवेत करारनामा करण्यात आला होता. तो संपला असून नवीन करारनामा करण्याबाबत प्रशासनाकडून महिला बाल कल्याण समिती समोर प्रस्ताव दाखल करण्यात आला आहे. यावर मागील बैठकीत चर्चा झाली होती कि  समितीचे सदस्य ती बस ची पाहणी करतील. त्यानंतरच सदरच्या प्रस्तावाला मंजुरी द्यायचे अथवा नाही, हे ठरवले जाईल. त्यानुसार सदस्यांनी मंगळवारी या बस ची पाहणी केली. समितीचे सदस्य या बस च्या सुविधे बाबत समाधानी आहेत. मात्र काही उपसूचना देऊन हा प्रस्ताव मंजूर केला जाईल. त्यामध्ये बस मध्ये खाद्य पदार्थ ठेवण्यास मनाई करण्यात येईल. शिवाय बस टॉयलेट वापरासाठी पैसे घेतले जाणार नाहीत. याचा यामध्ये समावेश असेल. अशी माहिती समितीच्या अध्यक्षा रुपाली धाडवे यांनी दिली.

: प्रशासनाचा असा आहे प्रस्ताव

महापालिका प्रशासनाच्या प्रस्तावानुसार  पीएमपीएमएलच्या वापरात न येणाऱ्या बसेस चे रुपांतर महिलांची गैरसोय होऊ नये याकरिता टॉयलेटमध्ये करण्यात आले. ‘ती” बस टॉयलेटची दैनंदिन देखभाल दुरूस्ती व अनुषंगिक कामे ११ महिने करिता प्रायोगिक तत्वावर करणेबाबत साराप्लास्ट यांचे समवेत करारनामा करण्यात आला होता. याबाबत पुणे महानगरपालिकेकडून ठेकेदाराला ( साराप्लास्ट ) कोणताही मोबदला देण्यात आलेला नाही. सदर करारनामा यामध्ये धुण्याची मशीन, पाण्याची बाटली यांची विक्री करून देखभाल दुरूस्ती करणे इ. बाबींचा समावेश करण्यात आला होता . सदर एजन्सी बरोबरचे करारनामा दि. ५ सप्टेंबर 2019 रोजी संपुष्टात आला आहे. तसेच बाणेर येथील “ती” बस येथे वडापाव व समोसा विक्री करण्यात येत असल्या बद्दल आक्षेप घेण्यात आला होता.  २१/०२/२०२१ रोजी ऑनलाईन कोटेशन द्वारे ती बस टॉयलेटची देखभाल व दुरुस्ती करणेकरिता दर मागविण्यात आले असता मे. साराप्लास्ट प्रा. लि. व नारळे कन्सट्रक्शन्स या २ ठेकेदार यांनी अनुक्रमे र रु १८,०००/- व ३,६०,०००/- प्रति बस प्रती महिना याप्रमाणे प्राप्त झाले आहेत. या अनुषंगाने सद्यस्थितीत मे. साराप्लास्ट प्रा. लि. याचे सर्वात कमी दर असून सदरच्या कंपनीकडून देखभाल व दुरुस्ती करून घेणे शक्य होऊ शकते. तथापि  एजन्सी (साराप्लास्ट) यांनी पुढील ५ वर्षाकरीता सी एस आर पद्धतीने पुन्हा काम करण्यास इच्छुक असून सध्या स्थितीत असलेले ११ ती बसेसची देखभाल व दुरुस्ती करून घेणेबाबत उल्लेख करण्यात आला आहे .सदरच्या “ती” बस मध्ये २ कम्पार्टमेंट असून १ कम्पार्टमेंटमध्ये टॉयलेट व वॉश बेसिन असून दुसऱ्या कम्पार्टमेंटमध्ये चहा , कॉफी व कोल्ड्रिंक्स यासारख्या पदार्थांची विक्री करून तसेच जाहिरात, पे अॅण्ड युज, भाडेतत्वावर या मधून उत्पन्न घेऊन त्याद्वारे देखभाल व दुरुस्ती करणेबाबत प्रस्ताव दिला आहे. सध्यस्थितीत देण्यात आलेल्या प्रस्तावात चहा, कॉफी व कोल्ड्रिंक्स यासारख्या पदार्थांची विक्री करण्याबाबतच्या बाबी नव्याने नमूद करण्यात आल्या असून या बाबी यापूर्वीच्या ११ महिन्याच्या करारनामा यामध्ये नमूद करण्यात आल्या नव्हत्या. तसेच महानगरपालिके कडून ठेकेदाराला (साराप्लास्ट) कोणताही मोबदला देण्यात येणार नाही. या प्रस्तावावर मागील शुक्रवार च्या बैठकीत चर्चा झाली होती.

