पुणे | बीआरटी मार्गातील चौक आणि पंक्चरच्या ठिकाणी ट्रैफिक वॉर्डन सेवकांचे ऊन तसेच पावसापासून संरक्षण करण्याकरीता पिंपरी चिंचवड मनपा हद्दीमधील बीआरटी मार्गाच्या धर्तीवर ट्रैफिक वॉर्डन शेल्टर बसविणे आवश्यक आहे. अशी मागणी पीएमपी च्या बीआरटी व्यवस्थापकांनी महापालिका पथ विभागाकडे केली आहे.

पुणे महानगरपालिका हद्दीमधील संगमवाडी ते विश्रांतवाडी, येरवडा ते आपले घर आणि स्वारगेट या बीआरटी मार्गामधून परिवहन महामंडळामार्फत बसेसचे संचलन करण्यात येते. या  बीआरटी मार्गामध्ये वाहतुकीचे नियमन करण्याकरिता तसेच बीआरटी मार्गामधील खाजगी वाहनांची घुसखोरी रोखण्याकरिता बीआरटी मार्गामधील चौक तसेच पंक्चरमध्ये परिवहन महामंडळामार्फत ट्रैफिक वार्डन / सुरक्षारक्षक सेवकांची नियुक्ती करण्यात आलेली आहे. या बीआरटी मार्गातील चौक आणि पंक्चरच्या ठिकाणी ट्रैफिक वॉर्डन सेवकांचे ऊन / पावसापासून संरक्षण करण्याकरीता पिंपरी चिंचवड मनपा हद्दीमधील बीआरटी मार्गाच्या धर्तीवर ट्रैफिक वॉर्डन शेल्टर बसविणे आवश्यक आहे. वरील नमूद बीआरटी मार्गामधील चौक आणि पंक्चरमध्ये आपल्या विभागामार्फत ट्रॅफिक वॉर्डन शेल्टर बसवून मिळावेत. अशी मागणी  बीआरटी व्यवस्थापक, पुणे महानगर परिवहन महामंडळ यांनी महापालिका पथ विभागाकडे केली आहे.