पुणे महानगरपालिकेत 23 गावे नव्याने समाविष्ट करण्यात आले. तेव्हा येथिल नागरिकांना अनेक समस्यांना सामोरे जावे लागत होते. सुसगावातील महादेव नगर मध्ये वीज देखील नव्हती. मात्र आप चे कार्यकर्ते ऋषिकेश कानवटे यांच्या पाठपुराव्यानंतर परिसरात अखेर वीज आली आहे.

 कानवटे यांनी सांगितले कि, सुसगावातून महादेव नगर परिसराकडे जाण्यासाठी नागरिकांना अजून देखिल तारेवरची कसरत करतच जावे लागत आहे. हे गाव समाविष्ट करण्यात आले तेव्हा नगरविकास विभागाने कसलीही पुर्वतयारी न करता गावे समाविष्ट केली होती. आज घडीला मी महापालिका आयुक्त व राज्य शासनाच्या नगरविकास विभागासोबत गेली एक वर्ष वारंवार पाठपुरावा केल्यानंतर आज घडीला महादेव नगर (सुसगाव) मध्ये विजेचे खांब लावले गेले आहे. त्यामुळे येथिल नागरिकांनी समाधान व्यक्त केले आहे. त्यांना या घडीला थोडासा तरी दिलासा मिळाला आहे. लवकरात लवकर रस्त्याचे काम करावे यासाठी पाठपुरावा करत असल्याचे आम आदमी पक्षाचे कार्यकर्ते ऋषिकेश कानवटे यांनी सांगितले.