: खाद्य पदार्थाची विक्रीला विरोधच

सदस्यांनी मंगळवारी या बस ची पाहणी केली. समितीचे सदस्य या बस च्या सुविधे बाबत समाधानी आहेत. मात्र काही उपसूचना देऊन हा प्रस्ताव मंजूर केला जाईल. त्यामध्ये बस मध्ये खाद्य पदार्थ ठेवण्यास मनाई करण्यात येईल. कारण या आधी देखील खाद्य पदार्थ ठेवण्यास विरोध झाला होता.  शिवाय बस टॉयलेट वापरासाठी पैसे घेतले जाणार नाहीत. याचा यामध्ये समावेश असेल. समितीची बुधवारी बैठक घेण्अयात आली. मात्र  तहकूब करण्यात आली. आता पुढील बैठकीत यावर निर्णय घेतला जाईल. अशी  माहिती समितीच्या अध्यक्षा रुपाली धाडवे यांनी दिली.

—

ती बस च्या प्रस्तावावर  मागील बैठकीत चर्चा झाली होती कि  समितीचे सदस्य ती बस ची पाहणी करतील. त्यानंतरच सदरच्या प्रस्तावाला मंजुरी द्यायचे अथवा नाही, हे ठरवले जाईल. त्यानुसार सदस्यांनी मंगळवारी या बस ची पाहणी केली. समितीचे सदस्य या बस च्या सुविधे बाबत समाधानी आहेत. मात्र काही उपसूचना देऊन हा प्रस्ताव मंजूर केला जाईल.

         : रुपाली धाडवे, अध्यक्षा, महिला बाल कल्याण समिती

Ti Toilet : PMC : “ती” बस ची महिला बाल कल्याण समितीचे सदस्य करणार पाहणी 

Categories
PMC पुणे

“ती” बस ची महिला बाल कल्याण समितीचे सदस्य करणार पाहणी

: त्यानंतरच देखभाल व दुरुस्ती करण्याच्या प्रस्तावावर चर्चा

पुणे : पुणे शहरामध्ये महिलांकरिता ११ “ती” बस टॉयलेट कार्यरत आहेत.  स्वच्छ “ती” बसटॉयलेटमध्ये सॅनिटरी पॅड डिस्पोजल मशीन, टॉयलेट सीट सॅनिटायझर, हॅन्ड सॅनिटायझर, जनजागृती विषयक माहिती देण्यासाठी टीव्ही इत्यादी सुविधा आहेत.  ‘ती” बस टॉयलेटची दैनंदिन देखभाल दुरूस्ती व अनुषंगिक कामे ११ महिने करिता प्रायोगिक तत्वावर करणेबाबत साराप्लास्ट यांचे समवेत करारनामा करण्यात आला होता. तो संपला असून नवीन करारनामा करण्याबाबत प्रशासनाकडून महिला बाल कल्याण समिती समोर प्रस्ताव दाखल करण्यात आला आहे. यावर शुक्रवार च्या बैठकीत चर्चा झाली. त्यानुसार येत्या आठवड्यात समितीचे सदस्य ती बस ची पाहणी करतील. त्यानंतरच सदरच्या प्रस्तावाला मंजुरी द्यायचे अथवा नाही, हे ठरवले जाईल. अशी माहिती समितीच्या अध्यक्ष रुपाली धाडवे यांनी दिली.

: प्रशासनाकडून प्रस्ताव दाखल

सुरुवातीस पीएमपीएमएलच्या वापरात न येणाऱ्या बसेस चे रुपांतर महिलांची गैरसोय होऊ नये याकरिता टॉयलेटमध्ये करण्यात आले. ‘ती” बस टॉयलेटची दैनंदिन देखभाल दुरूस्ती व अनुषंगिक कामे ११ महिने करिता प्रायोगिक तत्वावर करणेबाबत साराप्लास्ट यांचे समवेत करारनामा करण्यात आला होता. याबाबत पुणे महानगरपालिकेकडून ठेकेदाराला ( साराप्लास्ट ) कोणताही मोबदला देण्यात आलेला नाही. सदर करारनामा यामध्ये धुण्याची मशीन, पाण्याची बाटली यांची विक्री करून देखभाल दुरूस्ती करणे इ. बाबींचा समावेश करण्यात आला होता . सदर एजन्सी बरोबरचे करारनामा दि. ५ सप्टेंबर 2019 रोजी संपुष्टात आला आहे. तसेच बाणेर येथील “ती” बस येथे वडापाव व समोसा विक्री करण्यात येत असल्या बद्दल आक्षेप घेण्यात आला होता.  २१/०२/२०२१ रोजी ऑनलाईन कोटेशन द्वारे ती बस टॉयलेटची देखभाल व दुरुस्ती करणेकरिता दर मागविण्यात आले असता मे. साराप्लास्ट प्रा. लि. व नारळे कन्सट्रक्शन्स या २ ठेकेदार यांनी अनुक्रमे र रु १८,०००/- व ३,६०,०००/- प्रति बस प्रती महिना याप्रमाणे प्राप्त झाले आहेत. या अनुषंगाने सद्यस्थितीत मे. साराप्लास्ट प्रा. लि. याचे सर्वात कमी दर असून सदरच्या कंपनीकडून देखभाल व दुरुस्ती करून घेणे शक्य होऊ शकते. तथापि  एजन्सी (साराप्लास्ट) यांनी पुढील ५ वर्षाकरीता सी एस आर पद्धतीने पुन्हा काम करण्यास इच्छुक असून सध्या स्थितीत असलेले ११ ती बसेसची देखभाल व दुरुस्ती करून घेणेबाबत उल्लेख करण्यात आला आहे .सदरच्या “ती” बस मध्ये २ कम्पार्टमेंट असून १ कम्पार्टमेंटमध्ये टॉयलेट व वॉश बेसिन असून दुसऱ्या कम्पार्टमेंटमध्ये चहा , कॉफी व कोल्ड्रिंक्म यासारख्या पदार्थांची विक्री करून तसेच जाहिरात, पे अॅण्ड युज, भाडेतत्वावर या मधून उत्पन्न घेऊन त्याद्वारे देखभाल व दुरुस्ती करणेबाबत प्रस्ताव दिला आहे. सध्यस्थितीत देण्यात आलेल्या प्रस्तावात चहा, कॉफी व कोल्ड्रिंक्स यासारख्या पदार्थांची विक्री करण्याबाबतच्या बाबी नव्याने नमूद करण्यात आल्या असून या बाबी यापूर्वीच्या ११ महिन्याच्या करारनामा यामध्ये नमूद करण्यात आल्या नव्हत्या. तसेच महानगरपालिके कडून ठेकेदाराला (साराप्लास्ट) कोणताही मोबदला देण्यात येणार नाही. या प्रस्तावावर  शुक्रवार च्या बैठकीत चर्चा झाली. त्यानुसार येत्या आठवड्यात समितीचे सदस्य ती बस ची पाहणी करतील. त्यानंतरच सदरच्या प्रस्तावाला मंजुरी द्यायचे अथवा नाही, हे ठरवले जाईल.

: सद्य स्थितीत एकूण ११ “ती” बसेस

१) सिंध सोसायटी आय टी आय रोड औंध
२) संभाजी पार्क , जे एम रोड, शिवाजीनगर
३) सिमला ऑफीस, शिवाजीनगर
४) शनिवारवाडा
५) ग्रीन पार्क हॉटेल, बाणेर
६) आनंद नगर , सिंहगड रोड
७) छत्रपती शिवाजी उद्यान, बोपोडी
८) आर टी ओ ऑफीस जवळ,फुले नगर
९) बसस्टॉप, लोहगाव
१०) पोलीस चौकि जवळ, विश्रांत वाडी
११) संविधान चौक, वानवडी

PMC : Health Centre : प्रभाग क्र. १४ क मध्ये अत्याधुनिक स्वरूपाचे आरोग्य केंद्र उभारणार : महिला बाल कल्याण समितीची मान्यता 

Categories
PMC आरोग्य पुणे

प्रभाग क्र. १४ क मध्ये अत्याधुनिक स्वरूपाचे आरोग्य केंद्र उभारणार

: महापालिकेच्या महिला बाल कल्याण समितीची मान्यता

पुणे:  प्रभाग क्र. १४ क मतदारसंघात महिलांसाठी व ज्येष्ठ नागरिकांसाठी स्वतंत्र अत्याधुनिक स्वरूपाचे आरोग्य केंद्र सदय स्थितीत नाही. हे कोरोनाच्या कालात अधिक प्रकर्षाने जाणवले. त्यामुळे अशा स्वरूपाच्या आरोग्य केंद्राच्या माध्यमातून महिलासाठी व ज्येष्ठ नागरिकांसाठी आवश्यक असणा-या सर्व वैदयकिय चाचण्या एकाच  छताखाली महानगरपालिकेमार्फत करण्यात याव्यात. त्यामुळे प्रभागात अत्याधनिक स्वरूपाचे आरोग्य केंद्र असावे, अशी मागणी नगरसेविका ज्योत्स्ना एकबोटे यांनी केला होती. याबाबत एक प्रस्ताव महिला बाल कल्याण समितीसमोर ठेवण्यात आला होता. त्यावर प्रशासनाकडून सकारात्मक अभिप्राय आला होता. त्याला समितीने नुकतीच मंजुरी दिली आहे. अशी माहिती समितीच्या अध्यक्षा रुपाली धाडवे यांनी दिली.

: प्रशासनाचा सकारात्मक अभिप्राय

प्रस्तावानुसार हे केंद्र उभारण्यासाठी महापालिकेच्या अखत्यारीत असणा-या शिवाजीनगर घोलेरोड क्षेत्रिय कार्यालयाच्या परिसरातील फायनल प्लॉट क्र. ५६६ अ (५२०२ आरोग्य कोठी) जागेचा वापर करण्यात यावा. याजागेचा वापर करून त्याठिकाणी बहमजली अत्याधुनिक स्वरूपाचे आरोग्य केंद्र महिलांसाठी व ज्येष्ठ नागरिकांसाठी उभारण्यात यावे, याबाबत प्रस्ताव दिला होता. त्यावर महिला व बाल कल्याण समिती सभेने प्रशासनाचा अभिप्राय मागवला होता. त्यावर प्रशासनाने सकारात्मक अभिप्राय दिला आहे.
त्यानुसार प्रस्तावित जागा घोलेरोड क्षेत्रिय कार्यालयाच्या कार्यकक्षेत आहे. जागेचे क्षेत्रफळ अंदाजे ५००० चौ. फुट असून सध्या येथे घोलेरोड क्षेत्रिय कार्यालयाकडील घनकचरा व्यवस्थापन विभागाची कोठी कार्यरत आहे. सदरच्या प्रभागामध्ये प्रस्तूत जागेपासून ५ कि.मी.च्या परिसरामध्ये पुणे महानगरपालिकेचे आरोग्य सुविधा केंद्र उपलब्ध नाही. तसेच ५ कि.मी.पेक्षा जास्त परिघामध्ये उपलब्ध असणा-या पणे महानगरपालिकेच्या आरोग्य केंद्रामध्ये सर्व प्रकारच्या लॅब तपासण्या उपलब्ध नाहीत.सदर ठिकाणी होणा-या बहुमजली इमारतीचे काम आर्थीक तरतुद उपलब्ध झाल्यास करता येणे शक्य आहे. सदर आरोग्य केंद्रामध्ये प्रयोगशाळा व इतर अनुषंगीक बाबी करीता सर्व आवश्यक यंत्रसामग्री सीएसआर मधुन करता येईल. सदरच्या प्रभागामध्ये गावठाण व झोपडपट्टी असा भाग असल्याकारणाने तेथील गरीब व गरजू रूग्णांना आरोग्य विषयक सेवेचा फायदा होणार आहे. सदर ठिकाणी पुणे महानगरपालिकेमार्फत आरोग्य केंद्र व आरोग्य विषयक विविध सुविधा पुरविताना केवळ बाहयरूग्ण विभाग सेवा पुरविणे शक्य होईल. बाहय रुग्ण सेवेव्यतिरीक्त इतर सुविधा पुरवावयाची झाल्यास पुणे मनपाकडे आवश्यक मनुष्यबळ नसल्याने पीपीपी तत्वावर अथवा आउटसोर्स पध्दतीने इतर सेवा पुरविणे शक्य होईल. या अभिप्रायाला समितीने मान्यता दिली आहे. असे ही धाडवे यांनी सांगितले.